|
يا حبيب التعديلات الأخيرة في المنبر (مع الإحترام)
|
سلام يا حبيب .. بكل تأكيد بعضها موفق و بعضها عكس ذلكـ ..
إعتدنا علي شكل المنبر الذي يميزه عن الكثير من المنتديات الأخري .. اليوم وجدت ما تسميه ( ثابت ) .. يا حبيب ما عارف ليه ذكرتني أيام البوليس الخوالي .. في المنتديات الاخري يكون إسمها (مثبت) بصراحة شديدة الحركة دي خربت شكل المنبر نهائياً و شكلها ما جميل خالص .. و أتمني أن يتم إعادة النظر فيها ....
_ العناوين المعلقة مالها عيبها لي !! مميزة الموقع عن بقيت المنتديات ..
|
|
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: فيصل نوبي)
|
بنفس الطريقة .. موضوع حفظ الصور .. يا حبيب هنالكـ الكثير من الطرق لحفظ الصور غير الـ(right click) و من يرغب في حفظ الصور سوف يجد طريقه الي ذلكـ رغم أنف الـ(right click) اللي عملتها دي .. نعتمد كثيراً في المنبر علي الـ(right click) خاصة في الردود في (Tab) أو نافذة جديدة يجعلها أسهل .. و مع الحركة الجديدة للأسف لا نستطيع فعل ذلكـ ..
_ أضف الي ذلكـ (الوجوه التعبيرية) و صعوبة إضافتها في الردود مع الـ(right click)..
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: فيصل نوبي)
|
يا نوبي! في الدول الراقيَّة والعالّم الأوّل، بيتّك، بيتّك الواحد ده، شكله مفروض يكون حسب المواصفات التي تحددها البلديَّة، يعني ما على كيفّك تضرب بيتّك جير أحمّر وأصفّر عشان إنت مريخابي؛ أما أمر المنابر والأسافير متروك لأصحابها، وكل يعمّل بذوقه، والذوق قِسّم يا عينيّ، فحتى تتكوّن هيئة تضبط أصحاب المنابر والمتاجر الإسفيريَّة، نقول لصاحب الحوش: إنت مخيّر في ما تملِك ولا نملِك.. ____ بالواضِح كده: جُر فيهو الشوك لوووول...
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: فيصل نوبي)
|
Quote: بنفس الطريقة .. موضوع حفظ الصور .. يا حبيب هنالكـ الكثير من الطرق لحفظ الصور غير الـ(right click) و من يرغب في حفظ الصور سوف يجد طريقه الي ذلكـ رغم أنف الـ(right click) اللي عملتها دي .. نعتمد كثيراً في المنبر علي الـ(right click) خاصة في الردود في (Tab) أو نافذة جديدة يجعلها أسهل .. و مع الحركة الجديدة للأسف لا نستطيع فعل ذلكـ ..
_ أضف الي ذلكـ (الوجوه التعبيرية) و صعوبة إضافتها في الردود مع الـ(right click).. |
كلام في التنك
وانا اقول الشغلانة دي عندي براي
يعنى هي نظام حركة جديدة ولا شنو ؟
ما جايبة حقها والله
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: mayada kamal)
|
ياجماعة الزول ابوصلعه ده مالو عذبنا كده؟؟ انا خايف يوم يقول اكتبوا العربى دة من الشمال لليمين. يازول المنبرده العناوين الفوق كانت مميزاه يعنى زى مانشيتات الصحف بعدين اقول ليك والله الرايت كلك بالنسبه لينا اهم من الليفت كلك لانو ممكن نعمل انتر وخلاص بالاخص للناس البوم الزينا انا وحمزاوى هسه حمزاوى يعمل شنو انا بتصرف لكن هو كده بكون محتاج مترجم،الله يعينه،،،
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: mayada kamal)
|
.. . والله يا نوبي من شفتها .. قعدت افكر قلت يا ربي فيصل ووين ؟؟ نفتح بوست ولا نستناهو .. اتفق معاك تماما فيما ذكرت من تشويه المنبر بمسالة وضع كذا موضوع ( ثابت ) فى بداية الموضوعات . والله يا بكرى يعنى حركة ( ثابت ) دى شكلها قبيح وغير موفقه نهائياً وشوهت الشكل العام اللمنبر ..
العناوين المعلقة كما ذكر فيصل هى احد مميزات المنبر وشكلها مريح وتنسيقها رائع ..
______
بالمناسبة ملاحظات نوبي دى تعبر عن 80% من العضوية بس نوبي لانو خفيف وسريع الحركة فما تفتكر حاجة تانية
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: هشام مدنى)
|
بكرى ممكن تثبت لينا بوست نوبى ده لحدى ماتسمع راى ناس المنبر،،،، بكرى ممكن تثبت لينا بوست نوبى ده لحدى ماتسمع راى ناس المنبر،،،، بكرى ممكن تثبت لينا بوست نوبى ده لحدى ماتسمع راى ناس المنبر،،،، بكرى ممكن تثبت لينا بوست نوبى ده لحدى ماتسمع راى ناس المنبر،،،، بكرى ممكن تثبت لينا بوست نوبى ده لحدى ماتسمع راى ناس المنبر،،،، بكرى ممكن تثبت لينا بوست نوبى ده لحدى ماتسمع راى ناس المنبر،،،، بكرى ممكن تثبت لينا بوست نوبى ده لحدى ماتسمع راى ناس المنبر،،،، بكرى ممكن تثبت لينا بوست نوبى ده لحدى ماتسمع راى ناس المنبر،،،،
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: صديق الموج)
|
Quote: بصراحة شديدة الحركة دي خربت شكل المنبر نهائياً و شكلها ما جميل خالص .. و أتمني أن يتم إعادة النظر فيها ...._ العناوين المعلقة مالها عيبها لي !! مميزة الموقع عن بقيت المنتديات .. |
.. والله يا نوبي كلامك صاح مية المية .. الاضافات الجديدة ومن ضمنها مثبت دي .. بوظت المنبر نهائياً من الناحية الجمالية .. ومن ناحية التميز والفرق بينو وبين المنتديات الأخرى ,, ياخ الصفحة بتاعت البورد محتاجة لي مط .. وشد وجذب .. حتين تكفي المواضيع المطروحة .. ما ممكن تقوم تتبتر من الربع الفوقاني .. أنا خايف بعد كدا بكري يقوم يعمل ليهو (كيرزر) (أبوترتر) داك .. كلما تحرك الماوس يطلع ليك فقاعات ونجوم ومزيكـا .. ميزة المنبر دا التقليدية البسيطة فوقو .. ابتداء من لغة التصميم القديمة .. مرورا بي الالوان .. بي حرية التحرك فيهو والكتابة .. بي إدراج الأغاني وملفات الفيديو .. مع كامل احترامنا يا بكري لي رؤيتك التجديدية .. إلا إنو تثبيت المواضيع بالشكل دا في (حلق) الصفحة (خنقنـا) نحن ديل ذاتنا .. الواحد لا عرف يكتب .. ولا عرف يكتبو ليهو .. ولا عرف يقرا .. أعمل اي حاجة الواحد ممكن يستحمله .. بس المواضيع دي ارفعه فووق وخليها في حتته .. الحركة العملتها دي ما حركة احترافية .. مهما كانت المبررات .. تثبت ليك سبعة مواضيع وتشيل بيها مساحة قدر دا .. عليك الله فضلت شنو لي دكتور مانديلا .. يعني تاني يجيب بورديهو معاهو ويجي داخل هنا دا ..؟ تعال يا درش عليك الله اخد ليك (قدله) مع التثبيتات الجديدة دي شان بكري يعرف حاجة ..
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: tmbis)
|
ده شنو البوست الناسو كلهم متفقين ده ؟ حتى المختلف الوحيد نوعا ما هو الأزهري المهذب. بكري ده غيّر العناوين وله غيّر العضوية ؟
غايتو من باب تغريق الذمة و المعاكسة و الكضب البيودي النار اقول انو التعديلات جميلة و رائعة و لا يعارضها الا كل مخبول مختل كامثال نوبي و تمبس و من سار خلفهما.
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: داليا حافظ)
|
غايتو أنا مع بكري وعكس الناس ...
بس لو أظهر الردود والقراءة بدلاً عن الأصفار للمواضيع المثبتة ...
وكذلك إيجاد معالجة للأصفار لمواضيع صفحة الموقع الرئيسية ... (أيقونات تدل على التحويل) ...
أسباب اتفاقي مع بكري: 1- الطريقة الجديدة تقلل من طول الصفحة وحجمها مما يعني تسريع تصفح المنبر. 2- التقليل من طول وحجم الصفحة يفيد أيضاً في التقليل من استهلاك الباندويث (كمية نقل البيانات).
ولكم كل الود والتقدير ،،،
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: داليا حافظ)
|
يا نوبي والله بختك .. مع انو البوست انصرااااااااافي ...
عليك الله شوف البوست النار دا جاب ليك منو ...؟؟؟ قال ليك عمك الموج وحمور وتمبس وداليا حافظ وعندك عدد واحد دلووووشه وصلحو...
يا بكري لو سمحت ثبت البوست دا لانو تقريبا البوست الوحيد اللي الناس كلهم متفقين فيهو على قوله حمور .. لوووووول
لكن اصلو الواحد ما يتطمن , اسي يجيك دكتور منو داكا ولا هناي داك , ولا اسمها منو ديكا يقول ليك افتكر واعتقد والتجديد والبوتقه الفكريه المنبثقه من عقليه بكري في اللحظه اللي كان فيها القمر مكتمل ..!!! لووووووووول .. (عليك الله دي حاله , الواحده ضحكه ما قادر يلصقها ؟؟؟) ...
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: داليا الكباشى)
|
Quote: يا بكري حركتك
وحشة قدا قدا
مو بحلوة بنوب بنوب ..
خسفة وايد وايد ..
خايبة برشا برشا ..
من الأخر شينة شديييييد ياخ
ـــــــــــــــــــــــــــــــــــ
نؤيد نوبي بالخمسة مع كامل الإحترام |
شكراً داليا ، بس حكاية (الخمسة) دي طبظت التضامن معك في تأييد نوبي لأنك ماراعيتي مشاعرنا كهلالاب مؤملين في رد الاعتبار في عقر دار مازيمبي ؟!! وليه لأ ؟!
(نبصم بالعشرة) على كلام فيصل نوبي !؟
مودتي ،
( ليمو )
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: humida)
|
Quote: حمـور نحن اتربينا في اجواء العنف الطلابي .. ( موضة التسعينات ) .. ما في مراحل .. يا سيخة .. يا طبنجة |
عاين دا كمان إنت يا حميدة مووش خريج كمبيوتر مان !!!!!!! الحناكيش متيييييين عرفوا اجواء العنف الطلابي جامعتكم زاتها حنكوشة أظنكم ما سمعتوا بي ثقافة الدبابين ومناطق العمليات وووو الا في الجرايد
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: mayada kamal)
|
Quote: أظنكم ما سمعتوا بي ثقافة الدبابين ومناطق العمليات وووو الا في الجرايد |
ميادة الكـوزة .. انا قريت في الاهلية .. ( كلية العلوم التطبيقية و الحاسوب ) .. و اول يوم في الجامعة مأخد لي خرطوشين .. يدوك زيهم ان شاء الله في القريب العاجل .. سنتين نضال و الشارع .. يعني عشان الواحد ما جا كتب ليكم سيرته النضالية ذي القائد محمد عادل ..
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: haroon diyab)
|
Quote: سلام يا حبيب .. بكل تأكيد بعضها موفق و بعضها عكس ذلكـ ..
إعتدنا علي شكل المنبر الذي يميزه عن الكثير من المنتديات الأخري .. اليوم وجدت ما تسميه ( ثابت ) .. يا حبيب ما عارف ليه ذكرتني أيام البوليس الخوالي .. في المنتديات الاخري يكون إسمها (مثبت) بصراحة شديدة الحركة دي خربت شكل المنبر نهائياً و شكلها ما جميل خالص .. و أتمني أن يتم إعادة النظر فيها ....
_ العناوين المعلقة مالها عيبها لي !! مميزة الموقع عن بقيت المنتديات .. |
100%
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: صلاح أبودية)
|
Quote: انا قريت في الاهلية .. ( كلية العلوم التطبيقية و الحاسوب ) .. و اول يوم في الجامعة مأخد لي خرطوشين .. يدوك زيهم ان شاء الله في القريب العاجل .. سنتين نضال و الشارع .. |
حميدة ياخنشور انت اظن جيت في زمن خنشرة الاهلية لانها لمن عملوها اول مرة كان عايزين الحناكيش لكن ما عملوا حساب التضخم والله اول سنينا ونحن في جامعة السودان لمن ندور نمشي الاهليه الواحد يتريح ويستلف ليهو قميص وبنطلون جزمة من واحد حنكوش ويغشي الحلاق حتي يقدر يخش هناك قاتل الله التضخم خربتوا علي اولاد الناس جامعتهم
ونتضامن مع اهل البورد في الجاتهم ولو في مسيرة بدون بمبان ادونا خبر باقي عندنا حساسية
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: عبد الحميد البرنس)
|
ياحبيب تحياتي,,
ياخوي خليك مميز كما كنت,,
وما اجمل البساطة حيث السهل الممتنع,,
والنسي قديمو تاه ياحبيب ,,
والشغلة دي بتجيب الهواء ,,
وتفتح نفاجات ,,
شيلها يديك العافية.
____________ فيصل مشتاقين وكده!!
| |
|
|
|
|
|
|
Re: يا حبيب التعديلات الأخيرة في المنبر (مع الإحترام) (Re: abdalla osman)
|
إني أري - و الراي ما رأيت - أن يسحب سيد بكري - قدس الله سره - باسوردات كل من سولت له نفسه اللئيمه معارضه تعديلاته المباركه ، درءا للفتنه و منعا لفوضى قد تضرب باطنابها في منبرنا العامر ! نراقب محاولات العملاء و المأجورين الواهمين و شذاذ الآفاق تسميم المنبر تحت ستار معارضه التعديلات و هو ما دونه خرط القتاد !
قف : بورداب ولايه كانسس يعلنون : كيبورداتنا ، مقابرنا !
الموت لمعارضي التعديلات ! الموت لوهبه !!
| |
|
|
|
|
|
|
|