|
Re: بالمناسبة عاوز افهم حاجتين .. عشان اقدّكم واطلع عينكم ..!! ( تمبس شنو يآخ ) (Re: HAIDER ALZAIN)
|
ســـلامون يا حيدر Quote: كيف الواحد ينزل فيديو يوتوب ..؟ |
دى بقى أسهل من حشّ الجرجير .. قول لى كيف؟ فى أعلى اليمين تماماً من صفحة الفديو الذى تشاهده على اليوتيوب وبالتحديد تحت المعلومات التى تحكى عن الفديو تجد الآتى: URL و Embed
إذا فضلت أن تضع فقط رابط للفديو عليك بإختيار URL ونسخ الرابط من موقع يوتيوب ولصقه على بوستك الذى تعده أما إذا فضلت عرض الفديو كما هو على سودانيز أونلاين، فعليك أن تنسخ الكود بضبانتو من Embed ولصقه على بوستك الذى تعده .
عليك الله أسهل دا ولا حشّ الجرجير .. نحن هنا إلى حين مع تشجيع الشوف .. يلا يا شاب وقشة جرجير ما تعتر ليك.
عاوزين نشوف حاجة قبل ما نمشى نتغمت ننوم ! ههههه
| |
|
|
|
|
|
|
Re: بالمناسبة عاوز افهم حاجتين .. عشان اقدّكم واطلع عينكم ..!! ( تمبس شنو يآخ ) (Re: Yassir Tayfour)
|
حالتي أنا قايلك ناقش يا حيدر يا صاحبي ، طلعتا قاعد كنب زيْ أخوك محمّد زين ، ياخي أنا مرّة بقيت لي أخونا معاوية حسين في تولاهو ، وبعد ما فهمتَ حاجات منُّو في أمانةِ اللهِ ، عليك أمان الله هسّة نسيتا زاتو . والمشكلة ياخي أنا بتلخبتْ لخبتة شديدة خلاس ولي الليلة في إنُّو الواحد كيف يعمل حاجتين مع بعض في وَكِتْ واحِد ( زَيّ التَّلوين والتّوسيط ) ، وقدُر ما باصرتَهن ما ظبطنْ معايْ كلّو كلّو ، وكمان في الألوان عندي ألوان ما لامِّي فيها تَبْ ، زَيّ اللون الأزرق ، وكمان لي هسَّه ماني عارف كيف أكبر الْخط. أمّا حكاية الفديو البتخلّيهو يكون شغّال من فتحتك لي الموضوع زَيْ ما قال حبيبنا / ياسر طيفور ، أها بقى دي أنا شايِفَا خطوة صعبة شديد عليْ ، وأظنّها متقدِّمة شديد ، وغايتو إتَّ أكَّان نقشتها من أخونا ياسر طيفور ، أها عليك الله ما تنسى تنقِّشني معاك . وغايتو فَهَم الْكومبيوتر ليهو رافع ، وإن شاء الله ربّنا يرفع لينا قَدَم فَهَمْنا معاك ونستفيد من أحبابنا ديل ، والغريبة أنا عامل فيها الود عندو دبلوم كومبيوتر وكِده ، لكين واللهِ العرفتو إنُّو منبر بكري دا ضيّع لينا دبلومنا دا شمار في مَرَقَة . ياخي الْمنابر كلّها ساهلة لمّن تجي تكتب عليها وتلقاهم خَاتِّين ليك مربّع كبير فيهو حجم الخط ونوع الخط وتوسيط الكتابة وكلّ حاجة إلا منبر حبيبنا بكري ، الوحيد الصَّعَب فيهِنْ ، وغايتو أنا الحاجة الوحيدة المنجِّضة هي : إنِّي بعرف أستخدم الأربع حاجات الخاتيها بكري في المربّع حقّ الرَّد داك أكّان بتذكّرا أظِنّها : ( Italic ) الكتابة بطريقة مايلة ، و (Bold ) البتخِّن الخط ، وضع خط ، وعلامة الاقتباس ، لكين معاهِنْ حاجتين كِده ماني فاهم فيهِن التَّكتح ( غايتو ديل مرتاحات منِّي جِنِسْ راحة ، أصلو ما حصل حُمْتَ عليهِن ). غايتو النّحَرِسْ بوستك دا يا حيدر ، أكّان الله يفتح عليْ بي شويّة فهم ، أو عدتُ إلى جَهْليَ الْقديم . وأبقوا طيبين كلّكُنْ . تحيّاتي .
| |
|
|
|
|
|
|
Re: بالمناسبة عاوز افهم حاجتين .. عشان اقدّكم واطلع عينكم ..!! ( تمبس شنو يآخ ) (Re: emad altaib)
|
متأسفين عماد الطيب عل الغلط في العنوان
بالنسبة لكلامك الكتير الكتبته ده ما عنده علاقة بالموضوع للفديو مناسبة خاصة وموجه حسب اعتقادي لشخص خاص لا اعتقد ان ما اسهبت فيه يخصه (هذا حسب فهمي الشخصي)
Quote: يكفي أنها آي الكلمة والمفردة تتلألاء ذاتياً فبريقها قيمة . |
دي انشاء وونسة بتاعة عاشقين الكملة تودي دور في جمع يسمى الكلام .. صحيح بعض الكلمات استثنى وتمثل لحالها جُمل .. لكن الاصل ان الكلمة فرد في مجموعة تفهم معه وفي سياقه .. وهذا كله باعتماد نية المتكلم وغرضه
ده الكلام القاصده انا ما تشرحوا حسب هواك ومن راسك
| |
|
|
|
|
|
|
Re: بالمناسبة عاوز افهم حاجتين .. عشان اقدّكم واطلع عينكم ..!! ( تمبس شنو يآخ ) (Re: Yassir Tayfour)
|
حيدر الزين
كل سنة وانت طيب
اطلبوا العلم ولو بالصين ،، اها الصين دي هنا مندوبنها ناس منعمشوف،طيفور،ليون،....
وما تخجل عاااادي يعني مافيها اي حرج لو الواحد طلب من اخو حاجة والناس العاملها ليكـ تفتيحة وشايلة مفاتيحها ديل كلهم تعلموا من بوستك ، ولا يغرنك توقيع ياسر طيفور
لكن مافي شئ استفزاني في هذا البوست الا الاستهانة بالجرجير ، مالو يايمه الجرجير ، هين ولا لين يا منعم ،، زيت الجرجير يطول الشعر ، اكل الجرجير يعالج حب الشباب، السلطة بدون جرجير كالسودان بدون عمر البشير
| |
|
|
|
|
|
|
Re: بالمناسبة عاوز افهم حاجتين .. عشان اقدّكم واطلع عينكم ..!! ( تمبس شنو يآخ ) (Re: وجن)
|
Quote: ممكن طيب يا حيدر مدام بقيت تتجدع بالوشوش ماتخلينا نتجدع معاك بنزلوها كيف تمبس هرد فشفاشنا ونحن نعاين ساااى |
وجن ...
والله كان نفسي افيدك في قصة الوشوش .. لكن يبقي علينا تعب اليوتوب والشوش ..
يفتح الله خليك كدي يومين بالوشوش بس .. كان تمبس يحن ويتجاوز قصة الهلال دي ويدينا المفيد..
ـــــــ
لو مؤثرة معاهو الخمسة لغاية بكرة بجيب ليك رابط البوست النزل فيهو القصة دي ..
| |
|
|
|
|
|
|
Re: بالمناسبة عاوز افهم حاجتين .. عشان اقدّكم واطلع عينكم ..!! ( تمبس شنو يآخ ) (Re: tmbis)
|
عارف يا تمبس .. قربت اشكيك لاستاذ علاء الدين صالح .. اقول ليهو الزول دا معلقين اسمو لينا كم يوم ويجي مااااري فينا فو جاري وراء مواسير المريخ .. وبديت اكتب في الرد .. الحمد لله الما رسلتو .. قلت كدي احفظوا في الكيبورد واشوف الحاصل ..
اها البركة في جيتك بنراجع البرامج دي ونجيك راجعين .. ان ظبطت - خاصة بتاعت الاغاني- فانا معين لي كمساري .. يباري ليك الناس الدخلت البوست ويشوف البقي يلون ويكبر ويصغر في الخط منو .. عشان يشوف كمان البقو ينزلوا أغاني منو وفيديوهات .. ومش الاعترفوا هنا وبس كمان في البورد كلو .. الناس البتاكل وتقش خشمها ديك .. وفي لستة عارفين مين الكان بيلون زمان ومين البقي يلون هسع .. فيا حبيب بنديك التلت بعد نحصل الفردة دي ..
شكراً يا ملك
| |
|
|
|
|
|
|
|