سؤال للحقوقيين والقانونيين والمهتمين بالشأن العام وجهاز المغتربين ...!!!هل من حق القنصلية ؟؟؟

Quote: يا شباب ماتفتكروا الموضوع ده ساهل بالطريقة البتتكلموا بيها دى استدعاء دى كبيرة جدا جدا هذه سيادة دول ومافى دوله تسمح بى كده ناسك اللاخمننا بالسياده دى ما بفهموا معناها قنصل شنو البقدر يستدعى ليه زول والله ولدو ما يستدعيه؟ ده اجتهاد وتصرف شخصى وتخويف ساكت.. وانا صديق المواطن العادى ده بقول ليهم ان كنتم تفعلون ذلك فارعوا ياهولاء كفى تعذيبا للمواطن واقول ليكم بالفم المليان انتو جايين من هناك لخدمتنا فقط وبتاخدوا قروش الدنيا والعالمين مقابل ذلك.. فيا اخدمونا بالحسنى والا اغربوا عن وجوهنا يعنى انتو تجوا بدبابه وتتسلطوا على رقابنا ونحن مجرد راى ما نقولو؟؟ والله لن نسامحكم متى فعلتم ذلك ويشهد الله لا كبير فوق النقد ولا التقويم وراينا نقولوا فى عين اتخن تخين،وافتكر دى الطريقة المثلى والحضاريه للتعبير عن الراى، ياخى انتو الحكومة ما عجبتكم قلعتوا دباباتنا المشترنها بقروشنا وقوضتو الدستور وانقلبتوا على حكومة منتخبة وتراكم جاثمين على صدر الوطن والمواطن عشرون عاما ونحن غير اقلامنا لاحيلة لنا ولانملك غيرها كمان دايرين تهددونا خلوا العنتريات التى ما قتلت ذبابة وشوفو شغلكم... ادين مثل هذا المسلك يا سفارة ويا سعادة السفير فقد بلغ السيل الزبى... الاخ تاج السر تعال اكتب لينا كلام واضح زى حق حجر وما تفتكرنا ما بنقيف معاك ولو كنت منهم وظلموك حا نقيف معاك لكن هذه الطلاسم ليست قضيه فلسنا منجمون،الذى اعرفه انو انت السفارة زولها وهذا خيارك ،لكن مش السفارة تغضب عليك تجينا جارى ترضى عنك تمشى ليها وتدافع عن حاجاتا وما تقول المنبر ده بنسى والا نحن مجانين بطلع ليك من الارشيف مليون بوست كل واحد محير اكتر من التانى.. نجضتونا بالمواقف الباهته ماقلنا ليك نبذهم او شكرهم قلنا ليك قول كلام الحق دايما احسنوا قول ليهم احسنتم اساءوا قول ليهم ده غلط انا نفسى اكره المعارضة المطلقه والتاييد المطلف بفول الحق حين اراه،،،