|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: رحلة ايام الخريف في بلادي....(توجد صور) (Re: خالد المحرب)
|
لكين يا الضو .. تخلي أخوك في حي العود مجاور المقابر
وتمشي البطانة وقشها المفروق:
حليلك يا البطانة وقشك المفروق
حليك قبال ما تبقي تخديره وجزاره وسوق
يا لجمال طبيعة السودان لو الزول مو
مطلوب قروش أو مطلوب من الحكومة
يا لجمال طبيعة السودان لو ما الايام
أكثر من المصروف
واصل يا خالد فاليسعد النظر إن لم يسعد الحال
| |
 
|
|
|
|
|
|
|
|
Re: رحلة ايام الخريف في بلادي....(توجد صور) (Re: محمد عبد الماجد الصايم)
|
| Quote: نجضتنا نجاض بالصور |
ودالصايم ده طبعا ود حلتنا يا اب احمد
ولو ما كنا متابعين موضوع الحجز ، وكنا عارفين انو ما بقدر يجي كان عزمناهو للرحلة دي بحق الجيرة والزمالة
ـــــــــ
ودالصايم
حسب تصريحك السابق، قلت نحن هنا هم هناك نحن هناك هم هنا
بتجي متين يا ؟
تعال طالما لا زال في الخريف بقية
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: ناذر محمد الخليفة)
|
الناظر احمد ابو حريرة
Quote: الكداب ده شنو؟
الكداب عندنا هو افراز قاني اللون بتلقاهو فوق جذوع الاشجار الحية
وطعمو كداب كداب
اوع يكون عندكم يعني نوع من الشجر؟ |
يعني يا مسنوح ما عارف القربة والسعن والخرج واللاصت فيرجن من النطع !!!!! بدبغوهو بشنو؟
سجم امانة ما ودرت اسم
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: خالد المحرب)
|
هيععععععع
علي باليمين يا المحرب .. برجز .. وبرجتا .. وبرجزتا ... ما وصلتّ حد ..!!
وقدر ما قلت اتجاهل هادي الصور والنترة المختوتة مع الصور .. وحس السوط في اضااني ما قدرت ..
هيعععععع .. الله يديك العافية اول مرة اكتب لك شئ .. وشئ يفقدني المنطق هنا .. بس
كسبتا اني سمعت صوتك .. وجزيتك على الله ضهري اكلني ووقفت زمبارة تب ..
حمدلله سلامة يآآآآآآخ ..
كلبتا جلدنا 
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: خالد المحرب)
|
ولاد بطحان تعيشوا
ويزيد مرحاكم ناير
نار في شداة الوادي
تهدي الحائر
مو هيلكم تزحوا
إن كان يزح الدائر
ودالمحرب سلاام
جمال البادية بجمالكم أهل الكرم والضكرة
سعدنا بتلك المناظر الجميلة
وقوموا خلوا الضيق في الجنايّن
شوفوا عز الصيد في العسايّن
يلا نقنص نطرد نعاين
النهار من حر الكمائن
وها نحن معك عبر الصور الجميلة لتلك البقاع خلينا الضيق وحر المهجر
وندوح معك بين تلك السهول والبقاع وتلالها
تحياتي ومودتي الصديق المحرب
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: خالد المحرب)
|
ولاد بطحان تعيشوا
ويزيد مرحاكم ناير
نار في شداة الوادي
تهدي الحائر
مو هيلكم تزحوا
إن كان يزح الدائر
ودالمحرب سلاام
جمال البادية بجمالكم أهل الكرم والضكرة
سعدنا بتلك المناظر الجميلة
وقوموا خلوا الضيق في الجنايّن
شوفوا عز الصيد في العسايّن
يلا نقنص نطرد نعاين
النهار من حر الكمائن
وها نحن معك عبر الصور الجميلة لتلك البقاع خلينا الضيق وحر المهجر
وندوح معك بين تلك السهول والبقاع وتلالها
تحياتي ومودتي الصديق المحرب
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: خالد المحرب)
|
المحرب
على الطلاق مرقتك السعودية خسارة للقبائل
حرم وقفتك وقدلك بالكلاش دى مضوى اسد البطانة ما ضاقها
تستاهل تخرت البل من العطبراوي وتتلهم بيهن المكامن جوووووووووة خيران القضارف - ويا سيدى بعد تكمن طب تلبس الجلابية السمحة والعمة السمحة والنظارة السمحة والمركوب الما خمج ويلا تمشي زناكي نسوان القهوة جوة المدينة و تاكل زيييييين و تشمشم للسوالف من اسياد الرزق المخروت .
قال مغترب الاغتراب ال ............حبوبتك
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: الطيب شيقوق)
|
Quote: المحرب
على الطلاق مرقتك السعودية خسارة للقبائل
حرم وقفتك وقدلك بالكلاش دى مضوى اسد البطانة ما ضاقها
تستاهل تخرت البل من العطبراوي وتتلهم بيهن المكامن جوووووووووة خيران القضارف - ويا سيدى بعد تكمن طب تلبس الجلابية السمحة والعمة السمحة والنظارة السمحة والمركوب الما خمج ويلا تمشي زناكي نسوان القهوة جوة المدينة و تاكل زيييييين و تشمشم للسوالف من اسياد الرزق المخروت .
قال مغترب الاغتراب ال ............حبوبتك
|
الاخ الطيب بعد البترول مايطلع عندكم فى البردانه الشقيقه نقدم لى عمل هناك انشاء الله وانت تكون كفيلى طال عمرك
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: Adil Osman)
|
اخوى ود المحرب ود عيال بطحان عفيت منك يالكلس
والله صور نقلتنا نقلة فوريه للبطانه البى خيرها رويانه
ما شاء الله تبارك الله .. تسلم يا فخر القبيلة وسندها
العيد مبارك عليكم علينا وعليكم يتبارك والعفو لله والرسول
تحياتى عبرك لكل الاهل بدون فرز
ولى الحبيبة الغالية ست بيتك
ولى عمناناس اب حريرة بى طرفكم
والله خلوا لينا الديار هنا خلا
ربنا يحفظكم ويغطيكم ان شاء الله
تقبل سلام صاحبك ود الجنيد
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: soma)
|
| Quote: الاخ حمزه بعد جهد جهيد واستعنا بصديق لكى نصغر الصور شكرا على المرور |
الاخ الحبيب خالد المحرب سلام مره تانيه وشكرا لتصغير الصور
تعرف صورك دي رجعتني 4 سنه لوراء وعندي اولاد عمي (من بطاحين عدبابكر) عملوا
لي رحله زي دي والبلد كانت مخرفه والاجمل في الرحله انا كانت في اول اجازه لي بعد غياب
عشره سنوات من السودان ......وفيها صور برضو وكان الله هون بنزلهم كان سمحت لي في
بوستك التريان بريحة البطانه .
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: Ahmed Yousif Abu Harira)
|
--------------------
زمااااااان..ود شعيت..الزول البُدعي - رحيمو الله- قال :
(...جاتنا "ريرة" مِشتكية وزعلانة قالت: أهلي كِملُو. !!
قال:
سعلناها: يا ريرة؟!! شِـن دليلك علي كَمَال أهلِك؟
قال:
قالت: والله انا اهلي كملوا ورحلوا خلوني. خلوني لـ "اللواري"..الليل كُلو تيت تيت يمشن ويجن فوقي..وحِس الحَجَّار يسوَّن طق طق.
قال:
قُلنالا: أهلك ما كِملُو. أهلِك المعايش جَبرَتُن. لاكين ما نسوكي....)
الى نهاية الحكاية والتي تغنى فيها ود شعيت بجمال ريرة..إحدى رموز منطقة البطانة.
الآن وبعد مشاهدة هذه الصور..وقعت لي حكاية ريرة الجات لي - ود شعيت- مشتكية أهلها..
ههههههه.
----------------------
ناس –أب حريرة- بِنوحوا مَقربَنِين وعَطِيش
انا مالي ؟ مِحارب النوم ومابي العيش؟
عاشقي الجرحُو كاتِم دمو مافي بَشِيش
خلاس دارِكني ..عِلا الليهو قشة بعيش
نعم.. الليهو قشة بعيش..
الله كريييم علينا غايتو..
نتفرج في الصور بس ..نسوي شنو..
يا جماعة نزِّلوا باقي الصور
حِتين بعدين نسلم عليكم..
ألف تحية..
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: gessan)
|
الله يشهد يا خالد بى شنبك الكبير ده اللاندكروزر ولا خايل فيك
كان تكون رحلتك دى بى جقله والا اصهب و قاعد فوق محويه
الطافه والقراف تحتك تب وسعنك ملان مويه ماسك رسن جملك
وشايلك صوت عنج طويل وتدوبى,,
يعلم الله شهيتنا السودان،،،
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: الطيب شيقوق)
|
| Quote: انا مالي ؟ مِحارب النوم ومابي العيش؟ |
عزيز يا عزيز
بركة بالشوفة وحمد لله علي سلامتك
بي حرام، طلتك نورت البوست وسودانيزاونلاين والمواقع المجاورة
جيتو من بلد الترك وللا يا الليل؟
حلال قاصر الرأي اب سؤالاً دانو
لسع في حلايب وللا عاد لي اوطانو
السكران رقد واتجدعت رسانو
وقع سرجو المفضض وقارتيت بطانو
او كما قال ود شوراني - عليه الرحمة والرضا
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: الطيب شيقوق)
|
-------------
أخونا خالد المحرب..التحية لك ولضيوفك الكرام..
وعن إذنك نهاوش أخونا اب حريرة دا شوية:
يا زول انا جيت من بلاد البلغار زمااااان..
بعدين حسب ما قُلتو انو رحلتكم دي كان فيها "غُـنا"
ونحنا غُنا البطاحين دا مراااات كدي بينفع معانا:)
اها ما زلنا منتظرين الصور والغُنا وبقية التوابع..
مع التحايا للجميع
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: gessan)
|
Quote: Quote: بس بعاين في اللحمة والبصل
ارجع البصر كرتين
يكرك القندران |
ابوحريرة ودالقبايل....سلام عروب سلام
انت قصدك ارجع البصل كرتين
عينا لى لحمكم الصاج مستف
وعمنا يقطع فى البصل ودماعوا جارىة
تقول ضاربنو بمبان فى مظاهرات
وتجى تقول لى ارجع البصر
انتو خليتوا فينا شوف
بالمناظر دى؟؟
الله يعمركم،،،
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: خالد المحرب)
|
Quote: ماشاء الله الخريف السنه دي سمح تب
والسعيه مخرفه والعرب مخرفين والكل مبسوط اللهم ديم البسط
الصور دي وين فى البطانه باظبط بالله عليك
تسلم والله الليله مرقتنا من علب الكبريت ديل |
ودالبنا مرحب اصحاب الفن الشامل ارجو ان ترسل تلفونك لكى نتواصل معك و مع الاعمام شكرا
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: خالد المحرب)
|
Quote: خــالد المحرب ســــــــلامات
سعدنا بلقائنا العابر صباح الخميس 17/9 بجهاز المغتربين ...
أمتعتنا بالصور الظريفة الناطقة بطيب البطانة والطبيعة العذراء.
|
الاخ ابوبكر ابو القاسم وانا كنت الاسعد بلقاك العابر واتصلت بيك فى اليومين الفاتو ولم اكن محظوظ بان اسمع صوتك عبر الهاتف
تحياتى لك وللاسره ... تقبل سلام عفاف ابوحريره
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: خالد المحرب)
|
Quote: هيععععععع
علي باليمين يا المحرب .. برجز .. وبرجتا .. وبرجزتا ... ما وصلتّ حد ..!!
وقدر ما قلت اتجاهل هادي الصور والنترة المختوتة مع الصور .. وحس السوط في اضااني ما قدرت ..
هيعععععع .. الله يديك العافية اول مرة اكتب لك شئ .. وشئ يفقدني المنطق هنا .. بس
كسبتا اني سمعت صوتك .. وجزيتك على الله ضهري اكلني ووقفت زمبارة تب ..
حمدلله سلامة يآآآآآآخ ..
كلبتا جلدنا |
الابن العزيز حيدر الزين مرحب بيك سعدت جدا بوجودى معك فى الشرقيه .. دى صورة ابنا احمد يوسف ابوحريره
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: خالد المحرب)
|
Quote: ودالمحرب سلاام
جمال البادية بجمالكم أهل الكرم والضكرة
سعدنا بتلك المناظر الجميلة
وقوموا خلوا الضيق في الجنايّن
شوفوا عز الصيد في العسايّن
يلا نقنص نطرد نعاين
النهار من حر الكمائن
وها نحن معك عبر الصور الجميلة لتلك البقاع خلينا الضيق وحر المهجر
وندوح معك بين تلك السهول والبقاع وتلالها
تحياتي ومودتي الصديق المحرب |
خالد المنسى ماعندى شى اقولو ليك غير تجى فى اجازة عيد الاضحى نمشى البطانه سوا
مع اولاد عمك الجعليين اولاد البنا فى بطتنة ابعلى وحسان .. والباقىخليه علينا
نمتعك لامن تقول بس قول نعم
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: خالد المحرب)
|
جقلة وخريف وسعية
ودوبيت وضبيحة
ناقصنكم الكلوب وخلاســـــــــــــــــ
علا يكونن سلوقيات.
والصور,,,,وااااكبيدتي,,,طحننها طحين محراكة.
الشيخ ودالشيوخ,,,خالد المحرب...
مبروك للوليد وعقبال تفرح بعديله.
وين الصور دي في ياتو مكان؟
تسلم.
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: الطيب شيقوق)
|
ود الشلهمة
من شعراء البطاحين
يتغزل في البطانة قائلا :-
نار وجهِك خلاس وأصبح عريسك باش
وسيلِك بالمعالي وبالمراتِع كاش
نفسِك من سماحتو تحلى جابلو دعاش
وعربِك لي جفافُن جبدو البرّاش
******
مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك
******
بعد دور الجفاف قام عِفرتِك مِتباري
وسحابِك نيلتو زرقة وبرقك يلفح فاري
إتكسا بالخدار وجهك الكان عاري
وإنعقدن رواينك يام نداياً تاري
*******
مبسوطة البطانة إتنعمت قدام
شابع قشها وقاسا المزرقن وقام
أخلو الدكة لا مخبر ولا حوام
ولي فيهن صديق روحاً ملاني غرام
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: Ahmed Yousif Abu Harira)
|
Quote: مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك |
هلا هلا كلام سمح بالحيييل.
اخوي احمد ودابحريرة تسلم ويديك العافية لكن فورت دم اخوي ودشيقوق شالته الغيرة.
عارفاك ماك فوق شناف.
هزاركم طاعم ومفيد زي حبة فيتامين سي.:).
بري والله يبره ودشيقوق اخوي ويسلم من الاذى.
دحين لقيتك..You give up fast and can be threatened
Thumbs up قلتلي.
ههههههه.
| |
|
|
|
|
|
|
|
|
|
Re: رحلة ايام الخريف في بلادي....(توجد صور) (Re: Ahmed Yousif Abu Harira)
|
| Quote: ولا بحبس العلوق من العتان |
انت من زمن العلوق البحبسوهو من العتان يا قدديم
بمناسبة العتان ، زكرتني نكتة:
حنكوشة في الجامعة مسطحة ما تفرز العتود من الخروف
واحد من زملائها زي نوع ود شيقوق ده ، بيكاوي فيها
قال لها دحين يا لورا بتعرفي العتود؟
التفتت عليها وبي براءة الدنيا كلها قالت له:
هو قال ليك بيعرفني؟؟
| |
|
|
|
|
|
|
| |
خالد المحرب
حمزه بابكر الكوبي
الطيب شيقوق
Mohamed Abdelgaleel
Ahmed Yousif Abu Harira
محمد عبد الماجد الصايم
ناذر محمد الخليفة
مزمل خيرى
محمد زكريا
عبدالله الفرجوني
أبوبكر أبوالقاسم
HAIDER ALZAIN
خالد علي محجوب المنسي
ادم الهلباوى
احمد محمد بشير
حافظ حسن ابراهيم
فيصل محمد خليل
Adil Osman
انور التكينة
gessan
صديق الموج
Omayma Alfargony
فيس بوك
تويتر
انستقرام
يوتيوب
بنتيريست