بنوتـة سودانية تفتح النار علي مشهد ومرأي من الجميع

الأخ العزيز / حبيب نورة
لك منى كل الود والحب و التحايا العطرة . الأخ العزيز/ ياسين
بكتب ليك والدنيا رزاز و الهواء مفعم بريحة الدعاش. والله يا ياسين
حيرتنى
معاك !!!!و فجأتنى بنشرك لمناقشتنا فى المنبر الحر علنى كدا !!! طبعا أنا
بشكرك
أجزل الشكر وكونك ما أخدت أذن النشر ؟؟؟ طبعا أنت يا سيدى أنت عندك حق
الفيتو
!!طبعا يا ياسين أنا ما نشرت الكلام دا بنفسى خوفا أو جبنا بس أنا بصراحة
بحب
التعامل مع الناس البيفهموا طبعا السودانيين ناس فاهمين بس مشكلتهم
الأساسية يا
عزيزى ما بيحبوا الصراحة والمواجهة ؟؟!! بعدين بيتهربوا من الحقايق و ما
بيحبوا
مناقشة مشاكلهم بكل أبعادها بياخدوا الأمور ببساطة وسطحية و يخلطوا الأمور
مع
بعض !!! و يخلوا الواحد يطلع برة الموضوع الأساسى !!! و يقعد يعاين ليهم
زى
الدلاهة؟؟؟


طبعا يا ياسين أنا قارئة جيدة و متفرجة ممتازة !!(بس خلى سر بينى و بينك)
كل
الناس ال بقرأ ليهم ما راسلت الا اتنين حسيت عندهم ملكة و موهبة نادرة
وهى
الأعتراف بالحقائق والتعامل مع الواقع مهما كانت مرارته و الواقع فى
السودان
حاجة مؤلمة جدا جدا وهم: 1) د/ أبكر آدم اسماعيل 2) حبيب نورة.
أنا بصراحة كنت خجلانة أرسل ليك سؤال زى دا ؟؟ بس بعد ما قريت مقالك بتاع
(بيت
سئ السمعة) طبعا عجبنى جدا جدا و بهرتنى صراحتك ولاحظت البورداب سكتوا عن
التعليق أكيد هم زاروا البيوت دى !! بس السودانوية مسكت لسانهم !!! و
اتشجعت
اراسلك أكتر.

الناس ال زعلت من سؤالى أنا مابلومهم لأنهم النوعية التالية:
• أولاد الريف و ديل معروفين بالحساسية الشديدة لأبسط نقد أو تعليق
لمجتمعهم ؟؟
طبعا كلنا ناس أقاليم و هم الناس الأصليين والمأصلين بس أنا عاشرت بناتهم
فى
الجامعة و فى الحياة. والمجتمع الريفى مليان تناقضات ؟؟ ويا حليل العفة
والطهر!!! , يا حليل بنات الأقاليم !! و يا حليل بنات الداخليات !! دا
موضوع
قائم بزاتو أناقشو معاك يوم تانى بعدين الأخ اللى قال العلاقات فى المجتمع
الريفى يا اما زواج أو خطوبة هو الزواج فى القرى السودانية مشكلة؟؟!!
الناس فى
الريف ما عندهم مشكلة ايجار ولا مواصلات ما الحيشان واسعة تجرى فيها
الخيل لمن
تفتر يبنوا للعرسان غرفة و يعملوا ليهم حيطة ويكمدوا العروس و السلام على
خير
البرية.

كدى جيب ورقة وقلم و احسب ميزانية الشهر وتكاليف الحياة فى
العاصمة و
بعد داك تعال اتفاصح عن بنات الخرتوم وسبب تاخير سن الزواج ...
• الشباب المغتربين المساكين زعلوا من مسألة اختيار الأم والأخوات(طبعا
رأى
الأهل مهم وما فى سعادة بدونهم) بس لأنهم مقتنعين بأنو الزواج دا لازم
تشيل
شيلتك براك فيهو !! وما عندهم ملاذ غير الأسرة؟؟ و بعدين فى أعماقهم فى
خوف من
مسألة العروس (الطرد!!) وفى حكاوى كتيرة جدا عن الطرود ما فى ليها داعى !!
اللهم الا ...
طبعا بعد نشرك لسؤالى فى المنبر الحر صاحباتى شمتوا فينى شماتة مبالغ فيها
و
قالوا لى ما فى سبب واحد يخليك تهبشى الرجل السودانى فى المسائل الحساسة
دى
لأنو ما يحب الا النفاق؟؟!!!
بس لو سمحت تواصل جميلك للنهاية و المرة الجاية تحذف الحقائق الصريحة دى
؟؟
بالنسبة للأخوة البورداب:
سلام ليهم حار جدا جدا و مشتاقين ليهم عديل كدا..... و الله يا شباب يا
حلوين
ما كنت قايلة مجرد سؤال يفتح على النيران والهجوم دا كلو ؟؟؟ و الحمدلله
لحدى
الآن مافى واحد طالب بأعدامى فى ميدان عام!!!!
1. شوف يا ياسين كان المفروض الشباب يبقوا صريحين وأى زول يعاين لدواخلو
سمح !!
أنا أعترفت البت السودانية1) تقليدية 2) مادية 3) فقدت نسبة عالية من
الحياء و
الأدب و كلكم عارفين الظروف الأقتصادية الصعبة و ما ترتب عليها من نتائج
؟؟ ما
فى داعى لقصص المناصفة الفعل و رد الفعل و المقدار و الأتجاه!! و نيوتن و
فاراداى!! أنا أترجاهم من فضلهم و أحسانهم عليكم الله أحترموا البت
السودانية
المهذبة اللى لسع ما أجبرتها الظروف على دخول سوق الدعارة ؟؟!! احترموا
البت
السودانية الصامدة و ثابتة فى الظروف السيئة دى !! معظم الشباب ال ساهموا
فى
الرد على سؤالى:

• لاحظت أنهم يا اما فى دول الخليج أو فى أمريكا!! مهما كنتوا متابعين
عبر
وسائل الأعلام ولا بتجوا أجازات سنوية ما زى الزول ال قاعد فى السودان
شايف و
سامع و محتك يوميا بالناس و المشاكل و عامل الغربة المرة وقاسية و عذابها
و
الأحساس بالشوق و الحنين و البعد دا كلو بيخليهم يشوفوا الجانب المشرق
فقط من
الحياة فى السودان ؟؟!!!
• بعدين ما فى داعى لمقارنة المجتمع السودانى مع مجتمعات الخليج لأنهم كدا
بيهينوا المجتمع السودانى لأنو دول الخليج دى ما وصلت مرحلة المجتمع دى
دول
أوجدتها الثروة البترولية الى حيز الوجود ؟؟ بعدين المجتمع دا بيتطور
بصورة
طبيعية و تلقائية و بيكون عنده تاريخ وحضارة قديمة !! هل دا فى دول
البترودلار
موجود؟؟؟
• أنا أحترم بشدة مقارنة المجتمع الأمريكى مع السودانى بس ما أى حاجة سيئة
فى
المجتمع الأمريكى لمن تحصل فى مجتمعنا السودانى نفرح كدى يا يمة ونهلل و
نواسى
بعض و نقول ما خلاص الظاهرة دى فى أمريكا فى !!و هل أمريكا دى المقياس لكل
حاجة
فى الدنيا ولا شنو؟؟ وبعدين ليه ما بتقارنوا التقدم والتكنلوجيا و التعليم
و
الصحة بس دا ال عجبكم من أرض الأحلام ...أنا بحترم أمريكا جدا لأنها ما
فيها
أطفال مشردين (شماشة) بيشموا ريحة الببزين و ياكلوا من الكوش !!!
الحاصل فى السودان فوضى عجيبة وتمزق غريب فى النسيج الأجتماعى وضعف شديد
فى
الرقابة الأسرية ؟؟!! اسمع يا ياسين أنا ما عندى عربية (حق الفلوكسواجن ال
بيدفروها أولاد الحلة ما عندى) يوميا بركب المواصلات العامة للشغل و
لقراية
الماستر يستحيل ما يجى ولد ولا شاب ولا راجل مايقدم ليك عروضو باختلاف
الأعمار
و المستويات؟؟؟؟
2. ما فى أنسان معايش مشكلة الفقر والنزوح فى السودان كلو زى أنا!! بحكم
عملى
كمهندسة. طبعا 100% من العمال رجال. (عمال حفر- نجارين- حدادين – سباكين –
كهربجية ............. الخ) و 90% من النسبة دى من المناطق المهمشة أو من
مناطق
المتأثرة بالحروبات. الأخوة البورداب طبعا أكيد مشاكل أهلنا الطيبين ديل
يا اما
شافوها فى التلفزيون أو اطلاع على الجرايد لكن أنا بعرف أبطالها الواقعيين
من
الحياة و حتى بعد النزوح للعاصمة ساكنين فى أطراف المدن فى أحياء تفتقر
الى
أبسط مقومات الحياة!!!!. ما تتصور أنا بتألم فى اليوم ألف مرة لمن أشوف
واحد من
العمال مواهبو مدفونة فى العمل اليدوى ويكون عمره لسع ما حصل ال20 سنة.
وما
بيقدر يواصل تعليمو بالمساء لأنو شايل أسرة تعدادها = الصين الشعبية.

اختصارا للزمن والنضمى الكتير أنا أتمنى و أترجى الكل من دون استثناء
عمل
الآتى :
• قراءة رواية (الضفة الأخرى) للكاتب الفنان والأنسان د.أبكر آدم اسماعيل
• قراءة تحقيق صحفى فى جريدة الصحافة عن جرائم الدعارة فى السودان بس ما
عارفة
رقم العدد.
• برنامج تلفزيونى عن الزواج العرفى فى قناة النيل الأزرق.

3. عينى باردة عليكم الرجال اتفقوا على رأى واحد البت عارضة نفسها كسلعة
...ما
البت السودانية عاوزة تتخارج و الرجل السودانى ما بيعبر وما بيشوف وما
بيسمع و
ما عندو رغبة فى التعامل الا مع السلع !! يعنى هسع الواحد لمن يشوف أو
يقابل بت
جادة طوالى يفترض انها معقدة / فاتها القطر / ماخدة شاكوش ؟؟؟ طبعا
مستحيل
الرجل السودانى يعترف بانو يقدس المظاهر والشكل العام واللبس والأناقة
بتاعة
البت (عشان كدا أنا بحترمك جدا يا ياسين لمن اعترفت بحالة ال خلعة و ولعة
وزلعة!!!) .



شنو يا ياسين الشباب ديل قصتهم شنو؟؟؟ لو أنا عاوزة عريس حأتزوج انسان مش
حيوان
بيجرى وراء الكريمات و الشكل ... لأنو الزواج مشوار عمر و رحلة حياة ..
لايؤسس
على المظاهر ..ولو سمحتوا ما فى داعى للتنظير فى مسائل الأناقة لأنكم ما
بتفهموا فيها ؟؟الأناقة انك تلبس اللون و ال design المناسب فى المكان
المناسب
!!! مش البس أحمر و روج أحمر عز الشمس أنا باشمهندسة ولست عارضة أزياء؟؟!!


DEW DROPS