بنوتـة سودانية تفتح النار علي مشهد ومرأي من الجميع

استفزانى جدا جدا لدرجة الغضب بالرغم من
تناولك
لكل الجوانب و الأسباب الساهمت فى تكوين مشكلة إدمان البت السودانية
للمظاهر
ابتداء من اختيار شريك الحياة لحدى الكريمات و....الخ. و تحليلك لنتائج
التدهور
الأقتصادى و ضعف الرقابة الأسرية . بس يا أستاذ حبيب فى نقطة مهمة زى ما
كنت
موضوعى فى كتابتك كان بالأحرى تكون موضوعى أكتر و تناقشها ألا و هى (الرجل
السودانى) ذلك المخلوق المنفصم الأول و الأخير . شوف يا أستاذ حبيب زى ما
البت
السودانية أخلاقياتها و قيمها أتدهورت و وصلت درجة الصفر كمان الحيوان
آسفة
أقصد الرجل السودانى نزلت أخلاقياته بالسالب طبعا يا أستاذ حتقول لى
المجتمع
(راجل +مرة) ما بينقسم أقول ليك لا و ألف لا فى مجتمعنا السودانى لسع
الناس
عايشة بعقلية العصور الحجرية أو بالأصح فترة ما قبل التاريخ يعنى الغلبة و
القيادة لهذا المخلوق. طيب يا أستاذ مثقفاتي كان لازم تتذكر الآتي :
1) الرجل السودانى يقيم و يحترم الأنثى فقط فى المرأة عديل كدا ما بيعرف
غير
لغة الجسد و ريحة المزيل و العطر و الوش المفسوخ و البلوزة الضيقة و
الاسكرت
الخطوة و بالتالى البنت السودانية عارفة نقطة ضعفه و دايرة تجذبه شئ طبيعى
تسلك
أقصر الطرق و أكثرها اختصارا للزمن.
2) شوف انحطاط المخلوق السودانى وصل لأى مستوى و الحتة دى أنا و صاحباتى
أكتر
ناس عانينا منها وهى الحصول على فرص العمل و النجاح فى الحياة العملية
بيعتمد
على مظهر البت و مكياجها و مؤهلاتها الجسدية مش مؤهلاتها و شهاداتها و
شخصيتها
بس كل المطلوب تلبس أحمر نص النهار و عز الشمس و تعمل ليها روج أحمر و
تتبسم
للجنس الآخر بدون سبب.و تعال يا أستاذ حبيب شوف تعامل الزملاء الرجال
الواحد
شنبو يرك فيهو الصقركلهم مراهقين بدون استثناء بس دايرين البت تتدلع و
تتضحك و
تنافق لو قال ليها الشمس تطلع من الغرب تتحلف بأغلظ الأيمان انو كلامهم
صح.
يعنى خلاصة المسألة (وش + حواجب + لبس محذق). يا أستاذ حبيب عن تجربة
شخصية
نحن
عندنا فى السودان الزواج شهادة بتاعة انتماء للجماعة ووسيلة لتحقيق
الذات...
يعنى انت ما متزوج انت ما عضو فى هذه القبيلة!!! و عليه البت السودانية من
هى
طفلة بيتعمل ليها غسيل مخ و يتم شحنها باستمرار و تشجيعها على الزواج
بأسرع و
أقرب فرصة عشان كدا ندر ما تلاقى بت بتهتم للشخصية ال بتصاقرا العمر كله
فما
فرقت معاها لأنها أصلا مزروع فى عقلها الباطن كيف بس تدخل كراعها فى قبة
الفكى
المسماة بالزواج بعد داك سخصية أبو الشباب ما مشكلة كبيرة ما دام الشخصية
ما
مشكلة فى عضمها بالتالى الشايلاهو فى يدها ما ضرورى ............!!!. دى
مشكلة
المجتمع ما البنية.
4) هسع أمانة فى ذمتك معليش الليلة أديناك كترة أمانات فى زول فى زمنا
الحالى
دا تزوج بت عشان بيحبها ؟؟ هل فى بنية عندها أخلاق و ماسكة لسانها ومركزها
خطبوها ؟ أبدا زمان كان هذا المخلوق السودانى بيتزوج عشان :1) الحب 2)
تكوين
أسرة وفى الحالتين لازم شريكة الحياة تكون على قدر كبير من الأخلاق و
المسئولية
تعال شوف العرس بقى شطارة وفهلوة كيف؟ بس الشاطرة النجيضة تقدر ترمى
الراجل فى
حبالها و يعقد فى نفس يوم الخطوبة(سجمى عقدتو) و المنفصم السودانى بقى
مكسر فى
النوعية دى تجرى وراهو و تلعب و تنزل معاهو و تمشى معاهو لسوق الحمير و
آخر
النهاية بيجى يتزوجها و على هذا الأساس حواء السودانية جارت الموضة أها
تسوى
شنو تقعد بايركس لمتين ما تجري و تلهث ما دام الرجل السودانى عاوز كدا !!
مش
قوة العين و الشدة بتجيب العريس + البوهية + المكياج لازم أبقى كدا حريقة
فى
الأخلاق وفى ناسها.