|
Re: لقـاء السحاب ( ثروت عكس الريح) ــ (حبيب نورة) (Re: حبيب نورة)
|
بس ظالمة الدنيا الصبحت غش , ما ظالمة حروف الريد يا حلوة , الحرف البنده ليك من حس الزول العشقك كلمة , ما عندو ذنب في الجاكم وحشة سكة شوق الناس للصدق المعني , طعم الغنية مرير في حلقك , ما ضقت نغيم الاهــــة في مسامع دنيا بتحلم , لم الصوت الجواك يطلع مبحوح بي قسـوة.
بسمع منك كنت ,,كليمة شوقك لي بنية طفولة , بنية زي ما قال الزول المدهـش , سمحة وسمرية , بي لون قمرية وقولة عيدية ,ومدة أيد الغيم بالمطـرة , بتدي المحل الفيك القمحــة هــدية , لما الاقدار يا أحمد تكمن ليك في بطن الحلم وتقلع منك صوتاً قال يا سلمي ,أتوكل علي حلمك أحمد أخوي , باقي الحلم الفاضـل هسة ,بغمز ليك يا أخويا تخش , مرق الشجن الكان مرسال لي اللوعة ,و مديت جـرحـك تاني نزيف , أصــلا شريانك شجرة سنـطـة , بتفضل شايلة الصـمغ الشـوق جواها , وما حايشــوف الدنيا جنـاها , الا الفاس الحــاني يزور أغصــانا .
|
|
|
|
|
|