|
|
 زح مني ريحتك بوتاسيوم
|
عبد النعم الجزولي و محنة الكراكوسا
تلقي صديقنا الجازالوت مكالمة هاتفية في منزله‘ من طبيبته الكورية الخاصة مساء الأمس‘ و للذين لا يعلمون‘ فأن اتصال الطبيب بالمريض في منزله‘ في أعراف هذه البلاد‘ شيء غير مطمئن‘ بل مزعج و مخيف‘ بعد أن بلع الجازالوت ريقه‘ و دعا الله ان يكضب الشينة‘ بادر ملهوفا الى سؤال الدكتورة‘ و التي اغلظ الحلف بأنه لا تربطه بها علاقة غير الفحوصات ( الحديث عن الطبيبة السابقة يحتاج الى بوست خاص فهي بت بيت)‘ بادر منعم الى سؤال الدكتورة ( سينغ لونغ)
أها خير فحص الدم طلع كيف
و الله يا منعم ما عارفا اقوليك شنو لكن النتائج سيئة
< شح)‘ بطلي هظار يا لونغ
طقاني ايدز؟؟؟
لا ياخي ما ايدز ولا حاجة
الحمد لله ‘ الباقي هين كان كده
لا ما هين‘ نسبة البوتاسيوم في جسمك عالية
(صمت)
في سره ( سمعنا بالسكر الزايد و الضغط الزايد بوتاسيوم شنو كمان)
عالى قدر شنو مثلا؟؟؟
عالى في حدود تسعه كده
ودي كتيرة؟؟؟ ما بركة الما طلع تسعة وتسعين‘ زمان كان معانا زول في الشقالوة وصل مية....
دقيقة يا منعم انت عارف اعلى حاجة مفروض يكون كم؟؟
لا‘ اديني فكرة عشان اقيس عليها
مفروض ما يفوت اربعه
كدي يا دكتورة جيبي الكلام من آخرو‘ لو فرضنا زاد بيعمل للزول شنو
بيوقف كلاهو و يوقف قلبو!!!
( جا جنققققققق) ( صمت رهيب) تسمع من على البعد اغنية ( ارتعاشاتك بتحكي قصة احلامك معايا)
يا دكتورة يا دكتورة و السبب البخلي بوتاسيوم الجن ده يرتفع شنو؟؟
انت من ياتو بلد اول حاجة؟؟
من السودان
واضح
واضح كيف ‘ عرفتي كيف
واضح السبب لأنو النظام الغذائي بتاعكم ( مخلول) ‘ ممكن تاكلو فول في التلاتة وجبات‘ و جنكم لحم
صدقتي في دي‘ انا و الله القدامك ده مرات بتغدى و اتعشي لقيمات
اها يا دكتورة وصفي لى الحبوب بجري هسة اجيبا قبال كلوي يقيفن
للأسف ما في علاج للحاجة دي
كيف ما يكون في علاج‘ انا هسة اطير وين؟؟
لازم يا منعم تتصل بخبير تغذية‘ انا ح اظبط ليك مواعيد معاهو و تمشي تقابلو لمن يديك مواعيد و يوريك تاكل شنو
يا دكتورة‘ انتي عاوزاني انتظر شهر على بال ما القا مواعيد‘ بكون اتجنكفتا للوكت داك‘ حرام عليك ياخ
طيب ياخ امشي (قوقل) الحكاية دي في الأنترنت بتلقى ارشادات و نصائح و بروتوكولات غذائية
سلام
سلام
..............
قوقل الجازالوت البوتاسيوم‘ و شرع في تسجيل كل الأطعمة التي تحتوي على البوتاسيوم‘ و عندما انتهي من الجرد‘ تبين له أن اي غذاء خلقه الله في هذا الكوكب
يحتوي على البوتاسيوم‘ ماعدا....... الكوسة النية!!!!
و حسك عينك‘ لو غليتا ساكت‘ البوتاسيوم بطقها!!!
و حذاراك يا منعم من السمك و الجمبري و خلافو ( كما يقول قوقل) ‘ لو لا قيتم في الشارع خلي ليهم الدرب.
الآن و بعد ان استنفذ منعم كل الخيارات ‘ يجلس و امامه شوالين قرع كوسا ( كراكوسا بالأنجليزي)‘ نادبا حظه‘ يسمعه الخلق من على البلكونة وهو يصيح
( الصين الشعبية دي كلللللها تاكل في الجمبري‘ البوتاسيوم ده ما لقى زول غيري انا)؟؟؟؟
افتونا يا اطباء المنبر.
|
|
 
|
|
|
|
|
|
|
|
Re: زح مني ريحتك بوتاسيوم (Re: Tagelsir Elmelik)
|
والله يا تي إم بطريقتك دي حا تكتل ليك زول
مبالغة
يا جازلوت القرع نضِفو لكني اشتم ريحة مؤامرة, كدي فتش تحت تحت كدا يمكن الكورية دي عندها علاقة باستيراد الكوسا ( مش هي كورية) قطع شك عندهم دكان خدار صموير
| |
|
|
|
|
|
|
|
|
|
Re: زح مني ريحتك بوتاسيوم (Re: Tagelsir Elmelik)
|
ازيك يا ملك ونهارك سعيد ...
زيادة البوتاسيوم تعني زياده نسبه البوتاسيوم في الدم عن المعدل الطبيعي يعني بيكون أكتر من
5.0mEq/L
طبعا زياده البوتاسيوم بيعتبر مؤشر خطير لأنو بيأثر على عضلة القلب يعني بيعمل عدم انتظام في ضربات القلب وغالبا بيكون بطء في دقات القلب وممكن يؤدي الى توقف القلب اذا ارتفع بشكل كبييييييير.....
والتغيرات دي بتكون واضحه لما نعمل تخطيط القلب......
في اعراض تانيه لزياده البوتاسيوم في الدم: ضعف شديد بالعضلات وضعف عام بالجسم.. مرات شلل بالوجه.....تشنجات.. اضطرابات وقلق شديد
في عده اسباب لزيادة البوتاسيوم؟
طبعا السبب الاغلب بيكون مشكله بالكليتين يعني فشل كلوي غير مشخص او غير معالج ... وفي الحاله دي
الكلية طبعا بتكون غير قادره على اخراج البوتاسيوم فبيحصل احتباس للبوتاسيوم في الجسم مما يؤدي الى زياده نسبته في الدم
في اسباب اخرى:
1/ فرط تناول الغذاء الغني جدا بالبوتاسيوم
2/ فرط استخدام الادويه
3/ بعض الامراض بيكون اصحابها معرضين انو يحصل ليهم زياده في البوتاسيوم متل:
hypoadosteronism & addison's disease
4/ ممكن البوتاسيوم يزيد اذا الواحد اتعرض لضربه شديده او اصدام او حروق او التهابات شديده
ملاحظه: الناس اللي االكلى عندهم سليمه نادرا ما بعانو من زياده البوتاسيوم
وبالنسبه للأدويه في دراسه وجدو انو الادويه بتأدي الى زياده البوتاسيوم بنسبه 60%
ساعود اليك بالمزيد .. وللزمن داك ارقد عافيه...
| |
|
|
|
|
|
|
|
|
|
Re: زح مني ريحتك بوتاسيوم (Re: داليا الكباشى)
|
شكرا يا داليا على المداخلة المشبعة المفيدة حقيقة
عبد المنعم اتصل بى‘ ما قدر يداخل لأنو لسة عندو مشكلة في الباسويرد
لكن ابدى اهتمام شديد جدا بمداخلتك
نيابة عنه
عاوز يعرف بتفتكري شنو ممكن يكون مفيد في حالتو دي غير الكوسة البقرش فيها من امبارح
و يا ريت تواصلي في الكلام حول هذه المشكلة
شكرا ليك يا داليا
| |
|
|
|
|
|
|
|
|
|
Re: زح مني ريحتك بوتاسيوم (Re: داليا الكباشى)
|
Quote: ازيك يا ملك ونهارك سعيد ...
زيادة البوتاسيوم تعني زياده نسبه البوتاسيوم في الدم عن المعدل الطبيعي يعني بيكون أكتر من
5.0mEq/L
طبعا زياده البوتاسيوم بيعتبر مؤشر خطير لأنو بيأثر على عضلة القلب يعني بيعمل عدم انتظام في ضربات القلب وغالبا بيكون بطء في دقات القلب وممكن يؤدي الى توقف القلب اذا ارتفع بشكل كبييييييير.....
والتغيرات دي بتكون واضحه لما نعمل تخطيط القلب......
في اعراض تانيه لزياده البوتاسيوم في الدم: ضعف شديد بالعضلات وضعف عام بالجسم.. مرات شلل بالوجه.....تشنجات.. اضطرابات وقلق شديد
في عده اسباب لزيادة البوتاسيوم؟
طبعا السبب الاغلب بيكون مشكله بالكليتين يعني فشل كلوي غير مشخص او غير معالج ... وفي الحاله دي
الكلية طبعا بتكون غير قادره على اخراج البوتاسيوم فبيحصل احتباس للبوتاسيوم في الجسم مما يؤدي الى زياده نسبته في الدم
في اسباب اخرى:
1/ فرط تناول الغذاء الغني جدا بالبوتاسيوم
2/ فرط استخدام الادويه
3/ بعض الامراض بيكون اصحابها معرضين انو يحصل ليهم زياده في البوتاسيوم متل:
hypoadosteronism & addison's disease
4/ ممكن البوتاسيوم يزيد اذا الواحد اتعرض لضربه شديده او اصدام او حروق او التهابات شديده
ملاحظه: الناس اللي االكلى عندهم سليمه نادرا ما بعانو من زياده البوتاسيوم
وبالنسبه للأدويه في دراسه وجدو انو الادويه بتأدي الى زياده البوتاسيوم بنسبه 60%
ساعود اليك بالمزيد .. وللزمن داك ارقد عافيه... |
أضف إلى ذلك ... احتمال كتابة الجزالوت عند فكى ....
.. المهم .....
| |
|
|
|
|
|
|
|
|
|
Re: زح مني ريحتك بوتاسيوم (Re: سامى عتبانى)
|
غايتو يا قريبي صاحبك دا إذا عضمه فاخر..
زوغ منه شهر شهرين..
عسى ولعل..
عارف زمان في جهلنا كنا عندنا لعبة فهلوه كده..
نقول للواحد أفتح بطنك اوريك ماكل شنو..
المسكين يصدق ويشنق عراقيو ..
أقوم أعمل طرقتين بضهر السبابة فوق كرشه..
وأرجع أشم صباعي وأقول لي إنت ماكل تركينج (ملوحة)..
واخليه لسع واقف مستغرب وشانق عراقيو وازوغ..
..
ربنا يكتب السلامة لصاحبك..
ويحمينا من بلاوي الزمن دا..
..
طيب يا داليا بالجنبه كده..
الملوحه دي كيف?..
ما ظنيت قرع الدنيا يشيل ريحتها سيبك من الباقي..
| |
|
|
|
|
|
|
|
|
|
Re: زح مني ريحتك بوتاسيوم (Re: داليا الكباشى)
|
سلامات ياجزولى
أنا دكتورى قال لى _ WHAT YOU CAN DO TO LIVE LONGER
. AND LIVE BETTER
أبعد من اللحوم والشحوم .
واللبن .
والملح
أقع السمك . ( الحوت )
والموية .
والكدارى .
والكاتل الله يارسول الله .
| |
|
|
|
|
|
|
|
|
 Re: زح مني ريحتك بوتاسيوم (Re: Osman Musa)
|
أخى العزيز
معليش ما طبيب بس شغال فى المجال
زيادة البوتاسيوم مؤشر لمرض قلب والدم بيغذى الكلى التى هى تأتى فى المرحلة التانية بالتالى هى معرضة والكلى عضو نبيل مابيشتكى كتير ولكن بيقيف ولمرة واحدة عن العمل الحل
بالأضافة لأعلاه
أفحص الكلى على ما يسمى Micro albumin فهى بتدى أشارة لو فى مؤشر لفشل كلوى
أشرب موية كتير فالكلى متل السمك
تريض على الأقل نصف ساعة يوميا بتزيد نشاط الجسم وبالتالى الأعضاء
غنى لو بتقدر حقيبة أو حديث ههه
إبراهيم عبد الحليم
| |
|
|
|
|
|
|
|
|
|
Re: زح مني ريحتك بوتاسيوم (Re: إبراهيم عبد الحليم)
|
البوتاسيوم أحد المعادن المهمة جداً في جسم الإنسان. وتتركز كميات عالية من البوتاسيوم داخل الخلايا الحية، ولا تشكل كمية ما هو موجود منها خارج خلايا الجسم نسبة 5% من كامل كميته الموجودة في الجسم كله. ولذا تعتمد سلامة وكفاءة عمل خلايا الجسم، وفي أعضاء عالية
الأهمية، على توفر معدلات طبيعية من البوتاسيوم فيها. كما من المهم إدراك أن ثمة فارق بين نسبة البوتاسيوم في تحليل عينة من الدم
وبين كمية البوتاسيوم الموجودة فعلياً في الجسم. وبالرغم من أهمية النسبة في الدم والكمية في الجسم، إلا أن انخفاض أو ارتفاع النسبة
في الدم شيء عالي الأهمية في ظهور الأعراض المهددة لسلامة الحياة.
وتنبع أهمية البوتاسيوم من الأدوار الحيوية التي يقوم بها داخل الخلية، لأنه يضبط التوازن في دخول وخروج الماء من وإلى الخلية، ما
يعني أنه أساسي في حياتها. كما أنه من خلال تنظيم تتابع عملية خروجه ودخوله إلى الخلية عبر جدارها، يتم تنظيم نوعية ومقدار وآلية
استجابة الخلية للرسائل القادمة إليها عبر الأعصاب. وبالتالي فان عمل الخلية وكفاءة قيامها بوظائفها يعتمد على توفر الكميات اللازمة
من البوتاسيوم. وخلايا العضلات، في القلب والشرايين وبقية أنحاء الجسم، واحدة من بين الخلايا المعتمد بشكل كبير على البوتاسيوم.
وبالإضافة إلى ما تقدم، تعتمد الكثير من الأنزيمات، المساهمة بشكل أساسي لا غنى عنه في إتمام التفاعلات الكيميائية بالجسم، على عنصر
البوتاسيوم في نشاط أو كسل عملها.
ولذا تختصر رابطة القلب الأميركية أهميته بالنسبة للجسم بقولها: إن البوتاسيوم عنصر حيوي وأساسي لنمو الجسم وحياته.
وتحصل حالات انخفاض نسبة البوتاسيوم عند زيادة تسريبه وفقده من خلال الكلى، وخروجه مع البول، مثل ما يحصل عند تناول أدوية معينة،
خاصة في معالجة أمراض القلب وارتفاع ضغط الدم. ولذا غالباً ما يحتاط الأطباء عند وصف هذه الأدوية لضمان تناول المريض للأطعمة المحتوية
على البوتاسيوم، أو تناول حبوب البوتاسيوم إذا لزم الأمر.
كما يحصل انخفاض البوتاسيوم عند عدم الإهتمام بتناول الأطعمة المحتوية عليه، أو وجود اضطرابات في الجهاز الهضمي، كالقيء أو الإسهال أو ما بعد عمليات تحزيم المعدة أو أمراض الأمعاء الدقيقة أو غيرها. أو وجود اضطرابات في عمل الكلى.
وهناك حالات أخرى خطرة يحصل فيها ارتفاع نسبة البوتاسيوم في الجسم أيضاً.
والمهم أن الانخفاض أو الارتفاع خطير بشكل جدي على سلامة القلب، وخاصة انتظام نبضه وقوة انقباض عضلته، وعلى سلامة الجهاز العصبي،
والعضلات المعنية بالتنفس والحركة وغيرهم.
ويحتاج الجسم بشكل طبيعي إلى كمية 3,5 غرام من البوتاسيوم يومياً. والأطعمة الغنية بالوتاسيوم تشمل الموز والشمام والبرتقال والطماطم
والبطيخ والبطاطا ومشتقات الألبان. (اي حاجه غير كده ممكن ياكلها......))
ساعود اليك لاحقا .... لسه الكلام ما كمل ...
ارقد عافيه لحدي ما اجيك تاني ...
| |
|
|
|
|
|
|
|
|
|
Re: زح مني ريحتك بوتاسيوم (Re: داليا الكباشى)
|
داليا
are
? serious
الناس الهنا ديل مجانين يا داليا.....
أنصح جزلوت بال**** فهي تقلل البوتاسيوم في الدم
وكان الجكه رغم الركب بتاعتو منتهيه.........
بجيكم راجع بلا بوتاسيوم بلا لخه معاكم.....
| |
|
|
|
|
|
|
|
|
|
Re: زح مني ريحتك بوتاسيوم (Re: ibrahim kojan)
|
كلام د / كوجان ده هو الكلام .
الرياضة
( الجكه) الجكه المنتظمة هى مهمة للجميع
ومهمة اكتر لمريض السكرى .
الجكه بتساعد فى السيطرة على نسبة سكر الدم
وبتذيد مستويات كلسترول اتش دى أل ( الجيد)
وتحرق السعرات الحرارية الزائدة والشحم وتحافظ
على الوزن الأفضل .
( دكتورتك الكورية دى دكتورة بلوتينات ساكت ) ( يعنى شغل ركشات وكدى )
تحياتى وعافية وأنشاءالله ما تشوف شر
| |
|
|
|
|
|
|
|
|
|
Re: زح مني ريحتك بوتاسيوم (Re: Osman Musa)
|
| Quote: أنصح جزلوت بال**** فهي تقلل البوتاسيوم في الدم |
والله يادكتور "كوجان" .... انا الليل دا كلّو صاحى ... عينى دى غلبتا الغمدة عديييل ...
امشى لى منعم؟
(يا تاج شايفك بقيت بتفك طلاسم الفُكَيا وكدا ...)
.. المهم ....
| |
|
|
|
|
|
|
|
|
|
Re: زح مني ريحتك بوتاسيوم (Re: Osman Musa)
|
Quote: أنا دكتورى قال لى _ WHAT YOU CAN DO TO LIVE LONGER
. AND LIVE BETTER
أبعد من اللحوم والشحوم .
واللبن .
والملح
أقع السمك . ( الحوت )
والموية .
والكدارى .
والكاتل الله يارسول الله . |
الكداري عندك يا عثمان‘ كل ما نقطع كبري (سكاي لاين) و نحنا في الملاكي نلقاك دافر‘
يا ود عم بدوي‘ جننت المراكيب جن هههه
نصيحتك محولة للجزلوت‘ هو الجزلوت قايلو هين فى الحوامة؟؟
هو شي جاب ليه البوتاسيوم ده غير الحوامة مافي.
تحياتي
| |
|
|
|
|
|
|
|
|
|
Re: زح مني ريحتك بوتاسيوم (Re: Tagelsir Elmelik)
|
| Quote: هو شي جاب ليه البوتاسيوم ده غير الحوامة مافي. |
بالاضافة لطناشو لاصحابو واستخدام الانسرنق مشين البتقطع بلا سبب..
سلامتك يا منعم ما تشوف شر ياخي
البوتاسيم الله يقلعو.
حنعمل ليك رسبيز كيف تطبخ الكوسة..
| |
|
|
|
|
|
|
|
|
|
Re: زح مني ريحتك بوتاسيوم (Re: د.نجاة محمود)
|
..
.
| Quote: في سره ( سمعنا بالسكر الزايد و الضغط الزايد بوتاسيوم شنو كمان) |
سلام يا ملك
والله مشتاقين شنو من ديك وعيييك ؟؟
ياخى والله متعتنا بالبوتاسيوم ومعاناه الجالزلوت
الزول دا شنو ليه طريقة يرجع المنبر وبالله عشان يقلل
نسبة البوتاسيوم يكتر من اكل البط :)
تحياتى لكل VA
_________
يا دكتورة ياخى قطعت قلب الزول
شنو زيادة البوتاسيوم توقف القلب حسي خلعة نوقفو ..
مودة؛
| |
|
|
|
|
|
|
|
|
|
Re: زح مني ريحتك بوتاسيوم (Re: Tabaldina)
|
إنت يا تاج منعـم دا مش كان باشتمرجي (آدِّ الدنيا)؟.. يعني ما عارف البوتاسيوم دا ممكـن يعمل ليهو شـنو؟.. وبدلاً من خدمة الأجندة السرية للكوريين والصينيين، عليه تشجيع الناتج الوطني، وتحقيق شعار الثورة الظافرة بأن نأكل مما نزرع، ومحاربة المرض في نفس الوقت.. فعليه أن (يتخدا) بأم شعيفتُن، فإن لم يجد فبأم تكشـُن، فإن لم يجد فبأم تلاتتُن، وذلك أضعف الويكاب.. ولو دا كلو ما نفع، يبقى الراجل فعلا عندو مرض فقرا (حقيقة ومجازاً!)، ممكن بعدداك نجيب ليهو روشتة من الفكي أبو شيخاً كتابو.. الودرو أكتر من الجابو! وسلمّ على منعـم والتحية لكم..
| |
|
|
|
|
|
|
|
|
|
Re: زح مني ريحتك بوتاسيوم (Re: mamkouna)
|
ها زول ها هسة يوم واحد سمعت ليك بي زول رقد مستشفي ومات قالو كتلو البوتاسيوم؟؟ دحين البوتاسيوم ده كان بكتل كان فضل زول نصيح في البلد دي ؟؟ هو بلا كلام عيال الهنا ديل في شي بيكتل في البلد دي ؟؟ بلع يا منعم ياخوي كباسيلك عوجة تب ما بتجيك ...
قال جكة قال!!!!!!!!!
| |
|
|
|
|
|
|
|
|
|
Re: زح مني ريحتك بوتاسيوم (Re: ريهان الريح الشاذلي)
|
يا ملك... هو منعم ذاتو الوداه يعمل ليه دكتورة شنو كان ما شلاقة ساكت منو؟؟
كان أحسن ليه يقعد في بلد السجم والرماد دي
يوم بس يصحى من النوم يلقى نفسو ما عارفة عندو شنو....
يمشي لأي دكتور في الخرتوم ... ما يعرفو العندو شنو...
يزهج يقوم يمشي ليه لي فكي كاااااارب
الفكي يقول ليه أدوك عين ولازم تشرب محاية
يقوم منعم الجن يشرب المحاية
تقوم المحاية تشرب البوتاسيوم... جووووووووووووووووووووووووت
بس
| |
|
|
|
|
|
|
|
|
|
Re: زح مني ريحتك بوتاسيوم (Re: Ishraga Haimoura)
|
Gazalot
Via Satelite speaks to fans
Quote: يا تى ام
ارجو ان تخبر جمهور الرجرجة والدهماء الذين زحموا بوستك باننى فى غنى عن تجمهرهم هذا وعليهم ان يبحثوا لانفسهم عن زقاق آخر يمارسون فيه الدافورى بتاعهم هذا
قل لهم ان لايبوظوا علىَّ مرضى!!
لقد انفقت عمرى كله اجمِّع فى هذه البلاوى وحان الوقت كى استمتع بها!!
الحسادة العليهم شنو!!؟؟
فجأة ... تحول المنبر العام كله الى اطباء؟؟؟؟
وقل لممكونة سوف نردها لك فى ( حامدك ).
وسوف أعمل بنصيحة ريهان وان شاء الله البوتاسيوم اليشقنى
وقل لبيان خلصى موضوعك مع صدقى كبلو... بوتاسيومى ملحوق!!
وقل لعثمان موسى ان يعود الى الزيداب، فهذا خير له ولنا وللبشرية جمعاء...
قال جكة قال... الجكة التقوم ليك فى..............ك.
اما بتاعين المحايات فقل لهم........................................
حمدو فى بوتاسيومو |
| |
|
|
|
|
|
|
|
|
|
Re: زح مني ريحتك بوتاسيوم (Re: Tagelsir Elmelik)
|
Quote: يا ملك... هو منعم ذاتو الوداه يعمل ليه دكتورة شنو كان ما شلاقة ساكت منو؟؟
كان أحسن ليه يقعد في بلد السجم والرماد دي
يوم بس يصحى من النوم يلقى نفسو ما عارفة عندو شنو....
يمشي لأي دكتور في الخرتوم ... ما يعرفو العندو شنو...
يزهج يقوم يمشي ليه لي فكي كاااااارب
الفكي يقول ليه أدوك عين ولازم تشرب محاية
يقوم منعم الجن يشرب المحاية
تقوم المحاية تشرب البوتاسيوم... جووووووووووووووووووووووووت
بس |
بعيدا عن البوتاسيم ..اشراقة مالها يا اخوانا؟؟
| |
|
|
|
|
|
|
|
|
|
Re: زح مني ريحتك بوتاسيوم (Re: ريهان الريح الشاذلي)
|
Quote: اما بتاعين المحايات فقل لهم........................................
حمدو فى بوتاسيومو |
إنت زعلت يا دكـتور؟.. والله كـلام دكتورة نجـاة طلع صحي لامن قالت لي منعم مااا زول كتابة،، يعني نقلب معاها عـلاج بالموسيقى ولاّ كيف؟ ياخـي نحنا كل همنا تبقى طيب إنت، والبي البوتاسيوم كلو هـين،، المهم العـلاج، كان بي كوسا، بي كارجِقِـل، بي بخرات، بي دلوكة، بي اي شئ يعجبك.. المهـم تعـود وأنت (ترفل!) في ثياب العافية، وقديما جاء في الحكمة: عبدالمنعم يرفل، والصّور من تاج السر..وسلامتك والبوتاسيوم بِذوب..
| |
|
|
|
|
|
|
|
|
 Re: زح مني ريحتك بوتاسيوم (Re: Isa)
|
الحل ساهل بس مدمر
بوتاسيوم زايد موية نار يروح البوتاسيوم وانت تروح فى شوربة ...؟
K2 + H2SO4 --- = > K2SO4 + H2
ما قلنا ليك الحب صعيب قاسى وعنيد من أوله ..
تحيات حارة
إبراهيم عبد الحليم
| |
|
|
|
|
|
|
|
|
|
Re: زح مني ريحتك بوتاسيوم (Re: إبراهيم عبد الحليم)
|
الحمدلله اسعتية اتكلمنا مع منعم لم باثر البوتاسيم على ضحكته قيد انملة
بيد ان الكوسة قد اثرت عليه كثيرا لاني لاحظت والله اعلم انه بقى بتاع كوسة
من ردو الفوق دا...
ربنا يشفيه ويعافيه يرجع ليه باسوردو يبدو انه زمان بجي يحت بوتاسيمو في البورد
اسع من اتربس برة بقى عنده انحباس بوتاسيمي
يا بكري خارج لينا الجني من القزازة..
ولكم جميعا مودتي..
وبرية يا منعم..
| |
|
|
|
|
|
|
|
|
|
Re: زح مني ريحتك بوتاسيوم (Re: إبراهيم عبد الحليم)
|
| Quote: ارجو ان تخبر جمهور الرجرجة والدهماء الذين زحموا بوستك |
اخخخ
جينا نعيدك يا قريبي، عيادة المريض فيها الاجر lol
------------------------------------------
عندنا قريبتنا بتحب تمشي الدكتور كتير، بس ما تسمع ليها باسم حاجه، تحفظها
و تلبد، بعد كم يوم كده تقول عندها، بس مشكلتها بتزيد في الاعراض و مافي زول
بيقدر يغالطها، ولا الدكتور زاتو، النمشي نحفظها دي، قشره قشره الاسم
- حاسه بي شنو يا خاله
= والله يا ولدي، جنبتي اليمين دي بتكلكلني بدون سبب، و صباع رجلي الصغير بيرف
- 
= والله اظنه بستايتمي يكون مرتفع يا ولدي؟
-------------------------------------------
كفارة يا منعم و ما تشوف شر...
| |
|
|
|
|
|
|
|
|
|
Re: زح مني ريحتك بوتاسيوم (Re: Rihab Khalifa)
|
| Quote: K2 + H2SO4 --- = > K2SO4 + H2 |
الحل دا فعلا ممتاز يا ملك
بس اضف ليهو الامتناع عن التدخين
لانوغاز الهايدروجين الناتج من التفاعل H2 شديد الانفجار بطبيعة الحال
وان كان لابد من التدخين ننصح بالشيشة الى حين انتهاء فترة العلاج
____
سلامات يامنعم
| |
|
|
|
|
|
|
|
|
|
Re: زح مني ريحتك بوتاسيوم (Re: عبدالوهاب علي الحاج)
|
Quote:
بالاضافة لطناشو لاصحابو واستخدام الانسرنق مشين البتقطع بلا سبب..
سلامتك يا منعم ما تشوف شر ياخي
البوتاسيم الله يقلعو.
حنعمل ليك رسبيز كيف تطبخ الكوسة.. |
سلام يا نجاة
ياهو داك بسمع في كلامك ده
يشرب في عصير الكوسة و البذر تسالي.
| |
|
|
|
|
|
|
|
|
|
Re: زح مني ريحتك بوتاسيوم (Re: Tagelsir Elmelik)
|
رسالة الدكتور عصام بعد التنقيح
Quote: يا ( بيب)
اقعدو اكشفو في حالكم كده قدام الغاشي و الماشي , كبدتو وقفت و فشفاشو انفقش ... ده العجز او الكبر او الكهولة او اسماء اخرى ,
و طبعآ كل الاعراض و الامراض المذكورة تقود لاستنتاج واحد: إنو اخونا ضكر الجديان (بييييب)‘ - حليل بت مجذوب - (بييب) اضحت (بييييب) لمسح العرق من (بيييب) ...
اقترح لتسهيل و تسريع العلاج ان ( بيييييييب)
لو محتاج مساعدة في( بيب) ... الاخوان قاعدين بس قول عوووك
و ده اليوم الراجينو ليك يا غزالوط مبروك عليك
في بيات صيفي عن الكتابة
عصام جبر الله
|
| |
|
|
|
|
|
|
|
|
|
Re: زح مني ريحتك بوتاسيوم (Re: Osama Mohammed)
|
Quote: سلام يا ملك
والله مشتاقين شنو من ديك وعيييك ؟؟
ياخى والله متعتنا بالبوتاسيوم ومعاناه الجالزلوت
الزول دا شنو ليه طريقة يرجع المنبر وبالله عشان يقلل
نسبة البوتاسيوم يكتر من اكل البط :)
تحياتى لكل VA |
تحاياك وصلت يا تبلدينا يا راسخ
Quote:
إنت يا تاج منعـم دا مش كان باشتمرجي (آدِّ الدنيا)؟.. يعني ما عارف البوتاسيوم دا ممكـن يعمل ليهو شـنو؟.. وبدلاً من خدمة الأجندة السرية للكوريين والصينيين، عليه تشجيع الناتج الوطني، وتحقيق شعار الثورة الظافرة بأن نأكل مما نزرع، ومحاربة المرض في نفس الوقت.. فعليه أن (يتخدا) بأم شعيفتُن، فإن لم يجد فبأم تكشـُن، فإن لم يجد فبأم تلاتتُن، وذلك أضعف الويكاب.. ولو دا كلو ما نفع، يبقى الراجل فعلا عندو مرض فقرا (حقيقة ومجازاً!)، ممكن بعدداك نجيب ليهو روشتة من الفكي أبو شيخاً كتابو.. الودرو أكتر من الجابو! وسلمّ على منعـم والتحية لكم.. |
الباشتمرجي طلع اشاعة يا عيسى
شكرا على الدعم المعنوي
Quote:
بعيدا عن البوتاسيم ..اشراقة مالها يا اخوانا؟؟ |
انتي القريبة امشي شوفي الحاصل
Quote: سلامتك يا حامد من المرض...
ربنا يتم ليك بخير . |
وصل صالح الدعء
انتي وين ياخ اصلا؟؟
Quote: يا ملك... هو منعم ذاتو الوداه يعمل ليه دكتورة شنو كان ما شلاقة ساكت منو؟؟
كان أحسن ليه يقعد في بلد السجم والرماد دي
يوم بس يصحى من النوم يلقى نفسو ما عارفة عندو شنو....
يمشي لأي دكتور في الخرتوم ... ما يعرفو العندو شنو...
يزهج يقوم يمشي ليه لي فكي كاااااارب
الفكي يقول ليه أدوك عين ولازم تشرب محاية
يقوم منعم الجن يشرب المحاية
تقوم المحاية تشرب البوتاسيوم... جووووووووووووووووووووووووت |
ده الشغل
Quote: عندنا قريبتنا بتحب تمشي الدكتور كتير، بس ما تسمع ليها باسم حاجه، تحفظها
و تلبد، بعد كم يوم كده تقول عندها، بس مشكلتها بتزيد في الاعراض و مافي زول
بيقدر يغالطها، ولا الدكتور زاتو، النمشي نحفظها دي، قشره قشره الاسم
- حاسه بي شنو يا خاله
= والله يا ولدي، جنبتي اليمين دي بتكلكلني بدون سبب، و صباع رجلي الصغير بيرف
-
= والله اظنه بستايتمي يكون مرتفع يا ولدي؟ |
قريبتك دي حامدية يا رحاب؟؟
Quote: Quote: K2 + H2SO4 --- = > K2SO4 + H2
الحل دا فعلا ممتاز يا ملك
بس اضف ليهو الامتناع عن التدخين
لانوغاز الهايدروجين الناتج من التفاعل H2 شديد الانفجار بطبيعة الحال
وان كان لابد من التدخين ننصح بالشيشة الى حين انتهاء فترة العلاج
|
يا رجل توهتو منعم بالطريقة دي‘ معادلات و بتاع‘ الزول داير ليه نظام غذائى بس
سلام
| Quote: لكن المثير للاهتمام رسالة عصام والتي من بيباتها الكتيرة حسبتها برنامج جير يسبرنغر الشهير .. |
سبرينجر شنو الطيب ده؟؟
ده قال لى سبرينجر زح كده ولا كدة
تحياتي للجميع
| |
|
|
|
|
|
|
|
|
|
Re: زح مني ريحتك بوتاسيوم (Re: mamkouna)
|
Quote: بعيد عنك عندي ارتفاع في الماغنيسيوم و انخفاض في الفسفور..
فايتنك بالصبر يا نعوم كاراكوسا.
|
غايتو جنس مقابضة
نسأل السؤل نحنا الأجابة تمشي للكراكوسا
الكراكوسا مشغول بزيارة شرحبيل اليومين دي
| |
|
|
|
|
|
|
|
|
|
Re: زح مني ريحتك بوتاسيوم (Re: Tagelsir Elmelik)
|
| Quote: نسأل السؤل نحنا الأجابة تمشي للكراكوسا |
السطر الأول.... إجابة سؤالك.
السطر التاني... شكية لأب إيداً قوية !
..........
سوعال بالجنبة:
دحين يا تي جاي الكوسة دي ما ياها.. zucchini الله و الرسول ؟
كراكوسا دي بالهندي ؟!!!
| |
|
|
|
|
|
|
|
|
|
Re: زح مني ريحتك بوتاسيوم (Re: عزام حسن فرح)
|
و الله عشان خاطر ( حتو) دي ‘ لو نعمل ليك ضمانة نأشر ليك
تصور القاعد معاى ( الحين) منو؟؟
عصام الدوحة شخصيا بيعاين في طاقيتك دي لمن بوتاسيمو دق في اتناشر
تحياتي للأسرة‘ بالمزاد و الشعبية‘ و جنينة عبود‘ و المتحف و القرية تمنتاشر
و شيخ ادريس‘ وزاهر سوار الدهب و مرطبات فيينا.
| |
|
|
|
|
|
|
|
|
|
Re: زح مني ريحتك بوتاسيوم (Re: Tagelsir Elmelik)
|
تاج السِر ...
مِشيت ليك فيينا قدُر ما كُست مُرطباتا الحبه ما لِقيتا
| Quote: عصام الدوحة شخصيا بيعاين في طاقيتك دي لمن بوتاسيمو دق في اتناشر |
عصام يا حليلو ... البِشبهو منو؟
لامِن مشيت السودان في < الفترة > فتحتلي دُكان هيل < تُنباك > حدا مِحِل ناس أبوك
بعد كمين يوم كدي جو ناس النِظام العام قفلوهو بِالشمع الأحمر وطبلوني في حراسة
بحري ... سألت : في شنو يا جماعة ... قالو لي يافطة دُكانك فيها < ذندقة > كُتْ
كاتِب < سِفوا تصِحوا >
| |
|
|
|
|
|
|
|
|
|
Re: زح مني ريحتك بوتاسيوم (Re: Tagelsir Elmelik)
|
Gazalot vis Satelite:
Quote: تعرف ياتى ام
المغنيسيوم والفسفور لايوجدان الا فى ممكونة وجبال ينى شنقول
الزولة هذه ثروة قومية ..يجب ال " التحفظ " عليها
أخشى ان الجماعة لو فتشوها كويس يكتشفوا فيها بترول، وقيل يورانيوم.... ومخصب كمان
نسأل الله السلامة
|
| |
|
|
|
|
|
|
| |
Tagelsir Elmelik
ابراهيم عدلان
داليا الكباشى
تبارك شيخ الدين جبريل
سامى عتبانى
محمد على طه الملك
Osman Musa
إبراهيم عبد الحليم
ibrahim kojan
mamkouna
ريهان الريح الشاذلي
Ishraga Haimoura
Rihab Khalifa
عبدالوهاب علي الحاج
Osama Mohammed
عزام حسن فرح
حيدر حسن ميرغني
فيس بوك
تويتر
انستقرام
يوتيوب
بنتيريست