|
|
 مجرد مقترحات
|
الداير يناقشني فيهم مرحبابو
الما بغطي معاه كلامي يعتبر نفسه ما قرا حاجة وبالله ما يوترني
البورد ده الناس كتار فيه و80% من اعضاءه ما بكتبوا
ومن 2003 لحدي 2008 انا واحد من المابشاركو
يبقي يا جماعة الخير في كتابات قيمة قاعدة تروح في زحمة البورد ساي
في قضايا حية بتموت بين الكلكات وبين ضحكاتنا نحن عادي
ونحن مسئولين منها تماما لانو نحن اعضاء في بورد مقروء جدا
الكتابة القيمة وعندها قيمة معروفة..كتابة من مصادر وبتضيف معلومة للزول
عندها تأثير في الواقع وبتوجه الناس
دي كلها مافي
ما من مصلحتنا كبشر عايزين نتطور ونمش لقدام نكون عايشين في هرجة زي دي
نحن ناس كبار يبدو لي
انا شخصيا بميل للضحك كتير وبخستك لكن والله لو لقيت موضوع جادي احسن لي من البعمل فيه ده
استاذة من جامعة السودان مريضة درست اجيال هنا،بالله نداء زي ده يمش وسط الزحمة دي واتنين تلاتة ماقادرين يتصرفوا،ومتاكد انو ناس البورد ما بقصروا لكن النزل البوست ما عنده شلة،وراح في سوق الله اكبر عادي جدا
متين الناس دي وقفت وقفه واحدة واثرت اعلاميا علي قضية سالبة في المجتمع ده لدرجة كبيرة
نحن بنهظر وبنقنع روحنا ساي
عليه.....
رجاء خلوا العنده كتابة قيمة ينزلها ونستفيد منه
العنده قضية الناس تقيف معاه ترفع قضيته اعلاميا
الناس المختلفة مع بعض برضو يعرفوا انه عليهم مسئولية انو وكتهم المروحنه ده محسوب علي انجازات ممكن نقوم بيها
خلاصته ياخوانانحن شعب ادمن الونسة ولازم نطلع من الموضوع ده شوية شوية
والله الموفق
|
|
 
|
|
|
|
|
|
|
|
Re: مجرد مقترحات (Re: حامد محمد حامد)
|
حامد
تكرم عيونك وكل سنة وانت طيب يا حبوب
صدق برضو لو ما غطي ما فارقة
تعرف ليه؟؟
لانو الزول لما يكون عارف الحاصل الليه والعليه ما بتحسر شديد
ابقي طيب
| |
|
|
|
|
|
|
|
|
|
Re: مجرد مقترحات (Re: GamarBoBa)
|
| Quote: استاذة من جامعة السودان مريضة درست اجيال هنا،بالله نداء زي ده يمش وسط الزحمة دي واتنين تلاتة ماقادرين يتصرفوا،ومتاكد انو ناس البورد ما بقصروا لكن النزل البوست ما عنده شلة،وراح في سوق الله اكبر عادي جدا |
قمر بوبا سلام....
لما تنزل موضوع وتطرح قصة ما تحاول تعمل موازنات وحساب لشنو وشنو
طالما انك ما بتسئ لزول شوت موضوعك بقلب قوى من غير ايجاد اعذار ومبررات
العندو كلام مفيد وبضيف ممكن يقولو عادى والماعندو يقرا ويتخارج
المشاكل الحاصلة فى البورد وسؤ الفهم خلت الناس تسوق مبررات لى اى موضوع مهما كان بسيط خوفا
الحرج ... وفى نظرى دى تقديرات خاطئة...
لانو الواحد بركز على المبررات ودا بضعف الموضوع\ياخ شوت موضوعك بقلب قوى طالما انك على حق....
اها بخصوص الموضوع برجع ليك
| |
|
|
|
|
|
|
|
|
|
Re: مجرد مقترحات (Re: Amira Elsheikh)
|
قمر سلام... تانى
الحاصل دا ما جا ساى كدا ولا من فراغ
اكيد فى اسباب قوية خلتنا نجرى ونسك الضحك والونسة
اها ابدا ليك ...
اولا المنبر دا بقى بخوف لانو مافى حوار فيهو مشى لقدام بسبب المهاترات والغباين
والمساككة فى الفارغة والمليانة ..
الاساءة على قفا من يشيل ومن طرف وبتصلك فى اى وقت وفى اى مكان حتى لوكنت موضوعى وعلى حق
دا خلو جزء كبير من الناس تمشى وتسيب البورد وخلى ناس تانيين يعاينو من الشباك خوف من الفليق
وناس تانيين ماشين جنب الحيطة ياقول انعام عبدالحفيظ ......
اها نبقى فى اهلك وناس بيتكم وجيرانكم وتاريخ اسرتك وشغلك من عدمو؟؟
الضحك والونسة لا بغلطن عليك ولا بجيبن ليك مشاكل ...شان كدا الناس فترت وزهجت من الفارغة
والكلام الشين ..
| |
|
|
|
|
|
|
|
|
|
Re: مجرد مقترحات (Re: Amira Elsheikh)
|
اميرة ازيك وعيدك كريم
تعرفي انا ما عملت اي موازنات لكن حبيت اخت الموضوع في قالب بسيط
انو نحن بنقضي وكتنا في سودانيز اون لاين في مواضيع ما حتفيدنا لقدام
انا ما نزلت موضوع الاستاذة القلته فوق
وياريت كان عندي جرأة وعشمان في ناس اسفير عشان ارفع ليهم بوست زي ده
ده عشم ابليس في البورد ده ولا حيكون
بوست اتعترت فيه رافعه زول قبلي اتخرج بعشرين سنة بحكي عن استاذة درست اجيال
والناس بتتفرج
طيب لشنو قعادنا؟؟؟
____
في نص رمضان قلت ليك يا اميرة ادينا زمن نتخارج..وشكلي بقيت اتكلم كتير
يبقي انا شخصيا بتكلم كتير في الونسات
والونسة وليدة اللحظة ومحتاجة زول دمه خفيف..وان زول دمي تقيل بعرف روحي
يبقي ماشين لكن العلينا نقوله وبما يرضي الضمير
قضايانا كتيرة وكبيرة ولمتنا في منبر بكري المفروض يكون ليها دور اكبر من كدة
تحياتي
| |
|
|
|
|
|
|
|
|
|
Re: مجرد مقترحات (Re: GamarBoBa)
|
اميرة
معليش خليني اكوت كلامك
مع انو بكره مسألة الكوت كتير شديد
Quote: اولا المنبر دا بقى بخوف لانو مافى حوار فيهو مشى لقدام بسبب المهاترات والغباين
والمساككة فى الفارغة والمليانة ..
الاساءة على قفا من يشيل ومن طرف وبتصلك فى اى وقت وفى اى مكان حتى لوكنت موضوعى وعلى حق |
دي النقطة الوحيدة الانا عاكي فيها هسة
الاساءة دي برضو المفروض تقيف
حتي زهجتي من ابداع صلاح غريبة ومساسكته في بوستاته رغم الضحك ما صاح وطلبت منه سماح ذات يوم
الغباين والمهاترات ديل اسهل محورين في البورد الزول ممكن يركب في عجلاتهم
لكن ليه الناس وقفت تتفرج والباقين ركبو السرج ده هنا ببقي السؤال
وفي ناس قرت الحاصل بشكل كويس واصلت بقرايتها للفجوات وحاولت توصل رسالة لكن بشكل محدود
بمعني انو ما أثر برة
في عضو بورد هنا قرا كتاب لخصه قبل كدة؟؟؟
في عضو بورد ادانا محاضرة في علم مفيد؟؟
في عضو بورد شرح لينا مشكلة البيئة والسدود؟
نحن بنقضي وكت فارغ وانا اول الناس
| |
|
|
|
|
|
|
|
|
 Re: مجرد مقترحات (Re: GamarBoBa)
|
Quote: دي النقطة الوحيدة الانا عاكي فيها هسة
الاساءة دي برضو المفروض تقيف
|
حتعك فيها بكرة وبعد بكرة والبعدو ...
تقيف كيف دا السؤال الماعندو اجابة ,,,,,
لانو لائحة البورد صورية وماحلت يوم مشكلةاطلاقا
بكرى لو وقف زول ما بنعرف اتوقف ليه ولا غلطو شنو ولا مالو ... نقعد نفتى
ونفتى وكمان نطالب بكرى بانو يرجع الشخص الموقوف حتى لو غلطان غلط كبير وشنيع
الاساءة ما بتقيف لو كومك كبير حتى لو غلطان مافى زول بقول ليك لا غلط
لانو فى ناس بتجى بتفترسك وبتعملك كفتة .. يا لبدت ليك فى اقرب ملف وخلتك تلقط ورق
الاساءة ما بتقيف لانها بقت العصاة الممكن تلوح بيها فى وش الاخر المختلف معاك
الاساءة ما بتقيف طالما كل زول ملبد ليهو شوالات مسنجرات وعارف انو حيستخدمها يوم ما
الاساءة ما بتقيف طالما كل زول مسيف ليهو كراتيين بتاعة كوتات لاخرين مختلف معاهم
وممكن ينزل ليهم فى اى بوست ومن غير مناسبة ..
الاساءة تقيف كيف ؟؟
| |
|
|
|
|
|
|
|
|
|
Re: مجرد مقترحات (Re: Amira Elsheikh)
|
بوبا يا منقة
تعرف الحتة بتاعة المهاترات ومهابشة الاسر دي
اسوأ شي موجود في المنبر دة
في كلام كتير مقروء وجميل ولو فتشتة ليه بتلقاهو
في ناس كتابين شديد بس كتاباتهم بتغتس
انا شخصيا اي زول يدخل المنبر جديد بقرأ ليه بوستين تلاتة
لو لقيتو مخارج معاي بفتش ليه عديل
حتى لو ما اتداخل معاهو
وبي نفس الكيفية بجب بكب حاجاتي الجاني حبابو
والما جاني برضو حبابو
يا زول الدنيا دي دايشة ونحن دايشين معاها
| |
|
|
|
|
|
|
|
|
|
Re: مجرد مقترحات (Re: Amira Elsheikh)
|
| Quote: الاساءة تقيف كيف ؟؟ |
التحية ليك يا اميرة
سؤال مهم وصعب الاجابة عليه فورا ولكن يمكن للاساءة ان تقف اذا اردنا نحن ( البورد) ان نوقفها وفى الحقيقة لابد لها ان تقف مهما تطاول البعض وابوا ان يوقفوها والا فنحن مقصرون ولكن دعينى يا اميرة ان اضع سؤالك بطريقة اخرى
لماذا نحن نسى لبعضنا فى هذا المنبر بالذات ؟
فى علم الادارة والسلوكيات ان من اكثر الاموروالتى تبعد عن التنافس الشريف والانتاجية عندما توضع الامور فى قوالب شخصية حتى فى اعلى ساعات الغضب وعدم الرضا يجب ان يكون جام غضبك منصبا على الموضوع لا على الشخص وما يحدث هنا نقيض ذلك فيبدا النقاش وسرعان ما تتشخصن الحوارات ويبدا السيل من اقذع الكلم من اين ياتوا به تلك مهارات اخرى .
وكيلا نظلم هذا المنبر وكما ذكرتى يا اميرة ان ما يحدث لم يات من فراغ وقد طفح الكيل وتكونت الشلليات واصبح الناتج المفيد قليل جدا من تلك المواضيع التى تقصدها يا موسى لان البعض اثر البعد والباقون من يتناولون الامور التى لا تؤدى الى صراعات فكرية او حوارات قد تميل الى شخصنة ومن ثم الى اساءات ....الخ...
ونواصل واسف للاطالة
| |
|
|
|
|
|
|
|
|
|
Re: مجرد مقترحات (Re: حامد محمد حامد)
|
| Quote: لماذا نحن نسى لبعضنا فى هذا المنبر بالذات |
حامد .... سلام وعساك طيب ...
الوضع فى البورد اصبح مزعج لدرجة غير محتملة ......
نحن جينا من بيئات وخلفيات متباينة لكن المشترك بينا
اكبر باعتبار كلنا سودانيين والتباين دا مفترض يثرى اكتر من مما يفقر
كنت بتخيل المنبر فرصة للتعرف على ثقافاتناالمتابينة ومتنوعةدى وعلى ضوئها نتعلم كيف نقبل
بعضنا..المنبر خطوة اولى فى تعلم الحوار واحترام الاخر....لكن ما يحدث العكس
تماما...الغريبة الاساءة بقت اسهل من اى شئ فى البورد وفى متناول اى زول ...
كاننا فى شارع ...
Quote: ولكن يمكن للاساءة ان تقف اذا اردنا نحن ( البورد) ان نوقفها وفى الحقيقة لابد لها ان تقف مهما تطاول البعض وابوا ان يوقفوها والا فنحن مقصرون ولكن دعينى يا اميرة ان اضع سؤالك بطريقة اخرى
|
اتمنى ذلك .... لكن صعب وصعب جدا ... لانو اغلب المشاكل والخلافات دى جزء كبير منها قبل نحن ما نجى البورد حتى
لو دخلت بوست فيه عكة ولا اساءة ما حتفهم اى شئ لانو فى زول حيجر ليك لنك بتاع موضوع من سنة 2001 وفى زول تانى
يلصق ليك كم كوت كدا من بوستات مختلفة ومن سنوات مختلفة ... اها انت تبقى فى حيرة من امرك ولا تفهم الحاصل ولا تقدر
تمشى تبارى اللنكات دى شان توصلها حدها ... وقتها حتختار دور المتفرج مش لانو ما عندك قدرة ... بس لانك مافاهم حاجة
شان تدلى بدلوك ....
زايد كل زول عندو ناس جاهزين تو سبورت هيم وانت الكايس لدرب النصيحة دا تروح فى الرجلين ..
يبقى السؤال تانى يا حامد ...
الاساءة تقيف كيف ...
او
ليه نحن بنسئ لبعضنا فى هذا المنبر
وتحياتى وماتعتذر عن اى اطالة .. لانو النقاش مفيد
| |
|
|
|
|
|
|
|
|
|
Re: مجرد مقترحات (Re: GamarBoBa)
|
السلام يا قمربوبا وياسلام ياخي ....
باتفق معاك طبعا ....
في رأيي المسألة دي مردها لفهم الناس لي دور البورد شنو !
في ناس هنا البورد دا بالنسبة ليهم ونسة وطق حنك واشتريت لي شبط جديد وباركوا لي اختي الصغيرة جابوا ليها بزة جديدة !
في ناس تانين البورد دا بالنسبة ليهم مكان للمناكفات في الكورة وفي غيرا
ناس الكورة ديل زمان كنت بالومهم ، لكن لما وقعت لي علي كم جريدة رياضية كده من الخموم المالي البلد دي عذرتهنم !
من ناحية تانية ياقمربوبا منبر بكري دا الان اكثر المنابر السودانية مقروئية ، اها دا من جهة أخري قد يدلل انو الناس عاوزين يقروا الكلام الفاضي دا !
مسألة انو الاساءة تقيف دي ما اظنها تحصل طالما في ناس في الحياة العامة وفي المنبر دا فهمهم لا يتعدي ظواهر الكلمات فهم بالتالي حراس النوايا وحراس الأخلاق وحراس الدين
ذاتو !
تعرف يا قمربوبا لي هنا اكتر من ستة سنين ، في ناس كدا لو كتبو شنو داك ما بخش عليهم لأنو نفس الناس ديل مستعدين يقلوا أدبهم معاك - ان وجد - ان خالفتهم الرأي ،
ياخي هو نحن لاقين زمن ذاتو ؟
طالما ظل الناس بيتعاملوا مع الكتابة في البورد علي أساس انها محض ونسة فالحال ياهو نفس الحال !
باجيك تاني .
| |
|
|
|
|
|
|
|
|
|
Re: مجرد مقترحات (Re: الوليد محمد الامين)
|
يااعزائي .. دعونا نقر بواقع ماثل في حال بلادنا .. نحن شعب يفتقد حرفية ومهنية الادارة ...وادارة الحوارات احد الادارات المهمة ...النقاش الاسفيري يحتاج الي من يديره ومن ياتي بموضوع للحوار يجب ان يكون واعيا لطبيعة اهل السودان في هذا الصدد وعشوائية تناول الاحداث التي تصيب كل حواراتنا بعدوي انزلاق الي مهاترات وسباب ...مقدرة من يديير او يبتدر الحوار الي احتواء كل هذه الاسقاطات امر مهم .. لايكفي ان ياتي احدنا بموضوع حيوي للحوار ويتركه دون ادارة تجعل المردود في صالح الموضوع وليس خصما عليه ..., ادارة الحوار تحتاج للعمل علي فرض احترام الحوار والمتحاوريين والاقصاء الذكي لكل من يحاول ان يجدف بالحوار بعيدا ....
بكري يقدم ساحة لنجتمع فيها ويوفر معينات البقاء لمن يريد في حدود عامة وعليه فان التعايش داخل الساحة والاستفادة من تجمعنا هو مسئوليتنا فردا وجماعة ...
العدوانية والفوضوية والمكابرة والاستعلاء لا تجعل من العضو والمحاور بطلا وانما صورة بائسة لبشر ...نحن نكثر من الشعارات والمطالبة بحريات وديمقراطية ومساحات ماهلة للراي وفي ذات الوقت نلقم كل من ياتي براي لا يعجبنا حجرا ونقفز الي حلقه لنخنق رايه ...هذه التناقضات تنعكس في حالنا السياسي والاقتصاديس والاجتماعي ولذا فاننا بقينا نخوض في مستنقع سوء الادارة عقودا لا نقدر ان نخرج منه الي يابسة .....
نحن كثيرو التنظيير والقول والشعارات وقليلو العمل لترجمة ما نقول لمنتوج نافع ومادي ...
اصلاحنا لاخطاؤنا يبدء بالاعتراف بها والا سنبقي ندور في ساقية البؤس الذي نحن فيه منذ عقود كثيرة ولن يحلنا تشتتنا في اركان الدنيا طالما اننا نريد ان نحمل اخطاؤنا في جيناتنا ....
مودتيابوبكر
| |
|
|
|
|
|
|
|
|
|
Re: مجرد مقترحات (Re: abubakr)
|
Quote: يبقى السؤال تانى يا حامد ...
الاساءة تقيف كيف ...
|
اميرة ..اواصل ومن غير اعتذار كما يحلو لك..
القصة فى نظرى مرتبطة بالشخصية السودانية وبما ان هذا المنبر من حسن الحظ او من سوئه سودانى بحت فان التاثير نحو الايجاب عما هو عليه بعيد المنال وطويل السفر . ارجع واقول بان الشخصية السودانية التى توحى بالمسكنة او الشهامة او المروة تلبس قناعا سميكا ينكشف فجاة قتقلب لك ظهر المجن وتراها على حقيقتها , فالسودانى شرس متوحش يرميك بالاساءة والاقاويل الباطلة لو وقفت موقفا مغايرا او مخالفا حتى فى ابسط الحوارات .
هى ثقافة استمدت من التنوع العرقى , القبلى والطائفى من اسوء جوانبه وليس كما عند الاخرين التنوع الثقافى مفخرة وانتاجية وتقدم ورقى لانه استغل استغلالا ايجابيا بعيدا عن النعرات والهمز واالمز واقصاء الاخر وما حال المنبر الا من حال البلد فنحن جزء من كل .
الاساءة لن تقف هكذا كما يحلوا للبعض منا ان تقف لان التغيير الثقافى زمنه طويل ولابد له من تفعيلات لان التغيير لا ياتى من فراغ فنحن فى السودان لا نمتثل للنموذج الامثل فنتبعه بل نغوص فى الماضى وما حققناه من نجاحات مع العلم بان عوامل النجاح تلك قد لا تكون هى فى الحاضر او المستقبل ودعينى اعطيك مثالا والبلاد مقبلة على انتخابات هل تحسين بان هناك تغيير ما فى العملية الانتخابية ؟ هل قلد احدهم اوباما فى نهج التغيير ؟ اقول بان اندية ثقافية واجتماعية ناهيك عن بلد طبقت التجربة الاوبامية ( ان جاز لى التعبير ) فى انتخاباتها وكنت هناك شاهد عيان طبعا لا فى السودان ولا دول الخليج ...!!!
فالاساءة لن تقف الى ان يشعر الانسان السودانى او الشخصية السودانية بالرضى النفسى والشجاعة المستمدة من تلك الرضالا تزعجها كلمة عابرة فيحتمى بجدار الانا او القبلية او المذهبية والى ما ذلك من اوهام عشعشت فى ادمغتها .
تقف الاساءة عندما نسمو ونعلو فوق الطبقية ويكون الاحترام والاحترام المتبادل والمعرفة هو الديدن وتقف الاساءة عندما تعامل الناس كما تريد منهم ان يعاملوك وازيد هنا واقول اذا كانت المقولة الاولى هى الذهبية فان البلاتينيوم بان تعامل الناس كما يحبوا ان يتعاملوا
الى ذلك الحين لابد من الصبر والعمل بل العمل والصبر
كونى بخير
| |
|
|
|
|
|
|
|
|
|
Re: مجرد مقترحات (Re: حامد محمد حامد)
|
| Quote: القصة فى نظرى مرتبطة بالشخصية السودانية وبما ان هذا المنبر من حسن الحظ او من سوئه سودانى بحت فان التاثير نحو الايجاب عما هو عليه بعيد المنال وطويل السفر . ارجع واقول بان الشخصية السودانية التى توحى بالمسكنة او الشهامة او المروة تلبس قناعا سميكا ينكشف فجاة قتقلب لك ظهر المجن وتراها على حقيقتها , فالسودانى شرس متوحش يرميك بالاساءة والاقاويل الباطلة لو وقفت موقفا مغايرا او مخالفا حتى فى ابسط الحوارات |
حامد .... سلام ثالث..
كلامك فيهو شوية اجحاف وخلينى اختلف معاك بعض الشئ..
الشخصية السودانية على اطلاقها كدا فيها تعميم مجحف شوية ... اى شخصية نتاج ظروف ونتاج بئية محددة
تستمد سماتها من البئنة التى نشات فيها والشخصية السودانية زيها وزى اى شخصيةفى اى حنة فى العالم
عندها مكوناتها البتتارجح بين وبين
حكاية السوادنى طيب وشهم دى فيها الكثير من الصحة ولكن المتغيرات الحصلت فى العشرين سنة الاخيرة مثل الحرب والنزوح والتصحر
بالتاكيد ليها تاثيرها على سلوك الانسان السودانى ...وقطع شك السلب فيها اكثر من الايجاب ..
وحسب وجهة نظرى انو المنابر امكانية احداث التقارب فيها اكثر باعتبار الناس اغلبها حظيت بقدر لاباس به من التعليم والتجارب وانفتاحنا على عوالم كثيرة ثرو النت وادوات الاتصال المختلفة مفترض ترتقى بمستوى الحوار عندنا ..مش العكس
شان تجاربنا دى نشيلها ونختها على واقعنا الماوزوم دا ,,,
الاساءة دى اذا حصلت عندنا فى الشارع ولا السوق ولا اى حتى بنقول والله الجهل والامية ليهم دور فى الحاصل
الغريبةالمنبر دا مافيهو امية .. لكن مستوى الحوار يشير الى غير ذلك ...
فى ناس هنا مستو لغتهم ما تملك غير انك تقول عليهم مرضى نفسيين او بيهم كثير من العلل تحتاج لاخصائى نفسى اكثر
من حوار فى هذا المنبر لا يقدم ولا ياخر
| |
|
|
|
|
|
|
|
|
|
Re: مجرد مقترحات (Re: Amira Elsheikh)
|
Quote: وحسب وجهة نظرى انو المنابر امكانية احداث التقارب فيها اكثر باعتبار الناس اغلبها حظيت بقدر لاباس به من التعليم والتجارب وانفتاحنا على عوالم كثيرة ثرو النت وادوات الاتصال المختلفة مفترض ترتقى بمستوى الحوار عندنا ..مش العكس
|
مع احترامى لوجهة نظرك يا اميرة الا وان التقارب الذى يحدث ثرو النت هو تقارب وليس بتغيير وحتى هذا التقارب الالكترونى الذى يفتقد الكثير من ادوات الاتصال المهمة بين الطرفين يقف حجر عثرة نحو التاثير المباشر للتغيير فتصبح لغة الكتابة الاسفيرية هى القوة الكامنة وكلما ازدادت الضربات على الكيبورد كل ما شفى غليل الكثير منا من انجاز وقيسى على ذلك ما يحدث اثناء الغضب والزعل ومن هنا تاتى سيل الشتائم واشياء سلبية اخرى .The society required a big shake
الصبح اذن انقوم نصلى وننوم لعل فى الغد صبح جديد يحمل التغيير نحو الافضل
كونى بخير
| |
|
|
|
|
|
|
|
|
|
Re: مجرد مقترحات (Re: حامد محمد حامد)
|
باشمهندس مسكافيشو
نعم قليلون الذين يأتون للمنبر وهم يمتلكون كل محاور موضوع يقومون بطرحه ،ومع ذلك حتي لو حاولوا الوصول الي نتيجة لا اعتقد انهم سيصلون مع سلوك النقاش في البورد،هنا اعتقد اكبر داتا بيز سوداني موجود في الانترنت لكن لا اعتقد ان هنالك معلومة قد تفيد باحث أو شخص الا يكون هو نفسه (حاوي).
بكري يشيل ويأرشف كل اربعة شهور بعض خواطرنا وسلاماتنا وقهقهاتنا ويفتح بورد جديد من الصعوبة بمكان الحصول علي بيان لحزب معين في حدث معين بل من المستحيل أن تجد الموضوع الذي تم افردا بوست كامل من اجله ذهب الي المرسوم اليه،تتحكم فيه نفسية المشاركين يجرفونه بعيدا أو يقتلوه في الحال.
لاندعو الي مثالية اكثر من اللازم...ندعو الي التريث في رفع البوستات حتي يتعلم الجميع من الجميع..
تحياتي يا هندسة
| |
|
|
|
|
|
|
|
|
|
Re: مجرد مقترحات (Re: GamarBoBa)
|
دكتور الوليد
صباح الخير
من حيث المواضيع اتفق معك انو المطروح حاليا اغلبه خاص في بورد عام وزي ما انت قلت البورد مقروء لكن القراء يمكن بتعجبهم نوعيةالاشياء المطروحة حاليا منها الخاص ومنها بوستات المشاكل الوتيرتها بتكون عالية والشمارات وغيرها ودي مشكلة اكبر،يعني القعاد وسط الحاجات دي والادمان الحاصل لسلوك البورد شيء ما حميد اطلاقا.
ولو افترضنا انو المواقع الالكترونية صارت تشكل اعلام بديل فالحاصل انو كان احسن لينا وش عمر الجزولي في تلفزيون السودان المتيمم بتراب الخلا.
الخلاني افتح بوست هو انو في بوستات عليها القيمة رايحة بين الناس والناس ممكن تتفاعل معاها وتقدم كتير ويمكن لانعدام سياسة تحريرية ولا عدم توافر ابسط مقومات التقويم بالاضافة للزحمة الشديدة بنفقد حاجات قيمة وبكري كل ما يرفع يرفع صور الذين عضو العصيدة وفطروا في رمضان والموضوع كلكات فقط..والناس نابلة ساي
تحياتي دكتور
ومنتظر طلتك تاني
| |
|
|
|
|
|
|
|
|
|
Re: مجرد مقترحات (Re: GamarBoBa)
|
طارق صباح الخيرات والله
المهاترات وهبش الاسر ديل يا حبيبنا والله شفناهم هنا
وبتفق معاك انو الكتابات الجيدة موجودة
والفيها قيمة علمية موجودة
وقيمة ادبية برضو موجودة لكن الوسيلة البتفتش بيها في البورد شنو
تقرا بالاسم ولا تقرا بالموضوع
كان بالاسم ما نافع كلو كلو
كان بالموضوع يادكتور يادوب موضوعنا استحم زول تلقاه بناقش في تلوث المياة تلقاه طالب بابور لستر وعايز اسبير
تعرف في رمضان انا قريت كتير خلاص...ما ببالغ لو قلت ليك في تلاتة او اربعة مواضيع بس الطلعت منهم بفايدة ومعلومة اضافية وممكن اذكر ليك البوستات هنا لكن ما يحتاج
تحياتي
| |
|
|
|
|
|
|
|
|
|
Re: مجرد مقترحات (Re: GamarBoBa)
|
يا قمر بوبا...
سلامات و كل سنة و انت طيب
وعيد سعيد..
تسلم ياخي علي (مجرد اقتراحات)...
واتمني ان تصبح حقيقة و من ثم حل للمشكلة!!
طيب..
انا مشترك في البورد من بدايات 2007 يعني فب بداية السنة الجديدة
اكون لي3 سنوات..
وبمعني انو جديد نسبيا في المنبر (الحر).. سابقا و العام حاليا..
ولو فتشت عن بوستاتي ما فايتين اصابع اليد الواحدة...!!!!!
طيب نشوف طبيعة الكتابات هنا:
خبرية...واغلبها نقل من الصحف و المواقع و شبكات الاخبار المحلية و العالمية..
نقل لي فعالية.....وهي الصفة الغالبة في المنبر...حفل ,رحلة,لمة..
مناسبات اجتماعية..وفاة او زواج..اعياد..
رياضية...نقل و متابعة اخبار االرياضة...
سياسة...وهي تبدأ جميلة وسرعان ما تنتهي بمشكلة..او سحب البوست
فنون...لوحات و ..واغاني.. وهي من الاكتر البوستات اقبالا من الاعضاء\ات مشاركة..
مقالاات و تحليلات.. وهي مصدر جيد للمعلومات و مكان مفيد لادارة نقاش او حوار..و لكن ؟؟ دائما لا تستمر
ترفيه و ونسة...وهو الشئ الجاذب..للاعضاء\ات...لانه يكون بين اصحاب او زملاء..او سميها شلة...والناس تكون بعيدة عن الشتيمة..
الآدب...قصة ونثر.و رواية...والان صارت لا تجد حظامن النقاش المثمر و الجاد الا من قلة..هم\ن من المهتمين\ات بالادب..
.............................
.................................
.............................
الخ القائمة من موضوعــــــــــــــــــــــــات
طيب لماذا التهاتر و النبذ و ادخال الاسر في النقاش.لماذا ارهاب العضو او العضوة..بفاحش القول ..
هل المشكلة في البورد..؟؟
في طبيعة ومزاجية العضو\العضوة؟؟
هل الاخلاق..؟؟
السلوك؟؟
هل التخفي خلف الاسم الحركي او حتي خلف الكمبيوتر ..يعطي حافزا لذلك؟؟
لماذا حينما يلتقي البورداب علانية...يكونون عكس ماهم عليه في البورد؟؟
بمعني ان تسمع بان فلان انسان ظريف او فلانة شخصية مرحة...و تجده\ها ..هنا عكس ذلك تماما...
لماذا الاحكام المسبقة..؟؟
ما الدافع وراء ذلك؟؟
اتمني اجابات
وعفوا ان اطلت او خرجت بره الشبكة.
لكم احترامي..
هواري
| |
|
|
|
|
|
|
|
|
|
Re: مجرد مقترحات (Re: GamarBoBa)
|
GamarBoba
والمجموعة اللطيفة
تحايا عطرة ...
نقاش مفيد وممكن يثمر عن (نُص خطوة) للإمام فقط لو وضعنا بعض النقاط "العمليَّة" ..
أعتقد أن لي ما أضيفه لهذا البوست ... وأسأل الله أن أجد فسحة صغيرونة من الوقت
لحدي ما أرجع - إن شاء الله - في نقطة واحدة حابب اقولها هنا وهي
نعم موضوع التغيير صعب وصعب جداً زي ما قالت أميرة لكن غيرمستحيل .. ودي حتة الأمل البتخلي الناس لسة تناقش
كل المحتاجينه هو جدية في تحقيق التغيير + صبر وطولة بال + إلتزام بعدم الصمت ، لأن الصمت لن يحل إشكالية ولن يغير الوضع!
شكراً حامد وأميرة .. وياريت تواصلوا وتختلفوا وتتفقوا ما مهم .. المهم عايزين نلخص نقاط كتيرة من نقاشكم دا
ح تساعد في أن نحدد المشاكل بوضوح .. ودا نصف المشوار
شكراً GamarBoba يا جميل
لي عودة بإذن الله
| |
|
|
|
|
|
|
|
|
|
Re: مجرد مقترحات (Re: Amir Omer)
|
بوبا كل سنة وانت طيب
اقتراحك بالكف عن المواضيع والمداخلات غير المجدية كلام عقلاني يا حبذا لو طبق وخاصة أن الموقع مصنف أنه من أشهر المواقع السودانية وأفضلها.
تخريمة:
صاحبك قالوا مرطب فى البلد ومستمتع بحش البلح.
| |
|
|
|
|
|
|
|
|
|
Re: مجرد مقترحات (Re: الفاتح شلبي)
|
سلامات يا أمر...
نقطتين- او سؤالين - عايز اسألهم
- أولا ليه افترضت انو لازم يكون في فايدة تطلع بيها من البورد؟
- ثانيا حتى الفايدة اعلاه ما معاي في انها نسبية تختلف من زول لي زول ؟
| |
|
|
|
|
|
|
|
|
|
Re: مجرد مقترحات (Re: محمد البشرى الخضر)
|
الاعزاء بوبا والجميع منذ بدايات النشرات الاليكترونية Electronic Bulletin Boards (BBS) والتي سبقت تحرير وحتي ظهور الشبكة الاليكترونية الحالية فان امر تحديد مسار النقاش وغربلته في النشرات العامة (وكنت قد ابتدرت اول نشرة اليكترونية BBS حيث اعيش في نهايات ثمانينات القرن الماضي وقبل تحرير الانترنيت في المنطقة بما يقارب عقد من الزمان) من الامور التي وجدت نقاشا مطولا وما زال... ولذا فلقد ظهرت النيوزغروب وهي مجموعات لمناقشة موضوع معين بادارة شخص ما يقوم بمراقبة ما يكتب
A newsgroup is a discussion about a particular subject consisting of notes written to a central Internet site and redistributed through Usenet, a worldwide network of news discussion groups. Usenet uses the Network News Transfer Protocol (NNTP).
وفق ضوابط اتيكيت خاص عرف بالنيتكيتNetiquette is etiquette on the Internet وبالتالي يمكن غربلة ما يكتب وفقا فهرس خاص لقاعدة بيانات ..
.منابر النقاش العامة الحاليةDiscussion Forums والتي منها هذا المنبر هي ليست نيوزغروب تناقش موضوعا واحدا يمكن غربلة مداخلاته وارشفته وفقا لفهرس معين ...هذه المنابر تناقش مواضيع لا حصر لها ولا يربطها رابط سواء ان كل المتداخليين من منطقة جغرافية او بلد واحد... ولا يمكن ابتدار اتيكيت وفهرس معين لها ولكل موضوع وانما ضوابط ماهلة عامة ...
ان اردنا قواعد بيانات يمكن البحث فيها لهذا المنبر مثلا فهذا يحتاج الي كتيبة من البشر وامكانات كثيرة ووقتا كثيرا فالذي يكتب هنا عام ومتشعب وكثير لا حصر له وباساليب مختلفة ...
| |
|
|
|
|
|
|
|
|
|
Re: مجرد مقترحات (Re: abubakr)
|
الاخ هواري نمر تحياتي وشاكر لك مرورك المقدر والحال زي ما انت وصفته والاجابات ممكن تتضح لو الناس فكرت واتعاملت مع الموضوع بقدر من المسئولية للمكان
امير عمر في انتظار مداخلتك ما تكلفتنا ساي وتمش كل سنة انت طيب
الفاتح
كل سنة وانت طيب شاكر دعمك والمرور
ودالبشري:
كلامي انو ما لازم نطلع كلامي انو الفرصة للخروج بفايدة من الموقع شي سهل وما صعب،بس اقلاها الناس ترتب حاجاتها الجاية بيها،مثلا بوست لمناشدة ممكن الناس تتفاعل معاها لكن لانو في المقام الاول الموضوع رافعه منو ولزحمة الناس الموضوع عادي بضيع ،وبتفق معاك انو القيمة نسبية لكن في النهاية اي زول كتب موضوع طبيعته معرفية بيدرك قيمتها المتلقي من خلال مصادره الوقف عليها ومدي خبرته وعلمه بالموضوع.
.مثلا بوستات ناذر في الاتصالات انا بعتقد انها فائدة كبيرة وحققها عن طريق الموقع والبوستات دي جو اعتذروا فيها ناسهم وناقشوا الناس بل حسنوا مستوي ادائهم وده مثل بس
تحياتي
ابوبكر :
اتفق معاك انو دي طبيعة بوردات النقاش،لكن بامكانه يغير في الكثير من الامور ومنابر النقاش منها المفيد وفيها من يتفق حولها علي مبادرة وتكون مفيدة،بالعكس هنا مثلا في السياسية طريقةالتناول جعل الجميع يتحاشون فكرة نقاش سياسي مثمر لانها صارت حادة وبالغة في التعقيد وفي كتير من المنابر الناس بتناقس فيها قضايا ما بتصل الدرجة بتاعة انو السياسة معناها العشرة اشخاص زي ما هم قاعدين في سودانيزاونلاين عمالة ارتزاق او طفيلي حرامي.
اذا الوصول الي نتيجة مشكلة التفكير في تاثير البورد بشكل سالب مثل قضايا العنصرية والمساهمة فيها برضو يجب ان يوضع في الاعتبار
| |
|
|
|
|
|
|
| |
GamarBoBa
طارق جبريل
abubakr
هواري نمر
Amir Omer
الفاتح شلبي
محمد البشرى الخضر
فيس بوك
تويتر
انستقرام
يوتيوب
بنتيريست