|
|
 في الرياض تقام حفلات (تحت رعاية السفارة السودانية) .. فهل سفارتنا على علم بالموضوع ؟
|
برشور طويل عريض مكتوب فيه ( تحت رعاية السفارة السودانية )
وحفلات تقام ...........
ومناسبات تقام
وقروش تجمع ... ثم( تفرق )
ولا زال البرشور يحمل اسم ( تحت رعاية السفارة السودانية )
ومحمد أحمد المسكين يمشي الحفلة وقايلها بتاعت السفارة
يلقاها بتاعت هناي داك وهناي داك وممكن هناية ديك كمان .....
شوية فنانين .. وشوية برامج ممسوخة مكررة
ولا زال الشعار المرفوع ( تحت رعاية السفارة السودانية)
وامس القريب وفي الثمامة .....
غالطني ولد خالتي بان الحفلة دي بتاعت السفارة
وباتصال واتصالات ومتابعات عرفت بان ناس السفارة
بأنهم لا علم لهم بهذا الحفل ......
وعيد الفطر خلص
وبعد شهر وشوية عيد الاضحى
وتجي الشعارات مالية اسواق غبيرة ومنفوحة
( تحت رعاية السفارة السودانية )
قف .............
ياناس السفارة السودانية الرياض ....
سعادة السفير محمد الحافظ ....
وزيرنا المفوض أحمد يوسف ......
قنصلنا الهمام .... ود الباهي
رسالة .............. ( قديمة بس احدثها لكم )
سهلة جدا تكتب في البرشور اي كلام
بس المسؤولية وين ؟
والمسئول منو ؟
و نستمر ننوم كدة ............... ونسكت ساي
ونمشي المواضيع ...........
ولا نراجع ولا نتراجع ( دي من شعارات المرحوم جعفر نميري )
نقيف شوية نشوف الحاصل شنو ؟
منو وراء الموضوع دة ؟
تأثيره على الجالية السودانية شنو ؟
انا اتهريت من قصة ( تحت رعاية السفارة السودانية )
وبيني وبينكم انا قبل سنوات كنت مشارك في اللعبة دي كمان .........
يعني ( شاهد ملك ) وممكن اوريكم تفاصيلها كاملة
حتى لاي واحد داداير ئر يعمل حركة زي دي
بس جهز فنانينك وشوية فقرات و أجر ليك كم كرسي
وامشي الثمامة أجر الاستراحة ...........
وصور ليك كم برشور ...... ( التصوير 10 اوراق بريال )
اوعك تطبع تذاكر وتخت فيها مبالغ ................
( دة سر شرحه يطول )
خليها دعوات مفتوحة بدون مبالغ ...........
اكيد يا صديق حاوصل مش حاخلي البوست مبتور كدة
صلاح غريبة - الرياض
|
|
 
|
|
|
|
|
|
|
 Re: في الرياض تقام حفلات (تحت رعاية السفارة السودانية) .. فهل سفارتنا على علم بالموضوع ؟ (Re: Deng)
|
Quote: كلامك ده خطير جدا. ده معناه أن السفير وطاقم السفارة مشتركين في هذه السرقات التي تمارسس علنا وتحت رعاية السفارة كما تفضلت أنت وذكرت.
شئ أخر. |
الاخ دينق :
حسب علمي وتجاربي في مثل هذه الامور ان السفارة لا ناقة لها ولا جمل في الموضوع ( استغلال الاسم فقط )
ولكن السؤال : لماذ تسكت السفارة على مثل هذه الممارسات واستغلال اسمها في كل هايفة ....
سفارتنا اكبر من هذا ..... ولكن من يسأل من ؟؟؟؟؟؟؟؟
| Quote: ما هي نوع هذه الحفلات التي تقام في المملكة؟ المعروف أن للمملكة قوانين خاصة لمثل هذه الحفلات |
لم تقام الحفلة ولهذا لن استطيع أن احدد لك ما هو نوع هذه الحفل / الحفلات ..............
ردود بايخة مش كدة
صلاح غريبة - الرياض
| |
|
|
|
|
|
|
|
|
|
Re: في الرياض تقام حفلات (تحت رعاية السفارة السودانية) .. فهل سفارتنا على علم بالموضوع ؟ (Re: mayada kamal)
|
المهزلة التي حدثت امس بالرياض وتدخلت فيها الشرطة عن حفلة وهمية بالثمامة تحت رعاية السفارة
اي والله
الجماعة دفعوا القروش
ودفعو علشان يهيصوا في العيد دة
حفلة السفارة
شوف الكلام دة ...................
حفلة السفارة
وطلعت في الاخير مش حفلة السفارة ولا حاجة
حفلة وهيمة باسم السفارة
وهات يا لبع
وهات يا شكل
وهات يا شرطة
ورجعوا لبعضهم القروش والبعض مشى
وفرحة لم تتم
و عوووووووووووووووووووووووووووووووووووووووووووك
يا سفارتنا .... وينكم
تاني تجي ( الثمامة دي )
وتاني وتاني
............................ الخ
( تحت رعاية السفارة السودانية )
وبمناسبة اليوم الوطني للمملكة
| |
|
|
|
|
|
|
|
|
|
Re: في الرياض تقام حفلات (تحت رعاية السفارة السودانية) .. فهل سفارتنا على علم بالموضوع ؟ (Re: سيف النصر محي الدين محمد أحمد)
|
الله يسلمك اخ سيف النصر
| Quote: كلام تمام....بس اذا الحفلة عاملاها رابطة وللا جمعية مسجلة في السفارة مش النشاط ده تلقائيا بيبقى برعاية السفارة؟؟ |
كلامك من الناحية النظرية صاح بس المشكلة اننا لم نعرف حتى الآن من هي الجهة او الجمعية او الرابطة التي قامت بهذا العمل ...... والبرشور لم يحدد لنا هذه الجهة .
اما رعاية السفارة لمثل هذه الاحتفالات والمهرجانات فبصراحة الامر هذا فيه الضبابية وعدم الوضوح والوحيد الذي يرد على سؤالك هي السفارة أو الجهة المختصة بالسفارة .
| Quote: صديق ده منو ؟ و علاقتو شنو بالسفارة؟؟ |
صديق هو ..... الصديق
والعلاقة بينه وبين السفارة علاقة متينة ومتبادلة
| |
|
|
|
|
|
|
| |
ghariba
Deng
mayada kamal
عبد الحكيم نصر
معتصم دفع الله
humida
محمد نجيب عبدا لرحيم
Ahmed Abdallah
فيس بوك
تويتر
انستقرام
يوتيوب
بنتيريست