|
|
 الأرشفة خلصت ... ولا نرجع مكان ما جينا؟؟!!!
|
وبما إنو الواحد كل ما ينزل ليهو موضوع ...
ويفتح ليهو بوستن كاااارب كدة تقوم الدنيا تطش بيهو ويمشي هناااااااااااااااااك ...
ويجي راجع لبوستيهو يلقى الباشمهندس بكري ... أرشف الدنيا وما فيها ...
أها على قلة بوستاتي الكاتباها ... كل ربع مؤرشف لي فيهو بوست ...
لاقادرة ألمهم ... ولا عارفة أجيبهم ... ولا متذكرة زااتو كتبت فيهم شنو
غايتو يا بكري أرشفتك دي ... ناس المالية ما بيعملوها لضبط المال العام
ومن هذا المنطلق ... وبما إنو الواحد لسة ما عارف يعمل ليهو مقر زي الناس ...
أعلن هنا وبكامل أهليتي وجزيرتي وخرطومي كمان ... ونضيف إليهم أحفادي برضو
أننا نحن نهلة بت ناس محكر أن هذا البوست ...
لتجميع ما راح لي من بوستات في أرشفة بكري الكتيرة ديك
وكل من يجد لنا بوستين رايح ... يجيبو يجدعو لينا هنا مشكورن ... وينوبو ثواب
وحابدا سيداتي آنساتي سادتي ... أنا زاتي .. في تجميع أول بوستاتي
فإلى مضابط الحوار ... أقصد اللينكات أو ما جاورها
|
|
 
|
|
|
|
|
|
|
 Re: الأرشفة خلصت ... ولا نرجع مكان ما جينا؟؟!!! (Re: نهلة محكر)
|
Quote:
معروف علميا و حسب المراجع العلمية الموثقة أن منبر بكري ابو بكر يا بتأرشف يا بتهكر.
و العاقل من اتعظ بغيره |
ياخ القراية والمراجع العلمية دي إعتزلناها
خليتها لود محي الدين دة عشان لسة صغير
وفي راسو باقي مخ بيفهم ...
قلت لي العاقل من اتعظ بغيره ...
اها والما كدة يبقى على زمة منو
غايتو انا في طرفك ...
اكان اتارشفت معاك واكان اتهكرت ...
دة طرفي منك
| |
|
|
|
|
|
|
|
|
|
Re: الأرشفة خلصت ... ولا نرجع مكان ما جينا؟؟!!! (Re: نهلة محكر)
|
| Quote: مجموع المشاركات: 83 |
ازيك يا نهلة مهكر
تاريخ التسجيل 2007 ، 24 شهر×30 يوم=720 يوم في المنبر
اذا قسمناها علي 83 مشاركة في خلال ال 720 يوم ديل تكوني في اليوم نصيبك
8.6 مشاركات ودا رقم قياسي لو كان باليوم، غير كدا تكوني بتكبيهم بالكوته
في يوم او يومين..
اقترح تبيعي الباسورد لزول قريبك او صديق ..
| |
|
|
|
|
|
|
|
|
|
Re: الأرشفة خلصت ... ولا نرجع مكان ما جينا؟؟!!! (Re: عبداللطيف حسن علي)
|
أهااااااااااااااااااا ... دة الكلام البيجيب الهوا زاااااااااتو
هسي يقولو أنا والهكر جدنا واحد ... وجدي بريء براءة الذئب من دم ابن يعقوب
ياخ عليك الله حكرو ... ما تهكرو
هسي يجيني وليد الشفت يقول لي كاني ماني
وخايفة كمان عمو الهكر يزعل يقول اتسلبطنا فوقو
Quote: تاريخ التسجيل 2007 ، 24 شهر×30 يوم=720 يوم في المنبر
اذا قسمناها علي 83 مشاركة في خلال ال 720 يوم ديل تكوني في اليوم نصيبك
8.6 مشاركات ودا رقم قياسي لو كان باليوم، غير كدا تكوني بتكبيهم بالكوته
في يوم او يومين.. |
أحيييي ياربي .. استغفرتك وتبت إليك
الحكاية دي حكيناها زي جغجغمية مرة
لكن ما مشكلة نحكيها مرة تانية
كدي ركز معاي شوية .. وأرهف عيناك للشوف والسمع ... سمح
الحكاية يا أخ ... إنو ما سمعت بباسويردي إلا بعد سنة
لظروف خارجة عن إرادتي ... نأنو شنو كنت طريحة الفراش
إثر حادث حركة كسرني ودشدشني أكتر من تلج ود الصايم دة
لامن قمت واتلملمت من تاني وربنا جبر بكسوري وخاطري وبقيت نصيحة
جيت البكان دة وحاولت اتحكر فيهو ... بس بنابركم صغيرة وانا رجلي مكسورة ما بقدر اقعد فيها
اما بالنسبة لنظرية فيثاغورس الفوق دي ... فمن زمان مكجنة الحساب والرياضيات
حتى أسأل سعد الدين ... وما تقول لي سعد الدين دة منو ...
لكن بما إنك قلت كدي فليكن ... والله المستعان :)
| Quote: اقترح تبيعي الباسورد لزول قريبك او صديق .. |
وريني بيعرضوهو في ياتو سوق .. ينوبك ثواب
باقي مغروضة لي في كم مليون اليومين ديل
ونردها ليك في أقرب باسويرد ...
| |
|
|
|
|
|
|
|
|
|
Re: الأرشفة خلصت ... ولا نرجع مكان ما جينا؟؟!!! (Re: نهلة محكر)
|
Quote: أحيييي ياربي .. استغفرتك وتبت إليك
الحكاية دي حكيناها زي جغجغمية مرة
لكن ما مشكلة نحكيها مرة تانية
|
حتي لو كرعمائة كرعة وكرعين ، ماسمعت بيها..
وعلينا بالارقام القدامنا(رايك شنو)
Quote: الحكاية يا أخ ... إنو ما سمعت بباسويردي إلا بعد سنة
لظروف خارجة عن إرادتي ... نأنو شنو كنت طريحة الفراش
إثر حادث حركة كسرني ودشدشني أكتر من تلج ود الصايم دة
لامن قمت واتلملمت من تاني وربنا جبر بكسوري وخاطري وبقيت نصيحة
جيت البكان دة وحاولت اتحكر فيهو ... بس بنابركم صغيرة وانا رجلي مكسورة ما بقدر اقعد فيها
|
بعد سنة كاملة..خلاص نديك نص الفترة 360 يوم ماعندك عذر!
طيب 360 /83 = 4.3 مرة في اليوم ، كويس معاك كدة...
رقم كبير جدا ، مالك زعلانة..هسع زول يكتب اربعة ردود في اليوم دا وين
الزمن دا !!
Quote: نأنو شنو كنت طريحة الفراش
إثر حادث حركة كسرني ودشدشني أكتر من تلج ود الصايم دة
لامن قمت واتلملمت من تاني وربنا جبر بكسوري وخاطري وبقيت نصيحة
جيت البكان دة وحاولت اتحكر فيهو ... بس بنابركم صغيرة وانا رجلي مكسورة ما بقدر اقعد فيها
|
ونأنو انا ماعارف ، يا نهلة مهكر ، بقول ليك الف سلامة بأثر رجعي ..
وياريت تلقي المنبر كراسيهو وسعت زي ما متوقع من رجعتك وسؤالك عن الحاصل علي اهل الكهف ..
Quote: وريني بيعرضوهو في ياتو سوق .. ينوبك ثواب
باقي مغروضة لي في كم مليون اليومين ديل
ونردها ليك في أقرب باسويرد ...
|
مثلا تراجي ، لانها بتكون ممغوصة من ناس هنا ، ومستعدة تشتري باسوير بمليون
بالقديم ، عشان تفش غبينتا وترجع الخور!
| |
|
|
|
|
|
|
|
|
|
Re: الأرشفة خلصت ... ولا نرجع مكان ما جينا؟؟!!! (Re: نهلة محكر)
|
Quote: غايتو تاني
هسة عليك الله لو كل شهر بتجي تاخدي ليك هنا ساعة ونص
كان هسة ما بي عين قوية وقفت معاك
في مطالبك الشرعية
قسمة السلطة
والثروة
ومكتبة
لكن تعالي انا بديك رف ختي فيه كراريسك دي
لحدي ما الله يفتحا عليك بي شنطة |
أولتن ... شكرن كتيرن على الكارت الحلو
وكل سنة وانت زي ما عاوز يارب
وبعدين انا قاعد اجي وباخد اكتر من الساعة ونص ...
لكن قاعدة اقرا اكتر ...
مش قلنا عاملين لي عملن يمنعني القعاد في بنبر بكري دة
اقصد الكتابة في منبر بكري دة
بس من هنا ورايح ...
مش هتقدر تغمض عينيك :)
وشكرا على التضامن والرف ياخ
| |
|
|
|
|
|
|
| |
نهلة محكر
ياسر بيناوي
محمد عبد الماجد الصايم
حمور زيادة
حسين محي الدين
عبداللطيف حسن علي
abdalla osman
حبيب نورة
فيس بوك
تويتر
انستقرام
يوتيوب
بنتيريست