|
**** كعك العيد **** (الرسول فيكم كان ما شلتو واحده .. الدنيا عيد !!)
|
اول حاجه ... الليله عيد ميلادي ...!!!! كل سنه وانتي طيبه يا دلوشه ...
سلامات ناس البورد زكل سنه وانتو طيبن وتامين ولامين ... طيب نجي لموضوع البوست اللي فتحتو عشانو .. (هو كان شنو ياربي ؟؟؟ لووول) ...
جيت اقول العيد جا ...وكل الناس بتشتري وبتحضر ومزحزمه اخر زحمه .. بالذات ستات البيوت ...
الزعيف .. الملايات .. الجداعات .. لبسه حمودي .. طرحه صفويه ما ماشه مع التونيك .. نرجع سعد قشره نغيرها .. الجير ما انضرب في الحوش ..الخ الخ الخ ...
الخبييييييييييز ... وما ادراك ما الخبيز ... العجين .. قطعو ... تشارك الجيران ولمتهم حول الصواني ,, والصواني زااااتها لمن تتطاقش جمب الفرن البلدي اللي في الحله ...
.الكعك .... حلوى مميزه .. منظر الدقيق وهو يفور لحظه سكب السمن البلدي الحار المخلوط بالسمسم .. الابخره التي تتصاعد لتداعب انوف المارين ... لتذكرهم بمقدم عيد الفطر ..
صوت (بطبطه ) العجين .. وصوت القطيع .. واحلى حاجه منظر الصبيه وهم يتدافعون حول الفرن .. صينيه طالعه وصينيه مارقه ... الاولاد بيتكلوا هناك عشان يشاغلوا البنات ..
دوما كنت اعشق لحظه تسكير ( من سكر البيطعمو بيهو الشاي) الكعك .. كنت التهم جزء غير يسير منه .. التعبئه في جرادل الطلس المموهه برسومات غامضه بالاخضر .. واحي التي كانت ترفعها فوق دولاب المطبخ ... حمايه لها من ايدينا العابثه ....
لطالما ارتبطت تلك الاحداث في ذهني وانفي برائحه العيد ..
والله بزعل جنس زعل يا اخزاني من الناس البيشتروا جاهز .. وكمان الزحمه والتدافه في اماكن الخبيز الجاهز ليله العيد ...!! بحن عليهم والله .. انهم يفقدون طعم الكعك .. طعم العيد ..
كل سنه وانتو طيبين ...
|
|
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: داليا الكباشى)
|
اول شي... كــــــــــــل سنة و انت طيبة وعقبال مية شمعة.. وربنا يحقق ليك كل امانيك..
ثانيا.. العيد مبارك عليك و كل سنة طيبين طيبين و بالصحة و السلامة و ان شاء الله من العايدين
تالت شي.. انت الابري ما رسلتيه لينا جاية تقولي كعك العيد...
ياخي رمضان ده كلو شربت بس تلاتة كبابي حلو مر... معقولة بس ؟؟؟ اها المرة دي.. الكعك ما بخليه... الا ترسلي لينا هههههههههههههههههههه
شكرا علي البوست الجميل و ربنا يحقق كل الاماني احترامي...
| |
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: هواري نمر)
|
هواري يا نمر ..
Quote: اول شي... كــــــــــــل سنة و انت طيبة وعقبال مية شمعة.. وربنا يحقق ليك كل امانيك.. |
وانت طيب وتسلم يا زوق ... لكن ميه دي ما كتيره ؟؟؟
Quote: الكعك ما بخليه... الا ترسلي لينا |
يا زول ما تخش معاي في تحديات زي دي ... الحلو مر اللي رسلتو ناس الرياض لحدي اسي بيشربوا منو بالقطاره عشان ما يكمل , وكمان حا يدسو منو للعيد الجاي لوووووول
والله بس زول يشيل ليك وانا ما عندي مشكله اصلو رمضان دا كلو انا قضيتو في المطار ...
كل سنه وانت طيب وتسلم على المرور الجميل ..
| |
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: هواري نمر)
|
Quote: مالك قلبتي ظابط جمارك و لا شنو؟؟؟ لووووووووووووووول
|
تصدق قربت ؟؟؟ كلو رسيل حلو مر وكده ....انشالله يكون وصل بس ...
Quote: بس انت لمي بتاعي في علبة ماكنتوش.. |
ما عندك مشكله بس القى لي علبه ماكنتوش الاصليه حقت زماااان ديك اللي فيها روميو وجولييت والعربه الجاريها الحصان وطاقيه الراجل الطويله لفوق ديك , مش كوالتي استريت حقت اليومين ديل..
تسلم يا عزيز وعليك الله شيل تاني .. الدنيا عييييييد ...!!!!
| |
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: صديق الموج)
|
Quote: داليا يا اختى نسيت اقول ليك انت جديدة على المنبر وبيناتنا مافى مدسة، ،خالتك دوما دى ايدها خفيفة لمى الطقم ده ما تقوم تلفح ليها كاسه تقول تسويها كوز طايوق تخربوا عليك. |
لووووووووووووووووووووووووووول عاد يا ودج الموج امانه ما اتلومت فيني انا ام الفنجريه . يابه هوي طايوقي بعلبتو احمد الله . ارجاني في الضرا واتحزم واتلزم بلاقيك بعد العيد .
| |
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: doma)
|
خالتي دوما شخشيا مشرفاني .؟؟ اسفرت وانورت واستهلت ثم امطرت ....
Quote: عيد ميلاد سعيد والسنه القادمه نشوفك عروس وست بيت |
بحياتك ووجودك يا ماما يا عسل ..
Quote: وجني وجن البتيفور البقولوه داك . |
البتي فور دا يا خالتي دوما زاااااتو خشم بيوت ... العجب الغريبه بالقرنفل .. عليك الله يا خالتي دوما تشيلي تاني الدنيا عييييييد ...!!!
| |
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: هواري نمر)
|
Quote: لووووووووووووووووووووووووووول عاد يا ودج الموج امانه ما اتلومت فيني انا ام الفنجريه . يابه هوي طايوقي بعلبتو احمد الله . ارجاني في الضرا واتحزم واتلزم بلاقيك بعد العيد . |
الله يصرف داليا بالله لى كوز الطايوق كلمتك بيه؟ التستنانى الجبانه. انا قصدى بت قضيم الله يكسرنى حته حته حته حته حته حته حته حته حته حته حته حته حته حته حته حته حته حته حته حته حته حته حته حته حته ماقاصدك وامسحيها لى قى وشى الشين ده وسافى التراب.. وام عصبات ديك التصبر لى،،،
داليا غلطان انا الكلمتك ان شاء الله تعدمى اسم الكبايه لوووووووووووول،،،
| |
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: صديق الموج)
|
Quote: نا قصدى بت قضيم الله يكسرنى حته حته حته حته حته حته حته حته حته حته حته حته حته حته حته حته حته حته حته حته حته حته حته حته حته ماقاصدك وامسحيها لى قى وشى الشين ده وسافى التراب.. وام عصبات ديك التصبر لى،،، |
لووووووول ود الموج بري ايابه يتكسر عدوك المابيك تبرا انت من سف التراب التراب اليكيل خشم المعاديك يا عشايا . اللوم بجي بالغفلات وحات ابوك . وبت قضيم حاشاها السرقه السراريق الله عالمبهم .
| |
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: ياسر بيناوي)
|
داليا كباشي سلام .... والله اول بالتبادي انا ما جابني الكعك و ريحتو و الله انا جاي اقول ليك كل سنة و إنتي طيبة و ياربي تطفي شموع لمين حلقك يوجعك .... لكن تحت تحت كدا لو لقيت لي جردل بلاستيك (جردل بلاستيك دي بتاع خبيز للناس الما برئين زي هواري و صديق الموج و من لف لفهم) ... المهم مش موضوعنا لكن والله الواحد لو لقي ليهو بلاستيك خبيز ما بيابهو ... اصلاً فصلاً نحنا السنة دي ما خبزنا لانو أمي مشت توضع بت خالتي وين كدا ما عارف....
ثانياً يا داليا ... كدي هسي وين أولاُ لكن مش مهم ... تانيا يا داليا والله انا زعلان منك ... طبعاً هسي تكوني نططي عيونك (الاهبل دا انا بعرفوا من وين عشان يزعل مني)... لكن اقول و ليك و ربنا يكفينا شر القوالة الدنيا قبايل عيد ... بس اقول ليك وقت فطور نادية السر ... انا سألت شول قلت ليهو ... يا شول انت داليا كباشي دي هنا ... سألت منك لانو الريده حصلت من بوستك الاول داك لو متذكراهو ... شول ,,, الله يحرق شول ... المهم شول دا طوالي قال لي يا ها دي...طبعا انا كزول خفيف ووزن الريشة جيت عليك طاير طير .. لكن و الشهاده لله انتي كنتي بتتكلمي في التفلون ... انا: سلام يا داليا انا حافظ داليا: اهلين (بعدين يا ماما دوما مع أهلين دي في وش البنية دي كان في تعبير ... أها المطلوب شنو؟) ...أهلين وواصلتي في التلفون بس انا براحة لميت يدي و اتخارجت و سبيت و صبيت جام غضبي علي شول.... عليكم النبي مش حاجة بتزعل؟
يا داليا تاني كل سنة و انتي طيبة و الكلام الفوق دا خستكة ساي ... اصلي انا اليومين دا شغال دروس غزل ... يعني بديت بفادية اليمني مروراً بنادية السر و انتهاء بماما دوما ... لكن جو الحاسدين ديل طلعوا لي غزلي دا كلو كسير تلج ... بس منهم لله و انشاء الله كل سنة و هم طيبين و لامين
| |
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: حافظ حسن ابراهيم)
|
Quote: والله اول بالتبادي انا ما جابني الكعك و ريحتو و الله انا جاي اقول ليك كل سنة و إنتي طيبة و ياربي تطفي شموع لمين حلقك يوجعك .... |
تسلم والله ودي المحريه فيك ... بعدين حلقي يوجعني ليه ؟؟؟؟ انتو قاعدين تسوو شنو ؟؟؟ لوووووول ....
Quote: جردل بلاستيك دي بتاع خبيز للناس الما برئين زي هواري و صديق الموج و من لف لفهم |
الليله سجم خشمك .. والله الليله يتلموا فيك الا يخلوا اكبر حته فيك قدر كده ... (واشارت باصبعها) ... يا زول انت قول كلامك سااي بلا اسماء اسي الكتاحه تقوم ..
Quote: ثانياً يا داليا ... كدي هسي وين أولاُ لكن مش مهم ... تانيا يا داليا والله انا زعلان منك ... طبعاً هسي تكوني نططي عيونك (الاهبل دا انا بعرفوا من وين عشان يزعل مني)... لكن اقول و ليك و ربنا يكفينا شر القوالة الدنيا قبايل عيد ... بس اقول ليك وقت فطور نادية السر ... انا سألت شول قلت ليهو ... يا شول انت داليا كباشي دي هنا ... سألت منك لانو الريده حصلت من بوستك الاول داك لو متذكراهو ... شول ,,, الله يحرق شول ... المهم شول دا طوالي قال لي يا ها دي...طبعا انا كزول خفيف ووزن الريشة جيت عليك طاير طير .. لكن و الشهاده لله انتي كنتي بتتكلمي في التفلون ... انا: سلام يا داليا انا حافظ داليا: اهلين (بعدين يا ماما دوما مع أهلين دي في وش البنية دي كان في تعبير ... أها المطلوب شنو؟) ...أهلين وواصلتي في التلفون بس انا براحة لميت يدي و اتخارجت و سبيت و صبيت جام غضبي علي شول.... عليكم النبي مش حاجة بتزعل؟ |
اول حاجه (وش محمر من الخجل ) ... وحيات الله انا الناس اللي لاقيتهم اليوم داك ماشالله كتار شديد ( ربنا يزيد ويبارك) ... وسلموا علي اكتر من زول .. عشان كده على النهايه كده كان تركيزي انتهى خلااااااص (وش عيونو زايغه من التعب) .. بعدين برضو جاني تلفون مزعج شويه من الشغل ..كان في مريض تعبان شويه لكن اسي تمام والحمد لله وافتكر غالبا يكون دا التلفون اللي سلمت علي اثناءه ... على العموم لك العتبى حتى ترضى ... واللامك دارك يا حافظ ...
يديك الف عافيه ... وعشان ما تزعل ...شيك الشياله كلها .. اها شنو ليك ... ؟؟؟ كل سنه وانت طيب والعفو والعافيه
| |
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: صديق الموج)
|
اااااااابا صديق ...
Quote: الله يصرف داليا بالله لى كوز الطايوق كلمتك بيه؟ التستنانى الجبانه. انا قصدى بت قضيم الله يكسرنى حته حته حته حته حته حته حته حته حته حته حته حته حته حته حته حته حته حته حته حته حته حته حته حته حته ماقاصدك وامسحيها لى قى وشى الشين ده وسافى التراب.. وام عصبات ديك التصبر لى،،،
داليا غلطان انا الكلمتك ان شاء الله تعدمى اسم الكبايه لوووووووووووول،،، |
عليك الله اللخبته والجرس اسي في داعي ليها ؟؟؟؟؟؟؟ بس ماما دوما خشت البوست طوالي كلامك نكرتو ... واسي كا بت قضيم خشت كلامك بتقول مل قلتو ... غايتو
عالم تخاف ما تختشيشي ... للللللووووووووووول ..
سلامتك اااابا صديق انت من سف التراب تسلم لينا وتعيش انت يا رب .... وبالمناسبه دي شيل تاني عليك الله ,, افتح ليك بارد ؟؟؟
| |
|
|
|
|
|
|
Re: **** كعك العيد **** (الرسول فيكم كان ما شلتو واحده .. الدنيا عيد !!) (Re: صديق الموج)
|
يا اااااااااابا صديق...
هيييييييييييييييييه .... بلالاين بلالين ... والله فرحت فرح ....!!! زي العملت عيد ميلاد جد جد ,,, انشالله يوم شكرك ما يجي يا باااابا ..
Quote: ما يكون بعد ده ضيوفك ناس دوما وبت قضيم واميرة الشيخ وانعام حيمورة يقولو الا يضبحوا ليهم،،، |
انت عايز تفتني تاني صاح ؟؟؟ كان ليك .... والله ان دارو الضبيحه نضبح ليهم تب ... الفوره الف ... او كما قال تمبس ...
تحياتي وعليك الله ما تمشي يدك فاضيه ...
| |
|
|
|
|
|
|
|