|
|
 Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة (Re: صباح حسين طه)
|
الأخ قريمان
سلام ورمضان كريم
قبل أيام نشر الأخ الشامى نفس الخبر.. نقلا عن الحياة.. ووضحت وقتها كيف أن الجرايد بتلخبط المواضيع..
نفس الشئ حاصل هنا من ناس الشرق الأوسط والرأى العام ...
الشرق الأوسط أمرها غريب شوية...بقراءة متأنية ممكن نكتشف التناقض فى كلامهم.. هم نشروا الخبر الحقيقى ولكن أضافوا ليه كمية من المعلومات المغلوطة...
هناك حقائق أساسية هى :٠
الوزارات لاترفع الحظر... .
المحاكم لا ترفع الحظر...
لأنها ليست الجهات التشريعية....
المسؤول الأساسى هو الكنغرس أو الرئيس فى شؤون محددة يتم تفويضه لها من الكنغرس...
الوزارات جهات تنفيذية بتطبق القوانين والمحاكم بتفسر القوانين...
يعنى حكاية وزارة الخزانة رفعت الحظر دى ما صحيحة... لأنها مجموعة بتاعة بيروقراطيين ما عندهم أى دور فى وضع قوانين الحظر أو رفعها أووضع السياسة الخاصة بالحظر زى ما لمح السفير العجيب...
الحصل... زى ما فى خبر الشرق الأوسط أنو فى تنعارض فنى فى القوانين أهمها:
قوانين فترة كلنتون بتفرض حظر عام على السودان...
قوانين فترة بوش استثنت المناطق المذكورة وحكومة الجنوب... يعنى رفع الحظر عن المناطق المذكورة تم بواسطة بوش والكنغرس تم قبل ثلاثة سنوات نتيجة لحرب دارفور واتفاقية السلام... وما عارف الجديد شنو؟؟
الوزارة كان مشكلتهم أنو كيف يطبقوا الأستثناء للمناطق دى بدون ما يخرقوا الحظر العام....وكانوا بيستخرجوا رخص خاصة لكل تعامل أو شركة على حدة.. الحصل الأسبوع الماضى أنهم قرروا يصدروا رخصة عامة لأى زول خاصة بالمنتجات المذكورة... يعنى الموضوع فنى بحت ولا علاقة له بتعديل قوانين الحظر ألأساسية...
طيب هم عدلوا شنوا؟؟؟
المشكلة هى مشكلة ترجمة..الفرق بين الLAWS اللى بصدرها الكنغرس والRegulations اللى بتطلعها الوزارات والجهات التنفيذية.... الوزارات بتعدل ما أصدرته من Regulations تفسيرية تساعدها فى تطبيق الLaws ...
عشان كدة أنا قلت أنو الوزارات ما بتعدل قوانين الحظر وما بيقدروا يرفعوه أو يعدلوه..
وأى خبر عن رفع الحظر ما فيهو لا الكنغرس أو الرئيس... بكون شغل بيروقراطيين ساكت .. وأى رد فعل ليه من الحكومة السودانية بعكس جهل من يقوم به...
الخلاصة أنو الموضوع مافيه جديد... وأذا سعادة السفير بيفتكر أنو المناطق دى أسثتنوها الأسبوع الماضى أو أن وزارة الخزانة هى المسؤولة عن رفع الحظر فمن الأفضل أنو يشوف ليه شغلة تانية وبلاش فضائح ....
وناس الجرايد اللفحى دا شغلهم.... هو مشكلته شنو؟؟؟؟
الوصلة دى جزء من موقع وزارة الخزانة وفيها تفاصيل ما حدث ...
http://www.ustreas.gov/offices/enforcement/ofac/program...Areas_of_TSRA_gl.pdf
يخيل لى المشكلة الأساسية فى الأخبار الزى دى بكون عدم الترجمة الدقيقة للمصطلحات وعدم ربط الأخبار بتاريخ الموضوع المقصود بالأضافة للجهل عموما بدور المؤسسات فى اللأنظمة الغربية والمهمة المحددة لكل مؤسسة... الأخبار البتتكتب بطريقة زى دى ممكن تضيع مجهود الناس البتعاملوا برد الفعل حسب الأخبار وما ينتبهو للموضوع الأساسى...
وربنا يصلح حال الصحافة العربية...
وتصوموا وتفطروا على خير...
سيف
|
|
 
|
|
|
|
|
| العنوان |
الكاتب |
Date |
 الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-13-09, 00:48 AM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-13-09, 00:52 AM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-13-09, 08:41 AM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-13-09, 10:29 PM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-14-09, 12:28 PM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-15-09, 08:10 PM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | ombadda | 09-15-09, 08:27 PM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-15-09, 09:01 PM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | صباح حسين طه | 09-15-09, 09:08 PM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | SAIF MUstafa | 09-15-09, 09:58 PM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-16-09, 08:22 AM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-16-09, 08:31 AM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | SAIF MUstafa | 09-16-09, 10:15 AM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-16-09, 10:53 AM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-22-09, 09:19 PM |
| Re: الخرطوم غير راضية لقرار واشنطن رفع المقاطعة الاقتصادية عن دارفور والجنوب وحول العاصمة | الطيب رحمه قريمان | 09-16-09, 12:13 PM |
|
| |
SAIF MUstafa
فيس بوك
تويتر
انستقرام
يوتيوب
بنتيريست