|
|
 Re: أوكامبو: البشير ما زال مطارداً والعدالة آتية. (Re: بكري الصايغ)
|
الأخ الـحـبـيـب الـحـبـوب،
Mohamed Yassin Khalifa
تـحـية الود والأعزاز،
وسـررت لزيارتك الكريـمة وطلتك البهيـة، وشكرآ علي الـمشاركة:
*** - تعرف يامـحـمد، بعد بكرة ( 14سبتمبر 2009 )، يكون مر علي قرار المحكمة الدولية 14 شهرآ بلا زيادة ولانقصان!!!، القرار طلع من المحـكمة الدولية يوم 14 يوليو 2008 ومن الوقت ليوم الليلة نلقي حال البشير وشـلته حالة لاتسر عدو ولاحـبيب، الخدمة المدنية انشلت بسبب المظاهرات، ناس القصر شغالين كتابة احتجاجات، الجيش في حالة استراخ تام والطيارات بدون طيارين بتحارب بدلآ عن (جيشنا جيش الهناء )، واصحاب البنوك شغالين لغف في المال السايب، والوزراء عملوا حكاية اوكامبو حجـة للسفر لكل بلاد العالم بحجة الدعوة لمناصرة السودان، وهاك يامصاريف ورحلات علي ميزانية ابوالجاز الخربانة، وحكومة الصين لقت ناس السودان شغالين في الفارغة والكورة والغناء قامت غرقت البلد ببضائع وسلع وأدوية وماكينات وحصادات ممنوع تصديرها للدول اوربية بسبب عدم جودتها، تصدق يامحمد حتي الجلاليب والعراريق والسبح والمساوريك صناعة صينية!!!، تصدق انو الكورة بتاعت كرة القدم وفنايل اللاعبيين بتاعين الهلال والمريخ وصـفارة الحكم وبيرق (اللاين مان) كلها صناعة صينية!!!،ومش كده وبس.. الدبابير والصقور فوق اكتاف البشير وعساكره برضو صينية!!!، واحد صاحبي في السودان اتصل بي ويقول انو وبمناسبة العيد اشتـري قزازة ويسـكي صينيـة!!!!
*** - والله يامحمد، مشيت زيارة لدبي ومصر وحاليآ انا في موسكو في رحلة عمل رسـمية، وشفت هناك حال بعض السودانيين، حالات مزرية مزرية للغاية، لقيت بعض السودانيين بعيشو علي بيع دمهم لبنوك الدم، وناس عايشة سلبطة واستهبال، وناس غرقانة هموم وديون، ولما اسألهم عاجبكم شنو في الغربة دي?، يقولو حالنا كدة احسن من حال 90% من السودانيين في الداخل، يقولو بكل صراحة " صحي عايشيين في فقر مدقع وبؤس لكن لاعيانيين بالأيدز ولاالسفلس، كان مشيت السودان واشتغلت بياع مساويك بلقي بوليس الاسواق بسكنـي وقاطع رزقي.. ياأخي سيبنا بلا سودان بلا فقر!!". اهـو ده حال السودانييـن في الداخل وفي الخارج يامحـمد، الأحصائيات بتقول عدد سكان السودان 39 مليون نسمة، فيهم 10 مليون برة السودان، وحوالي 3 مليون اصـلآ ماسودانيين وجايين من دول الجوار، والعدد ده بتناقص بسبب الحروب والمجاعات والامراض والفقر،
*** - تصور يامحمد، المقابر اتملت بالقبور، وبقوا الناس يدفنوا طابق اول وتاني... ودي اخر بدع السودانيين!!!
*** - وجاييك راجع-
*** - لك مودتي.
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست