|
|
 نفتح صفحه جديدة بمناسبة هذا الشهر الكريم
|
اليكم احبتى
انها دعوة للتسامح والتصافى
الدعوة موصولة لانصار الحزب الشيوعى السودانى
ومجددا لمحبى الاستاذة فاطمة احمد ابراهيم .
وكذلك لكل من مسه قلم الكاتب اسحق فضل الله
ونخص الاستاذ الطيب عثمان .
|
|
 
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: معاوية عوض الكريم)
|
| Quote: ونخص الاستاذ الطيب عثمان . |
الطيب تخصوا بي شنو ؟
انه يسامحك وانت بتقول ليهو ياخي اسحق فضل الله ارجل منك وارجل راجل ميت وحي ؟!
طيب عشان المسامحة تكون مقبولة .. والتوبة مستجابة لابد في الاول من تحقيق شروط هذا الامر
وهي :
رد المظالم الي اهلها .. وهنا ايفاء الطيب حقه من اعتذار يليق بما اراقه عليه - موكلك - اسحق فضل الله من عنيف لف وتحميله لواء قيادة العاهرات والشواذ جنسيا؟..!
الندم على ما فات .. وهنا يجب عليك ادانة اسلوب اسحق فضل الله وتبيين خطله وخطاه ..
التعهد بعدم العودة للذنب ... وذلك بتقديم نقد ذاتي يعكس خطأ ما قمت به وماهو دافعك في الاساس ولماذا وهل كان له تأثير ام لا ، واذا كان له تأثير ماهي السلبيات التي لمستها ..
وبعد ذلك يا سيدي ستجد كل قبول واحترام من الجميع فالاصل في العلاقات الخوة ..
اها التزم وانجز الكلام دا ..
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: HAIDER ALZAIN)
|
ألأخ/معاوية السلام عليكم....
التسامح جميل...فى هذا الشهر الكريم أو غيره..وهذا من طيب اصلك..ولكى يكون هذا البوست إيجابيآ...واصل فيه بحكمة وسامح من وصله رشاش عيارك فأصابه بخدش مشاعره.. وبكل وضوح..تجد التقدير وألأحترام من الجميع...أسمع كلام ألأخ/ حيدر الزين ده ..مهم جدآ...
Quote: وبعد ذلك يا سيدي ستجد كل قبول واحترام من الجميع فالاصل في العلاقات الخوة ..
اها التزم وانجز الكلام دا .. |
نلتقى هنا ولانعرف بعض..نلتقى عبر الحروف..عبر الكلمة..والكلمة الطيبة صدقة.والكلمة السيئة تبقى.فلذا يجب ان لانتسرع فى نشرها إلا بعد مراجعتها..حتى لانجرح أخ أو اخت وتكون الندامة..وقد نلتقى فى الواقع وتكون وصمة عار فى وجوهنا..
هذا بوست موفق بأذن الله......إسماعيل محمد احمد عباس....
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: معاوية عوض الكريم)
|
أخى/معاوية........
Quote:
اخي اسماعيل ،،
عندما فكّرت في كتابة هذا البوست
كان يطوف بخاطري حديثكـ الجميل المتزن ..
اكن لك كل الحترام والتقدير .. لك مودتي |
تسلم......وهذا من طيب اصلك....ولكن بكل الشجاعة التى قادتك لفتح هذا البوست وأملك فى فتح صفحة جديدة جميلة.....يجب عليك ان تسامح وتعتذر لكل من أخطأت عليه.بقصد أو بدون قصد.وتكون فد أزحت عن كاهلك عبأ كبيرآ وتبدأ بروح جديدة مليئة بحب الجميع وتقديرهم واحترامهم..ألأمل فيك كبير
مودتى.............إسماعيل محمد احمد عباس....
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: ismeil abbas)
|
ياحيدر الزين وصاحب المدينة الفاضلة اسماعيل عباس
الراجل ده ما شايف إنو كان غلطان في البوست داك
وافتكر هو معتبرو مجرد اختلاف في وجهات نظر ..
ده على الأقل .. وبالكتير كده هو شايف إنو هناك
كان على حق ثم على حق ..
فلو كان الأمر كذلك .. عايز اعرف رايك يا إسماعيل .. ضروري
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: صلاح ليون)
|
| Quote: فلو كان الأمر كذلك .. عايز اعرف رايك يا إسماعيل .. ضروري |
اخي صلاح
ماذا ستستفيد من تعكير هذه الاجواء الودية
اهلنا بعفو الرقبه ( القتل ) .. فما بالك
في كلمات تطايرت سواء كانت مقصودة ام لا
وانا عن نفسي سمعت كثيرا من الاساءات هنا
والان مسامح كل من اساءنى بلا شرط ..
من عفا واصلح فاجره على الله .
آمل اجدكـ كما اتمنى
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: HAIDER ALZAIN)
|
اتمنى ألا يخيب ظنى
فتحت هذا البوست ولم اكن اتوقع اى سؤال او اعتراض عليه
فقط ما اردته هنا وااضح جدا وهو انت نتصافى بغض النظر
عن كل شئ .. وان كل من يدخل هنا يقول كلمة واحدة فقط
وهي : مسامح
الاخ حيدر الزين اتمنى ان تحدثنى عن نفسك فقط ..
ولا تدخل بينى والطيب عثمان واخرون ..
اتمنى ان يكون بوستا موفقا باذن الله
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: معاوية عوض الكريم)
|
| Quote: اتمنى ان يكون بوستا موفقا باذن الله |
يا إبني ،، ووما نيل المطالب بالتمني ..
فعشان يكون موفق كدي راجع الكلام القلناهو فوووووووق دا لشروط الاستجابة والمساحمة ورد عليها ..
بطل الفصاحة المابتعرف ليها دي ..
قال تصافي قال ..
تصافي ساي بدون ما نعرف سببها شنو .. وقت تقول سامحوني !!
تقول يا نااااس سااااااامحوني .. يبقي انت غلطان
وانت بتقول سامحوني ورافض تعترف بالخطأ تبعك ..
يعني الناس هم الاخطاءوا عليك وانت بتقول ليهم سامحوني رغم انكم المخطئين ..
ودي بتعني انك زول ضعيف شخصية ..
فهل ذلك كذلك ؟!!
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: HAIDER ALZAIN)
|
| Quote: الذى دافعت فيه عن الكاتب |
عشان نشوف حد المكابرة والكضب وين يا عوة ...
إنت بالبوست المعني دحين مش قلت انك ما بتدافع عن اسحق فضل الله ولا بتضامن معاهو ..
نفهم انه دا اعتراف منك انك كنت بتدافع عن اسحق فضل الله ..
يبقي ضيف للقائمة اعلاه اعتذار عن انك كضااااب وكضبت على القراء ..!!
وما تبقي لينا زي سعادتو الرئيس ينكر ويكضب ثم يفضح نفسه وكضبه ثم يسير لا يلوي على شئ
** دي البلد دي الرئيس فيها يكضب والمحامي يكضب وامام المسجد يكضب وسيد اللبن يكضب ..
والشفع ذاااتهم بقوا كضابين ..
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: HAIDER ALZAIN)
|
Quote: انها دعوة للتسامح والتصافى
|
دعوتك دي مطبوعة زي دعوة لبني احمد حسين والا دعوة عامة ساي !!!
ثم يآخينا انت عاوز تشتهر والا شنو ؟!
شايفك بتقول الحزب الشيوعي وتعالوا انا مقدم ليكم دعوة ..
Quote: الدعوة موصولة لانصار الحزب الشيوعى السودانى
|
انت قايل الحزب الشيوعي او الشيوعييين ديل خلاص واقفين عليك انت يعني والا شنو !!
يا عمك في الاكفر منك الاسمو محمد عبد الكريم ..
** غريبة الكريم في كلا الاسمين يحمل مدلوللات مختلفة
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: معاوية عوض الكريم)
|
Quote: حيدر اكرر لك حدثنى عن موقفكـ انت تجاهي
هل انا معاوية اخطأت في حقك |
نعم اخطأت في حقي ..
| Quote: كلامي واضح يا حيدر ما عايزين نخش في تفاصيل |
لا لازم ندخل في التفاصيل عشان وقت تقول لي كلام زي دا :
Quote:
ولا نريد ان نفتح حوارا جديدا لتحديد من هو المخطى |
اقول ليك لا يا ملك لازم يتحدد من هو المخطئ فانا لا اسامح من لم يخطئ في حقي ولا اطالبه به ..
| Quote: قلنا نطوى الصفحة الماضية بما فيها .. |
لا نطوي الصفحة بعد ما تنضف وتُراجع ..
فمن غير الصحي انك تربط الجرح وتغطيهو من غير ما تنضفوا .. بتجيك غرغرينا كدة ..
اها لابد لتحقيق المعادلة من .. الاعتراف .. المصارحة .. النقد .. ثم تاتي المسامحة ..
وقع ليك
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: معاوية عوض الكريم)
|
معاوية عوض الكريم ... سلام ..
إذا كان الزول عندو جرح وربطو بدون نظافة بيتاور تاني
عشان كدي كلام حيدر ما تاباهو .... والصفحة الجديدة حبابا إلا هي القديمة خبرا شنو إتملت واللا إتقطعت.
المسألة الأهم إنو الزول لو غلط وكانت عندو القدرة على الإعتزار فده دلالة على تقدموا والإصرار على الغلط دلالة ضعف .
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: بشري الطيب)
|
| Quote: المسألة الأهم إنو الزول لو غلط وكانت عندو القدرة على الإعتزار فده دلالة على تقدموا والإصرار على الغلط دلالة ضعف . |
بشرى الطيب
تحياتي وشكرى على المداخلة
سعدت جدا بحضوركـ هنا وكلامك الطيب
يا اخي من يطلب السماح فهو بالطبع مخطئ ولا شك في ذلك
وكلنا خطاء كما يقول رسولنا الكريم صلى الله عليه وسلم
( كلكم خطاؤون وخير الخطائين التوابون ) .
هذا من ناحية ، ومن ناحية اخرى لا اريد الخوض في تفاصيل
الاخطاء التى ارتكبتها انا او التى ارتكبت في حقى ..
فهذا قد يؤدى الى اشياء جديدة لا نريدها في هذا الوقت
ولكن اصرار الاخ حيدر الزين على معرفة من المخطئ .. فانى اقول له
العبارة الادق هي : معرفة النوايا
ومن هنا اقول : ان البوست محل الجدل لم يكن بدافع الوقوف مع اسحق فيما قاله
بل كان ردة فعل لبعض الكتابات التى استفزتنى في هذا المنبر والتى كانت تنادي
بتصفية اسحاق وقتله .. وكانت وجهة نظرى ان مثل ما جاء به اسحق لا يستحق كل هذه
التهديدات ..
فبالامكان مقاضاة اسحق ، وهكذا ترد الحقوق .. ولا ترد بالتهديد والوعيد ..
اما ما جاء بداخل البوست من ملاسنات ومهاترات فهذه اشياء عادية تحدث
بين الاعضاء وفي بوستات كثيرة . مثلا : يجي عضو يقول ليك انت ما عندك موضوع
اكيد ح ترد ليك بكلام زفت وهكذا..
اتمنى ان يقفل هذا الملف عند هذا الحد ..
واعلمكم انى لن ارد هنا على اي مداخلات بهذا الشأن
لان البوست مخصص للتسامح والتصافي لا غير ..[/B]
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: معاوية عوض الكريم)
|
Quote: الاخ حيدر الزين اتمنى ان تحدثنى عن نفسك فقط ..
ولا تدخل بينى والطيب عثمان واخرون .. |
يا وكيل اسحق احمد فضل الله ..
يآخي انا القال ليك بتحدث نيابة عن الطيب عثمان يوسف منو؟1
إنت دحين مش قلت >>>> بتعتذر لكل من مسه قلم اسحق احمد فضل الله <<<<<
وجبت اعتذارك دا نيابة عن سيادتو اسحق ..!
هسع يعني افتح بوست اقول فيهو يا الصحفي اسحق احمد فضل الله يعتذر لكل من مساه بقلمه النتن ..
اها موقفك بعدين قدام ارجل راجل حا يكون شنو لو انت ما كنت وكيله فعلاً
والله يا معاوية الزول دا يدق بيك الواطة زي ما حصلت اي شئ .. دا لو ما كمان قام جقدتك ..!
المهم انا ما بتكلم عن الطيب انا واحد من الخلق المساهم المهووس اسحق بقلمه وطالما جاييني نيابة عنه فلازم تكون عندك صلاحية انك تعتذر اعتذار شافي ...
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: HAIDER ALZAIN)
|
نعيد الامر عشان ما يتلخبط الاختصاص تااااني :
Quote: ونخص الاستاذ الطيب عثمان .
|
الطيب تخصوا بي شنو ؟
انه يسامحك وانت بتقول ليهو ياخي اسحق فضل الله ارجل منك وارجل راجل ميت وحي ؟!
طيب عشان المسامحة تكون مقبولة .. والتوبة مستجابة لابد في الاول من تحقيق شروط هذا الامر
وهي :
رد المظالم الي اهلها .. وهنا ايفاء الطيب حقه من اعتذار يليق بما اراقه عليه - موكلك - اسحق فضل الله من عنيف لف وتحميله لواء قيادة العاهرات والشواذ جنسيا؟..!
الندم على ما فات .. وهنا يجب عليك ادانة اسلوب اسحق فضل الله وتبيين خطله وخطاه ..
التعهد بعدم العودة للذنب ... وذلك بتقديم نقد ذاتي يعكس خطأ ما قمت به وماهو دافعك في الاساس ولماذا وهل كان له تأثير ام لا ، واذا كان له تأثير ماهي السلبيات التي لمستها ..
وبعد ذلك يا سيدي ستجد كل قبول واحترام من الجميع فالاصل في العلاقات الخوة ..
اها التزم وانجز الكلام دا ..
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: HAIDER ALZAIN)
|
أخى معاوية....معاك معاك فى الدرب الطويل...
Quote: والان مسامح كل من اساءنى بلا شرط ..
من عفا واصلح فاجره على الله .
آمل اجدكـ كما اتمنى |
هذا من جهتك جزاك الله خير....ولكن ماذا عن جهة ألأخرين..أعتذار منك بصورة واضحة ستجدهم يأتوك مسرعين..اعرفهم أعزاء كرام..
أخى صلاح ليون..كل عام وانت بخير....
Quote: ياحيدر الزين وصاحب المدينة الفاضلة اسماعيل عباس
الراجل ده ما شايف إنو كان غلطان في البوست داك
وافتكر هو معتبرو مجرد اختلاف في وجهات نظر ..
ده على الأقل .. وبالكتير كده هو شايف إنو هناك
كان على حق ثم على حق ..
فلو كان الأمر كذلك .. عايز اعرف رايك يا إسماعيل .. ضروري |
طبعآ يا اخ/صلاح هنا تختلف وجهات النظر ..ودائمآ الحوار الغير مؤسس يقود لمثل هذه المشاكل وتبدأ بمهاترات...بسيطة وتتطور...
معاوية أخطآ....وهذا رأى...وهو لم ينكر ذلك بدليل انه فتح هذا البوست للتسامح..وأنا أشرت له بان يكون واضح فى طرحه ..وان يعتذر للجميع......
Quote: اتمنى ألا يخيب ظنى
فتحت هذا البوست ولم اكن اتوقع اى سؤال او اعتراض عليه
فقط ما اردته هنا وااضح جدا وهو انت نتصافى بغض النظر
عن كل شئ .. وان كل من يدخل هنا يقول كلمة واحدة فقط
وهي : مسامح
الاخ حيدر الزين اتمنى ان تحدثنى عن نفسك فقط ..
ولا تدخل بينى والطيب عثمان واخرون ..
اتمنى ان يكون بوستا موفقا باذن الله |
يا معاوية..حيدر الزين..والطيب عثمان واخرون كلهم أخوة فى هذا المكان..تعال بس قول ياجماعة انا اسف لما بدر منى وبعتذر لكم جميعآ..ونفتح صفحة جديدة لو فى زول ما جا وكتب مسامح تعال لومنى
يا اخى الناس ديل حلوين والدليل مازلوا لم يقطعوا شعرة معاوية......
والطيب عثمان داك خلى ساى.....حمالتك على تشوفو ساى كان تنسى كلامك ده كلو القلتو ليهو وتنداح معاهو فى حلو حديثو..ده إسم على مسمى...
معاوية أبقى مارق بكل صفاء نية وانسى القديم وابدأ صفحة جديدة بس تكون مقنعة للأخرين.....عشمنا فيك كبير........إسماعيل محمد احمد عباس...
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: ismeil abbas)
|
نعيد ما كتبنا اعلاه للفائدة :
من يطلب السماح فهو بالطبع مخطئ ولا شك في ذلك
وكلنا خطاء كما يقول رسولنا الكريم صلى الله عليه وسلم
( كلكم خطاؤون وخير الخطائين التوابون ) .
هذا من ناحية ، ومن ناحية اخرى لا اريد الخوض في تفاصيل
الاخطاء التى ارتكبتها انا او التى ارتكبت في حقى ..
فهذا قد يؤدى الى اشياء جديدة لا نريدها في هذا الوقت
ولكن اصرار الاخ حيدر الزين على معرفة من المخطئ .. فانى اقول له
العبارة الادق هي : معرفة النوايا
ومن هنا اقول : ان البوست محل الجدل لم يكن بدافع الوقوف مع اسحق فيما قاله
بل كان ردة فعل لبعض الكتابات التى استفزتنى في هذا المنبر والتى كانت تنادي
بتصفية اسحاق وقتله .. وكانت وجهة نظرى ان مثل ما جاء به اسحق لا يستحق كل هذه
التهديدات ..
فبالامكان مقاضاة اسحق ، وهكذا ترد الحقوق .. ولا ترد بالتهديد والوعيد ..
اما ما جاء بداخل البوست من ملاسنات ومهاترات فهذه اشياء عادية تحدث
بين الاعضاء وفي بوستات كثيرة . مثلا : يجي عضو يقول ليك انت ما عندك موضوع
اكيد ح ترد ليك بكلام زفت وهكذا..
اتمنى ان يقفل هذا الملف عند هذا الحد ..
واعلمكم انى لن ارد هنا على اي مداخلات بهذا الشأن
لان البوست مخصص للتسامح والتصافي لا غير
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: معاوية عوض الكريم)
|
السيد معاوية حينما جاءت عبارات اسحق فضل الله اختلف الناس فيما بينهم ، فمنهم من ناد بالرد عليه
ومن الناس من نادي بمقاضاته ومن الناس من الذين مسهم في شخصياً من ادي به الغضب الي تهديده بالتصفية ، وكان يمكنك ان تاخذ موضعك ومكانك بين اي منهم او تختار لنفسك طريق جديد...ولكنك ذهبت الي منحي اخر تدافع عن الشاتم الاول وبذلك اعتقد بانك وضعت نفسك في مكان لن تستطيع الصمود فيه وهكذا رأيناك في هذه الهاوية ...
عموماً اعتقد للخروج من هذا المستنقع عليك بالاعتذار لكل من مسه موقفك ...والتراجع التام عن دعوتك لمناصرة اسحق فضل الله ....علي فكرة متابع كل ماتكتب 00
ورمضان كريم
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: ibrahim alnimma)
|
Quote: عموماً اعتقد للخروج من هذا المستنقع عليك بالاعتذار لكل من مسه موقفك
|
اعتذرت في بداية البوست لمن مسه قلمى ، ومن اعتقد اننى وقفت مع اسحق فيما قاله
وقلت :
Quote: ومن هنا اقول : ان البوست محل الجدل لم يكن بدافع الوقوف مع اسحق فيما قاله
بل كان ردة فعل لبعض الكتابات التى استفزتنى في هذا المنبر والتى كانت تنادي
بتصفية اسحاق وقتله .. وكانت وجهة نظرى ان مثل ما جاء به اسحق لا يستحق كل هذه
التهديدات ..
|
| |
|
|
|
|
|
|
|
|
 Re: نفتح صفحه جديدة بمناسبة هذا الشهر الكريم (Re: معاوية عوض الكريم)
|
Quote: الطيب تخصوا بي شنو ؟
انه يسامحك وانت بتقول ليهو ياخي اسحق فضل الله ارجل منك وارجل راجل ميت وحي ؟!
طيب عشان المسامحة تكون مقبولة .. والتوبة مستجابة لابد في الاول من تحقيق شروط هذا الامر
وهي :
رد المظالم الي اهلها .. وهنا ايفاء الطيب حقه من اعتذار يليق بما اراقه عليه - موكلك - اسحق فضل الله من عنيف لف وتحميله لواء قيادة العاهرات والشواذ جنسيا؟..!
الندم على ما فات .. وهنا يجب عليك ادانة اسلوب اسحق فضل الله وتبيين خطله وخطاه ..
التعهد بعدم العودة للذنب ... وذلك بتقديم نقد ذاتي يعكس خطأ ما قمت به وماهو دافعك في الاساس ولماذا وهل كان له تأثير ام لا ، واذا كان له تأثير ماهي السلبيات التي لمستها ..
وبعد ذلك يا سيدي ستجد كل قبول واحترام من الجميع فالاصل في العلاقات الخوة ..
|
*** يا معاوية قبل ما تنفذ الكلام ده ما فى كلام .
*** وده إعتبروا توكيل رسمى لى أخونا حيدر الزين و لغاية ما تعتذر ، أنت الما تدخل بينا .
| |
|
|
|
|
|
|
|
|
 Re: نفتح صفحه جديدة بمناسبة هذا الشهر الكريم (Re: الطيب عثمان يوسف)
|
Quote: يا معاوية..حيدر الزين..والطيب عثمان واخرون كلهم أخوة فى هذا المكان..تعال بس قول ياجماعة انا اسف لما بدر منى وبعتذر لكم جميعآ..ونفتح صفحة جديدة لو فى زول ما جا وكتب مسامح تعال لومنى
يا اخى الناس ديل حلوين والدليل مازلوا لم يقطعوا شعرة معاوية......
والطيب عثمان داك خلى ساى.....حمالتك على تشوفو ساى كان تنسى كلامك ده كلو القلتو ليهو وتنداح معاهو فى حلو حديثو..ده إسم على مسمى...
معاوية أبقى مارق بكل صفاء نية وانسى القديم وابدأ صفحة جديدة بس تكون مقنعة للأخرين.....عشمنا فيك كبير........إسماعيل محمد احمد عباس.. |
*** الأخ الأكرم إسـماعيل عباس : لك كل تقدير و أنت تصفنا بجزء من صفاتك .
....... فقط بقى أخى اسماعيل أن أوضح لك أننى منذ أمس وحتى مساء اليوم كنت فى محاولات مضنية مع معاوية عبر الماسنجر حتى أننى
لا يفقد توزانه الذى بدأ بدونه أساسا .... و أثناء حوارى معه وضعت فى حسبانى أنه شاب صغير السن و حديث عهد بالحوارات و
إدارتها ... و أبدى مشكورا رغبته فى الاعتذار عما بدر منه و قبل أن يفتح هذا البوست أوضحت له الكيفيه التى يتوجب عليه
أن يتناول الأمر .. و أبدا لم أطالبه بالاعتذار لى شخصيا فاعتذاره لا يعنى سوى أنه أكمل بناء شخصيته على عمد إلى هدرها بنفسه
منذ أول ظهور له . .... و لم أطالبه بما طالبه به أخونا حيدر الزين رغم أنها أسس الاعتذار ... فقط طالبته و لازلت أطالبه
بتحديد موقفه ( واااااضحا) من كلام اسحاق الأول و التانى بأى شكل إن شاء الله يزغرد ليه ... وو الله يا إسماعيل وعدته أنه أول
من يجده مساتدا له ، حيكون حيدر الزين و أنا . إلا أنه أصر و لا زال مصرا أنه يمكنه أن يتعذر بس قال ( أعفونى من قول رأى فى كلام
اسحاق ) . الكلام ده مستمر من امبارح لغاية قبل قليل . لذا جاء إصرارى ...
*** تقبل تقدير اسماعيل
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: الطيب عثمان يوسف)
|
| Quote: وانت بتقول ليهو ياخي اسحق فضل الله ارجل منك |
ياخي اتق الله انا ما قلت كده ..!
وما كنت اريد لهذا البوست ان ياخذ منحى اخر
ولكن لابد من التوضيح مرة اخرى ..
1/ كل مافي الامر انى كتبت البوست المثير للجدل
بعنوان : اسحق كان مات راجل وكان حي راجل ..
2/ بعض الناس فهموا منه انى اريد الوقوف مع اسحق فيما قاله
3/ اخذ البوست منحى اخر حيث كال لى غالبية المشاركين فيه السباب
ولاسحاق احمد فضل الله .
4/ لم اذكر في البوست اسم الطيب عثمان اطلاقا .وكنت لا اعرفه اصلا
5/ لكل ما حدث ودار في البوست المذكور تقدمت هنا بطلب للتصافي
وقلت انى اريد فتح صفحة جديدة بمناسبة هذا الشهر الكريم ..
6/ ذكرت بانه لا داعي لنبش الماضى .. وانى قد عفيت عن كل من اساء لى
7/ اصر الاخ حيدر الزين على معرفة من المخطى : وقلت له بالحرف الواحد
ان الانسان عندما يريد السماح فبالتاكيد هو مخطئ ..
8/ ووضحنا وقلنا : ان القصد من البوست لم يكن الوقوف مع اسحق فيما قال
Quote: ومن هنا اقول : ان البوست محل الجدل لم يكن بدافع الوقوف مع اسحق فيما قاله
بل كان ردة فعل لبعض الكتابات التى استفزتنى في هذا المنبر والتى كانت تنادي
بتصفية اسحاق وقتله .. وكانت وجهة نظرى ان مثل ما جاء به اسحق لا يستحق كل هذه
التهديدات ..
فبالامكان مقاضاة اسحق ، وهكذا ترد الحقوق .. ولا ترد بالتهديد والوعيد ..
اما ما جاء بداخل البوست من ملاسنات ومهاترات فهذه اشياء عادية تحدث
بين الاعضاء وفي بوستات كثيرة . مثلا : يجي عضو يقول ليك انت ما عندك موضوع
اكيد ح ترد ليك بكلام زفت وهكذا..
|
فبالتالى لا اعتقد انى قد اساءات لاحد بعد هذا التوضيح
وان كان هناك من يعتقد انى قد اسأت له بعد توضيحى هذا فلياتيني بالبينة
عموما والله على ما اقول شهيد .. وضّحت نواياي مما قصدته بالبوست السابق
ورغما عن ذلك فانى اعتذر مجددا لكل من يظن ان اسأت له بحديثى في بوست
اسحق احمد فضل الله .
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: معاوية عوض الكريم)
|
يآخانا معاوية عوض الكريم ... سلام
صراحة وتقديراً للكثيرين هنا ومن احترمهم واقدرهم أولاً ..
ولاني بالجد ما عندي رغبة ادخل في لت وعجن مع اي زول ثانياً ..
وزي ما قال الطيب عثمان الواحد بيفترض حداثة سنك وعدم الخبرة في ادارة الحوارات وبسط افكارك ثالثاً
ولأنه الموضوع لا يستحق طالما احسست بخطاك رغم انك لم تعترف به صراحة وما زلت تناقض نفسك في موقفك من اسحق فضل الله فمرة تقول البوست المفتوح دفاعاً عنه ومرة اخري تقول البعض فهمه كذلك ومرة ثالثة تقول انك تتكلم نيابة عنه ومرة رابعة تقول لا هذا ولا ذاك بل هي كتابة استفزك وخامسة ووووو
فيبقي الموضوع جايط عندك ..
فيا سيدي حقيقة انا لا احمل عليك شئ البتة ولم يحصل واغلب مداخلاتي كانت موجهة لك لتنبيهك على خطأ ما تكتبه وتناقضه فطلبك لفتح صفحة جديدة مع الجميع تجد عندي التقدير حتي ولو لم تعمل بمتطلبات هذا الامر ولم تراعيه بشجاعة .. فقط اتمني انك تقرأ جميع البوستات المتعلقة بهدوء وروية وتنتبه خاصة لمداخلاتك انت فيها وستجد بالتاكيد ان هناك خطأ جعل جميع المشاركين بالبوستات يعنفونك بالقول واهلنا بيقولوا لو اتنين قالوا راسك مافي اهبشو .. وأظنك هبشت راسك سواء لتنبهك ام لمحاورات خاصة بالماسنجر ..
فالعفو والعافية يا معاوية واعمل حسابك تاني مرة قبل ان تناصر من لا يستحق ان تحط من قيمتك من اجله .. وإن فعلتك فتحلي بالشجاعة الكافية لتغير موقفك ..
ورمضان كريم
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: HAIDER ALZAIN)
|
Quote: فالعفو والعافية يا معاوية واعمل حسابك تاني مرة قبل ان تناصر من لا يستحق ان تحط من قيمتك من اجله .. وإن فعلتك فتحلي بالشجاعة الكافية لتغير موقفك ..
ورمضان كريم |
الله اكرم
هذا ما كنا نرجوه من البداية اخي حيدر الزين
والاهم هو العفو والعافية بمناسبة هذا الشهر
وان شاء الله يحصل كل الخير في قادم الايام
مودتى
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: الطيب عثمان يوسف)
|
الاخوة المتداخلين جميعا والاخ صاحب البوست معاوية
رمضان كريم
وتانى رمضان كريم
يا اخوانا انعلوا ابليس واستعيذوا بالله من الشيطان الرجيم
الاخوان حيدر الزين والطيب :
الاخ معاوية اراد ان يعتذر لكما انتما شخصيا حسب ما فهمت من
السياق العام للبوست رغم انى لم اقرا بوسته الذى دافع فيه
عن اسحاق ولم اقرا ما نسب لاسحاق ((رغم عدم حبي للرجل)) الا
ان طلب الاخ معاوية بفتح صفحة جديدة هى جديرة بالوقوف عندها
وهى اعتراف ضمنى منه انه اخطا وهذا الاقرار بحد ذاته اعتقد
انه موجب للقبول فارجو الا يحمل الاخوة حيدر والطيب الموضوع
اكثر مما يحتمل -- هذا مع تفهمى للظلم الكبير الذى ربما
يحسانه جراء ما كتبه اسحق (( لم اطلع عليه )) -- ومن
هذا المنطلق ارجو ان لا يكون التشدد موجودا هنا مع الدعوة
المتسامحة التى بادر بها معاوية فى هذا الشهر الفضيل .
ورمضان كريم للجميع
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: معاوية عوض الكريم)
|
| Quote: بوست موفق جدا جدا... وكتر خير أخونا وشيخنا الواصل الطيب الطيب |
محمد يس كيفنكـ ياخي
اعتقد انك احد المعنيين بهذا البوست ولا ادري لماذا اكتفيت بالتعليق على ما بينى
والاخوان حيدر والطيب دون ان تعلق على ما كان بيننا وموقفك بعد هذا البوست ..
وهل ترى ان ما كتب هنا كفيل بعودة المياه الى مجاريها مع الجميع ؟
مودتى
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: عمار محمد ادم)
|
تسلموا يا أخوان..تسلم عزيزى الطيب عثمان..ويا حيدر الزين المكالمة معاك اسعدتنى وتسلم على كلامك الجميل...تسلم معاوية....هذا هو الكلام الصاح....نتانقش برؤى..نختلف بأدب..نسعى لآيجاد الحقيقة بالقول الجميل...الله يكرمكم يا أهل الكرم والجود...
إسماعيل محمد احمد عباس....
| |
|
|
|
|
|
|
|
|
 Re: نفتح صفحه جديدة بمناسبة هذا الشهر الكريم (Re: abdalla osman)
|
أيلول/سبتمبر2009 - آخر تحديث - 14:28
نشطاء: اعتقال ناشط من دارفور في السودان
الخرطوم (رويترز) - اتهم نشطاء في مجال حقوق الانسان يوم الخميس الاجهزة الامنية بالسودان باعتقال ناشط من دارفور في الخرطوم واحتجازه دون توجيه اتهامات له لمدة أسبوع.
وقال أعضاء بمنبر دارفور الديمقراطي ونشطاء اخرون لرويترز ان عبد المجيد صالح اعتقل مع صديق له في حي الخرطوم 2 الراقي يوم الجمعة.
ولم يتسن الوصول الى أي أحد من أجهزة الامن السودانية على الفور للتعقيب.
وتتسم الخرطوم بدرجة عالية من الحساسية تجاه الشكاوى بشأن سجلها لحقوق الانسان. وطردت الحكومة 13 جماعة اغاثة أجنبية وأغلقت ثلاث منظمات محلية في مارس اذار واتهمتها بتمرير معلومات للمحكمة الجنائية الدولية.
وقال محمد علي اسحق الذي ذكر أنه صديق لصالح وعضو سابق بجماعة ناشطة أخرى انهم كانوا على جانب الطريق قرب محطة للحافلات الصغيرة حين ألقى الامن القبض عليهما.
وأضاف أنهم أخذوا يسألونه عن علاقته بعبد المجيد وحين قال انها ليست لها صلة بالسياسة أطلقوا سراحه عصر يوم السبت وأضاف أنه لم ير عبد المجيد منذ ذلك الحين.
ووصف منبر دارفور الديمقراطي وهو واحد من عدد من الجماعات الناشطة الصغيرة بدارفور صالح بأنه أحد مؤسسيها ورئيس جمعية شباب السلام المنفصلة.
وتفجر الصراع في دارفور عام 2003 حين حمل متمردون معظمهم من أصول غير عربية السلاح متهمين الخرطوم باهمال تنمية المنطقة.
وقال المنبر في بيان ان الاعتقال يمثل انتهاكا واضحا للاتفاقات الدولية التي وقعها السودان وأضاف أنه يطالب الحكومة السودانية بالافراج الفوري عن السيد عبد المجيد.
وكان المنبر والجمعية بين الموقعين على رسالة نشرت العام الماضي تهنيء كبير ممثلي الادعاء بالمحكمة الجنائية الدولية على اقامة دعوى ضد الرئيس السوداني عمر حسن البشير بتهمة ارتكاب جرائم حرب.
ويقول خبراء دوليون ان 200 الف شخص على الاقل قتلوا في دارفور وهي منطقة صحراواية في معظمها بغرب السودان بينما تؤكد الخرطوم ان الرقم هو عشرة الاف.
وقال نشطاء طلبوا عدم نشر اسمائهم ان عبد المجيد شارك ايضا في التحقيق في تقارير عن اعتداءات جنسية بدارفور واعتقالات جماعية واساءة معاملة لسكان دارفور في الخرطوم بعد أن هاجم متمردون ضاحية بالعاصمة في مايو ايار العام الماضي. ونفت حكومة السودان التقارير
| |
|
|
|
|
|
|
|
|
|
Re: نفتح صفحه جديدة بمناسبة هذا الشهر الكريم (Re: عبدالمجيد الكونت)
|
سلامات للجميع ورمضان كريم
ليس دفاعا عن الأخ معاويه ...ولكن بصراحه الراجل قابلته لاول مره في افطار بورداب الخرطوم ،ورغم اللقاء السريع والعابر ،لكني كونت فكره عن الرجل وهو للحقيقه في قمة التهذيب والاحترام ..واعتبر معرفتي به مكسب حقيقي ..
وجميل يا معاويه أن تعتذر وتفتح صفحه جديده ...وأتمني أن تدوم الموده بين الجميع .
| |
|
|
|
|
|
|
| |
معاوية عوض الكريم
HAIDER ALZAIN
صلاح ليون
ismeil abbas
بشري الطيب
ibrahim alnimma
الطيب عثمان يوسف
خالد عنان عمر
PLAYER
Mohamed Yassin Khalifa
محمد إبراهيم علي
صديق الموج
عمار محمد ادم
Yassir Tayfour
Abdlaziz Eisa
Sidgi mattar
abdalla osman
Dr.Elsadig Abdalla
فيس بوك
تويتر
انستقرام
يوتيوب
بنتيريست