|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: فتحي البحيري)
|
personal freedom is in the area between the stimulance and the responce. two voices are shattering >> which one of them is right 1-خطوة شجاعة؟؟؟لماذا شجاعه...اي وطن ذلك الذي نحتاج في للشجاعة واليقظه والترقب والحيطة .... اين الامان؟؟؟واتخاذ هذه الخطوة دليل علي وجود الخوف... الخوف من ماذا؟؟؟ ومن من؟؟.. ومن الذي يحس به؟؟؟ هل هو خارج اجسامنا وعقولنا...اذن فهو محمول معنا..اذن لا يهم اين نذهب... هل يمكن التحكم في هذا الخومف...كما وكمية؟؟؟ومن الذي يستطيع التحكم فيه؟ ومن هو السودان؟؟؟وماهي درجة وعينا بالانتماء.. هل هو انتماء عاطفي.. ثقافي.. عرقي...وماذا تعني البطاقات الشخصية وجوازات السفر امام الامير او الوزير.. او العسكري الزهجان...؟؟؟
شخصيا الاجابة علي هذه الاسئلة جعلتني مقيما بالولايات المتحدة الامريكيه عشرين من الاعوام...ولن اساوم علي حريتي الشخصية باي ثمن الا مع الخالق.. ولن نفترق .. ولم نختلف ... هنالك الكثير يمكن ان يقال...لا ادري ما الذي كان يحدث للطيب صالح ان لم يترك السودان.. وهل تركه؟؟ لا اظن.. انت يا اخي من سلالة الروائيين الذين سوف يخلدون اسم السودان في ذاكرة العالم.. كما فعل الطيب صالح..لقد قرات .. عظام الموتي.. وما زلت في دهشتي....بل علمت من خلالها ما الذي حدث.. يجب ان نخاطب العقل ولا نجعله يخاطبنا...فلا يملك لنا العقل سوي الماضي بكل صورة الجميلة والقبيحة...ولكنها لا تخرج في اطار الحاضر الا عن طريق.. عواطفنا..واحساسنا الان..وهو نفس الاحاساس الذي نتخذ قرار الكر والفر.. والثبات...بوعي او بلا وعي... هذه مرحلة الرسالة ياخي ....سيظل ابداعك جزء من السودان الذي تحبة وتحلم به..ان قوتك في مقدرتك علي الكتابة...وتلك المقدرة تحتاج الي الصقل .. ابتعادا وانتماءا.. وغربة.. الي ان تحمل هم الملايين من الاجيال التي تعرف تماما انها سوف تقراء.. عظام الموتي..ذلك هو السودان الذي يقبع في المستقبل.. ولا وجود لهذا المستقبل .. الا من خلالنا..فهو فكرة الحاضر وعاطفة الان..
richness and poverty are both state of mind.
fear and faith will never stay to gether in the soul but they can fight for the same place in our mind
لك التحية وانت انصع في حلمك وحضورك من كرة الشمس في احتراقها الزائف....لا ضوء يوجد من غيرنا..
صلاح خليفه
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: نوفل عبد الرحيم حسن)
|
اولا هل انتفت اسباب خروجك من السودان ؟
واجيك بالدرب العديييييييييييييييييييل
انت يا زول ما بتشوف الاعلان بتاع بنك السودان في قناة النيل الازرق
والبقول فيه يا جماعة تعالو ختو قروشكم في البنوك ده يعني شنو يعني سيولة بح
يعني البلد فلساااااااااااااااااااااااااااانة
يعني قريشاتك الشايلة دي اقنع منها عدييييييييييييييييييل
وبصراحة ونصيحة لوجه الله
كفيلا مجيه ولا عدم كفيلا مجهجه
امشي فرتق عفشك وكنسل الخروج والعودة
وامشي اعمل ليك عمرة واسال ربك تسهيل الرزق
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: salah ismail)
|
د/ صلاح ازيك
ورمضان كريم
غايتو مداخلتك دي الصراحة جهجهت لي باكاتي
Quote: 1-خطوة شجاعة؟؟؟لماذا شجاعه...اي وطن ذلك الذي نحتاج في للشجاعة واليقظه والترقب والحيطة .... اين الامان؟؟؟واتخاذ هذه الخطوة دليل علي وجود الخوف... الخوف من ماذا؟؟؟ ومن من؟؟.. ومن الذي يحس به؟؟؟ هل هو خارج اجسامنا وعقولنا...اذن فهو محمول معنا..اذن لا يهم اين نذهب... |
ماقصدته ببساطة هو ترك طريق مخطوط قد اخترته بنفسك من اجل بداية جديدة خطوة كهذه تستحق أن تشمل بالخوف والترقب ياصديق وأنا معك أن الخوف هو تميمة الحياة
Quote: ومن هو السودان؟؟؟وماهي درجة وعينا بالانتماء.. هل هو انتماء عاطفي.. ثقافي.. عرقي...وماذا تعني البطاقات الشخصية وجوازات السفر امام الامير او الوزير.. او العسكري الزهجان...؟؟؟ |
إسأل الشجرة عن انتماء جذورها للأرض .. مهما استطالت فروعها وعانقت السماء لكنها تظل منتمية لجذورها هذا هو السودان عندي
Quote: لا اظن.. انت يا اخي من سلالة الروائيين الذين سوف يخلدون اسم السودان في ذاكرة العالم.. كما فعل الطيب صالح..لقد قرات .. عظام الموتي.. وما زلت في دهشتي....بل علمت من خلالها ما الذي حدث.. يجب ان نخاطب العقل ولا نجعله يخاطبنا...فلا يملك لنا العقل سوي الماضي بكل صورة الجميلة والقبيحة...ولكنها لا تخرج في اطار الحاضر الا عن طريق.. عواطفنا..واحساسنا الان..وهو نفس الاحاساس الذي نتخذ قرار الكر والفر.. والثبات...بوعي او بلا وعي...
|
طبعاً تفاجأت من المقارنة فلا علاقة بين الابداع والتواجد داخل الوطن أو خارجه طالما إحساسنا اتجاه الوطن هو ذاته وهو الدافع المحرك لعجلة الابداع فينا .
وهل غادر حمور زيادة الذي يخطو بخطا واثقة نحو الامام ارض وطنه هل غادرها نجيب محفوظ أو حتي علاء الدين الأسواني .. لي قناعة أن ارتباطنا بالجذور يفجر مكامن الابداع بصورة اكبر ولك في عبد العزيز بركة ساكن مثال جيد للمبدع الرابض بين الحرف ونبض الوطن
قبل أن أتجاوز هذه النقطة شكراً للمقارنة المفاجئة بيني وبين الطيب صالح فالبون شاسع جدا ياصديق
خرجت من السودان ببساطة شديدة ياصديق من أجل تحسين الوضع المادي لاسرتي الصغيرة وضمان استقرارها وليس من أجل دور رسالي ولهذا السبب نفسه اعود
ودعنا نلتقي علي أعنة الحرف
محبتي وودي
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: محمد الطيب يوسف)
|
نعم الخطوة وربنا يخضر خطوتك
والله اذا سالتني فى نفسي
الافضل العودة الى السودان
لان السودان هى الام وكل شئ لنا
اذا لم يكن السودان فما كنا نحن
عودتك ضرورية للتنميةوالعمران ونمؤ الاقتصاد
بدل ما ندفع قروشنا ديل للدول التانية
الافضل لبلدك واذا خسرت تكسب من اهل بلدك
لكن الدول الاخري لايهمهم الا قروشك
ويوم ما افلست ترى الويل والعذاب
والذل والمهزلة من هولاء اهل البلاد الاخرى
فالافضل العودة للوطن (السودان)نبيه ونعمر فيه
حتى نكون اعظم الدول
واذا بنيت عمارة فى الغرب كانك بنيتو فى السودان
وهدفنا العمران والتنمية
حتى نكون من اعظم الدول السياحية
مع تحياتي لك
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: ابو جهينة)
|
Quote: هناك في ليل بريدة الدافي يجيد البشر الاجترار ,, فصفاء السماء وقرب النجوم وبعد الحبيب ثالثها يوقد نار الحنين فتأتلق شوقاً لأولئك النأؤون عنك بأجسادهم ويسكنون وريدك وتتنفسهم فتجأر من شكوى الحنين
لك الله يا أبوذر هيجت في شجوناً كنت أكتمها ان شاء الله ماتنفعك
إنت شيطانك ده رمضان أعمي منو |
+ أوعك تتأخر.
+++ و ما تخلى حياة السودان تسرقك من الكتابة و مافى أى خوف عليك.
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: وجن)
|
يامحمد القرار شخصي بحت يتوقف على ظروف كل زول براهو في الغربة او في السودان اسمع من الناس لكن في النهاية تجارب الاخرين الكويسة والكعبة ليست مقياس.مررت بهذه التجربة اغتربت لمدة 5 سنوات وكنت شغال وعندي سكن ...... الخ ولمن اصحابي قالوا لي
ماشي السودان تعمل شنو ؟ قلت ليهم انا قاعد هنا بعمل في شنو ؟ سكتوا ! الشيء الطبيعي اكون في السودان و شلت شنطي وجيت
والحمد لله ماندمت.
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: omer osman)
|
جنابو محمد
ربنا يعدل خطوتك .. شوف يا اللخو ، إنت غايتو يا فنشوك ، يا إما مجيه نفسك تمام في السودان سبب واحد يرجع بلا السببين المنطقيين الفوق ديل مافي .. والله السودان أحلى منو مافي ، لكن محتاج الزول يتجهز ليهو تمام كلنا راجعين ، لكن رجعة مجهجهة ما بتنفع يا زعيم مغتربين كتااااار مؤهلين ووظائفهم كانت محترمة جداً رجعوا ، وبعد شهور بقوا يفتشوا لزيارة لأنهم ما رتبوا للرجعة ..
يا زول رتّب أمورك تمام وإتوكل لكن غير كده ، مفروض تراجع حساباتك ، وتفكر مية مرة ..
نصيحة يا جنابو (أوعك تكلّف ليك زول يعمل ليك حاجة هناك ، حقك سويه برااااااك) ...
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: Salah Abdulla)
|
ادرس خطوتك جيدا وأسأل نفسك :
1) هل تستطيع التأقلم مع الحياة في السودان بشكلها الحالي ؟ 2) هل تمتلك القدرة على إيجاد مصدر رزق مناسب والعمل بشروط السوق في السودان؟ 3) هل يستطيع أبناؤك العيش هناك بوضع الوطن الحالي ؟ 4) هل تمتلك الرصيد الكافي لمواجهة أي احتمالات ؟ 5) هل تمتلك معارف ووساطات وتزكيات تسهل لك أمورك في السودان ؟ 6) هل تمتلك مخرجا في حالة فشلك في السودان ؟ 7) هل يوجد أمامك حل آخر غير السودان ؟ 8) هل تمتلك القدرة على توفير الرعاية الصحية الكافية لك ولأسرتك وبالتكلفة العالية التي تحدث في السودان ؟ 9) هل أنت مستعد فعلا للعودة ؟ بمعنى عقلي وليس عاطفي
احترامي لك
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: Hani Arabi Mohamed)
|
هاني عربي سلام
1) هل تستطيع التأقلم مع الحياة في السودان بشكلها الحالي ؟ (إلي حد ما ) 2) هل تمتلك القدرة على إيجاد مصدر رزق مناسب والعمل بشروط السوق في السودان؟ (نعم) 3) هل يستطيع أبناؤك العيش هناك بوضع الوطن الحالي ؟ (نعم) 4) هل تمتلك الرصيد الكافي لمواجهة أي احتمالات ؟ (لا) 5) هل تمتلك معارف ووساطات وتزكيات تسهل لك أمورك في السودان ؟ (لا) 6) هل تمتلك مخرجا في حالة فشلك في السودان ؟ (نعم) 7) هل يوجد أمامك حل آخر غير السودان ؟ (نعم) 8) هل تمتلك القدرة على توفير الرعاية الصحية الكافية لك ولأسرتك وبالتكلفة العالية التي تحدث في السودان ؟ (نعم) 9) هل أنت مستعد فعلا للعودة ؟ بمعنى عقلي وليس عاطفي (نعم ... نعم ... نعم)
أها كم من تسعة ؟؟؟
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: Salah Abdulla)
|
اولا رمضان كريم ثانيا اتخذت قرار الرجوع الي السودان وهسع قاعده لي سنه وشهرين والله السودان جميل وتمام وفيهو مناظر ما بتلقاها في اي بلد تاني ضروري ما تفوتك سيول المتسولين وكبار السن خاصة ومن كل اقاليم السودان ما من مناطق الحروب والله من الوسط رجالا ونساء يصيبك الحزن والعبرات تخنقك مشردات يمارسن الامومه في الشارع تسمع كل يوم جريمه قتل --الصائغ واولاده الاستاذه فايزه --سميره --قتيلة الحاج يوسف ام بده مع انو اكثر العربات تواجدا هي عربات الشرطه --تيت --تيت --تيت في قمه الذروه المروريه ونضاير عشان ما يمشو عدا وعربات الشرطه متواجده لكن ما بينتبهو للجرائم لان معظم قعادن قصاد ستات الشاي وطالبات الجامعه --ديك لابسه بنطلون ودي بلوزتها ضيقه يلا كشه هنا وكشه هناك وعندما انتفضت النساء وعملن مبادرة لا لقهر النساء اظنك قريت كتبوا وقالو شنو --- والمجومين الحقيقيين قاعدين ويمارسوا في الجريمه بس بعد ما تحدث يجينا الاعلان طاير نجاح اخر للشرطه تقبض علي المجرمين --مش غريبه لو قمنا قلنا الظاهر المجرمين ديل هم زاتم --احسن ما نتم الكلام عشان الجلد هين هنا تجيب واحد متخصص في تنسيق الحدائق ومفروض يزرعو ليك شجر تلقي نفسك بنيت والحديقه راحت في حق الله اللغه اتغيرت في السودان واصبحت لغه عنيفه وهذا نتاج ثقافة العنف يعني بت حليوه وفارعه يسموها قنبله هل تصدق انو في احدي المقاطع سمعت الخشيم كاتم صوت والليدين كلاشنكوف والجرايد لغتها اصبحت مختلفه وبالمناشيت العريض --اللهم اني صائمه بس ما فهمت انو السودان بقي زي المملكه لكن المملكه فيها الكفيل دي دايره شرح يا خوي احسن تجي عشان الحاجات ما بتلقاها الا هنا welcome back
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: ihsan fagiri)
|
لأنه مافي حد فينا عارف ظروفك، وعايش حياتك، ما حنقدر نشجعك .. ولا نقول ليك لأ.. لكن أقرا كلام عمو أبوجهينة ... دايما بفاجئني بما يخطه بنانه
Quote: محمد سلام و رمضان كريم
ضع نصب عينيك النجاح أجعل كل تفكيرك النجاح و لا شيء غيره ستصل لما تصبو إليه أطرد الخوف من دواخلك ... ستجد أن إصرارك سيسبقك لكل خطوة تخطوها .. و ستجد أن النجاح منجذب تلقائيا إلى عزيمتك
موفق بحول الله |
فهمته انه عندك رواية عايز تنشرها... ما تقول ما عندي.. اعصر نفسك.. خت هدفك خلال سنة مثلا انك تنشرها... وشوف الهدف ده حتقدر تحقق في السودان ولا هنا في السعودية...ولو واثق من نفسك... ضعها على المحك... مافي حلم بتحقق بالساهل...
ولو ما مصدقني.. اسأل عبدالغني كرم الله.. حيقول ليك
بنت الحسين
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: مريم بنت الحسين)
|
الأخ محمد يوسف حبينا نمر من خلال بوستك لكي نلقي التحية
و نقول سر و عين الله ترعاك فأنت راجع الي بلدك و مهما كان
فأنت ذاهب إلي الأهل و الأحباب و مرتع الصبا، عموما نحن
السودانيين لم تتوفر في أغلبنا روح المغامرة و كلنا ننتظر
أن نكرر نفس تجارب الآخرين لذلك نجد أنفسنا في محطة اللا عودة!
فلذا اني لك من الناصحين استخر فاذا عزمت فتوكل بالتأكيد فأن
ظروفك و تجربتك حتما حتختلف عن الآخرين و صدقني أنه كل المطلوب
منك أن تعرف أن تضع أرجلك و عش اللحظة بما فيها و دع الباقي
للخالق من غير مقارنة مع الآخرين .و لك ودي
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: موسي عيسي)
|
Quote: يا زول رتّب أمورك تمام وإتوكل لكن غير كده ، مفروض تراجع حساباتك ، وتفكر مية مرة .. |
اخونا محمد الطيب , طبعا ظروفك وانت بتعرف تقدرها اكتر مننا ولكن ضع كلمات اخونا صلاح نصب عينيك يعنى من غير ترتيب للامور الشخصية والعائلية ما تنزل وما فى حاجة اسمها بعمل شنو هنا على الاقل انت شغال والاسرة مستقرة .
تخريمة
سالت واحد صاحبى عنده صيدلية قلت ليه ياخى عايز افتح واحدة كيف ؟ قال لى ما فضل ليهم الا يفتحوا قزازة المضاد الحيوى ويبيعوه بالمعلقة . ودة منى ليك عشان عارفك صيدلى
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: فايزودالقاضي)
|
Quote: اسباب العودة زي البصمات تختلف من شخص لآخر .. عشان كده كل واحد بفتي ليك من زاويته ..
ابحث عن الحياة الكريمة لك ولاهلك ..وسيبك من وهم الاوطان والكلام الماجايب حقه ..العمر ده معدود والله لا السودان ولا غيره ينفعك .. اعمل لأخرتك وكمان اعمل لدنياك دون تحديد مسمي وطن او ماوطن ...
اذا اصريت .. اعمل خروج وعودة لتسعة شهور وصدقني حاتجي في الشهر التاني ...
ودالقاضي .. |
انت عارف لو الواحد اتجاوز كلو حاجة في حاجتين مابقدر اتجاوزن
الوطن
والهلال
تعرف ... ممكن اجرب اطلع لي حتة تانية لكن السعودية بالنسبة لي خيار مرفوض
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: محمد عبد الماجد الصايم)
|
ألأخ/محمد...السلام عليكم....وكل عام وانتم بخير...
هنا أم هناك... كلها بلاد الله....أينما كتب لك الرزق ساقك الله إليها....
شوية الخوف من ماذا؟؟؟الرزق اعتقد وده ألأهم...والخوف على الرزق قلة إيمان بالرازق..ومن هو الرازق هو الذى خلقنا وبيده تصريف ألأمور..
وانت فى مكانك قسم الله لك الرزق...ولم تقتنع به ..وقد تكون تركت رزق كتب لك قبل هذا وتركته من أجل ذلك...نعم الطموح جميل والسعى مهم وراء النجاح ولكن بدون خوف والتوكل على الله من اهم أسباب النجاح...
أسمع كلام الريس ابوجهينة فيه من الحكمة مافيه...............................خالص تقديرى واحترامى...................إسماعيل محمد احمد عباس...
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: ismeil abbas)
|
Quote: ألأخ/محمد...السلام عليكم....وكل عام وانتم بخير...
هنا أم هناك... كلها بلاد الله....أينما كتب لك الرزق ساقك الله إليها....
شوية الخوف من ماذا؟؟؟الرزق اعتقد وده ألأهم...والخوف على الرزق قلة إيمان بالرازق..ومن هو الرازق هو الذى خلقنا وبيده تصريف ألأمور..
وانت فى مكانك قسم الله لك الرزق...ولم تقتنع به ..وقد تكون تركت رزق كتب لك قبل هذا وتركته من أجل ذلك...نعم الطموح جميل والسعى مهم وراء النجاح ولكن بدون خوف والتوكل على الله من اهم أسباب النجاح...
أسمع كلام الريس ابوجهينة فيه من الحكمة مافيه...............................خالص تقديرى واحترامى...................إسماعيل محمد احمد عباس... |
أوفيت وكفيت يا أ/ إسماعيل
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: محمد عبد الماجد الصايم)
|
محمد الطيب ، عساك طيب،،
لدي تجربة شخصية مع إثنين أعزاء مثلك (واحد فيهم بوردابي ممكن يجي يوافق على كلامي دا أو ينفيه)،،
الإتنين ديل أنا حاولت معاهم ومع أسرهم بأن يجربوا موضوع العودة ويمشوا 6 شهور أو سنة وبعدها يحكموا على البلد،، الناس ديل أصروا على رايهم وسافروا السودان بخروج نهائي متهور جداً،،
الأول جلس 3 سنوات بدأ بعدها في بيع الأصول الثابتة الخاصة وقرر أخير يرجع للمكلة ،، رجع الآن وهو يبحث عن عمل علماً بأن وظيفته السابقة كانت في براتب مجزي حوالي 8 آلاف ريال، ومع العلم أيضاً أن كفيله السابق لم يطلب منه مطلقا السفر ، بل بالعكس كان مصراً أن يبقى في وظيفته،،
الثاني : لم يكمل عام من ذهابه ، يمكن 7 شهور - 8 شهور فقط : قرض كل المعاه ، (وكان مبلغاً جامدا )،، المهم : الشخص الثاني هذا الآن بصدد العودة إلى السعودية مهما كلفه ذلك ،،
قال لك أحدهم أن الحكاية زي البصمة ،، يمكن حظك يكون أوفر منهم : بس كان ماعندك بيت هناك : أحسبها تاني،،
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: مزمل خيرى)
|
Quote: اذا دبرت دخول القريشات وبقيت حريف في المصاريف والتصاريف |
الأخ محمد الطيب ..
سلام ..
عاوزك تفر كلام أخينا نوفل دا ..
الكلام دا سطر واحد لكن مضغوط شديد ..
إذا دبرت دخول القريشات = يعني مصدر دخل ثابت إن شاء الله أتوسات 2.
وبقيت حريف في المصاريف = مش تمش تعمل فيها مغترب وقروشك بالكوم وتتجلفغ (بتعرف الجلفغة) هي قريبة من البوبار ..
التصاريف: دي بقى لا يسع المكان لتفسيرها لأنها واسعة ومتعددة المعاني وكثيرة المواضع وتشمل تصاريف الأقوال والأفعال والصفات وهلمجرا ..
في شيء تاني هام .. كلام أخينا عبداللطيف بكري ما تمر عليه مرور الكرام ..
وأنا عندي مثالين واحد أخوى والثاني قريبي مشوا بأموال وأصول وخبرات عملية نادرة ومطلوبة ..
قريبي دا كمل العندو والعند أخوانه في السعودية خلال 4 سنوات و تأاااااااااااااني رجع والآن في الرياض ممكن أديك تلفونه لو بتحب عشان يديك وصية مجرب.
وأخوي كما كمل قروشو وقروشي ورجع بعد 10 شنوات عجاف .. والآن جالس في شغال في جدة ..
دا ما تكسير جنحين يا شاب لكن شفقة عليك ..
المهم إن كنت لا محاملة فاعلاً فخذ تأشيرة خروج وعودة سنة بالتمام والكمال ..
تحياتي،،
جاد
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: JAD)
|
Quote: عبد الوهاب رمضان كريم وعاكم في الفطوران شاء الله |
معاكم في الفطورين ...
عزيزي ليتك تتريث وتسمع كلام عبدالوهاب دا يعني بعد الانتخابات ممكن تبدأ تناقش الموضوع دا
ويمكنك الاستفادة من هذا التواجد للبحث معك على وظيفة مجزية ... السودان الان يترنح والبقاء
فيه لمن هم افضل وضع وايسر حالاً وجربوا العودة بأموال لكنهم يفكرون في الغربة ثانيةً ... اعتقد
أن مبررات الغلاء والمقارنة ما بين السعودية والسودان لا تستقيم في ظل اقتصاديات متباينة , نعم
ربما سياسات وسوق العمل في الخليج عموماً تميل كفتهم لصالح المواطن ومضايقة الاجنبي لكن الان التوقيت
غير مناسب لرجعتك والتي نتمناها رجعة جماعية .
سلمت وارجو بكل صدق اعادة التقييم على اقل تقدير اعمل خروج وعودة 6 أشهر وبعدها فليكن الحكم على ارض
الواقع .
تمنياتي لك بالتوفيق والسداد .
......................................................................حجر.
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: الرفاعي عبدالعاطي حجر)
|
كان ما عندك مبالغ محترمه الراجع ليها شنو؟؟؟
اولا ما في زول بيدورك, اول ايام بيكرموك و يهتموا بيك, كان لقوا عندك قريشات الله يستر من اولاد الحرام يجبدوها منك, لو ما عندك طنشوك و يقولوا ياخي دي قاعد 20 سنه في السعوديه راجع ايد ورا و ايد قدام, انا والله لو كنت مكانه كان جبتهن عشره قلابات و 4 تركترات.
الاولاد بيقدروا على العيشه في السودان.؟ الكهرباء مقطوعه, المويه وسخانه, الدسنتاريا, الملاريا, التايفود,
كان حسبتها كويس القشه ما تعتر ليك, كان ما حسبتها يا زول اقعد شويه,
عندنا في امريكا اي زول قال ماشي عملنا ليه لمة وداع و هاديناه,باع بيته و عربيته و شحن عفشه يا هو جانا راجع يا مرته جاتنا راجعه مع الوليدات و ثاني يبدوا من الصفر, الميزه الوحيده انه في امريكا لا بشيلوا منك جواز لا بيقولوا ليك ثاني ما تجي.
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: موسي عيسي)
|
Quote: الأخ محمد يوسف حبينا نمر من خلال بوستك لكي نلقي التحية
و نقول سر و عين الله ترعاك فأنت راجع الي بلدك و مهما كان
فأنت ذاهب إلي الأهل و الأحباب و مرتع الصبا، عموما نحن
السودانيين لم تتوفر في أغلبنا روح المغامرة و كلنا ننتظر
أن نكرر نفس تجارب الآخرين لذلك نجد أنفسنا في محطة اللا عودة!
فلذا اني لك من الناصحين استخر فاذا عزمت فتوكل بالتأكيد فأن
ظروفك و تجربتك حتما حتختلف عن الآخرين و %D
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: موسي عيسي)
|
Quote: الأخ محمد يوسف حبينا نمر من خلال بوستك لكي نلقي التحية
و نقول سر و عين الله ترعاك فأنت راجع الي بلدك و مهما كان
فأنت ذاهب إلي الأهل و الأحباب و مرتع الصبا، عموما نحن
السودانيين لم تتوفر في أغلبنا روح المغامرة و كلنا ننتظر
أن نكرر نفس تجارب الآخرين لذلك نجد أنفسنا في محطة اللا عودة!
فلذا اني لك من الناصحين استخر فاذا عزمت فتوكل بالتأكيد فأن
ظروفك و تجربتك حتما حتختلف عن الآخرين و صدقني أنه كل المطلوب
منك أن تعرف أن تضع أرجلك و عش اللحظة بما فيها و دع الباقي
للخالق من غير مقارنة مع الآخرين .و لك ودي |
موسي عيسي
تحية طيبة
شكراَ للكلام السمح والمشجع حاختوا في بالي شديد
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: ihsan fagiri)
|
Quote: اولا رمضان كريم ثانيا اتخذت قرار الرجوع الي السودان وهسع قاعده لي سنه وشهرين والله السودان جميل وتمام وفيهو مناظر ما بتلقاها في اي بلد تاني ضروري ما تفوتك سيول المتسولين وكبار السن خاصة ومن كل اقاليم السودان ما من مناطق الحروب والله من الوسط رجالا ونساء يصيبك الحزن والعبرات تخنقك مشردات يمارسن الامومه في الشارع تسمع كل يوم جريمه قتل --الصائغ واولاده الاستاذه فايزه --سميره --قتيلة الحاج يوسف ام بده مع انو اكثر العربات تواجدا هي عربات الشرطه --تيت --تيت --تيت في قمه الذروه المروريه ونضاير عشان ما يمشو عدا وعربات الشرطه متواجده لكن ما بينتبهو للجرائم لان معظم قعادن قصاد ستات الشاي وطالبات الجامعه --ديك لابسه بنطلون ودي بلوزتها ضيقه يلا كشه هنا وكشه هناك وعندما انتفضت النساء وعملن مبادرة لا لقهر النساء اظنك قريت كتبوا وقالو شنو --- والمجومين الحقيقيين قاعدين ويمارسوا في الجريمه بس بعد ما تحدث يجينا الاعلان طاير نجاح اخر للشرطه تقبض علي المجرمين --مش غريبه لو قمنا قلنا الظاهر المجرمين ديل هم زاتم --احسن ما نتم الكلام عشان الجلد هين هنا تجيب واحد متخصص في تنسيق الحدائق ومفروض يزرعو ليك شجر تلقي نفسك بنيت والحديقه راحت في حق الله اللغه اتغيرت في السودان واصبحت لغه عنيفه وهذا نتاج ثقافة العنف يعني بت حليوه وفارعه يسموها قنبله هل تصدق انو في احدي المقاطع سمعت الخشيم كاتم صوت والليدين كلاشنكوف والجرايد لغتها اصبحت مختلفه وبالمناشيت العريض --اللهم اني صائمه بس ما فهمت انو السودان بقي زي المملكه لكن المملكه فيها الكفيل دي دايره شرح يا خوي احسن تجي عشان الحاجات ما بتلقاها الا هنا welcome back |
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: omer osman)
|
Quote: يامحمد القرار شخصي بحت يتوقف على ظروف كل زول براهو في الغربة او في السودان اسمع من الناس لكن في النهاية تجارب الاخرين
الكويسة والكعبة ليست مقياس.مررت بهذه التجربة اغتربت لمدة 5 سنوات وكنت شغال وعندي سكن ...... الخ ولمن اصحابي قالوا لي
ماشي السودان تعمل شنو ؟ قلت ليهم انا قاعد هنا بعمل في شنو ؟ سكتوا ! الشيء الطبيعي اكون في السودان و شلت شنطي وجيت
والحمد لله ماندمت. |
عمر عثمان الله يطمنك ومايضحك فيني الشمات قول آمين
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: ذواليد سليمان مصطفى)
|
Quote: نعم الخطوة وربنا يخضر خطوتك
والله اذا سالتني فى نفسي
الافضل العودة الى السودان
لان السودان هى الام وكل شئ لنا
اذا لم يكن السودان فما كنا نحن
عودتك ضرورية للتنميةوالعمران ونمؤ الاقتصاد
بدل ما ندفع قروشنا ديل للدول التانية
الافضل لبلدك واذا خسرت تكسب من اهل بلدك
لكن الدول الاخري لايهمهم الا قروشك
ويوم ما افلست ترى الويل والعذاب
والذل والمهزلة من هولاء اهل البلاد الاخرى
فالافضل العودة للوطن (السودان)نبيه ونعمر فيه
حتى نكون اعظم الدول
واذا بنيت عمارة فى الغرب كانك بنيتو فى السودان
وهدفنا العمران والتنمية
حتى نكون من اعظم الدول السياحية
مع تحياتي لك |
الجانب المشرق من الأمر يحمله ذو اليد لكن والله العمارات دي الا نشتغل فيها طلب بس (بننفع)
أخوك عاوز السترة وراحة البال لاغير
شكراً ليك كتيييييييييييير
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: حمور زيادة)
|
Quote: البلد كعبة شديد .. |
أنا مررت بهذه التجربة ديسمبر 2007
وقلت: بلادي وإن جارت على عزيزة... وأهلي وإن ضنوا على كرام...
ورجعت ..
متعاقد على عمل جاهز .. براتب وميزات
ممتازة ...
ما فهمت أي حاجة ... الناس تغيرت
النفوس تبدلت .. ( من وجهة نظري)
وكل مرة أقول أصبر .. أصلو الأخوان
قالوا لو صبرت سنة إمورك بتسلك ..
وبتتوافق مع السيستم السوداني (العجيب)
المهم ...
بعد عام بالتمام .. رحلت عائدا لغربة خير من غربة السودان
وطبعا لكل شخص تجربته الخاصة به .. وقوة تحمل تختلف ...
ومن أوصوك بالإستخارة صدقوك .. والله يعينك ويوفقك ...
بس فكر تاني ..
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: محمد الطيب يوسف)
|
لحدى الان انت لم تورينا دواعى الخوف عندك شنو
1/ هل عندك بيت تسكن فيه ؟ السكن 1/2 العيشة
2/ هل لديك اولاد فى المدارس ؟ المدارس الخاصة هدت حيل الناس
3/ هل ( لاقدر الله ) عندك اى مرض يحتاج الى علاج ؟ فواتير العلاج قدت جيوب الناس
4/ هل عندك استعداد للتعامل مع اساليب اللف والدوران ؟ دى بقت المالوف والطبيعى
5/ لو كان بيتك فى الخرطوم هل عندك استعداد لاستقبال الضيوف والاهل القادمين من الاقاليم ؟ دى بقت مشكلة كبيرة جدا بعد تركز الخدمات والاشياء الاساسية فى العاصمة
ما عاوزين نحبطك لكن انت طلبت راينا وبكل امانه لو عندك اجابة للاسئلة التى طرحتها عليك دى اتوكل على الله ودردق طوالى ولكن افضل ان تستخير الله برضك .
تمنياتى لك بالتوفيق فى كل الاحوال
| |
|
|
|
|
|
|
Re: خطوة شجاعة في طريقي (إلي السودان نهائي بنهاية هذا الشهر) (يوجد شوية خوف) (Re: عادل عبدالعزيز عبد الرحيم)
|
اخي الحبيب: امل لن نكون قد افدناوالله الموفق وعلي بركة الله. تجربتك مهمة بالنسبة لنا جميعا وخاصة الاخوة الصيادلة. تحفظاتي علي بعض المفاهيم العامة في الشارع السوداني 1-اسال الله لك التوفيق والسداد فهو موجود في السودان وفي كل مكان ومعنا ايضا(اقرب اليه من حبل الوريد)وحبل الوريد ليس خارج الجسد. وانت لن تترك هذا الجسد في مكان وتكون في مكان.رغم ان الحضور يتطلب توحد العقل والجسم والروح.فان تم السفر فهذا امر روحي يجب ان يخضع العقل ثم الجسم لهذا الامر.وهذا معني التوكل.هناك اسباب منطقية للسفر وهناك اسباب غير منطقيه وغير معروفةايضاوالحكمة في عدم معرفتها. 2-من المؤكد ان هناك في السودان ما يشجع علي الاستقرار به فهو لم يزل في مرحلة البناء في كل المجالات.الخيار متروك لك في تركيز انتباهك في الجوانب الايجابية .هنا سوف تحتاج الي تطوير مقدراتك العقلية والروحية بالمعرفة. 3-من المؤكد انها تجربة ستتعلم منها الكثير. 4-الصبر بمفهومه الايجابي. ان مع العسر يسرا....والمعية هناازلية الوجود.. اي دائمه..ولكن ايهما تستطيع ان تري وتحس.. العسر ام اليسر والامر مؤكد ان مع العسر يسرا.. فالي ربك فارغب ... بلا زمان او مكان.
يشهد الله انك لم تغتني من اعضاء هذا المنبر الا الحب والمودة فكن علي عهدك ووعك مع الخالق.. والعهد هو مقدرتك في الكلام والوعد من الله في تحقيقها
صلاح خليفه
| |
|
|
|
|
|
|
| |