|
لمشتركي كنار عتاب ولوم شديدين للاخ بكري ابوبكر
|
رغم انه من حق الاخ بكري ان يحافظ علي تامين الموقع من دخول الهكر , ورغم انه لا احد يريد الضرر بهذا الموقع الذي اصبح جزء اصيل مننا , ورغم الحب الذي نكنه جميعا للمنبر وعضويته وقرائه . الا ان هذه الاسباب ليست كافيه بان يتم حجب الموقع حتي للتصفح من جميع مشتركي شركة كبيره في مجال الاتصالات , وتعتبر الشركه الثانيه في عدد المشتركين بعد شركة سوداني , حرام ومحبط الا يجد مشتركوا كنار طريقة لدخول سودانيز اون لاين عبر هذا المنفذ الذي اختاروه عن قناعة , وكنت قد سألت احد الاخوه الفنيين فاجاب ان من استطاع الدخول والسيطره علي المنبر عن طريق كنار يمكنه فعل الشئ نفسه عن طريق اي خط اتصالات اخر ,, ارفع الموضوع لبكري لمعالجة الامر واعادة الموقع للمشاهده عبر كنار , ولا اريد ان اتحدث عن زملائنا في كنار الذي لهم عضوية المنبر بل اتحدث عن كل مشترك يملك خط كنار للنت ولا يستطيع الدخول لسودانيزاون لاين ,,
|
|
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: humida)
|
مافيها احراج يا حميده اذا تذكر ان هناك الاف المشتركين الذين لايستطيعون الاستغناء عن المنبر وفي نفس الوقت لايستطيعون التحول لخط اخر محبة في كنار او عدم قدره ماليه او ارتباطا قديم بالشركه ,, وعلمت من مصدر تقني ان هذا الامر لايمنع الهكر مما يريد فعله باي منتدي ,, وهناك بشري اخري فقد طلبت مني اخت كريمه رقم الاخ بكري لان هناك مسئول من الشركه يريد الاتصال ببكري لمناقشته في هذا الامر , وفهمت انه يستطيع ان يقدم دعم تقني للموقع لقفل هذه الثغره عبر كنار ,,
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: naeem ali)
|
.. . شكرا يا زعيم
حقيقة الراجل ما قصر فك الحصار صباح اليوم !!؟ والله كان عزمنا على الاعتصام سيطول والواحد كان جاى يشوت بوست ضفاارى عشان بسال خبراء الكمبيوتر وتأمين المواقع الالكترونية علاقة هكر شنو بدخل عن بروفايدر معين انك توقف اشتراك شركة كاملة بجميع مشتركيها ومستخدمى اجهزتها عن تصفح موقع ..؟؟
سؤال بسيط واجابة بسيطة اقل زول بتاع اى تى بجاوبو ولكن لا امامنا الا ان نردد مقولة حبيبنا حميدة
Quote: ما تحرج الزول دا .. خليهو يعمل في معالجته الفطيرة دي .. |
__________
عموما رمضان كريم لبكرى واسرته وكل الاخوة البورداب المشاركين وللزعيم المسلمى
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: Tabaldina)
|
Quote: حقيقة الراجل ما قصر فك الحصار صباح اليوم !!؟ |
حباب شيخ البورداب حباب شيخ العرب تبلدينا ,,
يعني نقدر نقول خلاص الموضوع تم حله مع مشتركي كنار ؟؟
Quote: عموما رمضان كريم لبكرى واسرته وكل الاخوة البورداب المشاركين وللزعيم المسلمى |
وربنا يعيده علينا وعليك بالخير والبركه ويارب ياتي الينا وانت عريس ,,
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: حيدر حسن ميرغني)
|
Quote: مرة كنت بدخل المنبر عن طريق شركة انترنت "wireless" من اليابان وفجأة كده لم استطعت الدخول وعرفت انهالـ IP يشبه الهكر ربما عشان كده بكري قام بالاجراء ده |
اخي حيدر كلامك ده ما صاح ,, بكري يقوم باجراء لمنع مشتركي شركه كبيره ورائده في مجال الاتصالات ويحرم كل مشتركيها لانه لم يتكمن من مقاومة هؤلاء القراصنه !!! تشجيع بكري علي تامين الموقع هو الافيد والانفع , اما اعطاء بكري العذر بسبب الهكر فغير مقبول ,,
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: ناذر محمد الخليفة)
|
.. .
Quote: وتعتبر الشركه الثانيه في عدد المشتركين بعد شركة سوداني |
ما دام جابت ليها اختصاص احسن ندلو هنا ..
اولا هى الشركة الاولى فى عدد المشتركين للهاتف الثابت فى مجال Voice - سودانى الان شركة هاتف محمول وسوداتل الان هى شركة ( ثابت ) للهاتف الثابت المنافس الوحيد لكنار فى خدمة Landline
وهى الشركة الاولى فى السودان فى مجال Data من ناحية الكفاءة والخدمة وعدد المشتركين سواء كان الاستخدام عبر الهاتف الثابت Fixed او Mdsl - Sdsl - او PCMCIA Teminal , USB , لجميع الشركات الاخرى
_____________
ما تقول لى جيب احصائيات وارقام اعتبرها ما للنشر
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: العوض المسلمي)
|
Quote: حقيقة الراجل ما قصر فك الحصار صباح اليوم !!؟ والله كان عزمنا على الاعتصام سيطول والواحد كان جاى يشوت بوست ضفاارى عشان بسال خبراء الكمبيوتر وتأمين المواقع الالكترونية علاقة هكر شنو بدخل عن بروفايدر معين انك توقف اشتراك شركة كاملة بجميع مشتركيها ومستخدمى اجهزتها عن تصفح موقع ..؟؟
سؤال بسيط واجابة بسيطة اقل زول بتاع اى تى بجاوبو ولكن لا امامنا الا ان نردد مقولة حبيبنا حميدة
|
لكما التحية أخي تبلدينا أخي حميدة ...
وعندما تكون محاولات الهكرز مزعجة لاختراق الموقع بغض النظر عن الوسائل ... وكإجراء لحظي لحين إيجاد الحل اللازم للتصدي له يقوم صاحب الموقع بحظر رقم الآي بي الخاص به ..
ولكن للأسف فإن آلية الآي بي المتبعة من شركات الاتصال غير دقيقة بمعنى قد يتطابق رقم آي بي معين لأكثر من مشترك ... وفي هذه الحالة إذا قمت بحظر رقم الآي بي للهكرز ربما صادف ذلك أكثر من متصل ...
ومن المعروف أن رقم الآي بي يتكون من أربعة خانات على سبيل المثال:
41.209.115.16
الرقمين الأولين يظلا ثابتين لا يتغيرا
التغير يحصل في الرقمين الأخيرين
إذا دخل الهكرز برقم الآي بي السابق وقمت بحظره من لوحة تحكم الموقع الـ (cpanel) وعاد مرة أخرى ودخل برقم جديد مثلاً:
41.209.115.17
وقمت بحظر الرقم الجديد ... وإذا استمر في دخوله مع تغيير رقم الآي بي فإن الأمر سيكون مرهق وفي هذه الحالة يتم استبدال الرقم الأخير بنجمة ليشمل كافة الأرقام المكونة للخانة الأخيرة
مثال: 21.209.115.* وهنا سيتم حظر عدد كبير من المتصلين ...
وكذلك إذا طبقته على الخانة الثالثة ...
وحسب الشرح أعلاه فلن يستطيع مشترك شركة الاتصال الدخول للموقع إذا تم استبدال الخانة الثالثة والأخيرة بنجوم ...
وأعتقد أن أخونا بكري لم يخطئ إنما استخدم إجراء وقائي لحظي ....
ولكما ودي ،،،
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: العوض المسلمي)
|
شكرا للإهتمام أخى العوض، و الشكر لكل الإخوة الذين قاموا بالمرور و التوضيح،
لمزيد من التوضيح، فإن حل المشكلة تم فنيا بصورة مؤقتة، و لم يكن لبكرى يد فيها،،،،
نرجو من الأخ بكرى مراجعة الإيميل أو مد المهندسين بشركة كنار برقم التليفون حتى يمكن التواصل و التفاكر للحل،،،
رمضان كريم للجميع،،،
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: Hala Hassan)
|
العوض .. أوّلّ بالتبادي .... رمضان كريم ...
تاني شئ ... زح لي من حميدة وتبلدينا ديل شوية.
Quote: ما تحرج الزول دا .. خليهو يعمل في معالجته الفطيرة دي .. |
غايتو قوة عينكم لا حكت لا بقت .....
زول تجو داخلين عليهو في بيتو ... تقولوا ليهو (ملاحك كعب .. أدينا أكل زي الناس)؟ ... والله بكري ده زول طيب خلاص .. أنا لو كنت مدير الموقع بس، مش صاحبو .. كان لقيتو روحكم في السهلة.
____ النجيضة على قول ود الصايم ....... العندو فهم تقني يدعم الموقع .. والما عندو .. يلم عدم فهمو عليهو وياكل الملاح البيدوهو ياهو.
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: محمد أبوالعزائم أبوالريش)
|
.. . شكرا يا كنار يا هندسه .. للخطوات .. العملية
اها ريس ما دام بقى ما ليك يد فى الموضوع احسن تقراء الايميل وترسل تلفوناتك.. ان شاء الله تلقى كل دعم ومساعدة انحنا ان شاء الله ما نقصر معك ..
اخونا ابوالريش
Quote: العندو فهم تقني يدعم الموقع .. والما عندو .. يلم عدم فهمو عليهو وياكل الملاح البيدوهو ياهو. |
الاف الحلول والفهم التقنى متوفر .. سواء بمساعدات خارجية او او تعاقدات مع شركات اخرى متخصصة لتامين المواقع .. بس بكرى يطلع السيرفر بتاعو دا من جوه الاوضة بتاعتو
_____________
وبالمناسبة اعتقد حان الوقت انو بكرى يدفع الاعضاء 10 $ سنويا .. رسوم تأمين الموقع واشتراك عضوية .. و10 دولارات فى السنه تامن الموقع وتقوم المنظمة وتدعم السيرفرات وتزيد مكتبات التوثيق .. انحنا غايتو مقتنعين بمسؤلياتنا تجاه الموقع الكلام على الباقى ..
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: Tabaldina)
|
محمد ابو العزائم .. كلامك دا فطير جدا .. و كلام عواطف ساي .. بكري اساسا مكنكش في ادارة الموقع و ما بدي فرصة لاي زول و لا بسمع الكلام البتقال .. ودي نتيجة تاريخ اسود في المنبر دا .. و ناس مسكها بكري المنبر دا .. و اساءت استخدام الحاجات دي .. اللغة المكتوب بيها الموقع هي لغة common gateway interface .. وهي في الحقيقة ليست لغة برمجة كالـ basic أو الـ C ولكنها برامج صغيرةالحجم تنتهي بالإمتداد cgi. أو pl. وهي برامج مشتقة من اللغة الأم perl .. البرامج المكتوبة بهذه اللغة تكون محدودة المهام والوظائف وصعبة في التعامل خصوصا مع السيرفر المستضيف .. و اللغة دي بالتحديد كان شغال بيها سيد نوح لمن كان ببنى في السفينة و محتاج ليهو برنامج ملاحة موثوق فيهو .. بس المشكلة بكري ما بعرف غيرها .. عشان كدا ما حيغيرها .. فهمت ..
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: humida)
|
.. .
Quote: كلامك دا فطير جدا .. و كلام عواطف ساي |
انت يا مان اليويمن دى رايح ليك فطير مشلتت ولا حاجة ؟؟ بعدين عواطف دى منو ؟؟ ست الشاى
Quote: البرامج المكتوبة بهذه اللغة تكون محدودة المهام والوظائف وصعبة في التعامل خصوصا مع السيرفر المستضيف .. |
عارف عمنا ابو العزائم دا واخرون كثر فاهمين الموضوع بس دى مجاملات ساااى عليك يا حبه تعال ساعدنا بخطوات 1- 2- 3 على الاقل بكرى يقتنع انه داالحل النهائى ما يشيل يرمى الثغرات دى فى المساكين الزينا قلت شنو ؟؟
_____________
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: Tabaldina)
|
Quote: ما تحرج الزول دا .. خليهو يعمل في معالجته الفطيرة دي |
Quote: كلامك دا فطير جدا .. و كلام عواطف ساي |
الزول ده رمضان دخل ليهو في عضمو ... إستغفر يا اخونا.
Quote: ما يشيل يرمى الثغرات دى فى المساكين الزينا |
المساكين ديل منو يا تبلديهم؟ أولاً أنا قالوا لي إنو (تبلدينا) و(حميدة) ديل "كيزان" المنبر ...... وحيث أني نويت أكسّر تلج لبكري أبو بكر .. قلت أكسرو شوية في صنقوركم ده.
_____ طيب .. شوية جدية ...
كلام 10$ بتاعة شنو ما عارف .. وعشرة تانية بتاعة أيه كده ... ده كلام كويس جداً وعملي ...... لكن من إشتراكي في المنبر ده (3 سنوات بس يا ديناصور) سمعت إقتراح مشابه أكتر من مرة ... وبينتهي في مرحلة الإقتراح والنوايا الحسنة ... وبيجي تكشير الأنياب على بكري عند الملمات الهكرية. .. .. .. الإقتراحات المشار إليها تمت علناً وتحت سمع وبصر بكري أبو بكر، ولم يعلق عليها (وبالتالي لم يرفضها) .. يبقى بدل لوم بكري، مطلوب من الأعضاء يحسوا ويدعموا الموقع (يفضل بشكل طوعي) لضمان إستمراريتة وتأمينه ...... غير كده بنكون بنتفاصح ساكت.
في كلمة عاجباني عايز أقولها ليك: قوم لف
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: humida)
|
Quote: و اللغة دي بالتحديد كان شغال بيها سيد نوح لمن كان ببنى في السفينة و محتاج ليهو برنامج ملاحة موثوق فيهو .. |
يا حميدة لو عايز تعبر عن لغة بيرل ولا غيره بإنها قديمة أحب أقول ليك عبر زي ما عايز بس ما تستهزأ بأنبياء الله عز وجل ويا ريت تعدل المداخلة دي حالاً ..
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: محمد عبدالله مختار)
|
محمد عبد الله مختار .. منو القال ليك دا استهزاء بانبياء الله .. بتنصنف علي كيفك انت .. لو في النهاية طلع عقلك صغير .. و اكتشفت الكلام دا بعد ما سمعت كلامك .. اقبل وين انا تاني .. يا محمد يا اخوي .. من اولى ابتدائي امي كانت بتديني السندوتش بتاع الفطور .. و تقول لي ( البباري الجداد بوديهو الكوشة ) .. بقعد اردد في الكلمة دي لحدي ما اوصل المدرسة .. عشان كدا تلب من ركشة حياتي يا مان .. و شوف ليك شغلة غيري ..
| |
|
|
|
|
|
|
Re: لمشتركي كنار عتاب ولوم شديدين للاخ بكري ابوبكر (Re: humida)
|
Quote: ولكن للأسف فإن آلية الآي بي المتبعة من شركات الاتصال غير دقيقة بمعنى قد يتطابق رقم آي بي معين لأكثر من مشترك ... وفي هذه الحالة إذا قمت بحظر رقم الآي بي للهكرز ربما صادف ذلك أكثر من متصل ... |
شكرا صبري هذا ماقصدته للاخ العوض في مداخلتي هنا واتمنى ان يعالج بكري هذا الاشكال حتى ينعم الاخرين بمتابعة المنبر بسهولة شكرا لكم جميعا
| |
|
|
|
|
|
|
|