نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: العرس جعليه ناسب وما عرس . (Re: دينا خالد)
|
Quote: العرس جعليه ناسب وما عرس . |
يا حليلك يا وضاحة تعالي يا بت عمي و شوفي الجاتنا في غيابك !!
دينا و المتداخلين الجادين و الما جادين ( حسب تصنيف دلال ) سلامي و إحترامي ، موضوع البوست خفيف و لا يحتمل كل هذه الضجة ختو الكورة واطة و خلونا نعرف رأينا في بعض كأثنيات متباينة في وطن واحد ، لاننا كسودانيين تقريبا" نحنا اكتر شعب في الدنيا متباين ثقافيا" و إجتماعيا" و دينيا" و حتي لغويا" و كل مجموعة إثنية فيها الجانب الايجابي و الجانب السلبي كشئ طبيعي و واقعي مفروض علي الجميع ( الكمال لله ) خلونا نعاين شوية جوة نفسنا !
تحياتي للجميع
| |
|
|
|
|
|
|
Re: العرس جعليه ناسب وما عرس . (Re: heba Elmahi)
|
ياخي في ناس بتحب النكد بشكل غريب خلاص ، بوست لذيذ وبشبه اى ونسسة سودانية ناس دايرة تخلق منو قضية !! خلاص تعالوا
ودوا دينا خالد دي لاهاي بتهمة مخالفة ميثاق حقوق الانسان. وزي كلام القبائل ده موجود حتى في اوربا وامريكا بتلقي الانجليز بنكتو
على الاسكتلندين وفي افلام الامركان بتلقاهم عندهم حاجات زي دي يعني زي يقول ليك ده ما اصلوا ايطالي او يقول ليك ده ما من المدينة
الفلانية وهم بضحكوا لانو عندهم خلفيات عن الكلام ده والمناكفات الذي دي. يعني اسه نفهم انو واحد معرس جعلية ح يقوم يطلقه عشان الكلام
الفي البوست ده.
النجيضة (على قول ود الصايم) :
الما عرس شايقية لا عرس لا ناسب ...... معقولة الواحد يعرس ليهو رطانية كان نبذتو ما يعرف حاجة والا تقعد تقطع فيك مع امها واخواته
وانت تهز في رأسك زي الاطرش في الزفة.
| |
|
|
|
|
|
|
Re: العرس جعليه ناسب وما عرس . (Re: الطيب العامرى)
|
اها يا دينا حقصت في البوست اللذيذ دا كدي وريني
العرس هدندوية كيف؟ والعرس برناوية كيف؟ والعرس حلبية كيف؟ والعرس تاماوية كيف؟ والعرس حسانية كيف والعرس كاهلية كيف؟
لسع الاسعلة ما خلصت بس نفسي انقطع نكمل بعد الافطار
| |
|
|
|
|
|
|
Re: العرس جعليه ناسب وما عرس . (Re: الطيب العامرى)
|
Quote: والعرس شايقية عرس وما ناسب
والعرس دنقلاوية عرس وناسب
والعرس .... لا عرس ولا ناسب .. |
يا الأخدتوها ونسة والسويتوها زعلة .. الكلام فى التنك .. الكلام ما فى النسوان .. الكلام ليك يا المنطط عينيك يا عنصرى ..
أها يا دينا .. بناتنا عارفنهن مصنفين "حلا وحمار" نسبنا كيييف ؟؟ .. كان أقل من وا طة ماتقولى لى .. غايتو الخاتى الله الخلقنا كفار .. بقانا أسفل السافلين ..
والله كان لقيت لى شايقية بعد الحالة .. أصلى ما كايس نسب ..
| |
|
|
|
|
|
|
Re: العرس جعليه ناسب وما عرس . (Re: omer osman)
|
Quote: معقولة الواحد يعرس ليهو رطانية كان نبذتو ما يعرف حاجة والا تقعد تقطع فيك مع امها واخواته
وانت تهز في رأسك زي الاطرش في الزفة. |
يا سعاتو انت من زمن عريس البت الما بفهم رطانة والله اسع بقوا صعبين يرطنوا ليك زيييييييييي الترتيب اختي متزوجة جعلي من شندي برطن رطانة انا الحلفاوية ما بفهمها بقوم بسال امي وابوي
ههههههه
تخريمة يا دينا خالد الحلفاويات مالم كدي عيبيهم لي !!!!!!!!!!!!
| |
|
|
|
|
|
|
Re: تنـــكح المرأة لــــــــــــ. (Re: عمر عبد الخالق سعيد)
|
Quote:
شوف يا مأزوم أفندي إنت أكتر زول في البورد دة عنصري و مريض و حاسِس بدونية مُدقعة ما تقعد تلِف و تدوِّر زي الحربوية يا مأزوم عُقدك دي أمشي فِكّها في محل تاني قرف يقرفك و يقرف يومك
|
هسي يا اخونا علاء الدين ..بدون ما اعرف الحاصل بيناتكم وبدون اي خلفية ممكن اقول وانا مطمئن جدا انو الكلام الفوق ده نوع من اغتيال الشخصية و الفجور في الخصومة ... شفانا الله اجمعين من امراضنا ...آمين
| |
|
|
|
|
|
|
Re: تنـــكح المرأة لــــــــــــ. (Re: داليا الكباشى)
|
ياسر طيفور تصوم وتفطر علي خير واللة اكرم ياراقي
بدرالدين كاجوري يا ود عمي رمضان كريم، والله شقي الحال يقّع في قيد دينا دي، لا يلِم في جنة ولا نار.. ___ البعرِس دي دي ما يدقُس، يقرأ القسيمة كويس قبل ما يوقِع، لأنو فيها disclaimer لا يُرى بالعين المُطشِشة، يقول: No Refun or Exchange
هاهاهاهاهاهاهاهاهاهاها
يعني ممكن الواحد يدبل برضو مابطال ياود عمي
| |
|
|
|
|
|
|
Re: تنـــكح المرأة لــــــــــــ. (Re: داليا الكباشى)
|
ياسر طيفور تصوم وتفطر علي خير واللة اكرم ياراقي
بدرالدين كاجوري يا ود عمي رمضان كريم، والله شقي الحال يقّع في قيد دينا دي، لا يلِم في جنة ولا نار.. ___ البعرِس دي دي ما يدقُس، يقرأ القسيمة كويس قبل ما يوقِع، لأنو فيها disclaimer لا يُرى بالعين المُطشِشة، يقول: No Refun or Exchange
هاهاهاهاهاهاهاهاهاهاها
يعني ممكن الواحد يدبل برضو مابطال ياود عمي
| |
|
|
|
|
|
|
Re: تنـــكح المرأة لــــــــــــ. (Re: بدرالدين كاجوري)
|
شببت ال هميمة دينا خالد وقالت مخاطبة نادوس :
Quote: هسه انت اهلك مش الدناقلة ؟؟ مرحب مرحب ! |
فضاعت محاولات كمال سالم سدى وذهبت ادراج الرياح ويقال ان ليلوش تجوب سوق السلاح بحثآ عن مسدس كاتم صوت وبحثها اولها لصاحب كيكي في نواحي سنار فطالبته بحجاب وتميمة تصون بها بعلها من العيون الفاتكة واكد مراسلنا ان كمال سالم لجأ إلى زوجتنا رشيدة لتسهل له أمر الإنتساب للدناقلة ويقال انه الآن في مرحلة التشليخ ويتلقى كورسات لغة على يد دكين لإتقان الرطانة
انا غايتو جعلي ورشيدة دنقلاوية يعني كلانا كسبان
| |
|
|
|
|
|
|
Re: تنـــكح المرأة لــــــــــــ. (Re: أبو ساندرا)
|
omer osman
Quote: معقولة الواحد يعرس ليهو رطانية كان نبذتو ما يعرف حاجة والا تقعد تقطع فيك مع امها واخواته وانت تهز في رأسك زي الاطرش في الزفة. |
هو الحُب بين الأزواج البِضَيِعو شنو غير " نِقه " الزَوجة و" عِرفه " الزوج " لِمقاصِد " الزوجة مِن نِقتا البِتنِق فوقا أكان براها ولا معاها أُمها ... أخيرلك تهوزِز رِويسك وإتْ مُبتسِم بلا سبب ومُدخِل أصبعك في نخرتك مِن تعرِف معناه < أُسُر وِرجا فينا كاسِركا كاسينا > ده في حاله أبيت تلبي ليها طلباتا هي وأُمها
إتْ عارِف بعد إتفاقِية البقط بقوا العرب بِتلصقو تِلِصق الجِن في سُكان البِلاد الأصلِيين وكان العرب بِحركاتُم خربوا الشام وقبلو على مِصر خربوها بِالقبلِية والعصبِية وفي الآخِر إستقرو هُم وعصبِياتُم في السودان وعرسو مِننا وطلع هجين ياهو أنا وإتْ والبِيقرا فوق كلامي هسع ده
| |
|
|
|
|
|
|
Re: تنـــكح المرأة لــــــــــــ. (Re: البدري عبد الله)
|
Quote: بدون ما اعرف الحاصل بيناتكم وبدون اي خلفية ممكن اقول وانا مطمئن جدا انو الكلام الفوق ده نوع من اغتيال الشخصية و الفجور في الخصومة ... |
ما شاء الله تبارك الله ولد يا عِرِّيف المُطمئِن
Quote: شفانا الله اجمعين من امراضنا ...آمين |
شفاك الله قول آمين تاني
| |
|
|
|
|
|
|
Re: تنـــكح المرأة لــــــــــــ. (Re: علاء الدين يوسف علي محمد)
|
Quote: الكورة أصلاً جيت لقيتك بديتة براك |
ابدا والله انا جيت لقيت الكورة عجاجتة في السماء ..وكل الموضوع انك لعبت ليك كم لعبة عنيفة ونتج عنهااصابات متفاوتة ..وانا طبعا ما حكم ولا حاجة ..لكن اللعبة ما عجبتني عشان كدة حبيت انبهك ليس الا ..اما قصة شفانا الله دي فانا لسة مصر عليها ..لاننا جميعا بجميع سحناتن اوميولنا وافكارنا .. لا نخلو من غرض او مرض بصفتنا غير معصومين و Nothing Personal يا عزيزي
| |
|
|
|
|
|
|
Re: تنـــكح المرأة لــــــــــــ. (Re: البدري عبد الله)
|
أخونا اللعبة الحلوة بحدِّدة الخصم ، لكن لو كانت المسألة كُلّها عبارة عن Dirty Game فيبقى لا مناص من الولوغ فيهو قصة حكم و ما حكم دي واضِح إنك جيت حكم و كانت في الصفارة ريحة تواطؤ أو إنحياز حتى لو ما لاحظتة لذلك تجدني أُردِّد لك الدعوة حكمة من أخوك: متابعة كل ما يدور في المنبر ليست بالمشكلة المشكلة في التداخل فيما يدور دون متابعة
| |
|
|
|
|
|
|
Re: العرس جعليه ناسب وما عرس . (Re: نيازي مصطفى)
|
ووووووووووو ابو ساندرا يادووووووب انت دخلت الفلم دا ؟؟ والله تقول ما قاعد فى الدوحه !! .. اسمع كلام الصايم وصاحبك فمن سمع ليس كمن راى !! لووووول . فعلا شكلك مشترى نفسك وبعيد من القوالات .. اهنيك
تعظيم سلام عمر البوليص Quote: يعني اسه نفهم انو واحد معرس جعلية ح يقوم يطلقه عشان الكلام
الفي البوست ده.
|
والله ياعمر هم كان لقو دى ما ياها الدايرنها .. يكون جالم الفرج لكن بعدهم ..
هبه الماحى طبعا الظريفه فى القصة دى انو كللللللل ناس قبيلة ما رضيانين بالتانيين وكل زول فاكى فى نفسو وهمة مختلفة وعايش عليها .. بس انت قرطى على كدا !
خالد العبيد واشرف السر ؟
انتو العرس دا ما خلاص كفاكم منو ؟؟ افتكر كفاية يعنى الاتموتو؟ يا خالد المراة دى راسك وفتحتو شافت الجواهو تانى شنو ؟
الطيب العامرى غايتو شيل شيلتك ... لوووول
| |
|
|
|
|
|
|
Re: العرس جعليه ناسب وما عرس . (Re: نيازي مصطفى)
|
ازهرى عبد الرحمن
لكن تكلم منو ؟؟ كلام منمق ومرصوص ذى دا تقولو فى سوق ام دفسو دى؟ منو البشوف ومنو البسمع .. نايس تراى يا ازهرى ..
سيف كامل لكن العروس ما عندك بت حور بس .. تكون بتتكلم من الجنة ؟؟
يا وجن والله انت تعبانة ساى زوووول بنبذ لى حاجه مافى صديق الموج يااااااااااااوجاهة صديق ياااااااااااااا اناقة
| |
|
|
|
|
|
|
Re: العرس جعليه ناسب وما عرس . (Re: Dalal Ezzaldin)
|
يا دلاديلو
Quote: للبتعرس جعلي ولا شايقي ولا رباطابي .. الببقالها شنو ؟؟ |
والله يا اختى الرجال ديل كللللللهم واحد كان جعلى كان من تكساس ولا فاس الما وراها ناس ...... واحد بس يقودك الى المصير المحتوم ،، بس ابقى حريفة وابقى بعيده . منهم وقرطى على بوست داليا حافظ داك شوفى ليك جزع لكن برضو ياختى اعملى ليك خظ رجعه قولى ليهم ربـــــمـــــا وداعا للرجال . الظروف ما معروفة ..
اشرف السر انت سالت ::
العرس هدندوية كيف؟ والعرس برناوية كيف؟ والعرس حلبية كيف؟ والعرس تاماوية كيف؟ والعرس حسانية كيف والعرس كاهلية كيف؟
ياخى انت مالك ومال المشاكل ركز على العناوين العريضة قالوا جنا بتعروفو ولا داك الدقاق دقاق .. كللهم واحد !
عمر عبد الخالق ياخ عمر التانى داك مزازي بينا ما خلانى شوفتك ولا فهمنا منو حاجة لكن يا خالقها .. ما جبت باقى الكلام مش قالوا فاظفر بذات المال ترقد قفا ؟..
| |
|
|
|
|
|
|
Re: العرس جعليه ناسب وما عرس . (Re: khaleel)
|
الراى عندى ...
توضع العضوه دينا خالد فى البلاك لست وتوقف عنها النيران الصديقه والغير صديقه الى حين انجلاء الموقف وتفكيك رمزية هذا البوست ..
والا .. ورونى العدو واقيفوا فراجه .. هيييييع
| |
|
|
|
|
|
|
Re: العرس جعليه ناسب وما عرس . (Re: عمر التوم)
|
محمد فتوحي
يا أخي الكريم شكرا لك على توصيفي بعدم الفهم , في كل مداخلاتي السابقة لم أسئ لأحد بل كانت مجرد تساؤلات محضة لصاحبة البوست, وانت في مداخلتين اتهمتني بعدم الشغلة وعدم الفهم , لا ادري على اي أساس قيمت عدم فهمي , البوست وعنوانه حمال اوجه قد يكون نكتة كما اعتبرته انت , او قد يكون من قبيل دس السم في العسل كما اعتبرته انا, انت كمحمد فتوحي لك وجهة نظر محترمة ومقدرة دون اساءة, ولي وجهة نظري عليك احترامهابمايمليه علينا ادب الحوار.
أما مسألة فهمي من عدمه , فلا أعتقد أنك-ومن شكل مداخلاتك معي- الشخص المؤهل لتقييمي في هذه الناحية.
تحياتي
| |
|
|
|
|
|
|
Re: العرس جعليه ناسب وما عرس . (Re: عمر التوم)
|
Quote: أما مسألة فهمي من عدمه , فلا أعتقد أنك-ومن شكل مداخلاتك معي- الشخص المؤهل لتقييمي في هذه الناحية. |
ليه ما الشخص الموهل لتقيمك تكون فاكر نفسك ايه
دا رائي فيك
-------------------------------------------------------------------- take it or leave it
| |
|
|
|
|
|
|
Re: العرس جعليه ناسب وما عرس . (Re: عمر التوم)
|
Quote: يا أخي الكريم شكرا لك على توصيفي بعدم الفهم , في كل مداخلاتي السابقة لم أسئ لأحد بل كانت مجرد تساؤلات محضة لصاحبة البوست, وانت في مداخلتين اتهمتني بعدم الشغلة وعدم الفهم , لا ادري على اي أساس قيمت عدم فهمي , البوست وعنوانه حمال اوجه قد يكون نكتة كما اعتبرته انت , او قد يكون من قبيل دس السم في العسل كما اعتبرته انا, انت كمحمد فتوحي لك وجهة نظر محترمة ومقدرة دون اساءة, ولي وجهة نظري عليك احترامهابمايمليه علينا ادب الحوار |
كلامك لحدي هنا كان موزون وكنت حا اعتزر ليك
| |
|
|
|
|
|
|
Re: العرس جعليه ناسب وما عرس . (Re: Mohamed Foto7li)
|
Quote: العم/ صلاح عبدالله |
عمر التوم ، كتر خيرك سويتني ( عم ) عديييييل كده.. يا شماتة عماد عبدالله فيني .. يا عمر التوم ياخي رمضان كريم
أول حاجة مرحب بيك في سودانيزأونلاين وتاني حاجة أكتب كتابتك يا اللخو ، وأقرأ العايزو وأنسى الما عايزو تالت حاجة بالله شوف كترة الناس الدخلوا هنا ده وونستهم اللذيذة دي أها ديل كلهم هظروا ومشوا ، وكل واحد عندو قبيلة أبداً ما في زول فيهم أدى الموضوع أكبر من حجمو بتاع الونسة والضحك بالله ما تعملوها مأتم .. دينا قاصدة تتونس ياخي ، فمافي داعي للأسئلة دي والزرزرة ، والتحقيق..
عليكم الله خلو الناس تتونس ..
رمضان كريم وكل سنة وإنت طيب..
| |
|
|
|
|
|
|
Re: العرس جعليه ناسب وما عرس . (Re: Mohamed Foto7li)
|
Quote: حمد الله على السلامة عمر وعبدالعزيز إتخارجوا
أححححح.. |
الأخ/ صلاح عبدالله
سلام
اذا كانت هنالك جوانب لا تمل انتاج المفهوم البالي.. فإن توصيل وتوارد الرسالة سيتواصل ولو بالمتابعة, لكن ليس بالمخارجة.. تصوم وتفطر على بركة الله..
تحياتي عبدالعزيز
| |
|
|
|
|
|
|
Re: العرس جعليه ناسب وما عرس . (Re: Mohamed Foto7li)
|
تسلم يا محمد ,, والاعتزار شيمة الرجال,, وفي رأي ماحصل الا الخير
يا ود عمي عمر التوم دينا شيطانة لكن ما ربطوها في رمضان , عشان
كدده عاوزة تشيطن عليكم, والله يا عمر الناس ديل كلهم عاوزين يضحكوا
ويتونسوا ودينا والله ما قاصده حاجة وزولة طيبه ووناسة. والكلام القالته
ده سمعناه مليون مره ,, وبعدين يا عمر الجعليه هميمه وقلبه حار في كله,
الا انا عندي اختي جعلية لكن قلبها ميت.
اها يا عمر التوم البوست ده سوي ليك علاقة طيبة مع ناس كتيرين اولهم دينا
وتانيهم محمج فتوحلي,, والباقين في المرتبة التالته.
تخريمه:
فتوحلي اختي الجعليةالقلبه ميت معرسه رباطابي ,, يعني قريبك ناسب ما عرس
علي حسب النظرية,,, ما تزعل يا عمر التوم
| |
|
|
|
|
|
|
Re: العرس جعليه ناسب وما عرس . (Re: سيف الدولة كامل)
|
Quote: الاخ عمر التوم
والله انا اسف وبا عتزر ليك شديد وعفا الله عما سلف
ورمضان كريم |
يازول الله لاجاب زعل, وتسلم
------------------------------ نصيحة لاتنشغل بغير الهلال ونقاطكم , خائف تبقى عليها حكاية الضل الوقف ما زاد
| |
|
|
|
|
|
|
Re: العرس جعليه ناسب وما عرس . (Re: دينا خالد)
|
Quote: اشرف السر انت سالت ::
العرس هدندوية كيف؟ والعرس برناوية كيف؟ والعرس حلبية كيف؟ والعرس تاماوية كيف؟ والعرس حسانية كيف والعرس كاهلية كيف؟
ياخى انت مالك ومال المشاكل ركز على العناوين العريضة قالوا جنا بتعروفو ولا داك الدقاق دقاق .. كللهم واحد ! |
خلاص جعلية، شايقية، دنقلاوية، كللهم واحد! الدقسة في العرس زااااتو
شفت يا بت يا دينا يا شفته عاوز اصل بيك للنقطة دي
| |
|
|
|
|
|
|
Re: العرس جعليه ناسب وما عرس . (Re: اشرف السر)
|
وااااعلاءااااااااااااااهـ
افتكر بعد كدا الضحكنجية ديل يقيفوا صلاح عبد الله ، الصايم ، فتوحى ، وبقية المهرجين
الرد على المداخلة اعلاه تتطلب جهود زملاءنا من المثقفين
ح نعزز الفوات لصد الهجوم الغاشم على هذا البوست مشكلتنا المثقفين بتاعننا شوية وثقافتهم نص كم ح يورطونا زياده ! يا ربى ننادى منوووو ؟ ود البشرى ؟ لالالا دا صايم ومركب مكنة تسامح .. عماد عبد الله ؟؟ لالالا ما بنفهم ولا نحن ذاتنا داير شنو !! كوجان ؟؟ دا كمان ح يقول لينا عملية ! عصام جبرالله ؟؟؟ دا الليلة قايم عليه ورايو ذى راى صاحب المداخلة و كمان مشغول وبحاول يشوف لى شليه من دارهم ال دايرين يفرتكوها دى .. والله ما بعرف ليكم الا قذافى دا ..
منو ؟ منو ؟ مالهم مثقفننا شوية كدا ؟؟ حميده؟؟؟ الفاظو كعبه بحرجنا ... نادوس ؟؟ دا شكل حناكيش ساى ما ببرد البطن .. ايواااا نوبى ؟؟؟ لالا ،، دا مفاهيمو سهلة التفكيك وعندو اشكاليات فى بلورة الرؤى ثم ربطها من جديد.. ايضا له كثير من انحرافات المعانى عن خط سته على الميل 14 مع غباش فى الرؤيا مابين الخيطين الاسود من الابيض اووووووووووووووووووووو كيكييييييييي او وليييييييييييد مبارك
ـــــــــــــــــــــــــــ ما عندنا غيرهم يا اخوانا نسوى شنو ؟؟ القحة ولا صمة الخشم وعلاء بفلق ليكم بالخجار سمح ؟
| |
|
|
|
|
|
|
Re: العرس جعليه ناسب وما عرس . (Re: دينا خالد)
|
Quote: لكن برضو ياختى اعملى ليك خظ رجعه قولى ليهم ربـــــمـــــا وداعا للرجال .
الظروف ما معروفة .. |
تقطعت مصارينها وضحكت حتى بان ضرس عقلها ـ المشكوك فيهو ـ وقالت : أحيييي يا بت امي جبتي
التايهة !
| |
|
|
|
|
|
|
Re: العرس جعليه ناسب وما عرس . (Re: داليا حافظ)
|
الاخت العزيز / دينا خالد لك التحـية والاحـترام ،،،
Quote: o شايقى عايز يكلم زوجة الجعلى بوفات زوجها بحادث عربية فقال ليها: راجلك خسر قروشه فى القمار...فردت ان شاء الله يخلص عمره..وتانى قال ليها : واضطر يبيع البيت...فردت الله يضيع حياته..وتانى قال واتزوج عليكى كمان .فصرخت يا ريت اشوفه ميت...فهتف الشايقى وقال يلا يا شباب دخلوا المرحوم |
o بوسـت خـفـيـف علـى قلـوبـنا والـدليـل استـجابـة الجـميـع لــه ، وليـس بـه ايـة شـبهة عنصـرية. o (محـسي + محســية ) كيف ؟ اخوك معاذ السر
| |
|
|
|
|
|
|
Re: والعرس دينا خالد؟؟؟.... (Re: عبدالغني كرم الله)
|
Quote: والعرس دينا خالد؟؟؟... |
بكون عاسب وما نرس !
لوووووول
كرم الله .. كان باصرت الكلمات دي قطع شك بتلقى ليهم معنى ..
دينا
Quote: العرس جعليه ناسب وما عرس |
منو الجعلية الزعلتك دي ؟ ياخ ما تحرقي روحنا براهو " الكساد " ما مريح
أنت ما سمعتي بالـ Crisis ..
قاعدة وين انتي قاعدة وين ؟
ـــــــــــــــــــــــــــــــ
أها ساعدي يس بجكة ...وما دشدشي القوارير الـ Made in Shendi
| |
|
|
|
|
|
|
Re: والعرس دينا خالد؟؟؟.... (Re: محمد عبد الماجد الصايم)
|
أختي وأمي وحبوبتي الجعليات.. رضي الله عنهن دنيا وآخرة الليلة جاء يوم شكرهن..
أختي: امرأة سودانية حقيقية، وانسانة أصيلة وست بيت من الطراز الأول، مكملة كل شي جميل، دغرية لا بتعرف اللف ولا الدوران، ذات كاريزما وشخصية قوية.. لم أجد امرأة تحب أبناءها أكثر منها.. لا يتسلل اليأس إلى نفسها ولا يوجد في قاموسها شيء اسمه المستحيل ولكم استمتعنا من سلطة الفواكه التي كانت تصنعها لنا من الفسيخ.. عندها القابلية بأن تنزع عينيها لتعطيهما لإخوانها أو أبنائها.. أول أولوياتها أن تحب الناس وتحسن إليهم وآخر شغلها حبها لنفسها.. تعلمت منه الكثير، وأنا لجد فخور بأنها أختي.. كم اشتقت إليك يا أختي الحبيبة..
أمي: هذه هي المرأة المستحيل.. أودع الله فيها كل الصفات الفاضلة الجميلة.. العطاء الصبر القوة النقاء التسامح طول البال الإيثار.. سباقة ومبادرة لأعمال الخير.. تجدها دائماً في القيادة.. كانت تحضر إلى ميدان الكرة لتشجعنا عندما تكون عندنا مباراة تنافسية.. تحضر لنا الجرائد السياسية والرياضية عندما تذهب للسوق رغم أنها لا تعرف القراءة (التقليدية) وتشجع سيد البلد مثل أبنائها.. تملك روحاً مرحة وساخرة ولاذعة اللسان عند الدعابة.. كثيراً ما يحضر إليها أصدقاؤنا ليستمتعوا بقهوتها وحديثها.. فطورها يلاقي غداءها وبيتها عامر بالضيوف... تخدمهم بلا كلل أو ملل.. انسانة مسالمة وتتحمل أخطاء الآخرين وتغفرها، تحسن إلى من أساء إليها وتسامح من ظلمها.. تنام مهدودة الحيل من الخدمة وهي لا تحمل أي حقد أو زعل من أحد.. وتملك قلباً أكثر بياضاً من لوح الثلج.. عندها مقدرة عجيبة على حسم الأمور والإقناع... كثيراً ما يغضب منها أحد أبنائها (أنا ليس منهم) لكنه يضحك أثناء ذلك لتعليق طريف يصدر منها.. وإذا زعلت عند الشهيق ترضى عند الزفير.. متعك الله بالصحة والعافية يا سيدة نساء الدنيا...
حبوبتي: من النساء الصالحات وهي سليلة الأولياء الصالحين.. ربتنا جميعاً وربّت أبناء بنتها الأيتام.. صبورة وصوامة وقوامة.. شديدة الثقة والاعتداد بنفسها.. صبرت على استبداد جدي وعلى زيجاته الخمس عليها، ومع ذلك لم يسمع لها الجيران صوتاً، فقد كانت امرأة ستورة.. وكانت قوية الشخصية وكلمتها كالسيف عند أهلها.. قال لها ابن عمها الأصغر مداعباً عندما أجبرته على فعل أمرٍ ما (عليْ الطلاق إنتِ حا تدخلي النار) فضحك الجميع على كلامه.. كانت جميلة تزيدها الشلوخ وسامة ووضاءة وكان مجلسها عامراً ببناتها وأحفادها وتتعالى منه أصوات الضحك والقفشات الجميلة.. فلقد كانت عليها رحمها الله امرأة مرحة، تضحك حتى تسيل دموعها، ولكم سمعتها تقول ـ بعد أن يتعبها الضحك ـ لأخي وابن خالتي الأشقياء (خلاص قومي أقضوا ليكم شغلة يا بتاعين البنقو إنتو.. قطعتو مصاريني بالضحك يا أولاد).. لا تصدق أنها حبوبتهم عندما تراها وسطهم.. كانت مزيجاً من الطيبة والوداعة والجسارة والتضحية والصبر والمرح والآلم.. كابرت وصبرت على موت ولدها الوحيد وبنتيها وأثر ذلك على ذاكرتها، فأصيبت بفقدان الذاكرة، ولكنها لمن تنس أبداً صلاتها وصيامها ولاقت ربها وهي على هذه الحالة.. نسأل الله أن يكرم وفادتها ويعلي منزلها مع الصديقين والشهداء والصالحين.. ولو أعيد جدي إلى الحياة وشارك في هذا البوست لقال لك (الما عرّس جعلية ما عرّس)، لأنها صفحت عنه وتحملته وخدمته في أيامه الأخيرة ومات في بيتها..
أشكرك يا دينا على إتاحة هذه الفرصة.. لكنني لم أتخيل أبداً أن نساء مثل أمي وأختي وجدتي، يمكن أن يندم أزواجهن على أنهم اقترنوا بهن.. البوست ربما يراه البعض خفيف الظل لكنه يذم نساء عظيمات لأنهن ينتمين لقبيلة بعينها.. فالجعليون ليسوا أعظم من الجعليات.. ولا يمكن أن تمدحوا الجعلي وتذموا أمه أو أخته.. في الأساس ما كان في داعي لمثل هذا البوست..
معقول يا نسيبي إنت ما عرّست؟ معقول يا أبوي إنت ما عرّست؟ معقول يا جدي إنت ما عرّست؟
| |
|
|
|
|
|
|
Re: العرس جعليه ناسب وما عرس . (Re: دينا خالد)
|
قامت قيامة البورد (النوبية) منذ سنتين أو أقل عندما كتب عضو (نوبي أيضا) كلاما يمس النوبيين، ومشى في صفوف الثورة الاولى نفرٌ أراه متواجدا هنا محتفيا بانتقاص قبيلة أخرى بداعي الهزل و الضحك ... كيف نقبل لغيرنا ما نرفضه لأنفسنا و نبرره أيضا و نصادر حق الآخرين في اضعف صور الاختلاف (ابداء الامتعاض)؟
معرفتنا لدينا و ثقتنا في حسن نواياها لا تعني أن نلوي عنق الحقيقة و نزين الخطأ و نلبسه حلل الصواب ....
لست جعلية ولكن، لو تبادلت الاماكن معهم في العنوان لثرت ثورة تكفي لقلب مجن السايبر، فالأمر هنا أمي وأختي وانا و عموم المرأة النوبية، ولن أقبل، فلم استكثر على غيري ان يغضب لما كان أن يغضبني؟
العزيزة دينا، اثق في رجاحة عقلك بشكل كبير و اتمنى منك تدارك غضبة من غضب و أسى من حزن.
Quote: البوست ربما يراه البعض خفيف الظل لكنه يذم نساء عظيمات لأنهن ينتمين لقبيلة بعينها.. فالجعليون ليسوا أعظم من الجعليات.. ولا يمكن أن تمدحوا الجعلي وتذموا أمه أو أخته.. في الأساس ما كان في داعي لمثل هذا البوست.. |
شكرا نور الدين البشير ___________________
Quote: الحصل أنو المتداخلين أفتكروا أنو فهمهم هو الصاح لأسباب لا علاقة لها بالعبارة .. دا من حقهم... لكن أنهم يطلبو من الآخر يفهم زيهم دا جهل بالحق الأنسانى البسيط البيمتلكه الآخر اللى مسته العبارة دى وشعر أنو أتظلم.. مش كدا وبس بل أنو الزول الكتب البوست وبسبب كتيبة المدافعين ديل بيفتكر أنو مافى مشكلة والآخر دا بى طريقته.. |
شكرا سيف مصطفى
| |
|
|
|
|
|
|
Re: العرس جعليه ناسب وما عرس . (Re: عزاز شامي)
|
الأخ/ نصر الدين البشير
رمضان كريم
Quote: أختي وأمي وحبوبتي الجعليات.. رضي الله عنهن دنيا وآخرة الليلة جاء يوم شكرهن..
أختي: امرأة سودانية حقيقية، وانسانة أصيلة وست بيت من الطراز الأول، مكملة كل شي جميل، دغرية لا بتعرف اللف ولا الدوران، ذات كاريزما وشخصية قوية.. لم أجد امرأة تحب أبناءها أكثر منها.. لا يتسلل اليأس إلى نفسها ولا يوجد في قاموسها شيء اسمه المستحيل ولكم استمتعنا من سلطة الفواكه التي كانت تصنعها لنا من الفسيخ.. عندها القابلية بأن تنزع عينيها لتعطيهما لإخوانها أو أبنائها.. أول أولوياتها أن تحب الناس وتحسن إليهم وآخر شغلها حبها لنفسها.. تعلمت منه الكثير، وأنا لجد فخور بأنها أختي.. كم اشتقت إليك يا أختي الحبيبة..
أمي: هذه هي المرأة المستحيل.. أودع الله فيها كل الصفات الفاضلة الجميلة.. العطاء الصبر القوة النقاء التسامح طول البال الإيثار.. سباقة ومبادرة لأعمال الخير.. تجدها دائماً في القيادة.. كانت تحضر إلى ميدان الكرة لتشجعنا عندما تكون عندنا مباراة تنافسية.. تحضر لنا الجرائد السياسية والرياضية عندما تذهب للسوق رغم أنها لا تعرف القراءة (التقليدية) وتشجع سيد البلد مثل أبنائها.. تملك روحاً مرحة وساخرة ولاذعة اللسان عند الدعابة.. كثيراً ما يحضر إليها أصدقاؤنا ليستمتعوا بقهوتها وحديثها.. فطورها يلاقي غداءها وبيتها عامر بالضيوف... تخدمهم بلا كلل أو ملل.. انسانة مسالمة وتتحمل أخطاء الآخرين وتغفرها، تحسن إلى من أساء إليها وتسامح من ظلمها.. تنام مهدودة الحيل من الخدمة وهي لا تحمل أي حقد أو زعل من أحد.. وتملك قلباً أكثر بياضاً من لوح الثلج.. عندها مقدرة عجيبة على حسم الأمور والإقناع... كثيراً ما يغضب منها أحد أبنائها (أنا ليس منهم) لكنه يضحك أثناء ذلك لتعليق طريف يصدر منها.. وإذا زعلت عند الشهيق ترضى عند الزفير.. متعك الله بالصحة والعافية يا سيدة نساء الدنيا...
حبوبتي: من النساء الصالحات وهي سليلة الأولياء الصالحين.. ربتنا جميعاً وربّت أبناء بنتها الأيتام.. صبورة وصوامة وقوامة.. شديدة الثقة والاعتداد بنفسها.. صبرت على استبداد جدي وعلى زيجاته الخمس عليها، ومع ذلك لم يسمع لها الجيران صوتاً، فقد كانت امرأة ستورة.. وكانت قوية الشخصية وكلمتها كالسيف عند أهلها.. قال لها ابن عمها الأصغر مداعباً عندما أجبرته على فعل أمرٍ ما (عليْ الطلاق إنتِ حا تدخلي النار) فضحك الجميع على كلامه.. كانت جميلة تزيدها الشلوخ وسامة ووضاءة وكان مجلسها عامراً ببناتها وأحفادها وتتعالى منه أصوات الضحك والقفشات الجميلة.. فلقد كانت عليها رحمها الله امرأة مرحة، تضحك حتى تسيل دموعها، ولكم سمعتها تقول ـ بعد أن يتعبها الضحك ـ لأخي وابن خالتي الأشقياء (خلاص قومي أقضوا ليكم شغلة يا بتاعين البنقو إنتو.. قطعتو مصاريني بالضحك يا أولاد).. لا تصدق أنها حبوبتهم عندما تراها وسطهم.. كانت مزيجاً من الطيبة والوداعة والجسارة والتضحية والصبر والمرح والآلم.. كابرت وصبرت على موت ولدها الوحيد وبنتيها وأثر ذلك على ذاكرتها، فأصيبت بفقدان الذاكرة، ولكنها لمن تنس أبداً صلاتها وصيامها ولاقت ربها وهي على هذه الحالة.. نسأل الله أن يكرم وفادتها ويعلي منزلها مع الصديقين والشهداء والصالحين.. ولو أعيد جدي إلى الحياة وشارك في هذا البوست لقال لك (الما عرّس جعلية ما عرّس)، لأنها صفحت عنه وتحملته وخدمته في أيامه الأخيرة ومات في بيتها..
أشكرك يا دينا على إتاحة هذه الفرصة.. لكنني لم أتخيل أبداً أن نساء مثل أمي وأختي وجدتي، يمكن أن يندم أزواجهن على أنهم اقترنوا بهن.. البوست ربما يراه البعض خفيف الظل لكنه يذم نساء عظيمات لأنهن ينتمين لقبيلة بعينها.. فالجعليون ليسوا أعظم من الجعليات.. ولا يمكن أن تمدحوا الجعلي وتذموا أمه أو أخته.. في الأساس ما كان في داعي لمثل هذا البوست..
معقول يا نسيبي إنت ما عرّست؟ معقول يا أبوي إنت ما عرّست؟ معقول يا جدي إنت ما عرّست؟
|
لافض فوك , وحفظ الله لنا اخواتنا وامهاتنا و حبوباتنا
| |
|
|
|
|
|
|
Re: العرس جعليه ناسب وما عرس . (Re: عمر التوم)
|
الأخت الكريمة /عزاز شامي
رمضان كريم
Quote: لست جعلية ولكن، لو تبادلت الاماكن معهم في العنوان لثرت ثورة تكفي لقلب مجن السايبر، فالأمر هنا أمي وأختي وانا و عموم المرأة النوبية، ولن أقبل، فلم استكثر على غيري ان يغضب لما كان أن يغضبني؟
|
شكرا لك على محاولة انصافنا في ابسط حقوقنا ( ابداء عدم رضاءنا عن ما يجري ) وتأكدي أن ما لانحبه لانفسنا , لا نحبه لغيرنا .
| |
|
|
|
|
|
|
Re: العرس جعليه ناسب وما عرس . (Re: MOHAMMED ELSHEIKH)
|
دينا .. هل تقبلين بالتعدد؟
آه منكم تسفروا نسوانكم وتلعبوا بضنباتكم والله مرتك دي كان لميت فيها كان أديها راسه
أختي عزاز كلامك جميل ومقدر لكن فعلا الموضوع من وجهة نظري لا يتعدى مجرد كلام مش اتقال من دينا بل موجود ومتناقل بين الناس منذ القدم
ولكن لا يصل لمرحلة المجزوم به لذلك لم تقم قايمتنا فدينا نهجها واضح هنا عموما كل شخص له الحرية الكاملة ليرى اي موضوع ويتناوله من حيث اراد
إبتدرت الرد عليك لاني جعلية ومتزوجة وأعلم تماما ويعلم زوجي إن كان عرس وناسب أم خلاف ذلك والعارف عزو مستريح
ما بتهزو كتابات دينا ولا كلام أهلنا المتناقل ودمتى ناصرة وواقفة مع الحق دوما تحياتي للوالدة العزيزة التي أنجبت وعلمت وثقفت أمثالك
| |
|
|
|
|
|
|
Re: العرس جعليه ناسب وما عرس . (Re: سيف الدولة كامل)
|
الله يعافيك يا سيف لكن انا ماقلت غير حاجة حسيته ولمسته اتخيلت زوجي قاعد وسط بعض العوازل ويقولوا ليو الكلام دا يقول ليهم وهو يقهق والله تقولوا شنو خلاص الفاس وقعت في الرأس ونرجع البيت وأول ما أفكر إني أحيل حياتو لجحيم على الكلام الشارك فيو يقول لى يا مرة انت مجنونة انت جادة دا كلام ....... ونسة ساي واتخيل انت لو انت كنت بالجد مرة فاكة مني كنت قلت ليو لا انت قاصد وهم قاصدين والعوَّه تقوم ويحلو مني الحله بله ولما يجو الأجاويد يطلع السبب ونسه لا بتقدم ولا بتأخر ولا بتنقص مني قيد أنمله
| |
|
|
|
|
|
|
Re: العرس جعليه ناسب وما عرس . (Re: وجن)
|
دلال قالت لي دينا بي اسم ..
قامت دينا ردت لي دلال بي اسم ..
بي صراحة دي حقارة منك يا دولدول(دينا)..هسه دلوش دي(دلال) ما كان ممكن تلقي ليها اسم احلي من كدة؟؟
ـــــــــــــــــــــــ عزوز ياخ جايانا متين
| |
|
|
|
|
|
|
Re: العرس جعليه ناسب وما عرس . (Re: Yassir Tayfour)
|
Quote: بي صراحة دي حقارة منك يا دولدول(دينا)..هسه دلوش دي(دلال) ما كان ممكن تلقي ليها اسم احلي من كدة؟؟
|
دا شنو يا سرور .. بقيتي بتاعت مشاكل ولا شنو ؟؟
انا رضياااااااانه ان شاء الله تدلدلني من السماء ما مشكله
المشكله .. انت جنسك شنو ؟؟
| |
|
|
|
|
|
|
Re: العرس جعليه ناسب وما عرس . (Re: سارة علي)
|
شكلي ذاتو شايتة شمال.. طلع المقصود داليا حافظ مش دلال... انتو ذاتو كترتو ..النسوان ملو البورد ملي.. الله يغفر ليك يا بكري الابيت تديني اسم مخفي.. كان هسه بقيت مع دينا في خانة واحدة ــــــــــــــــــــــ اما عني فانا خلطة من النوع الغريب وداير ليه درس عصر ما قالو ليكم بوست غير موفق
| |
|
|
|
|
|
|
Re: العرس جعليه ناسب وما عرس . (Re: الطيب العامرى)
|
انا ما شاء الله علي فهم وطوووول وبشرة ناعمة ولطافة ووعي واهم حاجة مسالمة شديد ديل صفات يا دلو فيما ندر تلقوهم في جلابي..
انا ابا عن ام من جنوب السودان.. ـــــــــــــــــــــــــ بعيدا عن الهظار الاخوة من جنوب السودان من الطف القبائل السودانية والوحيدين الما عندهم عقد والما عرس جنوبية ما عرس وما ناسب..اقلاها بقر يريح من المشي لي قندهار..
| |
|
|
|
|
|
|
Re: العرس جعليه ناسب وما عرس . (Re: سارة علي)
|
يا جماعه وين المثقفين تبعنا ؟؟ سكتوا كعادة المثقفين فى الملمات ؟؟
مافى زول اتكلم غير ياسر طيفور
عزاز طلعت مع الخيانه ... مثقفين لله مثقفين ياعالم ..
انتو تعالو النسالكم دايرين العرس للرجال ديل لييه فىىىى صمة خشمهم ؟؟ ما عرسو ما عرسو يعرس ركبيهم .. دا بعيب المراة فى شنو ؟ كان جعلية كان ضكرية ؟ بعيبها فى شنو ؟؟
المراة ال بتنفع فى العرس دى ذاتها ما مراه
ـــــــــــــــــ ياللا اقبلو يا الضحكنجية الناس ديل قايلننا ما بنعرف نشاكل برانا ؟؟
| |
|
|
|
|
|
|
Re: العرس جعليه ناسب وما عرس . (Re: سارة علي)
|
Quote: انا ما شاء الله علي فهم وطوووول وبشرة ناعمة ولطافة ووعي واهم حاجة مسالمة شديد ديل صفات يا دلو فيما ندر تلقوهم في جلابي..
|
انت يا سرور معناها تبع الناسب ما عرس .. هو في مره كدا
| |
|
|
|
|
|
|
Re: العرس جعليه ناسب وما عرس . (Re: Dalal Ezzaldin)
|
Quote: شول.. ركز يا اخوي ركز التقول صايم هسه خالد الجابو هنا شنو؟؟ ــــــــــــ ماشي افطار ناس الخرطوم؟؟ |
سارة ركزى إنتى ياخ ما تجهجهينا معاكى ساى
Quote: سلام يا دينا وتحياتي بوست لذيذ ومفيد!
تعرفي اهلي الجعليين بقولوا :
كان داير تغش الشايقي سكرو!! والجعلي شكرو! والدينكاوي شبعو والدنقلاوي غشو ساااي !!! |
معزورة يا سارة ما صايمة عاد
إفطار ناس الخرطوم للأسف ما ماشى
| |
|
|
|
|
|
|
Re: العرس جعليه ناسب وما عرس . (Re: سارة علي)
|
شول حبابك
نورت البوست العينه دا
وطبعا الفلم دا انتو داخلنو بتشدد اكتر صاح ؟؟
الدينكا عندهم راى فى النوير والنوير عندهم راى فى الشلك والشلك عندهم راى فى الاتنين
ـــــــــــــــــــ نعلن عن ضم شول للمثقفين تبعنا
| |
|
|
|
|
|
|
Re: العرس جعليه ناسب وما عرس . (Re: محمد الشابك)
|
لي صديق من ابناء المحس
يتلذذبشرب العرق والموضوع بالنسبة اليه هواية ان يتمطق رحيق الذرة
متزوج جعلية ( وكلما تعصر عليه يقول لي والله بت عمك زانقاني زنقة )
المهم
هو يعمل في احد البعثات الدبلوماسية في الرياض ، وكنت يوما مدعو زي عشا عمل في الحي الدبلوماس وهناك يستباح الشراب من كل الوان والاصناف بدءا بالاسكوتش والجوني الماشي والجن المسلط الى آخر التسميات ، ولاني من الذين يشوفون ولا يضوقون ، مرقت برة لقيت صاحبي يا فلان مالك قاعد برة والانهار جارية بي جوة قال لي يا محمد انا بطلت !!!
وحينما رأى الدهشة وانا انظر للحسرة في عيونو حكي السالفة التالية
تعرف بت عمك دي غلبت معاي حيلة عشان ابطل الشراب وانا مصر على الموقف المبدئي من الراح وجاتنا عمرة مشينا مكة وبعد الطواف جينا على الحجر الاسود مسكتي للحجر الاسود قالت لي احلف هنا تاني ما تسكر وما كان عندي زواغات
| |
|
|
|
|
|
|
Re: العرس جعليه ناسب وما عرس . (Re: د.محمد حسن)
|
Quote: تعرف بت عمك دي غلبت معاي حيلة عشان ابطل الشراب وانا مصر على الموقف المبدئي من الراح وجاتنا عمرة مشينا مكة وبعد الطواف جينا على الحجر الاسود مسكتي للحجر الاسود قالت لي احلف هنا تاني ما تسكر وما كان عندي زواغات |
| |
|
|
|
|
|
|
Re: العرس جعليه ناسب وما عرس . (Re: على محمد على بشير)
|
Quote: شكلي ذاتو شايتة شمال.. طلع المقصود داليا حافظ مش دلال... |
سرورة
وحاتك ماقاصداني كشحتو لي ..
عشان إتعاملت معاها كناقل كفر ساااااي ..
ولانها قالت الكلام في وكت نعرتي القبلية فيهو إتلاشت
"حليل داليا البتزغرت للبطان " ( وش كضاب )
لكن كان لميت فيك يا دينا بشلخك سلم !
ـــــــــــــــــــــــــــــــــ
نعرتي ..دي عجبتني الله يجازي تحريشك يا عزاز
| |
|
|
|
|
|
|
Re: العرس جعليه ناسب وما عرس . (Re: osman righeem)
|
,والله كان حامد ماشى بالكورة ماعارف !!
وطيب لو كان ما ماشى كان عمل شنو ؟؟
ـــــــــــــ النجييضه حامد دا تفكو فى اقرب فك تسجيلات كرهنا الكورة ذاتو ؟؟ قلت لى التعدد كيف ؟؟؟ هو انتو كامليين يا لطيف لمن نص نص ؟؟
| |
|
|
|
|
|
|
Re: العرس جعليه ناسب وما عرس . (Re: دينا خالد)
|
Quote: النجييضه حامد دا تفكو فى اقرب فك تسجيلات كرهنا الكورة ذاتو ؟؟ قلت لى التعدد كيف ؟؟؟ هو انتو كامليين يا لطيف لمن نص نص ؟؟ |
خلاس سحبناه الكلام كان ده او داك
ومتأسفين يا معلم
| |
|
|
|
|
|
|
|