|
Re: إفطار يورداب القاهرة السنوي يوم الخميس 13 رمضان بكافي يعقوبيان (Re: مؤيد شريف)
|
Quote: تعشمت ان ألتقيكم في افطاركم السنوي
ولكن يبدو انو ما عندي نصيب
سأكون في القاهرة بعد موعد الافطار المضروب بايام قليلة!
أتمنى ان أتشرف بلقياكم في مناسبات اخرى
تحاياى |
الأخ العزيز / مؤيد الشرف رمضان كريم وتصوم وتفطر على خير إنشاء الله نعوضك بحاجة تانية خاصة إنو نحن عندنا برامج أخرى في شهر رمضان دشناها أمس بجلسة فنية رائعة شارك فيها مجموعة من الفنانين السودانيين المتواجدين بالقاهرة محمود عبدالعزيز - شكرالله عزالدين - ياسر المرضي الذي أدهش الجميع بإبداعاته وعزفه الرهيب على العود وكذلك الفنانة آسيا مدني والفنان صلاح سلطان.
| |
|
|
|
|
|
|
Re: إفطار يورداب القاهرة السنوي يوم الخميس 13 رمضان بكافي يعقوبيان (Re: salah almaleeh)
|
سلام يا نائب العمدة لوووووووول
كده مية المية ياعم والشير يكون 20 جنيه وبالمرة كده حاول انده معاي الاسامي :- قاسم المهداوي (المهداوي للدعاية والأعلان) أكرم عبده عاطف زكريا أبو القاسم محمد آدم الحسن عبد المجيد إيمان أحمد رأوية العباسي سحر يوسف بهاء عيسي حبيب نور يعقوب محي الدين جبريل (تسجيل جديد) يلا اتذكر معاي البقية.
يا مؤيد
Quote: سأكون في القاهرة بعد موعد الافطار المضروب بايام قليلة!
|
يازول نعمل ليك فطور خصوصي أنت هين والا جيتك هينة ! تصل بالسلامة
ــــــ عندي صاحب في استراليا كان شاف البوست ده بيموت لوووووووول
| |
|
|
|
|
|
|
Re: إفطار يورداب القاهرة السنوي يوم الخميس 13 رمضان بكافي يعقوبيان (Re: heba Elmahi)
|
الحلوين بورداب القاهره كل سنه وانتو احلى ابو النسب ياصلاح اخوك عزابى ومفرمل بى كيس دكوه تحياتى واشواقى وافطار شهى.
الصديق الجميل /سفيان نابرى
تحياتى واشواقى ومتمنيين زيارتك للدوحه والبنيه كبرت ومنتظرين الشيله.
الزول البشوش/بهاء عيسى حمد الله ع السلامه وانشاء الله اجر وزكاة ومقصرين فى حقك يارجل يارزين.
الاخت/رايوه
انتى سلام وتحايا وكيف الوالده انتى المقعدك لى هسى شنو نحن حسبناك من ناس الدوحه.
الجميل /حبيب نوره
نحن فى انتظار جيتك وجاهزين
ابن عمى/ مطر قادم
انت يازول الخريف خرف والناس زرعت ماتبارى لى محمد السنى الحق (جنكب)
| |
|
|
|
|
|
|
Re: إفطار يورداب القاهرة السنوي يوم الخميس 13 رمضان بكافي يعقوبيان (Re: ضحيه ابراهيم)
|
الأخ صلاح تحية طيبة
ومرحب بي جميع المتداخلين الكرام وتشكر يا ضحية علي التواصل الانيق
طبعاً بورداب القاهرة إفطارهم ح يكون أجمل إفطار نحن الدنيا عندنا باسطة وسمانا ملبّد بي الكوليسترول ومعدّل السمنة فيها قشطة بي الحليب إفطارنا بي رحلاتوا النيلية وبي غناها وبي شعروا وبي قصايدوا وبي سياستوا وبي فنّوا وأدبوا وقلة أدبوا لو دايرين وبين قوسين عندنا حفلة و توجد رقاصة لو لقينا ناسا
ـــ أها يا جماعة بمزح معاكم لكن نحن مرشحين نفسنا لي جائزة أجمل إفطار هامش الحرية عندنا قدر الضربة لا كتلوك ولا جوك جوك بعد الفطور سنسهر علي صوت الحوت وشكر الله وآسيا مدني والجميل الجميل ياسر المرضي بنرحب بي القادمين الجدد علي رأسهم الإعلامي المتميز محي الدين جبريل وانت يا سفيان محي الدين دة تسجيل كاسيت واللا سي دي !!!
| |
|
|
|
|
|
|
Re: إفطار يورداب القاهرة السنوي يوم الخميس 13 رمضان بكافي يعقوبيان (Re: salah almaleeh)
|
صلاح المليح : كل سنه وانت طيب. وانشاء الله كل الخير ليك وللي حواليك. حبيبنوره: رمضان كريم والف حمدلله علي سلامة صديقك بهاء. حقيقي قلوبنا كانت معاه. بس ما كان في طريقه للمداخله تلك الايام لاسباب فنيه. بهاء : الف سلامه وانشاء الله رمضان الجاى يلقاك ياك المبادر للفطور وقايم بكل شى ( أمين يارب)ز علي العموم كل المني بلمات حلوه...شكلها برامجكم كاربه وخاصه سيلحق بكم الكاتب والمثقف( مؤيد ) . بالتوفيق انشاءالله. وتحياتنا لاخونا ود البشرى وعاجل الشفاء لوالده.
| |
|
|
|
|
|
|
Re: إفطار يورداب القاهرة السنوي يوم الخميس 13 رمضان بكافي يعقوبيان (Re: Mahassin Ibrahim)
|
Quote: سفيان نابرى وحبيب نورة ...رمضان كريم اخونا يوسف الخضر جاء للقاهرة مع والدته للعلاج الرجاء احسان وفادته وهو زول ابن ناس ما يشوش عليكم تقديم غريبه للرجل.الرجل كويس وحبوب وانتو كرماء ما بتقصروا وقدموا ليه المشورة فيما يخص علاج والدته وما بتتوصوا
|
السيد الأستاذ الخال / صديق الموج رئيس رابطة معجبي افراح عصام (افراح الشعب وكزام) ومقرر الجمعية وعضويتها وجمعيتها العمومية نشكرك علي التنبيه وعُلم وينفذ بالحرف الواحد ووحاتك لو جاء غريبة ذاتو (يتجول بي هنا) نقوم بي واجب ضيافتو . اها قصرنا معاك ؟!
| |
|
|
|
|
|
|
Re: إفطار يورداب القاهرة السنوي يوم الخميس 13 رمضان بكافي يعقوبيان (Re: baha eassa)
|
Quote: والقروش دي بسيطة لازم تزيدوها من الان .. ورمضان كريم |
الميزانية ....؟؟؟؟؟ وايضا من البورداب
وضاح تابر وطلال عفيفى وابوزر ( عقد الجلاد سابقا )
الى بهاء عيسى :
يا بهاء عيسى بطل حركات وعامل لينا فيها انك مقرش ... وزيدو القروش وفرشو البروش يا عمك لو عندك قروش محرقاك وما عارف تكملها .. 1/ اتبرع بيها للافطار او الفقراء والمحتاجين 2/ انتظر حتى ينتهى شهر رمضان وتعال لينا فى فنزويلا ( المعبد البوذى ) علشان نكمل ليك قروشك المحرقاك دى عرفتا ( عارف اين يقع ..... فنزويلا )
قاسم المهداوى هامش كسرة فى النص وملاح بالطرفات
| |
|
|
|
|
|
|
Re: إفطار يورداب القاهرة السنوي يوم الخميس 13 رمضان بكافي يعقوبيان (Re: baha eassa)
|
العزيز ضحية كل التحايا وكل سنة وانت طيب
Quote: ابن عمى/ مطر قادم
انت يازول الخريف خرف والناس زرعت ماتبارى لى محمد السنى الحق (جنكب) |
ياخي السني سافر والزراعة قالوا (البتديك ليهو امك وابوك مابيدوك ليهو)ولكن انا بس من الناس الذين قال قائلهم(زرعنا الريد جنينا حكم).
وبورداب القاهرة سقطت سهوا من قائمتهم ولكن ما اقدم مني في القاهرة الا قاسم المهداوي ولذلك واحد من اتنين اما اغيب عن افطارهم او اجي بدون ما ادفع شيرنق كيتا في سفيان العمدة.
| |
|
|
|
|
|
|
Re: إفطار يورداب القاهرة السنوي يوم الخميس 13 رمضان بكافي يعقوبيان (Re: حبيب نورة)
|
Quote: الصديق الجميل /سفيان نابرى
تحياتى واشواقى ومتمنيين زيارتك للدوحه والبنيه كبرت ومنتظرين الشيله.
|
أوووووووو ابو النسب ضحية مشتاااقين ياخ ورمضانك كريم وسنتك طيبة قلته لي البنيه كبرت يا اخوي كلمتك انا حارس وراجي زمن البنات البيجيبو الشيلة كده شاوره وتعال لوووووول بعدين تعال هنا ما كلمتني بي صلاح المليح انو زولك ليه ياخ الزول زولي تب ومطر قادم هسي برضو طلع زولك وبي سببك عايز يحنكنا قروش الشير غايتو جنس غايتو شنو يا ضحية ياخ ما تجينا طله كده ؟
سلام يا صاحبي وليك الشوق .
Quote: وبورداب القاهرة سقطت سهوا من قائمتهم ولكن ما اقدم مني في القاهرة الا قاسم المهداوي ولذلك واحد من اتنين اما اغيب عن افطارهم او اجي بدون ما ادفع شيرنق كيتا في سفيان العمدة. |
يازول بطل حنك ما سقطته ولا اي حاجة تضارب في تحديد القائمة والزول المفروض يكتب اسمك تقاعس عن دوره (وكل شئ جايز) ادفع قروشك ساي خلينا نظبط حلة السمك
| |
|
|
|
|
|
|
Re: إفطار يورداب القاهرة السنوي يوم الخميس 13 رمضان بكافي يعقوبيان (Re: يوسف الخضر)
|
Quote: وبسفيان (الزائغ).. بخلا علينا بما وجدنا ولمسنا لديه.. |
سلام يا احباب يوسف الخضر ومحيو الجميل
سفيان ما بيزوغ هيييييع بس داخل مفاوضات مع ود الموج والعوض المسلمي عشان أخلص ورق تسجيلكم بصفة نهائية لبورداب القاهرة والأجراءات ماشية كويس بس صديق الموج مُصر أني أكتب اشادة في رئاسته لرابطة افراح عصام وانا رافض لانو البت دي (تقيلة) وثقيلة وما بتعرف تغني اصلاً . ثّم تانياً صلاح المليح وحبيب نورة ديل ركزوا معاهم عوجة ما بتجيكم واختو ود المهداوي .
يلا لي بعدين بي فللليييييل .
| |
|
|
|
|
|
|
|