احلى حاجه تسويها المراه انها تكون ست بيت ...!!!

مرحبا Guest
اخر زيارك لك: 03-29-2024, 08:45 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2009م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-28-2009, 02:38 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
احلى حاجه تسويها المراه انها تكون ست بيت ...!!!

    والله دي حقيقه ..

    ممكن تكون طبيبه رهيييييبه او مهندسه حطيييييره او سيده اعمال او مصممه او فنانه او ... او...

    لكن ...

    اجمل من انك تكوني ست بيت ممتا.زه ماااااااااااااااافي ...

    احلى من احساس الشكر والامتنان البيجيكي من اسرتك لمن تعملي اكله حلوه ولا البيت يكون مرتب ويشرح القلب او حتى تكوني مجيهه في رقبتك دي .. صدقيني مافي ...

    انا ما بقول النسوان يخلوا الشغل ويقعدوا في البيت ....

    لانو في مجالات تبدع فيها المراه احيانا اكتر من الرجل ...

    لكن احساس البيت واللاولاد اجمل واقرب وحنيييييييييين ,,, ما تتصوروا قدر شنو ...

    عرفت انا الكلام دا من بدري لانو امي امراه متعلمه والحمدلله ومثقفه جدا .. لكنها ست بيت من يوم ما دخلت القفص الذهبي ....

    بحاول اتخيل بيتنا دا وامي في الشغل ...!!!!! لا حولاااااااااا مبااااااالغه ,,!!!

    دي فكره صعبه جدا .....

    كدي انتو اتخيلو ...؟؟؟؟؟؟؟؟؟؟
                  

08-28-2009, 02:44 AM

HAIDER ALZAIN
<aHAIDER ALZAIN
تاريخ التسجيل: 12-27-2007
مجموع المشاركات: 22433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    Quote: ممكن تكون طبيبه رهيييييبه او مهندسه حطيييييره او سيده اعمال او مصممه او فنانه او ... او...

    لكن ...

    اجمل من انك تكوني ست بيت ممتا.زه ماااااااااااااااافي ...



    صدقتي يا داليا ... !!

    (عدل بواسطة HAIDER ALZAIN on 08-28-2009, 02:45 AM)

                  

08-28-2009, 02:46 AM

نوفل عبد الرحيم حسن
<aنوفل عبد الرحيم حسن
تاريخ التسجيل: 02-27-2009
مجموع المشاركات: 2361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    كبف تكون امراءه عامله وست بيت ؟
    ايحانا في ناس بقدروا يوفقوا بين الاتنين
    لكن غالبا صعبه


    واكيد ادارة البيت وطعم اكل ست البيت بكل احلي واجمل من ست البيت






    والله يدينا ست بيت وست روح





    رمضان كريم يا داليا
                  

08-28-2009, 02:50 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: نوفل عبد الرحيم حسن)

    حيدر الزين ... سلامات يا صديق ...

    والله صدقتي الكتبتها دي شكلها جايه من ااااااااااخر ضميرك ...

    الله يستر والمدام ما تشوف البوست دا ...

    تحياتي وارقد عافيه ...
                  

08-28-2009, 02:52 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    نوفل ...

    عليك الله بعد البنيه الجلوه الفي الصوره دي لسه الله ما اداك ؟؟؟؟؟؟؟

    عليك بالعديل انشالله ...

    وطبعا زي اكل ست البيت مافي ...

    احن الى خبز امي وقهوه امي ....

    شكرا لمرورك الجميل ...
                  

08-28-2009, 02:54 AM

وجن
<aوجن
تاريخ التسجيل: 07-30-2002
مجموع المشاركات: 1796

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    هسة بالله المصحيك دقشاً بدري
    كده شنو
    واوعى تقولي لي المطرة
                  

08-28-2009, 02:58 AM

نوفل عبد الرحيم حسن
<aنوفل عبد الرحيم حسن
تاريخ التسجيل: 02-27-2009
مجموع المشاركات: 2361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: وجن)

    Quote: عليك الله بعد البنيه الجلوه الفي الصوره دي لسه الله ما اداك ؟؟؟؟؟؟؟

    عارفه يا داليا
    صورة ابراهيم ود اختي الفي البروفايل دي جايبه لي الهواء
    لكن بريدو شديد اعمل شنو ؟
                  

08-28-2009, 03:01 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: نوفل عبد الرحيم حسن)

    وجن يا اختي ازيك ...

    انا لسه ما نمت والمطره صابه من امبارح الساعه 12 بالليل ما وقفت ..

    وبعدين انا هينه انا زوله ما عندي مسؤليات , انتي يا ست البيت الشاطره المصحيكي لحدي اسي شنو ؟؟؟

    امشي ادي راجلك كورن فليكس باللبن ...

    مشتاقه ليكي ولي لمار ...
                  

08-28-2009, 03:04 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    نوفل يا اخوي ,,,

    معلييييييييش صوره ابراهيم بس ما وضحت لي كويس لانو الكرسي الوراهو عامل شدو .. ربنا يخليهو انشالله ,...

    لكن بالنسبه لست البيت ممكن تشوف وجن دي شغاله خاطبه اليومين دي ساااااااكت في البوستات دي لوووووووول

    كمان ممكن تجيب ليك مواصفات سعوديه تجميع السودان كمان ...

    كن بخير وارقد عافيه ...
                  

08-28-2009, 03:10 AM

نوفل عبد الرحيم حسن
<aنوفل عبد الرحيم حسن
تاريخ التسجيل: 02-27-2009
مجموع المشاركات: 2361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    Quote: لكن بالنسبه لست البيت ممكن تشوف وجن دي شغاله خاطبه اليومين دي ساااااااكت في البوستات دي لوووووووول


    كان كده سيبك من قصة ست البيت البقت وانتهت دي
    وخلينا نفتش لينا ست للبيت .. مع ملاحظة انه ما ح نفتش بيت للست
    لقطه مش ؟ لووووووووول يكه ( الحقوق محفوظه للزول ذاتو )
                  

08-28-2009, 04:58 AM

وجن
<aوجن
تاريخ التسجيل: 07-30-2002
مجموع المشاركات: 1796

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: نوفل عبد الرحيم حسن)

    هو كورن فليكس تقولي معاو لبن
    قولي حليب
    لو رقاق معليش
    إتعلمي أصول الهنكشة والمنتشة كويس
    يا عسل لمار نفسه قام زي ماقلتي

    نوفل عملته ظاهره لكن

    الله يعرس ليكم انتو اللتنين
                  

08-28-2009, 07:09 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: وجن)

    داليا ... ازيك...

    تعرفي .. القصة صعبة شويه... زولة accomplished زيك، لما تجي للتطبيق بتبقى ليها حارة... والدتك انسانة متعلمة.. وقعدت في البيت عشان تهيء ليكم الفرصة .. عشان تتعلموا وتفخر بيكم.. واكيد ده الحصل.. لكن النتيجة بتجي في المحك.. لما تجي تلقي نفسك في المحك، القعدة في البيت بتبقى ليك حاره..

    مافي زول بياخد كل شي.. لكن التوفيق ممكن... بالنسبة لي النظرية بتشمل الآتي.. مجال التعليم بشكل عام، جامعي او غير جامعي بدي المرأة فرصة التواجد أكثر في بيتها... دوام خفيف.. واجازات كتيرة.. أما انتو، الطب ده كارثه من الكوارث على ست البيت... ودائما عائلة الطبيبة بتعاني من عدم وجودها.. وسهراتها وشفتاتها.. وبيتانا بره البيت.. ودوامها... الحاجه التانية، متى ما كان الخيار بين البيت والشغل، يكون الخيار للبيت.. ودون أي تردد.. الحاجة الثالثة.. في نساء، القعدة في البيت بتديهم الاحساس بقل الأهمية، الناس كلهم في لحظة من اللحظات بمشوا ورا حاجاتهم.. وبتفضل ست البيت براها.. يعني بعد 16 سنة دراسة... انا عملته شنو؟ وبعد القعاد شوية.. بتحس انه كل العملته ضاع..

    بالنسبة لينا في الغربة، المقارنة فيها تغيير شوية... مع القفلة في البيت.. وسهولة المعيشة.. وسهولة النظافة ...وسهولة الطبيخ ...بكون في وقت فراغ كتير.. بخلي الواحدة aimless... وبتبقى حياتها رتيبة... التغيير بكون هو الشغل بالنسبة ليها..


    نسمع بيك قريب ده، عروس.... وتجي تقولي الروووووب، راجعة شغلي


    وجن، ما عرفتك
                  

08-28-2009, 09:00 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: مريم بنت الحسين)

    مريم بت الحسين صحبتي البريدها ...

    مرورك احلى من رقاق باللبن ليله الصيام ..

    فعلا كلامك عين الصواب ...

    ناس بيتنا دوام بيفتقدوني في الغدا في الفطور واحيانا في العشا بالذات لمن اكون بايته في المستشفى , دوامه الطب هي دوامه كارثيه

    لا نهائيه وبيني وبينك قرايه السنسن الطوال وسهر الليالي ومذاكره الكتب الكباااار ديك بتحرق الواحد وتخليهو يفكر مليون مره

    قبل ما يقول اقعد في البيت .. (طبعا الكلام دا بيطفش العرسان لووووووول )

    لكن بعد دا كلووووو زي ما قلت لما يجي الاختيار بين البيت والشغل انا بقول زي ما قلتي , البيت البيت البيت ..

    ابدا ما تقول يكل العملتيهو ضاع .. العملتيهو اقل اثر ليهو الكلام الواعي اللي انتي قلتيهو دا ..

    ((( نسمع بيك قريب ده، عروس.... وتجي تقولي الروووووب، راجعة شغلي ))))

    شكرا على الدعوه الحلوه وتميها قول ي ربنا يديني راجل يستاهل اقعد ليهو في البيت ...

    يديكي العافيه وشكرا لمرورك البحبو مووووت ...
                  

08-28-2009, 09:07 AM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    دكتورة داليا
    صباحاتك نواضر
    ورمضان كريم

    Quote: شكرا على الدعوه الحلوه وتميها قول ي ربنا يديني راجل يستاهل اقعد ليهو في البيت ...


    ما تحته خط داير ليه مووش بوست بوستات عدييييييييل
    ياريت تفتحي ليه نقاش
    متابعين وواصلي
                  

08-28-2009, 09:14 AM

دينا خالد
<aدينا خالد
تاريخ التسجيل: 06-26-2006
مجموع المشاركات: 8736

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: مريم بنت الحسين)

    ووووووووووووووو يا داليا

    دا اسمو دس السـم فى العـسـل !!


    اجيك ولا اخليك ؟؟ او اسمها تجى ؟ ولا نجى ؟






    ــــــــــــــ
    دلويه "The happiest people don't have the best of everything. They just make the best of everything. Live simply. Love generously. Care deeply. Speak kindly. Leave the rest to God. "
                  

08-28-2009, 09:24 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: دينا خالد)

    مياده كمال العزيزه ..

    رمضان كريم .. انشالله مطرتنا دي ادتكم رشه بهناك ...

    ما عندك مشكله بوست بوستين اللي تامري بيهو ...

    منتظره تعليقك عشان نتناقش ...

    يديك عافيه وشكرا للمرور ..
                  

08-28-2009, 09:36 AM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    اححححححي انا من التنظير دا يا داليا يا بتي
    اسالي مجرب جربنا الشغل وجربنا ست البيت
    ادفع كل العندي لو ارجع لشغلي
    دا خيار ابدا ما تمام الافضل لمن تجد الفرصه ان توفق بين الاثنين
    حكايه انك غير مجربه وتشيدين بدور ست البيت فيها رائحه انتهازيه بحسها انا كزوله مجربه الناس تمش الصباح الشغل والمدارس
    وست البيت متل ساقيه جحا مدوره تشيل من البحر وتكب في البحر.
                  

08-28-2009, 10:03 AM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: doma)

    Quote: اححححححي انا من التنظير دا يا داليا يا بتي
    اسالي مجرب جربنا الشغل وجربنا ست البيت
    ادفع كل العندي لو ارجع لشغلي
    دا خيار ابدا ما تمام الافضل لمن تجد الفرصه ان توفق بين الاثنين
    حكايه انك غير مجربه وتشيدين بدور ست البيت فيها رائحه انتهازيه بحسها انا كزوله مجربه الناس تمش الصباح الشغل والمدارس
    وست البيت متل ساقيه جحا مدوره تشيل من البحر وتكب في البحر


    يا الللللللللللللللللللللللللللللللللللللللللللللله
    الليلة عيد عديييييييل
    حمد الله على السلامة يا ستهم
    بس امسكوا في مداخلات الزولة دي
    لانها مدرسة عديل في المنبر دا



    *** كيفك يا خالة دوما الاميرة
                  

08-28-2009, 09:39 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    اووووووووووو دينا ...

    تجي طوااااااالي .. نحن لاقينك وين ..

    بعدين دا اسمو اكنتك ليك ولا اضرب فيك نور عديل ؟؟؟

    لكن ما عتدك مشكله يا بتنا ابقي ضاربه نور طوااالي ..

    كوني بخير الى ان القاك ..









    ملاحظه : الكلام الفي الهمش دا جميل جدا وعين العقل كمان ... تسلمي على المرور
                  

08-28-2009, 09:42 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    Quote: "The happiest people don't have the best of everything. They just make the best of everything. Live simply. Love generously. Care deeply. Speak kindly. Leave the rest to God. "
    دي نعلها دينا البتقول الكلام الحكيم ده ؟؟
    غايتو .. الحمدلله .



    ......
    داليا .. بقيتي كويسة ؟

                  

08-28-2009, 09:43 AM

محي الدين جبريل
<aمحي الدين جبريل
تاريخ التسجيل: 11-05-2007
مجموع المشاركات: 1848

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    داليا رمضان كريم وكل سنة وأنت طيبة

    ودى أول مرة أكيب فى بوستاتك ... مع إنى بقرأ ليك كتير

    وبعدين

    عليك نووووور يا داليا


    أول مرة أقراء لواحدة هنا كلام زى ده


    وربنا يديك الفى مرادك ... قولى آميييييييين ... بركة الشهر الكريم






    محي الدين جبريل
                  

08-28-2009, 09:47 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: محي الدين جبريل)

    داليا ياخ دايرين نمنع الرجال يجوا يتكلموا هنا.. هل ده موضوعهم؟ ولا موضوعنا؟



    خالتو دوما.. اشتقنا ليك عدييييييييييييييييل.. بكري عمل لينا test كبير في محبتك
                  

08-28-2009, 09:52 AM

محي الدين جبريل
<aمحي الدين جبريل
تاريخ التسجيل: 11-05-2007
مجموع المشاركات: 1848

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: مريم بنت الحسين)

    Quote: داليا ياخ دايرين نمنع الرجال يجوا يتكلموا هنا.. هل ده موضوعهم؟ ولا موضوعنا؟




    مريم بنت الحسين رمضان كريم


    وكيف مابيهم الرجال ... والله ده أكتر حاجة بتشغل الرجل ... بدون ما تحملى كلامى ده أكبر من طاقتو


    أي راجل بيفكر أول مايرتبط بإمرأة موضوع الشغل والبيت سواء كان مؤيد لعمل المرأة أو غير مؤيد




    والله ياداليا زيدتى إعجابى بيك الليلة
                  

08-28-2009, 10:00 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: محي الدين جبريل)

    الاخ محي الدين.. الله اكرم.. وتصوموا وتفطروا على خير...

    فاهمه كلامك تماماً... لكن لما تجوا "انتو" المسألة بتدخل فيها عوامل اخرى... والله المرأة لما تملك قرارها بتدبر امورها كويييييييييييييييس.. بس اطلعوا منها انتو... وبرضه ما تحمّل كلامي انا فوق طاقته :)

    أما داليا دي.. اديها يومين .. مع خالتو دومه.. وتشوف الامور تقلب كيف... العجب كان جات عمتي عشه بت فاطنة

    بعدين الهدف من مطالبتي بابتعاد الرجال اننا نستفرد بي الزولة دي نديها راسها.. وهدا قرب يجي

    بنت الحسين
                  

08-28-2009, 10:08 AM

محي الدين جبريل
<aمحي الدين جبريل
تاريخ التسجيل: 11-05-2007
مجموع المشاركات: 1848

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: مريم بنت الحسين)

    بت الحسين يديك العافية


    Quote: أما داليا دي.. اديها يومين .. مع خالتو دومه.. وتشوف الامور تقلب كيف... العجب كان جات عمتي عشه بت فاطنة

    بعدين الهدف من مطالبتي بابتعاد الرجال اننا نستفرد بي الزولة دي نديها راسها.. وهدا قرب يجي




    عشان كده أنا ما ماشى من هنا شبر القط ... ياااخ دى زولة بمواصفات نادرة ، تقاس بالذهب عديييييييييييييل

    تجن إنتن تلفن ليها رأسا ... لالالا ده كلامى ما ح حيصل .... وعلى الأقل كدى نحاول ننشر أفكارا النيرة دى



    ياختى دى مواصفات الرجال بيفتشو ليها بالغربال ما لاقينها ....
                  

08-28-2009, 09:56 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: مريم بنت الحسين)

    عماد عبدالله ..

    صديقي الما بيسال مني حتى وقت الشده ...




    بس ما عارفه تاني اقول ليك شنو ؟؟؟؟؟؟؟
                  

09-14-2009, 02:46 PM

محمد كابيلا
<aمحمد كابيلا
تاريخ التسجيل: 11-15-2008
مجموع المشاركات: 3509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: مريم بنت الحسين)

    Quote: داليا ياخ دايرين نمنع الرجال يجوا يتكلموا هنا.. هل ده موضوعهم؟ ولا موضوعنا؟



    طيب ليه شابكننا جندر وما عارف إيه....!!!؟؟؟

    ولا للتمييز ولا ولا ولا ...!!!؟

    داليا إزيك ..كل سنة وإنت طيبة .


    كل الود
    محمد كابيلا
                  

08-28-2009, 09:53 AM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    Quote: مياده كمال العزيزه ..

    رمضان كريم .. انشالله مطرتنا دي ادتكم رشه بهناك ...

    ما عندك مشكله بوست بوستين اللي تامري بيهو ...

    منتظره تعليقك عشان نتناقش ...

    يديك عافيه وشكرا للمرور



    ياداليا يا حبيبة
    هي رشة ساي
    نحن في الكلاكلة موية التصريف (وفي رواية اخرى قالو دا سيل جاي من الخلا البي هناك) ماليه شارع شرق بالمرة .........
    يعني نحن عندنا نيل تاني بي هنالك


    Quote: احلى حاجه تسويها المراه انها تكون ست بيت

    ياتو قناعات وصلتك للفهم دا
    صعب الان تتعبي وتتحصلي على شهادات عليا... وتجي تتنازلي وتبقى ست بيت فقط
    الحتة دي بتدخل فيها عوامل كتيرة
    اولا الظروف الاقتصادية للسواد الاعظم من السودانيين تتطلب الاثنين (الزوج والزوجة) يخرجوا للعمل...
    ثانيا : الوضع الاكاديمي والعلمي فزي ما قلت ليك فوق صعب تتعبي وتتحصلي على شهادات عليا... وتجي تتنازلي وتبقى ست بيت فقط
    نظرة المجتمع وثقافته للزولة القاعدة في البيت لليوم سلبية لي حد ما(بالبلدي كدا ابسط حاجة لو جاييك عريس حيفضل عليكي المتعلمة وبتعمل) (ما يجي زول ناطي لي في حلقى منهم يقول لي كلامك غلط)
    واديكي القصة دي
    بنات خالتي اثنين الكبيرة خلصت ماجستير وقعدت في البيت(يعني ما لقت شغل) ... اختها الاصغر منها بي سنتين بتدرس في البكلاريوس
    جاء واحد قريبنا داير يخطب .... المتخلف الجهلول قال لمن جاء يخطب تخيلي قال ليهم شنو
    ما دايرالقاعدة في البيت .... مع انو مافي شئ بيعيبها
    وفيها صفات زولة تقدر تمسك بيت اكتر من اختها الاصغر منها الحنكوشةلى حد ما
    ثالثا : في رجال الان بفضلوا المراة العاملة ... عن المراة البتلزم بيتها كست بيت فقط
    والان صورة المراة الست بيت ماشة في تلاشي ....
    اسع لو واحد متزوج .... وداير يتزوج ثانية ..... الثانية دي عادة بتكون موظفة يا زميلته ... يا شافه زميلة اخته .... يا اخت صاحبه وصلها الشغل او او او
    وذريعته عادة بتكون استغلال للسلبيات اللي بيشوفها في (ست البيت) بتاعته اللي اما ما مهتمة بمظهرها نتيجة لانشغالها بشغل البيت واموره.... يا مقصرة في حقوق زوجها عشان برضو الشفع ما خدين كل وقتها ... وبالتالي حيلها انهد النهار كله ... ووووو
    *** اما ما تحته خط في ردي الاول عليكي
    هل الرجل يستحق منا التضحية بي أني ابقى ليه ست بيت بس بعد الزواج !!!!!!!!
    ولا برضو سنة سنتين حيزهج وحيكوس ويبدا الضجر والملل ويخشوا في طور الفتور البيكون بين الرجل والمراة في حياتهم... وفي الاخر تنتهي علاقتهم بزواج الزوج من ثانية...... (نظرة متشائمة مووش)
                  

08-28-2009, 10:01 AM

محي الدين جبريل
<aمحي الدين جبريل
تاريخ التسجيل: 11-05-2007
مجموع المشاركات: 1848

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: mayada kamal)

    ميادة كيفنك ورمضان كريم


    Quote: اولا الظروف الاقتصادية للسواد الاعظم من السودانيين تتطلب الاثنين (الزوج والزوجة) يخرجوا للعمل...



    طيب من وين ليك الإحصائيات البتدعمى بيها كلامك ده إنو السواد الأعظم ن السودانيين تتطلب عمل المرأة والرجل ...


    قولى أعتقد لكن ما تحكمى طوالى .... نحن عايشين وين ...
                  

08-28-2009, 10:07 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: محي الدين جبريل)


    سألت .. و كل يوم بسأل ..
    إنتي نزلي القزاز شوية .



    ......
    و بالمرة خلي الدلع .
    هجمتينا ساكت بالكربة و ما كربة .

                  

08-28-2009, 10:07 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: محي الدين جبريل)

    معليش ارد بدل ميادة على بال ما تجي يا استاذ محي الدين...

    مافي ظروف اقتصادية.. ومافي زول محتاج... احنا بنتكلم عن المرأة تقعد في البيت ولا لأ؟ وراجلها عنده مال قارون...ده في السودان طبعا .. النسبة الفقر فيه وصلت 95%... شفته الاخبار قريب؟

    بنت الحسين
                  

08-28-2009, 10:15 AM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: محي الدين جبريل)

    رمضان كريم اخوي محي الدين جبريل
    Quote: طيب من وين ليك الإحصائيات البتدعمى بيها كلامك ده إنو السواد الأعظم ن السودانيين تتطلب عمل المرأة والرجل ...


    قولى أعتقد لكن ما تحكمى طوالى .... نحن عايشين وين ...


    السودان دا مووش دولة نامية ..... هل دخل الفرد فيه قادر يفتح بيت
    ياخي في زمنا الاغبر دا الاثنين يكونوا شغالين وبرضو المصاريف مولعة نار



    Quote: نحن عايشين وين ...

    رمضان كريم يا اخوي !!!!!!!!!!!
                  

08-28-2009, 10:07 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: mayada kamal)

    دومه حبيبه الكل هنا .. وحبيبتي انا كمان ...

    يديك الف عافيه على صحيه الصباح دغش والسندوتشات والمدرسه والتجهيز وشاي الصباح ..

    يديك الف عافيه على حله الملاح الفريش الما مسخن ...

    يديك الف عافيه على انك بتحومي بي جك المويه (او الحلو مر) على الناس في السحور في سرايرهم عشان ما دايرين يصحوا للسحور ..


    عرفت الحاجات دي كلها وانا ما لاقيتيك .. عشان امي بتعمل كده .. وانت اكيد بتعملي كده وكمان اكتر ..

    مرورك اسعدني جدا ...

    كوني بخير حتى القاك ..
                  

08-28-2009, 10:19 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    الاستاذ محي الدين ..

    شكرا كتير على كلامك اللطيف ويشرفني انك تكون متابع كتاباتي المتواضعه .. ونورت البوست ..

    اكيد انا ما بقول كل النسوان يقعدوا في البيت .. في مهن كتيره المراه تبدع فيها اكتر من الرجل زي التمريض مثلا ..

    عمل المراه شيء لا بد منه وهي ضلع لا يمكن الاستغناء عنه في مربع المجتمع الكبير ..

    لكن .. احساس المراه قائده مملكه البيت ومصرفه اموره لا يضاهيه اي احساس في الدنيا ..

    ابتسامه الاطفال وفرحهم واستقبال الزوج اخر النهار بعد تعب يوم عمل طويل لا يعادله اي انجاز ...


    وبعدين مريم بت الحسين دي صحبتي البريدها لله في لله كده , ما تزعل منها دي احلى زوله وزي ما قالت دايره تستفرد بي

    لكن ووويييييين ... كان ليهم .. !!


    كن بخير ايها الجميل ... تحياتي
                  

08-28-2009, 10:24 AM

محي الدين جبريل
<aمحي الدين جبريل
تاريخ التسجيل: 11-05-2007
مجموع المشاركات: 1848

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    بت الحسين وداليا وست البوست


    موضوع لذيذ خلاص ( وش مششروط من الضحك وماعارف أجيبوا من وين)


    ح أغيب منو ربما ليوم ، لانى على سفر ح أمشى المطار بعد شوية


    _____________________


    بت الحسين


    Quote: شفته الاخبار قريب؟


    يابت عمى أنا الأخبار دى منها أكل عيشى ... شغال فى مهنة النكد ....

    نسبة ال 95 % العملا منو ، وحام السودان كلوا على شان يعرف أوضاع الناس

    أأي أنا معاك فى فقر ، وفقر مدقع فى مناطق ... لكن كونوا نحكم بنسب مامؤسسة دى ما بتجى



    يلا أبقن عافية لغاية ما أصل وجهة سفرى واستقر







    محبتى
                  

08-28-2009, 10:30 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: محي الدين جبريل)

    استاذ محي الدين.. تمشي وتجي بالسلامة..

    وعارفاك انت بتاكل عيش من الاخبار.. عشان كده سألته...

    ولو 95% ما عاجباك.. يا سيدي معاك لحدي 70%.. قصّرت معاك... وبرضها كتيرة؟

    لما تجي راجع داليا دي حتكون عرسّوها.. وبتفتش على عمل بعد ما لقت روحها ما عارفه تقبّل وين (وش ضاحك) يا بكري ما ترجع لينا التعابير دي ياخ


    بنت الحسين
                  

08-28-2009, 11:05 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: مريم بنت الحسين)

    مريم بت الحسين صحبتي ...

    لمن يعرسوني بجي امسكك الشفع عشان امشي الشغل .. اوعك تتجرسي من اسي .. (وش مدردق من الضحك)

    بعدين انت كلامك الاول داك ما كان سمح ولا عاوزه تازري صحبتك دومه (وش غامز)

    عموما يا مريومه انا ماشه وجايه البوست في ذمتكم لمن اجي .. النيا جمعه وفاطرين معانا ناس ...







    الاستاذ طارق تمشي ةتجي بالسلامه انشالله ..
                  

08-28-2009, 11:19 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    بالله البوست كلو غسيل عِدة, وحلة تجقجق في النار,
    والحبل مليان هدوم باقيهن في الطشت, وواحدات
    مشرورات فوق سرير الحديد, والشفع ينططو فوق السراير
    وسخو الملايات, واحييييي يا أنا فترتِ من غسيلهن,
    أمشوا العبو برة. الحوش داير قش, وداير رش, وكذلك
    الاوض والبرندات. قشير البطاطس, ووريق الملوخية,
    والعجيبة لو بقت مفرومة, الفرامة تجيب الفلايت.
    وبعد ده يجيك خبر بكاء طاير يبوظ البرنامج من
    أولو لي آخروا...

    فلتحيا ست البيت مصدر فخرنا, وإعتزازنا.

    رمضان كــريم, وأنا متخارج...

    ســـــلام يا داليا...
                  

08-28-2009, 11:37 AM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: معاوية المدير)

    Quote: بالله البوست كلو غسيل عِدة, وحلة تجقجق في النار,
    والحبل مليان هدوم باقيهن في الطشت, وواحدات
    مشرورات فوق سرير الحديد, والشفع ينططو فوق السراير
    وسخو الملايات, واحييييي يا أنا فترتِ من غسيلهن,
    أمشوا العبو برة. الحوش داير قش, وداير رش, وكذلك
    الاوض والبرندات. قشير البطاطس, ووريق الملوخية,
    والعجيبة لو بقت مفرومة, الفرامة تجيب الفلايت.
    وبعد ده يجيك خبر بكاء طاير يبوظ البرنامج من
    أولو لي آخروا...

    فلتحيا ست البيت مصدر فخرنا, وإعتزازنا.


    الاخ معاوية
    فعلا دا البحصل مع السواد الاعظم منهن
    الا من رحم ربي (وقاعدة مع ناس امها)... فالحبوبة بتشيل مسئولياتها دي معاها (مع اني عندي راي في الحتة دي)...


    أختى مهندسة مدنية ... ودقست وتزوجت ... وقعدت في البيت
    لمن القاها داقة جرس من المسئوليات اللي انت قلتها فوق
    اقول ليها والقال ليكي عرسي منو !!!!!!!!!!
    والشكلة تقوم بيني وبين زوجها
    ههههههههه

    مداخلتك جميلة عجبتني الصورة النمطية الكتبتها
    شكرا بالنيابة عن صاحبة البوست
    ورمضان كريم عليك
                  

08-28-2009, 11:27 AM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    Quote: الاستاذ طارق تمشي ةتجي بالسلامه انشالله ..


    داليا بت كباشي ..................رمضان كريم !!!!!!!!!!!
                  

08-28-2009, 12:01 PM

yasir Abdelgadir

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: mayada kamal)

    Quote: ابتسامه الاطفال وفرحهم واستقبال الزوج اخر النهار بعد تعب يوم عمل طويل لا يعادله اي انجاز ...


    بالله في لسه نساء عندهم الروح دي؟؟؟؟


    ينصر دينك ياخ
                  

08-28-2009, 12:11 PM

خالد عنان عمر
<aخالد عنان عمر
تاريخ التسجيل: 12-14-2008
مجموع المشاركات: 682

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: mayada kamal)

    دكتورة داليا دا بوست فى محلو تمام

    وحقو نفرد ليهو مساحات اكبر من كدا

    يعنى اكبر من مسالة خلونا برانا زى ما قالت بت الحسين

    الله يديها العافية -- الرجال كلهم ما مع داليا -- واحدين مع بت الحسين

    لكن : الراجل تعجبو المراة الواثقة من نفسها زى ناس دكتورة داليا لما

    تقول جنس الكلام القالتو دا وهى عارفة انها ما بتقدر تسيب شغلها الا

    بشق النفس -- لكن مع دا هى برضو بتفضل الحياة بشكل تانى -- الحياة

    التقليدية الحقيقية الحياة الفيها حميمية ودفء وفيها احساس بالاسرة

    بصورة كاملة وبيرفيكت -- دا ابدا ما بنقص من دكتورة داليا ولا من دكترتا

    ولا من كاريزميتها الانثوية بل العكس هنا هو الصحيح --

    الموضوع جميل وجاذب وثر وفيه تجديد -- شكرا داليا

    ربما اعود

    تحية لكل المتداخلين
                  

08-28-2009, 12:54 PM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: خالد عنان عمر)

    Quote: لمن يعرسوني بجي امسكك الشفع عشان امشي الشغل .. اوعك تتجرسي من اسي .. (وش مدردق من الضحك)

    بعدين انت كلامك الاول داك ما كان سمح ولا عاوزه تازري صحبتك دومه (وش غامز)

    عموما يا مريومه انا ماشه وجايه البوست في ذمتكم لمن اجي .. الدنيا جمعه وفاطرين معانا ناس


    دلوّش (موش ده اسم الدلع)... انا لسه معاك.. وكلامي داك ما بتحول اصلا... البيت أولا دي ما عندي فيها شك.. لكن انا بغيظني الراجل البقرر بدل مرته ... عشان كده لما دخلوا الرجال ضغطتي ارتفع.. خالتو دومه دي اصلها صاحبة الكل وحبيبة الكل... وانت زاتك صاحبتي ...


    دحين يختي.. امسكي الاولاد انت لحدي ما ارجع من الكلية، انا زااااتي شغاله، لكن بجي البيت بدري.. جيبي لي الشفع بعداك كان عايزه.. وهييييع... كان بتجرس من مسكتهم.. تشوفي براك.... وبأكلهم ليك.. اي شي بسويه، إلا العصيدة.. قدر ما شرحوا ناس SHIBKA وروزمين ولنا .. برضه لسه عندي خوفه منها


    انا حارسه البوست ده.. وبعد ده بقوانيني لحدي ما تجي ستّو... كدي النشوف لي عمّة بي جاي...

    يا نساء المنبر... تعالوا ناقشوا موضوعكم ده...
                  

08-28-2009, 02:29 PM

وجن
<aوجن
تاريخ التسجيل: 07-30-2002
مجموع المشاركات: 1796

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: مريم بنت الحسين)

    هسة المابعرف أخو منو
    يا بت وصلتي كيف
    طمنيني عليك
    المهم
    خليك عشرة على البوست
    أنا طالعة معزومة فطور بجيك بعدين
    خفاش بس
                  

08-28-2009, 07:18 PM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: وجن)


    احححي يا داليا يا بتي احيييييييي يا ورم فشفاشي امانه يا بتي ما في نساء افنن زهره شبابهن في خدمه البيت والاولاد والزوج لا نفع لاشفع وخاصه افناء العمر في خد مه الزوج البتقول عليهو دا اخر الزمن يمش يجيبها بنيه صغيرونه وحليونه بعد شهرين وبالكثير سنه تجيب خبرو تبقي المسكينه في حبس وحضانه .
                  

08-28-2009, 07:29 PM

MOHAMMED ELSHEIKH
<aMOHAMMED ELSHEIKH
تاريخ التسجيل: 03-21-2008
مجموع المشاركات: 11825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: doma)

    Quote: احححي يا داليا يا بتي احيييييييي يا ورم فشفاشي امانه يا بتي ما في نساء افنن زهره شبابهن في خدمه البيت والاولاد والزوج لا نفع لاشفع وخاصه افناء العمر في خد مه الزوج البتقول عليهو دا اخر الزمن يمش يجيبها بنيه صغيرونه وحليونه بعد شهرين وبالكثير سنه تجيب خبرو تبقي المسكينه في حبس وحضانه .


    doma
    صديقتنا السابقة في البوردات السابقة(sudanforum)
    لك التحية
    wadelsheikh
                  

08-28-2009, 09:26 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: MOHAMMED ELSHEIKH)

    داليا رمضان كريم
    يا مريم حارسة البوست سلام
    Quote: يا نساء المنبر... تعالوا ناقشوا موضوعكم ده...


    ما أظن!!!!!!!!!!!!!!!!!!!
                  

08-28-2009, 09:40 PM

شرفى عبدالقادر
<aشرفى عبدالقادر
تاريخ التسجيل: 08-11-2009
مجموع المشاركات: 1437

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: محي الدين جبريل)

    ******
    رؤيه نظر جميله وجديره بالاهتمام***
    لكن صعبه عليكم يا دكتورات!!!
    انا عارفكم كوييسسس عن تجربه طبعا.
    مع تحياتى
                  

08-29-2009, 00:37 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: شرفى عبدالقادر)

    اووووووووووووو

    انا جييييت مسكت البوست دا تاااني ...... الناس المتداخلين جميعا ..ازيكم

    خالتي دومه .. اكيد احساس انو الزول يفني عمرو عشان زول ويما يلقى حسن الجزاء حاجه صعبه شديد لكناكيد ما بنقدر نعمم .. وفي نفس الوقت ما بنقدر نعمم نظريتي برضو..

    انا ابدا ما قلت كل النسوان يقعدوا في البيت لكن قلت ((((((احلى))))) حاجه تعملها المراه انها تكون ست بيت ..

    في رجل يستاهل انو تخلي الدنيا علشانو .. مش بس الشغل .. ومرات بيكون السبب الاولاد اللي بيكونوا اهم من اي حاجه في الدنيا ...

    في النهايه اولا واخرا دا مجرد راي وابدا ما تورمي فشفاشك عشانها .. ربنا يخليكي لينا انشالله وشكرا لمرورك..
                  

08-29-2009, 00:41 AM

saif massad ali
<asaif massad ali
تاريخ التسجيل: 08-10-2004
مجموع المشاركات: 19127

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    الله الله ياداليا

    الله يزيدك علم

    الله يبلغك الفي مرادك
                  

08-29-2009, 01:15 AM

وجن
<aوجن
تاريخ التسجيل: 07-30-2002
مجموع المشاركات: 1796

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: saif massad ali)

    مساء النور
    داليا إزيك يا حبيبة
    تصدقي كان نفسي أقيف معاك في وجهة نظرك
    من باب الواجب وكده وعلى الأقل الزول ينوبوا جزء من جنس الإعجاب دا ماشاء الله عيني مليانة
    ما تخافي ما بسحرك
    لكن للأسف ما بقدر أقعد في البيت من غير شغل
    مابعرف أكون ما منتجة
    ما بعرف أبقى خملة وماعندي شغلة
    راسي بقيف بحس إني ما متجددة ما مطورة
    ما حيوية بليدة ما إنسانة عديل
    بحس إني مجرد آلة
    أنا بعرف أنتج جوة وبرة
    أنا والعياذ بالله من كلمة أنا بحس عندي طاقات جبارة للعمل دوامين خارج وداخل
    عشان أحس بدوري في المجتمع وأحس فائدة من وجودي في الدنيا الرايحة دي
    بعدين العمل بنظمني أكتر وأكتر
    عشان كده معليش أنا رافعة شعار لا لمهنة ربة منزل فقط
    لا لست البيت
    بمناسبة ست البيت مرة سمعت شريط في السودان اسمو ست البيت لفنان معروف
    بالله ممكن ترفقيو في جيب شنطة الحلو مر
                  

08-29-2009, 01:26 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: وجن)

    وجن يا حبيبه ..

    ازيك ومساكي خير ..

    يا ناس المنبر كلكم عندكم نفس العيب ... ما بتقروا المداخله كويس حتن تردوا ...

    انا ما قلت المراه ما تشتغل يا وجن, انا قلت لو لقت فرقه تبقى ست بيت بس ودي شويه صعبه في زمننا دا , يبقى جميل ...

    بعدين يا عسوله انا والله ما محتاجه لي زول يعجب بي او ما يعجب .. انا عبرت عن وجهه نظري بس .. اللي محورها كلو تجربه امي اللي بفتخر بيها جدا ..

    تسلمي يا عسل وسلمي لي على لمار ..

    اسم الفنان منو عشان ارسل ليك الشريط ؟؟؟
                  

08-29-2009, 01:42 AM

وجن
<aوجن
تاريخ التسجيل: 07-30-2002
مجموع المشاركات: 1796

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    انا قلت لو لقت فرقه تبقى ست بيت بس
    طيب تبقي ست بيت بس كيف وهي بتعشق الشغل
    حبين في قلب واحد ما بجتمعوا
    يبقى هنا ما أختلفنا

    انا والله ما محتاجه لي زول يعجب بي او ما يعجب
    مالو والله كلامك بعجب
    بس ما أكون زعلتك
    سخنت معاك كلماتي دي ولا شنو ماتختي في بالك ياخ إعتبريها
    هضربة زولة قاعدة في البيت اليومين ديل وداخله في دور ست البيت وراجلة شناف
    وما بعجبوا العجب ولا الصيام في رجب ومغير معاو الجو والوظيفة
    ولمار طلباتة أكبر منها واليومين ديل بعلم فيهاالحمام وكل رأس دقيقة بتقول عاوزة تدخل
    ومشتاقة لناس البيت
    ومشتاقة لمكة

    اللي محورها كلو تجربه امي اللي بفتخر بيها جدا
    أمك أمي يا حبيبتي والله يخليها لينا

    اسم الفنان منو عشان ارسل ليك الشريط
    والله ما متذكرة لكن الزول بشكر في ست بيتو شكر تقيل محبب يبعث الإعجاب في النفس
    فالكلمات بتحبو وتخدمو وتقوموا لصلاة الفجر بدري
    على ما أذكر

    يا بت أنا نفسي أعرف انت بتقومي بدري كيف للدوام
    ولا أجزولكم
                  

08-29-2009, 01:49 AM

abubakr salih
<aabubakr salih
تاريخ التسجيل: 12-27-2007
مجموع المشاركات: 8834

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: وجن)

    يا جماعة كدى دقيقة لو سمحتو

    كيف يعنى زول شغلتو فى الدنيا دى انو يقعد فى البيت؟
                  

08-29-2009, 01:59 AM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: abubakr salih)

    حكمة اليوم
    تطوير وتنمية البلاد والبيوت مسئولية الرجل والمراة معآ
                  

08-29-2009, 03:30 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: PLAYER)

    Quote: مداخلتك جميلة عجبتني الصورة النمطية الكتبتها
    شكرا بالنيابة عن صاحبة البوست
    ورمضان كريم عليك



    شـــكراً ميادة...

    رمضان كــريم للجميع...
                  

08-29-2009, 09:28 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: معاوية المدير)

    صباح الخير ..

    ابو بكر ..

    زول شغلتو في الدنيا انو يجهز ليك محل راحتك... انو ياخد بالو من اولادك ..

    زول يبتسم ليك لمن ترجع ويخاف عليك لمن تتاخر ..

    زول يربي اولادك كويس .. ويطلعهم احسن ناس في الدنيا ...


    بلاير ... حكمه اليوم : المراه بتطور كويس بره البيت وجواهو .. لكن جواهو مافي زول بيطور زيها ...
                  

08-29-2009, 10:25 AM

ابراهيم الرشيد عبدالرحمن وراق


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    الدكتورة داليا

    رمضان كريم

    Quote: ودائما عائلة الطبيبة بتعاني من عدم وجودها.. وسهراتها وشفتاتها.. وبيتانا بره البيت.. ودوامها...



    فعلا احلى حاجة تسويها المراة انها تكون ست بيت
                  

08-29-2009, 10:48 AM

عبدالله كع
<aعبدالله كع
تاريخ التسجيل: 02-12-2008
مجموع المشاركات: 4841

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    داليا .. صباحك فل فل ..

    Quote: انا ما بقول النسوان يخلوا الشغل ويقعدوا في البيت ....


    انا بقول يخليهو : عديل ..

    في شغل احسن للمرأة من تربية عيالها ... وراعايتهم

    في شغل احسن للمراة من المحافظه علي بيتها وزوجها

    في شغل في دنيا للمراة احسن من تكوين واسرة يشار لها ..

    وحاتك يا داليا يا ختي ...

    لدي من الاخوات تلاثه : ضابطة شرطه - دكتورة - محاسبه

    جل التزاماتهم الاسريه ... تقوم بها الوالده .. ربنا يديها العافيه : والحمد لله ..


    ســـــــــــــــــــــــــــــــــــــؤال :

    كيف للمراة ( لوحدها ) ان توفق في تربية ومراعاة اطفالها بما فيهم زوجها وشغالها ؟؟؟؟؟؟؟؟؟؟
                  

08-29-2009, 10:20 AM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: PLAYER)

    Quote: تطوير وتنمية البلاد والبيوت مسئولية الرجل والمراة معآ

    تسلم يا بلير
                  

08-30-2009, 06:30 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: mayada kamal)

    حبيبتي ميادة
    Quote: ثانيا : الوضع الاكاديمي والعلمي فزي ما قلت ليك فوق صعب تتعبي وتتحصلي على شهادات عليا... وتجي تتنازلي وتبقى ست بيت فقط


    داالخطأالكبير القع فيه الناس ربط التعليم بالعمل فقط
    المرأة المتعلمة ست البيت افضل من المرأة الغير متعلمة ست البيت

    بعدين يا ميادة ست بيت دي ما حاجة كعبة عشان زول يتنازل ويبقاها
    دي من اسمى ادوار المرأة قاطبة يعلى شأنها بها حيث تقوم عى تربية الابناء..
    والنظرة بدونية الى المرأة ست البيت يجب انها تقيف لان قيمتي كانسانة لا تاتي من وظيفة

    او شهادة.بل من مدى وجودي الانساني وعمل في المجتمع


    Quote: المتخلف الجهلول قال لمن جاء يخطب تخيلي قال ليهم شنو
    ما دايرالقاعدة في البيت .... مع انو مافي شئ بيعيبها


    اها يا ميادة راجل ذي دا ما بجي على بيتي الاستهوان بمؤسسة ازوجية ببدا بسببهلليلة اختيار العروس
    يجي زول ذي الجاي مراح يقولعايز الزرقة ولا الطويلة ولا الصفرة طوالي بديه درس في الاخلاق
    لو محل ارة خالتك قوليه حنا ما جالبين بنات

    بعدين الزول دا بس عايز بت صغيرة عشان كدا قال م عايز القاعدة في البيت
    لاسع بكرة يقعد الصغرة في البيت... لانه لو التقتح البخليه يفهم حقالمرأة في العمل
    المفروض عنده الوعي البوريهالزواج بالطريقة العشوائية السبهلللية دي غلط
    بس الرجال عندهم زولة عندها ماجستير دي كبيرة في السن والعندها دكتوراه قدمها والقبر
    يقى زولكم دا عايز بت ثغيرة لا غيرز حيث عدد ضحم من الرجال يفضلوها قاعدة في البيت


    Quote: والان صورة المراة الست بيت ماشة في تلاشي ....


    الغربية ماشة في زيادة ست بيت باعلى الشهادات الاكاديمية
    قى المراة تفهم انه لا عها انها تكون ست بيت وانها صارت غير مربوطة بالجهل والامية


    Quote: وذريعته عادة بتكون استغلال للسلبيات اللي بيشوفها في (ست البيت) بتاعته اللي اما ما مهتمة بمظهرها نتيجة لانشغالها بشغل البيت واموره.... يا مقصرة في حقوق زوجها عشان برضو الشفع ما خدين كل وقتها ... وبالتالي حيلها انهد النهار كله ... ووووو



    دا برضوماصاح لانه المراة ست البيت عندها وقت اكثر قطعا من التي تلعب دور المنتجة
    والام الزوجة دائما مجيهات ومحننات ستات البيوت ديل.

    ولك التحية يا بنية
                  

08-29-2009, 10:10 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    داليا،
    كل سنة و انتي طيبة و تصومي و تفطري على خير ...
    _____________________-


    Quote: لكن احساس البيت واللاولاد اجمل واقرب وحنيييييييييين ,,, ما تتصوروا قدر شنو ...

    الأم قد تعمل خارج المنزل بدافع الحنية أيضا و لتوفير وضع افضل لأطفالها
    الحنية ما بس "تواجد"،
    للحنية أوجه أخرى أكثر فاعلية ...


    Quote: احلى حاجه تسويها المراه انها تكون ست بيت


    احلى حاجة تسويها المرأة أن لا تكون مجرد "ظل"
    و أن تكون انسان حر منتج بدون قيود أو إملاءات
    وقرارتها اصيلة و "عقلانية" ...
                  

08-29-2009, 10:39 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: عزاز شامي)

    عزاز . كل سنه وانتي طيبه ورمضان كريم ..

    اتشرفت بمرورك اول مره في بوستي ...


    المراه هي المراه ... مصدر العطاء والنبع المتفق للحنيه بره البيت وجواهو .. اتفقنا ...

    المراه مبدعه في الطب والهندسه والطيران وركوب الخيل ...

    الرجل مبدع في الطب والهندسه والطيران وركوب الخيل ...




    المراه طباخه ماهره وخياطه بارعه ...

    الرجل شيف عالمي ومصمم ازياء لا يضاهى



    المراه ست بيت ممتازه : تديره بحكمه

    تنظم مصاريفه وتوفر لاخر الشهر

    تقفل كويس لمن المطره تصب

    تدرس الاولاد وتدفع رسوم المدرسه والترحيل

    تهدىء من روع البت الكبيره اذا فاجاتها العاده الشهريه في المدرسه

    تهتم بامه وامها على حد سواء

    تبتسم له اذا جاء وتخاف عليه اذا تاخر

    تحل مشكله الولد الكبير مع السجاير


    الرجل : ما بيقدر على حاجه من الفات دا كلو ...




    تحياتي اليك
                  

08-29-2009, 10:43 AM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26313

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    Quote: احلى حاجة تسويها المرأة أن لا تكون مجرد "ظل"
    و أن تكون انسان حر منتج بدون قيود أو إملاءات
    وقرارتها اصيلة و "عقلانية" ...


    وهذا لا يتعارض البته مع انها تكون ست بيت بمحض ارادتها واصالة عن نفسها

    ويا داليا

    بنقوووووووو

    بوست موفق للدين
    فعلا افضل ما تفعله المراة انها تكون ست بيت

    لانه مافي افضل من انتاج انسان وتربيته على هذه البسيط
    وهذه مهمة لا يقدر عليها الا النساء
                  

08-29-2009, 10:54 AM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: وليد محمد المبارك)

    (((((وهذه مهمة لا يقدر عليها الا النساء)))))))

    بنقوووووو وليد ...
                  

08-29-2009, 11:44 AM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: وليد محمد المبارك)

    Quote: بحاول اتخيل بيتنا دا وامي في الشغل ...!!!!! لا حولاااااااااا مبااااااالغه ,,!!!

    دي فكره صعبه جدا .....

    كدي انتو اتخيلو ...؟؟؟؟؟؟

    سلام يا داليا يا بتي يومك سعيد
    كدي تعالي لي برواقه وناخد الموضوع دا حته حته .كدي وريني ماذا كان سيكون حال اي بيت لو الام في الشغل ؟؟؟؟
    ما الام بتمش الشغل متل ما الاب بمش الشغل ومتل ما الاولاد يمشوا المدارس انا عايزه اعرف ليه تكون المسئوليه العظيمه وجسيمه دي كلها علي راس الام ؟؟
    من ترتيب الافرشه الناموا فيها وقاموا خلوها في الشمش دا زمن الناس بتنوم في حيشان الله الواسعه
    والدولايب منكشه كل زول جر العايزه ومرق
    وعده الشاي ما تديك الدرب لي ما تكون المسئوليه دس مسئوليه الجميع ؟؟؟!!!
    كل زول قام في مواعيد مبكره لم فرشه وفرش سريره ورتب دولابه وغسل كبايه شاهيهو ومرق الشغل او المدرسه .
    يعني يخلو البيت دا مرتب وكان ست البيت قاعده وما مرقت الشغل.
    والله يا بتي فترنا من ساقيه جحا دي تصدقي بالله مرات لمليم كبابي المويه بس بتاخد مني نص ساعه لانه مافي قرد منهم بشرب بالكبايه مرتين يعني لو شرب عشره مرات بيكون استعمل عشره كبابي ولا اكون انا شغاله غسيل كبابي
    وتعالي شوفي طبعا البنات ما دايرات يبوظن الاظافر اها بت بتدخل يدها في غسيل عده ما في والعجيب لو بقن حلل اوالطوه هوي بنوت الزمن دا بقن مستهبلات وانتهازيات د
    ايرات يرتاحن فوقنا ونحن قلنا الروووووب .(حليل زمنا نحن بنات السرور الريحنا امهاتنا يقعدن يشرب الجبنه ويتونسن ونحن نكون داعاكات)
    اها دخلت الحمام لقيتي البشاكير والهدوم بالكوم والردوم \
    و الشراب ملكدم متل الكوره وفي واحدين من جنب السرير ما بحركوه او يرموه ليك في سبت الغسيل احيييييي تاني من ورم فشفاشي .
    اها مرقتوا بي ابوكم الشغل انا لازم اقوم اشوف محل الاكل وين يعلم الله من شيل الاكياس يديني اتملخن وتعالي شوفي بعد رجعتوا كل زول سال: عملتي شنو اليوم ؟؟
    جاوبتيهم طوالي تلاحظي فيهم زول كرضم وشه ولا عمل ليه حركه وكانك طبختي ليهم جنازه بحر .
    البتاكلوا البت ما بدوروا الولد البياكلو الولدما بدوروا الابو
    اها تقومي بعد داك قلب الام تسوطي من اول وجديد .
    الناس قاعده ومرتاحه انت تحومي بجك العصير وبالمقشر من الفاكهه لكين لو جبتيه بس ورميته في التلاجه لما يبوظ ما عندهم زمن لقشيره ولا تقطيعه ولا بمشوا عليه
    اها تقومي تقولي بلاش اشتري فواكه
    طوالي جوا فتحوا التلاجه لقوا ما فيها شئ تعالي شوفي النقه
    تلاجتكم فاضيه علي عروشها
    اصلوا ما فيها غير مويه
    بالله اعملوها دولاب عده !!.
    ودا كلو عشان شنو؟؟؟
    عشان الام قاعده في البيت لازم تعمل كل شئ وتخدم الاسياد .
    اجازه الله والرسول دي الام ما بتاخد اجازه.
    لانه حضرتها ما شغاله في مكتب ولا بتدخل قروش معناتو انها كانت طول السنه في اجازه
    والاب هو الشغال بجيب القروش والاولاد هم التعبانيين بمشوا المدارس ولا بمشوا للشغل ووووووب انا فترت يعلم بي الله حيلي اتهد
    يا مؤمنيين خدمه اربعين سنه من غير اجازه.
    يا ناس حقوق الانسان الحقوني يا اخي
    عايزه اجازه في جزير هاوي شهر بس .
    هوي اها النقوم ارمي القراصه للفطور
                  

08-29-2009, 12:09 PM

ايهاب اسماعيل
<aايهاب اسماعيل
تاريخ التسجيل: 04-02-2008
مجموع المشاركات: 1118

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: doma)

    Quote: احلى حاجه تسويها المراه انها تكون ست بيت ...!!!


    سلام داليا

    وفي أحلي من كدة...المرا للبيت مهما تعلمت وتميزت المرا ياها المرا البيت....الاطفال....التربية ووو دا طبعاً رأي ناس أهل العوض..

    ورأي ناس الجندر أنو التوافق هو الحل الامثل بين متطلبات العمل ووأجبات الاسرة والshairing life :

    لكن لو دايرة رأيي نصائح خالتك دومة أقريها بعين الاعتبار لانها ببساطة تعبر عن التميز والريادة التي تتمتع بها المرأة السودانية في المجتمع والاسرة

    Quote: يا ناس حقوق الانسان الحقوني يا اخي
    عايزه اجازه في جزير هاوي شهر بس .
    هوي اها النقوم ارمي القراصه للفطور






    ههههههه

    خالتك زهجت من المطبخ دايرة تمشي هاواي.......
                  

08-29-2009, 12:14 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26230

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: ايهاب اسماعيل)

    أحلى حاجة تسويها المرأة إنها تكون ما نقناقة.



    _____
    الباقي - كلو - مقدور عليهو.
                  

08-29-2009, 12:16 PM

وجن
<aوجن
تاريخ التسجيل: 07-30-2002
مجموع المشاركات: 1796

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: ايهاب اسماعيل)

    رائعة ود الرضي

    بريدا براها
    ترتاح روحي كل ما اطراها
    ست البيت

    قالت جارتها مجاوراها
    تجي شايلة وتجي مزاوراها
    تلحظ احتياجنا براها
    نشكر سعيها بي وراها

    ربنا بالجمال كافاها
    لامن قال قواما كفاها
    المسرورة مي تافاهة
    يا حلاة الكلام في فاها


    مي العزاية دايماً سادا
    ومي الغبشة المغبرة حادة
    مي اللهفانة بي ورا المادة
    دي اللي شبابا ديمة موادة

    ومن صابحتها وماسيتا
    طاعمة وناعمة لو مسيتا
    ما قاستني ما قاسيتا
    وتشكر فضلي كل ما كسيتا

    وليه ما اشكرا مطاوعاني
    حافظة لي متعتي وحافظاني
    حاوية من الانوثة معاني
    مهما ابقى مر بالعاني


    ان كان يوم حبيب واصلي
    الكرم العريض يوصلي
    منها قط خلاف ما حصلي
    بس ازعاجها لي قوم صلي


    أها ياهودي الكلمات لقيته في بوست وليد المبارك
    كراس خارجي
    سعتها في شريط قبل سنتين وعجبتني شديد
    بس ماكنت عارفة كاتبه ولا المغنياسمو منو

    شكرا ليك شديد يا وليد
                  

08-29-2009, 12:28 PM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26313

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: وجن)

    Quote: شكرا ليك شديد يا وليد


    تسلمي وجن

    كاتبها ود الرضي زي ما مكتوب فوق

    وفي الشريط السمعيها فيه
    افترك بكون مؤديها الفنان مبارك حسن بركات
                  

08-29-2009, 12:31 PM

وجن
<aوجن
تاريخ التسجيل: 07-30-2002
مجموع المشاركات: 1796

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: وجن)

    العزيزة دوما
    فعلا والله كلامك في محلو
    لكن الحاجات دي طبعا
    كل زول قام في مواعيد مبكره لم فرشه وفرش سريره ورتب دولابه وغسل كبايه شاهيهو ومرق الشغل او المدرسه .
    يعني يخلو البيت دا مرتب وكان ست البيت قاعده وما مرقت الشغل.

    بتعتمد برضو على ست البيت لازم لازم لازم تغرس فيهم حس المسؤوليه دا
    منذ الصغر عشان لما يكبروا ما يتعبوها وما تسمعي كلام الراجل لما يقول ليك الشفع صغار ما تقصي ضهرن
    ولا الواحد يكون فرحان بوليداتو التقول جابن من بيت ابو طبعا الأم أحن منها عليهم مافي
    وبعدين طبعا الحاجات دي بتنفعم لما يكبروا وحتى الأولاد لازم يكونوا في درجة واحدة مع البنات
    ماف أنا ولد لا أنا راجل والحركات دي
    المهم الكلام كتير
    واستمتعت جدا بما كتبيتي ونتمنى ليك اجازة سعيدة في هاواى
                  

08-29-2009, 01:49 PM

عبدالله الشقليني
<aعبدالله الشقليني
تاريخ التسجيل: 03-01-2005
مجموع المشاركات: 12736

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: ايهاب اسماعيل)




    سيدتي ، صاحبة الملف ،
    وسادتي ،
    أحبتي الكرام والأخوات الفضليات .

    لكم كل منازل التحية وموفور الاحترام ،

    وإني آمل أن تتسع الصدور أكثر برحابتها التي نعرف ، لتتقبل رأي
    يأتي من دون روافده العادية .
    مع رجاء السماح بتقبل المداخلة أن تشق طريقها بين الرؤى علنا نبتدع طرائق
    جديدة للنظر للأشياء القديمة .

    لا أعرف مدخلاً مناسباً لتناول الموضوع ، ولكني أبدأ من غير ما ألف المتداخلون :
    أين البيت ؟
    وإن وجد ، ما أركانه ؟
    وما العمل وتقسيم العمل ؟
    وما الرجل وما المرأة ؟
    ما الأب ؟
    وما الأم ؟
    وما الإخوة والأخوات ؟
    وما الأطفال؟ و ما هي مؤسسات تربيتهم ورعايتهم ؟
    وما المدرسة ؟
    وما الجامعة ؟
    وما الدنيا ؟
    وما الحياة ؟
    منْ يخدم منْ ؟
    أسمعتُم بالمطبخ الذي صُمم ليخدم المرء نفسه ؟
    أسمعتُم بالنبي الذي يرقع حذاءه ويخيط ملابسه ؟
    أسمعتُم بزوجة النبي التي كانت تعمل في التجارة واستخدمت النبي عندها قبل الرسالة وتزوجته ؟
    أسمعتُم بزوجة النبي التي أخذته لورقة بن نوفل لمعرفة ماذا حلّ بالنبي من بعد هبوط الوحي ؟
    أتكون تلك السيدة ربة منزل فحسب ؟
    أتعرف هي هموم النبوة من مجرد ربة منزل أم من خبرتها في العمل والحياة ؟
    أتدرون أن تاريخ حياة تلك السيدة الفاضلة مضى عليه أربعة عشر قرناً ونيف ؟

    إن الحياة أكبر من بيت تديره امرأة أو يديره رجل .

    لقد كتب الشاعر إدريس محمد جماع :

    نمشي على الدرب الطويل ولا يطيب لنا مدى
    إن الحياة بسحرها نغم ونحن لها صدى
    من مات فيه جمالها فمقامه فيها سُدى

    (عدل بواسطة عبدالله الشقليني on 08-29-2009, 01:54 PM)

                  

09-02-2009, 08:39 AM

Hisham Osman
<aHisham Osman
تاريخ التسجيل: 09-29-2006
مجموع المشاركات: 1210

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: عبدالله الشقليني)

    Quote: إن الحياة أكبر من بيت تديره امرأة أو يديره رجل .
                  

08-29-2009, 12:20 PM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26313

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: doma)

    Quote: يا مؤمنيين خدمه اربعين سنه من غير اجازه.
    يا ناس حقوق الانسان الحقوني يا اخي
    عايزه اجازه في جزير هاوي شهر بس .
    هوي اها النقوم ارمي القراصه للفطور


    خاله دوما
    ربنا يعينك بركة رمضان ده
    ويديك حسب مجهوده ونستك
    وينجح ليك اولادك
    ويعيشك في سعاده
    وانت تستاهليها



    عشان كلامك الفوق ده قال الرسول

    امك ثم امك ثم امك

    تسلمي ياخ
                  

08-29-2009, 12:22 PM

إدريس محمد إبراهيم
<aإدريس محمد إبراهيم
تاريخ التسجيل: 03-13-2006
مجموع المشاركات: 2762

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: doma)

    Quote: في رجل يستاهل انو تخلي الدنيا علشانو .. مش بس الشغل .. ومرات بيكون السبب الاولاد اللي بيكونوا اهم من اي حاجه في الدنيا ...



    الأخت العزيزة / د. داليا ...

    أولاً رمضان كريم .. وأتمنى أن تكوني وجميع من حولك بألف خير .. وبصراحه إنسانه زيّك وبمواصفاتك وكرمك الظاهر وحبك لعمل الخير (الحلو مر عابر القارات ، والاتصال المجاني مثالاً) أكيد إن شاء الله وبي دعوات كل الناس البيحبوك (وأولهم أمك الاشتريتي ليها حاجات رمضان) - شفتي أخوك متابعك كيف يا دكتوره؟..- سوف يرزقك الله وفي القريب العاجل بحوله وقوته بعريس يستاهلك ويستحق هذه الإنسانة الاصيلة ذات الخصال الجميلة النادرة ... وأكيد بتكون أمو داعيه له...

    يا داليا مسألة (أحلى) حاجه تعملها المرأة إنها تكون ست بيت معاك ألف حق فيها ... لأنها ستكون الملكة التي تدير مملكتها بنفسها ، وتشرف على كل صغيرة وكبيرة فيها، وأهم حاجة تربية الأولاد حتى لا تضطر لترك أولادها يترعرعون في حضن (الشغاله) ويستقون منها الكثير من الآفات .. الطفل كما تعلمين محتاج لحنان ورعاية دائمة شاملة من الوالدين (وخاصة الأم) الشيء الذي لا يتوفر للمرأة العاملة كما يتوفر لست البيت، وبالطبع هذا لا يمنع أن تعمل المرأة إذا حتمت ظروف الأسرة ذلك.

    في النهاية لا أملك إلا أن أدعو الله أن يمنحك أختي داليا أكثر مما تتمنين ... وأن يملأ حياتك بكل السعادة التي تستحقين.

    مع خالص شكري وتقديري للجميع؛؛
                  

08-29-2009, 01:15 PM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: doma)

    Quote: من ترتيب الافرشه الناموا فيها وقاموا خلوها في الشمش دا زمن الناس بتنوم في حيشان الله الواسعه
    والدولايب منكشه كل زول جر العايزه ومرق
    وعده الشاي ما تديك الدرب لي ما تكون المسئوليه دس مسئوليه الجميع ؟؟؟!!!


    طيب منو اللي بيعلم الناس الصغار .. انهم لمن يكبروا شويه يعملوا كده ؟؟؟ مش ست البيت؟؟؟

    Quote: وتعالي شوفي طبعا البنات ما دايرات يبوظن الاظافر اها بت بتدخل يدها في غسيل عده ما في والعجيب لو بقن حلل اوالطوه هوي بنوت الزمن دا بقن مستهبلات وانتهازيات د
    ايرات يرتاحن فوقنا ونحن قلنا الروووووب .(حليل زمنا نحن بنات السرور الريحنا امهاتنا يقعدن يشرب الجبنه ويتونسن ونحن نكون داعاكات)


    ابدا والله ما حاصل .. نحن في البيت 3 اخوات والحمدلله التلاته بنعمل اي حاجه ... اي حاجه including العواسه .. ومع كده امنا الله يديها الصحه والعافيه ست بيت ممتازه وهي اللي علمتنا الاكل الطاعم
    الشغل المرتب ... ولحدي الان , مكان ما مرتب او حله ما مزبوطه ما بتقع لينا خالص ..




    Quote: تلاجتكم فاضيه علي عروشها
    اصلوا ما فيها غير مويه
    بالله اعملوها دولاب عده !!.


    ........!!!!!!! وريني الولد البيقول ليكي كده عشان اجضمو ليكي .. اححححححي ( وش عاضي اصبعو)


    Quote: عشان الام قاعده في البيت لازم تعمل كل شئ وتخدم الاسياد


    ليه ما تقول يتخدم الناس البيحبوهم وبيحبوها .. وما بيقدروا بدونها



    خالتي الدومه .. شغل البيت حاجه بنعملها بكل حب .. اكيد في زهجات مره مره كده لكن لا تلبق انها تروح لحالها وتستانف ست البيت نشاطها المعتاد بكل حب ...

    بكل حب يا خالتي دومه ... لو بدونو مافي زول بيقدر يبلعو .. بيكون حاااااامض زاتو ..

    تخريمه : اجي ارمي معاكي القراصه ؟؟؟ شكلك بت عمي .. يديك العافيه
                  

08-29-2009, 03:16 PM

Solafa Alagib

تاريخ التسجيل: 09-13-2006
مجموع المشاركات: 563

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    بوست تماااااااااااام والمداخلة بعد الفطور حيث الرد عن تجربة


    تحية لصاحبة البوست والناس اللى نكشهم البوست دا ورمضان كريم عليكم وعساكم من عواده

    د:سلافا العاقب
                  

08-29-2009, 03:29 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Solafa Alagib)

    دكتورة سلافة كل سنة وانت والعائلة بخير وعافية ...
                  

08-29-2009, 06:18 PM

سارة علي
<aسارة علي
تاريخ التسجيل: 07-08-2008
مجموع المشاركات: 4413

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: عابدون محمد عابدون)

    عدلتها ..


    ـــــــــــــــــــــــــ
    عليكم الله تاني افهمونا كويس..كي بوردي زهج من امسح وعدل

    (عدل بواسطة سارة علي on 09-05-2009, 10:31 PM)

                  

08-29-2009, 07:41 PM

بشير جبريل علي
<aبشير جبريل علي
تاريخ التسجيل: 08-03-2006
مجموع المشاركات: 785

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: سارة علي)

    Quote: غايتو انا لو كنتا عزابي في البورد دة ما كنتا فوتا الفرصة دي..

    سارة علي ده شنو ده ..يعني لو كنتي عذابي أو عذابية كان عرستي ولا عرستا ما عارف
    داليا الكباشي ..؟؟!!!
    داليا ..هسي ده ما إحساس كدة لمن تعيشي التجربة وتطبقيهافي الواقع تعالي قولي لينا رأيك ..

    تحياتي ..
                  

08-29-2009, 07:57 PM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: بشير جبريل علي)

    حكمة اليوم
    الرجل الذكي يتزوج شريكة لحياته وليس خادمة لحياته
    والمراة الذكية تتزوج من تشاركه في القرارات وليس من يأمرها بالقرارات
    حكمة الغد
    قطار الزوجية يحتاج لسائقين وليس لسائق ومساعد حلة
    ..............
    الله يديك العافية يا ماما دومة
                  

08-29-2009, 10:04 PM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Solafa Alagib)

    دكتوره سلافه ...

    مرحب بيك الف ...

    منتظرنك ..

    شكرا لمجرد المرور يا جميله .. ارقدي عافيه لمن تجي تاني ..
                  

08-31-2009, 08:54 AM

شرفى عبدالقادر
<aشرفى عبدالقادر
تاريخ التسجيل: 08-11-2009
مجموع المشاركات: 1437

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    *****
                  

08-29-2009, 08:06 PM

Frankly
<aFrankly
تاريخ التسجيل: 02-05-2002
مجموع المشاركات: 35211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    Quote: Guys: a word of advice. Marry pretty women or ugly ones. Short ones or tall ones. Blondes or brunettes. Just, whatever you do, don't marry a woman with a career.

    M Noer

    يا شباب: نصيحة. تزوّجوا نساء جميلات أو قبيحات, قصار أو طوال, شقراوات أو بنُيات الشعر , مهما فعلت, فقط لا تتزوج أمراءة عاملة

    مايكل نور
                  

08-29-2009, 08:37 PM

Nuha Ahmed

تاريخ التسجيل: 07-16-2008
مجموع المشاركات: 159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Frankly)

    احلى حاجة يسويها الزول يكون نفسه ويختار خياراته بصدق
    _____________________________________________

    التحية للنساء العاملات الناجحات المجتهدات
    التحية لربات البيوت
                  

08-29-2009, 09:54 PM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Nuha Ahmed)

    نهى احمد .. عزيزتي ...

    Quote: احلى حاجة يسويها الزول يكون نفسه ويختار خياراته بصدق
    _____________________________________________

    التحية للنساء العاملات الناجحات المجتهدات
    التحية لربات البيوت



    كما يقول وليد .. بنقووووو .. جبتي المفيد ..

    يديكي الف عافيه وشكرا لمرورك الجميل ...
                  

08-29-2009, 10:20 PM

Solafa Alagib

تاريخ التسجيل: 09-13-2006
مجموع المشاركات: 563

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Nuha Ahmed)

    بعد اذنك يا داليا(هو بالالف ولا بالتاء المربوطةدالية اللي معناهو ورق العنب؟؟)



    عابدون محمد عابدون ,,,,,,,,,,يعني بس تجيبك القراصة كل رمضان ,,,تتخيل انو الكلام دا مرت عليهو سنة,,,عساك طيب وعساكم من عواده

    ومبسوطة جدا جدا بتذكرك لى,,,والقديمة بنات تحييكم




    مريم بت الحسين رمضان كريم والزولة دى الله يجعل سيرتنا زى سيرتا الكل بيحبها,,,,وبحس اننا بنشبه بعض في حاجات كتيرة وسمحة,,,



    بلير,,,,,رمضان كريم عليك يا صاحب البوست القوي,,,,,لماذا(رغم انى كنتا عايزاها هل)يقتل الزواج طموح السودانيات



    حسين ملاسي,,,,كلامك عجبنى بخصوص النقة,,,,برضو رمضانك كريم
                  

08-29-2009, 09:49 PM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Frankly)

    فرانكي ...

    Quote: فقط لا تتزوج أمراءة عاملة


    اكيييييييييييد ما موافقه على الكلام دا ... التحيه للمراه العامله .. التحيه للمهندسه والكاتبه و الدكتوره والتشكيليه وست الشاي ...

    التحيه اليهن جميعا وهن يتميزن , داخل البيت وخارجه ...

    المراه العامله كاي امراه .. لها حقوقها الطبيعيه في الحياه , ان تتزوج وتنجب وتربي ...

    شكرا فرانكي على المرور الجميل ...
                  

08-29-2009, 10:24 PM

yasir Abdelgadir

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    بعد ظهور لعيبة ليبرو وقشاشين (خبرة ومحترفين) في الميدان...بدأت ست البوست تغير رأيها من موضوع ست البيت


    وإتضح إنها برلومة في الشغل وفي البيت
                  

08-29-2009, 10:44 PM

داليا الكباشى
<aداليا الكباشى
تاريخ التسجيل: 07-23-2009
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: yasir Abdelgadir)

    Quote: بعد ظهور لعيبة ليبرو وقشاشين (خبرة ومحترفين) في الميدان


    احترامي لكل التداخلين اعلاه .. وفيهن صديقات عزيزات واخوات رائعات .. احترمهن جميعا بدون فرز ...


    Quote: بدأت ست البوست تغير رأيها من موضوع ست البيت


    ابدا ما حصلش .. ست البيت اجمل وظيفه في العالم تليق بالمراه لانو ما في زول غيرها بيقدر يتميز فيها .. لو قدرت تكون ست بيت بس ..

    لو ما قدرت .. التحيه ليها لانه عامله ومع العمل بتغطي احتياجات اسرتها وهو شيء صعب جدا وتحسد من تستطيع الايفاء به ..


    Quote: وإتضح إنها برلومة في الشغل وفي البيت


    شكرا على مجاملتك الرقيقه ... في زول لاقي يصغروهو ويقول لا .. لوووووووول

    ياسر شكرا على مرورك الجميل .. وارقد عافيه ...
                  

08-29-2009, 11:33 PM

Solafa Alagib

تاريخ التسجيل: 09-13-2006
مجموع المشاركات: 563

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: داليا الكباشى)

    المخرجة المصرية ايناس الدغيدي كتبت مرة من المرات انو المراة الناجحة هي التى تنجح في حياتها العملية والاسرية معا فالنجاح لا يتجزأ

    ودى حقيقةحاصلة ومعاشة,,,وانا طول عمرى كانت ولازالت عندى وجهة نظر اقبض عليها بشدة ,,,انو في اي لحظة احس انو عملى اثر على حياتى

    الاسرية باى شكل سلبي بخليهو ,,,ما بقول بضحي بيهو عشان التضحية دى غالبا ترك شى تحبه لشي لم تكن لتحب ان تفعله لو ترك ليك الخيار

    فالامر هنا ما فيهو اى نوع من التضحية وانما هي موازنات,,,اترك شى احبه لشي احبه اكثر,,,احبه اكثر من حياتي نفسها


    عمر المعاناة في مهنة الطب قصير صدقيني يا داليا ,,ما لم تختارى بمحض ارادتك تخصص مرهق جسديا(والمهنة اصلا مرهقة ذهنيا)كالجراحة او

    الاطفال او النساء والتوليد فعمر المعاناة فقط فترة الامتياز ال16 شهر وكثرة النبطشيات وقيام الليل ومرور الدغش والclearance وال

    on call هي فترة علي قدر معاناتها تصبح من اثري واجمل الفترات في حياتنا كاطباء وفيها وفي غمرتها وفي عز ضغطها فعلا تحدثك نفسك

    بترك كل هذا(الهراء)والخلود للمنزل,,,, كنا بنقول في حينها,,, مالم حبوباتنا؟؟؟ ماتراهم عاشو وماتو مرتاحين ومبسوطين,,,ياربي!!!
                  

08-29-2009, 11:54 PM

Solafa Alagib

تاريخ التسجيل: 09-13-2006
مجموع المشاركات: 563

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Solafa Alagib)

    لما اقول بخلي شغلي ما بعنى اسيبو واقعد في البيت نهاااائي,,,ابدا,,,احاول اشكلو يعني انا طبيبة اشوف تخصص خفيف ,,,ما شرط العيادة

    كل يوم المسا,,,ممكن اتجه للدراسات العليا واكتفي بالتدريس في الجامعة ,,,مرت علي فترات كنتا فيها ست بيت لظروف ما كنتا بكتب مقال

    اسبوعي في صحيفة السودانى,,,, المهم انك تنتجى حاجة متجددة مختلفة عن الطبيخ والتحمير والغسيل (او الاشراف عليه).

    اى راجل يا داليا يحبك و(يحترمك)والاحترام دا ما معناها يفتح ليك باب العربية لما تجى تركبي لانو السواق ممكن عادى يعملا,,,انا اقصد

    يقدر تعبك ولو بابتسامة وتحت تحت شكر قدام امو واخواتو,,,ياخد برايك في امور حياتية مشتركة(ما الحياة دى حقتكم انتى وهو)حتي لوكنتى

    ست بيت ساي ما امرأة عاملة او حتى لو كنتى ما متعلمة ,,,اى راجل يتعامل معاكى علي انك (من القوارير)التى يجدر الرفق بها,,, اى راجل

    يلاحظ الحاجة السمحة ويعلق عليها زى الحاجة الكعبة اللي بينتقدا,,,اى راجل بالمواصفات دى يادالية وياكل بنات حوا,,,, يستااااااهل




    يستاهل لو حكمت الظروف انك تقعدى ليهو في البيت وتولعى ليهو اصابع يدك اليمين لو الكهربا قطعت
                  

08-30-2009, 00:08 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Solafa Alagib)

    احسن حاجة عملتها في حياتي اني قعدت في البيت

    لكن قعدت قعدة ايجابية جدا
    قريت كمية من الكتب وحاولت اللاحق احلامي باني اكتب قصص

    نهائي ما حبيت العمل خارج المنزل..

    معك يا داليا احسن حاجة تسويها المرأة تقعد في البيت
    لكن بقناعة تامة موش مجبرة..عشان ما تحيل حياة اهل بيتها الى جحيم
    بسبب الاحلام المجهضة..

    مح تحيات صحن شبكة ربات البيوت لحقوق الانسان
                  

08-30-2009, 00:14 AM

filan
<afilan
تاريخ التسجيل: 02-17-2002
مجموع المشاركات: 517

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Solafa Alagib)

    غايتو الطبيبة والمدرسة ديل المفروض يتشغلوا قبل وبعد الزواج .
    التعليم والطب مـُقدسات برضو.
                  

08-30-2009, 00:07 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Solafa Alagib)

    والله يا د.سلافا انا جيت داخله مما شفته اسمك.. وقلت بسسسسسسسس جات ست الشي زاااتو
    Quote: مريم بت الحسين رمضان كريم والزولة دى الله يجعل سيرتنا زى سيرتا الكل بيحبها,,,,وبحس اننا بنشبه بعض في حاجات كتيرة وسمحة,,,

    ولما قريت كلامك لي.. فعلا جاني احساس زي ده.. انه فعلا بنتفق في حاجات كتيره... وليك تقدير خاص جداً عندي.. رغم اننا لعبنا لينا ماتش واحد بتاع بيج بونج في بوست Player اللاعب الخرافي في مواضيع البوستات...

    انا برضه اعتقادي كده.. اسرة الطبيبة بتعاني في البداية بس... لكن بعداك برتاحوا.. وانتو ادرى مني في الحته دي طبعا.. لكن لما اسرتها تتحملها شويه في العصرة بتاعت البداية دي، بعداك الامور بتمشي بصورة كويسه...

    داليا، يا عزيزة.. انا فاهمه انه موضوع البوست حقك انحرف شويييييييه كده عن الكنت عايزه تقوليه.. انه ست البيت هي البتجيه البيت.. لكن احنا النساء العاملات عندنا شعور خفي بالذنب.. ده شي انا شفته في اوبرا (حسي تجيني سمارت تشاكلني) .. كل النساء بعيشوا الدوامة دي... المرأة العاملة بتحس انها لو قعدت في البيت احسن، والقاعده في البيت بتحس انها لو اشتغلت احسن.. وفي النهاية، الجانبين بهاجموا بعض في سبيل انه كل جانب يثبت انه الجانب الاخر مقصّر.. عشان يحس انه ما مقصّر (فهمتي حاجه؟!).. من ناحيتي، اسأليني عن الشغل، ما حاقول ليك اي فائدة من فوائده المباشره في نفسي، وفوائده عظيمه بالنسبة لي.. لكن حأقعد اقول ليك انه محمود (ولدي الوحيد) قاعد في البيت الوقت كله (احنا عايشين في السعودية) وانه لما انا امشي الشغل بمشي الحضانه احسن ليه من قعاد البيت.. وانه نادر (زوجي) بجي من الشغل اساساً متأخر.. وانه اجازاتي كتيره.. ودوامي قصير.. وعندي يومين اجازه في الاسبوع.. وبشتغل 169 يوم في السنة.. وبعد اخلّص تحضير حيكون دوامي، وقت محاضراتي بس وامشي البيت! برضه حأقول ليك انه لو جبته اخو او اخت لمحمود، حاقعد معاه أو معاها سنة في البيت.. عشان ياخد رعايته بالكامل من غير نقصان! ده عليك الله موش كلام زول حاسي بالذنب؟

    المحك ببقى وين، وزي ما قالت ليك د.سلافا انه المرأة ترفع شعار "البيت أولاً"....عشان نضمن انه البيت يكون مفرّش ومبخر لما الراجل يجي.. والولد نظيف ومستحمي.. والحلّة مسبّكة..


    كده اعتقد الامور وضحت

    محبتي لكم..

    بنت الحسين
                  

08-30-2009, 00:54 AM

Solafa Alagib

تاريخ التسجيل: 09-13-2006
مجموع المشاركات: 563

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: مريم بنت الحسين)

    طبعا يامريم ياعسل انتى ماخدة راحتك بعد ما التتار العندك نامو(نادر ومحمود) زى المغول العندى(سيد ويزن) اولئك الارهابيين الذين

    نحبهم ونموت فيهم(موتت كدا زى ما بقول سيد).

    في واحدة من اعداد الريدر دايجست العندنا في مكتبة البيت الكبير(حلوة مش كدا انا زاتى عجبتني)مقال جميل بعنوان علم زوجتك كيف تعيش

    من بعدك,,,بعدك دى ياخوانا فيها المرض وفيها الموت وفيها الطلاق والعياذ بالله,,,فيها ظروف الدنيا المامعروفة,,,سجن بشيكات طايرة,,,

    اغتراب,,,فيها زواج تانى عديل كدا(هئهئهئهئ),,,المحصلة انو الواحدة ماتغرق في شبر موية,,,يعني مثلا مرة مرة تغشي السوق تجيب الخضار

    ,,,تجيب الكهربا,,تقيف مع عمال الصيانة في البيت,,,انا ما بقول تمشى السجانة تجيب ماسورة ستة لينيا ولا تعرف الفرق بين مقتاح13

    والمفتاح الانجليزي,,,بس مجرد وزنة للامور الحياتية اليومية.

    والناس اللي بيقولو ما تتزوج امرأة عاملة ما بيدو صورة الحياة الزوجية ابعادا الطبيعية ففي الزواج

    We are searching for a humanbeing not searching for a job

    بالتالى لافرق بين عاملة وست بيت بل الفرق يكمن في القيمة الانسانية في داخلنا.

    حكت لينا امى الله يديهاالف عافية(وهى بالمناسبة استاذة لغة انجليزية تركت العمل بمزاجا)عن واحدة من جاراتا صحت يوم الصباح بعد ما

    الرجال والعيال طلعو قامت تبكي بعزم ما فيها اكنو مات ليها عزيز,,النسوان ديل اي واحدة توبا حصلا هناك,,مالك يا زولة,,,قالت نفس

    الحوش اللي كنستو امبارح الليلة بكنسو,,نفس المعالق اللي غسلتها امبارح الليلة بغسلا,,نفس السراير اللي,,,,وهي تعدد والنسوان يضحكو



    ياخوانا انا حاسة انى براى المساهرة اكتب ساي الا بارك الله في بت الحسين اخيتي المشاركانى دى
                  

08-30-2009, 01:02 AM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Solafa Alagib)

    العزيزة د/سلافة
    بلير,,,,,رمضان كريم عليك يا صاحب البوست القوي,,,,,لماذا(رغم انى كنتا عايزاها هل)يقتل الزواج طموح السودانيات.
    الله أكرم لك ولجميع أفراد أسرتك الكبيرة والصغيرة....
    في البوست الصيغة المناسبة( لماذا يقتل الزواج طموح السودانيات ) ..
    الحمدلله ربنا جابك والدكتورة مريم(لو ما انتي ومريم ما كنت راجع البوست دا تاني لانو يبدو لي انو صاحبتها ما عاجبها كلامي او اعتبرت انو قصدتها شخصيآ في حين قصدي لرفض تضحية المراة بحلمها وطموحها من أجل الزواج ما لم يكن هناك دافع قوي علي رايك ....لان الحقيقة الرجال يشاركون أكثر في شئون البيت ورعاية الاطفال مع الزوجة العاملة خاصة عندما تقول انها تعبانة, يقدر الزوج ذلك, علي العكس مع زوجة البيت حيث يتعامل الزوج كالضيف عند دخوله البيت البيت(يريد كل شي جاهز وامامه واذا الطفل شيئآ يكون رده:أمشي لأمك,وأذا قالت فترانة شوية يرد: من شنو من........
    المهم
    الحمدلله ربنا جابك ومريم عشان الواحد ياخد رجله وعدل لباب الخروج من البوست وما يطاوق الا بالشباك بس ,قناعة بانكما خير وأفضل من يقولن الحق لصاحبة البوست بحكم أشتراكم معها في مهنة الطب وخبرتكم عليها بالزواج.
    العزيزة د/بنت الحسين
    رمضان كريم وكل عام وانت بخير
    شكرآ لكلماتك
                  

08-30-2009, 01:11 AM

Solafa Alagib

تاريخ التسجيل: 09-13-2006
مجموع المشاركات: 563

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Solafa Alagib)

    دى مداخلة صغيرونة وماشة انوم عشان والله تعبت من اللابتوب وهو زاتو تعب منى


    اول يوم في اول رمضان لي في بيتي(انا براي)جينا من الشغل سوا انا وعزيز دنياي,,ما عشان شغالين في نفس المكان(وان تشابهت المهنة)

    وانما اتفقنا نتلاقي في مكان معين ونجي سوا(نوع كدا من الشوق الغير منتهي)المهم جينا داخلين سوا,,,هو مشي استحما وغير ورقد قصاد

    المروحة قدام التلفزيون وانا بعد نفس الطقوس سريع علي المطبخ,,,فجأة اتذكرتا منظرو وهو ممدد مرتاح يتنهد بكل استمتاع من الهواء

    البارد,,,والله استغربت ابدا ما بقول زعلتا ولابقول هانت علي روحي,,,بس استغربت وقلت في عقل بالي ,,,بالله هو الموضوع كدا,,,والله لكن دى

    قصة وواصلت شغلي عادي,,,,هو اللي ما هنتا انا عليهو ورفعتا راسي لقيتو واقف في باب المطبخ وبيقول لي بالحرف,,,,عايني انا والله ممكن

    برضو اعمل حاجات كويسة بس وريني اساعدك في شنو,,,,,وكبرت كراعي من الفرح نص في الارض ونص في النعال,,,علي قول الراحل المرهف الدوش

    واديت نفسي تحيةو,,,,وحسيت انو كفاية جدا احساسو دا حتى لو ما عمل اى حاجة( لكن والله قشر لي الفواكه)
                  

08-30-2009, 01:21 AM

Solafa Alagib

تاريخ التسجيل: 09-13-2006
مجموع المشاركات: 563

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Solafa Alagib)

    تسلم يا بلير وانا يعز علي خروجك واختلاف الراى لايفسد قضية الود المتبادلة في المنبر ابدا ابدا,,,وداليا نفسها اوضحت انو كلاما مجرد

    راى قابل للنقاش وللتغيير.


    قبل دقايق جانى ابو يزن وابتسم ابتسامة(بمبية)اعرفها تماما,,,قال لي ,,انتى الشوربة الهناك دى,,,وتانى ادانى نفس لون الابتسامة ولانى

    (لبيبة)قلتا ليهو حاضر وبهدؤ غادرت الجهاز وذهبت لارض معركتى(مطبخى)وجهزت اشوربة اللي معمولة اصلا عشان خاطر عيونو من غير ما احس انو

    الامر نقص من جندريتى والكلام الكبار داك او اسال نفسي سؤال الشدة داك ,,الراجل دا بستاهل اقوم ليهو من النت هسي,,,اااااي بستاهل
                  

08-30-2009, 01:26 AM

Solafa Alagib

تاريخ التسجيل: 09-13-2006
مجموع المشاركات: 563

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: احلى حاجه تسويها المراه انها تكون ست بيت ...!!! (Re: Solafa Alagib)

    ياخوانا والله تصبحو علي حب(علي قول المرحوم احسان عبدالقدوس) بكرة انشاءالله بدخل تانى اذا داليا عقبت عشان تعقيب صاحب البوست يعني

    ترحيبو بوجودك في البوست حقو
                  


[رد على الموضوع] صفحة 1 „‰ 3:   <<  1 2 3  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de