|
|
 البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
|
الاعزاء الاخوه والاخوات خارج الوطن الحبيب ..
خلف الطقس الممطر في الخرطوم اليوم عده خسائر فادحه وعده حوادث متفرقه ...
كما ساهم في قطع بعض خطوط الاتصال جراء تهدم بعض المباني .. لا يمنع من ان الجو جميل جداولكن مازالت الامطار تهطل ..
تضامنا مني مع كل البورداب خارج الوطن ,
كل من لم يستطع الاتصال باهله في السودان اليوم , سواء لسوء الشبكه او بسبب الفلس..
فقط الرجاء ارسال رقم الهاتف هنا في البوست وساقوم بالاتصال بهم وتطمينكم في نفس البوست ...
المنبر زي ما بيلمنا في الفرح ممكن يلمنا عشان نطمن بعض ..
اشوفكم قريب ..
|
|
 
|
|
|
|
|
|
|
|
Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه) (Re: داليا الكباشى)
|
العزيزة داليا صباحك خير
ورمضان كريم وامطاركم خير وبركة
الله يباركك يا بتي عليك الله شوفي لي الجنا فريد دا
وين ؟ لاول مرة يصوم في السودان ... كانوا خايفين
لكن بعد الامطار دي احسن من رياض السعودية سخانة وجابت
ليها رطوبة .
شوفي لي الجنا دا وين وحجز ولا ما حجز وكمان لو ساعدتيهو
بالحجز يكون اجرك اضعاف وعارفنك قاصدة الاجر من الابري الموزع حول العالم
وربنا يتقبل صالح اعمالك ...
الولد فريد دا رقمو 0907353787 أو 0926468184
شوفي لي الجنا دا حكايتو شونو لحدي اسع ما جاء ولا حجز
وتقبلي تحياتي يابتي داليا يا بت الكرام
| |
|
|
|
|
|
|
|
|
|
Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه) (Re: داليا الكباشى)
|
Quote: عمو عبدالله ازيك ..
صباحك خير ورمضان كريم ... التلفونين مقفولات بس انا حا حولهم تاني لحدي باقي اليوم دا واطمنك انشالله ومن ناحيه الحجز ما تشيل هم
انشالله يجي في اقرب وقت .. بس لو ممكن ترسل لي تلفون تاني غير ديل ...
ربنا يطمنك عليهو وتتلموا في ساعه خير انشالله .. |
شكرا داليا بتي والله شغلك دا شغل ناس يتنفسوا كرم وشهامة
غايتو حظ البعرسك بس اكون كريم غير كدا بتعب معاك ..
المهم .. زي ما اقول عمك تبارك
اضربي للجنا دا تاني ودليهو على الحجز ...
معليش اتعباك معانا لكن الزيك انت بكوس لتعب نفسو وراحة الغيرو
الله اديك العافية واديك الفي مرادك ... وابعد عنك اولاد الحرام وبنات الحرام
| |
|
|
|
|
|
|
|
|
|
Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه) (Re: داليا الكباشى)
|
Quote: عمو عبدالله ..
الحمد لله لميت في الصغير فريد ..
هم كويسين في الشقيلاب وما جاتهم عوجه من المطر والحمد لله ..
بكره ماشين يعملوا تاشيره الخروج والحجز وانا حاكون معاهو على اتصال ولو استلزم الامر حامشي معاهو عديل ...
ربنا يطمنك عليهم ويصلوك بالسلامه انشالله .. |
أبنتي العزيزة داليا
غايتو يا بتي اجرك على الله بس وانت البتعملوا فيهو دا عمل كبير
وصادر من قلب كبير من اسرة طيبة وكريمة يعني ما جائي من فراغ
واكيد من يزرع الخير يجده وربنا يعدل دربك واسهل امورك
ياداليا الاولاد ديل ( فريد ونادر احجزي ليهم على السودانية
الرياض الخرطوم ) ومعاهم عفش تقيل معظمه حلو مر وحاجات رمضان
عشان تحصل فطور بورداب الرياض
ولو عندك وصايا للرياض على العين والراس
وكمان تابعي معاهم قبول بنتي اريج للجامعة .
| |
|
|
|
|
|
|
| |
داليا الكباشى
ALGARADABI
العوض المسلمي
عبدالله ود البوش
علي الكرار هاشم
سارة علي
عبدالله كع
Mohd Ibrahim
إدريس البدري
د.محمد حسن
محمد عبد الماجد الصايم
Hani Arabi Mohamed
البدري عبد الله
فادية اليمني
صالح عبده
معتصم دفع الله
مريم بنت الحسين
مزمل خيرى
Muna Khugali
صديق الموج
humida
Dalal Ezzaldin
بشير جبريل علي
محسية
saif massad ali
سيف الدولة كامل
وجن
بابكر التوم
محمد إبراهيم علي
فيس بوك
تويتر
انستقرام
يوتيوب
بنتيريست