|
Re: افطار بورداب الخرطوم السنوي يوم الجمعه 14 رمضان ببيت الفنون ببحري (Re: منال)
|
Quote: بت اهلي الحنان بالحيل رمضان كريم شيخي ود الموجي هسي بيجي ناطي |
طارق انا والله ماحاسدهم على الفطور لكن المشكله يقومو يعملوا برنامج العيد ده البطلع ديـ......زاتو اللهم انى صائم.... بعدين شوف ليك شفقه الفطور بعد خمستاشر يوم ومحاسن تقول نطبخ هناك والا نجيب جاهز.. بت القبائل اقول ليك:امشى ومعاك انعام حيمورة وفاديه اسكنن فى بيت الفنون من يوم الليله.. عالم فاضية ياخى !!!!!!!! بعدين الفنون وينها؟؟ ده بقى بيت الفطور.. ريح صرصر يا طارق البتخلى الحوش دى؟؟؟؟
| |
|
|
|
|
|
|
Re: افطار بورداب الخرطوم السنوي يوم الجمعه 14 رمضان ببيت الفنون ببحري (Re: بخاري عثمان الامين)
|
سلام للجميع ورمضان كريم ...كل الاماني محققه باذن الله. بالنسبه لللاخوه المتداخلين وسائلين عن (الشيرنغ) عندى اقتراح وهوهذه المساهمه تحدد بعدد معرفة العدد ( علي وجه التقريب) ولابد أن نكون عمليين تتحدد لجنه للقيام بدراسة المطلوب والمساهمات عينيه ام نقديه وبعد ذلك نقدر نحدد المساهمه ولا ايه رايك يا بخارى والبقيه الحريصين علي تحديد المساهمه؟ ودالموج : صدقني حانطلب ليك اجازه طارئه انت وصديقنا طارق وتذكره مجانيه من عندنا ( دى حتكون من ضمن مساهمات الاعضاء) لتشريفنا في اليوم دا. الكلام يا صديق : الناس البعيدين في اصقاع البلاد ( كند واستراليا علي سبيل المثال ) ....ديل اذا في واحد او واحده اتجرس شديد للمه زى ديل نعمل ليهو شنو؟؟؟؟؟
| |
|
|
|
|
|
|
Re: افطار بورداب الخرطوم السنوي يوم الجمعه 14 رمضان ببيت الفنون ببحري (Re: ابراهيم بقال سراج)
|
ياجماعة كدى دقيقة والله حكاية اى زول يجيب حاجة دى ماعندها معنى ، وبعد الفطور نبقى فى دا صحنى ،، لأ ماصحنى ، والله الولية مابتخلينى لو ضيعت الكبابى .َ!! كدى يافلان اقلب الصحن دا شوف فيهو حرف A ببوهية حمراء .؟؟
معقولة بس .؟
العوض .. انت كبير القوم الشغلة تكون زى اخر لقاء فى بيت الفنون تتكون لجنة تقوم باعداد الأفطار الرمضانى كلة وبعد حضور البورداب يدفعوا الشيرنق ..!
| |
|
|
|
|
|
|
Re: افطار بورداب الخرطوم السنوي يوم الجمعه 14 رمضان ببيت الفنون ببحري (Re: nazar hussien)
|
Quote: مولانا اسماعين..كل سنة وانت طيب... وما تطلق كلاماتك ساكت..امانة ما تزح منها زحيح الخرتوم... اسعلني انا دا جيت اول امس... |
العزيز نـزار
يا أخي كلامك صاح. تعرف المطرة الجات يوم الأحد 23 أغسطس، تاني أيام رمضان، خلت البلد طين في طين وما زالت آثارها مالية الدنيا. يا أخي حرام والله حرام، شوارع زي الزفت. أها دي الخرتوم، العاصمة الحضارية.
وعلى وزن "طين" دي، أي حاجة طين زي ما إنت شفت: من الوضع السياسي، للثقافي، للإقتصادي، للرياضي.
تحياتي لناس المنامة الرائعين وكل رمضان والجميع بخير
| |
|
|
|
|
|
|
Re: افطار بورداب الخرطوم السنوي يوم الجمعه 14 رمضان ببيت الفنون ببحري (Re: مزمل خيرى)
|
انا افتكر حكاية كل زول يجيب حاجه دى ما نافعه وحكاية الشيرنق دى حا يجى طارق جبريل يقول لىكم صديق الموج يدفع اقل من الناس ليه؟؟وحايجى صديق الثقيل ده يقول ليكم الحاجات دى تكلفتها ما قدر كده. عشان كده اقتراح عملى جدا: الموضوع ده يتلغى رمضان السنه دى. والقروش البتتلما دى تمشى لاطفال المايقوما وكل زول يتحنطر فى بيته ويا دار الفنون مادخلك شر. ايه رايك يا طارق جبريل دام فضلك؟؟؟؟
| |
|
|
|
|
|
|
Re: افطار بورداب الخرطوم السنوي يوم الجمعه 14 رمضان ببيت الفنون ببحري (Re: Dr.Elsadig Abdalla)
|
Quote: - بنشارككم كان الواطة نشفت - مزمل خيرى ده بيتكلم كلام زى الفل - سلامات يا المسلمى
رمضان كريم يا قوم
اولاد موجبرين* مالكم جايكين
_____________ * ود الموج + ود جبرين (عارفكم فهمتوها يا شفوت هههههه) |
العوض المسلمى كيف حالك شوف شول ده ماعايز يجى ساكت قال لو الواطه نشفت بجى؟ بالله الجنوب ده واطاته نشفت من الله خلقو ما ترى شول حايم فيه عمرو كلو بعدين هو زاتو ما بياكل ملاحكم ده شوفو ليه شرموط ديك روم،،،،
| |
|
|
|
|
|
|
Re: افطار بورداب الخرطوم السنوي يوم الجمعه 14 رمضان ببيت الفنون ببحري (Re: معتصم محمد صالح)
|
يا اخوانا من الآخر ..
1- الناس المتزوجين ( وعندهم بيوت ) عليهم احضار ما يستطيعونه مثل العصيدة التي اعتاد اخوانا بقال اكرامنا بها .. ومثل المعجنات (انعام حيمورة ) والسلطات ( تيسير النوراني ) و الدجاج المحمر والدمعة ( اسماعيل حميم ) وبقية الشباب واظنهم جميعا موجودين ..
2- غير المتزوجين عليهم دفع الشرينق (25)جنيه كما اتفق لناجي لتكملة النواقص ببيت الفنون .
3- ومن زاد زاده الله من خيره ..
| |
|
|
|
|
|
|
Re: افطار بورداب الخرطوم السنوي يوم الجمعه 14 رمضان ببيت الفنون ببحري (Re: فادية اليمني)
|
Quote: يعني يا طارق نحن نشحد ليك في حق التذكره و قبل ما يقولو رأيهم تقعد تدعو عليهم ؟ عشان كده يا شباب الزول ده افتحو ليه ، دعواتو دي ذاتها ما قايمه من الواطه ! طارق ده شكلو أخر مره ربنا إستجاب ليه دعاء بالميت كده قبل تلاته سنين ! خلوه يدعو زي ما داير الحبه ما بتجيكم !!
|
امين هم متشاكلين في الشيرينغ باقيلك دايرين يسألوا مني يا زول خلني اللداعيهم
يا ربي الخرطوم تغرق زيادة
| |
|
|
|
|
|
|
|