|
|
 Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! (Re: بكري الصايغ)
|
*** - في اثناء مكالمتي بالتلفون مع احد الصحفين بالخرطوم، والذي اتصلت به مباركآ قدوم شـهر التوبة والغفران، لاحظت من نبرات صوته انه يعاني من ضيق وزهج في كلامه، واستفسرت منه عن ما به فقال " والله دي ماعيشة يرضي بها كلب في البلد الخربان ده?، يااخي اسعار عالية عالية والمواطنيين مسحوقين ومكتوين شـديد بنار الاسعار دي واصبحنا نعيش زي ناس غزة والصومال ونعيش رزق اليوم باليوم، ولاشفنا مسؤول حكومي واحد نزل للاسواق وعاين الاوضاع وكيف السلع الرمضانية معروضة علي الارفف بالمحلات الكبيرة بصورة استفزازية للناس المسحوقة، والبغيطك اكتر تلقي مسؤول كبير ينزل من عربيته المكندشة ويدخل المحل الكبير ده، وبعد شوية يطلع منه واحد من الشغالين وهو شايل اكياس فوق اكياس من السلع الفاخرة المستوردة وعلب مغلفة وصناديق الله وحده يعلم مافيها وكلها صناديق عليها ديباجات بالانجليزي والصيني ويختها داخل العربية ويطلع بعده سيد العربيةويدي العامل كمشة فلوس الله يعلم كم ولكنها بالطبع قدر يوميته ستة مرات، وبعدها يركب عربته ويقفل قزاز العربية المظلل عشان مايشوف بؤس الناس وفقرهم!!.
*** - قلت له " وماالجديد في الامر... الحكاية دي ليها عشرين سنة والحال ياهو داك مالك زعلان?. فانفعل من كلامي وقال " يااخي زعلان انو نحنا في الجريدة ممنوعين نكتب عن حالة هـذا الشعب البائس الدينو طالع وممنوعين من رصد حالات الثراء الحرام وكشف خفايا واسرار " من اين يؤكل الكتف?"، ومنوعين كمان ان نوجه اي نوع من النقد لجهاز الامن الاقتصادي الذي يرفض مـعاقبة السفلة لصوص الانقاذ، هل تصـدق ياود الصايغ، ان جـملة المبالغ التي خرجـت من البلاد بصورة غير شرعية في الفترة من عام 2001 وحتي اليوم وصلت الي اكثر من 12 مليار دولار،وان اغلبها موجودة ببنوك ماليـزيا?، والكلام ده مامن عندي ولكن كلام صدر قبل كده من " وشـهد شاهـد من اهل المنشية وجناح القصر " يعني هم براهم كشفو نفسهم بنفسهم!!!!
*** - يااخي نحنا ممنوعين نقول الحقائق ونوري الناس والمواطنيين ليه وكيف بلدنا اتخربت!! ومـمـنوعين كمان نكتب عن الممارسات السياسية الكلها اخطاء، ومراقبتنا تتم علي مدار الاربعة وعشرين ساعة من قبل رجال الأمن!!!!، عاوزين نكتب ونكتب زي االصحافة المصرية مثلآ مابتكتب، هناك في مصر في صحفيين بقولو جهار آنهارآ نهارآ للرئيس مباك " كفي " استقيل!!!، الجرائد المصرية بتقول الحقائق بلا خوف او وجل، ونحنا صـلاح قوش طلع ابو دين زيتنا، مانكتب اي كلام الا ونلقي الكرت الاحمر في وشنا!!!، الحاجة الوحيدة المرات بتكون في الجرائد ولاتصادر هي الاعلانات وصور المشير!!!
*** - *** - انت يابكري باركت لي رمضان، ولكن وينو رمضان ده?، الناس والله بقت مادايرنو عديل... لانه بكشف حال ناس عايشة بالقليل والقليل جدآ وساتره نفسها، يجئ رمضان وتتجهجه الاسر دي وتبقي تفتش علي اليخارجها من ورطة رمضان!!!، نقول الحمدلله البضائع والسلع الصينية سـترت ملايين الاسر، ولكن بس معقولة صينية الافطار تكون كلها ماكولات ومشروبات وعصاير صينية?، حتي المكونات الداخلة في ملاح (الشرموط) كلها صينية، وبرضو " اللقمة " و" العصيدة"?!!!، وبالمناسبة دي اقول حاجة عملها حلفاوي من " انديكم "، قعد في صينية الافطار لقي كل حاجة فيها صناعة صينية، قام قال " سن سينغ وونغ " سالوه معناها شنو، قال ليهم "دي معناها رمضان كريـم بالصيـني "!!!
*** - رمـضان كـريـم.
|
|
 
|
|
|
|
|
| العنوان |
الكاتب |
Date |
 الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-22-09, 08:41 PM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | فتحي البحيري | 08-22-09, 09:00 PM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | Mustafa Mahmoud | 08-22-09, 09:08 PM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-22-09, 09:08 PM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-22-09, 09:44 PM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-22-09, 10:21 PM |
 Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-22-09, 10:39 PM |
 Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-22-09, 11:38 PM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-23-09, 00:41 AM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-23-09, 01:56 AM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-23-09, 02:41 AM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-23-09, 01:21 PM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-23-09, 02:00 PM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-23-09, 08:28 PM |
 Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-24-09, 01:48 AM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | Manal Mohamed Ali | 08-24-09, 05:01 AM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-24-09, 05:29 PM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-24-09, 09:19 PM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 08-28-09, 00:44 AM |
| Re: الـصـيام فـي حـلايب السودانية ... مختلف تـمامآ عن الصـيام فـي باقي الـمدن السودانية!! | بكري الصايغ | 09-10-09, 07:54 PM |
|
| |
فيس بوك
تويتر
انستقرام
يوتيوب
بنتيريست