|
|
 دقيقات الفطور مضروبه ... مرقت بتي جات مخطوبه ..!!!
|
عليكم الله شفتوا جنس المحن دي ...!!!
دي امي .. الحاجه انصاف الجزولي الله يديها العافيه ويخليها لينا ...
الليله ما قصرت ليكم معاها كلو كلو .. من الصباح بدري مشينا سوق بحري سوا .. زحمه زحمه ما اقول ليكم بس ...
اشترينا ديييك يا البهارات وسحناها كمان , البصل الناشف , الشمار (ما تقيل لكن), الكسبره, التوم, الكبكبيه
الكركدي الاحمر , (لانو بقا في نوع ابيض حكمه الله), القنقليز , العدس, الفول..
سوق الخدار.. العجور(الواحده ب 3 الف), الخيار, الطماطم, الليمون, الجزر, الفواكه ...
اختكم كانت صارفه قبل يومين واتكفلت بالمصاريف دي ...!!!(شفتوا الفلاحه)..
وكمان جبت لي عدد واحد شوال سكر ....
قامت امي قالت لي شنووووووووو؟؟؟؟؟؟
دقيقه بس نمشي السوبر ماركت واجي اتم ليكم
|
|
 
|
|
|
|
|
|
|
|
Re: دقيقات الفطور مضروبه ... مرقت بتي جات مخطوبه ..!!! (Re: داليا الكباشى)
|
احم احم .. ايواا انا جيت من السوبر ماركت .. والحمد لله البوست محروووس وكلو تمام ...
شكرا خالد الجميل .. عمو وهبه انشالله يوم شكرك ما يجي ...
اقول ليكم .. ماما قالت لي شنو..
امي طبعا اتكيفت مني ... كيييييف لا .. وبتها الفالحه جابت ليها حاجه رمضان وكده ..
قالت لي.. انشالله يا داليا بركه رمضان دا , رمضان الجاي اجي اجهز معاكي حاجه بيتك ,,,
قلت ليها .. ويييين يا حاجه .. ما اظن .. كلامك دا معناهو عرسي مفروض يكون بعد شهر بالكتير؟؟
هزت كتفيها لفوق .. وقالت لي.. مالوا يعني , امي بت مدني (حبوبتي انا يعني) كانت بتقول ..
دقيقات الفطور مضروبه .. مرقت بتي جات مخطوبه .....!!!!!!!!!
الشرح .. يعني مسافه ما انا عاجنه دقيق الفطور دايره اعوس قراصه الفطور (لاننا شوايقه وكده)
مرقت بتي وجات موضوعها منتهي ....!!!!
| |
|
|
|
|
|
|
|
|
|
Re: دقيقات الفطور مضروبه ... مرقت بتي جات مخطوبه ..!!! (Re: داليا الكباشى)
|
Quote: يا عمر .. صباح الخير .. اول يوم معاك كيف؟؟؟؟
عمو وهبه دا لو سمحت ما تهزر معاهو في البوست بتاعي .. نحن هنا قاعدين نضرب ليهو تعظيم سلام بس..
|
صباح النور ياداليا
اخوك مفتح الساعة 4 صباحاً كباية قهوة مزبوطة ومعاها اتنين بندول اكسترا لحدي اسه كلو في السليم.
عمك وهبة ده بس من محبتنا ليهو بنحب نشاغلو ؟؟؟ تعظيم سلام للشاويش وهبة
بالمناسبة (ناس كرودي) من نوري ببقو ليكم ؟
| |
|
|
|
|
|
|
|
|
|
Re: دقيقات الفطور مضروبه ... مرقت بتي جات مخطوبه ..!!! (Re: حيدر حسن ميرغني)
|
داليا والمتداخلين
رمضان كريم
يعني يا داليا وينو الآبري الأزرق
ووين الابيض
يعني لا قراصة شايقية
ولا عصيدة كردفانية
ولا شعيرية جزيرة
ولا سلات الشرق
نفطر كيف يعني
هسه الواحد يقوم يفطر ليكم ويقطع البوست ده ( اقصد اليوم ده)
تسلل :
في حج ما في السنوات السابقة قابلت لي فنان كبير جدا ( اله يرحمه توفي قبل فترة) وهو حافي القدمين وبملابس الاحرام بعد ان فقد مرافقه في السعي فبادرت بالسلام عليه فبدأ يشكي قائلا :
ياخي انا االبلد دي جيتها زيارة - قريبي ده شبكني ليك تعال نحج - جيت معاهو هسه دفروني في السعي وزولي ده راح مني - ياخي هسه دي بقلع الاحرام ده هنا وبرجع - ده حج شنو ده
الله يرحم هذا الفنان ( مابقول اسمه) بقدر ما أعطى للشعب السوداني من فن خالد على مر السنين
| |
|
|
|
|
|
|
|
|
|
Re: دقيقات الفطور مضروبه ... مرقت بتي جات مخطوبه ..!!! (Re: داليا الكباشى)
|
Quote: عمو وهبه دا لو سمحت ما تهزر معاهو في البوست بتاعي .. نحن هنا قاعدين نضرب ليهو تعظيم سلام بس..
في زول عندو سؤال؟؟؟؟ |
سؤالي ياغالية تعظيم سلام بس والراجل يستاهل اكتر من كده
يابت الكباش رمضانكم طيب ان شاءالله
وبمناثبة الكركدي الابيض
في يوم اخوك معزوم فطور
لمحت صينية فيها جكين مويه استغربت
فشربت من واحد منهم فتزوقت طعم كركدى وتعالي شوفي الحيرة
قلت الجك ده امكن كان فيهو من اول كركدي فوجدت الناس تشرب
من الجكين فضحكت وسالت صاحب المنزل ماهذا ؟
وقادر الله .
بوست موفق اخت داليا
وتصوموا وتفطروا على خير
سلام.. سلام
| |
|
|
|
|
|
|
|
|
|
Re: دقيقات الفطور مضروبه ... مرقت بتي جات مخطوبه ..!!! (Re: داليا الكباشى)
|
يا داليا أختي
ليه كيفن ياخ
أنا اخدتها من قاصره
وخففته عليك الأعباء
هسي عليك الله قولي خطبوها
بي حال السودان المجنن ده
حتكونى بتعوسي في الابري
وتودى موية العريس 9 سنه
ارخي الخطوبة دى وشوفي ليك
عنوان كاااارب فيهو دقيقات
الفطور ومعاهو عرس طوالي .
ياخ افهميها طايرة يا داليا
عشان الشرح ده هسي عطشنى رسممممممي
سنتك طيبة
ورمضانك كريم .
| |
|
|
|
|
|
|
| |
داليا الكباشى
عبدالوهاب علي الحاج
خالد علي محجوب المنسي
omer osman
Hani Arabi Mohamed
حيدر حسن ميرغني
جمال السنوسي
وليد عبد اللطيف
سفيان بشير نابرى
فيس بوك
تويتر
انستقرام
يوتيوب
بنتيريست