|
أنا ... مريخابي
|
أي نعم ..
أنا مريخابي
رغم مرارة الهزيمة، برضو مريخابي
ورغم شماتة الشمات، برضو مريخابي
ومهما حصل، برضو مريخابي
وهمسة في آذان الشامتين:
فقل للشامتين بنا أفيقوا .... سيلقي الشامتون كما لقينا
الشاعر ده ما كان مريخابي علي فكرة :)
وبرضو:
هي الأيام كما شاهدتها دول .... من سرّه زمن ساءته أزمان
وده برضو ما شاعر مريخابي
---------
البيحصل في المريخ ما مفهوم. الإدارة وفّرت كل شئ للاعبين. حتّي التدريب، تعاقب علي الفريق 3 أو 4 مدربين الموسم ده. وما ممكن يكونوا كلهم ما فيهم فايدة ...
اللاعبين؟ رغم مغالطة البعض، لكن الأغلبيّة عارفة ومقتنعة بينها وبين نفسها أن أغلب لاعبي المريخ علي أعلي مستوي ...
الإعلام؟ ومن متين كان إعلامنا الرياضي بحزبيه واقعي أو محايد - إلا من رحم ربّي من الصحفيين
لكن الأمر محتاج وقفة فعلا ...
في حاجة غلط في الفريق، ولازم يتم علاجها بأسرع ما يمكن
وحتّي ذلك الحين ...
وحتّي بعد ذلك الحين بإذن الله ..
ما في مريخابي بالجد بيخلي فريقو
البيخلوهو عشان هزيمة ولا إتنين ما بيحبّوا المريخ ..
بيحبّوا الإنتصار
وبكرة لمّا الريح تعكس إتجاهها، برضو حيعكسوا إتجاههم معاها
أهم ديل الزملكاويّة
مساكين صابرين كم سنة؛ ويادوب فريقهم بدأ يشم نفسو
المريخ ما وصل للمرحلة دي
وصعب يوصل ليها ما دام في ناس قلبهم عليهو
وعلي كل حال ما في فريق ما بيخسر
ريال مدريد إتغلب من برشلونة كم؟
عملوا شنو؟ قفّلوا النادي ولا المشجعين قلبوا لبرشلونة؟
علي كل حال كل أوّل في الدنيا دي ليهو آخر
وبكرة نشوف ...
أها يا مريخاب سودانيز أونلاين ...
المعاي منو؟
------
آخر كلام:
المقال ده هديّة لود عمّتي الهلالابي الطلب منّي أنزّل مقال بعنوان أفكّر فيه واتأمّل ... إلي آخره، عشان أعفي نفسي من كلام كتيييييير حيقولو لي!
p:
|
|
|
|
|
|
|
|
Re: أنا ... مريخابي (Re: Khalid Osman Jaafar)
|
سلامات وعوافي حقيقة ياخالد دخلتني بس ملاحظتك على انو الادارة قدمت كل شيء .. هذا غير صحيح الادارة ذبحت المريخ يوم ان اقالة كروجر .. وهو المدرب الذي قدم للمريخ "راجي عبدالعاطي-وقلق في وطيفة جديدة-ونصر الدين الشغيل- وسعيد السعودي" وغير كدة في عهد كروجر لم يخسر الفريق الا مباراة واحدة فقط من اكثر من 22 مباراة ان لم تخن الذاكرة ... مجرد عدم مطاوعة كروجر لمجلس الادارة تسببت في اقالتو .. في شهر واحد الماضي في احدي المنتديات قلت لبعض الاصدقاء المريخاب ان اقالة كروجر ستاتي وبالا علي الفريق وقد صدقت نبوئتي الان .. على العموم اهنيك علي مريخيتك وعدم التزحزح عنها وهذا شئ طبيعي.. لانو بالمقابل كل شخص بيعشق ناديه بصدق يستحيل يتغير عن هذا العشق لمجرد تعرض الفريق لهزيمة او خروجو من بطولة فهذا هو حال كرة القدم ... والى الان لم يحسم امر خروج المريخ من المنافسة فالمفاجاءات واردة يا خالد .. فدعنا نتفاءل خيرا ليصعدا فريقا الهلال والمريخ الي دوري الاربعة.. ومافي شي مستحيل .. معزتي
| |
|
|
|
|
|
|
Re: أنا ... مريخابي (Re: ودرملية)
|
سلام يا ود رملية وآسف علي الرد المتأخر
للأسف إنتهي مشوارنا في البطولة نهاية ما كنّا نحبّها
لكن معليش
الجايات أكتر إن شاء الله
المهم ننتهز الفرصة دي ونرتب أوراقنا ونعرف المشكلة وين
| |
|
|
|
|
|
|
Re: أنا ... مريخابي (Re: Khalid Osman Jaafar)
|
عملاً بمبدأ حريّة الرأي، أنقل هذا الرد من إبن عمّتي:
"Since I am not a member of Sudanese Online, I kindly request that you post the following question, on my behalf, in that discussion board and I kindly request that you answer it. The question is: Have you, Khalid Osman Gaafar, ever denounced your support for El-Merriekh for a number of years and why?"
| |
|
|
|
|
|
|
Re: أنا ... مريخابي (Re: Khalid Osman Jaafar)
|
والإجابة هي: نعم. ده فعلاً حصل. والسبب كان عشان أتفادي المكايدات ليس إلا. لكن حتّي في تلك الفترة كنت أعشق المريخ
وعلي كل حال إتعلمت الدرس وقتها، وعرفت إنّو الإنحناء للعاصفة حتي تمر لم يكن الحل الأمثل
وعشان كده أنا الآن أعلن مريخيتي علي الملأ
والعاوز يقول كلام يقولو!
:)
| |
|
|
|
|
|
|
Re: أنا ... مريخابي (Re: Khalid Osman Jaafar)
|
Quote: أي نعم ..
أنا مريخابي |
لاحول ولا قوة الا باللة الصبر ياخوي انشاء فترة وتعدي الحمد للة ماهو شئ بيقتل بس اعراضوبقفقع المرارة عشان الجرثومه الجديده مزمز بس هي بيتلقي حل وانشاءلله بعد الوعكة دى جسمك بل جسم المريخ كله يكون اخد مناعه خاصة لمن تمشوا حته غريبة جدا جدا عليكم زي دوري الابطال مثلا
| |
|
|
|
|
|
|
Re: أنا ... مريخابي (Re: حبيب نورة)
|
Quote: المريخ عالم جميل ومتعة وبطولات وانجازات والحمدلله اننا مريخاب |
المفروض تقولو اننا طيشاب
ما فيها شي يا ابومصطفي اعترفو انكم الطيشاب
كل سنة وانت طيب
| |
|
|
|
|
|
|
|