|
|
 الدعوى خربانة ...
|
والله يا جماعة ان من البداية شغلانة لبنى دي ما وقعت لي في
راسي . قبلت رويسي يمين ثم شمال واخيرا صنقعت الى اعلى
والنتيجة لا شيء واكثر حاجة لخبطت رويسي مسالة ( دهم ) مقر
الحفل .
كلنا يعرف ان التهمة التي تم توجيهها الى لبني واخريات كانت
ارتداء الزي الفاضح والاختلاط .
وكلنا شاهدنا الزي الذى كانت تلبسه لبنى ساعة ( الدهم ) وكما تعلمون
زي فاضح يعني زي به ( عري ) واضح يبين المفاتن بتفاصيلها .
لكن الزي الذي كانت ترديه لبني نشاهده يوميا . نشاهده في البيت
في الشارع . في المسرح .
عموما ارى ان المسالة قد فتحت علينا بابا من الكتاتيح والكترابة
والرياح العاتية مما يجعل ( تسكير ) الباب واعادة الامور الى وضعها
الطبيعي يعد امرا غير طبيعيا ..
نواصل ....
|
|
 
|
|
|
|
|
|
|
|
Re: الدعوى خربانة ... (Re: نصار)
|
ود الباوقة
كلام عقل و مسؤولية
اخي نصار ..
سنقف يوما ( ما ) امام المولى عز وجل . وقتها ليس هناك رئيس
اومرؤوس . كل بعمله وما قدمه في دنياه ..
نسال الله سبحانه وتعالى ان يبيض صحائفنا ووجوهنا يوم نلقاه...
| |
|
|
|
|
|
|
|
|
|
Re: الدعوى خربانة ... (Re: Abdelmuhsin Said)
|
ود الباوقه سلامتك يعنى افهم من كده انك كنت خارج الشبكه المده دى كلها .
لا لا الكلام دا ما راكب عدلو ابدا ....
اخي محسن .
لا لم اكن خارج الشبكة كنت اتابع القضية كما تتابعونها انتم.
| |
|
|
|
|
|
|
|
|
|
Re: الدعوى خربانة ... (Re: ود الباوقة)
|
ود الباوقة
Quote: والرياح العاتية مما يجعل ( تسكير ) الباب واعادة الامور الى وضعها
الطبيعي يعد امرا غير طبيعيا .. |
الباب السوسه خربته من زمان
السوسة اكلت الباب ومافضلت فيه غير الكيلون
من ايام الزول الاسمه عبد الكريم _ القاضي العسكري الكان مجنن الاسر الوادعة والبنات في عطبرة
ودعوتك لتعديل الوضع الى وضعه الطبيعي دعوة تجد منا الاحترام
اذا كان هذا الطبيعي تقصد به ازالة هذا القانون الذي ذلنا واهدر كرامتنا
وفتح الباب الى اصحاب العلل النفسية ليمارسوا اسقاطاتهم ويظلموا
| |
|
|
|
|
|
|
|
|
|
Re: الدعوى خربانة ... (Re: Manal Mohamed Ali)
|
من ايام الزول الاسمه عبد الكريم _ القاضي العسكري الكان مجنن الاسر الوادعة والبنات في عطبرة[/
U]
الاخت منال ...
المدعو عبد الكريم كان انموذجا سيئا لدولة التوجه الحضاري
التي ننشدها ونسعى الى ترسيخ مبادئها بين كافة المواطنين.
عبد الكريم احدث حالة من الرعب بين الاخ واخته وهما يتمشيان
في السوق او غيره .
لكن حالة عبد الكريم هي حالة خاصة وكل تصرفاته كانت فردية
بدليل سقوطها عند اول اختبار فعلي لها ...
| |
|
|
|
|
|
|
|
|
|
Re: الدعوى خربانة ... (Re: Manal Mohamed Ali)
|
حا احكي ليك حكايات من عطبرة
وبعدها حدد الوضع الطبيعي الذي ترى ان يجب ان يسود
يا ود الباوقة
في بداية الانقاذ في عطبرة كان العريس لو بشر في عرسه بمشي الحراسة
وبسبب ظلم ناس النظام العام كادت ان تقوم مجزرة في عطبرة في حي الوحدة ذا الاغلبية من مناطق جبال النوبة والجنوب
كان كل يوم تيم بقيادة عبدالكريم هذا يمشي يفتش البيوت بسبب انه تورد بلاغات سرقة
احتج الناس في حلة الوحدة وقالوا نحن مواطنين من حقنا الامان في بيوتنا
وطالبوا بإذن تفتيش عند مداهمة المنازل
فتح فيهم النار وقتل منهم شباب
لانه كان عاوز يطهر المدينة ... ترك اعراض الناس في السهله
اها من الزمن داك كل يوم بظهر عبد الكريم جديد
وهؤلاء مسنودون من ذات القانون الذي ندعو الى ازالته ...
احكي ليك يا ود الباوقة قصص حصلت بالجد
تم حبس صديقتي التي كانت في رفقة وادها ذات مساء في حراسة عطبرة لمدة يوم كامل الى اتت الاوراق الثبوتية في اليوم التاني وطلعوهم من الحراسة
يا ود امي
في زمن عبد الكريم يا ود الباوقة لو بت عمك او بت خالتك جاتكم في البيت ما بتقدر توصلها بيتها كما هو معروف في عاداتنا
لما تجيكم قريبتكم امل تطلب منك توصيلها
اها انا كنت بمشي لناس خالتي في حلة الداخلة في عطبرة
وكان واحد من اولاد خالتي يوصلني البيت عشان ما ارجع براي
اليوم داك ..امي قالت لي اوعك تخلي واحد من اولاد خالتك يوصلك
تعالي براكي ..عشان ناس الحكومة ديل باقي راسهم وسخان
وياود الباوقة
وتم حبس كثير من بنات الاسر لانهم كنا برفقة ود خالتها او ود عمها
وعلى الاسر ان تاتي تاني يوم وتثبت انهما اقرباء
والله وما طالبني حليفة تم قص شعر بنت كانت ترتدي طرحة غير ان ضفيرتها كانت طويلة ..والله قص لها ضفيرتها في الشارع
والله يا ود الباوقة كان اي بنت عاملة ماكياج لازم تغسل وجهها بالعنوة مع السباب والشتيمة لوالدها واسرتها
اخيراً
كون معنا فقط من اجل ازالة هذا القانون
ولبنى لم تطالب بتغيير نظام
فقط قانون ..يخالف الدستور
________
محبتي
| |
|
|
|
|
|
|
|
|
|
Re: الدعوى خربانة ... (Re: محمد إبراهيم علي)
|
ود الباوقة ياخي نحنا ما عاوزين الا تحكيم العقل الضمير
السودان من 89 بيدار بعقلية كان ما عجبكم اشربوا من البحر
عناد و مكاجرة و مكابرة و تحقير للاخر بصورة مروعة
اسع قضية لني دي بدأ صغيرة و بعقلية الانقاذ البتتمسك
بباطلها بقت قضية راي عام عالمي و باب اساءة للسودان
و الاسلام،، سونا مضحكة بين الشعوب.. المسألة ما حالة
معزولة او استثنائية دي منظومة عقلية رسختها الانقاذ
طول عهدها في السلطة.. انت زولهم تسوي السبعة وزمتها
يحموك بالاعلام و الاجهزة الامنية و العدلية.. انت ما زولهم
مستهدف لو قريت قرآن ممكن يحاكموك.. يا ود الباوقة
من هنا و لي قدام عاين لي بشاعة ظلم ناسك ديل
بنفس نظرتك بتاعة الليلة دي.. الناس ديل العوج راكبهم
من راسهم لكرعهم.. فقد القدرة علي اتباع الحق
عملوا الحق هو عدوهم الاول
| |
|
|
|
|
|
|
|
|
|
Re: الدعوى خربانة ... (Re: محمد إبراهيم علي)
|
أحد احتمالين
1- ود البوقة تم تهكير حسابه
2- ود الباوقة مريخابي
محمد ابراهيم علي .
انا لا هذا ولا ذاك ..
اطمئن ...
انا قلت رأي واضح مسالة الزي الذي رأيناه في الصورة
والذي كانت ترتديه لبني زي (عادي ) ونشاهده باستمرار
في الحفلات العامة والخاصة .
انا قلت هل باننا في حاجة لكل هذه (الهيلامنة ) والزيطة والزمبريطة وشيل الحس .
داخليا وخارجيا .
المسؤول الذي امر بدهم الحفل نفسه لم يكن يتصور ان تتطور الامور
الى هذا الحد .
لبنى نفسها لم تكن تتوقع الهيلمانة التي جرها عليه هذا الاتهام..
| |
|
|
|
|
|
|
|
|
|
Re: الدعوى خربانة ... (Re: Manal Mohamed Ali)
|
في زمن عبد الكريم يا ود الباوقة لو بت عمك او بت خالتك جاتكم في البيت ما بتقدر توصلها بيتها كما هو معروف في عاداتنا
لما تجيكم قريبتكم امل تطلب منك توصيلها
في زمن عبد الكريم كنت في بربر ولقد سمت بالكثير عن قصص كان
البطل فيها عبد الكريم . جلد .. وحلق رؤوس وغيره.
الا ان هذه الحالة لم تدم طويلا وانتهت بنهاية تراجيدية .
شكرا منال ...
| |
|
|
|
|
|
|
|
|
|
Re: الدعوى خربانة ... (Re: خدر)
|
مبروكـ يا ود الباوقة عودتكـ الي رشدكـ
اخي خدر ..
احمد الله انني راشد وفي كامل قواي العقلية وقد اخرت
طريق الانقاذ بكامل اهليتي الصحية والنفسية .
وهو طريق لم ولن اتراجع عنه مهما كلف الامر
وقع ليك ..
لا يذهب بك الظن بعيدا بانني قد تنازلت عن ما اؤمن
به . كدا تكون غلطان وراكب غلط ويجب ان تنزل في المحطة
القادمة وتكاليف رحلتك على ذهابا وايابا ..
بعدين الانقاذ هي صنع بشر يصيبون ويخطؤون لكن مشكلتكم انتم
بتقوموا بتجيير الانجازات ووضعها في سلة واحدة مع السلبيات .
والحكم بالاعدام مع سبق الاصرار والترصد.
قادة الانقاذ هم بشر مثلكم فالواجب ان اصابوا ان نقابلهم بالشكر
والعرفان وان اخطأؤوا ناصحناهم وطلبنا لهم التوفيق من عند الله ..
| |
|
|
|
|
|
|
|
|
|
Re: الدعوى خربانة ... (Re: ود الباوقة)
|
ود الباوقة ..!!!
يا زول ها ما تستعجل وتركب موجة عمار محمد آدم وتهدد ساكت عشان يرضوك ..
محمد حامد جمعة دا ما فاضي يسوق الشغلة هنا كتير ..
كلها يومين تلاتة وبيمشي يشوف شغلتو .. جاء يديكم بس لفت نظر وبيان بالعمل للأداء البيطالب
خدر انه تكونوا قدروا ..
فدحين روق يآخ والا الجماعة بيشلعو حنانك ساكت .. إنت ناسي انه صلاح غريبة موجود وما لاقي ليهو ضل يرك فيهو ..
أهداء يا عمك .. !
* اها نعيدو من اول قلت لي لبني كيف ؟؟!
| |
|
|
|
|
|
|
|
|
|
Re: الدعوى خربانة ... (Re: HAIDER ALZAIN)
|
Quote: سنقف يوما ( ما ) امام المولى عز وجل . وقتها ليس هناك رئيس
اومرؤوس . كل بعمله وما قدمه في دنياه ..
|
غايتو ياود الباوقة ما عرفت اقول ليك شنو
لكن كدي النديك اسبوع ونشوف؟
عموما كلامك هنا صح يا شيخ عمر
__
بس ما تكون زعلان حاجة
| |
|
|
|
|
|
|
|
|
|
Re: الدعوى خربانة ... (Re: GamarBoBa)
|
Quote: احمد الله انني راشد وفي كامل قواي العقلية وقد اخرت
طريق الانقاذ بكامل اهليتي الصحية والنفسية .
وهو طريق لم ولن اتراجع عنه مهما كلف الامر
وقع ليك .. |
طريق الإنقاذ يا ود أعمي في حقنا نحن أهلك واضح, إقامة السد, وتدمير بلدنا,
ومسحها من فوق البسيطة. دحين وكت بقى طريقك طريقن, أمش الله يعدل ختوتك...
| |
|
|
|
|
|
|
|
|
|
Re: الدعوى خربانة ... (Re: ود الباوقة)
|
Quote: والله يا جماعة ان من البداية شغلانة لبنى دي ما وقعت لي في
راسي . قبلت رويسي يمين ثم شمال واخيرا صنقعت الى اعلى
والنتيجة لا شيء واكثر حاجة لخبطت رويسي مسالة ( دهم ) مقر
الحفل .
كلنا يعرف ان التهمة التي تم توجيهها الى لبني واخريات كانت
ارتداء الزي الفاضح والاختلاط .
وكلنا شاهدنا الزي الذى كانت تلبسه لبنى ساعة ( الدهم ) وكما تعلمون
زي فاضح يعني زي به ( عري ) واضح يبين المفاتن بتفاصيلها .
لكن الزي الذي كانت ترديه لبني نشاهده يوميا . نشاهده في البيت
في الشارع . في المسرح .
عموما ارى ان المسالة قد فتحت علينا بابا من الكتاتيح والكترابة
والرياح العاتية مما يجعل ( تسكير ) الباب واعادة الامور الى وضعها
الطبيعي يعد امرا غير طبيعيا ..
نواصل .... |
لحدي الان الطريفي زول نصيحة ونحن بنسمع في البرنامج دا وبعدين ندلوا
بدلونا حسب مجريات البوست ضربة البداية مريخية ... وربك يستر.
..............................................................حجر.
| |
|
|
|
|
|
|
|
|
|
Re: الدعوى خربانة ... (Re: الرفاعي عبدالعاطي حجر)
|
ياود الباوقة( لعن اللذين كفروا من بنى اسرايئل على لسان داوود وعيسى بن مريم ذلك بماعصوا وكانو يعتدون كانو لايتناهون عن منكر فعلوه لبئس ماكانو يفعلون)
_________
والساكت عن الحق شيطان اخرس.
___________
ماقلتا لى الجديد عليك شنو؟
| |
|
|
|
|
|
|
| |
نصار
Abdelmuhsin Said
محمد إبراهيم علي
خدر
زهير عثمان حمد
HAIDER ALZAIN
GamarBoBa
معاوية المدير
الرفاعي عبدالعاطي حجر
محمد المسلمي
فيس بوك
تويتر
انستقرام
يوتيوب
بنتيريست