|
Re: انا مريخابيه حتى النخاع .. اشجع (السودان) في مباراه الهلال وكانو اليوم.. (Re: داليا الكباشى)
|
Quote: تمنياتى الصادقة للهلال بالتعادل |
اميره الشيخ عاوز اقول ليك شئ بس الهلال باذن الله الواحد الاحد منتصر انتى عارفه ضحكتى شديد لما قريت جملتك دا عارفه ليه لانو الهلال لو اتعادل مع كانو فى ارضو انت تمشو تشربو مويه من البحر لانو كانو حيعمل 5 والهلال 5 والمريخ لو بكره غلب وربنا يكضب الشينة حيعمل 4 الهلال مشى نيجريا لو تعادل الهلال حيعمل 6 وكانو6 وانتو لو مشيتو زامبيا واتعادلتو بتعملو 5 وزيسكو بعمل 2 نسال الله ايدينا الفى مرادنا تجو تقابلونا فى المقبره(المفخره) تتغلبو نحنا حنعمل 9 وكانو حيغلب زيسكو وحيعمل 9 وانتو تبقو فى 5 نقاط وزيسكو فى نقطتين وتبقى المباراتين الاخيرة للفريقين تحصيل حاصل يعنى ياستاذه لازم غصبا عنكم تشجعو الهلال عشان نقدر نسحبكم معانا ياضلنا وين تروح مننا
| |
|
|
|
|
|
|
Re: انا مريخابيه حتى النخاع .. اشجع (السودان) في مباراه الهلال وكانو اليوم.. (Re: داليا الكباشى)
|
Quote: ربنا مع الهلال .. ولو فاز واتاهل وكمان وصل النهائي برضو بنشجعو لانو حايمثل السودان .. ولو شال الكاس حانفرح ونطلع الشارع شايلين علم السودان ... اها شنو رايك ؟؟ |
ياسلااااام عليك يا دلوشـة.. يعيش قلمك ويسلم قلبك وهـنيئا لك روحـك الرياضية العالية .. ويوم السبت أنا بشجع معاكم والنصـر لأبناء السودان... ----------------- معاوية..شوف الزولة دى عسل كيف .. تقول لي هـارووون دياب ?!! --------- ( فـيس متفائل )
| |
|
|
|
|
|
|
Re: انا مريخابيه حتى النخاع .. اشجع (السودان) في مباراه الهلال وكانو اليوم.. (Re: عبدالعزيز الفاضلابى)
|
عزيزتى داليا مساء الخير والتحيه لك ولكل عشاق الاحمر الوهاج
لاعلاقه بين تشجيع الانديه التى تتحكم فيها العواطف تماما و الوطنيه ده كوم وداك كوم براهو ، والذى يتصور هذا يحدث فى كرة القدم للانديه فهو اما مجامل او خالف تذكر و السلام او منافق او آخر فى نفس المعنى .... ولك ان تقفى بجانب قلبك وانت كاملة الوطنيه فكرة القدم فى تشجيعها اصلا تقوم على العواطف
والمثاليه التى تتحدثين عنها لا وجود لها فى انحاء العالم و الادله كثيره و التى تعلن عن الولاء للانديه والا كيف لاداهور ان يحرز هدفا فى مرمى منتخب يلعب باسم نيجيريا ويفرح هل هو خان وطنه ام كريستانو رونالدو عندما احرز هدف ولا اجمله فى مرمى بورتو البرتقالى قاد فريقه الى نصف النهائى ووووو والامثله كثيره جدا فى جميع انحاء العالم
الوطنيه فى كرة القدم عندما يلعب منتخب الوطن والسلام عليكم و رحمة الله و بركاته
فى الختام بقول : الغربه التى نعيش فيها علمتنا كيف نعشق السودان لدرجة الجنون ونتمنى له ولاهلنا كل الخير و الامان ونشجع السودان فى كل المناحى التعليميه و البحوث و التاريخ و الجغرافيا وهكذا اما فى دنيا كرة القدم فاننى وبكل حب و تقدير اشجع الانديه الثلاث الآتيه فقط الهلال السودانى سيد البلد السودانى فريق دولة جمهورية الهلال بالسودان
واتمنى هزيمة فريق المريخ ( لانه المنافس الوحيد للهلال داخليا و الآن داخليا و خارجيا ) فى كل المناسبات المحليه و القاريه و العربيه حتى ولو كانت هزيمته لا تخدم سيد البلد ولكن احترم عشاقه من اخوان و اصدقاء و زملاء و معارف بكل ما تحمل هذه الكلمه من معنى
وارجو من اى رياضى فى تشجيع ما يحب ان يبعد عن التجريح و الخصوصيات اذا كانت للاعبين او ادرارين او اعلاميين او الجماهير لاننا فى النهايه اخوان و الرياضه للمحبه والجمال مع الاحتفاظ بحق الآخرين فى التعبير و الفرح طالما لايمس احد فى شخصه
مودتى و تحياتى الاكيده لكاتب هذا البوست ولكل المتداخلين
| |
|
|
|
|
|
|
Re: انا مريخابيه حتى النخاع .. اشجع (السودان) في مباراه الهلال وكانو اليوم.. (Re: محمد خليل ساني)
|
الأخت داليا والله حقيقه وشك حلو علينا نتمنى من الدواخل بكره المريخ يتم فرحة جناح السودان الآخر ليطير السودان إلى آفاق أرحب وكلام بعض الإخوه هنا هلالاب أو مريخاب أعتقد إنه كان نتاجا لجو مشحون خلقته صحافة رياضية غير مسئوله دفعت هؤلاء للإعتقاد أن رفعة الفريق الذي يشجع تقوم فقط على أنقاض الفريق الآخر ولعمري هذا هو عكس ما ينبغي أن يكون لأن تطور أحدهما يستوجب تطور الآخر ففي رفعة فريقي الهلال والمريخ تكون رفعة الوطن
| |
|
|
|
|
|
|
Re: انا مريخابيه حتى النخاع .. اشجع (السودان) في مباراه الهلال وكانو اليوم.. (Re: داليا الكباشى)
|
ألأخت/داليا كباشى.......السلام عليكم...
تشكرى على هذا البوست ووطنيتك ..وغيرتك على إسم السودان..وده المفروض يحصل..وألأعتدال دائمآ جيد..
كثير من المريخاب المتعصبين والهلالاب أيضأ بالفهم القاصر تركوا هذه الفجوة الكبيرة..فى حب الوطن وإنحازوا لفرقهم ونسينا هذا الوطن الذى كون الهلال والمريخ...
Quote: عفواً داليا ........ الان الهلال فريق منافس لانشجعه الا بما يحقق مصالح المريخ يعني بالواضح الدرون كويس معانا لانو فوز كانو
او الهلال يبعد المسافة بيننا وبينهم |
فى رأى لو إفترضنا ألأثنين من السودان أى واحد يفوز بفوز بأسم السودان.طبعآ بكون ده المفهوم ألأمثل.قبل كده فاز المريخ بكأس خارجى فرحت..فقلت لواحد مريخابى مبروك للسودان قال لى لا مبروك للمريخ....تخيلى مقدار
الصدمة..
مودتى......إسماعيل محمد أحمد عباس....
| |
|
|
|
|
|
|
Re: انا مريخابيه حتى النخاع .. اشجع (السودان) في مباراه الهلال وكانو اليوم.. (Re: داليا الكباشى)
|
Quote: كيف يا داليا ما نقيف معاكم
طبعا
واقول ليك
برضو حندعوا ليكم
انشاء يا داليا
وبركة الله والرسول
ت
ت
هـ
ز
م
و
ا
وعلى الاكثر
ت
ع
ا
د
ل
عشان نرتاح منكم
افريقيا
زي ما ارتحنا منكم في الممتاز
وطبعا ده شعور طبيعي لكل هلالابي
لاننا في منافسة كروية
تتطلب من كل مشجع ان يتمنى هزيمة كل منافسي فريقه
وتاني ( فيس بوك) |
اها يا داليا قبيل شن قلنا
قلنا ليكم ما بتقدروا
دي مش كونفدرالية
دي ابطااااااااااااااااال
ابطااااااااااااااااااااال
البطل منهم بيمشي الامارات لكاس العالم للاندية
بالله اكرم ده يمشي وين مع مازدا رقم 3
| |
|
|
|
|
|
|
|