|
Re: المعرض المشترك الاول (محمد و شهد ) وليد محمد المبارك (Re: fadlabi)
|
بسسسسسس .. قرض علي كده .. ده شغل بديع و سمح تب و مجيه .. قعدوا الفنانين سنين عشان يرسموا ( بالفطرة ) زي ده .. الفطرة السليمة الما داخلاها الحسابات و المقاييس .. زمان كان عندنا استاذنا يطراهو بالخير يقول ليك : ( الفيرست تطش هي زا موست يونيك آند أونيست تطش ايفر ) .. عشان بتمرق بصمة خشمها .. من جوه روحك و علي البورد عدييييل .. رسامين تانيين دخلوا في تجربة يختو اللون من التيوب مباشرة علي الورق .. لون صرف ما مخلوط .. لا محاسا و لا مواسة .. هسه زولي ده عمل كده في الشغل الفوق ده .. مافي أبعاد .. مافي شوف وسيع للموضوع .. مافي تداخل لونين ، شاف جزء من الموضوع و رصدو و كباهو زي ما الله خلقو .. بعدين أبعدهم من الرسم من الذاكرة .. لازم عينهم تتدرب علي الشوف المباشر و الرسم المباشر . عملتو ليك موضوع أنا .. صاح ؟ لكن عشان عجبوني الشفع الحلوين ديل ياخ ( التقول ما حقنك ) .
شوف يا ابن خالتي .. الناس ديل خليهم من حكاية التلوين الديجيتال ده .. جيب ليهم ورق و الوان و خامات مختلفة و خليهم يسرحوا .. استطعام اللون ما بس بالشوف .. باللمس و الريحة و المجهود بتاع التعديل و بري القلم و تنضيف الورقة .. ده جزء من المتعة الح يحسوا بطعمها .. الإنتصارات الصغيرة بتزود من إحساسهم بالإنجاز و المتعة الفيهو . و .. بس .
..... أولاد قلبا بتاع طيارتك ؟؟
| |
|
|
|
|
|
|
Re: المعرض المشترك الاول (محمد و شهد ) وليد محمد المبارك (Re: Emad Abdulla)
|
Quote: ( التقول ما حقنك ) . |
شوفت اولاد اولاد قلبا كيفهم !!!!
__________
يديك العافية يا عمده الاولاد قاعدين يرسمو بالقلم والكراسات مالية الاوض والبرندات حتى هم وكت اديهم الف جنيه في الغالب بشتروا كراس وقلمين رصاص لحدي هسع شغال معاهم بالوان الخشب لسع ما دخلتم اللوان الموية
مسكة الفرشة بدري عليها شوية
على الورق العادي ابعادهم بتخلع اكتر من على الرسم الالكتروني لكن عندهم مشكلة تلوين في الرسم العادي ما بحبو يلونو كتير وبشتغلوا بالرصاص اكتر قبل كم يوم محمد رسم رسمة انا وامه اتخلعنا عديل ( ربنا يحفظه )
في رائي الشخصي محمد بنقل كويس البشوفو لكن اخته عندها خيال واسع جدا في الرسم حا ارفع ليك رسمه ليها تحمل نفس اسم الملابس لكن منظورها فيها مختلف توتلي عن محمد
في الرسمة الفاتت ( الملابس ) المحيرني زاوية الرسم زاتها الولد اتجنب بي حرفنة نقاض ضعفه كلها وهي الوجه وتضاريسه واليدين واسفل القدمين غايتو بالغ في التحايل ده
شكرا كتير يا مان ويديك العافية
وشفت اولاد قلبها كيفن
| |
|
|
|
|
|
|
Re: المعرض المشترك الاول (محمد و شهد ) وليد محمد المبارك (Re: وليد محمد المبارك)
|
(9) شهد وليد محمد اسم اللوحة : ملابس
________ اها يا عماد دي صورة الملابس حقت شهد ... اول حاجة رفضت تعريف الاسم واختارت ( ملابي ) بدل عن ( الملابس ) براها زاويتها مكتملة ورؤيتها واضحة وما خجت من موضوع باقي الصورة لانها من الاول محددة موضوعها انه ملابس بالتالي ما تطرقت لرسم اي حاجة خلافها لكن الفكرة الاولى حقت محمد وهي سارة خلفة وكت لقت انو صورت محمد وجدت استحسان
| |
|
|
|
|
|
|
Re: المعرض المشترك الاول (محمد و شهد ) وليد محمد المبارك (Re: وليد محمد المبارك)
|
Quote: بسسسسسس .. قرض علي كده .. ده شغل بديع و سمح تب و مجيه .. قعدوا الفنانين سنين عشان يرسموا ( بالفطرة ) زي ده .. الفطرة السليمة الما داخلاها الحسابات و المقاييس .. زمان كان عندنا استاذنا يطراهو بالخير يقول ليك : ( الفيرست تطش هي زا موست يونيك آند أونيست تطش ايفر ) .. عشان بتمرق بصمة خشمها .. من جوه روحك و علي البورد عدييييل .. رسامين تانيين دخلوا في تجربة يختو اللون من التيوب مباشرة علي الورق .. لون صرف ما مخلوط .. لا محاسا و لا مواسة .. هسه زولي ده عمل كده في الشغل الفوق ده .. مافي أبعاد .. مافي شوف وسيع للموضوع .. مافي تداخل لونين ، شاف جزء من الموضوع و رصدو و كباهو زي ما الله خلقو .. بعدين أبعدهم من الرسم من الذاكرة .. لازم عينهم تتدرب علي الشوف المباشر و الرسم المباشر . عملتو ليك موضوع أنا .. صاح ؟ لكن عشان عجبوني الشفع الحلوين ديل ياخ ( التقول ما حقنك ) .
شوف يا ابن خالتي .. الناس ديل خليهم من حكاية التلوين الديجيتال ده .. جيب ليهم ورق و الوان و خامات مختلفة و خليهم يسرحوا .. استطعام اللون ما بس بالشوف .. باللمس و الريحة و المجهود بتاع التعديل و بري القلم و تنضيف الورقة .. ده جزء من المتعة الح يحسوا بطعمها .. الإنتصارات الصغيرة بتزود من إحساسهم بالإنجاز و المتعة الفيهو . و .. بس . |
ما في كلام بعد كلام عمدة وفاضلابي كل سنة وانتو طيبين
| |
|
|
|
|
|
|
Re: المعرض المشترك الاول (محمد و شهد ) وليد محمد المبارك (Re: وليد محمد المبارك)
|
وليد يا صحبي ...
اقسم بالله ناديت ناس بيتنا كلهم يشوفوا المعرض بتاع اولادك ... ربنا يحفظهم انشالله ...
عندنا بت جيرانا ابوها شغال رسام , مشت نادتو عشان يشوفها , بالله الراجل الشبكه البي وشيها , قال الا يشيلهم في سي دي عشان يفرجهم لي
اولادو في البيت ... اتاري الراجل ممغووووووس , ولا واحد في شفعو بيعرف يجر لون في ورقه , مش يرسموا عديل ...
غايتو , انا سميت بالرحمن , وقلت ماشالله , وقريت المعوذتين ... ابيت اديهو السي دي عشان حقوق الملكيه الفكريه وكده .. بالله استاذن لي من العيال , اقصد من الاساتذه عشان نديهم الصور..
تحياتي وليد ... وربنا ينور عقلك كمان وكمان , بالجد انت ابو موباااااااااالغه .. ( ما تصدق دا عشان الشفع ما ينصدموا بس ... لووووول ) ..
| |
|
|
|
|
|
|
Re: المعرض المشترك الاول (محمد و شهد ) وليد محمد المبارك (Re: وليد محمد المبارك)
|
وليد يا شفت دي بس دقست فيها،يا عمك البنيه دي شوف ليها مدرسة تنس ولا سباحه تنفعك من جور الزمان. والشبل املاهو هدايا كورة شي شراب وبلاستيك وجلد،واحكي ليهو عن ميسي وهنري وكاكا. ووقع معاهم عقودات من هسه لادارة الاعمال،الزمن بقي جبان بعديين رسومات شنو والخرطوم الكبيرة دي مافيها ولا صالة عرض واحدة والاخوان متواجديين لمدك بالازم في مشاريعك الحقيقيه. تسلم البتاع المنتظرينو لو كنت رسلتو مع كابتن كابو كان سجلوا ناس الارسنال فرحان بالشريط بتاع فولهام الليله. تحياتي اليك والاسرة يا شفت.
| |
|
|
|
|
|
|
|