|
|
|
 Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: مجدى محمد مصطفى)
|
الناس العاملين لينا فيها فقهاء اخر الزمان ديل أمرهم عجيب خلاص ...
والله الواحد قاعد يخجل ليهم عديل , عاملين زي الواحد الماشي (تليس) ولابس ليهو كرفته .
قول ليك قال الله وقال الرسول وهو أبعد ما يكون من الدين , بس شايلاهو الوهمه وعامل خليفه الله في الأرض , لكن هيهات خلاص انكشف الخافي والمستور وأصبحوا امام الناس عراه لا يسترهم دين ولا خلق .
الذين ماتوا في كل مكان من السودان ظلما وعوانا وتكبرا سواء كانوا مسلمين أو غير مسلمين لن يغفر الله لكم قتلهم ولن يغفر الله لكم دعم قاتليهم .
| |
 
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: فتحي البحيري)
|
هذا في أطار يموتوا تلتين ويعيش التلت الباقي مرتاح انتو نسيتو فقه المرحلة ولا شنو فبالله لا تشغلوا اهل هذه الحكومة بالقضايا الانصرافية من شاكلة دارفور وغرقي ومشردي السدود فهم لديهم واجبات أهم بتحديد مقاسات سراويل النساء وبعدها الجهاد الأعظم بتحديد مقاسات سراويلنا نحن ذاتنا وتسميل عيوننا الوقحة التي تطلع على النساء وتطلع علي عيونهم التي تطلع علي النساء
قضية المرحلة
ماذا تلبس النساء والبنات في الاسواق والبيوت و المكاتب ولا اقول ليك هم ذاتهم ما يمشوا الماكتب خليهم يقرن في بيوتهن
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: عبدالرازق الطيب يس)
|
Quote: من الذي قال لك بأن أهلنا في الباوقة سيغرقون بعد قيام سد الشريك ؟
الحكومتان الاتحادية والولائية اكدتا ان اهل الباوقة وارتولي والعبيدية في مأمن من مياه السد
والتزمت بذلك وحدة تنفيذ السدود بارك الله في اعمالها,
يعني الدش مات في اياديكم يا ناس المعارضة
دي شوفوا غيرا اي لعبة تانية ممكن تمر علي الناس الا دي. |
لأنك انت ماشفت الباوقة والمسافة البينا وبين الخزان عشان كدة ما تفتي وتروج
لإشاعات انوالباوقة ما حتغرق فقط المعنيون بالامر هم الذين يحددون ويقتنعون
بإشاعات البشير وفبركات بطانته السيئة. لذا لو سمحت لا تجزم بشئ انت جاهل به .
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: عبد اللطيف السيدح)
|
Quote: الباوقة اللذيذ تفاحا
كيف ما اكون شفتها
معقولة دي
الباوقة من التكاويين الي فتوار
مرورا بالحواشات والنمر وحلة السوق والجرايس كلها حمتها كداري |
الاخ عبد اللطيف السيدح .. سلام ..
يآخ بطل حركات .. وقت تقول كلام مافي محلو والناس تعدلو ليك اتعامل معاها بجدية
يعني وقت نضمت كلامن غلط لأنك من البداية ما عارف الوضع كيف
والناس جات ورتك الحاصل بخرطها وهم قاعدين هناك جاي تهظر وتميع الكلام ..
يا ابقي قدر البتكتبو هنا واخد حقك من في نقاشك بموضوعية واديها حقها في المعلومة
الصحيحة بدون هُتافية يا كمان تاني زولن بيتعامل مع اي موضوع بتفتحو هنا بجدية مافي
وكلو يبقي هظار ومضحكة وشغل هتاف ..
وقت تفتح بوست او تدخل في بوست وتنسعل نتمني تجاوب على الطرح وتبقي قدرو يا ارفع يدك
وقول ان مجرد هتيفة بس ..!!
ولك التحايا
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: HAIDER ALZAIN)
|
Quote: من الذي قال لك بأن أهلنا في الباوقة سيغرقون بعد قيام سد الشريك ؟
الحكومتان الاتحادية والولائية اكدتا ان اهل الباوقة وارتولي والعبيدية في مأمن من مياه السد
والتزمت بذلك وحدة تنفيذ السدود بارك الله في اعمالها,
يعني الدش مات في اياديكم يا ناس المعارضة
دي شوفوا غيرا اي لعبة تانية ممكن تمر علي الناس الا دي.
وسلامتكم |
معارضة شنو يا سيد ح
هو لو في معارضة كان انتو قاعدين لي حسع ؟
بعدين ياخ مرة واحده ابعد الخلاف السياسي وفرق بينو وبين مصير ناس وحياة انسان واحد ناهيك عن بلد باكملها .. وبين الانتماء السياسي الاعمى .. انا احي ود الباوقة عمر عبد القادر رغم انتمائه للمؤتمر الوطني اختار ان يكون الى جانب ما يختاره اهله ..
يا سيد ح لو حجر رمينا شمال الباوقة المنطقة كلها بتغرق ناهيك عن خزان كامل بل ليس خزان واحد وانما اكثر من خزان سد مروي الان يهدد منطقة الباوقة وقبل سد مروي يعاني كل السكان جوار النيل مباشرة من خطر الفيضان كل عام ويبيت اهل الباوقة كبيرهم وصغيرهم جوار النيل ويترسون ارتفاع اكثر من مترين وثلاثة سدا للماء على طول امتداد المشروع ..
اذا كيف لا تتاثر المنطقة بسد الشريك ؟؟
وانا اقولها لك جاهل وحاقد ومصاص دماء من يقول ان الباوقة لن تتاثر ..
يا اخي التنمية انما تعمل من اجل الانسان فما فائدتها اذا كان انسان المنطقة مصيره التشريد والضياع او الموت ؟؟
يا اخي خافو الله في عباده ان الله يمهل ولا يهمل ...
ان اقل ما يمكن فعله في حالة ضياع انسان المنطقة هو الدعاء الابدي عليكم وعلى ابنائكم ..
واكثر ما يمكن فعله هو حمل السلاح .. والنار من مستصغر الشرر .. والبلد المحن يلولي جنياتا ..
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: محمد حسن العمدة)
|
Quote: مالك ناسي القتل في دارفور وجاوبت على الأول فقط ؟
ولا برضو بارك الله في الذين يقتلون في أهلها لكي يخلصوكم من هؤلاء العبيد !!! |
نعم يا اخي هذا هو فهم هؤلاء الشذاذ .. فالناس عندهم اعراق ويعتقدون انهم هم العرق القوقازي صاحب الامتياز المطلق على خلق الله !!
لذلك نجد ان اكبر المتنفذين فيهم هم نافع وغوش وغيرهم ممن يعتبرون انفسهم صفوة العرق البشري وما درو بانهم انما الى يوم يساقون فيه ويحاسبون حسابا عسيرا ...
من من ابناء دارفور استلم ملف دارفور ؟
من قبل كان مجذوب الخليفة ومن بعده نافع والان غازي عتباني من اعطى هؤلاء صلاحية الامتياز لمناقشة مشكلة دارفور من دون ابناء دارفور ؟
وللاسف لا يريد ان ينتبه ابناء دارفور بداخل النظام الى هذه العنجهية والعنصرية ومن انتبه لا يهمه سوى نفسه ونفسه فقط
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: Haydar Badawi Sadig)
|
Quote: هذا في أطار يموتوا تلتين ويعيش التلت الباقي مرتاح انتو نسيتو فقه المرحلة ولا شنو فبالله لا تشغلوا اهل هذه الحكومة بالقضايا الانصرافية من شاكلة دارفور وغرقي ومشردي السدود فهم لديهم واجبات أهم بتحديد مقاسات سراويل النساء وبعدها الجهاد الأعظم بتحديد مقاسات سراويلنا نحن ذاتنا وتسميل عيوننا الوقحة التي تطلع على النساء وتطلع علي عيونهم التي تطلع علي النساء
قضية المرحلة
ماذا تلبس النساء والبنات في الاسواق والبيوت و المكاتب ولا اقول ليك هم ذاتهم ما يمشوا الماكتب خليهم يقرن في بيوتهن |
الاخ محمد ابراهيم
سلام ورمضان كريم
نعم هي بذاتها الاستراتيجية التي اعلنها الزبير محمد صالح ذات يوم لو تلتين الشعب مات وفضل تلت واحد - الجبهجية طبعا - مافي مشكلة ابدا لذلك تم تفويج الالاف الى محرقة الجنوب ومن بعدها دارفور وكردفان والاوسط والنيل الابيض ليهم الجوع والفقر حسع عليك الله يوم واحد سمعت ليك بكيري ولا سد ولا طريق ولا مستشفى اتعمل في النيل الابيض ولا الجزيرة ؟؟!!
الشرق يا قتل بالحرب او بالجوع والفقر والامراض ..
الشمال غراق بالسدود الشمالية كلها علي شاطي النيل اي سد ولو بحجر او نبقة بس بترفع منسوب المياه وبتغرق كل المناطق جوار النيل وما يتبقى تكسوه الرمال بوحشة الموت ....
ولكن هل يعقل ان يكون معدو استراتيجيات الموت هذه سودانيز تربو معنا على نفس تراب هذا الوطن ؟؟!!
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: محمد حسن العمدة)
|
Quote: بالغت يا العمدة !!
منو القال ليك إنو ناس دارفور أو ناس الشريك أهم من (السراويل) ؟!
(السراويل) يا أخوي هي النقطة المفصلية في فكرهم كله،ومحور تفكيرهم، لذا فهم منذ عقود يلفون ويدورون حولها.
إذا ساء فعل المرء ساءت سراويله..مش كدة؟ زي أخونا الإرهابي إسحق فضل الله..أمشي أقرا مقالو شان تآمن تقتنع إنو النس ديل حدود تفكيرهم ياها السراويل دي |
تعرف يا خالد مدارس ناس عثمان مضوي وحاج نور وبدر الدين طه دي هي الخرجت جيل ناس اسحق والهندي عز الدين وديل الواحد ما بقدر يكتب عنهم وهو صايم كدي خلينا نفطر ونجيهم 
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: محمد حسن العمدة)
|
Quote: الحبيب ود العمده سلامات كتيره
تتذكر المثل حق الزول العندو قرد ومشى السوق اشترى ليهو بنطلون
واكتشف بعداك انو عشان (قردو) يلبس البنطلون
اما ان (يخرم) البنطلون عشان يطلع ضنب القرد بره
او (يقطع) ضنب القرد واى عمليه منهم حا تفقد اى واحد منهم اهم ميزه بتميزوا |
ازيك يا منتصر ورمضان كريم وحليلك وحليل ايام النش
الناس ديل رغم انهم فعلا قرود وبمارسو قلة الادب بتاعت القرود لكن نجحو فعلا في شغل قوى المعارضة ايضا بقضايا لا اقول انصرافية ولكنها تلهي المعارضة عن قضاياها الاساسية واللي بتتمثل في ازاحة النظام الشمولي وعودة الديمقراطية كاملة الدسم عشان تختفي كل اشكال الاضطهاد العنصري بكافة اشكاله .. وبدل ما كنا بنتكلم عن شرعية النظام من عدما بقينا بنتكلم عن شرعية سروال لبنى ..
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: محمد حسن العمدة)
|
Quote: واحدة من إثنين. إما أن تكون الحكومة, ووحدة السدود سُذّج...
أو نكون نحن أهل الباوقة, والأخ صاحب المداخلة معانا سُذّج...
معاوية المدير, الباوقة حِلة السوق... |
العزيز ود المدير
سلام
طبعا السذاجة في الحيكومة وحاشاء ان نكون في الباوقة من الساذجين
الحيكومة سازجة ليس في عدم غراق الباوقة فهي تعلم جيدا ان الباوقة وكل المنطقة ستتاثر لا محالة ... لكنها سازجة في تعاطيها مع انسان المنطقة ومحاولة التقليل من شانه ... نفس هذا الاستهتار بحياة المواطنين هو نفسه ما حدث في بدايات مشكلة دارفور وان ارادات ان تعيد نفس الاخطاء والجرائم فلتكن عن قدر التحدي ...
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: محمد حسن العمدة)
|
Quote:
Quote: عدنا سادتى و اهلنا فى منطقة الباوقه و ريفها بعد كل سنى التجاهل مهددون بالغرق و الترحيل و التشريد و من من من اناس لا يعرفون المنطقة و لا تاريخها و لا ارثها كما يسعون بالفتنه بين الاخ و اخيه ليسهل لهم ما يريدون و لكن هيهات لهم
يودون ان يشقوا الرابط بين الباوقه القريه و اريافها الجول و فتوار و السليمانيه وهذا يتضح جليا من كلام بشيرهم بانه استثنى الباوقه من الغرق عجبى كيف ان الرئيس يحدد من يغرق و من لا يغرق و دراستهم تقول غير ذلك
|
تشكر عبد الرازق يس على الحضور وتقديم صوت قوي معبر
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: محمد حسن العمدة)
|
Quote: لأنك انت ماشفت الباوقة والمسافة البينا وبين الخزان عشان كدة ما تفتي وتروج
لإشاعات انوالباوقة ما حتغرق فقط المعنيون بالامر هم الذين يحددون ويقتنعون
بإشاعات البشير وفبركات بطانته السيئة. لذا لو سمحت لا تجزم بشئ انت جاهل به . |
وليد شريف سلام
ياخي مسافة شنو ؟
هو سد مروي دا حسع دي مضايق البلد تقول لي مسافة ؟
كل من يعرف المنطقة ولو معرفة بسيطة يعلم تماما ان اي سد وليس ( سدود ) في مناطق الشمال سوف تكون نتائجه كارثية على المنطقة وتاريخها وسكانها ... التنمية لا تكون باعدام الشعوب بل من اجل الشعوب
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: محمد حسن العمدة)
|
Quote: الاخ عبد اللطيف السيدح .. سلام ..
يآخ بطل حركات .. وقت تقول كلام مافي محلو والناس تعدلو ليك اتعامل معاها بجدية
يعني وقت نضمت كلامن غلط لأنك من البداية ما عارف الوضع كيف
والناس جات ورتك الحاصل بخرطها وهم قاعدين هناك جاي تهظر وتميع الكلام ..
يا ابقي قدر البتكتبو هنا واخد حقك من في نقاشك بموضوعية واديها حقها في المعلومة
الصحيحة بدون هُتافية يا كمان تاني زولن بيتعامل مع اي موضوع بتفتحو هنا بجدية مافي
وكلو يبقي هظار ومضحكة وشغل هتاف ..
وقت تفتح بوست او تدخل في بوست وتنسعل نتمني تجاوب على الطرح وتبقي قدرو يا ارفع يدك
وقول ان مجرد هتيفة بس ..!!
ولك التحايا |
يا حيدر يا خوي الادمي دا من هل شهر رمضان ما شفناهو يكون ربطو مع الجماعة ولا شنو ؟؟
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: محمد حسن العمدة)
|
Quote: غرق الباوقةمتأكد منه حتي والي نهر النيل
و من ينظر لخرائط الدراسات يتأكد ان المغروسات في الباوقة سوف تغرق و تبقى منطقة العمارة(للذين شافو المنطقة)
اذن ما فائدة الباوقة بعد غرق مغروساتها والتي سوف اوافيكم بصور حارة منها في بوست خاص بناء على طلب الأخ ود الباوقة.
نقطة اخرى هي ان من يقود معارضة السد في الباوقة و فتوار هم قيادات المؤتمر الوطني هناك و انا مسئول مما قلت |
العزيز ود الشيخ سلام
ان غرق الباوقة وفتوار وكل منطقة الباوقة امر لا ينكره الا خفاش يابى ضوء النهار اذا ما تم تنفيذ سد الجن دا ..
المجذوب لا يهمه الا قدر ما يناله من نصيب يسد به جوع جشعه الذي لا يهمد
شكرا للمرور المسالة ما مسالة حزب سياسي بل مسالة كارثة ستحل بالجميع
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: محمد حسن العمدة)
|
Quote: الأخ / ود العمدة
كيف يا غالي
زي ما قال ليك خالد عويس إنت بتبالغ السروال عند
الجماعة موضوع الحديث أهم من كل شئ وهو محور تفكيرهم و
يسيطر على مخيلتهم و يشكل لهم منخوليا و هواجس تنعكس في
في تصرفاتهم اليومية .
مع الشكر
حامد شارف |
الحبيب شارف سلام ورمضان كريم وتصوم وتفطر علي خير
نعم هم كذلك بل اضل سبيلا تتحكم فيهم بني الوعي التناسلي بشكر غريب جدا والاغرب انه ليس تجاه النساء فقط !! فقديما كان احد شيوخهم يرتاد شوارع الخرطوم من اجل مقاسات بناطلين الرجال ايضا اتذكرونه ؟؟
| |
|
|
|
|
|
|
|
|
|
Re: السيد ح ما هو حكم الشرع في غرق اهل الباوقة والقتل بدارفور؟ الاهم حياة البشر ام سراويل النسا (Re: Haydar Badawi Sadig)
|
Quote: هلا تحركنا للانتصاف والانتصار
لكرامة الإنسان السوداني في المرأة
وفي الرجل معاً؟ |
الاخ العزيز د حيدر
سلام
لقد ورد عن رسول الله صلى الله عليه وسلم انه كان جالسا ذات يوم مع صحابته ومرت عليهم جنازة فقام رسول الله صلى الله عليه وسلم فهمس صحابي في اذنه ان هذه جنازة يهودي فاشار رسول الله الى اكرام الانسان من اجل انسانيته وليس بديانته وبالتالي عرقه وثقافته ونوعه ...
النظام يحدثنا كل يوم عن الشريعة الاسلامية وهم ابعد خلق الله عن الشريعة وعن منهج رسول الله .. ينبغي ان يعلم المسلم ان كرامة الانسان فوق كل شي ولا ينبغي ان يحقر كائن من كان ...
الدعوة للانتصاف تجد القبول والتاييد ولكن من اجل تحقيق كرامة الانسان لا بد من ازالة اسباب تحقير هذه الكرامة اي ازالة هذا النظام الجائر الظالم عبر اصطفاف جديد للقوى الوطنية والمدنية كافة والتي تؤيد ادبياتها ودساتيرها حقوق الانسان وكرامته بعيدا عن التسويف والادعاء المتغابي لسدنة الشمولية وازيالها ..
اي ان الدعوة تكون اشمل من اجل تطهير الواقع السوداني من رجز الهوس والاستغلال الانتهازي للدين والشعارات ... وارى في مؤتمر جوبا 11 سبتمبر خطوة يتجدد فيها الامل لتحقيق ذلك ويا حبذا لو تمت فيه اعادة صياغة وسياقة المواثيق السابقة للتجمع وكل مواثيق حقوق الانسان واعلان حكومة قومية عاصمتها جوبا الى حين تحرير الخرطوم من المغتصبين ... هذا الكلام قد يكون حالم ولكن صدقني لا مخرج للبلاد من ازماتها المتولدة يوميا الا بهكذا اتفاق ...
نحن الان اكثر ما يؤرقنا ليس لمن تكون نتائج الانتخابات بل تقرير الجنوب لمصيره في ظل هذه الحكومة الظالمة لان الناخب الجنوبي سوف يدلي بمصيره تحت ظل تشوهات عمقها هذا النظام ومن اجل فترة انتقالية متعافية من شوائب الجبهة الاسلاموية تؤكد للاخوة بالجنوب محبة اهل الشمال والغرب والشرق والوسط لهم لا بد من تتم في جو معافى من ادران الشمولية ...
لذلك اقول ان الامل معقود فيكم انتلجنسيا الحركة الشعبية في اعادة النظر كرات عديدة في ممارسة حقكم المصيري .. هذا رجاء بدافع الاخوة والمحبة لشعب جنوب السودان ولوحدة السودان اتمنى ان يجد صداه لديكم ورغم ضيق الوقت سوف افترع بوستا خاصا بذلك واتمنى ان اجد الوقت لمتابعته ....
| |
|
|
|
|
|
|
|
BAKTASH
فتحي البحيري
عبد اللطيف السيدح
saif massad ali
مجدى محمد مصطفى
محمد إبراهيم علي
منتصر الامين
معاوية المدير
عبدالرازق الطيب يس
الطيب رحمه قريمان
HAIDER ALZAIN
بشري الطيب
MOHAMMED ELSHEIKH
Haydar Badawi Sadig
فيس بوك
تويتر
انستقرام
يوتيوب
بنتيريست