|
|
|
 Re: البِلي إتطاااااقش (Re: وليد محمد المبارك)
|
سلامات وليد ..
سلامات تبلدينا ..
كيف اصبحتو علكم طيبين ...
والله , وحات ستي مريم الخدرا ما عارفاكم شايتين وين .. بس غايتو المطمن انو شكلوا ما ضفاري .. لووول ..
المهم حبيت اسلم ...
ارقدوا عافيه ..
ملاحظه : ما دايره احرف البوست لكن اتفضلوا زلابيه باللبن ...؟؟؟
| |
 
|
|
|
|
|
|
|
 Re: البِلي إتطاااااقش (Re: عبدالمجيد الكونت)
|
Quote: والبلي لمن لا يعرفه هي كرات زجاجية ملونة وجميلة ... يعلب بها الصبية .. ويتم خرتها بالضراب او الجُلة وهي كرات حديدية باحجام مختلفة
|
هسي مع اللغة العربية الفصحي الفوق دي غلبكـ تلصق ليها جمعها أو ما يماشي ؟
خرتها دي لغة عربية يعني ؟
دايماً شارطين عيننا مع الجكس و البلي
| |
|
|
|
|
|
|
|
|
|
Re: البِلي إتطاااااقش (Re: فيصل نوبي)
|
مسدار بلى
الشفت
وكت ما كنت فقير والناس وراى بتصلى
دا حب البنات خلانى بلعب بلى
يارب ياكريم ياخالق الجمال من قلى
انا هلكت فى ملكة جمال .....دلى
الحاشية
دلى= يعنى نيو دلهى ,,اهلها يدلعونها ب ها الاسم
مثل ناس الجزيرة يقولون لامدر البقعة,,ولخرطوم
خرطوم ود اللمين..اما المصرين يقولون للقاهرة مصر
اما الارجنتينين يقولون للعاصمة ريو,,اختصار للاسم الطويل
البشبه رونالدينو,,,اها خبركم شنو
شايف العدلاء اطاقش...بليهم
| |
|
|
|
|
|
|
|
|
|
Re: البِلي إتطاااااقش (Re: abuguta)
|
اب قوته يا حبيبنا
الضراب طقش والبلي قام اترم
اتشربكت الخيوت من زول نجيض ومقرم
لو مها ساير ساكت الزول يمين كان حرم
انو يجوطها ليهم..اصلو جني مصرم
| Quote: شايف العدلاء اطاقش...بليهم |
ها يا معلم
ده حنك بيش ساكت
| |
|
|
|
|
|
|
|
|
|
Re: البِلي إتطاااااقش (Re: وليد محمد المبارك)
|
Quote: الضراب طقش والبلي قام اترم
اتشربكت الخيوت من زول نجيض ومقرم
لو مها ساير ساكت الزول يمين كان حرم
انو يجوطها ليهم..اصلو جني مصرم |
الخلاط جلس والبلي جاهو ململم
لابسات الطِرح ْ مو الستروهو مبلم
جابنلو العصير ضننو إنو ومكلم
إعزمنو يسكتْ وعِن دفع القروش إتكلم
ناس البلي سلام جاكن
ــــــــــــــــــــــــ
الليلة قلنا الروب من السيرفر
| |
|
|
|
|
|
|
|
|
|
Re: البِلي إتطاااااقش (Re: جلال جبريل)
|
Quote: الخلاط جلس والبلي جاهو ململم
لابسات الطِرح ْ مو الستروهو مبلم
جابنلو العصير ضننو إنو ومكلم
إعزمنو يسكتْ وعِن دفع القروش إتكلم |
الخلاط بيدفعوا ليه ماهو البدفع
وسيد الشي البحنك وبقنع كلامو بيشفع
يفطر ويشرب البارد والمصاريف تطلع
زي قرص الزهر ملموم النحل فيه يرضع
| |
|
|
|
|
|
|
|
|
|
Re: البِلي إتطاااااقش (Re: فيصل نوبي)
|
| Quote: خرتها دي لغة عربية يعني ؟ |
نعم نعم انها لغه عربيه فصيحه ..اقرا سورة طه
ألا تقول خرت الجباه للحى القيوم ..وخرت الجبال هدا
فهى من الالفاظ التوليديه .. وبعدين انت نوبى مالك ومال العربى...
| |
|
|
|
|
|
|
|
|
|
Re: البِلي إتطاااااقش (Re: فيصل نوبي)
|
Quote: هسي مع اللغة العربية الفصحي الفوق دي غلبكـ تلصق ليها جمعها أو ما يماشي ؟
خرتها دي لغة عربية يعني ؟
دايماً شارطين عيننا مع الجكس و البلي |
يا فيصل ياخ انا صحبك ياخ
يعني حركات تقدم نفسك عبر نهزرت صديقك واهانتو ..
دي حركة فارات يافيصل
انت زول مفتح ياخ
يعني الواحد ما يشوف ليه بلومة حايمة
طوالي يقوم ينكرنا ليك
_____________
بعدين انت خرتها دي شوفتها
ضراب مالك جرليتها ؟
حي انا
| |
|
|
|
|
|
|
|
|
|
Re: البِلي إتطاااااقش (Re: عبدالمجيد الكونت)
|
حاضر يا كونت انت تامر
وانت في وضع كتابة رد
تحت في مجموعة وشوش
اختار الوش واضغط كلك باليمين تظهر قايمة اختار منها بروبرتز
تظر الشكل التحت ده
ظلل اللنك زما في الصورة واضغط كلك باليمين برضو واختار كوبي
اختار اضف صورة
واعمل بست
| |
|
|
|
|
|
|
|
|
|
Re: البِلي إتطاااااقش (Re: HAIDER ALZAIN)
|
Quote: أيييك .. أتاريهو في ناس هنا ما ناقشين ابو النوم في الاوششة ( جمع وش ) ..
|
تعالي معرفي يعني عشان ما قرينا جامعة الجزيرة والا شنو ؟ 
غايتو ود جيرانا قره في جامعة الجزيرة ..... 
| |
|
|
|
|
|
|
|
|
|
Re: البِلي إتطاااااقش (Re: omer osman)
|
| Quote: غايتو ود جيرانا قره في جامعة الجزيرة ..... |
دي ذكرتني نكتة نميري شلبي وقت قال انا صاحب صلاح ادريس وفردتو ..
وقتها كان جمال الوالي ما ظهر والارباب قابض جو الراسمالية في السودان
اها نميري قال صاحبي صاحبو حضر حفلة عرس فنانها حسين شندي
وحسين شندي هو صاحب الارباب .. يبقي أنا صاحب الارباب والا لع ..
ــــــ
وليد ما نكون كسرنا ليك ( الضرّاب ) في البوست دا - طبعاص ضراب البلي -
| |
|
|
|
|
|
|
|
|
|
Re: البِلي إتطاااااقش (Re: داليا الكباشى)
|
يا داليا الكباشي
حبابك يُمه
| Quote: تاريخ التسجيل: 23-07-2009 |
اها شفتِ ده الكلام البجيب لينا المشاكل والهواء
هسع بتاعين فك التسجيلات .. والمرندكين ... يحسدونا على مداخلتك دي
ويقعدوا يحدروا لينا من بوست لي بوست ...
البي فوقك ... كان تقولي للقانصين للبرالمه وانت منهم ... الزول دهمشروع فرده اااااااااااكت
خصوصا بعد عزمة الليقيمات دي
اللقيمات ما بناباه لكن اللبن ما يكون بدره ...
متأسفين يا بتاع البلي
لكن والله داليا دي جات هنا براها
| |
|
|
|
|
|
|
|
|
|
Re: البِلي إتطاااااقش (Re: وليد محمد المبارك)
|
يا ولي يا حبوب:
أدي حريتو ..
تخريمة :
لكن يا نوبي ما شلتها من لساني ياخ وليد ده لمن يعمل ليك فيها فراج الطيب بيضغط على الفكرة ضغطت سنينك ..
غايتو للضمان كده يا وليد انا الأيام دي مكثر في الكتابة
| |
|
|
|
|
|
|
|
|
|
Re: البِلي إتطاااااقش (Re: عمر الفاروق)
|
Quote: نعم نعم انها لغه عربيه فصيحه ..اقرا سورة طه
ألا تقول خرت الجباه للحى القيوم ..وخرت الجبال هدا
فهى من الالفاظ التوليديه .. وبعدين انت نوبى مالك ومال العربى... |
حي انا صرف ليهم !!!
اديلهم
يا ادم موسى يا صحبي
والله عشان فزعتك لي دي
البوست حق الجريده تاني ما برفعو
| |
|
|
|
|
|
|
|
|
|
Re: البِلي إتطاااااقش (Re: وليد محمد المبارك)
|
هووووي سيبو الإستهبال ..
خرتها حقت البلي ديك بمعنى خرطها ما بي معنى خرت الجبال ..
مع إنو ما عارف العلاقة شنو لكن فكرة خرتو يعني سفسو يعني لقطو يعني اتوقع انها الخرط زي لمن تخرط ليك حاجة وتجوفها اها اللين ده لمن تفضيهو من البلي يبقا خرطتو ..
قال الجبال قال ..
هي يا يمة هييييييييييي..
تخريمة :
وليد الجكككو وين ؟
| |
|
|
|
|
|
|
|
|
|
Re: البِلي إتطاااااقش (Re: عمر الفاروق)
|
وليد الشفت
كدي خلونا من حصة اللغة العربية دي
وينووو البلي ده ..
انا غايتو زمان كنت بخرت ليك الجماعة خرت شديد
كان عندي جله بتلمع تتطاقش ليك البلي كلووو ..
بلي اشكال وألوان .....
| |
|
|
|
|
|
|
|
|
|
Re: البِلي إتطاااااقش (Re: عمر الفاروق)
|
يا فاروق
عمكـ آدم موسي ده داير يعمل لينا زي الجعلي و الدنقلاوي متشاكلين كل واحد منهم يقول نحن من أهل واحد من الأنبياء
إبتداء من سيدنا آدم .. جعلي سيدنا موسي دنقلاوي .. و ماشين كده
لامن جا الدور علي الدنقلاوي كان باقي سيدنا محمد صلي الله علي و سلم و قال ليو مننا
الجعلي زعل و قال ليو نحن جابونا في القرآن و ربنا قال إنا جعلنا و ما قال إنا دنقلنا
_
آدم موسي
يا صاحبي أكتب عندكـ نوبي محايد حتي في اللغة
| |
|
|
|
|
|
|
|
|
|
Re: البِلي إتطاااااقش (Re: فيصل نوبي)
|
| Quote: وليد ده أصلا جلتو كان بيجيبها من سوق الرابعة من عمكـ (أب كرنكـ) متذكر الزول ده يا وليد |
كيف ياخ
نهاجر المسافة ديك كلها من الحريقة حفايا لحدي سوق الرابعة
ومرات بنمرقها في الخُرد
| |
|
|
|
|
|
|
|
|
|
Re: البِلي إتطاااااقش (Re: عمر الفاروق)
|
يا ود الفاروق
والله انت القانش الكنته
هاهاهاهاهاهاهاهاهاهاهاهاهاها
نديه حريتو اكتر من كده كيف ؟
ياخ ده كل القوانين في صالحو
اول شي هو
طيش لين ترس
وجوزوا لا يخسر
وحريتو بالكراع ما بالفنيلة
وضرابو جلة قطر
وبليه مترم
وبعد ده خارت الناس
بي شنو ما عارف
غايتو بس هو صحبي
لو ما كده كان نشتو ليه في صنقورو
| |
|
|
|
|
|
|
|
|
|
Re: البِلي إتطاااااقش (Re: داليا الكباشى)
|
..
.
سلام يا D2
عارفك شفته بعد شوية بتعرف بالدقل
بالكفر دا منو ؟؟ يعنى تشجيعك للمريخ دا
محتاج تعرف الشوت ضفارى ولا مركز ..
بالله عضة رمضان ما تنسيها قالو بتعمل بيتزا
عجيبة
______
عشان الناس البتلعب فى الليق دى ما بتعرف انجليزى
D2 يعنى د.داليا
| |
|
|
|
|
|
|
|
|
|
Re: البِلي إتطاااااقش (Re: حيدر حسن ميرغني)
|
Quote: Quote: والبلي لمن لا يعرفه هي كرات زجاجية ملونة وجميلة ... يعلب بها الصبية .. ويتم خرتها بالضراب او الجُلة وهي كرات حديدية باحجام مختلفة
هسي مع اللغة العربية الفصحي الفوق دي غلبكـ تلصق ليها جمعها أو ما يماشي ؟
خرتها دي لغة عربية يعني ؟
دايماً شارطين عيننا مع الجكس و البلي |
والله يا شفت دخلت البوست وعايز أجضّمك في حكاية (خرتّها) دي .. لقيت فيصل نوبي قام باللاّزم ... الظاهر في كتيرين واقفين ليك في حلقك.
طيب .. ما دام شغال ترجمة للمصطلحات دي .. أدينا تفسير (تكّس يتناش) .. و(ضرّاب العليه) .. و(حكم النظر).
______
بعدين ياخ البرالمة ديل براحة عليهم .. وأديهم المعرفة دون من أو أذى .. 
| |
|
|
|
|
|
|
|
|
|
Re: البِلي إتطاااااقش (Re: عبدالمجيد الكونت)
|
وليد يا حبوب:
تعال نلعب بلي فرات وسيب بلي القزاز لي ناس القزاز..
ما تقول اخوك عندو حنك سطااااااااحي ..
______________________
الفرات يشمل تسجيلات الفترة من 2002-2006
| |
|
|
|
|
|
|
|
|
|
Re: البِلي إتطاااااقش (Re: وليد محمد المبارك)
|
"ووووووووويييييي الي" يا الشفت
مرة كنت شاهدة على تطاقش بلي لاحظ شاهدة وليست طرف لزوم ناس الاشاعات
لاول مرة اتعاطف مع رجل خائن في محنته
الزول حنني جنس حنونية..
بالله بس يا واطة ابلعيني..
وما يهم لو تبلعيني انشاء الله كمان تظعمتيني
بس اطلع من حضور ذلك المشهد العجيب.
ككف يمين وكف شمال كف يمين وكف شمال..
مبالغة يا الشفت.
بنات الزمن دا بقن موية ساي ياخي..
| |
|
|
|
|
|
|
|
|
|
Re: البِلي إتطاااااقش (Re: د.نجاة محمود)
|
يا دكتوره
اخبارك والعيال
كفيت عدييييييييييييييييل كده!
هو الراجل البكفتوه ده سوى ليه بلي زاتو كيف ؟
عشان يتطاقش
كفيت رسمي كده ؟
الحمد لله ماسكين خطنا ودربنا ما فكيناه كلوكلو
هاهاهاهاهاهاهاهاهاهاهاها
| |
|
|
|
|
|
|
|
|
 Re: البِلي إتطاااااقش (Re: وليد محمد المبارك)
|
Quote: كان فرات ما عارف
في العراق نحن يا عمكـ
اسمو بلي فريييييت |
يا ود الصايم دى دقسة معلمين كبار,,
عمر الفاروق أثبت إنو من نواحى الحصاحيصا وكدا!!
الفرات شراب يعرفه أهل الجزيرة ومصنعه كان فى الحصاحيصا,,
وبلى فريد دى شغل أولاد خرطوم وكدا لكن فرات دا مشروب معروف فى الزمن داك,,,
حكمك شاقى اللين شوطططططططططط ياعمك عامل جلتك الكبيرة دى ترّمتا البللى!!اخاصة
البللى العيون كديس,,
فرات يا فرات
| |
|
|
|
|
|
|
|
|
|
Re: البِلي إتطاااااقش (Re: د.نجاة محمود)
|
| Quote: هي تكس يتناش .. ولا تكس يرجع ؟ |
الإتنين يا وليد ....
لما الضرّاب يتكِّس .. يبادر الخصم ويقول (تكّس يتناش)، لأنو بيكون في مرمى ضرّابو، وعايز ينيشو. أما لو صاحب الضرّاب كان أسرع من الخصم، بيقول (تكّس يرجع) أو (تكّس يُعاد)، وكده يكون عندو الحق يعيد اللعبة .. وكلها وسائل (خرخرة)
_______
لكن دردقتني للترجمة 
| |
|
|
|
|
|
|
|
|
|
Re: البِلي إتطاااااقش (Re: محمد أبوالعزائم أبوالريش)
|
| Quote: تعال نلعب بلي فرات وسيب بلي القزاز لي ناس القزاز.. |
ما دام رشيتوهو في (فرات) دي ... خلاس خليناهو ...
لكن إشمعنى بلي الفريت الضرّاب بتاعو بيكون حصاص، وفي بلي القزاز جُلّة؟
دي حقارة واضحة بي بلي الفريت.
| |
|
|
|
|
|
|
|
|
|
Re: البِلي إتطاااااقش (Re: ممدوح عثمان)
|
يا جماعة فرات فريت كلها فلل ..
وأححححي انا من روضة ست فلة .. :)
غايتو يا ود الصايم الواحد اصصصصلو ما يخرخر معاك !!!!!
بعدين يا وليد تعال نلعب على القلووظ بس ..المتررررم مترررم ده ماف زول يجي يرميهو لينا في اللين !!!
تخريمة :
مش مرات في بلية كده بيختوها في اللين نظام ما بتمرق كللو كللو من اللين ؟؟
ارشح شمايل النور لهذه الوظيفة :)
| |
|
|
|
|
|
|
|
|
|
Re: البِلي إتطاااااقش (Re: عمر الفاروق)
|
Quote: مش مرات في بلية كده بيختوها في اللين نظام ما بتمرق كللو كللو من اللين ؟؟
ارشح شمايل النور لهذه الوظيفة :) |
معاها صباح حسين بتاعت الخرطوم
| |
|
|
|
|
|
|
|
|
|
Re: البِلي إتطاااااقش (Re: Adam D.El-Asha)
|
يا شفت
تتذكر زمان حاجه اسمها شيل شنط لوووووووووول
في ناس هنا عتلو جنس تعتيل زمن الجلل حقت السكه حديد لوووووووووووووول
ــــــــــــــــــــــــــــــــــــــــــــــــــــــــــــــ
حاشية: شيل الشنط كانت عبارة عن طقش طقش بالجلل والضرابات الخرصانية لمن لا يملكون الجلل
وتكون عادة بعد الحصه الاخيرة واثناء العودة الي البيوت حيث يقوم (النايشينو) بحمل حقيبة (النايش) حتي البيت :(
| |
|
|
|
|
|
|
|
|
|
Re: البِلي إتطاااااقش (Re: وليد محمد المبارك)
|
| Quote: شكلك كنت عتالي عديل كده |
يا شفت
صدقني كنت بنيشه جوه الرمله واحيانا لمن الجله تخش في مجري بتاع مطر كنت بسمعه ليهم كلنج :(
ــــــــــــــــــــــــــــــــــــــــــ
كلنج تعني صوت ارتطام الجله بأخري
| |
|
|
|
|
|
|
|
|
|
Re: البِلي إتطاااااقش (Re: وليد محمد المبارك)
|
منك ومن الزول الواقف جمبك
شِق اللين...
حكِم والعب وما تتمطى
ضرب ضرابك كارة الفقرا
الرامية هموما على الطورية وخمج الطين
شق اللين...
أجيك بيغادي واي شئ لي
تجيك الصاقعة التكويك كي
ما تكورك فينا والعب بس ..
تلعب سنك يا الخارتنا
ما انت أناني وبرضو حرامي
وعينك عينك ما بالدس..
من تنزره تخم البلي
وتدخل دارك وتقفل بابك
وأصحاب الحق ما بخلو البلى
وليك واقفين ولا بد يجي يوم يخرتو اللين..
شق اللين...
(أحمد نور)
| |
|
|
|
|
|
|
|
|
|
Re: البِلي إتطاااااقش (Re: بشري الطيب)
|
سلام عليكم يا ناس .. رمضان كريم يا اخوانا في شنو ؟؟
يا وليد والله تبلدينا دا ما عارفاهو من وين ولي الشرف اكون قريبتو لكن عموما انا شايقيه على السكين
امي وابوي وافتخر كمان ... وفي رمضان دا العزومه تبدا من القراصه بالملاح الكارب لحدي الكنافه بالقشطه
مرورا بالشوربات والفطاير والسلاطات ... واوعى زول يقول دكتوره ما بتعرف .. في رمضان نعزمكم وتشوفوا بعينكم ...
يلا يا وليد ونوبي وود الصايم ( بالمناسبه تمبس وين؟) امشوا صوموا من الليله لانو ( بما انكم ضابطين الايقاع لهذا المنبر)
ستكونون الحكام على الكل بتاع D 2 ...
اوكي؟؟؟
يلا صوموا صوموا ... عاااااااافيه
| |
|
|
|
|
|
|
|
|
|
Re: البِلي إتطاااااقش (Re: وليد محمد المبارك)
|
يا خوانّا البوست ده في ظني وليد كان بيقصد بيهو البلّي - بمعنى البلوم - بمعنى الجكس إنتو حوّلتوهة لي قزاز وفريت بي قدرة قادر.
مش قلنا ليك يا شفت في ناس هنا بس قاعدة عشان تحرف البوستات و(تفرغها من معناها).
| |
|
|
|
|
|
|
| |
وليد محمد المبارك
Faisal Elrasheed
داليا الكباشى
فيصل نوبي
abuguta
جلال جبريل
Adam Mousa
omer osman
HAIDER ALZAIN
رغيم عثمان رغيم الحسن
ممدوح أبارو
عمر الفاروق
ممدوح عثمان
نيازي مصطفى
محمد عبد الماجد الصايم
منتصر الامين
حيدر حسن ميرغني
محمد أبوالعزائم أبوالريش
أيمن الطيب
باسط المكي
Adam D.El-Asha
بشري الطيب
فيس بوك
تويتر
انستقرام
يوتيوب
بنتيريست