|
|
|
 Re: آخر ما توصل اليه ياسر عرمان (Re: معاوية عوض الكريم)
|
الان يمكنني ان اقول انه هو هو
نعم هو ياسر عرمان المرتيط مع نبط الجماهير
لازم بنزلزا للشارع مع الجماهير ...و بهذا يدب الرعب في قلوب الذبن سرقوا الجماهير
الي متي بقبعون في ردهات المكاتب و يذولن في الاعمال المكتبية...
يجب ان لا تنطلي عليهم مسألة السلطة المبتورة المقمصة في دماء الشهداء
التحية لك ياولد العم عرمان
شحتو
| |
 
|
|
|
|
|
|
|
|
Re: آخر ما توصل اليه ياسر عرمان (Re: Abdel Aati)
|
Quote: نعم وحق له
وهكذا يتم تغيير القوانين في كل العالم
بارادة الشعب ورأيه الحقيقي.. |
وهناك من يمثل الشعب ..
ياسر عرمان عضو في البرلمان عن جنوب السودان
وحركتو العملها دي ،، حركة انسان عاجز عن اثبات وجوده في البرلمان
| |
|
|
|
|
|
|
|
|
|
Re: آخر ما توصل اليه ياسر عرمان (Re: معاوية عوض الكريم)
|
Quote: ياسر عرمان عضو في البرلمان عن جنوب السودان
وحركتو العملها دي ،، حركة انسان عاجز عن اثبات وجوده في البرلمان |
وهب إن ذلك صحيحاً ... وهو بالفعل صحيح تقنياً ، فإن ما يسمى بالمجلس الوطني ، هو عبارة عن مسرحية كبرى .. وليست لديه أي سلطات تشريعية ملزمة لعصابة المؤتمر الوطني ... هل يستسلم ياسر عرمان للأمر الواقع ، أم ينتقل بالمعركة إلى الشارع ؟؟ كما يفعل كل خلق الله ....!!
التحية لياسر عرمان ... والتحية لنون النسوة السودانية أينما كانت ... والتحية لراء الرجولة السودانية متى ما غضبت وقالت كلمتها ....!!!
| |
|
|
|
|
|
|
|
|
|
Re: آخر ما توصل اليه ياسر عرمان (Re: معاوية عوض الكريم)
|
| Quote: هكذا يتم تغيير القوانين يا سعادتك ؟ |
الاخ العزيز معاوية
فى العام 1968 اجتاحت فرنسا ثورة عارمة كتبها عنها كبار الكتاب فى ذلك الحين وهو ما عرف بالثورة الطلابية
وتلك الثورة غيرت القوانين الخاصة بالتعليم الجامعى
ثم ان ثورة اكتوبر ادت الى نيل المراة السودانية حقها فى الانتخابات لاول مرة فى تاريخ السودان بل وتاريخ العالم العربى "حيث نالت العام الفائت فقط نساء الكويت حق التصويت بعد مظاهرات عارمة وما تزال العديد من الدول "تحرم هذا الحق "
ولم يكن القائد ياسر بعيدا عن هذه التواريخ التى كتب عنها هربرت ماركوز فى فرنسا وماريو بوزو
وهما من اكبر الكتاب الذين كتبوا عن تلك الثورة
الامر يا صديقى يتوجب ان تبدا الحملات الان وليس غدا
لاعادة البلاد الى نصاب العقل فيها
ثم اننا فى بلاد كان القانون لا يعلى عليه
حتى جاءت قوانين سبتمبر وباتت الفوضى محل القانون
| |
|
|
|
|
|
|
|
|
|
Re: آخر ما توصل اليه ياسر عرمان (Re: سلمى الشيخ سلامة)
|
الاخ المناضل عادل
الرفيقة بت البلد سلمي
نعم ...علي جميع قدامي المحارين النزول الي الشوارع لتغير الظلم و الانبطاح
شكرا اختي الجبيبة سلومة
نعم كلامك في المليان ...و قريبا سيرون الجميع علي الارض
لازم الناس القدام _ قدامي المحارين ان ينزلوا و يقودوا الجماهير في عمل ديمقراطي سلمي
و حنشوف العجب... فقد خاب من ظن ان الجماهير ستمووت بالقهر و الافقار
| |
|
|
|
|
|
|
|
|
|
Re: آخر ما توصل اليه ياسر عرمان (Re: shahto)
|
كنت اتوقع منك ان تقول و الله خطوة الي الامام
الناس خلو السلاح و اثروا الجهاد \النضال المدني
الي النضال او الجهاد السلمي ...يعني الزول ده مجرب داوس دواس الجن ياليندقية حتي توصلنا الي يلدين
الان يعمل وفق الدستور هو حق التظاهر لانتزاع حقوق دستورسة عاوزين شنو تاني
لعلهم يعقلون
الشحتو
| |
|
|
|
|
|
|
|
|
|
Re: آخر ما توصل اليه ياسر عرمان (Re: shahto)
|
هو القادم من رحم الشعب..لم أكن أتوقع منه سوى ذلك..قرأت أنه كان حاضرا في الجلسة السابقة فتأكدت حينها انه سياسي من نوع اخر . ولم يخيب الرجل ظني..ولا أتوقع أنه سيخيبه..
| |
|
|
|
|
|
|
|
|
|
Re: آخر ما توصل اليه ياسر عرمان (Re: فتحي الصديق)
|
Quote:
هو القادم من رحم الشعب..لم أكن أتوقع منه سوى ذلك..قرأت أنه كان حاضرا في الجلسة السابقة فتأكدت حينها انه سياسي من نوع اخر . ولم يخيب الرجل ظني..ولا أتوقع أنه سيخيبه.. |
افترضنا ان المحكمة حكمت شطبت البلاغ ..
او حكمت على المتهمة ،، اها ؟
| |
|
|
|
|
|
|
|
|
|
Re: آخر ما توصل اليه ياسر عرمان (Re: فتحي الصديق)
|
.......
| Quote: عليه ان يثير المسالة في البرلمان |
هذا صحيح ...عليه أن يثير ذلك في الجهاز التشريعي ويتبني تعديل المادة الجائرة والغاء القوانين المقيدة للحريات .....وطبعا لايتأتي هذا بالجلوس
في المقعد الوثير في البرلمان والتنظير من علي البعد وأنما بالأنفعال بقضايا الجماهير وتغبير
أقدامه بالجهاد مع الكادحيين أمام المحاكم وفي الشارع ليعبر ولو رمزيا عن تضامنه مع لبني ومع النساء ثم ينقل بعدها نبض الشارع للبرلمان
| |
|
|
|
|
|
|
|
|
|
Re: آخر ما توصل اليه ياسر عرمان (Re: Abu Eltayeb)
|
| Quote: عليه ان يثير المسالة في البرلمان |
اذيك يا ميادة
اقول ليك كلام
هو ما كان رفض ترقيع القانون الجنائى فى البرلمان وقت جماعتك جابو حته رقعة كده
اسمه جرائم ضد الانسانية والقائد ياسر عرمان رفض الرقعة دى وطالب بتعديل القانون باكمله
وذكر بعض العقوبات فيها بتم العقاب فبها بالجلد...وهناك ثقافات اخرى سودانية تعاقب بعقوبات\
مختلفة.
واسهب واعطى مثالا للزنى
تزكرى هيجة جماعتكم فى المجلس بدء من غازى صلاخ الدين (جا نط من كلامه فيما بعد ببيان مشهور
نشر فى اجراس الحرية والرأى العام )
تزكرى تكفيره ؟
تزكرى اهدار دمه؟
تزكرى القنابل فى مكتبه ؟
ده كله فى كلام قاله فى البرلمان عن قانون غير مواكب وغير مقبول
فيها العديد من العقوبات المهينة للانسانية
أها قلتى شنو ؟؟
يثير المسالة في البرلمان؟؟؟؟؟
تااااااااااانى؟؟؟
| |
|
|
|
|
|
|
|
|
|
Re: آخر ما توصل اليه ياسر عرمان (Re: shahto)
|
Quote: الان يمكنني ان اقول انه هو هو
نعم هو ياسر عرمان المرتيط مع نبط الجماهير
لازم بنزلزا للشارع مع الجماهير ...و بهذا يدب الرعب في قلوب الذبن سرقوا الجماهير
|
والبرلمان ده عملو لي شنو ؟ للجقلبه ..
مثل هذه القوانين لا تغير بالهتافات ..
عن اى رعب تتحدث واى جماهير ..؟
الموضوع بسيط جدا هو تغيير قانون ونحن مع ذلك .. ولكن في راينا المتواضع ان القوانين
لا تتغيير بهذه الطريقة ..
| |
|
|
|
|
|
|
|
|
|
Re: آخر ما توصل اليه ياسر عرمان (Re: Murtada Gafar)
|
| Quote: يا ريت لو ياسر براو يا زول كمان تابيتا مسجلة موقف وحالفا يمين ما تحضر جلسة لمجلس الوزراء بدون بنطلون شفت الرجالة دي كيف وتركت لأمثالك الولولة والردحي: |
والله ما عندنا اعتراض على اللبس اصلا ..
لان الشعب السودانى نصو لابس بنطلون
لكننا ننتقد مشاركة عرمان .. التى
من الممكن ان يستبدلها بتعبير اخر
| |
|
|
|
|
|
|
|
|
|
Re: آخر ما توصل اليه ياسر عرمان (Re: shahto)
|
Quote: نعم كلامك في المليان ...و قريبا سيرون الجميع علي الارض
|
يا عمك الوهمة زمان كانت اوكامبو ..
هسى سيرتو ساهي مافي ..
والايام دى الموضة الجديدة .. النظام العام
وانا كقانونى لى راى معارض لهذا القانون .. ساقوله في (عين اي زول)
ولكن .. لن نقبل الاصطياد في الماء العكر ..
| |
|
|
|
|
|
|
|
|
|
Re: آخر ما توصل اليه ياسر عرمان (Re: سلمى الشيخ سلامة)
|
Quote: الاخ العزيز معاوية
فى العام 1968 اجتاحت فرنسا ثورة عارمة كتبها عنها كبار الكتاب فى ذلك الحين وهو ما عرف بالثورة الطلابية
وتلك الثورة غيرت القوانين الخاصة بالتعليم الجامعى
ثم ان ثورة اكتوبر ادت الى نيل المراة السودانية حقها فى الانتخابات لاول مرة فى تاريخ السودان بل وتاريخ العالم العربى "حيث نالت العام الفائت فقط نساء الكويت حق التصويت بعد مظاهرات عارمة وما تزال العديد من الدول "تحرم هذا الحق "
|
ولكن ما رايته بعيني في محكمة لبني لا يمثل ثورة ( ولا ربع ثورة )
وما ذنب هذه المحكمة وقاضيها ..
بعدين ما ننسي ان القانون محل الجدل ( النظام العام ) قد مرّ عبر البرلمان
الذى يعتبر عرمان احد اعمدته ، بل رئيس كتلة ..
| |
|
|
|
|
|
|
|
|
|
Re: آخر ما توصل اليه ياسر عرمان (Re: Nasruddin Al Basheer)
|
Quote: اتهم مسؤول في الحركة الشعبية لتحرير السودان شرطة النظام العام في السودان بمساومة الفتيات اللائي يتم إلقاء القبض عليهن على أنفسهن مستغلين خوفهن من إبلاغ ذويهن، بواقعة إلقاء القبض عليهن. وقال ياسر سعيد عرمان مسؤول قطاع الشمال في ندوة حــاشدة في حي مانيلا، في جنوب الخرطوم بمناسبة ذكرى رحيل زعيم الحركة الشعبية الدكتور جون قرنق قانون امن المجتمع «النظام العام يسيء للمسلمين والمسيحيين على حد سواء»، واعتبر عرمان قانون امن المجتمع ضد كل السودانيين وضد الحرية الخاصة للمرأة، وقال إن شــرطة النظام العام تقوم بمساومة الفتيات بدلا عن الدعوة للفضيلة. في سياق هجومه على القانون كشف عرمان أن وزيرة الصحة السودانية الدكتورة تابيتــا بطرس، وهي قيادية في الحركة الشعبية، قررت أن ترتدي البنطلون وتذهب به باسـتمرار اجتماعات مجــلس الوزراء، في إشارة من عرمان إلى تحدي الحركة لقانـون امن المجتمع. وتأتي تصريحات عرمان في وقت تفصل فيه محكمـة في الخرطوم في قضية رفعتها الســلطات السـودانية ضد صحافية سودانية بتهمة ارتداء زي فاضح، حيث ألقت الشرطة القبض عليها بالزي، وهو «بنطلـون»، أثناء حضور الصحافية لبنى احمد حسين التي تعمل في إعلام البعثة الخاصة للأمم المتحدة «يونمس» حفلا عام في ناد بحي فاخر في العاصمة الخرطوم قبل أســابيع.
الثلاثـاء 13 شعبـان 1430 هـ 4 اغسطس 2009 العدد 11207
جريدة الشرق الاوسط
الصفحة: أخبــــــار
الخرطوم: إسماعيل آدم |
| |
|
|
|
|
|
|
|
|
 Re: آخر ما توصل اليه ياسر عرمان (Re: معاوية عوض الكريم)
|
Quote: هذا صحيح ...عليه أن يثير ذلك في الجهاز التشريعي ويتبني تعديل المادة الجائرة والغاء القوانين المقيدة للحريات .....وطبعا لايتأتي هذا بالجلوس
في المقعد الوثير في البرلمان والتنظير من علي البعد وأنما بالأنفعال بقضايا الجماهير وتغبير
أقدامه بالجهاد مع الكادحيين أمام المحاكم وفي الشارع ليعبر ولو رمزيا عن تضامنه مع لبني ومع النساء ثم ينقل بعدها نبض الشارع للبرلمان
|
يسلم قلمك أستاذ كمال ..واضيف القائد لو ما بقى شعبي ما بكون قائد ..
شكرا أستاذ معاوية .
| |
|
|
|
|
|
|
|
|
|
Re: آخر ما توصل اليه ياسر عرمان (Re: معاوية عوض الكريم)
|
قال الكوز معاوية :
| Quote: ياسر عرمان عضو في البرلمان عن جنوب السودان |
يا أخي ما تخجل من روحك .. حالتك قانوني !! .. عرمان يا حضرة القانوني الضليع عضو
في البرلمان عن مقاعد الحركة الشعبية لتحرير السودان وليس جنوب السودان .. فهمت ولا لسه ؟؟؟
وقال كمان :
Quote: بعدين ما ننسي ان القانون محل الجدل ( النظام العام ) قد مرّ عبر البرلمان
الذى يعتبر عرمان احد اعمدته ، بل رئيس كتلة ..
|
إنت نسيت موقف عرمان القوى في البرلمان ولا شنو ؟؟
نسيت عندما قام عليه الجهلاء من جماعتك حتى غازي صلاح الدين اللي كنا نعتقد أنه أعقلهم ؟؟
نسيت عندما هاج علماء السلطان وكفروه ؟؟؟
نسيت عندما دعا المجرم والقاتل إسحق أحمد فضل الله ما يسموا بالدبابين والمجاهدين ليقتلوا عرمان ؟؟
نسيت القنبلة اللي وضعوها أمام مكتبه بأركويت في محاولة جبانة لإسكات صوته العالي ضد القوانين الرجعية في البرلمان ؟؟
مواقف عرمان في البرلمان قوية وشجاعة ولا ينكرها إلا مكابر وصاحب غرض
| |
|
|
|
|
|
|
|
|
|
Re: آخر ما توصل اليه ياسر عرمان (Re: salah almaleeh)
|
Quote: يا أخي ما تخجل من روحك .. حالتك قانوني !! .. عرمان يا حضرة القانوني الضليع عضو
في البرلمان عن مقاعد الحركة الشعبية لتحرير السودان وليس جنوب السودان .. فهمت ولا لسه ؟؟؟ |
الحركة الشعبية في راينا لا تمثل كل السودان ،، راجع تاريخ الحركة
ومتى اصبحت الحركة الشعبية حزب قومى ..؟
عرمان وبرغم انتمائه لشمال السودان الا انه لا يمثل شعب الشمال
ولو ترشح في دائرة شندى الجنوبية سيجنى صفرا من الاصوات ..
ما علينا .. موضوعنا الاساسي مشاركته في التظاهرة ..
ما تطلع من الموضوع الرئيسى .. يا عمكـ
| |
|
|
|
|
|
|
|
|
|
Re: آخر ما توصل اليه ياسر عرمان (Re: معاوية عوض الكريم)
|
Quote: الحركة الشعبية في راينا لا تمثل كل السودان ،، راجع تاريخ الحركة
ومتى اصبحت الحركة الشعبية حزب قومى ..؟
عرمان وبرغم انتمائه لشمال السودان الا انه لا يمثل شعب الشمال
ولو ترشح في دائرة شندى الجنوبية سيجنى صفرا من الاصوات ..
ما علينا .. موضوعنا الاساسي مشاركته في التظاهرة ..
ما تطلع من الموضوع الرئيسى .. يا عمكـ |
اعتذاري لك مقدمااخي معاوية عوض الكريم كل مداخلاتك في هذا البوست يدل على فهم مبسط مخل قاصر لمجريات الامور لك اعتذاري مجددا
التحية للمناضل ياسر سعيد عرمان
نعم هكذا يكون التغيير
| |
|
|
|
|
|
|
|
|
|
Re: آخر ما توصل اليه ياسر عرمان (Re: علاء الدين صلاح محمد)
|
Quote: اعتذاري لك مقدمااخي معاوية عوض الكريم كل مداخلاتك في هذا البوست يدل على فهم مبسط مخل قاصر لمجريات الامور لك اعتذاري مجددا
التحية للمناضل ياسر سعيد عرمان
نعم هكذا يكون التغيير |
اعتذار مقدما برضو ..
تعال ورينا فهمك انت .. تقتبس خبر وتجي تقول التحية للمناضل ..
ياخ لف ..
| |
|
|
|
|
|
|
|
|
|
Re: آخر ما توصل اليه ياسر عرمان (Re: معاوية عوض الكريم)
|
Quote:
افترضنا ان المحكمة حكمت شطبت البلاغ ..
او حكمت على المتهمة ،، اها ؟ |
حينها سيشهد الكل للرجل بوقفته الصلبة ضد قوانين القمع..وضد محاولة الالتفاف على اتفاقية السلام الشامل والدستور الذي تمخض عنها...
بلدنا مصيبتا كبيرة يا سيدي..كبيرة جدا..يكفي أن تعلم أن القانون الذي بموجبه تم توجيه التهمة للصحفية السيدة لبنى هو من قوانين الانقاذ قبل نيفاشا..أيام كانوا بيقولو (الزارعنا غير الله اللجي يقلعنا)
| |
|
|
|
|
|
|
|
|
|
Re: آخر ما توصل اليه ياسر عرمان (Re: salah almaleeh)
|
Quote: إنت نسيت موقف عرمان القوى في البرلمان ولا شنو ؟؟
نسيت عندما قام عليه الجهلاء من جماعتك حتى غازي صلاح الدين اللي كنا نعتقد أنه أعقلهم ؟؟
نسيت عندما هاج علماء السلطان وكفروه ؟؟؟
نسيت عندما دعا المجرم والقاتل إسحق أحمد فضل الله ما يسموا بالدبابين والمجاهدين ليقتلوا عرمان ؟؟
نسيت القنبلة اللي وضعوها أمام مكتبه بأركويت في محاولة جبانة لإسكات صوته العالي ضد القوانين الرجعية في البرلمان ؟؟
مواقف عرمان في البرلمان قوية وشجاعة ولا ينكرها إلا مكابر وصاحب غرض |
سمعت بي ناموسه في اضان فيل ؟
| |
|
|
|
|
|
|
|
|
|
Re: آخر ما توصل اليه ياسر عرمان (Re: Deng)
|
Quote: الاخو محامي كمان ؟
بئس العمل القانوني ف السودان إذا كان أمثالك يمثلونه .
أنت قانوني ومحي الدين تيتاوي نقيب الصحفين والبشير رئيس البلد . مسكين هذا السودان الذي كتب عليه كل هذه المعاناة . |
انت عارف الفرق شنو بين القانون وكسير التلج ؟
| |
|
|
|
|
|
|
|
|
|
Re: آخر ما توصل اليه ياسر عرمان (Re: معاوية عوض الكريم)
|
Quote: راكب عرباتها وساكن في بيوتها ..
وتحت حمايتها .. |
أنت يا الأخو ما فارز الفرق بين الحيكومة والبرلمان ,والله محنة
بعدين عربات منو وبيوت منو دي حقت الشعب السوداني اللي بينهبوا فيه ،هي العربات اللي راكبنها ناس عمر البشير كان ورثوها من مزرعة كافوري ؟؟
أنت أظنك كوزنة تجارية ساااكت
| |
|
|
|
|
|
|
|
|
|
Re: آخر ما توصل اليه ياسر عرمان (Re: معاوية عوض الكريم)
|
كتب الاخ معاوية
Quote: بعدين ما ننسي ان القانون محل الجدل ( النظام العام ) قد مرّ عبر البرلمان
الذى يعتبر عرمان احد اعمدته ، بل رئيس كتلة .. |
هيا أثبت أن قانون النظام العام مر عبر البرلمان الذي يعد عرمان
أحد أعمدته?
كلامك غير صحيح فالقانون المعني مجاز ومطبق من التسعينات ولا علاقة بعرمان به والقانون بصيغته الحالية ينافي الدستور وهو من القوانين التي يجب تعديلها لتتماشي مع الدستور
كمال
| |
|
|
|
|
|
|
|
|
|
Re: آخر ما توصل اليه ياسر عرمان (Re: معاوية عوض الكريم)
|
كتب الاخ معاوية
| Quote: هذا صحيح 100% يا كمال ولكن كيف يغير ؟ |
الوسيلة الناجعة هي التغير من خلال الاجهزة التشريعية ...وحتي يتم هذا
لابد من -
- الضغط الجماهيري
-الضغط الأعلامي
-المذكرات المتخصصة من القانونيين
وطبعا هناك كثير من القوانين يتبين عيبها وخللها أثناء الممارسة ومن خلال
أحداث تثير الرأي العام -مثل قضية لبني
وقد قلنا أن عرمان مطالب بالضغط للتعديل من خلال البرلمان ومن خلال حزبه
السياسي ...ولكن من حقه تحسس نبض الشارع وقراءة إتجاه الرأي العام
ونقل ما يحسه للأجهزة المختصة
| |
|
|
|
|
|
|
|
|
|
Re: آخر ما توصل اليه ياسر عرمان (Re: كمال عباس)
|
| Quote: وانا كقانونى لى راى معارض لهذا القانون .. ساقوله في (عين اي زول) |
بالجد يا معاوية عوض الكريم... ياتو قانون الأنتا بتمارسو؟
يا أخي رجائي الإلتزام بلغة القانون... وفهم ناس القانون
وقول رأيك عديل... كقانوني وكزول عندو رأي مسنود
__________________________
كمال عباس يا أستاذي... إنت بالجد أستاذ (معلم) لهذا المنبر
تسلم...
| |
|
|
|
|
|
|
|
|
|
Re: آخر ما توصل اليه ياسر عرمان (Re: Mohamed Yassin Khalifa)
|
| Quote: ياتو قانون الأنتا بتمارسو؟ |
ماممكن زول بتاع لغات يفهم كلام القانون !
وبعدين انا ممكن اتكلم باى لغة تعجبني ..
لانى ما عامل contract مع نقابة المحامين
عشان اتحدث بلغة معينة ؟
وما اقتبسته من كلامى هذه لغة المنبر ،،
وعندنا لغات تانية ممكن نستخدمها عند الضرورة
ما طوااالى قانون قانون ..
| |
|
|
|
|
|
|
|
|
|
Re: آخر ما توصل اليه ياسر عرمان (Re: معاوية عوض الكريم)
|
دا ركوب موجة وكسب جماهيرى ساكت
اين ياسر عندما تم جلد المواطنات الجنوبيات بالرغم من اختلاف ديانتهن وثقافتهن التى تلزمهم بالزى الذى تفترض انه الزى الذى يجب ان ترتديها النسوة فى السودان باكمله!
يا سر دا خامى الناس بالحركات دى!
جنى
| |
|
|
|
|
|
|
|
|
|
Re: آخر ما توصل اليه ياسر عرمان (Re: معاوية عوض الكريم)
|
| Quote: ماممكن زول بتاع لغات يفهم كلام القانون ! |
بالجد ياللخو... إنت بتمارس ياتو قانون
وليك كم يوم شغال (قانوني) عشان أنا عندي ليك سوعال..!
Quote: لانى ما عامل contract مع نقابة المحامين
|
هديء من روعتك... أعصابك!
| |
|
|
|
|
|
|
|
|
|
Re: آخر ما توصل اليه ياسر عرمان (Re: Mohamed Yassin Khalifa)
|
زمان كانت النساء تزغرد للرجال لكن يبدو ان العكس يحدث تماما فى السودان!
العمالقة امثال لبنى يخلعون الحصانة ويواجهون الجبروت والأقزام يرتدون الحصانة وهم يقون فى خانة الطاغوت ويخرجون السنتهم لنا ولو صدقوا لاستقالوا!
مجرد مقاربة سيدو فيها عرمان شديد الشبه بسبدرات فى مثل هذه المواقف!
الما بطمم بطنى شنو!
جنى
| |
|
|
|
|
|
|
|
|
|
Re: آخر ما توصل اليه ياسر عرمان (Re: Haydar Badawi Sadig)
|
من وين انت قانونى ... وفهمك انو الجنائى 1991 مر عبر برلمان 2005 الحالى دا؟
انت متحامل على ياسر عرمان ساااااى ...
طريقة تانية شنو؟
البرلمان الحالى دا ... ما عندو حق دستورى بتعديل القوانين .. عندو سلطات تشريعية انتقالية محدودة جداً ...
... المهم ...
| |
|
|
|
|
|
|
|
|
|
Re: آخر ما توصل اليه ياسر عرمان (Re: تبارك شيخ الدين جبريل)
|
| Quote: وانا كقانونى لى راى معارض لهذا القانون .. ساقوله في (عين اي زول) |
اكان اتخرجت في فترة الانقاذ كلامك صاح ممكن تكون اي شئ محامي و طبيب في نفس الوقت و عندك دكتوراه كمان قبل التخرج, اها قصرنا معاك
الشئ يا تبارك طلعت الزول كييييييييييت ما تحكها شديييييييييييييد كده 91 و 2005
Quote: من وين انت قانونى ... وفهمك انو الجنائى 1991 مر عبر برلمان 2005 الحالى دا؟
انت متحامل على ياسر عرمان ساااااى ...
طريقة تانية شنو؟
البرلمان الحالى دا ... ما عندو حق دستورى بتعديل القوانين .. عندو سلطات تشريعية انتقالية محدودة جداً ...
... المهم |
| |
|
|
|
|
|
|
|
|
|
Re: آخر ما توصل اليه ياسر عرمان (Re: Abu Eltayeb)
|
Quote: زمان كانت النساء تزغرد للرجال لكن يبدو ان العكس يحدث تماما فى السودان!
العمالقة امثال لبنى يخلعون الحصانة ويواجهون الجبروت والأقزام يرتدون الحصانة وهم يقون فى خانة الطاغوت ويخرجون السنتهم لنا ولو صدقوا لاستقالوا!
مجرد مقاربة سيدو فيها عرمان شديد الشبه بسبدرات فى مثل هذه المواقف!
الما بطمم بطنى شنو! |
يا جنّى ..
انا برضو ما فاهم تحاملك على ياسر عرمان ...
الحركة الشعبية لم تكن مع الـ28 حزب الذين قالوا بعدم شرعية الحكومة وهددوا بالإستقالة ...
ووجود الحركة الشعبية فى حكومة الوحدة الوطنية أمر مبدئى لا يحتمل الخلاف ...
فدع ياسر عرمان وشأنه ... ليمارس عمله فى الشمال بالأدوات المتاحة له ... حصانة أو غير حصانة ...
هو الآن صمّام الأمان الوحيد الذى نملكه ... ونغضب جداً حين يميل عن جادّة الطريق ...
فهو تمثيلنا الذى تبقّى ... هو واخوته باقان وألور وتابيتا وغيرهم تحت قيادة النائب الأول سلفا كيير ...
مسألة المادة 152 جنائى 1991 مسألة فى يد السلطة الإنتقالية التنفيذية وليست التشريعية ... أى الرئيس البشير ونائبيه كيير وطه على المستوى الإتحادى ... والوالى خضر على مستوى ولاية الخرطوم ...
يجب تكوين لجان حزبية (من كل الأحزاب بما فيها المؤتمر الوطنى) لمراجعة القانون الجنائى أولاً ... ثم بقية القوانين ... وتقديم مقترحاتها لمكتب الرئاسة ومكتب الوالى بغرض تجميد العمل بالمواد التى تتعارض مع الحقوق الدستورية ...
وعلى السادة أصحاب الحملات الإنتخابية (أفراداً كانوا، أم أحزاب) تحضير مشاريعهم القانونية منذ الآن ... لمناقشتها فى البرلمان حال الإنتهاء من العملية الإنتخابية وإعلان النتائج ... فقد انتظر هذا الشعب ما يكفى ...
.. المهم ....
| |
|
|
|
|
|
|
|
|
|
Re: آخر ما توصل اليه ياسر عرمان (Re: تبارك شيخ الدين جبريل)
|
Quote:
يقول عرمان : الحكومة زاتا لو حكومة عادلة .. الخ
ياتو حكومة يا سعادتك ؟
حكومة انت غرقان فيها لا اضنيكـ ..
راكب عرباتها وساكن في بيوتها ..
وتحت حمايتها .. ؟
عجبي |
بالله؟؟؟
ما تخجل من الخرمجة ده يا الاخوة
ولى قاعد تقوم بشغلك....؟؟
للمعلومية بس
ياسر ما قاعد يتمتع بأى حاجة من الفوق ده
ما عنده عربية من حكومة....لو انت عارف ادينا رقمه...؟
بيت؟؟؟ أختشى ياخ
حماية ....؟؟ كضبن كاضب
اها شن قولك يا هذا
| |
|
|
|
|
|
|
|
|
|
Re: آخر ما توصل اليه ياسر عرمان (Re: Deng Goc)
|
Quote: بى حقى ..
ما جانى فى قسمة السلطة
وبعدين ما تنسى القانون ممكن يخلى الزول يلف زي اوكامبو بتاعكم ده |
Nonsense
العزيز دينق قوج
المشكلة واضحة في المنبر ده هناك أناس لا يقدرون (لسبب أو آخر) فعل ما يفعله ياسر ولذلك تلاحظ هذه الغيرة من كثيرون ،، اما هتيفة المؤتمر الوطني ديل ما عليك منهم مجربين لمن تجي الحارة بيلبدوا عارفينهم
| |
|
|
|
|
|
|
| |
معاوية عوض الكريم
shahto
Abdel Aati
صديق عبد الجبار
سلمى الشيخ سلامة
فتحي الصديق
mayada kamal
كمال عباس
Deng Goc
Deng
saif massad ali
Murtada Gafar
Nasruddin Al Basheer
علاء الدين صلاح محمد
داليا حافظ
salah almaleeh
Haydar Badawi Sadig
الملك
Mohamed Yassin Khalifa
Marouf Sanad
jini
ombadda
نبيل عبد الرحيم
تبارك شيخ الدين جبريل
فيس بوك
تويتر
انستقرام
يوتيوب
بنتيريست