جلد زاني وزانية في اندونيسيا توجد صور (اهانة للانسان )

Quote: الدين الإسلامى كتلة لا تتجزأ قال تعالى:أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاء مَن يَفْعَلُ ذَلِكَ مِنكُمْ إِلاَّ خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللَّهُ بِغَافِلٍ عَمَّا تَعْمَلُونَ البقرة 85 فيا أخوتى الدين ده الدايرو يأخذوا و المادير كمان، إن الله غنى عن العالمين. و الآية فيها مفاصلة واضحة. أها الدين البهين الناس ده ممكن الزول يخليهو و كمان ما يجيب طاريه بالمرة. مثلاً أنا لا أؤمن بالبوزية و كمان ماعندى إستعداد عشان أقرأ عنها، ناهيك عن البحث و الإطلاع لأجل تفحيصة و تمحيصة. و البفتش عن دين بدى الزانى حلاوة حربة بيلقاهو. و مالكم و مال القراية أم دق. تحدى الأسلام القائم إلى يوم القيامة: وما أوتيتم من العلم الا قليلا. فمثلاً فى تحدى البعوضة البقرة 26 http://shrqiah.com/vb/t5681.html الجماعة قالوا ماذا أراد الله بهذا مثلا.. و أيضاً أَيَحْسَبُ الْأِنْسَانُ أَلَّنْ نَجْمَعَ عِظَامَهُ (3) بَلَى قَادِرِينَ عَلَى أَنْ نُسَوِّيَ بَنَانَهُ (4) سورةالقيامة الجماعة قالوا بنان بتاع الساعة كم؟؟ و جاء العلم الحديث و أظهر معجزات البصمة و خلافة. فى كل لحظة يتخيل الإنسان أنه ملك أقطار السمات و الأرض و فى لحظة يكتشف أنو ما بعرف أى حاجة. أعلم عالم فى الأرض سنة 1960 مثلاً لو شاف الأنترنت سنة 2009 بموت مية مرة تانى.. الداير يؤمن الأدلة أكتر من كفاية و الماداير كمان يخلى لينا دينا بتاع الإهانة ده و يشوف ليه دين بكرم الزناة و غيرهم. ---- تعريجة ----- و الله يا صبرى أنت زول كويس ، بسش أقعد ليك يوم كامل قلب فى ( و ما أؤتيتم من العلم إلا قليلا) شوف التحدى ، حجمه و آفاقه و صلحياته لكل زمان و مكان بتعرف أنو ما ممكن يطلع إلا من سيد الكون نفسه. و أعلم أنوا الدين لا يتجزأ.