|
|
|
 Re: نعيش فى حلة مؤسسة... ياربى نمشى المدرسة.....(الاهداء... الى بنيات ابيي)... (Re: Amira Elsheikh)
|
منو البتفقد احوالن ويسأل
البنيات البساسقن وعايشة رحل
زى الطيور من عش لعش
موسم العطش ترحل دغش
من بين مواطن قوز قزح
والخضرة والوان الفرح
آه ياتعب آه يامشاوير الدرب
آه ياتعب آه يامشاوير الدرب
آه ..آه..آه..آه
اهات كتار ما بتنحسب
فى داخلن لهفةو حزن
شوق للمدارس زى بنيات المدن
دفتر وقلم اعظم حلم
ليه يازمن ليه تحرمن نور العلم
آه ..آه..آه..آه
ما احزنن لمن يمرقن للحفاير يوردن
لمن يغنن للمسادير وينشدن
آه ..آه..آه..آه
يانسمة هبى يامطيرة علينا صبى
املى الحفاير موية عبى
طوالى كبى ما تغبى يامطرة
شان نستقر بعد الرحيل بعد السفر
نعيش فى حلة مؤسسة ياربى نمشى المدرسة
نكتب حروف نقراء الكتب
نعرف كمان كيفن نقاومك ياتعب ,,,,,,,
اميرة الشيخ السلام ...
بستمع للكورال والعديد من المشاعر بتختلط جواي مع الخلفية البتعكسها كلمات الاغنية لهولاء البنيات..
يبقي الواحد لحظتها كان شاعر انه بامكانه يقول كلام كتييير عن المشكلة ..
اول من الاغنية انتهت الواحد شعر انها قالت كل شئ .. نعيش في حلة مؤسسة ياربي نمشي المدرسة ..
يانسمة حق وعدالة هبي ..
يا مطر مسئولية دولة كبي ..
يا ناس اتفقدوا احولن واسألوا ..
عن بينتانا ادوهن مستحقهن وارحلوا ..
اكفوهن شر التعب ..
احموهن من شرور الدرب ..
ويبقي الشعور بالحزن والعجز ...
لك التحية
| |
 
|
|
|
|
|
|
|
|
Re: نعيش فى حلة مؤسسة... ياربى نمشى المدرسة.....(الاهداء... الى بنيات ابيي)... (Re: Amira Elsheikh)
|
اميرة، الاميرة..
الاحزان، هل نحس بها؟ ...
دوما احس بأني لا أحس بحزن بلدي كما ينبغي... بل بعيد عن همومه
دوما حين اطالع الحديث النبوي الغريب، الحنون
(لا يشاك أحدكم الشوكة، حتى أجد ألمها في قدمي)...
وما اكثر الاشواك، التي تدمي أهلي، ووطني، وبناته، وعجائزه، ...
ولكن هل نحس بها، حس حقيقي، حس جاد، يجعلنا نحك "الألم"، في جسد الوطن، كله.. وعلاجه، أم تأخي بعيد..
وسعدت بمشاعرك الحقيقة، وانتي تدرين دموع تغسل الجسد، من كل عنت..
وشوفي هسي الناس، بقت تتصارع في بترولي، وحلاوة حربتي، ...
والله لا اريد سوى القوت، لي، ولوطني..
من الكلام الغريب، الشجاع، قاله الاستاذ محمود محمد طه، وقد عاش فقيرا فقيرا، يأكل باقي الكسرة، بعد الاطفال ويأكل بعد الدروايش، فتات كسرة بي ملح بس،وهو مهندس، يصرف كان 99 جنية، لمن العشرة جنية تشتري لوري بدفورد..
ولكنه احس بالفقراء، وكان منهم..
احزابنا، ومفكرينا، كضبااااااااااااااااااااااااااااااااااااااااااابين.. وحات الله كضابين، ولن ينصتروا بالكضب..
في فكرهم كضب..
أما سلوكهم فالله اعلم..
ياخي الوطن مهزوم، ونحن من هزمنا الوطن..
.
| |
|
|
|
|
|
|
|
|
|
Re: نعيش فى حلة مؤسسة... ياربى نمشى المدرسة.....(الاهداء... الى بنيات ابيي)... (Re: HAIDER ALZAIN)
|
| Quote: ويبقي الشعور بالحزن والعجز ... |
حيدر الزين,,,,,سلااام
دا احساسى بالضبط ,,
تخيل بستمع لقرار لاهاى بشان ابيي وبعدها تاملت
ردود افعال المؤتمر الوطنى والحركة الشعبية بشان التقسيم
كانو لاهاى جابت الرايحة وفى عرفهم المسالة بترول وبضع كيلومترات من الارض,,,,
فلتهنا الحكومة(مؤتمر وحركة) بنصيبها من الثروة والسلطة
البنيات البساسقن ليهن الله,,
| |
|
|
|
|
|
|
| |
حسين محي الدين
HAIDER ALZAIN
حبيب نورة
عبدالغني كرم الله
كمال سالم
محمد الجزولي
معتصم ود الجمام
فيس بوك
تويتر
انستقرام
يوتيوب
بنتيريست