|
بالتأكيد او النفي .. هل هذا الخبر صحيح ؟!! .. حتي نستوثق مما ينشر ..
|
كتب الزميل عمار نجم الدين :
Quote: مواجهات بين الشرطة والمواطنين في تكرار لاحزان سد كجبار قامت السلطة بمواجهة المواطنين العزل بالزخيرة الحية في منطقة( الباوقة ) الشريك قبل قليل وفتحت عليهم النيران مما ادى الى مقتل مواطن وسقوط عدد من الجرحى . لا توجد اعداد مرصوده بدقه حتى الان في انتظار مزيد من الاخبار من الشريك والباوقه . |
خبر عاجل: مواجهة بين الشرطة و المواطنين وعدد من الجرحى والقتلى
ثم قال الزميل وليد الشريف :
Quote: الاخ عمار تحياتي الساعة الآن العاشرة مساءً وقد كنت قبل قليل اتحدث مع ابن عمي في الباوقة وسألته عن الاحداث والجرحي فنفي ان تكون هناك اي احداث دامية او خلافه وربما يكون الحضور المكثف لعناصر الامن والشرطة هي نسبة لملابسات اغتيال المرحوم حمزة ود ابراهيم. |
ونحن منتظرين صاحب الخبر أو من لديه اليقين ليخبرنا ..
|
|
|
|
|
|
|
|
Re: بالتأكيد او النفي .. هل هذا الخبر صحيح ؟!! .. حتي نستوثق مما ينشر .. (Re: HAIDER ALZAIN)
|
سلام يا حيدر,,
صدقنى المنتظرين كتااااااااااااار عشان نعرف آخر القصة شنو!!Quote: وربما يكون الحضور المكثف لعناصر الامن والشرطة هي نسبة لملابسات اغتيال المرحوم حمزة ود ابراهيم. |
وماهى ملابسات وأسباب مقتل المرحوم حمزة؟؟؟ كثرٌ حاموا حول هذا السؤال!!! ولم يفيدوننا فقط كلام مبهم أن جماعة إعتدوا عليه وضربوه حتى الموت !!!!
ليس صعبا أن تأتى بخبر هنا وليس صعبا أيضا أن نستوثق من صحته!!!
تحياتى,,
| |
|
|
|
|
|
|
Re: بالتأكيد او النفي .. هل هذا الخبر صحيح ؟!! .. حتي نستوثق مما ينشر .. (Re: ود الباوقة)
|
يا ود الباوقة .. مافي زول بيتمني انه الناس تموت وتقتل .. ولا اظن انه عمار نجم الدين دي امنيتو .
( الا يكون ربنا اداك مفتاح قلبو خشيت فيهو ) ..
لكن من ناحية كضاب هو كضاب .. ولا بيعرف اي حاجة عن المنطقة خلانا نتجهجه ساكت ..
المهم :
موضوعي معاهو هنا عن مجانية كتابتو دي وليس عن موقفه ضد الحكومة وسد الشريك غصباً عن اسياد الحق والارض الانا بساندو فيهو للطيش واساند اهلنا الرافضين للتهجير القسري وإغراق الارض ما لم يتم الجلوس معهم وأخذ رأي الجميع وكلمتهم موحدة دون متاجرة بالقضايا ودون تهميش ولا هُتاف من السعرانيين اعضاء المؤتمر الوطني والأرزقية من تجار الجبهة .. نتنمي انه تتوحد الكلمة ولمرة في حياتهم أمثالك من هتيفة الكيزان والارزقية ينحازوا لأهلهم وناسهم وينحازو للحق ضد ظلم الدولة لهم ..ـــــــ
ولسع منتظرين يا عمار نجم الدين عشان الناس وقت تعارض برضو تعارض بفهم وتعرض بصدق وتجرد مش تكره الناس فيها وفي معارضتها .. وعشان ما تقعد تتاجر باقضايا زي بيان الاحزاب المنشور شهر خمسة وهسع صانييين ..
| |
|
|
|
|
|
|
Re: بالتأكيد او النفي .. هل هذا الخبر صحيح ؟!! .. حتي نستوثق مما ينشر .. (Re: حيدر حسن ميرغني)
|
يديك العافية اخي حيدر حسن ميرغني ..
مروجين الاخبار الكاذبة والمضللة عشان يتكسبوا بيها سياسياص ما بيعرفوا ما تسببه من قلق لمن كانت تعنيهم ولهم بها شان ..
الخبر الاتنشر امس دا في ناس ما قدرت تنوم عدييل وتعد الساعات عشان الصبح .. وقت اهلها ماردوا
في ناس قطعت نص الليل مشي وخبطت على ناس تانيين عشان ياخدوا منهم ارقام تلفونات يتصلوا عليها ..
في ناس عارفة اخوانها بتاعين شبك وقلبهم حااار وحايكونوا في نص المعمعة دي أكان حصلت حبوا يطمئنوا عليهم ووقت ما ردت تلفوناتهم انفقعوا بكاء ..
وعمار نجم الدين بكل بساطة قاعد لينا خلف شاشة كمبيوتر وينشر محدق طويقتوا ويكضب .. وما عارف جنس الكضب حقو دا اتحاسب بيهو قدر شنو ..
بئس المعارضة ان بقت زي حقت دي يا النجيم ..
| |
|
|
|
|
|
|
Re: بالتأكيد او النفي .. هل هذا الخبر صحيح ؟!! .. حتي نستوثق مما ينشر .. (Re: HAIDER ALZAIN)
|
يا عمار نجم الدين ....!!!
إنت قاعد في ( أم بابة ) ولا تعرف شئ عن الباوقة ولا ( الشريك ) ومن يحيطون بهما ...
فلماذا تُلفق الاطكاذيب والاخبار المفبركة .. ؟ لمصلحة من ...
لا تكرهنا في المعراضة واصحابها .. وةلا تكرهنا في التنظيمات السياسية وعلى رأسها ( مؤتمر الطلاب المستغلين ) اللذين عرفنا فراغهم وبعدهم عن النضال الفاعل منذ ان ولجنا ابواب الجامعات .. يا بتاعين ثقافة الهامش وتركيبة الوعي الايدلوجي للمهمش السوداني في ظل بنية التناسل الوعي لثقافة الوسط الاحترابي الساقط من ظل حيطة الشمس المشرفة على قمر البناء الدريماديكي لانبوبة الخلاص المكون في خاصرة رحم الانثي النخلة المارقة من ضوء القبيلة وسارية في مفاعل خلاص الانسان الوجداني الساري في جنح ليل عتمة الخلاص وباكي من شفق الصبح المتوسد ضمائر العتمور البيتطيير فيهو الطيور وتنوح دموع التماسيح الما لقت طير الرهو اليجني عنب سُمر عازة في هواااك .....
انا فهمت حآقة .. لا والنبي فهمني انت بآءا ...
| |
|
|
|
|
|
|
Re: بالتأكيد او النفي .. هل هذا الخبر صحيح ؟!! .. حتي نستوثق مما ينشر .. (Re: نصار)
|
الاخ نصار .. مساءك خير ..
واللله الإنقاذ دي رمينا طوبتها من صبيحة واحد يوليو 1989م وعرفنا البيها والعليها ..
وراهننا على التجمع الوطني الديمقراطي وقت كان في أسمرا ... وحاولنا نكون عقالنييين في معراضاتهم وكلامهم خاصة البيحي من المتاجرين بقضايانا منهم أمثال الصادق المهدي ومبارك الفاضل وغيرهم ..
الاشكالية تواجهنا بأمثال عمار نجم الدين من الطلاب المستغلين والسلفية امثال عماد موسي اصحاب الاراء الانصرافية في الجامعات .. فالطلاب المستغلين يصرفو قضايا الطلاب لأشياء لا علاقة لها بهموم وأشكاليات الطلبة الطلبة الملحة والعاجلة فيتحدثون عن قطع الرحط في البيئة الشمالية وفق عادات الحضارة المنبثقة من تداعيات ارث اركمني الضاربة في أرثها بجداريات ترهاقا المشكل لبنية وعى الثاقفة النوبية في ظل الاختلاط مع تدعايات غزوات مملكة نبط الضاربة في عمق وجدان الهدندوة حين استلابهم ثقافياً من بيئات المحدثين في عصر اضمحلالب كارسيا ماركيز الضارب في عمق الثقافة اللاتينية ... ويجينا امثال عماد عند مناقشة شكلة الاتحاد وتمجمع الطلاب حول لافتة معينة ليُناقش اشكالية فتوي الخارج من دُبر البقرة في ظل حكم السلطان المملوكي كافور الاخشيدي الموقع علي قوانين قراقوش الداعية لحمل كل رجل بالغ النصاب يُعتد به لليمونة في جيبه خاصة عند النداء الآخر للآذان المستبين خيوط الفجر السوداء من فكر الانحراف في أماشتيق الثقافات المنوط بها تغيير الدين الاسلامي ...
ونقعد نحن نفكر يا ربي المثقفاتية هم الصحيح ( حتي ولو كذبوا ) .. والا العايش في العصر الحجري داااك ويتعامل مع النص كما كتب ...
ــــــــــــــ
إلهي خلي لينا عقل يميز .. واهدينا .. وبس !!!!
| |
|
|
|
|
|
|
Re: بالتأكيد او النفي .. هل هذا الخبر صحيح ؟!! .. حتي نستوثق مما ينشر .. (Re: نصار)
|
Quote: لا تكرهنا في المعراضة واصحابها .. وةلا تكرهنا في التنظيمات السياسية وعلى رأسها ( مؤتمر الطلاب المستغلين ) اللذين عرفنا فراغهم وبعدهم عن النضال الفاعل منذ ان ولجنا ابواب الجامعات .. يا بتاعين ثقافة الهامش وتركيبة الوعي الايدلوجي للمهمش السوداني في ظل بنية التناسل الوعي لثقافة الوسط الاحترابي الساقط من ظل حيطة الشمس المشرفة على قمر البناء الدريماديكي لانبوبة الخلاص المكون في خاصرة رحم الانثي النخلة المارقة من ضوء القبيلة وسارية في مفاعل خلاص الانسان الوجداني الساري في جنح ليل عتمة الخلاص وباكي من شفق الصبح المتوسد ضمائر العتمور البيتطيير فيهو الطيور وتنوح دموع التماسيح الما لقت طير الرهو اليجني عنب سُمر عازة في هواااك ..... |
أخانا حيدر الزين سلامات....
كلامك الفوق ده كلام غريب كون أنو عندك خلاف مع عمار نجم الدين فده ما بيديك الحق في إنو تجي تجهض تجربة كاملة وإفراغ مشروع فكري سوداني من مضمونو بشكل يحسدك عليه أنصار السنة (اللي هم ألد أعداء مؤتمر الطلاب المستقلين).... اما عن حديثك عن فراغهم وبعدهم عن النضال فده تعامي منك عن حقائق ثابتة بدءا من إتحاد الدقير في جامعة الخرطوم 1985 وإتحاد التضامن في الإسلامية في نفس العام مرورا بالتاريخ المشرق لهذه المؤسسة داخل جامعة الجزيرة من لدن د. محمد الشيخ وإلا الآن... بعدين تعال نسألك عمار ده حاليا عضو حركة شعبية وكان ناطق بي إسمها حتى خروجو من السودان مالك ما قلتا ما تكرهنا في الحركة الشعبية والله المؤتمر بقالك حيطة قصيرة؟؟؟؟؟..... أما عن رصريص الكلام ( كما كلام الطير في الباقير) عاليه فليس من حديث المؤتمر في شئ ودونك برنامج الثورة السودانية وبرنامج الحركة المستقلة وجدلية المركز والهامش وظاهرة الثورة والديمقراطية في الثقافة السودانية أو حتى أي من منشورات إقرأ... فكر....ناقش .. فلو كنت يا صديقي إطلعت على أي من هذه الأوراق لما ذكرت كلامك عاليه..... ولكن يبدو أن علاقتك بهذا الأمر هي علاقة مشافهة...
بعيداً عن ذلك .... عمار أخطأ حين تسرع في نقل الخبر والذي تم تهويله وعليه أن يتأكد من مصادره ...
بعدين تعال شنو حنك لا تكرهنا في المعارضة القايمين فيهو ده؟؟؟ هي المعارضة دي بت منو ؟؟ المعارضة دي ما حقت زول يا صديق ومن واجب أي شخص متضرر من الوضعية القائمة إنو يقدم إسهامو لي تغيير هذه الوضعية وإذا كان عندك/م رأي في آليات عمل المعارضة وحتى نوعية كوادرها فما عليكم إلا تقدم الصفوف وإبتكار آليات عمل متقدمة عن الموجود حاليا....
Quote: يا بتاعين ثقافة الهامش |
بعدين دي ماها نبذة يا صديق فنحن نفاخر أننا بتاعين ثقافة الهامش هذه... والتي تثبت كل يوم أنها المنهج الصحيح لفهم طبيعة الصراع في السودان.....
سلام الى حين تشرق..
| |
|
|
|
|
|
|
Re: بالتأكيد او النفي .. هل هذا الخبر صحيح ؟!! .. حتي نستوثق مما ينشر .. (Re: بشري الطيب)
|
هلا وغلا حبيبنا بشري الطيب ..
Quote: كلامك الفوق ده كلام غريب كون أنو عندك خلاف مع عمار نجم الدين فده ما بيديك الحق في إنو تجي تجهض تجربة كاملة وإفراغ مشروع فكري سوداني من مضمونو بشكل يحسدك عليه أنصار السنة (اللي هم ألد أعداء مؤتمر الطلاب المستقلين)....
|
بس اظن انه من حقي ادي راي في تجربة مؤتمر الطلاب المستقلين اللي كلامي عنهم ما ( مشافهة ) زي ما ذكرت انت تحت بل عن معاصرة في داخل جامعة الجزيرة الانت بتستشهد بيها وما اظن رأي في تنظيم سياسي بيفرغ تجربته بل ما عمله من انجازات ونضالات هي البتثبت وجوده والتي اتمني ان يتسع صدرك ومساحة البوست وتحكي لينا عنها ..
بعدين حرام عليك ياخي تختني في خانة اقل من انصار السنة .. انا ممكن ارفع عليك قضية قذف واشانة سمعة بتشبيهي بهؤلاء الناس
Quote: بعدين تعال نسألك عمار ده حاليا عضو حركة شعبية وكان ناطق بي إسمها حتى خروجو من السودان مالك ما قلتا ما تكرهنا في الحركة الشعبية والله المؤتمر بقالك حيطة قصيرة؟؟؟؟؟.....
|
Quote: وتاني بسألك عمار ده حاليا حركة شعبية وقبلها كان تحالف مالك ما إتكلمت عنهم؟؟؟؟ |
شايفك الحتة دي ذكرتها لي مرتين يا بشري الطيب .. اولاً ما عندي فكرة عن إنتماؤه الحالي للحركة الشعبية ولا التحالف قبلها .. وآخر حد بمعرفتي بيهو وقت كان مؤتمر طلاب مستقلين .. فجاءت ملاحظاتي على الاساس دا .. غير انه ما تنسي انه مؤتمر الطلاب المستقلين ماهو حيطة قصيرة .. حيطة ووقعت لانه ببساطة وجوده وسط الطلاب اللي هي ساحته في جامعة الجزيرة ولحين مغادرتي في 1999م ضعيف ويمكن تقول عليهو زيرو ولا توجد له اي فعالية .. بالنسبة للحركة الشعبية لا اترفع ولا اتخوف عن نقدها حين اجد لها ما يعيب وما اكثر أخطائها .. وبالمناسبة لولا الخوف من تجيير المواقف التي تمارس في بعض الاحيان لنقد الحركة الشعبية لما رفعنا عنها قلماً ولا تركنا موقف ولا نبشناه ..!!
تحياتي لحين عودة اخري
| |
|
|
|
|
|
|
Re: بالتأكيد او النفي .. هل هذا الخبر صحيح ؟!! .. حتي نستوثق مما ينشر .. (Re: HAIDER ALZAIN)
|
سلام تاني يا ود الزين
Quote: الاشكالية تواجهنا بأمثال عمار نجم الدين من الطلاب المستغلين والسلفية امثال عماد موسي اصحاب الاراء الانصرافية في الجامعات .. |
وده برضو نوع الكلام الساي لأنو لو المؤتمر إنصرافي لما كان حاز على تمثيل الطلاب على مستوى إتحادات الطلاب وروابطهم في كل من ج. الخرطوم ... الجزيرة .. سنار ... الأبيض .... جوبا سواء له الغالبية أو متساوياً مع الآخرين من التنظيمات ....
Quote: فالطلاب المستغلين يصرفو قضايا الطلاب لأشياء لا علاقة لها بهموم وأشكاليات الطلبة الطلبة الملحة والعاجلة فيتحدثون عن قطع الرحط في البيئة الشمالية |
وده نفس خطاب أنصار السنة في نقدهم للمؤتمر (قطع رحط شنو) والمنهج البتكلم عنو المؤتمر هو كل يوم بثبت بعد نظر هذا التنظيم وقدرتو على إنتاج أدوات تحليل الواقع السوداني وياهو المنهج الأصبح اليوم هو الخطاب السائد لكل القوى السياسية...
Quote: وفق عادات الحضارة المنبثقة من تداعيات ارث اركمني الضاربة في أرثها بجداريات ترهاقا المشكل لبنية وعى الثاقفة النوبية في ظل الاختلاط مع تدعايات غزوات مملكة نبط الضاربة في عمق وجدان الهدندوة حين استلابهم ثقافياً من بيئات المحدثين في عصر اضمحلالب كارسيا ماركيز الضارب في عمق الثقافة اللاتينية ... |
أما عينة كلامك ده وريني سمعتوا من منو في المؤتمر ؟؟؟؟
أما ما بينك وعمار فكان الأجدى إنو يجي يعتذر ويقول إنو مصدروا ضللوا (بإعتبار إنو بره البلد)... ومن خلال معرفتي الشخصية به فلا أعتقد إنو كضاب ولكنه مندفع ... وكون إنو ما موجود في السودان حاليا فده ما معناهو ما عندو الحق يتكلم في القضايا العامة عشان ما تجي تقولو إنت قاعد في أمبابة واللا الأسكندرية ما عارف فعمار رغم خلافي معه إلا أنه يظل عمار الذي كان يتقدم الصفوف في كل مظاهرة والإشتغل أي مخاطبة جماهيرية أثناء المظاهرات سواء في السوق العربي وسوق أم درمان أو ميدان الشهداء وتعرض خلال ذلك للكثير من الإعتقالات والمضايقات....
وتاني بسألك عمار ده حاليا حركة شعبية وقبلها كان تحالف مالك ما إتكلمت عنهم؟؟؟؟
| |
|
|
|
|
|
|
Re: بالتأكيد او النفي .. هل هذا الخبر صحيح ؟!! .. حتي نستوثق مما ينشر .. (Re: بشري الطيب)
|
ود الزين سلامات وحمد الله على السلامة ...
Quote: بس اظن انه من حقي ادي راي في تجربة مؤتمر الطلاب المستقلين |
ود الزين ما في زول قالليك ما تقول رأيك في تجربة المؤتمر لكن كمان في فرق بين الرأي والغرض ونربأ بك أن تكون من أصحابه !!! يعني أولاً إنت كنت بتكتب (المستغلين بدلا عن المستقلين) وكررتها أكثر من مرة مما ينفي عنها الخطأ الطباعي ...
Quote: اللي كلامي عنهم ما ( مشافهة ) زي ما ذكرت انت تحت بل عن معاصرة في داخل جامعة الجزيرة الانت بتستشهد بيها |
ويا صديق حتى المعاصرة لن تكفيك لكي تصدر حكما على فكرة معينة وإنما الإطلاع على هذه الفكرة ومرتكزاتها ومنهجها وخلافه؟؟؟؟ بعدين 99 في جامعة الجزيرة كان في ناظم يعقوب ومحمد زكريا واذكر إني في السنة المذكورة دي إشتغلت ندوة مع بقية التنظيمات أقامتها الجبهة الديمقراطية وكان وجود المؤتمر حينها في الجامعة أحسن من أغلب التنظيمات الأخرى... وما تنسى كان في أبو حراز البتعتبر دائرة مقفولة للمؤتمر إن جاز التعبير.
Quote: وما اظن رأي في تنظيم سياسي بيفرغ تجربته بل ما عمله من انجازات ونضالات هي البتثبت وجوده والتي اتمني ان يتسع صدرك ومساحة البوست وتحكي لينا عنها |
تعرف يا ود الزين أنا قلت أمشي افتح بوست عن تجربة المؤتمر وأناديك بي هناك لكن الى ذلك الحين يظل منهج التحليل الثقافي الذي تتكالب عليه التنظيمات اليوم من (يمينها الى يمينها) .... هو فخرنا الأعظم الذي عجزت التنظيمات السياسية بما توافر لها من رأسمال مادي ورمزي وتاريخ أن تنجزه
Quote: شايفك الحتة دي ذكرتها لي مرتين يا بشري الطيب .. اولاً ما عندي فكرة عن إنتماؤه الحالي للحركة الشعبية ولا التحالف قبلها .. وآخر حد بمعرفتي بيهو وقت كان مؤتمر طلاب مستقلين .. فجاءت ملاحظاتي على الاساس دا .. |
معقولة يا ود الزين الراجل كان ناطق رسمي عديل تقولي ما عارفو؟؟؟
Quote: غير انه ما تنسي انه مؤتمر الطلاب المستقلين ماهو حيطة قصيرة .. حيطة ووقعت لانه ببساطة وجوده وسط الطلاب اللي هي ساحته في جامعة الجزيرة ولحين مغادرتي في 1999م ضعيف ويمكن تقول عليهو زيرو ولا توجد له اي فعالية .. |
وكلامك ده هنا ما صاح ياخي ولا فعالية عموما أنا خشيت الجامعة 98م ومن 98 - 2003 مافي إسبوع ما بيكون في فعالية للمؤتمر ( ودي ما بتغالط فيها لأنو كنت بكون شغال في أغلبها) وبعد داك الفعاليات ما وقفت على الجامعة بس لا كمان في المناقل والحاج عبد الله ومدني المدينة (ندوات في شارع الله ده).
| |
|
|
|
|
|
|
|