|
|
 .. طــرحــه .. ليموزين .. امجــاد .. تاكســـي
|
معليش يا جماعة .. مع حمى العولمة والتسفار .. اخوكم وسائل النقل زي جاطت ليهو في راسو ..
ياخ انا من أمس بالليل ما قادر انوم ..
كلما اصحى اسمع ليك صوت بوووري .. تييييييييت تايوتا .. تيت .. تيت تيت .. تايوتـا.. إلخ
المهم
لي فترة ما ركبت لي تكسي .. ولا طرحـة . ولا ركشة ولا امجاد .. إلا لكن النصيحة بطلعه وبديكم النجيضة ..
|
|
 
|
|
|
|
|
|
|
 Re: .. طــرحــه .. ليموزين .. امجــاد .. تاكســـي (Re: tmbis)
|
بعدين بي صراحـة يا ناس الهلال:
حرام عليكم البتعلمو فوقو دا مفترض انكم تتراكو لي مشاعر اخوانكم الصفوة ديل .. اوووب سوري مفترض تراعو مشاعر اخوانكم ديل .. مهما كان ديل بلعبوا بي اسم الوطـن .. وعندهم استاد كبير حدادي مدادي .. وطابقين تلاتة
وفوق لي كدا .. عندهم واحد كدا اسمو وارغووو موباااالغة .. دا جايبنو بس عشان يجيب الكاسات .
قاليك اي كاس بجي بي جمبو بخمو ..
اي كورة عندو اقل حاجة تلاتة اربعة اقوان ..
وارغوو يجيب قوون .. واكرم يرقص ..
| |
|
|
|
|
|
|
|
|
 Re: .. طــرحــه .. ليموزين .. امجــاد .. تاكســـي (Re: tmbis)
|
تمبس يا حاقد
ما عندنا معاك كلام كتير يوم السبت قرررررب ما تزوغ
وانشا الله النت حقك يقطع هسسسسسسسسسسسسسسه قبال ترد
وحسابك يتهكر لابكري لا عمك بيل قتس زاتو يلقي ليه حل
وبركة الله وسمع الله يجيك واحد زي الاتسلط فيني امس ده يردمك ويحرق روحك
ولمن تجي ترد
تلقي الباسورد ما شغال لوووووووووووووووول
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: Faisal Elrasheed)
|
Quote: وانشا الله النت حقك يقطع هسسسسسسسسسسسسسسه قبال ترد
وحسابك يتهكر لابكري لا عمك بيل قتس زاتو يلقي ليه حل
وبركة الله وسمع الله يجيك واحد زي الاتسلط فيني امس ده يردمك ويحرق روحك
ولمن تجي ترد |
..
قرقر قريكــه ..
يا فيصل ..عندك عدد واحد بطانية حبوب + واحد بطانية شراب + 2 درب ملح طعام .. تستعملو لي النص كدا .. لحدت النص اوووعك تزيدو .. النص التاني خليهو لي يوم السبت الجاي ..
أنا اجيب ليك ملح طعام من وين يوم السبت الجاي .. مع ناس سادمبا وديمبا والصواريخ دي ..
ملحوظة:
التعيينات الفوق دي ممكن يصرفه ليك فيصل نوبي يا وهبــه .. يا ود الصايم
بس اعمل حساب انك تتغطى كويس .. عشان ما تهضرب 
| |
|
|
|
|
|
|
|
|
 Re: .. طــرحــه .. ليموزين .. امجــاد .. تاكســـي (Re: tmbis)
|
Quote: إنتو بالمناسبة:
امبارح كورة المريخ وبتاعين التاكسي انتهت كم .. كـــم؟؟ |
تمبز..
الغريبة أنا عرفت نتيجة الكورة من الانترنت مع اني ساكن في الخرطوم
ومتعشي في مطعم في نص العاصمة وبايت في حي جبرة
وأنا بهمي الخاص الخلاني ما اشتغل بالكورة..والسبب التاني النتيجة مضمونة
المهم أنا كنت قايل المريخ شال الكاس (لووووول)
لأنو بصراحة كدا زي الساعة عشرة كدا سمعت الناس بكوركو وجوطة وفي كم بوري كمان عمل تييت تييت
سبب واحد يخليني أقول المريخ ما شال الكاس مافي
الكاس مضمون وبعد الكورة كان في جوطة
أتاريهو ديل الحاقدين
يا حليلي العرفت تاني يوم النتيجة وحضرت القون من اليوتوب بتاع معاوية حسين مغربي دا
ياخي الكاسات المحمولة براً حصل عليها شنو؟
والاربعين الف دولار بتاعت الوالي
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: Habib_bldo)
|
تمس لاقاك .....منو
اب عمـــــه
وانا مرادى ما تمه
ياخى امس ناس مطعم الريم زعلانييين شديد
كل الزبائن لم تظهر بعد الكورة
لكن الملتقى عامر,,وصلاخ بتاع وكالة السفر مبسوط 24 قيراط
ممكن بخفض ليك التذكرة ل درجة مجانى
هاك التنظيم دا,,,,
تاكسسسسسسسسسسسسسسسى,,,,
مش فى برنامج فى الmbc بجى فى رمضان
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: abuguta)
|
ياتامبا
انت شغال بالتاكسي بتاعي مالك كااااااك يكه
قسما بالله العظيم بكتب ليك في الكلام ده دخل علي يمني قال لي لا تشرب البيبسي ولا تركب التاكسي
قلت ليهو الرسلك لي منو قال لي دي ناس اليمن بيقولوها يعني جات صدفة كده قالوا المصائب لاتاتي فرادى
قالوا العندو قرش محيرو يتابع الحمام بيطيرو
لحدي مانتلاقى ح ننتف ريشكم
تحياتي
زاتوووو
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: ALZOLZATOO)
|
Quote: قسما بالله العظيم بكتب ليك في الكلام ده دخل علي يمني قال لي لا تشرب البيبسي ولا تركب التاكسي
قلت ليهو الرسلك لي منو قال لي دي ناس اليمن بيقولوها يعني جات صدفة كده قالوا المصائب لاتاتي فرادى |
اها خم وصور يا دكتور .. كشف حالكم وصل اليمن .. بعد كدا ح نفتح ليك محل تخزين بي صك شرعي .. لووول يكــه بس ما تنسانا من الحاجات النضيفة .. يعني طلع لينا من ( البكري ) اب صفقا عراض هههه.. الجضووم مني ما تشيل هم .. كهكهكه.. | Quote: لحدي مانتلاقى ح ننتف ريشكم |
.. انا خايف اليوم داك يجيك واحد بنقالي .. يقوليك :
صديق ماف شراب سفن اب واجد .. وماف قرقر سوا سوا نفر هلال .
| |
|
|
|
|
|
|
|
|
 Re: .. طــرحــه .. ليموزين .. امجــاد .. تاكســـي (Re: abuguta)
|
Quote: ياخى امس ناس مطعم الريم زعلانييين شديد
كل الزبائن لم تظهر بعد الكورة
لكن الملتقى عامر,,وصلاخ بتاع وكالة السفر مبسوط 24 قيراط
ممكن بخفض ليك التذكرة ل درجة مجانى |
.. ابقوته يا هندسة ..
طبعا مطعم ريم دا فوقو كمية بتاعت صهاينة ما عادية .. ودا الوضع الطبيعي ليهم لما يترشو .. بلاي الكراسي بتعدم البقعد فيها .. والحاجة الغربة انهم قبال الكورة تلقاهم بقيادة صديق المووج يتفاصحو ويحموك المشي
دا بيثبت لينا نظرية انو اليوم داك الجماعة نامو القووواهـ
انا كل مرة في البورد دا قاعد اقترح عليهم يوم المباريات الزي دي والمع الهلال .. يفطروا ويتغدوا ويتعشوا جمع تقديم .. ويهضمو بدري جدا .. لانو في حالات كدا .. اكل الصباح زاتو بيمرق بالليل ..
حسع الله بيسالك يا هندسة .. مسمار التاكسي دا ما بيعمل ( بطرش غالي ) ..
غايتو قول لي صلاح تمبس قاليك .. إن شاء الله يوم السبت .. هو زاتو بديك تذكرة من عندو لي وكالتك تذكرة ومعاها وجبة بي تحليته في مطعم ريم .. اصلو المطعم ح يكون فاااضي وعدمان نفاخ النـار ..
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: Habib_bldo)
|
الحاجة الغريبة جدا ..
امس بالليل كان عندي مشوار مهم .. وعادة لما يكون عندي مشوار مهم قاعد انسى حاجات كتيرة برضو بتكون مهمة ..
المهم
نسيت ليك مسالة انو الليلة موعدنا مع كاس مريخي طويل جدا .. يرقص من حوله فتية المريخ الاشاوس .. ويجو يقدونا الاشوس منهم ناس عبد الماجد تربيع .. وصاحبي هارون دياب .. وطلحـة المسكين جدا وبعض المتعصباتيه الذين لا يجدون متعة ولا استمتاع إلا بالكتابة السلبية والنبش في الهلال العظيم ..
طبعا الخـال همزاوي كان الله كتب ليهو دخول الليلة البورد دا .. ح يجي يقول ناس التاكسي فاتحين لي ناس المريخ ..
لكن
من هنا لي رمضان وعيد الضحية البشوف خالكم همزاوي هنا في البورد دا .. ليهو هدية كاس .. وعربية امجاد وركشة .. طبعا ملاحظين ما قلنا بنديهو تاكسي .. عشان الناس ما تتحسس ساكت وتحمبك 
يتبع 
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: omer osman)
|
| Quote: السبت قريب ...... وايداهور قاااااااااعد |
.. يا جستابو ..
ايداهور دا اليومداك كان قالع ضرس ..؟
طيب ما قلتو نوبه وقلتو وارغووو دا جايبنو للرش ..؟ حسع بقيتو في البخارجكم من وارغوو ؟
كلتشي مالو عيبو لي عليك الله ؟؟
عاين
انا طبعا ما عايز اقوم عليك الضرس القديم واجيب ليك سيرة امبيلي .. خليك متفسح بالتكسي بتاعك دا لحدت يوم السبت بحلها الف حلال ..
| Quote: الله يسامحك يا وراغو ضحكت علينا الناس |
.. معليش الجاتك في مالك .. ضحكتك ..
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: tmbis)
|
يللا بعداك ..
قام الجوال رن .. نغمة بتشير إلى دخول رسالة .. قلت ياخ دا منو بالليل دا البرسل رسالة شديدة اللهجة كدا دا .. ولحدت الوكت داك انا ما قريته ..
قمت فتحت الرسالة اللقى ليك اسم معتصم دفع الله .. نزلت لي تحت شوية .. لقيته مشفرة بي كود خاص للحالات الزي دي قاعدين نرسلو بي تشفيرتو لي اخوكم اساسي الحسع بكون طبعا ما مشى الشغل زاتو .. وما بيجي البورد دا كان كتبوهو ليهو فوق رشته ..
اهــــا
يللا قمت قريت الكود المشفر .. بتاع معتصم .. قلت ؟؟ هييي معتصم دا جنه واللا مالو ؟؟
دخلت الجوال في جيبي .. والزكت دا كلوو وانا ما مستوعب الفكرة لانو زي ما قلت ليكم المشوار كان مهم وبينسيني الحاجات المهمة ..
فجاة كدا .. اتذكرت ليك الترجمة بتاعت الشفرة الخاصة بي الكود بتاع معتصم .. ياخ انا نطيت ليك جنس نطــه .. اتخيلو زول راكب جوه العربية يقوم ينط .. طيب لو كنت راكب تكسي .. كان اعمل شنو
يعني انط جوه التكسي دا ؟؟
غايتو الفهمتو من التشفير بتاع معتصم .. انو في زووط .. الكلام دا بالليل خلاص ..
وزوط بالليل خالص .. في وكت زي دا .. معناته في ناس بتكون ملصت فنايله .. وناس بتكون ضربت الفاليوم ..
لكن حقيقة .. معتصم حاسد .. ياخ ما لقى زول يرسل ليهو غيري في الليل داك .. عندك مثلا اساسي ..
لكن بيني وبينكم اساسي قافل الجوال من امس .. يكون عندو جوال تاني يا خط ارضي
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: humida)
|
Quote: حرام عليكم البتعلمو فوقو دا مفترض انكم تتراكو لي مشاعر اخوانكم الصفوة ديل .. اوووب سوري مفترض تراعو مشاعر اخوانكم ديل .. مهما كان ديل بلعبوا بي اسم الوطـن .. وعندهم استاد كبير حدادي مدادي .. وطابقين تلاتة
وفوق لي كدا .. عندهم واحد كدا اسمو وارغووو موباااالغة .. دا جايبنو بس عشان يجيب الكاسات |
العزيز/ تمبس
صباح الخير
انت شايت وين؟؟؟؟
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: Habib_bldo)
|
150 مليون دولار ... !!! ضاعت في مسمار
عجبي !!
وبقولو سيكا (( اعــــــــــــــــــداد))
اعداد بي 150 ملون دولار ... حاجه تجنن ..
ووارغو . طلع حريييييييييييييف بس شكلو ((اعداد ))كمان !!
والغريبه ولا قوووون ما جبو عمنا وارغو في دورة سيكا .. عزاهم الوحيد انو حريييف
هو برضو موش مهاجم ؟؟؟
صدقني يا قريبك مزعلاني كمية ابو الجورج الراحت شمار في اعداد
وبعد انشالله يجيبو كاس الانديه .. الاول مرة يصلو فيه دوري التمانيه !!
واخيرا اقتنعته واقتنع كل من يمشي علي الارض
انو ( دورة) سيكا ام (150 مليون دولار ).. وجلب مهاجمين افريقيا كلهم .. ورش ابو الجورج في كل الاتجاهات
وغيرو - وما خفيه كان اعظيم .. و وووووو
ليهزمو ((هلال العظمه )) يوم السبت ... وكفي
(واتراكو ) الجماعه كفاهم المسمار
ودعتك الله ..
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: عبدالله كع)
|
| Quote: سيظل المريخ عظيما في قلوبنا |
طارق جبريل وااا حسرتاه يا رجل
لم اتوقع ان تكون ......
لاحولااااااا
اللهم انه من المحسنين المبدعين فاغفر له يا الله
يا تمبس خلى لخبطة الكلام و الغتغته بلا (طــرحــه .. ليموزين .. امجــاد .. تاكســـي)
حافله حافلة عديل كدى و كمان هيونداى
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: Habib_bldo)
|
Quote: تمبس صديقي أولا مبروك العودة للمنبر وسلامة التسفار
وتحية كبيرة ليك ومشتاقين كتير |
مليون مرحب يا وليد .. والبركة في شوفتك .. وين ما ظاهر لا يف البورد ولا بره البورد؟؟ | Quote: أتخيلتك في أمدرمان |
والله يا وليد يسمع منك رب العباد .. لكن بيني وبينك اليوم داك لو كنت في امدرمان .. كان جابوني في صحيفة حكايات .. اصلو جماعتك ديل بنعرف ليهم كويس .. من ما كنا صغار
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: tmbis)
|
الاخوان / تمبس والأخوة المتاخلون..
سلام عليكم جميعا..
عندي بس تعليق علي الصورة الجايبة الاخ / هارون دياب...
اخي الكريم هارون دياب
خروف ازرق ده عمرو ما سمعنا بيه، لكن بقرة صفراء في وكمان امروا بذبحها،،، كدي شوف الاية دي:
وإذ قال موسى لقومه إن الله يأمركم أن تذبحوا بقرة قالوا أتتخذنا هزوا قال أعوذ بالله أن أكون من الجاهلين (67) قالوا ادع لنا ربك يبين لنا ما هي قال إنه يقول إنها بقرة لا فارض ولا بكر عوان بين ذلك فافعلوا ما تؤمرون (68) قالوا ادع لنا ربك يبين لنا ما لونها قال إنه يقول إنها بقرة صفراء فاقع لونها تسر الناظرين (69) قالوا ادع لنا ربك يبين لنا ما هي إن البقر تشابه علينا وإنا إن شاء الله لمهتدون (70) قال إنه يقول إنها بقرة لا ذلول تثير الأرض ولا تسقي الحرث مسلمة لا شية فيها قالوا الآن جئت بالحق فذبحوها وما كادوا يفعلون (71)
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: humida)
|
Quote: طارق جبريل وااا حسرتاه يا رجل
لم اتوقع ان تكون ......
لاحولااااااا
اللهم انه من المحسنين المبدعين فاغفر له يا الله
|
سهام كيفنك ياخ
ياخي المريخ دة زي الهواء والموية ما ممكن نتستغنى عنه
احبطيني ياخي انك رشاشة
بعد دة الواحد يدخل بوستاتك بتحفظ كبير
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: طارق جبريل)
|
أخوى تمبس..الجميل...
أسعد الله صباحاتك بكل جميل..
Quote: يللا بعداك ..
قام الجوال رن .. نغمة بتشير إلى دخول رسالة .. قلت ياخ دا منو بالليل دا البرسل رسالة شديدة اللهجة كدا دا .. ولحدت الوكت داك انا ما قريته ..
قمت فتحت الرسالة اللقى ليك اسم معتصم دفع الله |
وانا قبلك إتصلت بمعتصم دفع الله لم نستطيع مواصلة الحديث من الضحك..بالرغم من الحسرة على ضياع المريخ من فرصة الفوز بالكأس وهو على مقربة من المنصة......
الصورة ألأدونا ليها الناس ديل الكاس فى يدهم عديل...وأملنا على إضافة كأس للكاسات القدونا بيها محموله لحدى ما نحن بقينا نخاف من حمل اى كلام من عندهم..
دى خسارة كبيرة ان لايفوز المريخ بهذا الكاس.الفرق تاخد 6 و4 يعنى مستوى مهزوز بطريقة ما طبيعيه..وكم من ألأهداف خيالى...
عمومآ انا ما بحب أركب تاكسى اصلو حتى لو ركبت راسى....إسماعيل محمد احمد عباس.....
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: ismeil abbas)
|
Quote: طارق جبريل وااا حسرتاه يا رجل
لم اتوقع ان تكون ......
لاحولااااااا
اللهم انه من المحسنين المبدعين فاغفر له يا الله
يا تمبس خلى لخبطة الكلام و الغتغته بلا (طــرحــه .. ليموزين .. امجــاد .. تاكســـي)
حافله حافلة عديل كدى و كمان هيونداى |
هى أصلها الدنيا دى كدة،
الواحد بينصدم فى ناس،
ما ممكن يتخيلهم،،،
كيفك يا سهام المجمر،
شايفاكى بقيتى شغالة مواصلات ساكت الايام دى،،
و تمبس برضو،،،
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: Hala Hassan)
|
تامبا
فيصل الرشيد ده مش صاحب محمد الامين؟
صرفتو السنة الجاية ما السنة دي ياخ ..
Quote: لقيته مشفرة بي كود خاص للحالات الزي دي قاعدين نرسلو بي تشفيرتو لي اخوكم اساسي الحسع بكون طبعا ما مشى الشغل زاتو .. وما بيجي البورد دا كان كتبوهو ليهو فوق رشته ..
اهــــا |
ياخ الرسالة أمس أبت تمشي
الليلة من الصباح بيكون شرب شاي الصباح مع بسكويت رسالتي
أخونا أساسي .. لا أسكت الله لكـ حِساً..
_
تمحركـ و تعال يا عمكـ و كان داير نرسل ليكـ تاكسي برضو حاضرين
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: Hala Hassan)
|
Quote: سهام كيفنك ياخ
ياخي المريخ دة زي الهواء والموية ما ممكن نتستغنى عنه
احبطيني ياخي انك رشاشة
بعد دة الواحد يدخل بوستاتك بتحفظ كبير
|
يا طارق ياخ انا ابو اهلى زاتو رشاشه
اها عندى ليك قصة:
الاخ العزيز الحبيب زوج اختى الكبيرة اكتشفنا بعد العرس انو والعايز بالله مريخابى
قلنا ليهو دى الحاجة الوحيده الدقسنا فيها لمن سألنا منك
لوووووووووووووووول
يا هندسة يا بتاعة لندن
فاتحة لينا مالك ياخ
يعنى البركبو طيارات متوجهين على الناس السود
يااااااى ما بنفعو مع البتوجهو على الناس البيض
عنصرية و كدى
والله الجمله دى عاوزة ملاسى عشان يعيد صياغتها
والا يا ربى تكون طويله عليهو!!!(وش مسكين و متحير)
مشتاقين يا هاله والله
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: Hala Hassan)
|
تمبس سلام
تصور واحد صاحبى مريخابى عنده عربيتين تاكسى نظام استثمار وكده اتصلت عليه صباحا ردت لى زوجته قالت لى الحق
صحبك, السواقين بتاعين التكاسى جوه الصباح وضربو البورى قدام البيت عشان يدوه الايراد زى ما بعملوا كل يوم قام
شال العكاز وطلع ليهم وخبت فى العربات كسر القزاز والمرايات وطفق الكبوت وطرد السواقين وانا سمعت الكوارك طلعت
لقيت المنظر والراجل هايج ويبرطم فى كلام فهمت منه انو قايلم ناس الكورة وجايين يغيظوه ولما قلت ليه ياراجل انت
جنيت كورة شنو ديل السواقين جايبين ايراد التك... وقبال ما اتم الكلمة حلف بالطلاق اكان تميتها الا ابيت فى بيت ابوى
وزاد عليه بالطلاق انو يبيع العربيتين ويشترى بدلم ركشات.
تحياتى
| |
|
|
|
|
|
|
|
|
|
Re: .. طــرحــه .. ليموزين .. امجــاد .. تاكســـي (Re: tmbis)
|
Quote: عوزاز ..
ما كنت قايلك من الســـــفوة والله ..
بيب بيب تكسي .. بيب بيب تكسي .. بيب بيب تكسي .. بيب بيب تكسي .. بيب بيب تكسي .. بيب بيب تكسي .. |
كييييف ... مع النجمة العالية محل ما تقبل
والله يا حميضة تتغلبو السبت الله قال بقولك انت و صاحبك الفنان الصاعد ده
و اطلع مظاهرات في ميدان القاهرة .... اصبرو لي بس
| |
|
|
|
|
|
|
| |
tmbis
Faisal Elrasheed
محمد يوسف الزين
معتصم دفع الله
Habib_bldo
abuguta
ALZOLZATOO
omer osman
عمران حسن صالح
humida
Al-Sadig Yahya Abdall
العوض المسلمي
عبدالله كع
برير احمد إبراهيم
عبدالوهاب علي الحاج
طارق جبريل
Siham Elmugammar
جمال المنصوري
محمد سنى دفع الله
ismeil abbas
فيصل نوبي
انعام عبد الحفيظ
haroon diyab
كمال حسن
على محمد على بشير
محمد عبد الماجد الصايم
7abib_alkul
فيس بوك
تويتر
انستقرام
يوتيوب
بنتيريست