الفاهم يفهمنا بالله : ما هو مصدر شرعية الحكومة القومية المطلوبة بديلاً ؟

Quote: يا عبدالله ازيك حكومة مؤقتة...حكومة تسيير...حكومة منقلبة...حكومة الوحدة... حكومة الشريكين...(سمو الجماعة الحاليين ديل ما شئتم من اسماء) فذلك افضل من ان تأتي وجوه جديدة لتسيير حكومة بضعة اشهر... واين هو هذا الزمن الذي يتسع لأي وزير ان يستلم وزارته ويتمكن من فتح ملف واحد من ملفاتها؟؟؟ ما قلته يجب ان تستمر هذه الحكومة حتي الانتخابات...اي زعزعة لها ستكون مضرة بالسودان...فالجماعة ديل مضرين وعادي ممكن يشيلوا كورتهم...ويمعطوا النجيلة... دحين باقي ليك ناس الصادق ونقد ديل بقدروا علي لعب الدافوري في الرملة كان مرقو ليهم من الميدان بعد ما يشيلوا كورتهم ويمعطوا النجيلة؟؟؟ ثم ثانيا : من سيضمن تنفيذ اتفاقيات نيفاشا والشريكين هما الضامنين لها بصفتهما؟؟؟ عادي ممكن يتملصوا منها ويخلونا في الصقيعة الوضع فعلا شاذ ولكن لابد من القبول والتسليم به... وحكاية سحب ممثلين أو نواب من البرلمان...دي زاتا غير مجدية.. بعد شنو؟ بعد ان اجزتوا كل القوانين المطلوبة للمرحلة القادمة.. نقلو الطوب والرملة والسيخ..والموية...الباقي البنيان... ودا عايز ليه اوسطي واحد واي عدد من العمال ...المهرة وغيرهم وديل حا تجيبهم الانتخابات. دحين اصبروا يا عبدالله...كمان شهور...ياخ هي كانت سنيييين وجماعتك ديل فرفروا جاي واسمروا جاي وقاهروا جاي وتجبتو ورجعوا عشرين سنة في جنس الحالة دي...والباقي شهور...ولكلكتم دي حا تخليها تاني عشرين سنة...هسي لو المؤتمر الوطني والحركة الشعبية ...قالوا للناس أعلي ما في خيلكم اركبوا...مش حا يرجعوا تاني اسمرا والقاهرة؟ ويعملو ليهم بدالة اتصالات لي اوكامبو؟ ويملوا الانصر ماشين بتاعة اوكامبو بي جنس دا: Hi Mr. Omar AlBashir will visit Shendi on shshshshshshshsh وينقطع الاتصال