ياعزيزي لا في انقسامات ولا حاجة الموضوع وما فيهو دايما بتكون في مشكلة في التبليغات وبس والبعرفو انا انا بورداب الخرطوم عسل علي لبن ومافي ايي فكرة بتاعة انقسام ولا غيرو
خالص الود
07-11-2009, 10:56 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
ياخي الله يهديك .. ما لقيت غير العنوان دا من الصباح .. حياتنا كلها إنقسامات وإنشقاقات .. بورداب الخرطوم الذين أعرفهم لا يمكن يكونوا إلا على قلب رجلٍ واحد .. ناس مجتمعين على الخير وفعل الخير .. وزي ما قال ياسر يمكن يكون في عدم تنسيق ودا بيحصل عادي ..
07-12-2009, 08:11 AM
بابكر التوم بابكر التوم
تاريخ التسجيل: 01-04-2008
مجموع المشاركات: 1580
الانقشامات كترت ، انقسام المؤتمر الوطني والشعبي انقسام الحركة الشعبية ، جناح باقان اموم وجناح سلفاكير انقسام حزب الأمة ، لـ 13 جناح حتى انصار السنة انقسمو ، جناح ابوزيد وجناح الهدية
07-11-2009, 12:55 PM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
عدد البوستات: 6538 تاريخ التسجيل: 27-11-2007 محل الاقامة: : عنوان مكتبتى بسودانيزاونلاين دوت كم : http://www.sudaneseonline.com/cgi-bin/sdb/2bb.cgi?board=288 اكلات مفضلة: قراصه بالدمعه الاسم الحقيقى: العوض المسلمي التلفون: 00249912308673 الجامعة/المعهد: الحالة الاجتماعية: Married العنوان الدائم: الفنان المفضل: اللون السياسى: النوع: Male الهوايات المفضلة: الاطلاع ومتابعة الاحداث الوظيفة: عمل خاص تاريخ الميلاد: الاعمار بيد الله ,,العمر لايقاس بتاريخ الميلاد درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: [email protected] مكان العمل: مكان الميلاد فى السودان: الخرطوم بحري
Quote: كل ناس محتفلين لوحدهم وناس خارج القسمة وناس مهمشين
أتفق معاااااااك تماااااااااما واقولها عديل الان انا دائما برفض وبالتالي ما بحضر اي دعوة او برنامج عشان بحس انهم شلليات (شلليات دي ما قاصدة بيها كلمة كعبة او شيينة) قاصدة بيها انو كل كم نفر عاملين قرووب او مجموعة مع بعض ومن نفسي بحس انو صعب التداخل معهم ... او صعب انو يقبلوا واحدة زي ودائما لمن ياسر بيناوي او عمر صديق يقولوا لي في الحتة الفلانية في احتفال وفي الحتة الفلانية في شنو شنو بقول ليهم انا عندي راي في البورداب....... والرحلة اليتيييييييييييمة اللي مشيتها معاهم يوم رحلة سمك الجبل ... جابت لي اللوم والمشكلة بتاعة بقال تتذكروها !!!!!!!! دا راييي انا وافتكر ما في زول يزعل منو
07-11-2009, 11:29 AM
بكري الخير بكري الخير
تاريخ التسجيل: 02-12-2008
مجموع المشاركات: 1779
والله يا جماعة مافي اي انقسامات ولا حاجة في وسط بورداب الخرطوم
بورداب الخرطوم سمن علي عسل ممكن يكون في مرات ناس مابدخلو المنتدي وبتفوتهم احتفالات وبرامج بتجي سريعة لكن برضو الشباب ما بقصرو والبركة في شيخنا العوض المسلمي (تكفي رسالة الجمعة الرائعة يا عوض يا مسلمي ماتتخيل بقيت انتظرها علي احر من الجمر لانها بتجي في زمنا وبي موضوعا تماما، ربنا يخليك)
اتمني ان لا تصيب حمي الانقسامات بورداب الخرطوم الحلوين
07-11-2009, 11:33 AM
مزمل خيرى مزمل خيرى
تاريخ التسجيل: 03-29-2009
مجموع المشاركات: 5652
Quote: أتفق معاااااااك تماااااااااما واقولها عديل الان انا دائما برفض وبالتالي ما بحضر اي دعوة او برنامج عشان بحس انهم شلليات (شلليات دي ما قاصدة بيها كلمة كعبة او شيينة) قاصدة بيها انو كل كم نفر عاملين قرووب او مجموعة مع بعض ومن نفسي بحس انو صعب التداخل معهم ... او صعب انو يقبلوا واحدة زي ودائما لمن ياسر بيناوي او عمر صديق يقولوا لي في الحتة الفلانية في احتفال وفي الحتة الفلانية في شنو شنو بقول ليهم انا عندي راي في البورداب....... والرحلة اليتيييييييييييمة اللي مشيتها معاهم يوم رحلة سمك الجبل ... جابت لي اللوم والمشكلة بتاعة بقال تتذكروها !!!!!!!! دا راييي انا وافتكر ما في زول يزعل منو
اعمال العوض الجليلة ويدة البيضاء .. هى السبب . مامشكلة انو الزول يكون مسجل متين المهم انو دورو شنو فى المنبر والعوض المسلمى ( شيخ ) وزعيم بودراب الخرطوم يستحق أكثر من ذلك بكثير .. اعمال خير جليلة يقوم بها العوض المسلمى بدون علم معظم البودراب لانة لا ينتظر أن يشكر عليها ..! يبدو أنك يامحمد مابتعرف العوض كويس ..!!
Quote: اعمال العوض الجليلة ويدة البيضاء .. هو السبب . مامشكلة انو الزول يكون مسجل متين المهم انو دورو شنو فى المنبر والعوض المسلمى ( شيخ ) وزعيم بودراب الخرطوم يستحق أكثر من ذلك بكثير .. اعمال خير جليلة يقوم بها العوض المسلمى بدون علم معظم البودراب لانة لا ينتظر أن يشكر عليها ..! يبدو أنك يامحمد مابتعرف العوض كويس ..!!
تحدثت بلساننا يا مزمل لك التحية والتقدير
أما الاخ العوض المسلمي شيخ عرب يعطي دون من ولا اذي ولا نريد ان نقصم ظهره نسأل الله أن يجزيه عنا كل خير
07-11-2009, 02:31 PM
mayada kamal mayada kamal
تاريخ التسجيل: 08-31-2007
مجموع المشاركات: 8015
Quote: مامشكلة انو الزول يكون مسجل متين المهم انو دورو شنو فى المنبر
الاخ مزمل خيري سلامات وفرصة طيبة في النقطة دي ايضا عندك حق ... وحقيقة حضرتك واحد من الناس اللي سجلوا قرييييييب اعتقد وسجلت حضورا كبير بين بورداب الخرطوم دي ملاحظة من خلال مشاركاتك في البوستات (انت الدفعة الاتسجلت ونحن في الفصل التعسفي بتاع بكري عشان كدا ما رحبنا بيك..) واتمنى دوام التواصل
07-11-2009, 02:51 PM
مزمل خيرى مزمل خيرى
تاريخ التسجيل: 03-29-2009
مجموع المشاركات: 5652
و الله دي فرصة كويسة انه الواحد يجي يعرض مشكلته .. اساسا انا مغيوط منهم الناس ديل .. كل مرة شابكننا نستقبل البوردابي الفلاني المغترب .. و فلان جانا من الدوحة .. و علان من السعودية .. يا كافي البلا انا اكتر مغترب بجي السودان في كل بورداب المنافي .. تضرب للملك يلذ ليك نمرة تلفون المسلمي .. تضرب للمسلمي يقول ليك مرحب بيك مر علينا بكرة اليوم شطبنا .. تضرب لملاسي يونسك لمن يجيك وجع ضرس و يقول ليك بالله لسع انتو ساكنين في قاردن سيتي ههههه جنب المعرض مش كدا ههه ان شاء الله بنجيك .. نازر الخليفة مرتو حامل ليها تلاتة سنين .. !! حمور دا زول سغيل جدا جدا .. يقول ليك اركب تعال لي الحلفاية .. ( يا ابني انا اقول ليك شهادة عربية تقول لي الحلفاية ) .. الله يخلي اصحابنا تبلدينا و تروتسكي و دوني قندهار جبروا بخاطري .. و ان شاء الله يا المسلمي اي خروف تعزلوا تاني يطلع مســوس ..
.. ..
اصلو ما تخلوهم .. اعملوا جمعية عمومية ..
07-11-2009, 04:42 PM
السمؤال بدرالدين السمؤال بدرالدين
تاريخ التسجيل: 02-17-2007
مجموع المشاركات: 1989
يا جماعة كدي خلونا من المسلمي شيخ عرب ولا شيخ زار الزول دا مش ياهو الفتح بوست لانعام حيمورة هنا دا ولا واحد تاني قال كلام فارغ كتير لمن الناس اعتقدوا انوا الهكر واتصلوا بيهو اعلن مسئوليتو وفي نفس البوست قال انو هو شارب ايه كدا ما عارف بطريقة استفزت اختنا انعام جدا واستفزتنا كلنا واذكر ايضا انو قال ما ( بدفع شيرنق تاني ) دحين يا اخوي انا داير احدثك نحن شغلتنا كلها شيرنق لو غيرت استراتيجيتك وداير تدفع حبابك ولو ما عندك ما في زول بيقول ليك تلت التلاتة كم بس النفوس تكون صافية اما لو ما داير تدفع خالص في كل الاحوال عندك او ما عندك حاول كون ليك تنظيم بورداب خرطوم جديد وسميهو اي اسم بعجبك واقترح ليك تسميهو بورداب الخرطوم جناح ام جكو شوف في زول بيسألك اما تلميحاتك بخصوص الاخ المسلمي اقل ما توصف به انها خبيثة وسخيفة وكان جيت بجيك تاني
07-12-2009, 07:53 AM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
Quote: يا جماعة كدي خلونا من المسلمي شيخ عرب ولا شيخ زار الزول دا مش ياهو الفتح بوست لانعام حيمورة هنا دا ولا واحد تاني قال كلام فارغ كتير لمن الناس اعتقدوا انوا الهكر واتصلوا بيهو اعلن مسئوليتو وفي نفس البوست قال انو هو شارب ايه كدا ما عارف بطريقة استفزت اختنا انعام جدا واستفزتنا كلنا واذكر ايضا انو قال ما ( بدفع شيرنق تاني ) دحين يا اخوي انا داير احدثك نحن شغلتنا كلها شيرنق لو غيرت استراتيجيتك وداير تدفع حبابك ولو ما عندك ما في زول بيقول ليك تلت التلاتة كم بس النفوس تكون صافية اما لو ما داير تدفع خالص في كل الاحوال عندك او ما عندك حاول كون ليك تنظيم بورداب خرطوم جديد وسميهو اي اسم بعجبك واقترح ليك تسميهو بورداب الخرطوم جناح ام جكو شوف في زول بيسألك اما تلميحاتك بخصوص الاخ المسلمي اقل ما توصف به انها خبيثة وسخيفة وكان جيت بجيك تاني
1- ردي لانعام كان رد في محلو مية المية 2- ماحدفع شيرنق لشلة معينة نهائي ماشة تعمل برنامج خاص بها 3- اما موضوع الدفع الحمد للة اي برنامج كنت موجود دفعت وكمان اكتر 4- اما بخصوصالتنظيم انا ما بتاع كدة شوف ناسو في البورد انت عارفهم اكتر مني
07-11-2009, 04:53 PM
Salahaldeen Nadir Salahaldeen Nadir
تاريخ التسجيل: 08-03-2006
مجموع المشاركات: 987
أكييييييييييييييد ما في إنقسام والدليل المجموعات شبه ثابتة وهنالك أعضاء يتخلفون حسب ظروفهم ، أو حسب ظروف الدعوى وحقيقية من الصعوبة بمكان إجتماع جميع الأعضاء في مكان وزمان واحد، قس على ذلك البورداب في أي من دول المهجر ، أو أي كيانات أخرى .
والمؤكــــــــــــــــد : أنا بورداب الخرطوم أصبحوا مرتكز للقادمين من الشتات ، إحتفاء وإحتفال وإلتقاء ، حتى ولو العدد ناقص.
لا يخفى على الجميع مشغوليات السودان الامنتهية حتى يوم يبعثون
أما عن العوض المسلمي : فهو "مؤسسة إنسانية متعددة الأغراض " نسأل الله له الحفظ والستر والسلامة وجميع بورداب الخرطوم.
سلامي الخالص للجميع
07-11-2009, 05:15 PM
Nasruddin Al Basheer Nasruddin Al Basheer
تاريخ التسجيل: 12-09-2005
مجموع المشاركات: 4083
أنا ما بعرف أي واحد من بورداب الخرطوم.. لكن من خلال متابعاتي في المنبر بشوف إنو ما عندهم انقسامات أو تكتلات.. الموضوع ببساطة إنك يا محمد الأمين منقسم على نفسك، يعني إنسان ما اجتماعي أو غير متفاعل والظاهر إنو دمك تقيل، وأنا بقول الكلام ده ليس ذماً لك لكن بنيت كلامي ده من خلال ملاحظاتي إنو الناس بتتداخل معاك في بوستاتك بتقوم تصهين منهم.. يعني أنا لو جيت الخرطوم وبورداب الخرطوم قالوا لي نحن كلنا معزومين عند زميلنا محمد الأمين تفتكر حأجيك في بيتكم؟ علي الطلاق ما أجيك.. يا اخي إنت إنسان ما بتدي أي اعتبار للناس البتداخلوا معاك في بوستاتك فما غريبة عليك تصهين برضو لو الناس جوك في بيتكم.. راجع بوستاتك عشان ما تتهمني بالباطل.. أنا ما عندي معاك سابق معرفة لكني صنفتك من الناس الدمهم تقيل في المنبر ده وأرجو ألا يزعلك هذا التصنيف وأتمنى أن تثبت للجميع عكس ذلك.. مع صادق معزتي لك..
07-12-2009, 08:06 AM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
Quote: أنا ما بعرف أي واحد من بورداب الخرطوم.. لكن من خلال متابعاتي في المنبر بشوف إنو ما عندهم انقسامات أو تكتلات.. الموضوع ببساطة إنك يا محمد الأمين منقسم على نفسك، يعني إنسان ما اجتماعي أو غير متفاعل والظاهر إنو دمك تقيل، وأنا بقول الكلام ده ليس ذماً لك لكن بنيت كلامي ده من خلال ملاحظاتي إنو الناس بتتداخل معاك في بوستاتك بتقوم تصهين منهم.. يعني أنا لو جيت الخرطوم وبورداب الخرطوم قالوا لي نحن كلنا معزومين عند زميلنا محمد الأمين تفتكر حأجيك في بيتكم؟ علي الطلاق ما أجيك.. يا اخي إنت إنسان ما بتدي أي اعتبار للناس البتداخلوا معاك في بوستاتك فما غريبة عليك تصهين برضو لو الناس جوك في بيتكم.. راجع بوستاتك عشان ما تتهمني بالباطل.. أنا ما عندي معاك سابق معرفة لكني صنفتك من الناس الدمهم تقيل في المنبر ده وأرجو ألا يزعلك هذا التصنيف وأتمنى أن تثبت للجميع عكس ذلك.. مع صادق معزتي لك..
1- دمي تقيل ولا خفيف لك مطلق الحرية في الحكم ولا حزعل منك 2- اما قصة الرد علي البوستات هذة سياستي في البورد انا عاوز اوصل معلومة لمجموعة معينة ماعوز اخد وادي في المواضيع او اربما ظروف عملي لاتسمح لي بالرد الوافي 3- اما بورداب الخرطوم الكثير منهم بيني وبينهم تواصل جميل جدا ونزور بعضنا ونتواصل في كل المناسبات
07-11-2009, 05:18 PM
السمؤال بدرالدين السمؤال بدرالدين
تاريخ التسجيل: 02-17-2007
مجموع المشاركات: 1989
Quote: و الله دي فرصة كويسة انه الواحد يجي يعرض مشكلته .. اساسا انا مغيوط منهم الناس ديل .. كل مرة شابكننا نستقبل البوردابي الفلاني المغترب .. و فلان جانا من الدوحة .. و علان من السعودية .. يا كافي البلا انا اكتر مغترب بجي السودان في كل بورداب المنافي .. تضرب للملك يلذ ليك نمرة تلفون المسلمي .. تضرب للمسلمي يقول ليك مرحب بيك مر علينا بكرة اليوم شطبنا .. تضرب لملاسي يونسك لمن يجيك وجع ضرس و يقول ليك بالله لسع انتو ساكنين في قاردن سيتي ههههه جنب المعرض مش كدا ههه ان شاء الله بنجيك .. نازر الخليفة مرتو حامل ليها تلاتة سنين .. !! حمور دا زول سغيل جدا جدا .. يقول ليك اركب تعال لي الحلفاية .. ( يا ابني انا اقول ليك شهادة عربية تقول لي الحلفاية ) .. الله يخلي اصحابنا تبلدينا و تروتسكي و دوني قندهار جبروا بخاطري .. و ان شاء الله يا المسلمي اي خروف تعزلوا تاني يطلع مســوس ..
.. ..
اصلو ما تخلوهم .. اعملوا جمعية عمومية ..
يازول انت في عرسك جاينك قريب تلاتين بوردابي
07-12-2009, 09:14 PM
عمر صديق عمر صديق
تاريخ التسجيل: 06-06-2008
مجموع المشاركات: 14776
Quote: و الله دي فرصة كويسة انه الواحد يجي يعرض مشكلته .. اساسا انا مغيوط منهم الناس ديل .. كل مرة شابكننا نستقبل البوردابي الفلاني المغترب .. و فلان جانا من الدوحة .. و علان من السعودية .. يا كافي البلا انا اكتر مغترب بجي السودان في كل بورداب المنافي .. تضرب للملك يلذ ليك نمرة تلفون المسلمي .. تضرب للمسلمي يقول ليك مرحب بيك مر علينا بكرة اليوم شطبنا .. تضرب لملاسي يونسك لمن يجيك وجع ضرس و يقول ليك بالله لسع انتو ساكنين في قاردن سيتي ههههه جنب المعرض مش كدا ههه ان شاء الله بنجيك .. نازر الخليفة مرتو حامل ليها تلاتة سنين .. !! حمور دا زول سغيل جدا جدا .. يقول ليك اركب تعال لي الحلفاية .. ( يا ابني انا اقول ليك شهادة عربية تقول لي الحلفاية ) .. الله يخلي اصحابنا تبلدينا و تروتسكي و دوني قندهار جبروا بخاطري .. و ان شاء الله يا المسلمي اي خروف تعزلوا تاني يطلع مســوس ..
.. ..
اصلو ما تخلوهم .. اعملوا جمعية عمومية ..
يازول انت في عرسك جاينك قريب تلاتين بوردابي
07-12-2009, 07:41 AM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
Quote: اعمال العوض الجليلة ويدة البيضاء .. هى السبب . مامشكلة انو الزول يكون مسجل متين المهم انو دورو شنو فى المنبر والعوض المسلمى ( شيخ ) وزعيم بودراب الخرطوم يستحق أكثر من ذلك بكثير .. اعمال خير جليلة يقوم بها العوض المسلمى بدون علم معظم البودراب لانة لا ينتظر أن يشكر عليها ..! يبدو أنك يامحمد مابتعرف العوض كويس ..!!
يعني فرض نفسو بغض النظر عن من هو وانتو ماشين وراهو سااااااااي
وبعدين يامحمد ماخاتى اى عنوان ليك عشان الناس تصلك ..!!!
___________________ . عدد البوستات: 3736 تاريخ التسجيل: 07-03-2005 محل الاقامة: sudan : Not shown عنوان مكتبتى بسودانيزاونلاين دوت كم :
اكلات مفضلة: كل الاكلات السودانيه الاسم الحقيقى: التلفون: الجامعة/المعهد: فوق الجامعي الحالة الاجتماعية: Married العنوان الدائم: ؟؟؟؟؟؟؟؟؟ الفنان المفضل: زيدان ابراهيم -محمد الامين -مصطفي سيد احمد اللون السياسى: لايوجد- النوع: Male الهوايات المفضلة: الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: _______________
الجماعة عديل مش ليهم حق عليك الله .؟؟؟؟
07-12-2009, 08:17 AM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
Quote: وبعدين يامحمد ماخاتى اى عنوان ليك عشان الناس تصلك ..!!!
انا لا اتحدث عن نفسي بل عن الاخراين انا لست ميال لحضور اللمات لنظرية معينة اماعنوني ليس مهم مادام البوست مجود عنواني غير مجود لظروف الخصوصية رقم جوالي عند كثير من الزملاء
07-11-2009, 05:48 PM
سيف بخيت موسي سيف بخيت موسي
تاريخ التسجيل: 06-06-2008
مجموع المشاركات: 2034
Quote: الله يخلي اصحابنا تبلدينا و تروتسكي و دوني قندهار جبروا بخاطري ..
التبلدي اليقوم ليك في صنقورتك !!
طيب اليوم داك ما أنا كنت موجود وكمان معانا الامين صديق من بورداب الرياض و الكاتب الروائي أبكر أدم إسحق وبالإمارة لهطت اللحميات وضربت وراها أبيض ضميرك لمن إستكترت على روحك إنك (تكرع) ..!
ولا نسيت لمن مشينا وصحبك ضربنا في مطعم سودان تًكل مكرونة بالبيض !!
شنو يا حميدة ياخ ..
تاكلوا بيضنا وتنسوا ريدنا
07-11-2009, 06:02 PM
عبدالوهاب علي الحاج عبدالوهاب علي الحاج
تاريخ التسجيل: 07-03-2008
مجموع المشاركات: 10548
يا ود الخليفة عليك الله براحة على ولدنا الجاي من الحبس دا الزول دافي المرحلة دي بعيش مرحلة اسمها ري ادابتيشن ويذ كوميونيتي فما تحكها معاهو شديد كدا ... الله يهديك ياهباني اخوي وتجينا
07-11-2009, 06:09 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
بخصوص موضوع البوست: على الصعيد الشخصي: بعد انضمامي لسودانيز أونلاين، في أول إجازة إلتقيت لفيف من البورداب لم أعرفهم قبلها، وكانوا نعم الأخوة، ومن ضمنهم إلتقيت الأخ العوض الذي كان حديث عهد بالبورد، وتركوا عندي جميعاً أجمل إنطباع، وكانت لقياهم هي حلاوة الإجازة (العام 2007). .... كيف لي أن أنسى الأخوات إنعام وإشراقة حيمورة والأخت سمرية وتيسير وإنعام عبدالحفيظ، والأخوان السموأل والعوض وخالد ماسا وناجي الملك وحميم وطلال عفيفي ودوت (هؤلاء بعض فقط ممن إلتقيت) في أكتوبر الماضي ذهبت في إجازة إضطرارية لوفاة والدتي، فكان البورداب أهل واجب وأتي للعزاء ممثلين عنهم فرادى وجماعات، ولن أنسى لهم ذلك ما حييت.
غني عن القول ما يقوم به هؤلاء الأخوة والأخوات على الصعيد الإجتماعي والإنساني.
خلاصة القول ... لم تتوفق في هجومك عليهم .. ولو كان هناك مواقف فردية، فعنوان البوست هذا قمة في الإجحاف بحقهم.
تحياتي لكل بورداب الخرطوم ... من التقيته ومن لم يسعدني حظي بلقياه.
سبق وان حضرت الى السودان في زيارة خاطفة لتقبل العزاء في وفاة والدة زوجتي لم يكن يعلم بذلك من اخوتي واخواتي بورداب الخرطوم غير المسلمي .. ناذر .. معتصم .. بدر الدين .. وجدتهم حضورا في نفس لحظة وصولي ولو علم الاخرون بذلك لكانوا حضورا معهم ..
هذا لقاء واللقاء الثاني كان في الرحلة النيلية والتقيت فيها بمعظمهم . اشهد بانهم جسم واحد .
واخوة اجلاء اعزاء جميعهم .
العوض المسلمي رجل شيخ عرب وفارس قبيلة له التحية ...
عبد الوهاب عليك الله ابعد لينا من الانقلينزي شوية ...
07-11-2009, 07:02 PM
عبدالوهاب علي الحاج عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: عليك الله تكلم لي دينق قالوا تخصص ضفاير ...
ود الباوقة الشمارات الجاتنا قالوا اتكلمت معاهو بالتلفون يعني بقيت تطبع مع الاعداء والله انتهيت نهاية بطل وشايفو بقى يقول ليك ياعمر وبعد كدا ما فاضل ليهو الا يقول ليك الاخ المناضل
ما بعرف أي من بورداب الخرطوم معرفه شخصيه سوي حمور و لم أتشرف بلقاء أي منهم و ليس لدي أي إتصال من أي نوع مع أي منهم ، حتي وهبه ألانا شايل حسو ده ، لم التقيه و لم يحدث أي إتصال بيننا من أي نوع ، لكن والله كانو الواحد بعرفهم من سنين ! اري حل اشكاليه المناسبات بفتح بوست عن المناسبه : يعني ماشين مناسبه لتكريم بوردابى او إستقبال بوردابي ، تفتحو بوست - لانو اساس علاقه الناس البورد ده - و هو المكان البتضمن تلاقي فيو الناس كلها بدون ما تنسي زول ، بكده ما بكون في داعي لتلفونات و إيميلات او أي وسيله إتصال أخري ، لانو مهما الناس اجتهدت في ناس ح تتنسي و تشيل في نفسها و بدل ما القصه تبقي تقويه للعلاقات تبقي سبب لغباين و مشاكل الناس في غني عنها ! ماشين اي مكان او لو في اي نشاط باسم بورداب الخرطوم افتحو بوست بالمكان و الزمان ، ماشين قندهار و لا حته تانيه كشله و اصحاب مافي زول يقدر يلومكم !
07-11-2009, 07:56 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: أكييييييييييييييد ما في إنقسام والدليل المجموعات شبه ثابتة وهنالك أعضاء يتخلفون حسب ظروفهم ، أو حسب ظروف الدعوى وحقيقية من الصعوبة بمكان إجتماع جميع الأعضاء في مكان وزمان واحد، قس على ذلك البورداب في أي من دول المهجر ، أو أي كيانات أخرى .
والمؤكــــــــــــــــد : أنا بورداب الخرطوم أصبحوا مرتكز للقادمين من الشتات ، إحتفاء وإحتفال وإلتقاء ، حتى ولو العدد ناقص.
لا يخفى على الجميع مشغوليات السودان الامنتهية حتى يوم يبعثون
أما عن العوض المسلمي : فهو "مؤسسة إنسانية متعددة الأغراض " نسأل الله له الحفظ والستر والسلامة وجميع بورداب الخرطوم.
سلامي الخالص للجميع
أضيف للحديث عن المسلمي انه يدعم اي تجمع بوردابي حتي وان كان غير قادر علي الحضور.. واحيانا تنقص مصاريف التجمع يدفعها هو ومعه ايضا أخوان آخرين..
جميلين بورداب الخرطوم! اتفق مع سيف في كل كلامه..صعب تجمع الناس كلها في وقت واحد لمناسبه.. والسبب اختلاف ظروفهم..وحضورهم لكل المناسبات..
التحيه للمسلمي وانعام حيموره وكل من يبذل جهدا لجمع البورداب..
07-11-2009, 08:24 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
شخصيا ما بعرف (بورداب) الخرطوم منفصلين ولا منقسمين ولا حتي في حاجة اسمها بورداب الخرطوم البعرفه عشان يحصل انقسام لازم يكون في جسم منتخب وبتحكمه لوائح طول ما مافي اجماع حول شخصيات محددة تقود المبادرات والبرامج والعمل الصالح الكلام الحاصل ده كلو ما (Valid) وما بخش زمتي بملين احمر
بنثبت بعض المبادرات الكريمة الخيرية من شخصيات محددة لكن بنوصيهم انو ضهرهم كاشف وفي تجارب حصلت قبل كدة وهي تغني من الاسترسال بأي شكل من الاشكال.
عليه: 1.بورداب الخرطوم والبرامج والصور البتنزل وغيره دي شلليات بورد منفصلة عن بعضها وفقا للمزاج العام والتوجهات الشخصية وما الي ذلك... (بتتلاقي) (بترتاح) - (بتبرمج) - (بتتآمر) مع بعض... والحرية لهم في ذلك ولا اعترض علي ذلك. 2.لكي لا يرفع بوست مكرر زي الهسة ده 13 مرة يجب ان يكون هنالك جسم - منظمة- جمعية- بالعدم راكوبة ست شاي بالامسيات يتلاقوا عندها البورداب العندهم زمن...المهم مكان ثابت. 3.بورداب الخرطوم عليهم انجاز منظمة تابعة لسودانيز اون لاين وبكل مسؤلية حتي تسير كل الاهداف الاجتماعية والانسانية وانجاز الدور المنوط لتجمع سوداني يمتلك سبل تواصل ممتازة من هواتف وبوستات نقاش ومسنجرات داخلية وصالات داخلية مثل الفيس البوك. 4.من المهم جدا تفريغ الشخصيات من شحنة العواطف الحايمة في البورد حبا او كرها وتوجيه تلك العواطف الي أشياء عقلانية بحيث يتم الإلتفات حول الجسم الذي يمثلهم بقناعة الاهداف لي الا.
مخارجات: من جيت السودان لي مواقف بعضها طريفة: اول موقف في زولة قرصتني قرصة مبالغ فيها في اشارة العمارات 41 قربت اركب التروتوار...عاينت يميني لقيتها ليك بوردابية بصورتها الما بتغباني نزلتها من الشارع وقلت ليها تلقاك سرحانة في بوستيك (الفلاني) يا بت الناس في فرق بين سواقة الاسافير وشارع محمد نجيب....خليتها مندهشة واتلاشيت علي قول الكماسرة. تاني موقف مشيت عندي شغل في حتة هنا دخلنا مكتب زولة شغالة (سكشن هيد) دخلنا الاجتماع لاحظت انها صغرة نافذة سودانيز عشان تعمل لينا برزنتيشن...عملت فيها ميت ...انتهينا من اللقاء سالتها علاقتك بالموقع ده شنو قالت لي انا مشتركة قديمة بإسم مستعار وما قدرت اخش في نص الشكل لكن بقراهم ومرة مرة بخش...قلت ليها احسن كدة انا برضو زيك لكن الفترة الاخيرة بديت نوعا ما اتداخل..وقلت ليها والله انتي لو ختيتي ليك صورة امنة عبدالكريم جنبك فيصل العجب ..خليتها برضو ما فاهمة شي. تالت موقف كبست في مكتبة لقيت ملاسي بشتري اقلام رصاص قلت ليه : سعر الطماطك كم يا ملاسي فعرفني ليك والمهم سلمت عليه وعرفتو بروحي ومشيت.
خروج نهائي: ياخ انا نقيت كتير خلاص وخلاصته الموضوع كبير يا جماعة الخير يا نكبر فوق تفاصيلنا يا كمان حالنا بستمر كدة تاني عشرين سنة لانو انا من خشيت المنبر ده حاله ياهو نفس الحال قريب عشرة سنة.
وابقوا طيبين تحياتي
07-11-2009, 10:23 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
Quote: أتفق معاااااااك تماااااااااما واقولها عديل الان انا دائما برفض وبالتالي ما بحضر اي دعوة او برنامج عشان بحس انهم شلليات (شلليات دي ما قاصدة بيها كلمة كعبة او شيينة) قاصدة بيها انو كل كم نفر عاملين قرووب او مجموعة مع بعض ومن نفسي بحس انو صعب التداخل معهم ... او صعب انو يقبلوا واحدة زي ودائما لمن ياسر بيناوي او عمر صديق يقولوا لي في الحتة الفلانية في احتفال وفي الحتة الفلانية في شنو شنو بقول ليهم انا عندي راي في البورداب....... والرحلة اليتيييييييييييمة اللي مشيتها معاهم يوم رحلة سمك الجبل ... جابت لي اللوم والمشكلة بتاعة بقال تتذكروها !!!!!!!! دا راييي انا وافتكر ما في زول يزعل منو
انا شخصيا ً كلامك ما عجبنى واشعرنى بالاستياء .. ومعرفتى بك لا تمنعى ان اعبر عما اوردتيه بلا مجاملة .. اولا كما اوضحت لم تحضرى فعاليات ولا لقاءات سوى واحد فما بالك كيف تحكمين ؟؟ المجتمعات البيئة مهما اتحدت وكانت من بيئة واحدة لابد ان تكون هناك ميول فى الود لمسببات كثر ..طبيعةالعمل . الاهتمامات .. السن .. السكن .. الافكار .. الخ يعنى اكس ممك يكون من بورداب الخرطوم لكن يحب دوما الجلوس او التواصل مع واى ولكن فى النهاية المجموعة يربطاها الود والترابط مهما اختلفت الاهتمامات يعنى بتجيك الدعوة ولا تحبي الاختلاط بهم اذن تفضلين الوحدة او الاندماج وانت قوم لم تعاشريهم كيف تحكمين عليهم ..؟؟ وياحبذا ان تخبرينى عن رأيك هذا ؟؟ عيوبنا وسيئاتنا حتى نهتدى ونسير فى الصراط المستقيم يا شيخة .. ما بتقدرى تتداخلى معاهم تبقى دى مشكلتك ؟؟ ما عندك مرونة فى الانصهار او قابلية للانخراط مع المجموعة .. رحلة الجبل ( اليتيمة ) جابت ليك الللوم !!؟ كلام عجيب والله العظيم مشكلة بقال الذكرتيها دى الا تفكيرنى بيها لانى وكثيرون بلاشك لا يذكرونها بعدين اقول ليك حاجة بقال دا او غيره بنتناكف هناك ونتشاكل ونجى نتلما ونضحك ونتونس ونمشى .. وتعبيرك دا الاسلام نهى عنه .. بدون خوض فى المعنى ..
__________
غايتو لو دا فهمكـ الحمدلله المشيتى ماليزيا أجتهدى فى الماجستير بوسع الافق وبفتح الرؤئ
07-12-2009, 02:37 AM
mayada kamal mayada kamal
تاريخ التسجيل: 08-31-2007
مجموع المشاركات: 8015
Quote: انا شخصيا ً كلامك ما عجبنى واشعرنى بالاستياء
مافي شئ بخليك تستاء..... دا رأي أنا ... ممكن يكون صحيح وممكن يكون خطأ.... وسلفا نبهت الاول انو ما يزعل زول... او مافي زول يزعل
Quote: اولا كما اوضحت لم تحضرى فعاليات ولا لقاءات سوى واحد فما بالك كيف تحكمين ؟؟
زي ما بيقولوا ( ) ظاهر من عنوانه.... قس على ذلك وما شرط اكون حاضرة كل الفعاليات واللقااءات عشان احكم ... لاني عندي قدرة من خلال الحاصل في المنبر اميز بورداب الخرطوم منو وشنو وبعملوا في شنو (وياريت ما تسالني عن امثلة... لانو كدا ححاتكلم اكتر من صاحب البوست ذاته)........
Quote: المجتمعات البيئة مهما اتحدت وكانت من بيئة واحدة لابد ان تكون هناك ميول فى الود لمسببات كثر ..طبيعةالعمل . الاهتمامات .. السن .. السكن .. الافكار .. الخ يعنى اكس ممك يكون من بورداب الخرطوم لكن يحب دوما الجلوس او التواصل مع واى ولكن فى النهاية المجموعة يربطاها الود والترابط مهما اختلفت الاهتمامات
نظريات علم النفس والاجتماع دي طبعا سهلة وكويسة في الشرح .... لكن في الواقع تختلتف طبعا....
Quote: رحلة الجبل ( اليتيمة ) جابت ليك الللوم !!؟ كلام عجيب
ولا عجيب ولا شتين........ احد الاخوان في مداخلة ليه في بوست المشكلة اياها .... تداخل جزافا ... مفتكرا اني انا الاديت بقال تلفوني.... وقالها بالحرف الواحد (يجي يبقى نشر غسيل هنا ووووووووو... الخ) ...... في حين ان ظروف لطعة باقي المجموعة لي اكتر من ساعة في المحطة ... وحضوري انا اول زولة على حسب مواعدنا القطعناها هنا ... واتضح انه السيد بقال بيفتش هو الاخر في الجهة الاخري... فرسلوا لي رقمه عشان اضرب انا واوريه مكاني فين ....... ودا البقى لي سبب .....
Quote: غايتو لو دا فهمكـ الحمدلله المشيتى ماليزيا
قلت لي الحمد لله المشيتي ماليزيا .... والله اعتقد ما فارقه لا معاي ولا مع غير .... اكون في الخرطوم ولا في ماليزيا ولا في الواغ الواغ وشكرا ليك يا سيد
Quote: أجتهدى فى الماجستير بوسع الافق وبفتح الرؤئ
داير ترجعني ثلاث سنوات لوراء مالك يازول ...... بس دا زااااتو دليل على انك كفرد من بورداب الخرطوم ما جايب خبر فرد اخر من بورداب الخرطوم .....ههههههه
المهم عزااااااااائي الوحيد إني متواصل مع الاخ عمر صديق ،والعزيز ياسر بيناوي،، ابونا العوض المسلمي ، والعزيز وهبة ،،،
واتمنى القائمة تطوووووووووول
07-12-2009, 07:34 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
Quote: زي ما بيقولوا ( ) ظاهر من عنوانه.... قس على ذلك وما شرط اكون حاضرة كل الفعاليات واللقااءات عشان احكم ...
شرط يا دكتورة _ اعتبار ما سيكون _ عشان تحكم لابد تستند على حقائق مش اقوال ووبعد رؤيه وعدم قرب من الحدث بس مجرد لقاء 30 وغياب عشرة خلاص تحكم فى انقسامات وغره دا يا دكتوره حكم غير قائم على اسس علمية ولا منهجية بحثية ولا تحليل منطقى
Quote: لاني عندي قدرة من خلال الحاصل في المنبر اميز بورداب الخرطوم منو وشنو وبعملوا في شنو (وياريت ما تسالني عن امثلة... لانو كدا ححاتكلم اكتر من صاحب البوست ذاته)..
والله ..ما عندك قدرة تفك الخط .. يا قارئة المنبر ( اقصد الفنجان ) ومفترض ما دام هو نصح وارشاد وتوجيه ودعوة للخير تذكرى امثلة واتكلمى ان شاء الله تملئ الباندويث كله انت دافعه فيهو ولا حروفك تزيد عن الموجود
Quote: نظريات علم النفس والاجتماع دي طبعا سهلة وكويسة في الشرح .... لكن في الواقع تختلتف طبعا....
نظريات على النفس قائمة على ووقائع وانت خير مثال وحسي على ضوء النظرية اعلاه .. انا شخصياً لو ما ممكن يحصل انسجام وتعامل بينى وبينك لانه طريقة تفكيرك ومنطقك بختلف عن طريقتى حكمك على الاخرين يعتمد على مشاهدات لا وقائع اسلوبك وطريقه التشجيع على الامور كمثل هذاالبوست اسلوب ما مريح للنفس ولا مريح من مصدره ..
Quote: احد الاخوان في مداخلة ليه في بوست المشكلة اياها .... تداخل جزافا ... مفتكرا اني انا الاديت بقال تلفوني.... وقالها بالحرف الواحد (يجي يبقى نشر غسيل هنا ووووووووو... الخ) ...... في حين ان ظروف لطعة باقي المجموعة لي اكتر من ساعة في المحطة ... وحضوري انا اول زولة على حسب مواعدنا القطعناها هنا ... واتضح انه السيد بقال بيفتش هو الاخر في الجهة الاخري... فرسلوا لي رقمه عشان اضرب انا واوريه مكاني فين ....... ودا البقى لي سبب .....
لو دا التفسير ودى الرواية فأنت فى وادى غير ذى زرع ..
Quote: داير ترجعني ثلاث سنوات لوراء مالك يازول ...... بس دا زااااتو دليل على انك كفرد من بورداب الخرطوم ما جايب خبر فرد اخر من بورداب الخرطوم .....ههههههه
ما ضرورى اعرف انا حمله ماجستير ولا حمور خريج فلسفه او العوض اجتماع .. نحن هنا بصدد التعامل الانسانى والاجتماعى وليس الاكاديمى لاعرف الدرجه العلمية التى _ تنوين_ الحصول عليها .. وما ضرورى فى نظرى طبعا ولا المامى بخبر شهاداتك شئ مهم ..
وجميل انك ذكرت بعض العضوية هنا لتوااصلهم ولكن اشك ان القائمة ستطول بعد ارائك المتطرفه هذه
_________
بالمناسبة ان لم يفعل الماجستير ما ذكرته سابقا لا اظن بأن الدكتوراة قادرة على ذلك الاولى اهم من الثانية لمعلوميتك
شكرا ليك يا أنسه ..
07-12-2009, 09:36 PM
عمر صديق عمر صديق
تاريخ التسجيل: 06-06-2008
مجموع المشاركات: 14776
Quote: أتفق معاااااااك تماااااااااما واقولها عديل الان انا دائما برفض وبالتالي ما بحضر اي دعوة او برنامج عشان بحس انهم شلليات (شلليات دي ما قاصدة بيها كلمة كعبة او شيينة) قاصدة بيها انو كل كم نفر عاملين قرووب او مجموعة مع بعض ومن نفسي بحس انو صعب التداخل معهم ... او صعب انو يقبلوا واحدة زي ودائما لمن ياسر بيناوي او عمر صديق يقولوا لي في الحتة الفلانية في احتفال وفي الحتة الفلانية في شنو شنو بقول ليهم انا عندي راي في البورداب....... والرحلة اليتيييييييييييمة اللي مشيتها معاهم يوم رحلة سمك الجبل ... جابت لي اللوم والمشكلة بتاعة بقال تتذكروها !!!!!!!! دا راييي انا وافتكر ما في زول يزعل منو
Quote: طيب اليوم داك ما أنا كنت موجود وكمان معانا الامين صديق من بورداب الرياض
اني اشهد إنا قد لهطنا اللحميات وشفطنا الابيض ضميرك اكرمتونا غاية الكرم حتى رفضتم ان ندفع الشيرينغ الشكر عبرك الى تبلدينا ود والي الدين وتورتسكي وناصر البطل اما بيضكم دا يا ابو النيذ انا غايتو لا شفتو لا رأيتو
بورداب الخرطوم الله لا يفرقكم
07-11-2009, 09:49 PM
Salahaldeen Nadir Salahaldeen Nadir
تاريخ التسجيل: 08-03-2006
مجموع المشاركات: 987
طبعا يا ود اللمين الاخوة من الداخل او الخارج عقبوا واوفوا فى انقسامك المزعوم ومع احترامى المقدر لك ..فاسالك ان كنت لديك مبررات اخرى او مسببات او ادله سوقها .. حتى نعدل مسارنا ونصحح اخطأنا ويزداد ودنا وترابطنا وتعاضدنا وخوتنا .. فنحن امآلنا وطموحاتنا فى هذا الكيان المسمى ( بورداب الخرطوم) كبيرة .. ولا نريد ان يشوبه انشقاق او انقسام او فهم مغلوط او فرصة لزرع الخلافات او ادعاءات غير مؤسسه ..
كما اخبرك بانه قد جانب الصواب فى الحكم على الاخ الطائى المضياف البشوش الخلوق العوض المسلمى بقولك
Quote: دة شيخكم الزرعو منو اللة اعلم مسجل عام2007
هذا الشيخ زرعته مكارم اخلاقه واحترامه للاخرين ومبادراته وتفقده للاخوة ومشاركاته وكريم خصائله وطيب معشره .. لا تقاس المكانه بتاريخ تسجيل او عراقه مشاركة او قدم عضوية تقاس بود الناس ومحبتهم ومساهماتهم .. وحبك للاخرين وحبهم لك ولتعلم لا يخلو مجتمع من خلاف فى الراى عام او خاص ولكن هذا لا يعنى ادعاء الانقسام .. غيابك فى السنوات الاخيرة قد يكون له مبرره او لابتعادك لظروف نعلمها او لا ولكن هذا لايعنى ما اوردته ولا نرضاه نحن فقد اجحفت فينا .. المساهمات تكون بحسب تواجد العضو فلا يعنى عدم مشاركتى فى الاحتفال بعضو معين اننى منقسم او لم تصلنى دعوة لسبب او قصد .. الوقت والدخول للنت وتوفر الهواتف وتواصل الفرد بالجماعة هى عوامل تساعد وتساهم فى الحضور ..
اتمنى ان تتواصل بنفسك لتعرف معنى هذا الكيان
____________
بورداب الخرطوم الفرد من اجل الجماعة والجماعة من اجل الفرد ..
البوست رقم كم كده ما عارف في المحاولة الفاشلة لتقليد حسين ملاسي.
ـــــــــــــــــ يا صالح و الله انا خشيت عشانك .. يا عزيزي اقرا مداخلة عبد الوهاب الفوق دي. الزول ده كلموهو بمنشط قال ما بيدفع. الناس كلها دافعه هو داير يجي بصفتو التشريفية.و الباقي يا تلقاو في الارشيف يا انعام تكلمك بالكلام الفارغ الكتبو ليها. و عاين ليو ميادة تقول بيكلموني و ما بمشي يقول ليها كلام عقل. مش ده الانقسام الهو فاتح ليو البوست ؟ اها دي واحدة منقسمة مالو ما مسك في رقبتا؟ لأ فرحان بكلاما و يقول ليها كلام عقل. البوست ليس خبرا يا صالح .. البوست تحريض يا اخوي. و استمرار في محاولة فاشلة لتقليد بوستات ملاسي ام عنوان و سطرين. بس للاسف بوستات ملاسي ذكية بعكس التقليد. الاخوة الذين حاولوا ان يدافعوا عن طيبة و كرم المسلمي و الله اتلومتو. هو ده كلام اساسا تخشوا تردو عليهو ؟ و الله زي طيبة قلوبكم مافي يا بورداب.
07-12-2009, 08:02 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
Quote: يا صالح و الله انا خشيت عشانك .. يا عزيزي اقرا مداخلة عبد الوهاب الفوق دي.
شكرا .. لعبورك وصراحة رغم العلاقة الطيبة مع ود الامين لكنه لم يوفق فى ما جرنا اليه .. والرواية ذكرت توضح عدم قناعته بالنشاطات والمساهمات وله الحق كما ليس له الحق بذكره ما جاء عن تخيلات انقسامات او اراء فى الاخوة
Quote: و عاين ليو ميادة تقول بيكلموني و ما بمشي يقول ليها كلام عقل. مش ده الانقسام الهو فاتح ليو البوست ؟ اها دي واحدة منقسمة مالو ما مسك في رقبتا؟ لأ فرحان بكلاما و يقول ليها كلام عقل.
مياده يبدو جليا انها اتت بخلفية مسبقة وسابق نيه ولا ادرى لم .. ويبدو ان وراء الاكمه ما ورائها !!
Quote: البوست ليس خبرا يا صالح .. البوست تحريض يا اخوي.
مهما كانت النوايا سيظل الود قائما بين الاخوة بالخرطوم حتى وان اختلفت الاراء والتوجهات والافكار .. سيظل هذاالنسيج قائما وستعكس الايام مدى قوته وصموده ضد اى محاولات او اراء عكسيه
Quote: الاخوة الذين حاولوا ان يدافعوا عن طيبة و كرم المسلمي و الله اتلومتو. هو ده كلام اساسا تخشوا تردو عليهو ؟ و الله زي طيبة قلوبكم مافي يا بورداب.
معليش .. وهو امر بائن للعيان ولكن هناك بعض الاشياء والاراء ان لم تتصدى لها ستفهم بمنظور مختلف نحن نعرف الرجل وبعض من بخارج الحدود يعرفه ولكن يظل الكثيرون لا يعروف ما يفعله وانت ادرى بالتفسيرات المغلوطه والمخفيات ..
______________
دام ودكم رغم اختلاف سحناتكم ومعتقداتكم وارائكم ..
07-12-2009, 01:52 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: وهو امر بائن للعيان ولكن هناك بعض الاشياء والاراء ان لم تتصدى لها ستفهم بمنظور مختلف نحن نعرف الرجل وبعض من بخارج الحدود يعرفه ولكن يظل الكثيرون لا يعروف ما يفعله وانت ادرى بالتفسيرات المغلوطه والمخفيات ..
ولانني أحضر السودان كثيرا..واقابل معظمكم بل ربما الافضل أن أقول "أعرف" فانني قدمت شهادتي القائمة علي تجربة..
نرجو ان تستمروا جميعا متحابين ..وأن تتقاربوا.. فانتم قد جملتوا الوطن أكثر..
07-11-2009, 11:38 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
عن طريق الماسينجر اتصل بي عضو اعتز بصداقته جدا قال لي حرفيا: ياخي اخونا العوض المسلمي قال جاتو معلومة انك وصلت الخرطوم وقال انه الزول دة عايزين نكرمه شديد فياخي لو لابد في بيتكم كلمنا ولا ادينا الو ردي: للاسف الشديد انا في رباط الجن دي بس الله بيسألني نفسي اجي واقابل الزول البركة دة ياخي ود المسلمي دة بتحس بيهو زول جنة عديييييييل
يا محمد بتكون القصة سوء في التنسيق وانت عارف جري الخرطوم داك ياخي والله انتو احلى ناس
ياخي نحن هنا خمسة بورداب بنتقابل كل اسبوعين
07-11-2009, 11:48 PM
معتصم ود الجمام معتصم ود الجمام
تاريخ التسجيل: 04-22-2003
مجموع المشاركات: 3261
يا معتصم سلام .. كلام قمر بوبا ده و الله سمح شديد .. بس ما هنا هنا كلامو بيتقري باعتبار انو تصحيح لوضع خطأ .. لكن لو اتكتب في اي حتة تانية بيكون اقتراح بناء لزيادة فضل. انا ما بفتكر انو في اي شي غلط او ناقص في لمات البورداب دي. عشرين بوردابي اتلموا اول امبارح عند بكري و ضبحو كرامة لمجدي. هداك بيت بكري و المسينجر قاعدة العاوز يكرم لمجدي يرسل ليو و يمشي بيت بكري. عشرة بورداب ساقوا داليا حافظ مشوا قندهار .. العاوز يمشي معاها كابول يمشي ليها. مافي زول حماهو. ناذر عزم عشرين بوردابي كرامة بتو .. مخير ياخ .. تقول ليو الا تعزم الاتنين الف بوردابي الفي الخرطوم ؟ خمسة بورداب مشوا لاقو ود الصايم في المطار هل قالوا لزول ما تمشي وله قفلوا شارع المطار ؟ يقولو ليك ما كلمتوني. انت صغير ؟ ما تمشي براك و سوق معاك العاوزو. المناشط الاجتماعية العامة بيتفتح بيها بوستات هنا و بيكون فيها شير. الما بيجي دي بتكون مشكلتو. في بورداب كتار جدا في الخرطوم بيعرفوا الناس و ما بيحبوا اللمات. و في بورداب لا بيعرفوا الناس لا بيحبوا اللمات. و مافي زول فيهم بيعترض على الزول البيتلما. لكن لما زول لا بيعرف الناس لا بيحب اللمات يعترض ده تقول ليو شنو ؟ ياخ محمد الامين ده انعام ضربت ليو تكلموا بمنشط قال بيجي بشرط ما يدفع. يقول ما كلمتوني تاني ليه ؟
زمااااااان قلت ما كل ما نتلمى تفتحو بوست عشان الزي ده. في الاخر نبقى زي بيت السماية كلمتوني و ما عزمتوني و العزومة كانت ميتة و جيت و فلان حدر لي.
ــــــــــــــــــــ قمر بوبا و الله اقتراح جادي .. شيل كلامك السمح ده افتح بيو بوست عشان الناس تناقشو. لأنو البوست ده اديناهو اهمية من مافي.
07-12-2009, 00:12 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
ما كل زول بمشي للناس البرتاح ليهم انا هسع في لمات بمشيها وفي لمات بجليها عديل وبشخت ليها مرات عشان الظروف ومرات ساكت كده مزاج ومرات عشان البرنامج ما عاجبني
07-12-2009, 02:20 AM
heba Elmahi heba Elmahi
تاريخ التسجيل: 01-21-2008
مجموع المشاركات: 1508
إنـقسامـة السـرور البتفطرهم كل جـمعة في حـتة ( كيتن في طارق جبريل ) . . . . . . . . . . بـورداب الخـرطوم الحـلوين النبي تتحصنوا من كل شيطان و هامة و من كل عين لامة .
غايتو واحد من إتنين: يا إما أخونا محمد الأمين فتح البوست ده (جس نبض) عشان يشوف أسهم بورداب الخرطوم؛ أو يكون البوست ذاتو العوض المسلمي حرّش عليهو، لأنو إتحوّل لمدح (مستحق) لأخونا العوض.
التحايا لشباب الخرطوم من الجنسين ، طبعا وهبة و شيخ العوض الكلام ده ما ليهم (إلا ان نقول ملوك الخرطو م) ملوك ذاتو والله شوية عليهم ، اما زياد وبقية العقد الفريد الله يديهم العافية ، محمد الامين يا خوى خليك دوما محضر خير ، اللهم بارك فى كل اخوتنا من بورداب الخرطوم والله حاجة ترفع الراس ، كريم خدماتهم اخجلنا . جايكم قريب من دار جعل .
07-12-2009, 07:54 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
لو تكرمت وعفيتني من حتة افتح بوست دي ما بتكون قصرت معاي لسببين أولهم والله انا زول ما بتاع غلات كلو كلو...ولو فتحت بوست حيجيب غلات وانا ما زول عندي رقبة لغلات...السبب التاني يا حمور انو الكلام مكرر ونحن يانا نحن نلف ونجي نقول نفس الكلام بعد فترة طويلة بالاضافة لانو هي مداخلة في مكان انا افتكرت انه مكانه الصحيح وما بعرف صاحب البوست ولا مواقفه وبالعكس دي اول مرة اقرأ ليه موضوع.
الكلام الجاي ده انا قلته قبل كم سنة وقلته في بوست اعتقد نزله بكري نفسه عن منظمة بتخص سودانيز اون لاين. مسألة انو الناس تعمل ليها منظمة تحت قانون العمل الطوعي في السودان شي في قمة السهولة واليسر وصدقني. المطلوب بسيط وما عايز اجتهادات كتيرة تلاتة نسخ من: 1.طلب باسم المسجل العام 2.اسماء اللجنة التمهيدية (ستمارة يتم سحبها من مفوضية العون الانساني) من ثلاثة اشخاص الي خمسة. 3.العضوية 30 شخص بالاسماء ومحل السكن ووالوظيفة ورقم الهاتف والتوقيع. 4.عنوان المنظمة أو مكان الاستضافة. 5.النظام الاساسي أو الدستور. الرسوم بعد الموفقة من الجهة المختصة وعقد الجمعية اعتقد 250 جنيه او رقم قريب يعني موضوع في قمة البساطة
لكن بكري ذاتو بفكر كيف والناس بتفكر كيف انا ما بعرف
المنظمة دي يا حمور ممكن تبقي حاجة اكتر من خيال الناس اذا اتختت ليها مكاتب عمل ممكن تعمل ندوات سياسية ويبقي مركز ثقافي وبرامج عمل انسانية تكاليفها ما كتيرة ممكن ينجزوها عشرة اشخاص بإرتياح ايجار بيت في الديم او في حتة في النص + مجلس امناء طوعي للتحكم في السياسات العامة+ مجلس ادارة طوعي لمتابعة المكاتب+ 3موظفين او اكثر حسب المالية والشغل يمش زي السلك.
ما بعرف غايتو لكن ببقي علينا قول الشاعر القال لم اري في عيوب الناس نقصا كنقص القادرين علي التمام
تحياتي
07-12-2009, 07:59 AM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
Quote: يعني فرض نفسو بغض النظر عن من هو وانت ماشين وراهو سااااااااي
بالله يعني البوست ده اساسا شتيمة و تشكيك في العوض المسلمي ما عن انقسامات بورداب الخرطوم ؟ طيب ياخ خليتني اظن عدم الفهم في الناس الجات تشكر و تمدح في المسلمي ساي. مفروض يكون هو منو يعني ؟ مفروض يكون أبوهو المك نمر مثلا وله مفروض يكون طولو 192 سم ؟ قالوا ليك يده البيضاء و اعماله الجليلة تقول ما عرفتو هو منو ؟ و الله ياخ المسلمي ما جانا داير يعرس مننا عشان نقول هو منو. هو عضو بورد زيو زي باقي الناس و احسن من كتير من باقي الناس. أها ده ما كفاية ؟ بالله ركز .. انت مشكلتك المسلمي وله مشكلتك البورداب المنقسمين و فيهم ناس مهمشين ؟
07-12-2009, 08:10 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
.. . يا محمد اللمين زى ما قال حمور ان البوست دا الغرض منو شايف فى خطأ وانقسامات فى البورداب وعايزن تدلنا على الطريق الصحيح وتقدم نصيحه لوجه الله ولا قاصد شخصيات بذاتها ؟؟ ورينا عشان نعرف المنظار بتاعك ..
____________
الاخ قمربوبا انا شايف كلامك دا كما قال حمور ما لهو علاقة موضوع المنظمة وتقوية الكيان احسن تفتح بيهو بوست وما فى زول بفتح بوست بقدر عليهو المنبر بشيلو معاهو..
ادينا صنه لوسمحت ..
07-12-2009, 08:11 AM
Amin Mohamed Suliman Amin Mohamed Suliman
تاريخ التسجيل: 04-22-2009
مجموع المشاركات: 904
Quote: بالله ركز .. انت مشكلتك المسلمي وله مشكلتك البورداب المنقسمين و فيهم ناس مهمشين ؟
مشكلتي في عدم فهمك دة العوض دة لاشفتو لاشافني لا بيناسابق معرفة يعني هسع لوجاء صلاح قوش ودفع برضو حتقول لي ايدو بيضااااااااااااااااااااااااااااء تسر الناظرين والزول دة عمل وعمل
07-12-2009, 08:06 AM
السمؤال بدرالدين السمؤال بدرالدين
تاريخ التسجيل: 02-17-2007
مجموع المشاركات: 1989
يبدو انك لا تسحق الرد لانو غرضك وضح انك تريد الفتن في الاول قلت منقسمين طيب ما تجي توحدنا لكن اراك تقصد شخص بعينه انت انطوائي لا تريد الاختلاط مع الاخرين لسبب تعلمة وحدك سواء كان بخل ام عدم شجاعة ادبية ممكن ايضا تفصح عن ما بك تجاة العوض المسلمي
Quote: الاخ قمربوبا انا شايف كلامك دا كما قال حمور ما لهو علاقة موضوع المنظمة وتقوية الكيان احسن تفتح بيهو بوست وما فى زول بفتح بوست بقدر عليهو المنبر بشيلو معاهو..
الاخ تبلدينا الزول قال في عنوان بوسته انقسام في بورداب الخرطوم يعني بتكلم في جسم كأنه موجود... وانا شايف انو كلامي ده في لب الموضوع والبتقولوا فيه انتو عن الشخوص ما بهمني والبهمني الشي القلته
شكرا
07-12-2009, 08:58 AM
Faisal Elrasheed Faisal Elrasheed
تاريخ التسجيل: 07-02-2008
مجموع المشاركات: 4713
صاحب البوست ما عنده موضوع ؟ المتداخلين معاه ضيعو زمنهم في ردم من لا يحس بكل هذه الكمية من الردم
الزول ده فاكيها في نفسه حبتين وداير الناس تجي تقول ليه معليش وحقك علينا وامسحه لينا
قامو الجماعة جوهو طايرين ورشوهو رش الجراد
وبعد ده كلـــــــــــــــــــــــــــــــــه ما بحس ودمو تقيل ومصر انه يواصل ويستفز الناس
عموما ديل بورداب الخرطوم شئت ام ابيت والعوض هو الزعيم ...غصبا عنك ونتحداك كان تقدر تقول فيه كلمه وكان عاجبك عاجبك وكان ما عاجبك املا خشمك تراب
شفته كيف يا فرطوق افندي يا المافي زول شغال بيك؟؟ امشي اعمل تنظيمك براك وانشا الله تتمرد والا تقع البحر ما عندنا معاك شغله بس ما تجي تقدنا هنا بورداب بورداب
انت فرحان والا غيران والا طاير ليك والا عندك هلاويس محتاج علاج؟ والا محتاج ليك شيخ يقرا ليك في راسك الضارب ده
عليك الله ما تجي تقرفنا عشان ما نقبل عليك ونبقيك موضوعنا ... مع انك ما بتستاهل
قرف يقرفك
07-12-2009, 09:28 AM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
صاحب البوست ما عنده موضوع ؟ المتداخلين معاه ضيعو زمنهم في ردم من لا يحس بكل هذه الكمية من الردم
الزول ده فاكيها في نفسه حبتين وداير الناس تجي تقول ليه معليش وحقك علينا وامسحه لينا
قامو الجماعة جوهو طايرين ورشوهو رش الجراد
وبعد ده كلـــــــــــــــــــــــــــــــــه ما بحس ودمو تقيل ومصر انه يواصل ويستفز الناس
عموما ديل بورداب الخرطوم شئت ام ابيت والعوض هو الزعيم ...غصبا عنك ونتحداك كان تقدر تقول فيه كلمه وكان عاجبك عاجبك وكان ما عاجبك املا خشمك تراب
شفته كيف يا فرطوق افندي يا المافي زول شغال بيك؟؟ امشي اعمل تنظيمك براك وانشا الله تتمرد والا تقع البحر ما عندنا معاك شغله بس ما تجي تقدنا هنا بورداب بورداب
انت فرحان والا غيران والا طاير ليك والا عندك هلاويس محتاج علاج؟ والا محتاج ليك شيخ يقرا ليك في راسك الضارب ده
عليك الله ما تجي تقرفنا عشان ما نقبل عليك ونبقيك موضوعنا ... مع انك ما بتستاهل
قرف يقرفك
07-12-2009, 08:47 AM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
Quote: الزول قال في عنوان بوسته انقسام في بورداب الخرطوم يعني بتكلم في جسم كأنه موجود...
و بما ان هذا الجسم غير موجود فالضرورة تقتضى ايجاد الجسم اولا ...
يعنى كلام قمربوبا فى محلو و له علاقة وثيقة بموضوع البوست .. ارى ترك المناقشات الجانبية و الانصرافية و محاولات شخصنة النقاش ... ايجاد جسم يعنى بالضرورة ان الكلمة الاولى فيه للمهندس بكرى ( سيد الشئ زاتو ) ... و ايجاد جسم ضرورة تقتضيها اهمية وجود رابطة تجمع هذا المجتمع الجميل و تقنن لقاءاته و نشاطاته بكل اوجهها اما ما يجرى من لقاءات اجتماعية ( محور البوست ) فلا ترقى لمستوى الملامة لانها اجتهادات من اعضاء يستحقون عليها الشكر ... القاءات العامة يمكن ان تكون عبر المنبر و باشتراكات كما ابتدرت ذلك بنجاح الاخت انعام حيمورة ، و دى ما فيها اى ملامة .. كلمتونى و لا انتيقتو ناس ...
مع تأكيدنا على حق الأخ محمد الأمين فى أن يطرح ما يشاء من الأسئلة ويبدى ما يشاء من الإعتراضات إلا أن مأخذى عليه أن ذلك كان يمكن أن يكون دون إستخدام هذه اللغة المستفزة(الزرعوا منو).. هذا من جهة.. من جهة أخرى أجدنى أتفق مع الأخ محمد الأمين فى جوهر ما ذهب إليه من حيث (شللية)الإحتفالات فى الآونة الأخيرة..حيث كان العرف أن يفتح بوست يعلن فيه عن وصول فلان أو فلانة وأن هناك مقترح بالإحتفال به ويتم التداول عن مان وزمان وشكل الإحتفال.. أما مؤخراً.. فقد أصبحنا نسمع عن كثير من الأعزاء الذين حضروا للسودان ثم نسمع عن إحتفالات أقيمت لهم..وأمها عدد محدود.. نحن لا نريد أن نحجر على رأى شخص أو أشخاص لكن كنت أتمنى أن نفل كما فعل وليد..
Quote: يعنى كلام قمربوبا فى محلو و له علاقة وثيقة بموضوع البوست .. ارى ترك المناقشات الجانبية و الانصرافية و محاولات شخصنة النقاش ... ايجاد جسم يعنى بالضرورة ان الكلمة الاولى فيه للمهندس بكرى ( سيد الشئ زاتو ) ... و ايجاد جسم ضرورة تقتضيها اهمية وجود رابطة تجمع هذا المجتمع الجميل و تقنن لقاءاته و نشاطاته بكل اوجهها اما ما يجرى من لقاءات اجتماعية ( محور البوست ) فلا ترقى لمستوى الملامة لانها اجتهادات من اعضاء يستحقون عليها الشكر ... القاءات العامة يمكن ان تكون عبر المنبر و باشتراكات كما ابتدرت ذلك بنجاح الاخت انعام حيمورة ، و دى ما فيها اى ملامة .. كلمتونى و لا انتيقتو ناس ...
شكرا الاخ انور التكينة تسلم...نعم هذا هو محور الموضوع لاغير...
07-12-2009, 10:24 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
كيفك محمد أبوالعزائم سلامات .. دي الكلمة الجات في رأسي وقتها .. حقيقة البوست زعلني وعنوانه مستفذ شديد .. الجندريات ما يزعلن مننا لهن العتبى حتى يرضن ..
كويس إنو البوست دا تحول لذكر سيرة حاج العوض المسلمي السمحة بين الجميع .. زول أخو أخوان ويستاهل كل الخير دائماً سباق في إستقبال الناس والقيام بواجب ضيافتهم مع المجموعة .. دائماً ما تخذلني اللغة وتهرب الكلمات حين أهم بكتابة بوست عن بورداب الخرطوم .. تلك المجموعة الجميلة التي تحتضنك بكل أريحية وتستقبلك كما أسرتك تماماً وهي كذلك .. وأخاف أن أكتب كلاماً أقل من قامتهم السامقة .. لذلك أكتفي بما داخلي من حب تجاههم والمعزة التي أكنها لهم .. ويا بورداب الرياض إن شاء الله يوم شكركم ما يجي ..
07-12-2009, 09:38 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
Quote: يا كافي البلا انا اكتر مغترب بجي السودان في كل بورداب المنافي ..
يطرشني يا حميدة !! غير إجازتكـ المشيت عرسته فيها دي ما سمعت بيكـ مرقت من سموم الرياض دي ..!! ما تفكها فينا ساي ... ...... أما حبايبنا ناس الخرتوم الله يديهم العافية وأخونا محمد الأمين ده شايت ضفاري شديد .. وأؤيد كلام وليد ومعاهو للنهاية ....
Quote: منقسمين منقسمين وايه يعني لا هي تهمة ولا التوحد فرض ما كل زول بمشي للناس البرتاح ليهم انا هسع في لمات بمشيها وفي لمات بجليها عديل وبشخت ليها مرات عشان الظروف ومرات ساكت كده مزاج ومرات عشان البرنامج ما عاجبني
07-12-2009, 10:29 AM
حسن طه محمد حسن طه محمد
تاريخ التسجيل: 03-01-2007
مجموع المشاركات: 3653
يجب النظر والتدقيق في طبيعة العلاقة الأساسية التي جمعتنا " صالحنا وطالحنا" ، وهي المنبر العام لسودانيز أونلاين ، وكذلك متفرعات هذا الإجتماع من " صداقات ، عداوات ، مخشانات إسفيرية تصل لحد الإسفاف في بعض الأحيان ومن بعض الأعضاء ، التنادي لعمل خيري معين أو لمة في فرح أو كره " وهذه جميعها تتم بواسطة مجهودات شخصية أعضاء ممكن أن نطلق عليهم نشطين ، ويبذلون الغالي والنفيس من المال والوقت والجهد .
فلذلك تجد هولاء الأعضاء النشطين هم الرمح في أي عمل والقاسم المشترك في أي ظهور ، ومنهم يبرز سيد القوم " خادمهم" ، دون إنتخاب أو ترشيح ، وذلك لسبب بسيط هو : سودانيز أونلاين وأعضائها ليس جمعية خيرية أو رياضية أو سياسية بالمعنى التنظيمي للكلمة على الأقل حتى الآن حتى يتم الإنتخاب فيها أو عليها ، ولا يوجد دستور ينظم العلاقة المشتركة بين ( مالك المنبر – الأعضاء – الطرف الثالث ) ، مجرد إجتهادات في تحقيق أهداف سامية وغايات نبيلة ، قد نتفق أو نختلف فيها أو في وسائلها ، أو في فاعليتها ، ولكن يبقى أجر المجتهد .
الإتفاق محمدة والتفرقة عكسها ، ولكن الفرضيات مهلكة ونواة للبحث حول التفاصيل الموصلة لها، ولكن يجب أن يظل الإستهداف المباشر الغير مؤسس للاشخاص الأعضاء خط أحمر ، ووقفه ضرورة للإستمرار الإيجابي .
الفتنة نائمة نسأل الله أن لا يؤقظها .
أسوء ما في هذا الأمر هو التناحر حوله حتى يكاد أن يصبح واقع " للأسف"
Quote: اما ما يجرى من لقاءات اجتماعية ( محور البوست ) فلا ترقى لمستوى الملامة لانها اجتهادات من اعضاء يستحقون عليها الشكر ...
أتفق تماماً مع اخوي أنور التكينة فيما جاء به
مع السلام والود الخالص
07-12-2009, 09:50 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
امرك غريب يا محمد الامين اعلاه زكرت اصلا ليس لديك رغبة في حضور اي فعالية والله لمة لكن عشان الاخرين هل انت موكل من الاخرين والله الاخرين ديل جبناء لاترد لانة ليس ليك ما تقول
لن اعود
07-12-2009, 10:16 AM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
غايتو انا النصيييحة ما جيت في عهد الارباب المسلمي ده لسة عشان كده لساني ما بطوولو عليهو ساي النصبر .. إلا جيت في زمن الناسات مرتييين مشيت وجيت في البورداب ديل غايتو كتتتتتر خير علاء الدين اداني الامجاد بتاعتو المافيها مكييف دي مرتين والمرتين فاضية بعبيها ليهو فل بنزين قبل ما اتم مشواري يضرب لي معليش عمر محتاج الامجاد جاتني فردة مستشفى سوبا ومشوارين الفتيحاب .. ناذر الخليفة ده بري يعميييني فيهو لمن انا قايلو من بورداب زالنجي .. تورتسكي وان كان وقتها من بورداب الصين الا انو كان الوحيد من الشباب الفقدني .. احححححححسن زول يستاهل انو يكون عمدة البورداب هو الزول الحقاااني ملاسي ياخ الزول ده لايفوت لا يموت مشاركة فاعلة في كل المناسبات زول واجب بدون لولوة اول الحضور في افراح واتراح الناس وفي صمت عجييب بتلقاهو بب في وشك لا يقول ليك ساكون حضورا وحاضريييين والحقونا بي الوصف وفي النهاية يجي يشبكك ظروف قاهرة وظروف اسمنت اسيوط ..لالالا بيجيييك بيجيك .. غايتو بوردابيتا الخرطوم يعميني فيهن سمع ساااااااااااااي لمن شكيت انو بورد بكري في الخرطوم مقسم البنات يكتبو في الجريف شرق والاولاد يكتبو في الجريف غرب.. غايتو مرة كده لحقت لي ربع ساعة بي الرجاااالة كده وما معزوم جيت ضهب ولحقت باقي الصحانة من بطاطس ومخلل وبيض مسلوق نصو مقشر وطعمية .. وليد المبارك ده ياخ في مداخلتو معاك حربييييي للكتاش تقول بس الله يوصلني السودان احتمال القاهو اشترى لي بيت ناصية بالله يجي يسلم عليك وفوووووووووو تاني ما تلم فيهو الا في مداخلة يجي يشبكك اوووو عمك بالله رجعت بتين ؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد الامين محمد
ياسر بيناوي
معتصم دفع الله
بابكر التوم
mayada kamal
بكري الخير
مزمل خيرى
abdalla osman
عبود عبد الرحيم
humida
السمؤال بدرالدين
عبدالوهاب علي الحاج
Salahaldeen Nadir
سيف بخيت موسي
Nasruddin Al Basheer
بشير حسـن بشـير
ismeil abbas
عمر صديق
احمد محمد بشير
ابراهيم بقال سراج
ناذر محمد الخليفة
محمد أبوالعزائم أبوالريش
Amin Mohamed Suliman
Muna Khugali
GamarBoBa
حمور زيادة
طارق جبريل
معتصم ود الجمام
وليد محمد المبارك
هجو الأقرع
Faisal Elrasheed
انور التكينة
عمران حسن صالح
حسن طه محمد
عمر الفاروق
فيس بوك
تويتر
انستقرام
يوتيوب
بنتيريست