|
|
 ليلة ثقافية سودانية بالدوحة
|
من أجل تلك البلد الأبية
وبروح ذلك البلد العظيم
تقيم المجموعة السودانية بدولة قطر وبالتعاون مع الجمعية القطرية للفنون التشكيلية ليلة ثقافية سودانية تتوج بالهوية السودانية حيث سيتماهى الشعر والغناء والحكايات والوطن بالوجدان الذاتي عاكساً الحنين الى تلك البقعة الأفريقية العظيمة بل عاكساً حزن الذات وإنكساراتها وأحلامها التي لا تنقطع بالرجوع ......
من هنا الدعوة موجهة لكل من يملأه الحنين الى بلادي
الزمان : الجمعه - 10 يوليو 2009
المكان : القرية الثقافية الجديدة - مقابل أرض المعارض بالدفنة
الوقت : الساعة السابعه مساءاً
|
|
 
|
|
|
|
|
|
|
 Re: ليلة ثقافية سودانية بالدوحة (Re: علا عابدين)
|
Quote: ازيك يا عمر
التفاصيل في السكة
لكن والله مهما كان البرنامج منسق لو انت طلبت تغني نلغي ليك الفقرات الباقية كلها |
احم احم فى الحقيقه لو لا ارتباطى بعمل فيديو كليب مع اليسا ونانسى الفتره الجايه
ولان مدرب الصوت بتاعى قال لى ما تجهد صوتك .
لكن عشان خاطرك حا اغنى ليك اغنيه واحده بس ابعدى من زاد الشجون وبتتعلم من الايام
لانهم طوال بس ممكن الجلابيه بيضا او راجل المره ممكن هاهاههاها هاهاهاهاهاهاها
حضور ان شا الله بس البرنامج مهم جدا تنزليهو....بالتوفيق
| |
|
|
|
|
|
|
|
|
|
Re: ليلة ثقافية سودانية بالدوحة (Re: عمر سعد)
|
عُلا ...
مِن تبيت يوت بعايِن عُلا ...
لِرفيقي ماني وِرده وعُلا ...
جايين لِلدفنه أُختنا عُلا ...
يِـمْـه أصلو العالي إسما عُلا ...
أمانة عليك يا بلد وِكْتين أجيك وأشْم عبقِك في التُراب مختوت ...
وأشوف ناساً نُحاف ، عُروقُم بارزه لِبره زي مسار النيل راسمه خطوط ...
تـكـنـكِـشـي فِيا ما تخليني تاني أفوت ...
ويِضيع عِنواني ... وأصبح بلا عِنوان ... بلا جواب ... بلا مخطوط ...
| |
|
|
|
|
|
|
|
|
|
Re: ليلة ثقافية سودانية بالدوحة (Re: عزام حسن فرح)
|
هلا علا
إلى العلا
( تنظم الجمعية القطرية للفنون التشكيلية في مقرها بالحي الثقافي يوم الجمعة القادم ورشة عمل مشتركة
تحت عنوان/اليوم المفتوح/ يشارك فيها اعضاء الجمعية مع الفرقة الموسيقية السودانية بمشاركة
الفنانون السودانيون صلاح أحمد إبراهيم - فالولة وعصام الخالدي وطارق المكي.
تشتمل فعاليات اليوم الثقافي المفتوح التي ستمتد من الساعة التاسعة صباحآ وحتى الحادية عشر ليلآ
على امسية شعرية يشاركها فيها الشعر السوداني من خلال الشاعر عبدالإله زمراوي والأديب
عبدالغني كرم الله ، بالاضافة إلى معرض تشكيلي للفنان القطري عيسى الدوسري )
* أعلاه الخبر الزي ورد في الراية القطرية الصادرة اليوم الثلاثاء
* لايوجد الحرف الزي يلي حرف الدال في جهازي فإستعضت عنه بال ز ، كما هو واضح فلزم التنويه
| |
|
|
|
|
|
|
|
|
|
Re: ليلة ثقافية سودانية بالدوحة (Re: أبو ساندرا)
|
أبوسندرا ... عُلا
Quote: هلا علا
إلى العلا
( تنظم الجمعية القطرية للفنون التشكيلية في مقرها بالحي الثقافي يوم الجمعة القادم ورشة عمل مشتركة
تحت عنوان/اليوم المفتوح/ يشارك فيها اعضاء الجمعية مع الفرقة الموسيقية السودانية بمشاركة
الفنانون السودانيون صلاح أحمد إبراهيم - فالولة وعصام الخالدي وطارق المكي.
تشتمل فعاليات اليوم الثقافي المفتوح التي ستمتد من الساعة التاسعة صباحآ وحتى الحادية عشر ليلآ
على امسية شعرية يشاركها فيها الشعر السوداني من خلال الشاعر عبدالإله زمراوي والأديب
عبدالغني كرم الله ، بالاضافة إلى معرض تشكيلي للفنان القطري عيسى الدوسري )
* أعلاه الخبر الزي ورد في الراية القطرية الصادرة اليوم الثلاثاء
* لايوجد الحرف الزي يلي حرف الدال في جهازي فإستعضت عنه بال ز ، كما هو واضح فلزم التنويه |
يعني نجي ولا ما نجي ... وبتين ... سريع المُسلسلة بدت وبت إبراهيم قالت عاوزة عيش للعشا
| |
|
|
|
|
|
|
|
|
|
Re: ليلة ثقافية سودانية بالدوحة (Re: عزام حسن فرح)
|
يا عزام دا كلامك اذا ما جيت من الذي سيضيف اللمسة السودانية الإبداعية لليوم
من الذي سيعكس الشخص السوداني الأصيل
لازم تجي انت وبت ابراهيم كمان
الجمعه 10 يوليو بالقرية الثقافية مقابل مركز قطر للمعارض
الساعة السابعه مساءاً
| |
|
|
|
|
|
|
|
|
|
Re: ليلة ثقافية سودانية بالدوحة (Re: عزام حسن فرح)
|
كنت ناوى امشى للقراصه والقهوه لكن طرشقت يالله اتنفس الصعداء يا عزام
وين الفلكلور :-
رقصات المسيريه......البقاره .....المحس......رقصه عروس......
المسرح ان شا الله مسرح رجل الواحد
كورال اغانى وطنيه ...........
دوبيت ......................
صراع لو فى ................
لعبات شليل ...كمبلت ....للاطفال .....
والفرقه لازم تكون كامله ما تجو شايلين اورغن بس وحايمين بيهو بسرقو منكم...
بتذكر حاجه بجى بقوله علا الزمن فات ...
| |
|
|
|
|
|
|
|
|
|
Re: ليلة ثقافية سودانية بالدوحة (Re: محمد أبوالعزائم أبوالريش)
|
ود سعد ...
| Quote: كنت ناوى امشى للقراصه والقهوه لكن طرشقت يالله اتنفس الصعداء يا عزام |
ها زول باقيلي إتْ مو خابِر ... الإسبوع فوقو (7) أيام والشهر فوقو مِتْل الإسبوع ده أربعة
أها يوم الجُمعة الواقِع يوم (10) في شهر سبعة تراهو يوم واحد بس عِند في شهر سبعة النِحنا
فوقو ده (20) صباح أبقى مارِق ... وأها النبشِرك عُقُب شهر سبعة في شهر حتو إسمو تمانيا
وعُقبو تِسعة وعُقبو عشرة و .... و ... و ... القُراصه والقهوة حرم ما غبتْ مِننا تب إن جو
ضِيوف رحمان ولا حرمونا مِن جَيتُم ...
أبشِرك : أخدت لبِت إبراهيم قلاية بُن جديدة ليها يد ومعاها كُمشتا وشوال الفحم تبارك الله
متاكا بِالحوش الورا ومستف تب لِخشمو ... أبقى مارِق بس ... أنا أخوك ... وحزاري ثُم
حزاري تجيني براك ... لِم الناس وتعال بَونِسكُم وبفِك قريفتكُم تب ... وأكان الله سهل والنِفوس
إطايبت بعلِمكُم أساسِيات اللُغة النوبِية ... يعني الحاجات البِتحتاجوها في اليوم العادي
| |
|
|
|
|
|
|
|
|
|
Re: ليلة ثقافية سودانية بالدوحة (Re: عزام حسن فرح)
|
عزام كان ما عزمتنى انا وبدر الدين لامير ما بنجى ناس يعزموهم وناس يجو ساكت كده
انا بختار 2 وبدرالين يختار 2 ونجيك ...
ااها المفروض قهوه بت ابراهيم دى تبقى من ضمن التراث والفقرات التراثيه للجبنه السودانيه
اها يا بت عابدين الاستعدلدات كيف
انا غايتو يوم الخميس بايت فى الدوام لعن الله الدوام والعجب لو معاى د امانى ود فايز اها يانى الما دقسته ولا نص دقيقه
وبجيكم مسطول وما بفرق بين كيكى وعزام
| |
|
|
|
|
|
|
|
|
|
Re: ليلة ثقافية سودانية بالدوحة (Re: علا عابدين)
|
الأستاذة المحترمة قريبتي علا...
فوجئت بالأمس عن قيام هذه التظاهرة الثقافية ومشاركتي فيها بجانب
الزميل عبدالغني كرم الله. وعلى كل حال، فإنني أدعو الله أن يوفقنا جميعا
لعكس وجه السودان المشرق أينما حللنا ونزلنا، وما التوفيق إلا من عند الله.
ما بين مسرايَ ومنفايَ
رهنتُ قصيدتي
ونقشتُ قافيتي
على رملِ البُكاءْ!
يا أيُّها الوطن الذي
ناجيتَه وبكيتُ
مثل النورسِ البحري
عند سمائِه الزرقاءْ!
ونشرتُ أجنحتي
على شفق
من الأحلام والبشرى
وأغويتُ الرجاءْ!
وطنٌ تحديتُ
المجراتَ البعيدةَ
وأرتقيتُ الى صلاةِ العشقِ،
حدثتُ السماءْ!
ورسمتُ عندَ سمائه
طولي وعرضي،
وانتمائي
وإقتفيتُ خُطى الصلاة!
وحملتُ مسغبتي
على خطوي
وطفتُ على البسيطة
من أقاصي الثلجِِ،
جمّلتُ المكانَ،
عزفتُ ألحاني
وأشعلتُ البُكاء!
يا مرقدي...
وطني يئنُ
من البُكاءْ!
| |
|
|
|
|
|
|
|
|
|
Re: ليلة ثقافية سودانية بالدوحة (Re: عبدالأله زمراوي)
|
ما بين مسرايَ ومنفايَ
رهنتُ قصيدتي
ونقشتُ قافيتي
على رملِ البُكاءْ!
يا أيُّها الوطن الذي
ناجيتَه وبكيتُ
مثل النورسِ البحري
عند سمائِه الزرقاءْ!
ونشرتُ أجنحتي
على شفق
من الأحلام والبشرى
وأغويتُ الرجاءْ!
وطنٌ تحديتُ
المجراتَ البعيدةَ
وأرتقيتُ الى صلاةِ العشقِ،
حدثتُ السماءْ!
ورسمتُ عندَ سمائه
طولي وعرضي،
وانتمائي
وإقتفيتُ خُطى الصلاة!
وحملتُ مسغبتي
على خطوي
وطفتُ على البسيطة
من أقاصي الثلجِِ،
جمّلتُ المكانَ،
عزفتُ ألحاني
وأشعلتُ البُكاء!
يا مرقدي...
وطني يئنُ
من البُكاءْ!
أستاذي العظيم عبدالإله وقريبي
هو إجلال لنا وتقدير أن تتحفنا بقراءاتك الشعرية المتميزة
وان تمزج لنا بعض من تلك الآهات وتدخلنا في متاهات الدروب وتسمعنا من أغنيات الليلل
أردنا أن يشاركنا العالم حب بنفسجية الغرام وأن يقعوا تحت تأثير طبل الهوى لكي يفتح لهم باب العمر بكل مصرعيه لمعرفة أن قلوبنا على وطننا
لكم نفتخر بك شاعراً وإنساناً وأديباً
لك مني كل التحايا
| |
|
|
|
|
|
|
|
|
|
Re: ليلة ثقافية سودانية بالدوحة (Re: علا عابدين)
|
أتمنى ان تكون ليلة جميلة ويا ريت لو تتم دعوة الاستاذ عبدالرحمن الطقى فهو شاعر نشهد له بالفصاحة وناصية اللغة لو ترك التوهب والتشدد... فتخيل الطقي بهندام افرنجى بدلة وكرفتة وقاصي الدقن ناس كيكى وضعهم ببقى صعب خلاص...
| |
|
|
|
|
|
|
|
|
|
Re: ليلة ثقافية سودانية بالدوحة (Re: Saifeldin Gibreel)
|
السلام عليكم يا استاذ سيف الدين
شكراً على المداخله اللطيفة
والدعوة عامة وبنتشرف بحضور أستاذ الطقي
ياخ لكن هو يوم للسودان ومن السودان يعني لازم يجي بالعمة والجلابية
يا بلدي يا حبوب يام جلابية وتوب وعمه وسديري
| |
|
|
|
|
|
|
|
|
|
Re: ليلة ثقافية سودانية بالدوحة (Re: علا عابدين)
|
حأسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن...
لا فح
واضفِّر من شجر بلدي
بروقاً مارقة من صدري
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران
موكّر لسَّه في شجني؟
حأكتب لي شجر مقطوع
مسادير
يمكن يتحرك
خطابات لي طفل مجدوع
يقوم
يجرى
يقع
يبرُك
رسالهة لكل قُمْريّة
إذا دم الشقا اتوزع
على كل البيوت
ما تْرِك
يا هذا المحفور في خبايا الروح
يا وطني بعد غد سنري شعب هذا البلد الأمين كم فيك من تراث
كم فيك من العظام شعراء كانوا ام تشكيليين
| |
|
|
|
|
|
|
|
|
|
Re: ليلة ثقافية سودانية بالدوحة (Re: علا عابدين)
|
علا وكفى
كورال المطر وقت تعامد القمر
وانتم يا أيها
الأهل والعشيرة
بكم ولكم تبوح الحناجر
ويندلق اللون عسجديا عفو الخاطر
تعالونا سرب اوزات بيض
من النهر البحر
من ام مرحي الشيخ
ومن عتامير الحكايا
من امبكول
ومن كلكول
ومن العد والعدوة
بكم دايما نكون
الجمعة 9/7/2009
دار الجمعية القطرية للفنون التشكيلية بالحي الثقافي
يبدأ اليوم بورشة عمل للفنانين التشكيليين الفترة الصباحية وبعد صلاة الجمعة
ويفتتح أعمال الورشة في معرض في قاعة الجمعية استهلالا للحفل
يشارك في الورشة:
عبد العظيم محجوب
د/ معز عجيمي
محمد عثمان الجاك
اسلام كامل
معتصم عبد الوهاب
محجوب بابكر
محمد يوسف
ياسر عمار
نورالهادي الخضر
مودتي
برا الخط
دكين خانتك محفوظة الالوان علي جيب ايدك وتعال
ماتخاف بنرجعا ليك ولك الأشواق
| |
|
|
|
|
|
|
|
|
|
Re: ليلة ثقافية سودانية بالدوحة (Re: nourelhadi awad)
|
عُمر سعد ...
Quote: عزام كان ما عزمتنى انا وبدر الدين لامير ما بنجى ناس يعزموهم وناس
يجو ساكت كده انا بختار 2 وبدرالين يختار 2 ونجيك ... |
قلت لي (2) إتْ و(2) بدرالدين ... يا خوي دي عزومه ولا كُنكان شنو (2) (2) دي
سمِح تعالو إنشاءالله عنو السقِف ما إترفع ... الرافْعِلا شنو؟ البيت بلا سقِف ليهو
10 سنوات التقول صندوق لوري ...
| |
|
|
|
|
|
|
|
|
|
Re: ليلة ثقافية سودانية بالدوحة (Re: عزام حسن فرح)
|
لأستاذة المحترمة قريبتي علا...
فوجئت بالأمس عن قيام هذه التظاهرة الثقافية ومشاركتي فيها بجانب
الزميل عبدالغني كرم الله. وعلى كل حال، فإنني أدعو الله أن يوفقنا جميعا
لعكس وجه السودان المشرق أينما حللنا ونزلنا، وما التوفيق إلا من عند الله.Quote: لأستاذة المحترمة قريبتي علا...
فوجئت بالأمس عن قيام هذه التظاهرة الثقافية ومشاركتي فيها بجانب
الزميل عبدالغني كرم الله. وعلى كل حال، فإنني أدعو الله أن يوفقنا جميعا
لعكس وجه السودان المشرق أينما حللنا ونزلنا، وما التوفيق إلا من عند الله. |
اها يا اختى لا جنس ده البنخاف منو
من تكون فى فعاليه سودانيه بيكون قلبك فى يدك من تبدا لحدى ما تنتهى
لاننا مشهورين بالعشوائيه والارتجال المخل
امنياتنا بالتوفيق وحضور ان شا الله
| |
|
|
|
|
|
|
|
|
|
Re: ليلة ثقافية سودانية بالدوحة (Re: عمر سعد)
|
علا سلامات وعوافي
حضور باذن واحد احد
ودعم لا محدود للمجموعة السودانية
تخريمة ؛
-------
حليلك اخوي عادل التجاني ولك التحية
تاني ظهرت المجموعة السودانية بي توب تاني
اها رايك شنو
قلنا كل ما يجمعنا نحنا المجموعة السودانية
| |
|
|
|
|
|
|
|
|
|
Re: ليلة ثقافية سودانية بالدوحة (Re: كمبورة)
|
ازيك يا كمبورة
أيوا لازم الحضور عشان نرفع راس السودان
تخريمة شبيهه بي تخريمتك
والله كلنا سودانيين ويا ريت استاذ عادل يكون من الحضور عشان تكتمل اللوحة السودانية الأصيلة
| |
|
|
|
|
|
|
|
|
|
Re: ليلة ثقافية سودانية بالدوحة (Re: علا عابدين)
|
أشكر:
العم الفنان كباكا شيخ العازفين (باص جيتار)
العم الفنان عبد الخالق (أوكورديون)
العم الفنان حسن جيتار الراجل الفنان (جيتار)
العم الفنان علي الكسار (ساكسفون)
والعم الفنان أبراهيم الجياشي (طبلة)
والأخ الفنان كمال كومي (كونجا)
الأخ الفنان محمد بابكر (أورغ)
الأخ الفنان عبد المنعم الفكي(إيقاع)
أخي الأكبر الفنان عصام الخالدي (مؤدي)
أخي الأكبر الفنان صلاح أحمد أبراهيم(مؤدي)
أخي الأصغر الفنان صداح هاشم ميرغني (مؤدي)
أخي الأصغر الفنان مصطفى (مؤدي وعازف عود)
أخي وصديقي في الملمات (عباس صديق) (مؤدي)
مجهود مقدر وبروفات دامت طوال 10 أيام كانوا فيها قمة في الإلتزام والتفاني
دفعهم حب البلد والفن لتقديم أجمل ما عندهم بحب شديد وسعدت غاية السعادة بتواجدي معهم
طوال تلكم الفترة فلهم منتي التحية والتقدير.
كما لا أنسى أن أشكر
الشاعر المجيد وصاحب الغزليات الرائعة عبد الإله زمراوي الذي قرأ الدعوة في الصحف قبل أن أبلغه بها
وكان في الموعد وكان جميلاً كالعادة وكانت كلماته في الحب من أجمل ما سمعت فله مني الحب والتقدير.
وأخي وصديقي القاص الإنسان عبد الغني كرم الله والذي تحدث فأبهر الجميع وكان كعهدي به صادق في كلماته
يتحدث عما نحسه ولا نستطيع التعبير عنه فيولد كائناً بدواخلنا المتناسية فله مني محبتي إن كفت.
كما أخص بالتحية بإبنة السودان والكاتب الإنسان محمد الربيع وحفيدة الشاعر الفذ الشيخ الطيب البشير و التي أنشدت أشعار جدها بصوت جميل هي ورفيقاتها فأجادت وأمتعت فالتحية لها ولوالديها الذان علماها أن تكون كما كانت في تلكم الليلة التي أشعرتني بدفء الوطن.
والشكر أجمله لرفاقي في رحلة التنظيم
السيد محمد العتيق رئيس الجميعية القطرية للفنون التشكيليه
الأخ فيصل العبدالله أمين صندوق الجمعية مجهود ووقفة لا تنسى
الأستاذ والمربي والفنان نور الهاي الخضر (شكراً نور)
الأخوان مالك عوض ونزار سلايد شو كان من أجمل فقرات الحفل
ماهيتاب بركات إدارة بفن الإدارة
الجميل فيصل عباس تنسيق وحضور البروفات ووقفة لا تنسى
علا محمد الفاتح عابدي إتصالات وتنسيق رغم الحزن الكائن
عزة صلاح تقديم غاية في الروعة والجمال ومبتكر رغم حداثة التجربة
هديل الإمام إتصالات دعوات وإعلام تستح التحية
شكراً لهم جميعاً فقد كان الوطن في أبهى حلة يومها
ممتن
طالع
| |
|
|
|
|
|
|
| |
علا عابدين
SHIBKA
عماد الشبلي
عمر سعد
haroon diyab
محمد خليل ساني
عزام حسن فرح
أبو ساندرا
محمد أبوالعزائم أبوالريش
Saifeldin Gibreel
Alsa7afa_30
كمبورة
Faisal Al Zubeir
tarig almakki
فيس بوك
تويتر
انستقرام
يوتيوب
بنتيريست