يوسف السماني رئيساً لـ لجنة بورداب الرياض

هل الأخلاق والتربية مسألة نسبية ؟

مهرجان البركل لم يلبي طموحاتنا

المبدع الفنان أسامة الشيخ يعطر سماوات ( DALLAS) تكساس في الكريسماس

مرحبا بكم فى حفلة رأس السنة..بتورونتو... الفنان عمر بانقا والفرقة الموسيقية.

مرحبا Guest [دخول]
أخر زيارة لك: 18-12-2014, 05:18 PM الرئيسية

مدخل أرشيف الربع الثالث للعام 2009م مع كامل احترامي لكرعين ندى القلعة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
أقرا احدث/اخر مداخلة فى هذا الموضوع »
04-07-2009, 12:00 PM

بت قضيم

تاريخ التسجيل: 05-07-2002
مجموع المشاركات: 2048
للتواصل معنا
FaceBook
تويتر Twitter
YouTube



مع كامل احترامي لكرعين ندى القلعة

    الساعة الآن الثانية والنصف صباحاً
    لا يوجد أي سبب منطقي طبي صحي نفسي مادي يجعلني مستيقظة في هذه الساعة الغريبة
    ولكني مع الوقت تعودت أن لا أناقش حاجات عقلي الغريبة ، فأنا أشعر بنعاس رهيب ويجافيني النوم في نفس الوقت، وكل من حولي صامت هوووووووسسسسس، حتى التلفزيون وقنوات الأم بي سي التي اعشقها واحفظها، أصبحت مملة
    جيمس بوند ومصارعة وهلووووم جرا وهلم عوارة.
    سودانيز أون لاين ما لقيته ... اختفى، وبيني وبينكم، كسلي الرهيب يمنعني من البحث الكثير عنه

    في غمرة الزهجة الحاصلة، امتدت يدي لا شعورياً على كومة من الصحف أردمها ردماً باعتبار أنني يوما ًما في حياة ما سأقرها، نعم، سنجاب أوراق أنا يعشق التكديس والتسويف

    أخذت عشوائياً إحدى الصحف لا ادري متى تاريخها ولا يهمني ما مواضيعها، فطالعتني (كرعين) ندى القلعة بطول الصفحة وعرضها، وشووووية كلام الحقيقة ما انتبهت إلى ماذا يرمى، فهو شوووووية كلام مقارنة مع الصورة العملاقة الموضوعة في منتصف الجريدة
    مسكت الجريدة وسرح بالي وانتظرت في سرحاني ود لمين يخصني ب (سارحة مالك) تخصني،
    أكيد سأكون عكس حبيبة محمد الأمين المطنشة أكيد سأكون خفيفة ولفيفة وارد طوالي (شنو؟؟؟ في شنو؟؟؟)
    ربما لذلك ما في أغنية تخصني،، اكيد ما حيكون في أغنية تخصني

    والحقيقة – من جانب آخر – لطالما تساءلت مع محمد الأمين، (يا ربي الزولة العجيبة دي ماسكة الجريدة صحي سرحانة واللا مثقفة شديد، واللا راسمة دور ؟؟!!
    واستقر رأي على أنها أكيد راسمة دور وبتبصبص من تحت تحت على محمد الأمين زاتو، أعني شاعر الأغنية،،او كيف لها التركيز وواحد يقف على رأسها ينادي (يا بت،،، هوي يا بت،،يا بت ردي)
    أخاله في سره يقول (ردت الموية في زورك إن شاء الله ما تردي ردت روحك إن شاء الله)

    في هذه اللحظة بالذات تمنيت أن يسألني أحد، أي أحد ليس بالضرورة ود الأمين شخصياً أي أحد يسأل ( يا بت مالك نص الليل قايمة منكوشة وماسكة الجريدة تبحلقي في صفحة واحدة ساعة كاملة)

    ما حاتثاقل كما صاحبة ودالأمين واحلف ما ارد لحدي ما تطول الأغنية وتتعب عوض جكة وهو جارنا المشهور بحبه لرقص يقال له مجازا ًفي السودان (ديسكو)، لحدي ما عوض جكة يتعب ويتهد حيله وود الأمين مصر هو الآخر في ثقالته وإلحاحه أنه في لحظة تجلي المحبوبة وسرحانها في الجريدة أن يخبرها أنه يحبها (حبكت يعني)
    أكيد عوض جكة في الاغنية دي ضهره يكون اتهد

    مقارنة سرحان صاحبة ود الأمين مع سرحاني في جريدة الخرطوم السيارة، وكرعين ندى القلعة، وهي لم تكن المرة الأولى التي تفاجئني صورة ندى القلعة كبيييييييييرة يبدأ رأسها من رأس الصفحة وتنتهي الصفحة بانتهاء كرعينها حتى لتخال أنك شايل – حقيقي يعني – ندى القلعة في يدينك

    اتذكر في هذه اللحظة الزهجانة وانا سرحانة وود لمين خيالي يسألني (يا بت مالك مقهية في الجريدة) اتذكر والدتي ينهرتها لي دوماً (مقهية مالك يا بت يا مشوطنة)
    طيرت أمي شيطان سرحاني الذي لولا نهيرهاالكثير لكنت الآن سيد درويش أو فاروق جويدة ...بالقليل كنت بقيت ست ظار... أوووووف...الم يكن لشيطان إبداعي لو لم يطرد شر ما طردة أن يبدعني نص الليل شعراً جميلاً؟؟؟!!!

    ندى القلعة قلعت عيوني جد جد وأنا كلما أشاهدها أصاب بالدهشة العبيطة ديك التي تجعلني افتح (خشمي) على سعته وأنا مستعجلة، أشوف الدهب واللا اشوف التياب، واللا اركز في (فمها) حيث قالوا انها نفخته في دبي عند آخر زيارة لها، فأفكر(يا ربي اشمعني ما بتمشي إلا دبي؟؟)
    فيقفز عاصم البنا وفرجينيا وصورة سيارة ليموزين أدرجها تبلدينا هنا يوماً ( عاصم البنا مشى فرجينيا ، ونانسي عجاج مشت فرجينيا، وندى القلعة مشت نيجريا – بدلنا دبي بنيجريا مراعاة للقافية – سمح أنا ، لماذا لا يدعوني احدهم حتى في سقط لقط .. ما عندي كرعين لصورة في الجريدة وسارحة وافكاري بعيدة ؟؟!!

    حتى أن أحد لم يدعني يوم في أم الشعير في السعودية، وافكر في ناس السعودية، وأكتشف رتماً موسيقياً ما، ناس قطر جنهم ود الأمين، ناس دبي ندى القلعة، امريكا وعاصم البنا، ناس السعودية طبعاً لا شأن لهم إلا بفنانين صحاري،
    ناس مصر عندهم زول
    ناس أبو ظبي عندهم زول
    ناس وناس عندهم ناس وناس أنناس وناس أقلام حبر وناس أقلام رصاص

    ما نعست فبالتالي أعود لكرعين ندى القلعة التي بدأت اكتشف أن لها بعض خاصية تنعيسية، حيث قررررررررربت انعس ولا أنسى بالطبع شاكرة أن ابعث بتحياتي واحترامي لكرعين ندى القلعة والتي كانت السبب في اكتشافي الخطير أن القلعة لا تعود لمنطقة كما كنت أحسب وانا صاحية، بل هي صفة قليع العيون في أغنية سارحة مالك حيث نسرح في الجريدة ونقلع عيونا وود لمينا ويخبطنا فجآة شئ صغير بنور ساطع أبيض قوي وصوت أختى المنرفزة (ده اخترعوه علشان يقرو بيه في نص الليل الناس الما نصيحة الزيك، أطفي النور يا سمجة)
    فاطالع في الشي الصغير الذي حذفتني به أختى والذي من المفترض أنه أباجورة قراية صغيييييرة تركب في الكتاب أو الجريدة كيف كيف المهم أن لا تزعج رفيق النوم بوليع نور سخيف ذي العملته قبل شوية

    ناس جرير ديل جنو واللا شنو؟؟ هسة البتاع الصغير ده ب19 ريال سعودي وفي محل أبو ريالين البتاع ده بريالين بس؟!
    بس طبعاً لأنه بتاع جرير غالي فأظن أننا نحافظ عليه بروح عالية من الخوف، لأنه غالي، وآخر نفسه أخوه بريالين نرميه وين ما كان كيف ما كان، أمممممم، يبقى علشان كده الأهل بطلبوا مهر غالي حتى لا يتم رمي ابنتهم كمصباح محل أبو ريالين عكس مصباح جرير الغالي

    الفكرة يعني، ،، وندى القلعة فنانة غالية السعر في الحفلات فكرعينها بالتالي تستحق هذا الاهتمام المولى لها من قبل صحيفة الخرطوم الغالية عكس وجوه الكتاب الصغيييييييييرة بصلعاتها اللماعة الكبيرة وكلامها المثقف الملل
    فلتحيا كرعين ندى القلعة إذن .. ولتحيا ندى زاتها ياخي ، ولتحي الجريدة سارحة وافكارك بعيدة بقرا في عيونك حياتي وانت
    99
    98
    97
    96
    95
    41
    1
    2
    3
    صفر
    هدووووووء
    هوووووووووووس
                   Subscribe on YouTube |Articles |News |مقالات |اخبار

04-07-2009, 01:15 PM

Shiraz Abdelhai

تاريخ التسجيل: 21-09-2003
مجموع المشاركات: 1556
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: بت قضيم)

    بت قضيم....
    أنا صاحبتك وبقيتى احدي المقربات جوه عينك.....!!!!

    (وكانت متكيه تتصفح بملل...ثم وقعت عيناها على كرعين ندى وقلم بت قضيم....فجلست)

    دقيقه....اقرا الكرعين دى....أأ قصدي النص ده تانى وتالت واجيك صاده!!!!!!!
                   Subscribe on YouTube |Articles |News |مقالات |اخبار

04-07-2009, 01:36 PM

عصام دهب

تاريخ التسجيل: 18-06-2004
مجموع المشاركات: 10184
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: Shiraz Abdelhai)

    تحياتي بت قضيم ..

    و تحية كمان لدكتورة شيراز ـ قريبتي ـ التي قالت ..

    Quote: أنا صاحبتك وبقيتى احدي المقربات جوه عينك.....!!!!

    يعني الحمد لله طلعنا أهل .. و الله الدنيا دي ضيقة فعلاً يا شيراز ..

    أهة ممكن أهدي ( اللحني ) ؟؟


    Quote: ناس السعودية طبعاً لا شأن لهم إلا بفنانين صحاري،

    غايتو دي بالغتي فيها ..
    بس ما عارف ياتو صحاري القاصداهو دة اللي عندنا ؟؟ و اللا اللي عند ناس شيراز ؟؟
    و اللا كله عند ( العرب ) صحاري ؟؟

    أفرزي ..
                   Subscribe on YouTube |Articles |News |مقالات |اخبار

04-07-2009, 01:52 PM

Manal Mohamed Ali

تاريخ التسجيل: 06-01-2005
مجموع المشاركات: 1134
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: عصام دهب)

    انتي الوداك تقري نوع المجلات والكرعين شنو؟

    مجلة ماجد ماااله؟



    ..........
                   Subscribe on YouTube |Articles |News |مقالات |اخبار

04-07-2009, 02:15 PM

سيف النصر محي الدين محمد أحمد

تاريخ التسجيل: 12-04-2011
مجموع المشاركات: 0
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: Manal Mohamed Ali)

    شاعر اغنية الجريدة دي مش فضل الله محمد ؟؟
    مع كامل احترامي لندى القلعة كلها.
                   Subscribe on YouTube |Articles |News |مقالات |اخبار

04-07-2009, 02:15 PM

عمران حسن صالح

تاريخ التسجيل: 26-11-2004
مجموع المشاركات: 10096
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: Manal Mohamed Ali)

    علاقة " النك نيم " بي حكاويكـ وحكاياتكـ " في السلكـ " كما يقولون ...
    والهترشة الفوق دي زيها وزي الفاتو ... تهبش في حاجاتنا العايشنها كل يوم دون أن نحكيحا بمثل ما تفعلين ..
    ولهذا أصلاً كانت بت قضيم " صاحبة الأسٍطورة " لها علاقة بالحكاوي والحكايات " والنجر " الجميل ...
    مكتبة جرير " وشارع جرير " والغناء والرياض الجافة وصحيفة الخرتوم البقت تملى صفحته بي كرعين ندى القلعة ..
    والله العظيم وقفت أعاين ليها لأكثر من الفترة المفترضة في مثل هذه الحالات .. بتذكر العدد ده كويس ...
    شكلتي مع " أم محمد " بسبب تياب وحنة ندى ..
    كرهتونا البلي .. نسوان يحبوا التياب والحنة أكتر من الأكل ..
    أيِ حنانة شاطرة في رياض الخير بتبني عمارته في ستة شهور .. أحسن من أحسن دكتور ساكن جنب الملكـ شخصياً ..
    صحية الساعة اتنين الما عندها طعم دي .. الحل نشوف لينا رسيفر يفكـ شفرات الشو تايم .. بدلاً من تكرار ناس إم بي سي ..
    وناسين إنو لوست 4 لسه ما جابوها ..... حريقة في الرسيفرات المجانية ..
    .
    .
    .
    شكرا للمتعة ...
                   Subscribe on YouTube |Articles |News |مقالات |اخبار

04-07-2009, 02:17 PM

ALZOLZATOO

تاريخ التسجيل: 14-03-2002
مجموع المشاركات: 4215
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: Manal Mohamed Ali)

    يابت قضيم

    ناس السعودية مالم نحن الكرعين دي مابنشوفها الا في الدوري الاسباني

    وفوق ده كلو فيها شنكارات وشرابات ماظاهرة الا الركبة

    بعدين ندي بتمشي الامارات لانو العربي بتاعها كويس لووووووووول يكه
    ويا الله كيف حالها انا حالي ظاهر وباين لووول



    العربي = مش الانجليزي


    زاتوووو
                   Subscribe on YouTube |Articles |News |مقالات |اخبار

04-07-2009, 02:37 PM

قيقراوي

تاريخ التسجيل: 22-02-2008
مجموع المشاركات: 10279
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: ALZOLZATOO)

    Quote: شاعر اغنية الجريدة دي مش فضل الله محمد ؟؟
    مع كامل احترامي لندى القلعة كلها.

    لا يا ابو السيوف
    هاشم صديق


    بمناسبة ابو اللمين دي هو علاقتو شنو بالقلعة ؟
    و بدور القلعة برضو من قليع العيون يا بت قضيم ؟

    كتابة سمحاااااااااااااااااااء كدا و الله يا ست الكتابة

    و احترامي ليد ندى القلعة و لحنتا " شبكة العنكبوت " الشربكت الجماعة كلهم - دي شفتها في التلفزيون
                   Subscribe on YouTube |Articles |News |مقالات |اخبار

04-07-2009, 03:01 PM

سيف النصر محي الدين محمد أحمد

تاريخ التسجيل: 12-04-2011
مجموع المشاركات: 0
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: قيقراوي)

    Quote: و احترامي ليد ندى القلعة و لحنتا " شبكة العنكبوت " الشربكت الجماعة كلهم - دي شفتها في التلفزيون

    قيقا انت متاكد انو ما فضل الله محمد؟
    و بعدين ما شا الله عليك شايفك رغم المشغوليات متابع آخر اخبار الحركة التشكيلية النسوية..
    قلت لي الجماعة بطلوا رسمة الورود و الصفق و اتجهوا لشبكة العنكبوت ؟
    خلي بالك ده بكون بتأثير فيلم سبايدرمان.
                   Subscribe on YouTube |Articles |News |مقالات |اخبار

04-07-2009, 05:38 PM

نادية عثمان

تاريخ التسجيل: 26-11-2004
مجموع المشاركات: 13808
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: سيف النصر محي الدين محمد أحمد)

    بت قضيم سلامات يازولة يا أم كتابة طااااااعمة

    ياحليل جريدة الخرطوم حبيبتي والله


    الأخوان سيف وقيقراوي

    الأغنية بتاعة أستاذي فضل الله محمد حياه الغمام !

    د. شيراز

    مليون تحية وعندي سؤال

    ليه بتغيبي كتير كتير كده ؟!

    تسلموا كلكم يارب
                   Subscribe on YouTube |Articles |News |مقالات |اخبار

04-07-2009, 06:03 PM

قرشـــو

تاريخ التسجيل: 05-02-2002
مجموع المشاركات: 11325
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: نادية عثمان)

    بت قضيم

    الفين سلام

    والفين سلام عليك لما يكون مزاجك رايق وتكونى مصحصحة كويس

    بصراحة دردشة رائعة جدا ولذيذة خالص

    ولن استطيع الادلاء بخصوص كرعين ندى القلعة هنا خشية ان اصنف كصعلوق بنى امية

    ويقال بصددى ما لم يقله مالك فى الخمر ولذا ابدى اعجابى بسردك الجميل وانتقالك من مربع الى الثاني بكل سلاسة وربط الجميع بخيط رقيق وناعم .....

    مسألة مغالاة الاهل فى المهور طبعا كما تفضلت واوضحت هدفها نبيل
    ولكن الا ترى ان ذلك سبب كما من المتوحدات بيننا ؟؟؟؟

    لا أحد يرمى الشىء الذى يحب ابدا الا اذا رفض ذلك المحبوب
    ان يكون محبوبا ويختار حبا آخر وحينها يكون تبادل الادوار ...

    لك التحية والاحترام
                   Subscribe on YouTube |Articles |News |مقالات |اخبار

04-07-2009, 08:17 PM

ALGARADABI

تاريخ التسجيل: 30-12-2004
مجموع المشاركات: 5232
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: قرشـــو)

    بت قضيم دي مش ماتت وبكينا عليها بدل الدموع دم؟
    والله مرة سمعتا انك غادرتي الفانية و حزنتا عليك شدييييد

    يطول عمرك مع العافية


    وعمر الشقي ليك انشاالله بس في سعادة وهناء
    وبركة الجيتي طيبة

    سؤال جادي:
    هل هناك بت قضيم أخرى؟

    Quote:

    الأخوان سيف وقيقراوي

    الأغنية بتاعة أستاذي فضل الله محمد حياه الغمام !


    لا
    هاشم صديق
                   Subscribe on YouTube |Articles |News |مقالات |اخبار

04-07-2009, 08:22 PM

imad hassan

تاريخ التسجيل: 04-08-2008
مجموع المشاركات: 131
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: ALGARADABI)

    ايام دراستنا بالمغرب ادهشنا ان المغاربة يستخدمون كلمة "كرعين" لكن معناها باللهجة المغربية يعني " الكوارع" التي تؤكل فقط .
                   Subscribe on YouTube |Articles |News |مقالات |اخبار

05-07-2009, 00:21 AM

نادية عثمان

تاريخ التسجيل: 26-11-2004
مجموع المشاركات: 13808
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: ALGARADABI)

    القرضابي ؟

    Quote: لا
    هاشم صديق


    ممكن تغالطني في إسمي عادي !

    لكن في شغل أستاذي فضل الله محمد لا ياخ .. صدقني .. سمح ؟!

    الجريدة حقتو ياخ ! ( وش مكرفس )
                   Subscribe on YouTube |Articles |News |مقالات |اخبار

04-07-2009, 09:50 PM

Shiraz Abdelhai

تاريخ التسجيل: 21-09-2003
مجموع المشاركات: 1556
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: نادية عثمان)


    الغريبه الزول دايما صحية الساعه 2 بتزعلو وبكون راسو فعلا عباره
    عن أفكار متخبطه ووحى والهام وشعر وغنا بجيهو نص اليل ...لكن أصلو ما اتجرأت
    أشيل لى جريده عشان النومه ما تفك!!....
    بعدين استغربت شديد انو قصة كرعين ندى منتشره....لأنو أنا دايما بركز فى جضيماتها...
    ما وصلت كرعينها لهسه!!

    لكن دايره النصيحه يا بت قضيم يختى...حقيقه حسيت بوجع اختك..
    والله لو منها كان شتك بقنبله ياخ....
    صاحيه لينا فى راسنا وكش كش تكشكشى فى الجريده وتوسوسي وتبرطمى.....
    هسه ده ما زار يا حبيبه...
    يعنى نهرات الوالده جابت شغل والله!!!

    كتابه جميله وحقيقيه الى أبعد الحدود حتى أنك ممكن تكونى أى زول من الجنسين يا عزيزتى
    ...فيها تفكيك للافكار وتعبير عن حاله تشتت بهترشه مرتبه..وكثير من الجنون !!
    ....لكن على قول الخال..
    قصة صحاري دي ما فهمناها....
    Quote: غايتو دي بالغتي فيها ..
    بس ما عارف ياتو صحاري القاصداهو دة اللي عندنا ؟؟ و اللا اللي عند ناس شيراز ؟؟
    و اللا كله عند ( العرب ) صحاري ؟؟


    ...ياخ عجبتنى هترشتك ياخ!!
                   Subscribe on YouTube |Articles |News |مقالات |اخبار

04-07-2009, 10:05 PM

7abib_alkul

تاريخ التسجيل: 05-02-2002
مجموع المشاركات: 3749
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: Shiraz Abdelhai)

    بت قضيم
    كامل تضامنى مع كرعين ندى القلعة
                   Subscribe on YouTube |Articles |News |مقالات |اخبار

05-07-2009, 05:46 AM

Sana Khalid

تاريخ التسجيل: 01-02-2005
مجموع المشاركات: 2740
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: 7abib_alkul)

    غايتو يا بت قضيم أظن من شدة ما حأصاحبك لمن تاني تلقيني معترة ليك في أي بوست..

    ما عرفت يعجبني أكتر اكتشافك لمعنى القلعة..

    و لا اختراعك ل(ود لمين خيالي)


    عليك الله ..الكتلك و سطا على كتاباتك داك دحين ما معذور؟



    _________________

    د.شيراز.. أفتكر كدا برضو ممكن أقشر بصحبتك انت كمان.. مش؟
                   Subscribe on YouTube |Articles |News |مقالات |اخبار

05-07-2009, 06:54 AM

Zomrawi Alweli

تاريخ التسجيل: 04-08-2007
مجموع المشاركات: 3315
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: Sana Khalid)

    جذبني العنوان الخالي من اي ملصقات ممنوع الاقتراب والتصوير فقلت في نفسي طالما ان ام الاولاد مابيني وبينها بحر احمر عريض تجرأت كما تجرأ كاتب المقال (تجرأ لانني لا اعرف بت قضيم اسم حقيقي ام انتحال لشخصية الفاضل سعيد رحمه الله) فقلت لاناظر كرعين ندى القلعة فالكلفة مرفوعة في هذا البوست.
    بت قضيم صاحبة المقال أنتث نفسها فاسقطت عني شلاقة الرجال كبار السن امثالي في النظرة الخبيئة فوجدتها تتغزل في كرعين انثى مثلها فما اروعها وقعا على النفس ان تصف انثى جمال انثى مثلها دون غيرة.
    بت اجدت ترسيم الحروف وجعلتينا نتابع قراءة البوست لجمال مفرداتها فانت حقا اديبة يشار لها بالبنان.
                   Subscribe on YouTube |Articles |News |مقالات |اخبار

05-07-2009, 07:11 AM

حمزاوي

تاريخ التسجيل: 10-10-2002
مجموع المشاركات: 11151
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: Zomrawi Alweli)

    Quote: فلتحيا كرعين ندى القلعة

    أحي أنا


    وين صديق الموج من البوست اللذيذ دا
                   Subscribe on YouTube |Articles |News |مقالات |اخبار

05-07-2009, 07:03 AM

معتصم دفع الله

تاريخ التسجيل: 18-12-2003
مجموع المشاركات: 12656
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: Sana Khalid)

    بتقري في إيه كلميني يا سلام ..
    مهتمه عامله ..
    يعني لازم تقري هسي مقال بحاله ..
    أو قصة كامله .. ( كلام الأغنية ) ..
    جريدة ونص الليل دي قوية يا بت قضيم المفروض أختك دي تقوم تجضمك ..
    يديك العافية ياخ رجعتونا لزمن الحكي الجميل ..


    الجماعة المختلفين في أغنية الجريدة سلام ..
    شاعر الأغنية هو الأستاذ فضل الله محمد ..
    أنا من أمس والله عايز أنزله في البوست هنا لكن تقولوا شنو في أكواد بكري الما شغاله دي ..

    (عدل بواسطة معتصم دفع الله on 09-07-2009, 09:08 AM)

                   Subscribe on YouTube |Articles |News |مقالات |اخبار

05-07-2009, 07:23 AM

ALGARADABI

تاريخ التسجيل: 30-12-2004
مجموع المشاركات: 5232
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: معتصم دفع الله)

    Quote: عليك الله ..الكتلك و سطا على كتاباتك داك دحين ما معذور؟



    يعني كلامي صاح؟

    مالكم عايزين تجننونا؟
                   Subscribe on YouTube |Articles |News |مقالات |اخبار

05-07-2009, 09:43 PM

نوفل عبد الرحيم حسن

تاريخ التسجيل: 27-02-2009
مجموع المشاركات: 2361
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: ALGARADABI)

    Quote: بمناسبة ابو اللمين دي هو علاقتو شنو بالقلعة ؟

    قلعة ابو الا مين هنا هو حي القلعه بام درمان بالقرب من حي الشهداء
    ودالامين جابو الشاعر لحي القلعه .. والشاعر جابتو بدور القلعه ذاتها لوووول



    اها ...
    بت قضيم عدت لحدي 100 ومشت نامت
    البنومكم انتوا شنو ؟
                   Subscribe on YouTube |Articles |News |مقالات |اخبار

05-07-2009, 10:55 PM

رأفت ميلاد

تاريخ التسجيل: 03-04-2006
مجموع المشاركات: 7623
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: نوفل عبد الرحيم حسن)

    البوست ده فيه سبطان عنج ولا لا .. هسة الزولة دى مالا ومال كرعين ندى ..
    أول مرة أشوف لى بت قضيم Single .. تكون بت الفاضل سعيد .؟؟
                   Subscribe on YouTube |Articles |News |مقالات |اخبار

05-07-2009, 11:29 PM

haider osman

تاريخ التسجيل: 27-07-2005
مجموع المشاركات: 1290
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: رأفت ميلاد)

    http://www.alrakoba.com/wmd/wd_alameen/aljareeda.wma



    • سارحه مالك •



    سارحة مالِك يا حبيبة

    ساهية أفكارك بعيدة

    بقرى في عيونك حياتي

    وإنت مشغولة بجريدة

    بتقري في إيه كلّميني

    ياسلام مهتمه عامله

    يعنى لازم تقرى هسا مقالْ

    بحاله، وقصّه كاملةْ

    كم شهور مرّت علينا

    وبينا فرقه شامله

    العيون رويانا تبكي

    والقلوب مشتاقة امله

    أي حاجة تمر بخاطركْ

    قصة أو أخبار جديدةْ

    عندي ليك خبر أهمْ

    جايبو بي أشواق شديدةْ

    أسمعي وطاوعيني مرّة

    أيوة، ما تخليك عنيدهْ

    عايز أقول لكْ

    ليه أقول لكْ

    ما بقولكْ

    مش مخير

    ساعة مرت ساعة واكتر

    والوقت روّح إتأخر

    زى عنادك عايز اعاند

    لكن يظهر ما حا اقدر

    امرى لله كنت عايز اقول

    بحبك يا وحيدة

    بقرى في عيونك حياتي

    وعاملة مشغولة بجريدة



    حاشيه:

    بت قضيم كلمات الامين طارق

    جريدة الخرطوم حقت ودالامين

    سارحه مالك كلمات ناديه عثمان

    القرابى قريب هاشم صديق
    ----------------

    ناصيه :

    قرضابى**** نادية بتقصد القصيدة وانت بتقصد الجريده كده افهوا بعض
                   Subscribe on YouTube |Articles |News |مقالات |اخبار

07-07-2009, 06:37 AM

بت قضيم

تاريخ التسجيل: 05-07-2002
مجموع المشاركات: 2048
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: haider osman)

    صباح الخير للجميع
    وقولوا معايا قبل كل شي

    اللهم أصلح حال الاتصالات السعودية
    آآآآآآآآآمين
    ورخص فاتورتها
    آآآآآآآآآآمين
    وأجعلنا من أصحاب الريالات الكثيرة لنشترك في خطوط غير
    آآآآآآآآآآآمين
    اللهم غيظها كما قاعدة تغيظ فيا طوال فترة الثلاثة شهور الأخيرة
    آآآآآآآآآآآمين

    أعود
                   Subscribe on YouTube |Articles |News |مقالات |اخبار

07-07-2009, 07:57 PM

بت قضيم

تاريخ التسجيل: 05-07-2002
مجموع المشاركات: 2048
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: بت قضيم)

    رغم اني احب ام كلثوم كثيراً،، إلا أن هذا لا يمنع انها قدادة فعلاً
    قدادة ام كلثوم، فلهذه اللحظة وانا انتظر الحل الذي اوجدته خلاها تنام، ولا اعني طبعاً النومة الأبدية التي نايماها الآن، أنا قصدي النوم ود الناس العادي ده

    عندما تردد (بعيد عنك حياتي عذاب ) أعتقد (مرات مرات) ان الذي بعيد عنها ومنعها النوم هو السرير
    لأن الحكمة تقول (البعيد عن العين بعيد عن القلب)
    فلو كان الذي بعيد عنها فعلاً هو حبيب القلب، كانت أكيد اتكومت نامت قريرة العين فهو بعيد عن العين بالتالي بعيد عن القلب بالتالي لبيك يا نوم
    يبقى الموضوع ليس حباً كما قد نتوقع من صياغ الكلام
    ربما هو سرير واللا النور بعيد عنها ما قادرة تطفيه، أي حاجة تكون كده منطقية (بتفكيري على الأقل)

    يا شيراز
    كم ساعة جالسة اجرب الدخول لعنوان المنبر الجديد، اضعط على الرابط ليبدأ التحميل برااااااحة بادئاً بصورة بكري أبو بكر وهو يفكر بعمق، ويبدو لي أنه أصلع ، انتظر بشوق (انتظر الصفحة يا هناية ما تفهميني غلط) انتظر بقية الصفحة فما تجي، عدة محاولات فيظهر رابط، اضغط الرابط ليقودني لصفحة مكتوب فيها رابط المنبر العام الجديد، فاضغط الرابط فتفتح صلعة بكري، أعني صورة بكري تطالعني، فانتظر قليلاً ليظهر رابط، اضغط على الرابط لأدخل في صفحة جديدة فيها عنوان الرابط الجديد للربع المش عارف ايه
    ماشة البنتاجون انا؟؟؟!!
    طالبة زيارة للسعودية ياخي وعمري ما تجاوز التمنتاشر سنة؟؟!
    ما اقول ليك،، جد جد راسي لف وزهجت
    في النهاية لقيت البورد، ولقيت بوست للسيد أساسي حول الطيارة السودانية (لرسولنا قومك بيا)، فشاركت فيها مشاركة طوووووووووويلة حسبتها تجيب لي الهوا، قفلت الجهاز وقلت أواصل بعدين، وبعدين اللي هو الآن، جلست ابحث عن مشاركتي في بوست أساسي، لا لقيت أساسي لا لقيت مشاركتي، بل لقيت بوست طيارة مختلف للسيد دكين، وجد جد، هناك احتمال ضئيل، اني ما نصيحة
    أكون مهكرة؟؟
    على وزن مدسترة؟؟

    شيراز
    صحبتي بالقوة دي تعطي انطباع خاطئ جداً اني صعبة المصاحبة، من جمالي ولطفي وطيب معشري وكثر الناس العايزة تصاحبني
    وأنا
    والله والله
    ثقيييييييلة وباااااااااايخة ومرات كده بدي احساس اني شايفة روحي ، مع اني حوصة
    يا زولة لو بتستحمليني، فيكون من حسن حظي وسوء قدرك
    ومستنياك
    ايوه على فكرة، كان لي صديقة تدرس طب اسمها شيراز، كانت برضو معجبة بي جداً وانا أكبر منها في السن، (مخدوعة) فيا وتشبهك كده
    تكوني؟؟!!
    يخليك يا زولة
                   Subscribe on YouTube |Articles |News |مقالات |اخبار

07-07-2009, 09:10 PM

بت قضيم

تاريخ التسجيل: 05-07-2002
مجموع المشاركات: 2048
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: بت قضيم)

    عصام
    ناس صحاري ديل الناس البجو في كل حفلات أبحر، يدخلوا يرقصوا يرقصوا يرقصوا
    ياكلوا ويشربوا ويقوموا يفرتقوا يمشوا حفلة تانية، بكونوا عاملين قطر كده
    لو في صحاري تانية فاشهد الله ثم المنبر الحر اني مابعرف عنهم حاجة

    وخلي التلبط في بت الناس
    قال قريبتي قال
    (:(:(:

    ---

    منال أزيك
    الطفشني من مجلة ماجد من زمان يا منال، ذكية الذكية وكسلان جداً
    بالنسبة لي، ما عندي اي احساس ايجابي تجاهم، لاكسلان بضحكني لا ذكية بستفيد منها حاجة
    الكيمياء بتاعتنا مااااا متفاهمة
    كنت احب مجلة نادرة جداً ما الاقيها بسهولة وهي مجلة لولو
    ولا بأس بمجلة ميكي
    أما الصبيان،، وااااااو
    عمك تنقو
    يا سلااااام يا منال
    رجعتيني (خمسة) سنين لوراء
    لووووووول
    ---------

    سيف النصر، محي الدين، محمد أحمد
    يعني لو محمد أحمد برضو اسم مزدوج يبقى ده احتكار رسمي للأسماء
    لوووووووول
    عاين أنا بهزر حاكم الواحد الزمن البوردي ده لازم لما يهزر يوزع كاتلوج علشان ما يتهزأ
    نعم
    الشاعر فضل الله محمد الجميل المبدع
    سلمت
    ----
                   Subscribe on YouTube |Articles |News |مقالات |اخبار

07-07-2009, 09:15 PM

بت قضيم

تاريخ التسجيل: 05-07-2002
مجموع المشاركات: 2048
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: بت قضيم)

    شكراً لكلامك الجميل يا عمران
    وبمناسبة حنة ندى القلعة، أرى أنها منتهى الإبداع والجمال
    ندى القلعة وضعت معايير حنة جميلة الكل بيحاول يقلدها، ليس لأنها ظاهرة ندى القلعة فقط، بس فعلاً هي جميلة
    بعدين الحنانة والله مرات ارى أنها تستحق ما تجنيه فهي فعلاً تكدح بصدق
    عارف انت، الحنانة دايماً في حالة عمل، ناهيك عن المواسم فحتى في الأيام العادية، إلا ما يكون عندها شغل،
    الحنانة ما عندها (عطلة) بالمعنى المفهوم، فأيام الخميس رواجها وأيام الجمعة دائماً مشغولة
    الأعياد أكيد ما عندها إجازة
    وهي نفسها صعب تستمع بأي رسم حناء (على الأقل في يدينها)، فهي دوماً سوداء وأظافرها خشنة وقبيحة بسبب الصبغة السوداء
    غير طبعاً تعرضها لخطر كبير (وتعرض أطفالها أيضاً) لتسمم بصبغة الحجر
    أكيد الحنانة عندها وجع ضهر من الانحناء الدائم لرسم الحناء
    والتهاب في الشعب الهوائية بسبب سعف النخيل ودخانه
    عقلها دايماً شغال لابتكار رسمات ترضي الزبائن
    والزبائن، الله ما يوريك، جنس مممممممممممممممشج، يا هناية، سويتي ليها حنة احلى من حنتي ليه؟؟
    بري بري
    ما عجبتني حاولي طلعيها لي بسررررررررعة
    يعني، ما بطالة، لكن سوقك نزل يا هناية
    وتعليقات سخيفة بايخة
    وما عايزه يكون عندها عمارة؟؟
    ناس حاقدة
    (:(:(:
    -----------

    الزول زاتو
    يعني الناس القادة عربي وملاحق ما عندها تموت ب وصفك ده؟؟
    ثم ما عندكم جريدة الخرطوم في السعودية؟؟
    على فكرة كرعينها ديل كم مرة كده كانوا في الجريدة، يعني قريب بتظهر تاني، حيث سمعت انها وقعت عقد كرعيني مع جريدة الخرطوم
    اصبر بس ما تتكبكب
    لوووووووووووووووووووول ياخي
    -------

    قيقراوي
    قمة الإطلاع والله
    بالجد بتاعت العنكبوت دي عجبتني شديد
    في السعودية هنا بعملوها (أم شبتوا) لسه ما بقت عنكبوت زي الناس
    وبعدين حنتهم شينة
    لسة برسموا الفراشات والشجر والطيور الجنينة ديك
    على فكرة ، نسوان السعودية لما بمشوا الإجازات في السودان بيكون شكلهم ظاهر جداً، مشهورين بال(بشتنة) بعيد عنك
    حاجات قدييييييييييمة وذوق منقرض

    سلمت للكلمات الطيبة
    يخليك
                   Subscribe on YouTube |Articles |News |مقالات |اخبار

08-07-2009, 07:11 AM

شادية عبد المنعم

تاريخ التسجيل: 24-08-2005
مجموع المشاركات: 1298
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: بت قضيم)

    عاد يا بت قضيم دي قلبتي فيها الهوبة
    ياخ ده نوع من الكتابة كلكي عديل كدة
    لكن المحيرني إنك قدر شنو لمان تقري الجريدة نص الليل (الشي بتشوفي كيف؟؟)
    عليك أمان الله أنا الجريدة من المغرب المينشيتات إلا بالنضارة
    أما عن ندى القلعة (عاد عندها جنس حنة وجنس تياب! قاااادر الله !)

    أما عن الكرعين والله مما قدمت الرنامج مع هايمونيت معاييري في الجمال ذاتها إتغيريت
    عاد أنا ما عندي الحبشي

    لكن أخير ليك تكوني سارحة ساكت وعاملة بتقري في الجريدة
    مع حبي
                   Subscribe on YouTube |Articles |News |مقالات |اخبار

08-07-2009, 07:51 AM

محمد سنى دفع الله

تاريخ التسجيل: 10-12-2005
مجموع المشاركات: 10926
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: شادية عبد المنعم)

    يـــاجــمــاعــة
    رجــلــيــن ندى القلعة
    مش كورعين
    الكورعين دي بتاعة العوام من الخلق
    رجلين رجلين ...
                   Subscribe on YouTube |Articles |News |مقالات |اخبار

08-07-2009, 08:32 AM

azhary awad elkareem

تاريخ التسجيل: 26-09-2007
مجموع المشاركات: 1304
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: محمد سنى دفع الله)

    Quote: بتقري في إيه كلميني يا سلام ..
    تم عام ..
    يعني لازم تقري هسي مقال بحاله ..


    بتقرى فى إيه كلمينى يا سلام
    مهتمة عاملة..
    يعنى لازم تقرى هسة مقال بى حالو وقصة كاملة..


    إزيك يا معتصم..
    ومثلها لك يا بت قضيم
                   Subscribe on YouTube |Articles |News |مقالات |اخبار

08-07-2009, 09:07 AM

عصام دهب

تاريخ التسجيل: 18-06-2004
مجموع المشاركات: 10184
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: azhary awad elkareem)

    تحياتي يا بت قضيم
    Quote: ناس صحاري ديل الناس البجو في كل حفلات أبحر، يدخلوا يرقصوا يرقصوا يرقصوا
    ياكلوا ويشربوا ويقوموا يفرتقوا يمشوا حفلة تانية، بكونوا عاملين قطر كده

    غايتو يا بت قضيم لو إنتي في جدة أو المنطقة الغربية عموماً ( شيلي شيلتك ) ..
    عشان ناس صحارى الأنا بعرفهم ديل ( عمالة حرة ) أولاد ناس ..
    و عندي فيهم أصحاب كتيرين جداً ، و ما بعيد لو في ( شنكبة عنكبة ) عضلاتي ( تبش ) معاهم ..
    و بعدين الناس القاعدة تجي حفلات أبحر و السلمي و الرحيلي و يرقصوا و يرقصوا و يرقصوا في شكل ( قطر ) و في شكل ( تشكيلات ) ديل ما أولاد صحاري .. ديل أولاد ( اللذينا ) و أولاد ( الما مننا )
    بتعرفي أولاد ( الما مننا ) ؟؟
    Quote: وخلي التلبط في بت الناس
    قال قريبتي قال

    ياخي البت دي ( حقتنا) و ما ( بغالطونا) فيها ..

    ـ
    تحياتي لك تاني ، و شكراً على الكتابة الطاعمة ..
                   Subscribe on YouTube |Articles |News |مقالات |اخبار

08-07-2009, 09:10 AM

محمد يوسف الزين

تاريخ التسجيل: 08-02-2008
مجموع المشاركات: 1967
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: azhary awad elkareem)

    يااااااخ

    اسعد الله أيامك

    كتابة نابعة من حالة كتابة حقيقية


    خواطر فيل عديل كدا
                   Subscribe on YouTube |Articles |News |مقالات |اخبار

08-07-2009, 09:25 AM

SHIBKA

تاريخ التسجيل: 14-01-2009
مجموع المشاركات: 5680
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: azhary awad elkareem)

    وانا قاعدة في الشغل ومنتظرة دوامي انتهي وقدامي كرعين كتار لكن ما زي كرعين ندي القلعة دي كرعين الفلبينين القاموا من النوم فجاة ومشوا المول اشتروا حاجاتهم وجونا غاشين عايزين يخلصوا حاجاتهم واحنا قاعدين في المكاتب منتظرين حضراتهم


    في الحالة دي لاقتني كرعين بت القلعة في ونسة بت القضيم السمحة وحبيت اسلم عليها سلاما حار
                   Subscribe on YouTube |Articles |News |مقالات |اخبار

08-07-2009, 11:57 AM

منصور عبد الرازق

تاريخ التسجيل: 03-05-2009
مجموع المشاركات: 2360
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: SHIBKA)

    ازيكم يا جماعة
    ملمومين فى الخير والمسرات ان شاء الله
    اذن هى يا جماعة (حالة كرعينية خالصة )
    وانا مصر انها كرعينية يا ود السنى , فانا لا احبها غير ذلك
    لا (رجلينية ولا غير ذلك )
    وقبل ما استرسل , لابد من تسجيل
    اننى احيى هذا الكلام الجميل الطاعم
    فتسجيل مثل هذه الحالات وتداعياتها , داير ليهو قعدة , ومع القعدة داير ليهو معينات قعدة
    وعدتها كمان , على كيفكم , اختيار كل زول لى عدته , مرهون بى حالته , ومزاجه , ووقته
    وكمان حتته القاعد فيها
    هى اصلا بدأت من زمان , بتكلم عن الحالة عموما , وعن الكرعينية منها على وجه الخصوص
    زمان واحد بدأـ الكلام ده وقال
    لها ايطلا ظبى وساقا نعامة وأرخاء سرحان وتقريب تتفل
    خليكم من الظبى والنعامة والسرحان والتتفل , ديل موضوعهم طويل وبايخ ومقامن ما مقام الكلام
    الطاعم البينقط (شنو ) ده
    والله شنو البين قوسين دى , ختيت ووردت عندى زى عشرمية حاجة , لاوزت منهن كلهن , واخرتها قلت
    اختها كده بين قوسين , يمكن واحد فيكم, عبارته اجمل , ولا خياله اوسع , يملأها بالمناسب وعلى
    الأقل يتذكر امتحانات زمان بتاعت (أملأ الأماكن الخالية ) ديك
    ركزوا معاى فى ايطلا , وساقا , وأرخاء , وتقريب ديل
    وورونى حقات ندى القلعة ياتن فيهن
    عشان اقرر , يا اجيكم راجع , ويا اقوم صوف
    مصيرى بين ايديكم ,
                   Subscribe on YouTube |Articles |News |مقالات |اخبار

08-07-2009, 12:25 PM

محمد أبوالعزائم أبوالريش

تاريخ التسجيل: 30-08-2006
مجموع المشاركات: 9873
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: منصور عبد الرازق)


    أووووووبس ..... بوست (كوارع)

    أنا غايتو من حزب شادية عبدالمنعم ...

    هايمونيت تكسب.

    سؤال:
    ليه دايماً الأنثى تستغل حالة كونها أنثى وتقوم تتغزّل في الإناث السمحات؟ ونفس الكلام لو قالو واحد من (أولاد آدم) تقيموا عليهو الحد؟ (نطالب بحقوق الرجال الجندرية).

    بي قضيم .... أقول ليك؟

    والاّ سيبك أقري أحسن في الجريدة
                   Subscribe on YouTube |Articles |News |مقالات |اخبار

08-07-2009, 01:59 PM

شادية عبد المنعم

تاريخ التسجيل: 24-08-2005
مجموع المشاركات: 1298
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: محمد أبوالعزائم أبوالريش)

    ينصر دينك يا أبو الريش
    وأطالب بنفس الحقوق (الجندرية)
    ولا نامت أعين الجبناء
    نوم عيني البقى لي سهر ولا شنو يا بت قضيم؟؟؟
                   Subscribe on YouTube |Articles |News |مقالات |اخبار

08-07-2009, 03:16 PM

Kamal Karrar

تاريخ التسجيل: 16-11-2006
مجموع المشاركات: 3651
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: شادية عبد المنعم)

    بت قضيم.. في ناس جو خاشين توش..


    ما قروا العنوان سمح... قايلين مكتوب


    "توجد صورة"...


    بس ما لقيتك كتَابة... وموغلة في ترميز الأحاسيس
                   Subscribe on YouTube |Articles |News |مقالات |اخبار

08-07-2009, 03:17 PM

اتحاد مناهضي سد الشريك

تاريخ التسجيل: 07-07-2009
مجموع المشاركات: 34
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: Kamal Karrar)

    لا للســـــــــــد

    "اتحاد مناهضي سد الشريك"
                   Subscribe on YouTube |Articles |News |مقالات |اخبار

08-07-2009, 03:37 PM

نوفل عبد الرحيم حسن

تاريخ التسجيل: 27-02-2009
مجموع المشاركات: 2361
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: اتحاد مناهضي سد الشريك)

    Quote: لا للســـــــــــد

    "اتحاد مناهضي سد الشريك"


    وعلاقة البوست شنو يا الاتحاد ؟


    ياريت لو تفتحوا بوستات اخري خاصه بمناهضة السد بدلا عن السطو علي بوستات الاخرين
    صدقوني كده بكون افيد واجمل ... لانه بالطريقه بتسيئوا لقضيتكم العادله


    مع كثير احترامي
                   Subscribe on YouTube |Articles |News |مقالات |اخبار

08-07-2009, 10:53 PM

jini

تاريخ التسجيل: 04-02-2002
مجموع المشاركات: 29296
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: نوفل عبد الرحيم حسن)

    Quote: لأخوان سيف وقيقراوي
    الأغنية بتاعة أستاذي فضل الله محمد حياه الغمام !

    فضل الله محمد كتب الجريدة سنة 1966 وعمره تقريبا 22 سنة
    هاشم صديق كتب الملحمة سنة 1966 وعمرها تقريبا 20 سنة
    عمر الطيب الد وش كتب الود سنة 1966 وعمره تقريبا 18 سنة
    هاشم صديق كتب الملحمة سنة 1966 وعمرها تقريبا 20 سنة
    شفتو كيف العبقرية!!!
    جنى
                   Subscribe on YouTube |Articles |News |مقالات |اخبار

09-07-2009, 08:37 AM

محمد أبوالعزائم أبوالريش

تاريخ التسجيل: 30-08-2006
مجموع المشاركات: 9873
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: jini)

    Quote: فضل الله محمد كتب الجريدة سنة 1966 وعمره تقريبا 22 سنة
    هاشم صديق كتب الملحمة سنة 1966 وعمرها تقريبا 20 سنة
    عمر الطيب الد وش كتب الود سنة 1966 وعمره تقريبا 18 سنة
    هاشم صديق كتب الملحمة سنة 1966 وعمرها تقريبا 20 سنة
    شفتو كيف العبقرية!!!


    والله يا جني عبقرية الجماعة ديل ما عندنا فيها شك ... لكن يظهر إنو سنة 1966 هي سنة العبقرية

    ______
    هسي تجي بت قضيم تتسلبط وتقول إنها مولودة سنة 1966
                   Subscribe on YouTube |Articles |News |مقالات |اخبار

09-07-2009, 09:09 AM

معتصم دفع الله

تاريخ التسجيل: 18-12-2003
مجموع المشاركات: 12656
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: azhary awad elkareem)

    أزهري يا صاحب ..
    مشتقاين كتير كيفك والمعاك ..
    شكراً للتصحيح مرات بتكون الشفقة حاصله ..

    أبقى طيب ..
                   Subscribe on YouTube |Articles |News |مقالات |اخبار

14-07-2009, 11:34 AM

بت قضيم

تاريخ التسجيل: 05-07-2002
مجموع المشاركات: 2048
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: معتصم دفع الله)

    مساء الخير
    واعتذر عن عدم امكانيتي للرد
    مشاغل والله
    ومعليش يبدو في ناس فاهماني غلط اني معجبة بكرعين ندى القلعة
    ورغم انها تستحق الأعجاب إلا أنه شن غردي بيها
    انا بس مستغربة من الفايدة التي تعود على القارئ
    من صورة ندى القلعة بالحجم الطبيعي
    بث
    ده كل الموضوع

    اعتذر (بالجد) عن عدم الرد، فعلاً فعلاً، مشغولة
    ثم انه ما عنديش تليفون، اعني النت أساساً اساساً ما شغال عندي
    بث
    تحياتي للجميع
                   Subscribe on YouTube |Articles |News |مقالات |اخبار

11-08-2009, 10:58 PM

بت قضيم

تاريخ التسجيل: 05-07-2002
مجموع المشاركات: 2048
للتواصل معنا
FaceBook
تويتر Twitter
YouTube



Re: مع كامل احترامي لكرعين ندى القلعة (Re: بت قضيم)

    مساء الخير
    شكراً جزيلاً لكل من شاركني في هذا البوست ولم استطع الرد عليه
    بالله عليكم اعذروني ولا تزعلوا مني
    دمتم جميعاً
                   Subscribe on YouTube |Articles |News |مقالات |اخبار

[رد على الموضوع] صفحة 1 من 2:   <<  1 2  >>

تعليقات قراء سودانيزاونلاين دوت كم على هذا الموضوع:

مع كامل احترامي لكرعين ندى القلعة فى FaceBook

· دخول · أبحث · ملفك ·




الصفحة الاولى
  المنبر العام
مدخل أرشيف الربع الرابع للعام 2013م
مدخل أرشيف الربع الثالث للعام 2013م
 مدخل أرشيف الربع الثانى للعام 2013م
 مدخل أرشيف الربع الاول للعام 2013م
مدخل أرشيف الربع الرابع للعام 2012م
مدخل أرشيف الربع الثالث للعام 2012م
 مدخل أرشيف الربع الثاني للعام 2012
مدخل أرشيف الربع الاول للعام 2012م
مدخل أرشيف الربع الرابع للعام 2011م
مدخل أرشيف الربع الثالث للعام 2011م
مدخل أرشيف الربع الثاني للعام 2011
 مدخل أرشيف الربع الاول للعام 2011م
 نمدخل أرشيف الربع الرابع للعام 2010م
 مدخل أرشيف الربع الثالث للعام 2010م
أمدخل أرشيف الربع الثاني للعام 2010م
 مدخل أرشيف الربع الاول للعام 2010م
مدخل أرشيف الربع الرابع للعام 2009م
 مدخل أرشيف الربع الثالث للعام 2009م
 مدخل أرشيف الربع الثاني للعام 2009م
 مدخل أرشيف الربع الاول للعام 2009م
مدخل أرشيف الربع الرابع للعام 2008م
مدخل أرشيف الربع الثالث للعام 2008م
مدخل أرشيف العام (2003م
 مدخل أرشيف العام (2002م
مدخل أرشيف العام (2001م
مكتبة البروفسير على المك
 مكتبة د.جون قرنق
مكتبة الفساد
 مكتبة ضحايا التعذيب
 مكتبة الراحل الاستاذ الخاتم عدلان
مكتبة دارفور
مكتبة الدراسات الجندرية
مكتبة العالم البروفسيراسامة عبد الرحمن النور
مواضيع توثيقية متميِّزة
 مكتبة قضية سد كجبار
 مكتبة حادثة يوم الاثنين الدامي
 مكتبة مجزرة اللاجئين السودانيين في القاهرة بتاريخ 30 ديسمبر 2005م
مكتبة الموسيقار هاشم مرغنى(Hashim Merghani)
مكتبة عبد الخالق محجوب
 مكتبة الشهيد محمد طه محمد احمد
مكتبة مركز الخاتم عدلان للأستنارة والتنمية البشرية
مكتبة الراحل الاستاذ الخاتم عدلان
 مكتبة سودانيز أون لاين دوت كم
مكتبة تنادينا,الامل العام,نفيرنا
مكتبة الفنان الراحل مجدى النور محمد
مكتبة العلامة عبد الله الطيب
مكتبة احداث امدرمان 10 مايو 2008
 مكتبة الشهيدة سهام عبد الرحمن
منبر اليوم الحار لخريجى كلية الهندسة و المعمار بجامعة الخرطوم
مكتبة الراحل المقيم الطيب صالح
مكتبة انتهاكات شرطة النظام العام السودانية
مكتبة من اقوالهم
مكتبة الاستاذ أبوذر على الأمين ياسين
 منبر الشعبية
منبر ناس الزقازيق
مكتبة تهراقا الفن الدكتور محمد عثمان حسن صالح وردى
اخر الاخبار من السودان2004
جرائد سودانية
اجتماعيات سودانية
دليل الاصدقاء السودانى
مكتبة الراحل المقيم الاستاذ الخاتم عدلان
الارشيف والمكتبات
اراء حرة و مقالات سودانية
 مواقع سودانية
 اغاني سودانية 
 مكتبة الراحل مصطفى سيد احمد
دليل الخريجيين السودانيين
 الاخبار اليومية عن السودان بالعربى













|Contact us |About us | Discussion Board |Latest News & Press |Articles & Analysis |PC&Internet Forum |SudaneseOnline Links |

للكتابة بالعربي في المنتدى

للرجوع للصفحة الرئيسية اراء حرة و مقالات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
اضغط هنا لكي تجعل المنتدى السودانى للحوار صفحتك الرئيسية لمتصفحك
يمكنك نقل أو اقتباس اى مواد أعلامية من هذا الموقع بشرط وضع "نقلا عن سودانيز اون لاين"و الاشارة الى عنواننا WWW.SUDANESEONLINE.COM
الاخبار اليومية Contact Us اتصل بنا أجتماعيات

© Copyright 2001-02
Sudan IT Inc.
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de