|
كتب الكاتب الفاتح جبرا المتوفرة بمعرض الدوحة
|
|
 Re: بعد دا نبقى ناس فارغة ساااااااي (Re: عمران حسن صالح)
|
| Quote: مشيت بيت البوست الربنا رزق بيهو المرة المسكينة بي تلاجة وكنت عايز أسأل نفسي ذات السؤال ... |
قبيييييل فتحت بوست وقلت فيه كلام كتير ...
بس قمت مسحتو .. قبل ما ارسله ..
عارف فيه شنو يا عمران ...
كتبت الفقرة دي ..
لقد حولنا حن أعضاء وقراء هذا المنبر الى مؤسسة مجتمع مدني ..
تمد يدها لكل محتاج .. لكل .. يتيم ..لكل مريض ..
وعهدي : منذ غادة نوري الى خديجة ام الايتام التي استلمت الثلاجة في غصون 24 ساعة عبر صندوق ناس عمران وباقي الشباب ..
_____
ولما دموعي غسلت وشي .. قمت بحذف كل الكلام ..
وغلبني تاني جيت فتحت دا ..
عمران انت والشباب المعاك .. تسدوا عين الشمس
| |
 
|
|
|
|
|
|
|
 Re: بعد دا نبقى ناس فارغة ساااااااي (Re: حنين للبلد)
|
السلام عليكم ورحمة الله.
ما مشكلة احصلي علي التبرعات وحوشيها
معاك يا انعام.. ولمن اللجنة تتكون
سلموهم التبرعات.. واللحنة مننا وفينا
وقريب حتتكون.
قولت ليك كيد بس عشان تصبري شوية وتمنعي
الفارغــة.. والله لا جاب فارغة.
هههه
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: حنين للبلد)
|
حنو إنتي راجعي الماسنجر
وطولي بالك لي تلفوني ياخ بتخليني فاتحة خشمي ومستنياك تعاودي الإتصال
إنعام حيمورة أنا غايتو على قدر فهمي
لكن لو عندك تبرعات أجمعيها بإسم المؤلفة قلوبهم للمؤلفة قلوبهم ورسليها لي
بالمناسبة إسمك المعتمد في بيتنا إنعام حموراي
إنتو فادية اليمني وين؟؟
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: انعام حيمورة)
|
الاخت إنعام سلام
إمكن اول مرة أتداخل معاك منذ انضمامى للموقع
لكن ده ما بيعنى عدم متابغتى لمجهودك إنتى
و الاخوان و الاخوات فى المجال الخيرى و أعتقد
أى عمل لاحق لا يستند على ما سبق لن ينجح بالتأكيد
لكى و لهم الود
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: ماضي ابو العزائم)
|
ماضي ازيك ..
اتلاقينا لمن جينا بكى الحاجة رحمها الله - صاح ..
عارف لمن زول يقول لي (افتحي بوست) للحالة الفلانية ولا عندنا حالة عايزنك تفتحي بوست ..
دائما بقول ليهم عمل الخير ما ( حكر علي ) ونظريتي لو انا (مت) حا يحصل شنو ؟؟
احسن اي زول جاب حالها ينزلها .. وتكون هناك ابواب عديدة ..
وانا بدعم اي باب زي دا واضعف الايمان - الدعاء -
حتى الدعاء في المنبر عمل خير ..
وغالبا ما تشفى مرضانا وترحم موتانا باذن الله من هذا المنبر ..
كلو عمل خير ..
قبيل فكرت ياربي برضو بكري حا يحذف اي بوست دعاء لمريض او ترحم على مرحوم ؟؟!!
شكرا ماضي بس شينة منك من 2007 ما تتداخل معاي ياخ ..
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: انعام حيمورة)
|
Quote: لقد حولنا حن أعضاء وقراء هذا المنبر الى مؤسسة مجتمع مدني ..
تمد يدها لكل محتاج .. لكل .. يتيم ..لكل مريض ..
وعهدي : منذ غادة نوري الى خديجة ام الايتام التي استلمت الثلاجة في غصون 24 ساعة عبر صندوق ناس عمران وباقي الشباب ..
_____
ولما دموعي غسلت وشي .. قمت بحذف كل الكلام ..
وغلبني تاني جيت فتحت دا ..
عمران انت والشباب المعاك .. تسدوا عين الشمس |
نعومة يا غالية ،،،
يبدو انو بكري غاب عليهو شئ مهم وهو انو عمل الخير ده المستفيدون منو ما اعضاء في المنبر
وممكن يسمعوهو صوتو ... جهدك و جهد الاخوان مقدر و المطلوب حسي انو نقدم دفوعاتنا ليه القرار
ده خطأ و نشوف لينا حل يرضي جميع الاطراف لانو المستفيد الاول و المعنين ما ليهم باسويردات
براحة نقعد و نتفاكر و نقدم احنا مقترح الجمعية الجديدة، و نمشي المشاريع الماشية
وما اعتقد بكري داير يحرم محتاج من منفعة ولا يحرمنا و يحرم روحو من الأجر ...
كدي نبتدي نسرد ليهو وونفكرو فإن الذكرى تنفع المؤمنين بحجم المستفيدين
و معنى انو تحرم زول من مساعدة ممكن تنقذ حياتو ...
لقدام يا ست البنات و معاك اخوانك و اخواتك بنقدر نغير بند في قانون وضعو انسان و بشر
و تظل يد الخير هي الأعلى
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: عزاز شامي)
|
| Quote: وهو انو عمل الخير ده المستفيدون منو ما اعضاء في المنبر وممكن يسمعوهو صوتو ... |
كلامك بريح شديد ..
Quote: كدي نبتدي نسرد ليهو وونفكرو فإن الذكرى تنفع المؤمنين بحجم المستفيدين
و معنى انو تحرم زول من مساعدة ممكن تنقذ حياتو |
كويس وحافظاهم زول زول ..
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: محمد عثمان محمد طه)
|
انعام
سلاااام
مشروع المليون بطانية ( للنازحين داخل وخارج السودان ) معسكرات النزوح
مستثنى تقريبا من الحظر ( البرى والبحرى والجوى )
ولا كـــــيف يا بكرى ؟؟؟؟؟
قاسم المهداوى
هامش
بعد اسبوع سابداء فى جمع البطاطين .. بعد الصيف سياتى الشتاء !!!!!!
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: قاسم المهداوى)
|
إنعام يا ست الكل كيفنك ؟ وحاة الخوة مشتهياك و مشتهية أقعد
أتونس معاك بي مزاااااج و جبنة هههههه
بخصوص البند الوارد أعلاه دا يا انعام صدقيني بكري بكون قصده
شريف و أصلا" ما أظن الفكرة تكون ضد مصالح المحتاجين و حسب
فهمي البسيط اكيد هو عاوز يقنن المسألة و يوسع الماعون
عشان يبقي افيد و افيد و يخدم قطاع اكبر و اعرض ، و ساعتها
لما الموضوع دا يتم حيكون مسئوليتنا كلنا و خصوصا" الناس السباقة
لعمل الخير زيك انت و اخونا نعيم و كتار زيكم في المنبر
ربنا يوفق الجميع و ما يقطع عشم محتاج
خاااالص تحياتي ومرفق ودي
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: heba Elmahi)
|
| Quote: شكرا ماضي بس شينة منك من 2007 ما تتداخل معاي ياخ .. |
قالوا الفيك بدربو
ما تلخبتى الكيمان فى البورد فى محمد ابوالعزائم و ماضى ابوالعزائم
و إنتى لاقيتى الاول فيهم بس ما مشيتى يعيد هو أخى الاصغر
أها نفتش العذر ولا نقول دخل الما يداوى
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: ماضي ابو العزائم)
|
إنعام الخير ! سلام عليكم يا أخيه !
زي ما قالت ليك هبه، ما عندي شك إنو بكري بيفتكر إنو قرارو ده المقصود بيهو تنظيم عمليه جمع الأموال لكن لانو هو ما كان بيجمع الأموال دي ، الصاح كان قبل ما يقرر قرار زي ده ، يتصل علي الناس البتعمل العمل ده و يتفاكر معاهم علي أحسن و أنجع السبل لتنظيم عمليه جمع التبرعات دي ! لكن لانو بكري أبو بكر عندو بند بتاع إنو مالك و مدير الموقع يعمل الدايرو و العاجبو عاجبو ، و ألما عاجبو يحلق حواجبو ، أري إنك تحلقي حواجبك حتي لا يكون بوستي الجاي : لماذا تم وقف حسب إنعام حيموره يا بكري !!!!
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: ماضي ابو العزائم)
|
| Quote: ما تلخبتى الكيمان فى البورد فى محمد ابوالعزائم و ماضى ابوالعزائم |
لالالا يا ماضي
فارزة كويس .. محمد دا صديقنا وحبينا ..
جينا ليه في بكى امه ولقيناك ياخ عرفنا عليك محمد .. انت نساااي بديل من 2007 ما دخلت معاي ..
هههههههههه
ولا عزر بينا بينا المودة والاخوة
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: heba Elmahi)
|
Quote: إنعام يا ست الكل كيفنك ؟ وحاة الخوة مشتهياك و مشتهية أقعد
أتونس معاك بي مزاااااج و جبنة هههههه |
ونمشي جبل اولياء ولا شارع المطار .. مش !!
Quote: بخصوص البند الوارد أعلاه دا يا انعام صدقيني بكري بكون قصده
شريف و أصلا" ما أظن الفكرة تكون ضد مصالح المحتاجين و حسب
فهمي البسيط اكيد هو عاوز يقنن المسألة و يوسع الماعون
عشان يبقي افيد و افيد و يخدم قطاع اكبر و اعرض ، و ساعتها
لما الموضوع دا يتم حيكون مسئوليتنا كلنا و خصوصا" الناس السباقة
لعمل الخير زيك انت و اخونا نعيم و كتار زيكم في المنبر |
ويا هبة انا ما عندي شك في نية بكري بدليل كل الاعمال السابقة القاعدين نقوم بيها هنا
لكن بس على الاقل كان يشاورنا في البند دا بالذات ..
وما نتفأجا بيه ..
ويخلينا نقول نيته سليمة ولا ما سليمة مش ؟؟
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: محمد عثمان محمد طه)
|
Quote: أمكن تكون أضافة جميلة و بأمكانيات كبيرة
العجلة ما كويسة , ننتظر و نشوف
و تأكدي مافي شئ بوقف عمل الخير |
محمد عثمان محمد طه ..
بكري وقف خاصية الرد في الصندوق الخيري
واصدر قرار بايقاف جمع الاموال الا عن طريقه ..
يبقى مافي عجلة صاح .. احتجاجنا ناتج من الحتيتن ديل ..
نحن مع اي عمل خير ومنظم
كل البشوفوا انو بكري كان يشارونا قبل عمل الحاجتين القلتهم ليك ديل ..
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: مزمل خيرى)
|
الاخت انعام
طيب المشكلة وين يمكن عايزين يعملوك رئيسة منظمة الموقع
بعدين بكوري محق في كلامو يجب ان يكون التبرع من قوات معينة او صندوق البورد بعدين العائد للمحتاج يكون اكبر بي كتير .
اذا ما زبطت كده ممكن التبرع يكون من تحت الطربيزة لووووووول يكه
من فرج عن مؤمن كربة فرج الله كربته
يدك طويلة مابتجيك عوجة
تحياتي
زاتوووو
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: ALZOLZATOO)
|
| Quote: طيب المشكلة وين يمكن عايزين يعملوك رئيسة منظمة الموقع |
الزووول الحمد لله .. ما لي في المناصب والله
| Quote: اذا ما زبطت كده ممكن التبرع يكون من تحت الطربيزة لووووووول يكه |
دي ما فهمتها ؟؟ ممكن !!
| Quote: يجب ان يكون التبرع من قوات معينة او صندوق البورد بعدين العائد للمحتاج يكون اكبر بي كتير |
ودا العايزنه والله ..
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: مزمل خيرى)
|
سلام يا انعام
لازم بكري يتراجع من كلامو دا
لانو بي صراحة كدة نحن ناس الفارغة ديل ما محتاجين ايي اضافة
ومنو كمان انعام حيمورة بي حالها
الكلام دا ما بيجي والله
ههههههههههههههههههههههههههههه
خالص الود
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: سيف الدولة كامل)
|
سلام انعام
لن ادافع طبعا عن لوائح بكري فهو الادري بمصالح منبره وفق ما براه ,,,
ولكن يا انعام رغم علمنا جميعا بحسن نيتك وطيبتك وحبك للخير الذي عرفناه من خلالك ., الا ان ذلك لايعني انك
المقصوده بتغيير لائحة المنبر في هذا الخصوص ,,,
وحتي اللائحة تبشر بما كنتي تدعوا اليه من تسجيل جمعية خيريه خوفا من القيل والقال ,,,
ولنعطي بكري فرصة لينفذ ما يسعي اليه ومن بعد ذلك نحكم هل هذا زياده في عمل الخير ام انقاص لعمل الخير ’’
ودمتي بالف خير انعام ,,
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: العوض المسلمي)
|
Quote: الا ان ذلك لايعني انك
المقصوده بتغيير لائحة المنبر في هذا الخصوص ,,, |
العوض انا ما بعاين لي نفسي انا عمل الخير ما مقتصراه على سودانيز بس والحمد لله
لكن بي شكل عام وللكل ..
| Quote: ولنعطي بكري فرصة لينفذ ما يسعي اليه ومن بعد ذلك نحكم هل هذا زياده في عمل الخير ام انقاص لعمل الخير |
اوكي
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: سيف الدولة كامل)
|
الأخت العزيزة إنعام
والله نفسي أجي السودان وأقابلك شخصياً بس عشان أعبر عن تقديري الكبير لمجهوداتك الإنسانية... وفي زمن الإنسان فيهو ما قادر يكفي نفسو إنت أفسحت للأخرين مساحة كبيرة من زمنك ومجهودك المقدر.. وجندت نفسك لعمل الخير، وإن شاء الله يوم شكرك ما يجي.
أنا متأكد أنو الأخ بكري أبوبكر لا تفوت عليه مجهوداتك المقدرة هنا وهناك، وما أظنو يتخطاك وأخواتك وأخوانك السباقين لعمل الخير.
وأعتقد أن ما دفع بكري لنشر هذه اللائحة
هو أن حركة الأموال النقدية في العالم أصبحت محل رصد كبير من قبل السلطات (وذلك يتضمن الشخص المحول والشخص المستفيد) فيما يعرف بقوانين مكافحة غسل الأموال Anti Money Laundering،
وقد شمل ذلك مراقبة حركة الأموال بما في ذلك منظمات العمل الخيري، خاصة بعد توجيه اصابع الاتهام لبعض منظمات العمل الخيري الشرق أوسطية فيما يتعلق بتمويل الإرهاب،
وأصبح العمل الخيري الذي تصحبه حركة أموال نقدية عبر التحويلات الداخلية والخارجية Money Transfer يحتاج لترخيص من السلطات المعنية،
وبما أن الموقع يدار من أمريكا وبعض الأعضاء مقيمين هناك، والكلام يشمل أيضاً المقيمين بدول الخليج وأوروبا، فإذا صاحبت مجهوداتكم المقدرة استجابة من إدارة الموقع بتقنين الجهود ووضهعا في الإطار الرسمي فهذا يعد مكسباً كبيراً للمتبرعين والمستفيدين من العمل الخيري والقائمين عليه ومن ثم لإدارة الموقع.
أرجو أن أكون قد أضفت لما فيه خير الجميع.
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: Elawad Eltayeb)
|
Quote: سلام انعام
لن ادافع طبعا عن لوائح بكري فهو الادري بمصالح منبره وفق ما براه ,,,
ولكن يا انعام رغم علمنا جميعا بحسن نيتك وطيبتك وحبك للخير الذي عرفناه من خلالك ., الا ان ذلك لايعني انك
المقصوده بتغيير لائحة المنبر في هذا الخصوص ,,,
وحتي اللائحة تبشر بما كنتي تدعوا اليه من تسجيل جمعية خيريه خوفا من القيل والقال ,,,
ولنعطي بكري فرصة لينفذ ما يسعي اليه ومن بعد ذلك نحكم هل هذا زياده في عمل الخير ام انقاص لعمل الخير ’’
ودمتي بالف خير انعام ,, |
العوض المسلمى كيفك
ممكن نسال لماذا فى هذا التوقيت بالظبط ولينا
سته سنه فى المنبر ما شفنا خير؟؟
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: صديق الموج)
|
Quote: العوض المسلمى كيفك
ممكن نسال لماذا فى هذا التوقيت بالظبط ولينا
سته سنه فى المنبر ما شفنا خير؟؟ |
اخي الاكبر صديق الموج تحياتي
زي ما قلت انا لست مدافعا عن لوائح بكري ابدا ,,,,
ثانيا ممكن وده مني انا ولا علاقة لي ببكري ولا وجهة نظره انه قد يكون مستقر بالسودان لفتره ليست بالقصيره كما سمعت
ويريد ان بؤسس لقيام منظمة سودانيز اون لاين الخيريه التي طالمت تحدثنا جميعا عنها وتمنينا قيامها ,,,
اما لينا سته سنه وما شفنا خير فهذا حديث صعب قبوله ,, فاين اعمال الخير التي سدت عين الشمس واين جهود انعام حيموره
وغيرها من جهود الطاهر والكثيرين ,, اليس كلها بفضل تواجدنا بسودانيز اون لاين ؟؟
ارجو ان اكون اجبت ,,
| |
|
|
|
|
|
|
|
|
 Re: بعد دا نبقى ناس منظمين ونتش عين الضلام بالضؤ (Re: العوض المسلمي)
|
الاخت العزيزه انعام
الاخوه المتداخلون
اول ماقرأت اللوائح المضافه شعرت حقيقة (بالفرح)..
Quote: يمنع منعا بات جمع التبرعات خارج نطاق منظمة الموقع والتى سوف ترى النور قريبا
|
منظمة الموقع (ستري النور قريبا)..
هذا هو الجزء المريح جدا في اللوائح..
لا اعتقد ان اي مبادرة انسانيه يمكن ان تصاب بالعطب جراء هذه اللوائح
يقوم بورداب الامارات وقطر بارسال مبالغ دوريه لمجموعة اطفال المايقومه
كنا نقوم بعمل لجان مشتروات بالدار وتجميع اللجنه و... والكثير
اتوقع بعد المنظمه اني سادير عملي بصوره افضل..
مثلا..
بورداب الامارت
يقوموا بفتح بوست عن مساهمات الامارات شهر فبراير مثلا
ويقوموا بتجميع المبلغ
وفي النهايه بدل ان يتم تحويله باسمي الشخصي..
يتم تحويله لرقم حساب المنظمه المعنيه..
مبلغ وقدره (اي رقم كده) من الامارات لحساب المنظمه يصرف لصالح اطفال المايقوما...
وهكذا..
كل ماساقوم به بعد هذا هو تسليم لجنة مشتروات المنظمه (او سمها ما شئت) اسلمها
قائمه باحتياجات الدار..
وعليهم هم الشراء والفواتير وكشف الحساب لاعضاء المنظمه
اتمني ان يتم هذا الامر واصلي لذالك..
لانني (وانا الجديد في الموقع) سمعت منذ انضمامي الكثير
من الحديث عن هذه المنظمه
اتمنا ان اراها الان..
______________
ست البوست انعام
وكل المتداخلين
صباحكم زين
| |
|
|
|
|
|
|
|
|
|
Re: بعد دا نبقى ناس منظمين ونتش عين الضلام بالضؤ (Re: naeem ali)
|
Quote: يمنع منعا بات جمع التبرعات خارج نطاق منظمة الموقع والتى سوف ترى النور قريبا
|
منظمة الموقع (ستري النور قريبا)..
هذا هو الجزء المريح جدا في اللوائح..
طيب اسألك يا نعيم .. الحوجة اسبوعية لاطفال المايقوما ..
و ناس الامارات وناس الدوحة برسلوا شهري .. وبرفعوا البوست باستمرار خاصة ايام الشهر الاولى ..
اها هسى بي كلام بكري دا مفروض ما يترفع البوست بالمطالبة بالمساهمة الشهرية ..
ولا تجمع تبرعات عن طريق المنبر الا بعد المنظمة ترى النور ..
انا يا نعيم ما ضد اي تظيم عمل .. بل بالعكس مريح جدا ..
لكن كانت المنظمة ترى النور اولا وبعدين يتوقف العمل (العشوائي) ويجي المنظم مش ؟؟!!
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: العوض المسلمي)
|
| Quote: اما لينا سته سنه وما شفنا خير فهذا حديث صعب قبوله ,, فاين اعمال الخير التي سدت عين الشمس واين جهود انعام حيموره |
انا ما بتكلم عن خير انعام وعمران وجماعته انا بتكلم عن خير بكرى
الداير يمنع الناس الخبر الا عبر مؤسسته،الناوى يعملها
طيب هو يشتغل خير ونحن نشتغل خير واى زول داير يعمل عمل خير الناس
تمد ليه يده فيها شنو كان نحن الف نفر عملنا عمل خير ثم تانى
مافى زول داير يشحد بى اسم منبره ده كل الحانعملو فى منبره دا
نكتب بيه اخبارالصندوق ونتواصل، اسمه ما بنجيبه لاهو لا منبره
ما يقدنا ويحملنا جميله بى المنبر هو المنبر الاشتهر بينا مش نحن
الاشتهرنا بى المنبر ولو ما انت وانا وكل الاعضاء المنبر ده تكية
والا جامعة علم عشان يشتهر.مافى مليون منبر غيرو.
انا بفتكر بكرى من حقه ما يشترك معانا ومن حقه ياثر على الذى
يستطيع ان يؤثر عليه ولكن ما يمنعنا نعمل عمل الخير..
بعدين خلونا من تحويل وغسيل اموال وارهاب نحن شغالين
على عينك يا تاجر الف عضو دفع كل واحد خمسين دولار بى خمسين الف
دولار فى السنه مات زول تشيلو السكر والتلج تمشوا عليه زول مريض تودو ليه
الف دولار وكده تقولو لى غسيل اموال وبطيخ..
انا بفتكر دى حجج واهية ،،،
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: صديق الموج)
|
| Quote: يقوم بورداب الامارات وقطر بارسال مبالغ دوريه لمجموعة اطفال المايقومه |
و ده المهم يا نعيم، انه اعمال الخير ما تقيف بسبب اللائحه، اكيد الامور حا تتضح لمن المنظمه تبدا و بكري يشرح لينا حدود المسموح به
انا برضه زيك، سعدت انه الامور ماشه بصوره رسميه اكبر و اكيد ده لصالح الفقراء و التعبانين قبل كل شيء و اهو لينا كم سنه بنقول المنظمه لازم تتسجل و تشتغل، بس البيهمني انه هل تجميع مبالغ باسم دار المايقومه مثلا كما ذكرت اعلاه حا تتاثر ولا لا بالبند الجديد
انعام اقري كلام اخونا نعيم ده بي مهله حبه و باقي الاخوه الركزو علي الدور الايجابي للمنظمه
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: شول اشوانق دينق)
|
| Quote: صديق الموج مالك نفسك قايم كده ياخ |
شول يا حبيب انا اكره الدكتاتوريات والاوامر من زول يفتكر
نفسه يملك الناس كان ممكن بكرى بدل ممنوع الكتيرة ومسيخه دى
يكتب رجاء يقول فيه بما اننا بصدد انشاء زفت خيرى ولكى
لاتتشتت الجهود الرجاء وضع يدكم معنا من اجل ان يكون العمل
كبير او اى نوع رجاء ممكن نقبله لكن بطريقة انا سيد المنبر
وطظ فى اى زول انا بفتكر دى ما طريقة معامله،،،
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: Rihab Khalifa)
|
يا بكري ..
عشان ما تخلي الموضوع عائم ساي كان توضح الخطوط العريضة للمنظمة قبل إصدار هذا القانون ..
لأن مشاركة الأعضاء وأرائهم سوف تكون لها فائدتها وخصوصاًأن المنظمة ح تكون بإسمهم ولا ننسى بأن هناك قانويين في المنبر ح يفيدوك في سن قوانينها ..
يا انعام ..
ربنا يديك الصحة والعافية أنت وكل الذين يعملون عمل الخير ..
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: معتصم دفع الله)
|
Quote: انا اكره الدكتاتوريات والاوامر من زول يفتكر
نفسه يملك الناس كان ممكن بكرى بدل ممنوع الكتيرة ومسيخه دى
يكتب رجاء يقول فيه بما اننا بصدد انشاء زفت خيرى ولكى
لاتتشتت الجهود الرجاء وضع يدكم معنا من اجل ان يكون العمل
كبير او اى نوع رجاء ممكن نقبله لكن بطريقة انا سيد المنبر
وطظ فى اى زول انا بفتكر دى ما طريقة معامله،،، |
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: Rihab Khalifa)
|
العزيزه رحاب
والله افتقدناك يا غاليه
Quote: بس البيهمني انه هل تجميع مبالغ باسم دار المايقومه مثلا كما ذكرت اعلاه حا تتاثر ولا لا بالبند الجديد
|
ما حاتتاثر اطلاقا يا رحاب
وهذا بعد سؤالي للريس شخصيا
سيواصل بورداب (اي مكان) تجميع مبالغهم بالصوره التي يقومون بها
ثم بدل من ارسالها باسم شخص يقومون بارسالها لحساب المنظمه
ثم اقوم بتسليم المنظمه قائمه باحتياجات الدار
علي ان يصرف (المبلغ المحول لصالح المايقوما) حسب ضوابط المنظمه
وماتبتدعه من اليات..
نفترض انه في مبادرة لعلاج شخص مثلا..
والمبادرة كانت من بورداب (كوالا لامبور) مثلا..
نفترض انهم اتلاقوا في (غدا) مثلا وجمعوا من بعض القروش
يقوموا في بوست المبادرة الاصلي يجيبوا ايصال التحويل لصالح المنظمه
وناس المنظمه ملزمين بعمل كشف حساب لقروش الناس ديل في نفس البوست بتاعهم
يعني العمل مستمر بس ... بصورة منظمه..
اعتقد ان المنظمه ستكون استمرار للمبادرات الخيريه
ولن تكون خصما عليها
وحتي تطضح الامور
تعالوا نقدم الفال الحسن
وبكرة احلي..
والهدف واحد..
والله من وراء القصد
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: naeem ali)
|
Quote: اعتقد ان المنظمه ستكون استمرار للمبادرات الخيريه
ولن تكون خصما عليها
وحتي تطضح الامور
تعالوا نقدم الفال الحسن
وبكرة احلي..
والهدف واحد..
|
أتفق مع كلمات نعيم أعلاه
كنت من الذين أشرفوا على قيام المنظمة
وكنا قد ناقشنا هذا الأمر قبل ذلك كثيراً
ووجدنا انه لا مناص من قيام المنظمة
حتى تساعدنا في ترتيب العمل الخيري
وجهزنا تقريباً معظم مطلوبات قيامها
مشغولياتنا هي التي حالت دون مواصلة ذلك المجهود
لذلك ارجو من الأخ بكري والنفر الكريم الذين ساعدوه
في ذلك في ذلكم الوقت ان يسرعوا بتسجيلها وفتح حساب لها
وانعام حيمورة انتِ على رأس أولئك الذين كانوا يسعون لقيامها
نسرع بتسجيلها لنتلافى الضرر الذي قد يحدث من جراء توقف تلك التبرعات
وحتى نخرج من هذا النفق الذي نحن فيه الآن
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: انعام عبد الحفيظ)
|
Quote: يا بكري ..
عشان ما تخلي الموضوع عائم ساي كان توضح الخطوط العريضة للمنظمة قبل إصدار هذا القانون ..
لأن مشاركة الأعضاء وأرائهم سوف تكون لها فائدتها وخصوصاًأن المنظمة ح تكون بإسمهم ولا ننسى بأن هناك قانويين في المنبر ح يفيدوك في سن قوانينها ..
يا انعام ..
ربنا يديك الصحة والعافية أنت وكل الذين يعملون عمل الخير ..
|
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: كمبورة)
|
Quote: وأعتقد أن ما دفع بكري لنشر هذه اللائحة
هو أن حركة الأموال النقدية في العالم أصبحت محل رصد كبير من قبل السلطات (وذلك يتضمن الشخص المحول والشخص المستفيد) فيما يعرف بقوانين مكافحة غسل الأموال Anti Money Laundering،
وقد شمل ذلك مراقبة حركة الأموال بما في ذلك منظمات العمل الخيري، خاصة بعد توجيه اصابع الاتهام لبعض منظمات العمل الخيري الشرق أوسطية فيما يتعلق بتمويل الإرهاب،
وأصبح العمل الخيري الذي تصحبه حركة أموال نقدية عبر التحويلات الداخلية والخارجية Money Transfer يحتاج لترخيص من السلطات المعنية،
وبما أن الموقع يدار من أمريكا وبعض الأعضاء مقيمين هناك، والكلام يشمل أيضاً المقيمين بدول الخليج وأوروبا، فإذا صاحبت مجهوداتكم المقدرة استجابة من إدارة الموقع بتقنين الجهود ووضهعا في الإطار الرسمي فهذا يعد مكسباً كبيراً للمتبرعين والمستفيدين من العمل الخيري والقائمين عليه ومن ثم لإدارة الموقع.
|
يا جماعة كدى براحه أقروا كلام العوض الطيب دا وهو عين العقل
نسرع بتسجيل المنظمة حتى نستطيع مواصلة أعمالنا الخيرية
وبعدين ما ننسى انو كل التبرعات دي عبر موقع سودانيز اون لاين
بعني إدارة الموقع ليها الحق في تنظيم التبرعات معانا
| |
|
|
|
|
|
|
|
|
 Re: بعد دا نبقى ناس فارغة ساااااااي (Re: Elawad Eltayeb)
|
| Quote: والله نفسي أجي السودان وأقابلك شخصياً بس عشان أعبر عن تقديري الكبير لمجهوداتك الإنسانية... وفي زمن الإنسان فيهو ما قادر يكفي نفسو إنت أفسحت للأخرين مساحة كبيرة من زمنك ومجهودك المقدر.. وجندت نفسك لعمل الخير، وإن شاء الله يوم شكرك ما يجي. |
شكرا يا العوض على كلامك دا وهو مشجع جدا
| Quote: هو أن حركة الأموال النقدية في العالم أصبحت محل رصد كبير من قبل السلطات |
وهنا في السودان كذلك .. لذلك دوما نسعى لايجاد جسم رسمي ..
| |
|
|
|
|
|
|
|
|
 Re: بعد دا نبقى ناس فارغة ساااااااي (Re: مزمل خيرى)
|
| Quote: الريس والله اتلوم معاك لوم شديد |
يا أبو جوان ..
عارف بكري ما تلوم معاي والله ..
لكن اتلوم مع :
المباردات التي يقوم بها اصحاب القلوب الرحيمة
الصندوق الخيري ..
دعونا نتبنى شي (عمران وباقي الخيرين ) ..
صندوق الامارات لدعم اطفال المايقوما ..
صندوق الدوحة لدعم اطفال المايقوما ..
صندوق الخير ..
اتوم مع ديل كلهم ..
المسألة بالنسبة لي ما شخصية .. ابدا ..
العمل العام .. العمل الخيري
هو الاهم ..
لانو (بنستفيد منه) قول لي كيف يا أبو جوان ؟؟
بنستفيد انو .. راضين عن نفسنا .. راضين عن ما نقوم به من خدمة للمجتمع للمرضى المحتاجين وللايتام ..
مستفدين (بمحو) أخطاءنا وغسلها .. بحبة الحسنات الراجنها من الله ..
والله كريم ..
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: السمؤال بدرالدين)
|
Quote: ولما دموعي غسلت وشي .. قمت بحذف كل الكلام ..
وغلبني تاني جيت فتحت دا .. |
نعومي
و الله دموعك دي غالية شديد و ألمني ألمك يا حبيبة..
لكن إن شاء الله تكوني نلت بيها حسنات زيادة يا أم قلب دهب..
أنا برضو استغربت لما قريت القانون دا ..لكن تاني استدركت بأنو يمكن يكون أفضل ..أكتر شيء للقائمين على الأمور دي و انت أولهم
لأنو الشغل المنظم بيحمي الناس حتى من التعليقات البايخة أو الاتهامات المغرضة..
فتوكلي على الله و أنا باقترح انو بكري يخليك انت و انعام عبدالحفيظ و نعيم علي مشرفين على شغل المنظمة دي في السودان ..
و ربنا يوفقكم و يجزيكم ألف خير على تعبكم و نيتكم الطيبة
| |
|
|
|
|
|
|
|
|
 Re: بعد دا نبقى ناس فارغة ساااااااي (Re: Sana Khalid)
|
Quote: نعومي
و الله دموعك دي غالية شديد و ألمني ألمك يا حبيبة..
لكن إن شاء الله تكوني نلت بيها حسنات زيادة يا أم قلب دهب..
أنا برضو استغربت لما قريت القانون دا ..لكن تاني استدركت بأنو يمكن يكون أفضل ..أكتر شيء للقائمين على الأمور دي و انت أولهم
لأنو الشغل المنظم بيحمي الناس حتى من التعليقات البايخة أو الاتهامات المغرضة..
|
بتفق مع ما ذكرت سناء خالد أعلاه
انعام يا حبيبة دموعك غالية غالية
وانا بعرف دوافع كتابتك للبوست دا
بعرف خوفك على وقف الأعمال الخيرية دي ولو لساعات
ولكن هو ليس وقف لها بل تنظيم وترتيب أفضل
ياريت توقفي ردود وكتابة وتطلعي من المنبر شوية
وتفكري بهدؤ في الموضوع دا
عشان تقدري تشوفي الزاوية التانية ليهو
يا إنعام ما تخلي الغضب يعميك
إنتي وبكري وكلنا نسعى لإسعاد الإنسانية
والنية زي ما بقولوا زاملة سيدها
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: انعام حيمورة)
|
يا إنعام،
معليش،
أنا عارفة الموضوع ما ح يتفهم إلا بعد ما تتناقشى مع سيد الحوش،،
أنا ما قابلت بكرى و لا فهمت منه،
لكن من كلام نعيم،
الكلام واضح،،
هو لا يمانع عمل الخير،
فقط يريد تنظيمه،،
ياخى يمكن داير أجر معاكم،،،
أفتكر لا داعى للتعجل و إصدار الأحكام،،
الصبر،، الصبر،،،
إذا بعد كدة، الموضوع ما نفع معاكم،
فى مليون حل و حل زى ما قالوا الاخوان،،،
كإضافة بسيطة،
أتمنى أن تخصص التبرعات فى الجمعية للهدف الذى جمع له،،،
أو عندما يتم التبرع من قبل فرد ما،
أن يحدد لعمل خير معين أو لحساب مفتوح،،،
وأى موضوع قابل للنقاش،،
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: محمد عبد الماجد الصايم)
|
الغالية
انعام حيمورة
بالضبط البند الجديد في اللائحة ما فهمت من وراءه معنى مؤسسة خيرية
لكن لظني الجيد باتلاخ بكري اعتقد ان ثمة ما يطور العمل ينشده وليت
بكري يتدخل هنا لتوضيح وجهة النظر التي استند عليها لايقاف التبرعات
عدا على مؤسسة تحت الانشاء .
بكل تأكيد احترم كل مجهوداتك ومن خلالك والزول الزين دكتور حيمورة واشراقة
وكل من عرفت من آل حيمورة كنت اراهم ولازلت وةسأظل بحول الله مؤسسات خيرية
تتحرك بين الناس والغلابة وهي مهمة الانبياء والخيرين من امثالكم حقا هنا
اتوقف واقول بالصوت العالي يابكري ابوبكر إلا آل حيمورة وسلمتم للخير اهلا.
...................................................................حجر.
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: فادية اليمني)
|
انعام اذيك وربنا يقدرك على البتسوى فيهو دا
غايتو مع اللوائح الجديده دى الا تعملوا ذى مخرج فلم اللمبى , اللى بقولوا انو كان عندو مشاكل مع كاتب السيناريو , ولمن جاء يعمل فلم اللمبى 2 , بتاع السيناريو احتج على التسميه
فقامت الشركة المنتجه غيرت اسم الفلم وسمتو (اللى بالى بالك )
وبالطريقه دى كل مايكون عندك حالة بتستحق الدعم , ممكن تفتحى بوست وتمسميهو (اللى بالى بالكم يابورداب )
| |
|
|
|
|
|
|
|
|
|
Re: بعد دا نبقى ناس فارغة ساااااااي (Re: المسافر)
|
أختي انعام تحياتي وانتي تسعين للخير دوماً..
قرار توحيد العمل تحت مظلة منظمة خيرية جديدة بسودانيز اون لاين قرار صائب وفيه تنظيم كبير للعمل ..
اهم شيء المنظمة تكون في حسبانها كل الاسس التنظيمية المستوحاة من منظمات خبيرة خيرية ..
وحقيقي ح يكون فيه راحة كبيرة لنا من جهد فردي متفرق الى جهد جماعي منظم ..
التحية لك وللأخ بكري ابوبكر ولكل له اهتمام بالعمل الخيري ..
| |
|
|
|
|
|
|
| |
انعام حيمورة
حاتم شناب
osman righeem
عمران حسن صالح
احمد محمد بشير
Yassir Tayfour
سارة علي
ماضي ابو العزائم
محمد عثمان محمد طه
قاسم المهداوى
heba Elmahi
Amin Mohamed Suliman
مزمل خيرى
ALZOLZATOO
ياسر بيناوي
سيف الدولة كامل
صديق الموج
العوض المسلمي
Elawad Eltayeb
SHIBKA
naeem ali
Rihab Khalifa
شول اشوانق دينق
معتصم دفع الله
انعام عبد الحفيظ
كمبورة
السمؤال بدرالدين
محمد عبد الماجد الصايم
الرفاعي عبدالعاطي حجر
فادية اليمني
عمار عوض
Rawia
المسافر
Mohammed Ibrahim Othman
فيس بوك
تويتر
انستقرام
يوتيوب
بنتيريست