|
Re: معرض رسومات ( محمد ) وليد محمد المبارك ( الثاني) (Re: حنين للبلد)
|
Quote: يعني هسع الشخبته دي بتجسب قروش لي قدام؟ |
ود محمد المبارك ** قروش ساكت ,, دى ثروه ,, بس ربنا يختيهو ناس الضرائب والزكاه والجبايات والمحليات والله يجيوك ناطين كأنهم ربوهو معاك ويشاركوك بس تقول لاعبين فى تربيزة قمار ويعملوا فيها أنهم أصحاب الفضل .. ** ياحبذا لو تم طباعة هذه الاعمال على ورق خاص مصقول - ** ياخوى إهتم بموهبة محمد طالما مانحنا مالامين فى قسمة سُلطه وثروه ,, خلى الثروه الفنيه تنمو.. (ودام الود بيننا) (ابو محمد فؤاد)
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: وليد محمد المبارك)
|
ما شاء الله طالعين لأبوهم كمبيتر فاميلي
بتفطّرهم سيديهات محشية؟
ههههههههه
بجد يا وليد جيل ولدك دا كله بيحيّر عديل كدا
الواحد يحرّك الماوس زي كأنّه بيحرّك قلم
أمّا نحن الواحد يرجف كلّه وتجيهو قطيعة لو حاول يعمل خط مستقيم بالماوس
بالله تابعهم كويّس وما بنوصي والد على أولاده لكن حاول تدخّلهم امتحان مدارس الموهوبين
فيها إمكانيات هائلة وبيدعموا توجهات الطفل بصورة علمية قلّ أن تجد مثلها في المدارس الحكومية العادية
مدارس العملة الصعبة دي ما عندي عنّها خبر إحتمال يكون فيها نفس الدعم ولا لا
غايتو أفتح المخدّة يا وليد واخمش من الأخضر أو عيون خضر
هههههههههههه
نتمنى نسمع عنهم كل خير
كمال
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: Frankly)
|
فرانكلي يا صديق
صدقت والله بتعاملوا مع الماوس بصورة غريبة ياخ ما شاء الله بجر الخط المستقيم لمن انا ببقر
مدارس الموهبين اعتقد انها تبدئ من الصف الثالث هو ما شاء الله متفوق لحدي هسع الاول كان في الصف الاول لكن الصف الاول ما مقياس نبوغ هو الان في بداية الصف الثاني وامه مشكورة مجتهدة معاهم الاتنين بصورة كثيفة ربنا يعينها ويجزيها خير لو واصل تفوقه الاكاديمي مع ملكاته الفنية وموهبته مدارس الموهوبين محمداه
تسلم
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: AnwarKing)
|
مرحب يا انور كنق يا جيل
Quote: بعدين شوف ليهم نادي ولا رابطة رسامين في سنهم على النت... |
انت عارف انا لسع ما طلقتهم في النت بيدخلوا النت شوية شيوة وتحت اشراف ولدتهم وفي الاغلب بنزلوا رسومات كركاتيرية ابيض واسود ويحولوها الرسام ويلونوها
شوية كده وبنطلقهم في النت
هاهاهاهاهاهاهاها
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: سارة علي)
|
Quote: معرض رسومات ( محمد ) وليد محمد المبارك ( الثاني,,,)
|
أنتو بقيتو ملوك والله شنو ياوليد? شنو حكاية محمد وليد مبارك "الثاني" دي ? والله هي "ال" ثاني ? .. عارفك طبعا تقصد المعرض التاني ... غايتو الله يستر عليهو من الجماعة ما يقوموا يجاهدوا فيهو: الرسم حرام والتصوير حرام!! والله يخففوها شوية ويقولوا خليهو " يحجب" البنات اللفي الرسومات ديل ومايروج للتبرج والسفور!! - ربه يخليه ويحفظو ليكم ...
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: حيدر حسن ميرغني)
|
ما شاء الله تبارك الله
الود دا حيطلع فنان تشكيلي خطير لو نميت ليه موهبتو دي.. وما عنده اي احساس ي فرق بين المرأة والرجل يعني ولد (جندري) الا كان مركب القرصان كله رجال وماكان رسم سارة على مغزوزة جنب الغرصان..شغالة هاكنق للبحر مع الغرصان ودي نظرة متقدمة جدا للنوع
وشهودة الشفتة حتطلع ست بيت ممتازة
والاثنين اطفال اسوياء وسعداء..
(الناقدة بيان)
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: سفيان بشير نابرى)
|
ماشاء الله ربنا يحفظهم ملامح موهبة حقيقية ........
الحمد لله عندي اولاد ربنا يحفظهم موهوبين جداً في (الخراب ....) او كما يقول طلال ذو السنتين (عملنا خرابات ...)
الكبير فيهم (عبدالرحمن) 2 اساس قبل كم يوم قال لي نفسي القي مليون دولار قلت ليهو ح تعمل بيها شنو ؟؟؟
قال لي ح اديها زول اقول ليهو اشتري المدرسة بتاعتنا دي واقفله !!!!!!!!!
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: د.نجاة محمود)
|
(الخرخرة بتبدا لما يبدا يستخدم اداة الرسم في خرق القوانين وما يوظفهابصوره بناءة لاسعاد الانسانية واثراءها)
مافى زول فى هذا المنبر بيحب المشاكل زى عيونو زيك يادكتوره.
هو تاريخ "الرسم" بل والفن عبر التاريخ شنو غير مسيره من خرق القوانين!
ولو ماالمشغوليات لمثلنا بالتفصيل الممل.
وبعدين ماهى "الانسانية"؟؟
يعنى ولد وليد مبارك "بى طريقتو دى" لو لإستمر فى تفعيل ملكة الابداع فيه وإنحاز "للإنسانية" أنتى وابوهو شربتو موص.
مره تانية أقمع الود ده قبل مايتجنن ويدخلك فيما لاتستطيع أن تحمد عقباه...الولد ده مشروع فنان.
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: Khalid Kodi)
|
Quote: مره تانية أقمع الود ده قبل مايتجنن ويدخلك فيما لاتستطيع أن تحمد عقباه...الولد ده مشروع فنان. |
وصلت الرسالة يا كودي وحا اعتني بيه عناية خاصة في الاخير رغم اختلافنا على مضامين رسوماتك .. لا نستطيع ان نطعن في قيمتها الفنية ( الفنية بس )
عندنا زول معرفة ربنا يرحمه .. ربى اولادو كلهم تربية حسب مقايسنا عظيمة الا في ولد واحد من اولادو نمرة اربعة فيهن رباه بطريقة مختلفة جدا خلاف اخوانو كلهم حتى الناس علقت وقالت ليه ولدك ده طالع قليل ادب
رد وقال : انا عاوز واحد من اولادي يطلع قليل ادب الدنيا ما معروفة
اها يا زول ما عندك مشكلة انا عاوز واحد من اولادي يطلع مستنير عشان لمن اجي اغالطكم بعد 20 سنة اقول ليكم استنارة شنو البتعرفوها !!! نحن حتى المستنيرين ربيناهم
اها شنو ليك
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: Khalid Kodi)
|
يا شفت الشغلانه دي قالو بترطب بي الفنانين وابائهم لوووووووول عليه نوصيك بالتركيز علي الجانب الاستثماري في الموضوع الشفت ده لازم يعمل ليك معرض معرضين باسرع فرصه تسقيه قهوه وتساهر بيه الليل ههههههه لازم يرسم ليه 600 لوحه علي الاقل مافي حاجه اسمها يا ابوي نعسته البلد ماشه قافله اخير تحصل بيه شويه الخواجات الوهم الحايمين اليومين ديل ديل طبعا كان شخبطته ساااكت بطلعو ليك اسم للوحه وبقولوا ليك ما الرسام كان قاصد كده
فهمتني يا عمك
اييييه الموضوع ارباح وما شابه (وش بشبه وش المتعافي)
سريع سريع خلينا نحصل السوق لووووووووووول
ــــــــــــــــــــــــــــــــــــــــ تحياتي للشفت الصغير ولي قدام بالتوفيق
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: Khalid Kodi)
|
خالد كودي !!!
والله الود النكتك من خلوتك ده موش خياله خصب .. ده فكي عديل كده
اول شي اخبارك انت وحرمك واخوك ( زملاء المنبر )
تاني شي
Quote: نصيحتى ليك تلملم منو أى حاجه عندها علاقه بالرسم والابداع من هسع، لأنو لو إستمر بالحاله دى إنته ماحاتستحمل وستبدأ الخرخره. |
ما تخاف يا معلم نحن حا نعلمه اجادة الرسم والتشكيل عشان يغتي اي صورة ما عاجباني بطريقة فنية
اها كده كيف معاك
خرخرة اصلوا مافي
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: سفيان بشير نابرى)
|
سفيان بشير
الضُل الضُل يا زول
Quote: بعدين محمد ده جد رسام بس ما تخليهو يعتمد علي الرسم الاكترونى كتير خليهو يجرب طرق تانية برضو. |
برسم كتير على الورق يا سفيان وطوالي انا في حالة لامي لي ورق ابض من المكتب ومدبسو وموديه البيت ليه ولي اختو اختو في الرسم على الورق - حسب نظرتي الشخصية - ابعادها افضل منو حا انقل هنا رسومات ليهم الاتنين في ورق
بالمناسبة شخبت الحيطة حقت الشارع بعد ما ضربناها جير جديد حا اصورها برضو
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: شول اشوانق دينق)
|
وليد يانقي الدواخل
Quote: امييييييييييييييين يا نادية
ويعلي مراتبك انت كمان وكمان |
ويفرحك بعيالك يارب وتشوف محمد أشهر من دافنشي وبيكاسو
وتشوف شهد أشهر من سميرة دنيا ( مشهورة سميرة وغناية ياخ )
Quote: ياخ انا قاشر بيك كله ما افتح هارموني اقد ناس البيت اقول ليهم البت دي صحبتي |
وأنا ذاتي قاشرة بيك عشان إنت إنسان جميل ومحترم وقلبك نقي وقاشرة بمحمد ولدك وكل ما أشوف رسوماته بقول لناس بيتنا
حمودي التشكيلي ده ولد وليد صحبي العزيز وشهودة دي بتو .. شفت كيف ؟
| |
|
|
|
|
|
|
Re: معرض رسومات ( محمد ) وليد محمد المبارك ( الثاني) (Re: naeem ali)
|
ياشفت
صدقنى تعبت.....بعدين بظلاميتك دى الشباب ديل حيطقعو ليك عادى لانو ناس البينتيق ديل صعبين... بكرة ما نسمع بيك حلفت الا يقرو طب ولا هندسة..وتكون ضيعتهم الاولاد ديل عدل على كلية الفنون الجميلة...
ربنا يخليهم ويحفظهم ويبعد منهم الظلاميين..
هاها ها ها هاها ها ها
| |
|
|
|
|
|
|
|