|
Re: الطريق الي ( جبنة بت ابراهيم ) .. تصحبكم السلامة ... (Re: عزام حسن فرح)
|
سلام الله عليكم .. قرأت في بوستٍ ما , في هذا المنبر , قبل ايام بأن ( بت إبراهيم ) بقت بترد بكلمة أو كلمتين بعد كتابة هذا البوست , وفي الحقيقة , هذا البوست , ليس مكتوب , بل مرسوم ( بالمزاج ) المعطون في القهوة ..... ليها حق يا ناس ! دي قهوة بتلب من الشاشة لرأس الخرمان ... هناكم الله ... و قهوة دائمة إن شاء الله .
| |
|
|
|
|
|
|
Re: الطريق الي ( جبنة بت ابراهيم ) .. تصحبكم السلامة ... (Re: عماد الشبلي)
|
بِت الهنا ...
Quote: يا ناس قطر عندكم وظائف اليومين دي؟ |
أصلو ماف فِجه في الدُنيا دي ما فوقا < وظائِف > الما بِكون في < القِسمة > بس أها القِسمة بِتدورلا < دفره > وأنا أخوك بدفُرا ليك ... أها دايره تِشتغِلي شنو؟
ساعلك يا رب العِباد تنجح مساعينا ... القِسمه والنصيب شوقا أكان تقدر تلاوينا ... تسعد بِت الهنا وتفرح وتمسح بلاوينا ...
| |
|
|
|
|
|
|
Re: الطريق الي ( جبنة بت ابراهيم ) .. تصحبكم السلامة ... (Re: BitAlhana)
|
Musuem معليش يا عِز أمسحا في وشنا ... بِنرضيك بس إتْ أصلنا
أخونا عزام لك التحايا حقيقى معجب بطقوس قهوتكم ( جبنتكم )المصورة بس يومى داك ما كان عندى كيبورد عربى عشان أعلق أها ربك رب الخير و أنا ببحلق فى التفاصيل المصورة كان ألق ليك( ميوسيم )دى فقلت يا ود ( من رأى منكم منكر.....
عميق التحايا ليك و للمصور الشبلى
| |
|
|
|
|
|
|
Re: الطريق الي ( جبنة بت ابراهيم ) .. تصحبكم السلامة ... (Re: عماد الشبلي)
|
ود الشبلي ...
Quote: عوزين عزام يورينا المقادير لهذه الجبنه العحيبه .. |
أكان لِضيفين تلاته نقول ليك المقادير ... جيب ورقة وقلم ... أكتِب عِندك : (1) خمشه < محنه > (2) معلقة كبيرة < حُب > (3) صوطُم في < عرق الغلابه > وخليهُم يِغلو فوق نار < البُعاد > (4) صُب القهَوة في < طين > < اللمه > (5) ما عليك ... بِتِتصدى < الليفة > لِـ< تِفِل > القهَوة أشفُط < جُغْمه > وأرجع لِورا ... أحكيلي عن يِمه ... عن بلدي ... عنك ... عني كَوني إني < سوداني > ... أكان سيت ده بِتصل تب ... إنشاءالله تنفعك قول آمين ...
| |
|
|
|
|
|
|
Re: الطريق الي ( جبنة بت ابراهيم ) .. تصحبكم السلامة ... (Re: عماد الشبلي)
|
ودالشبلي ...
Quote: اما مقاديرك انت يا عزام ..معروفه .. وموصوفه ما بين المحنة والحب,,, وزاك الشعر ( البكاي ) |
وباقيلك مقاديري هَـيْـنـييييي
شِنْ مُصبِرنا غير المحنه لِزولي السادا ... نِتقَرَيف نشرب جبنةً سودا ومَقَنن وسادا ... قالـي : في المحنه يوجـد كذلِك سـادا ... يِـمْـه شوفي كيف بللن دِموعي وِسادا ...
| |
|
|
|
|
|
|
|