للذي يكتب لعمر فضل المولى

Quote: الاخ / عماد الطيب تحياتي يا اخي انت وقت ما بتحمل العصر بتخش شمال مالك ؟؟!! هسع في داعي لي الحركات بتاعتك دي بكرة بتعلم ؟؟ طيب انت منتظر بكرة مالك ماتقدم دروسك الان وتعلمنا يا معلم الخيار؟؟ كان مفروض تدخل هنا وتتحدث في موضوع البوست اذا كان الكاتب عمر او غير عمر تحلل الكتابة وتبرز الدليل على صحة مزاعمك . لكن تتداخل ساكت كدا وتخوض مع الخائضين الكلام داعيب عليك وعواقبه هتر انت ما بتتحمله عشان كدا قلت ليك مية مرة ارعوي وتداخل في اي حاجة بعقل مفتوح وتجرد بعيدا عن الغرض . والا مرحب باي حاجة لكن بس تحمل البتجيك اصلا انا ما فارقة معاي كتير ايضا بخصوص بكرة بتتعلم وحركات نص كم دي شغل مهبب صراحة لان كلام ساكت مافي اي دليل الامر الذي جعلني اعتبره هتر لذلك تعاملت معك من هذا المنطلق ؟؟ ختاما اذا كتب شخصي اي كلام عليك بالتداخل وتحليله وتفنيده واحدة واحدة باحترام وموضوعية وسلط الضوء على الخطأ . هذا اذا كنت تقصد الاصلاح والحق اما ان تداخلت باي طريقة غير ذلك فتاكد باني سوف اتعامل معك بهذه الصورة . وشكرا