(البيت السوداني) بلاهاي - هولندا، جسم عميل للسلطة المتهالكة / محمد عثمان عوض

Quote: انا لا من البيت السوداني ولا من هولندا ولا موظف في سفاره ولا كوز وشاركت في التظاهرات ولا في اموال وزعت لي ولا وعدوني بقطعة ارض ولا شفت استماره بعيني بتاعة قطعت ارض ......... مليون علامة تعجب جبت الكلام ده من وين ....................مليون علامة استفهام شوف انت عممت الشغله لاي زول شارك وما بقبل تجيني باجابه انه وزعوا لناس ولناس لا انا داخل البوست ده بس علشان النقطه دي لانها بتمسني شخصيا وباقي كلامك ونقاطك الاثرتها دي مابتهمني ولا داير اناقش فيها . الكلام للزول البرسل لك الايميلات يا رأفت ما موجه لك .

الكوبى سلام قدر الليلة وبكرة .. وشوق عمر ..

كلامك زين رغم إختلافنا .. ما فى الموضوع الطروح هنا .. إختلافنا فى تجريم البشير .. وده نقاش إختلفت فيه مع كتير من الشرفاء .. الذين ينظرون من منظور آخر .. مثل الكرامة والسيادة .. ما عندى إعتراض على الموقف الوطنى هذا لأنى أعلم نابع إنه من سودانية أكيدة ووطنية أصيلة .. ولكن من هو أول من سلبنا كرامتنا وسيادتنا وحشر لينا القزازة .. أليس هو البشير ؟؟؟ .. من هو من حمانا ومنحنا اللجوء والأمان .. ورفع قضينا عاليآ أليس هو المحتمع الدولى ؟؟
يجب أن نحترم المجتمع الدولى وقراراته التى إعتمدناها بدون تردد .. والبشير ليس أول مجرم طلبته العدالة الدولية .. التى صفقنا لها فى حماية البوسنة وألبانيا .. لماذا نحس بأنها مكيدة وتارات الدفاع الشعبى لا تزال فى الجنوب والدماء التى أراقها الجنجويد لم تجف بعد .. ده غير قزازة نافع ودم التاية وعلى فضل ..

أما عن موضوع أخى محمد عثمان ليس "إيميلات" .. بل هو شخص موجود بشحمه ولحمه وكتبت عنوان مصدر المقال .. ونقلته هنا إمتداد لموضوع تم فتحه عدة مرات .. وتم تجريم صديقى طارق أبو عبيدة والتشهير به ..

أنا لا أستطيع التعليق فلم أكن فى لاهاى ولا أعرف البيت السودانى .. ولكن محمد عثمان عوض يكتب عن وقائع بأماكنها وعن أناس بمسمياتهم .. فمن يكذبه يرد عليه هنا أو هناك .. وكلنا عقول ..

طبعآ أصدقك فى قولك:

Quote: انا لا من البيت السوداني ولا من هولندا ولا موظف في سفاره ولا كوز وشاركت في التظاهرات ولا في اموال وزعت لي ولا وعدوني بقطعة ارض ولا شفت استماره بعيني بتاعة قطعت ارض ......... مليون علامة تعجب

ولكن أخاف أن تكون إتملحت وما جايب خبر