لقراء وقارئات المنبر العام غير الأعضاء ...... معرفة رأيكم تهمنا

Quote: وايضا الاستاذ محمد المرتضى حامد صاحب بوست" ناسنا" المميز جدا

Quote: سلام لي ناس زي اهلى وسلام لى الخاله دومه القلبها ما قاسي .. وسلام لى كل زولا طيب . وسلامى يقشاك يا سناء خالد يالسمحه يا ام خصالا طيب .. سلام عليكم يابنات العباسي يا بنات دار جعل ديل اهلنا وتاج راسنا.. واذا جينا للزوق تعالو شوفو امانى الامين فى الظرافه .. سلام يغشاك يا عزاز شامى ال على الكلام الزين ما بتتلامى .. سلام خاص لى ست الفريق تماضر شيخ الدين يالسمحه أم ضميرا حي .. سلام ومعاهو شكيه للدكتوره بيان وآآآ( واسفاي وا ماساتي)والعكاكيز الشيلاها تزرب لها زريبة بهايم (معليش اذا عصرته عليك شويه سلام وشوق ) سلام شديد لى ناهد بشير الطيب وكضاب يازوله البقول ليك متيلْ .. سلامى الحار للفارسه أم قليبآ طيب انعام بت حيموره يا ست الكرم والجود.. سلام للفنجريه وضاحه يعلم الله مشتهى كتابتك الرزينه وسمحه .. سلام .. سلام .. على اطيب الانام بنات خوجلى .. وسلاما زائد ما ناقص لى أختى ناديه عثمان وبدور اقول ليها نحن وامهاتنا مشهورات بالخجل .. وسلامى الكثير للدكتوره ست الاسم باقى منبركم مليان بالدكاتره . سلمى على ابراهيم الخرطوم - الطائف

Quote: شيقوق الرزين في طبعو دائما ... واصل

(عدل بواسطة الطيب شيقوق on 04-23-2009, 06:11 AM)

Quote: سلام زي ريحة الدعاش لينا وليكم وللجميع اختلفوا باقلامكم فقط وصيتي ليكم كزول مدمن للموقع بس قولوا جادلني من غير زعل لكن بس لقيتكم تحبوا ال.............. شديد خلاص والله الحركة شينة منكم بالجد شنو دي بقولوا ليكم بكرة طارق جبريل رجاء خاص بلون البنفسج انك تكمل المسلسل دا نادر ياخ حرام عليك انت اتفاقية توقع عليها وتتملص منها ليه اتفقت مع تراجي اتفاقية التلفون الشهيرة وشهد عليها اغلب قراء المنبرواهم بنود الاتفاق السرية تحييد بقال هانيكان حتي يكون بعيدا عن قندهارمعقل الجلابة والامنجية حيث تتم اغلب عمليات التجنيد فيه لكن الاتفاق دا انت اتملصت منه لانو للاتي والله مابقولهم ليك الا لو طالبت بعودة تراجي هههههههاي والله انتو احلي ناس انت كنت بوجود تراجي كده وهسه برضوا كده ههههههه كمال علي الزين انت مولود وسط احرف الدهشة والبساطة ظني فيك كدا قزز لينا بتاعين الدقون ديل تاني ((غزارة في الانتاج وسوء في التوزيع )) هههههههه ((بشتنة ورقاد وطا )) وتاني هههههههه حمور زيادة انت رائع بروعة ال......... وكفي د.نجاة تعجني فيكي انك تقولي للاعور اعور اشراقة مصطفي اقول ليكي حاجة انتي اديتي قوس قزح لون ثامن يا طعم الاندهاش ادفقي زي ما انتي عايزة وبس ما زي ماهم عايزين لحظتها تكوني صادقة مع نفسك

Quote: الاخ ناذر السلام عليكملك الشكر على عرض كاركتيرى الاول الهملة الوطنية...بالجد لقد كان دفعة معنوية هائلة لى ان ارى احد اعمالى يعرض بمنتدى سودانيز اونلاين و الذى اعتبر مجرد سماحكم لنا بمراقبته من على البعد شرف لا يعادله شرف....قمت بحفظ كاركتيرى الثانى عن الضربة الاسرائيلية لشرق السودان بصيغة jepgو اتمنى ان يكون تحميله اسرع قليلا...اخى ناذر ارجون ان تتكرم بعرض عملى هذا ببوست منفصل تحت اى عنوان تشاء ربما فنان مغمور او كاريتريست سنة اولى او معارض موجوع او اى اسم تراه مناسبا...لانى احتاج جدا لتوجيهات و ملاحظات الاخرين و ذلك لتجويد عملى و ملء فراغات جبهة مهمة فى توعية و تبصير اهلنا بالسودانكنت فى السابق اقوم بارسال اعمالى لقوائم الاصدقاء ببريدى الالكترونى و كنت بهذا اجتهد فى عرض اعمالى للاخرين و فى نفس الوقت اخاطر بضياع حقى الادبى فى العمل حيث يكون مشاعا و من دون اى اثبات على انى صاحب العمل...لكن من خلالكم حقى مضمون و ان كنت متنازلا عنه طوعا لكم....كنت فى السابق قد ارسلت اعمالى للعديد من اعضائكم و لبكرى ابوبكر و لبريد مجلتكم لكن لا حياة لمن تنادى.........اكرر شكرى الشديد لكم على فتح هذه الكوة التى تمكننا من رؤية بعض الضوء فى ظلام بلادنا الدامس....اخى ناذر اذا لم تتمكن من عمل بوست او ادراج المساهمة يكفينى فخرا انكم شاهدتم عملىاخوكمعلى نور

Quote: سلام لي ناس زي اهلى وسلام لى الخاله دومه القلبها ما قاسي .. وسلام لى كل زولا طيب . وسلامى يقشاك يا سناء خالد يالسمحه يا ام خصالا طيب .. سلام عليكم يابنات العباسي يا بنات دار جعل ديل اهلنا وتاج راسنا.. واذا جينا للزوق تعالو شوفو امانى الامين فى الظرافه .. سلام يغشاك يا عزاز شامى ال على الكلام الزين ما بتتلامى .. سلام خاص لى ست الفريق تماضر شيخ الدين يالسمحه أم ضميرا حي .. سلام ومعاهو شكيه للدكتوره بيان وآآآ( واسفاي وا ماساتي)والعكاكيز الشيلاها تزرب لها زريبة بهايم (معليش اذا عصرته عليك شويه سلام وشوق ) سلام شديد لى ناهد بشير الطيب وكضاب يازوله البقول ليك متيلْ .. سلامى الحار للفارسه أم قليبآ طيب انعام بت حيموره يا ست الكرم والجود.. سلام للفنجريه وضاحه يعلم الله مشتهى كتابتك الرزينه وسمحه .. سلام .. سلام .. على اطيب الانام بنات خوجلى .. وسلاما زائد ما ناقص لى أختى ناديه عثمان وبدور اقول ليها نحن وامهاتنا مشهورات بالخجل .. وسلامى الكثير للدكتوره ست الاسم باقى منبركم مليان بالدكاتره . سلمى على ابراهيم الخرطوم - الطائف

Quote: طارق جبريل رجاء خاص بلون البنفسج انك تكمل المسلسل دا

Quote: الاخ حيدر لك ولكل اعضاء المنبر العام التحية،، والتقدير، بطرح هموم وقضايا الوطن ،، عبر منبركم،، واحى ادارة سودانيزاونلاين دون كم وقائدها،، بكرى متابع وقارى وخاصة القضايا الانسانية والوطنية والرياضية المحلية وثقافة ربط البرامج بالقنوات العالمية وابدا تحية الى كل المساهمين والمشاركين وخاصة من داخل السودان وبرغم تعرضهم لضغوط كبيرة من اجل النضال ومواصلة المشركة بدون اذن مايسمى بالرقابة (الديمقرطية)، واشيد بالمبادرات الانسانية عبرالمنبر العام وتصدى لكل اشكال الارهاب ،، والتعذيب ،، والاغتصاب ،، المنبر قد ساهم فى تدريب كثير من الاعضاء على مواصلة الكتابة وتطويرهاونشرالوعى والافكار بين الاصدقاء فى المنفى الاجبارى والاختيارى .وغير الاعضاء فى التواصل مع هموم الوطن، ولا تخلو بعض الكتابات من المواقف السلبية وتصفية الحسابات الشخصية ،، التى ساهمت فى تزايد المضوعات الانصرافية والغض عن هموم الوطن وحجب القضايا الانسانية والثقافية التخصوصية. اقتراحات:-  أوكد على الالتزام بقوانين المنبر العام ولوائحه لضمان الفائدة القصوى  ربط لغير اعضاء المنبر فى جميع المواضيع وخاصة الفكرية  ذكر المصادر فى الموضوعات التاريخية والثقافية ،، التحية لجميع اعضاء المنبر بمواصلة الفرح الجميل ،، اشكرك حيدر على هذه المساهمه ،، فائق تقديرى لك ،،، طارق ابرهيم/ الدوحه

Quote: الأخ حيدر لك القلب قبل التحية ولك الدمع قبل الإراقة أخي حيدر لك كل نوابع المحبة وتحيات تتأدب عند حضرتك ، أحاول جرة هذا القلم معنادة وتطويع للكلمات ، بس يا ريت اجد لي مساحة عندك فهل لي بمتسع أنا والله مدمن التسكع على صفحات هذا المنبر من عام 2002م وكم احرص على ان اجعله منتفس لي في زمن الزيف الذي ادمى قلوبنا فعلا هذا المنبر بوابة ولوج إلي واقع اجتماعي وسياسسي معافى ، أخي حيدر أنا أتكي على حافة دبوس صدئ اضاجع قضايا تفوق الماسأة حجماً ، كم حاولت وحاولت بواسطة صديق الموج ، عبدالرحمن بركات (أبوساندرا) وبواسطة متوكل توم وكثر كانوا ، أعرف شباب هذا الصرح الإسفيري يفوق عددهم العد ، منهم الأستاذ بهاء الهادي ، نزار يوسف ، الراقية إشراقه مصطفى ، والمبدعه عزاز شامي ، والجندرية ، صديق الموج ، متوكل توم ، الشفيف كرم الله ، اسامه عبدالحليم وكم أنا أحب ان أغوض في منتوجهم بكل ضروبه فهل لك أن تكون لنا مناص ؟؟؟؟؟؟ لو أردت أن تعرف عني لك أن تسألهم عن عثمان احمد صالح إذا كانو خريجي حنتوب أو خريجي باكستان مؤكد احترامي دوما ابو الخاتم عثمان احمد صالح

Quote: From: "[email protected]" <[email protected]> To: [email protected] دعوة للمشاركة في منتدي اماني ريناس منتدى خاص بقضايا المرأة السودانية نخاطبكم لمشاركتنا بدايات تكوين جسد ممتد ليسع كل هموم وتطلعات المرأة السودانية و قضاياها في الريف والحضر و اهم النشاطات الثقافية والفكرية والتربوية الداعمة للوعي العام، والمساعدة والمناهضة لتكوين اجيال واجيال اكثر عطاءً واكثر وعياً في كل ما يتعلق بالاسرة والمجتمع ... وهي مساحة مقدمة لكل النشطاء والمهتمين بقضايا المرأة من منظمات وجمعيات لإبراز وطرح القضايا الخاصة بالمرأة والمجتمع (الامية - النزوح - الفقر - الصحة - العنف - التعليم ... الخ ) ولخلق التعاون بينها وتوضيح ومناقشة العقبات في التنسيق والتنظيم و طريقة المعالجة حتى يستفيد من هم معنين بهذا النصح معا لخلق مجتمع معافى من ادوات الاستبداد وامتهان كرامة الانسان ومصادرة ارادته وحقوقه ومرحبا بكم في موقع اماني ريناس على الرابط http://www.renasonline.com/vb الجمعيات والمنظمات يحق لها بأن تشارك بشكل مباشر أو من خلال ممثل لها سوف يكون هناك اهتمام خاص من ادارة الموقع لكل انشطتها في ملفات خاصة بها http://www.renasonline.com/ خالص التحايا وبالتوفيق للجميع ادارة منتديات اماني ريناس

Quote: رسالة الي الحبيب بكري...... والله ياريس نحنا محتاجين زي ابو شاكوش ده حاجة كدة ترطب المنبر وخاصة الرياضي وخاصة لامن يجوك ناس ود البشري ويقول ليك كاااااااااااااااك او جمال السنوسي ويقول ليك البطيخاب او اجيك انا زاااااااتي واقول ليهم مواسيييييييييييييير وتبقي الحكاية جاااااااااااااااااايطة يجينا عمك ابو شاكوش بي شاكوشه ويرطب الجو ويصفي الحكاية وبي كده نكون كسبنا قلم جميل ونادر .

Quote: تجدر الاشارة الى ان هذه ستكون اخر مرة نرفع فيها البوست الى اعلى لاستقبال مزيد من الرسائل

Quote: الاخ حيدر - واحة ظليلة شجرة مثمرة لطالما قطفنا منها من كل بستان ثمرهسياحة داخل العقول والقلوب ومساحة من التواصل الجميل اشكر كل من امتعنا وادخل على نفوسنا شئ من الانس والراحة اللذان نفتقدتهما بفغل عوامل الطقس والتعرية الذى قد يلف الحياة من حين الى اخر انا مدمنه لمنبركم لدرجة اخاف منها ان افصل من عملى لكثرة متابعاتى لمواضيع بعض الاخوان الذين اقف اعزازا واكبارا لهم 1- ابو جهينه ايها الغالى الشفيفارهف السمع لاقتنص واقطتع بعض من نفسى لاجدها عند كتاباتك انت بحق انيس وغذاء يسد نهم القراءهابحث عن اسمك اولا وان لم اجده انتظر 2- عزاز الشامى حلوة ومنور المنبر اتابعك بشغف 3- عبدالله داش غبت كثيرا نحن فى الانتظار 4- صديق الموج احى الجراءه الاخذ بقوة عند موطن الصدق ومواطن المخفى اعيب على بعض الاخوان المهاترات وتصفية الحسابات معنا واقحام اسمائنا فى المنبر والاساءة لنا مع العلم اننا غير منتسبين لهذا المنبر العملاق ولا يمكننا الرد او الدفاع عن انفسنا التحية للاخ حيدر الذى اتاح لنا فرصة ان نكون من ذوى الرأى الذين يؤخذ بارائهم

Quote: وعليكم السلامغايتو منبركم ده بقى زي سوق ام دفسو.... بدون تنظيم.... بدون خدمات.... لا رقابة.... لا نقابة....بس دفسيبة ودكلابة...لاكين مرات بتلقى حاجتك..... المامكن تلقاها لا في السوق العربي.... لا سوق ليبيا.... لا الدلالةعموماً.... هاكم ديل... على الريق كدة...بدون ترتيب... فضيلي جماع بشرى الفاضل خطاب حسن أحمد سالم أحمد سالم عصام عبد الحفيظ Deng داليا حافظ – عندما تكتب شعراً أو خواطر فقط سجيمان تاج السر الملك أحمد طراوة سمرية - عندما تكتب شعراً أو خواطر فقط أحمد عثمان عمر بكري الصائغ محجوب البيلي – عندما يكتب شعراً فقط . . . ديل المتذكرم الآن..... وربما يتبعهم آخرون تسلموا

Quote: داليا حافظ – عندما تكتب شعراً أو خواطر فقط

Quote: 1- ابو جهينه ايها الغالى الشفيفارهف السمع لاقتنص واقطتع بعض من نفسى لاجدها عند كتاباتك انت بحق انيس وغذاء يسد نهم القراءهابحث عن اسمك اولا وان لم اجده انتظر

Quote: كان المنبر جذابا..ثريا نقيا غنيا..فى بداياته...ولكنه فقد طعمه..واصبح تفلا لايستساغ....كما انه امتلاء بالعديد من الاقلام المكروروة...انه جزيرة منغلقة ..و.مغلقة ...كنادى الارمن...تفوح منه رائحة...لم يجد من يدعمه فى كفاحه...من اجل اثبات..الابادة الجماعية من الاتراك...بسبب انغلاقهم... هناك واخات وارفة نشأت منفتحة مفتوحة..وبها من النخب...مالايحلم به سودانيزاونلاين....ولن اذكيها هنا لكى لاينتقل اليها الارمن... ام ايجابياته..لاتتعدى الخبر العاجل...والمكتبات التى توثق...للمؤسسين...ان اكبر خطأ ارتكبه بكرى ابوبكر هو تبنيه...وهو المهندس ..تبنيه...لمسالة التذكية..ومعظم الاعضاء...نالوا العضوي...ب يابكرى حاجة نفيسة...مامستنياك...وفد يقوم بكرى متكاسلا او لايقوم ابدا... كان يمكن اثراء ورفد المنتدى...بالاعضاء الجدد..المتحمسين ...بدلا عن الذين خارت قواهم...واصبحو كالضابط مرفود العسكري..قاعد امام السبيل التحت نيمة بتو..كلما جاء عابر سبيل اختار له..الزير الذى يشرب منه ...لك الشكر الوافر على الفكرة العظيمة...بسماع صوت المارة خارج نادى الارمن....انا كنت ارغب ان اكون عضوا...ليس لكى اعبر عن ذاتى بل..لكى اتواصل مع خريجى بحرى الحكومية..وزملائى....ولكننى لم استطيع...لانو مادير زول يقول لبكرى...اخونا بابكر..دا ما واقف ليك......من 2003.... انت تستطيع ان تصل المكتبات سودانيزاونلاين...لاتحتاج ان تحصل على بطاقة النادى الارمنى....شكرا كتيييير ياحيدر ط=E

Quote: الاخوة الاعزاء / حيدر وناذر وأعضاء المنبر المحترمين السلام عليكم ورحمة الله وبركاته وأسعد الله أوقاتكم في الحقيقة ترددت كثير قبل أن أكتب ليكم لأني ما شديد على الكتابة وما بجيدها لكن بما إنكم أديتونا فرصة قلنا نقول ليكم رأينا في البوست بتاع القراء ده و بصراحة أنا هوايتي القراءة ويمكن تكون موهبة كمان طبعاً ما أي واحد بيقرأ أي حاجة من طرف وكل إنسان بشوف الحاجة المناسبة ليه في القراءة شعر وأدب ولا علوم أو فنون أو غيره والموقع ده فيه كل شيء بس المشكلة إنه أي عضو بيكتب في أي حاجة يعني أنا بقيت عضو في الموقع معناه أكتب في السياسة والرياضة والطب والدين والأدب والإجتماع والفنون والجنون ويدلي بدلوه (بتاعة عزاز) في كل الآبار دي مثلاً البوست بتاع تدني الأخلاق في الوسط الفني (مع الاحترام للعضو كاتب البوست)، يعني بأمانة المواضيع جايطة وده يمكن معَني بيه أمين الموقع أكتر من سياسة أو قانون أولوائح الموقع وهو إعطاء عضوية لكل من هب ودب كما يقولون لدرجة إنه الأسماء بقت تتلخبط على القراء، بس أي عضو يزكي واحد ولا يفتح بوست يا بكري دكتور فلان في بابك ولا المبدع علان في شباكك وبعد يومين بتلقي الدكتور ولا المبدع ما عنده أي حاجة زول الله ساكت بس جاي للونسة طيب يا أخينا (بتاعة خضر) إنت ما تتونس زي الناس اللي بيجو يرمو ليهم كلمة كلمتين وتتخارج، ليه ماشي كاتب بوست عن الفلك وزراعة الفول في الخريف وأغاني الحقيبة والحزب الوطني والتراث الشعبي وإنت ما ناقش أبو النوم في المواضيع دي وأنا بصراحة بقيت لو لفتني عنوان بوست بشوف كاتبه منو وبعد ده بقرر اقرأ البوست ولا لا وبعدين بعض عناوين البوستات أو حتي الكلام المكتوب داخلهم بقي زي شريط التعليق الجاري في أسفل شاشة الفضائيات العربية زي يا عمري ومناي وشمسي الساطع وقمري المنير مبرووووووووووك عيد الميلاد # ود البلد – الهلال يتأهل يستاااااااااااااااهل هلالي وإفتخر--- بي كرامة البليلة قولو أحححححححححح (بتاعة وليد الشفت) – سلااااااااااااام لزهرة برشلونة من الولهان وحاجات زي دي كتيرة ده طبعاً الموضوع ده متعلق بالعلاقات والشلليات والمجاملات يعني بس تكتب عنوان وجماعتك يجوك بالصف (ولو ما جو تضرب ليهم) والله إنت أديب يا جميل يديك العافية – كلك ذوق يا راقي شكرا للمتابعة والمرور وإنت يادوب تكون بس كتبت العنوان ويمكن ما ترجع للبوست زاتو زي الأخ ملاسي ما بيعمل وتلقي الجماعة قايمين وقاعدين في شنو .......... زي الحاصل هسع في البوست بتاع هن لسن للسرير فقط (كان سميتوه هن رحمة لنا) ومن البوست ده طلع أكتر من بوست لنفس الموضوع ..........طبعاً ح يجي يوم كل واحد يكون عنده منبر براه وتكون إنت العضو الوحيد فيه تكتب وتقرأ وتعدل وتنبز وتشتم وتمدح وتقدح وتزغرد براك على كيفك وإحتمال تكون عندك فضائية حقتك برضو المانع شنو ...... المهم (بتاعة تبارك) ، حقيقة في أعضاء مميزين بآرائهم النيرة ونقاشهم بالتي هي أحسن دون الإساءة أو التجريح وديل بالجد بخلو الواحد يحترمهم وعلى سبيل المثال الحيدرين (قاسم وبدوي) kamalabas ده طبعاً في مجال السياسة (أكتر مجال فيه خلافات). العلاقات والشلليات والمجاملات حتي مع القراء زينا كده حاصل يعني هسع لو أنا مثلاً قلت والله أخونا هجو الأقرع ده راجل كريم ومضياف او يا داليا حافظ إنتي دايماً كلامك موزون وإنتي عسل بس ومبروك العرس ولا أقول يا د. بيان إنتي وعصام دهب كلامكم مية مية في موضوع تبيدي --- يقومو هجو وداليا وبيان وعصام يقولو ياأخي والله الزول ده يستاهل باسوورد ويلا يا بكري ود القاضي نحنا عايزنو هنا ---أها وبعدين يمكن أصنف كوز ولا موز ولا أي حاجة -------- أو مثلاً مثلاً أقول إنه أبو ساندرا ده زول اخو إخوان وبينا عيش وملح ومعرفة وكده وبعدين يطلعوك زول أحمر ويساري وبشوت بشماله --- طبعاً نحنا السوادنيين معروفين بقوة علاقاتنا الإجتماعية بس بصراحة نحنا صفر في كيفية إدارة هذه العلاقات وبنخلط الأمور ونجوطها كتير. لسة عندي كلام لكن الواحد مشغول شديد وشايفك يا أخ حيدر قررت إنه البوست أدي غرضه أو حاجة بالشكل ده يعني خلاص نفرتق نحن القراء ولا ممكن تاني نجي ننضم معاكم ؟؟؟؟؟؟؟ وعلى كل حال نبلغ سلامنا وتحياتنا للخال الفنان عماد عبد الله (شهادتي مجروحة فيه) وأولاده بشمبات والوالدة والاخوان والجيران بالديوم الشرقية والإمتداد والأهل بدنقلا والمحس وكذلك التحية والسلام لجميع الإخوة أعضاء هذا المنبر وخاصة لناس الدوحة الحلوين وعلى رأسهم طبعاً الخال صلاح عبد الله ونسيبي الجميل أبو شيبة وأتمني يا أبو شيبة تفتحوا بوست إنت أو الأخ نجدي أو أي إعلامي آخر عن الإعلام أو دور الإعلاميين في دول المهجر ومساهماتهم في الإعلام السوداني بدل كل إعلامي عامل ليه عمود في صحيفة أو ماسك مكرفون في فضائية وينظرو في أشياء ما ليها علاقة بالسودان أو الحاصل فيه. (بالمناسبة كاتلني معلق رياضي إسمه ياسر محجوب ....أخخخخ – وين الشباب اللي كانو في برنامج مشروع معلق بتاع قناة الجزيرة). وسلام خاص لأخونا أحمد أبو قوتة (زميل دراسة يا ناذر) وبارك يا أبو قوتة لبتنا لدن نجاحها وإحرازها 288 في مرحلة الأساس وكذلك الأخ علاء تمبس وعشان تعرفوا يا أخ حيدر إنه القراء بيتفاعلوا مع الحاصل مع الأعضاء أنا تمبس ده تعاطفت معاه أيام محنته مع العنصرية عام 2007 وضربت ليه تلفون وعرفته بنفسي ومشيت الرياض أكثر من مرة لكن ما تشرفت بلقاه وإنشاء الله يرجع بالسلامة. ثم دي فرصة طيبة عشان الواحد يسأل من الأخت العزيزة hozy هوزي وهي اول من دلتني لهذا الموقع عام 2002 ثم حضرنا حفل زواجها والأخ الفاتح في فندق جنة الخليج بالدوحة (زواج بوردابي)....... أنا زي ناس القاهرة ما بحب كلمة بورداب دي. صنفرة أخيرة يا ناذر لاحظت كمان لو عايز تشتهر في المنتديات السوادنية عامة يا تتكلم في الجنس يا تسب الدين ... شئ محير... نشكركم على هذا البوست جميل وانا أتمني أن أتواصل معكم عبر بريدكم الإلكتروني كلما سنحت لنا الفرصة ومعليش الافكار غير مرتبة ودمتم في رعاية الله. محمد محمد القاضي (حسين القاضي) الدوحة 07/05/09

Quote: العلاقات والشلليات والمجاملات حتي مع القراء زينا كده حاصل يعني هسع لو أنا مثلاً قلت والله أخونا هجو الأقرع ده راجل كريم ومضياف او يا داليا حافظ إنتي دايماً كلامك موزون وإنتي عسل بس ومبروك العرس ولا أقول يا د. بيان إنتي وعصام دهب كلامكم مية مية في موضوع تبيدي --- يقومو هجو وداليا وبيان وعصام يقولو ياأخي والله الزول ده يستاهل باسوورد ويلا يا بكري ود القاضي نحنا عايزنو هنا ---أها وبعدين يمكن أصنف كوز ولا موز ولا أي حاجة -------- أو مثلاً مثلاً أقول إنه أبو ساندرا ده زول اخو إخوان وبينا عيش وملح ومعرفة وكده وبعدين يطلعوك زول أحمر ويساري وبشوت بشماله --- طبعاً نحنا السوادنيين معروفين بقوة علاقاتنا الإجتماعية بس بصراحة نحنا صفر في كيفية إدارة هذه العلاقات وبنخلط الأمور ونجوطها كتير.

Quote: ولا أقول يا د. بيان إنتي وعصام دهب كلامكم مية مية في موضوع تبيدي

Quote: أ. مؤيد شريف ، صاحب القلم الذي لن ينكسر ، ، موقفك هذا علمني أن إنسانيتنا بمقدار ما نملك من حرية . أردت فقط أن أقول لك : يالها من شجاعة !! ، وأن أحدثك عن موقف لي إتهمني فيه الجميع بالغباء ولكنك أكدت لي بأنني على حق . لكم جميعا" مني كل الإعجاب ... سلمى تاورباكستان

Quote: العلاقات والشلليات والمجاملات حتي مع القراء زينا كده حاصل يعني هسع لو أنا مثلاً قلت والله أخونا هجو الأقرع ده راجل كريم ومضياف او يا داليا حافظ إنتي دايماً كلامك موزون وإنتي عسل بس ومبروك العرس ولا أقول يا د. بيان إنتي وعصام دهب كلامكم مية مية في موضوع تبيدي --- يقومو هجو وداليا وبيان وعصام يقولو ياأخي والله الزول ده يستاهل باسوورد ويلا يا بكري ود القاضي نحنا عايزنو هنا ---أها وبعدين يمكن أصنف كوز ولا موز ولا أي حاجة