Quote: الف مبروك النذير حجازى تهانينا الحارة بلا حدود بيت مال وعيال وحاجات تانية ذى ما داير انت والعروسة كمان. والله فرحنا ليك من جوة القلب والشرايين والاوردة. انشاء الله نفرح بيك فى زمن كلو ديمقراطية ونساهر للصباح لا نظام عام ولا تصديق ولا يحزنون.
عبدالواحد ابراهيم
الشقيق الحبيب والمناضل عبد الواحد إبراهيم، الله يبارك فيك ياملك الملوك، وعقبالك إنت برضو كمان، وأشكرك من صميم فؤادي على التهنئة والدعاء الجميل، وسعدتُ أيما سعادة بالتعرف عليك ولقائك فى السودان، وأطربتني مجهوداتك الوطنية والإنسانية المقدرة لخدمة أبناء منطقة المناصير، ومازال لنا لقاءات ولقاءات أيها الصديق الصدوق وإبن المناصير البار النبيل، ولو عددتُ محاسنك لنفد مدادي قبل أن ينفد معشار ما أود أن أقوله من كلمات حق فى شخصيتك الساحرة أيها الجميل، ولك الحبُ الأعظم أيها الأصيل.
06-21-2007, 05:59 PM
Dr.Ahmed Boasch Dr.Ahmed Boasch
تاريخ التسجيل: 07-19-2006
مجموع المشاركات: 258
Quote: الف الف مبروك النذير حجازى تهانينا الحارة بلا حدود بيت مال وعيال
الشقيق العزيز والمناضل النبيل يحيي بن عوف، الله يبارك فيك يا ملك الملوك، وعقبال مانبارك لأولادك وأولاد أولادك ولك العمر المديد، وعقبال مانبارك لبعض ونهنيء بعض بسوداننا الجديد ونغني: ومن حقي أغني العالم --- إبداع وعلم حرية إنساني شعوب نتسالم --- نتسالم بي حنية على نخب الود نتنادم --- لا جنس ولا لونية لا عِرق لا آه نتقادم --- سكتنا بياض النية مش كلنا جينا من آدم؟! --- مش آدم ابو البشرية؟!* ولك الحُب بعدد ماخر للرحمن من راكعٍ وساجد يا إبن السودان البار الأصيل. ------- * الأبيات لحميد
06-21-2007, 07:02 PM
Salwa Seyam Salwa Seyam
تاريخ التسجيل: 04-12-2004
مجموع المشاركات: 4836
Quote: الف مبروك ليكم يا نذير و بيت مال و عيال ان شاء الله
خبر جميل إنو دبايب البال بدأوا في الإنقراض من على وجه العزوبية
أوه أوه دكتور أبو السعود، كيفك يا صديقي العاق مشتاقيييييييييين وليك وحشة يا مان، والله يبارك فيك يا أبوالسعود، وعقبالك إنت برضو كمان يادبيب أهو فضينا ليكم الدرب بس إنت إن شاء الله بقيت بتعرف تحنك كويس ولو ما إتعلمت لحد هسا نقول ليك ياأبو السعود كفاك كل مرة يدوك على أفااك؟ ، وعقبال مانبارك ليك كل شيء سمح، وبلغ أحر تحياتي لسوداني البال القدامى بنيوزلندا وأستراليا وسلام خاص لعسولة العذاب وزول وتيتو ولكزاس، ولك الوداد كله أيها الصديق الوفي.
06-24-2007, 04:22 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
Quote: عريس وعروس فى قمة الوجاهة بيت مال وعيال يا النذير
انتم السابقون ونحن اللاحقون
العرس وين ومتين ؟
الحبيب محمد الكردي، واللهِ، الله ماضراك، والجماعة ديل من بداية البوست شكلهم كلهم (أهل وأصدقاء وظلاميين ومستنيرين) إتفقوا إتغاتتو على أخوك ، ياخي مماقمنا وشفنا الدنيا ووعينا، لازم نسمع فى الأعراس زواج الوجيه فلان من الوجيه فلانة بس الله غالب وإنت اللي فيهم والله، وعقبالك إنت برضو كمان يابوحميد، والعرس إن شاء الله فى العيد ووين دي والله أصعب سؤال وأخوك رحالة من ولاية لولاية ومن بلد لي بلد، وبلغ أحر تحياتي لإيهاب الوسيلة وأحمد عثمان بمنطقة مطار دلس (لو مروا عليك الإسمين ديل يابوحميد)، ولك بحر الوداد أيها الوجيه.
06-24-2007, 06:09 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
Quote: العزيز الوجيه النـذيـر وحرمه المصون......التهاني الحارة والأمنيات العطرة بحياة زوجية سعيدة ومباركة....وإن شاء الله بالرفاء والبنين الصالحين....آمين..
راشد
العزيز والشقيق والمناضل الغالي دكتور راشد، ويينك يا راجل وشوقنا مطر، وعساك طيب، وشنو إنت يا أخوي من دييك وعيييك؟ ومن يوم سرقوك وتاني ماشفناك، وإن شاء الله ربنا يعوضك خلفاً خير مما سُرق، ويديك بت الحلال الهدية والرضية، والله يبارك فيك ياسيد الناس، وعقبال مانفرح بيك إنت برضو كمان يا أبوالرُشد، وعقبال مانبارك ليك كل شيء سمح، وأشكرك على التهنئة والدعاء الجميل ولك من الوداد أطيبه أيها الجميل.
06-22-2007, 06:41 AM
omar ali omar ali
تاريخ التسجيل: 09-05-2003
مجموع المشاركات: 6733
Quote: الف مبروك أخى العزيزالنذير حجازي اتمني لكم حياة زوجية سعيدة أنور الشيخ
أوه أوه الحبيب الغالي وعمدة البالتوك أنور الشيخ، ويينك ياراجل وشوقنا مطر، والله يبارك فيك يا أبوالنور، وعقبال مانفرح بأولاد وأولاد أولاد ولك العمر المديد ياسيد الناس، وأشكرك على التهنئة والدعاء الجميل، ولك الحبُ الأعظم أيها الصديق الوفي والسباق الأول فى مجاملاتي من مرض وفرح وترح على مر السنين فى النت، والحي مصيرو يلاقي يا أبو النور، ولك من ودادي أخلصه أيها الصديق الجميل.
06-22-2007, 02:15 PM
نصار نصار
تاريخ التسجيل: 09-17-2002
مجموع المشاركات: 11660
الحبيب النذير ربنا يتمليك بخير ويجعلها زيجة مبارك و يجمع بينكما بالخير و الحب والكسنة و الهناء عمراَ مديداَ و رزقكما الله نعم الدنيا مالاَ وبنون و هدوء بال
الف الف مبروك للعروسين و اسرتيهما
06-24-2007, 07:54 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
الحبيب النذير ربنا يتمليك بخير ويجعلها زيجة مبارك و يجمع بينكما بالخير و الحب والكسنة و الهناء عمراَ مديداَ و رزقكما الله نعم الدنيا مالاَ وبنون و هدوء بال
الف الف مبروك للعروسين و اسرتيهما
الحبيب والشقيق الغالي والمناضل الفاضل وحكيم النت العزيز علاء الدين نصار، والله يانصار كُنتا لايمك وتفقدتُ المهنئين وقلتُ:" مالي لا أرى الهدهد أم كان من الغائبين؟ تالله لألومنًّه لوماً شديداً أو لأزرزرنًّه أو ليأتيني بسُلطانٍ مُبين " والله مرققك يانصار " فأنت دوماً السباق فى المجاملات على مر السنين فى النت، وربنا يديم أواصر المحبة والأخوة بيننا والحي مصيرو يلاقي وإن شاء الله نقابلك فى ساعة خير وفرح كهذي، والله يبارك فيك يا أعز عزيز، ولك بمثل ما دعوت ويزيدك من خيره وفضله، ولك من حبي أنقاه أيها الصديق النبيل.
06-22-2007, 08:49 PM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
العزيز محمد الامين، الله يبارك فى يا ملك الملوك، ويديك العروسة الهدية والرضية والحلوة وبترقش كدا زي كروتك دي ، وأشكرك جداً على ذوقك الرفيع، وأشكرك على التهنئة الجميلة والمرور الزاهي الذي أطربني ولك من ودي ألطفه أيها الجميل.
06-24-2007, 08:34 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
الحبيبة والشقيقة الغالية ووردة النت رووية، كيفيك ياغالية وشوقنا مطر، والله يبارك فيك يازينة بنات السودان، وعقبالك إنت برضو يارووية، ويديك إبن الحلال اللي بقدرك وبعرف قيمتك وطيبة معدنك الأصيل، والله يا رووية الله مرققك مع الحُرُكرُك وكنتا لايمك ولكن الله مرققك من اللوم، والله يا راوية كل ماإتذكر كلام الود الكرمبا دا لمن قال لي الراوية كانت هنا فى دي سي ومشت أطلنطا والله أقرب أخنقو وهو براهو باقي روح ، والله متحسر إني ماقابلتك فى دي سي، وإن شاء الله الجايات أكتر من الرايحات والحي مصيرو يلاقي، وأشكرك على التهنئة الجميلة ومابيناتنا لوم، ولك الوداد كله يا أحلى وأرق وألطف وأعذب وأروع من عرفت.
الاخ العريس النذير سلالالالالاام بى قلدة محنة والله ما طالبنى حليفه بوست العرس حقك ده من يوم ماكلمنى اخونا دينق ( جاز ) وانا ساكه باص السيره حلف ما يفتح معاى الليله حرستو قلت الا اشوف القليلة الخاتيها اخونا النذير ده شنو جوه الصيوان ده ومن ما دخلت القى ليك عنقريب الجرتق المااااااكن وديك يا صينية الحنة وقدح الحنة المو خمج والله فرحت ليك الا يا خوى وينن البنيات ؟ ولا ما داير ليك زغروته خلاص ببدا ليك انا ايويويويويويويويوي دقر يا يمه عديلة وزين تباريك يا النذير وما تفتر تهانى القلبيه والله من جوه الضلوع والف الف مبروك (( سيد مراره )) وجه ضاحك بتمنى انه بعد العرس سيد مراره دى ما تنقلب سيد جرسةلوووول البركه فى اخونا جاز .. هو الكلمنى بيك زمنك ده كلو تبرطع فى حوش بكرى يعلم الله مانى عارفاك انت ياك نذيرنا الزمان .. اقصد سيد مراره ..باقى انقطعت من البال .. الحمد لله سمعنا عنك الخبر السمح تحياتى عبرك للعروس وكل العقاب وبيت مال وعيال ان شاء الله اختك اسماء الجنيد / مسقط
Quote: الاخ العريس النذير سلالالالالاام بى قلدة محنة والله ما طالبنى حليفه بوست العرس حقك ده من يوم ماكلمنى اخونا دينق ( جاز ) وانا ساكه باص السيره حلف ما يفتح معاى الليله حرستو قلت الا اشوف القليلة الخاتيها اخونا النذير ده شنو جوه الصيوان ده ومن ما دخلت القى ليك عنقريب الجرتق المااااااكن وديك يا صينية الحنة وقدح الحنة المو خمج والله فرحت ليك الا يا خوى وينن البنيات ؟ ولا ما داير ليك زغروته خلاص ببدا ليك انا ايويويويويويويويوي دقر يا يمه عديلة وزين تباريك يا النذير وما تفتر تهانى القلبيه والله من جوه الضلوع والف الف مبروك (( سيد مراره )) وجه ضاحك بتمنى انه بعد العرس سيد مراره دى ما تنقلب سيد جرسةلوووول البركه فى اخونا جاز .. هو الكلمنى بيك زمنك ده كلو تبرطع فى حوش بكرى يعلم الله مانى عارفاك انت ياك نذيرنا الزمان .. اقصد سيد مراره ..باقى انقطعت من البال .. الحمد لله سمعنا عنك الخبر السمح تحياتى عبرك للعروس وكل العقاب وبيت مال وعيال ان شاء الله اختك اسماء الجنيد / مسقط
يا الله سوما الوردة!
الحبيبة والغالية جداً الأديبة أسماء الجنيد، كيفيك يا غالية وصباحاتك سُكر، والله يبارك فيك يا ست الحلوين، وعقبال مانفرح بأولادك وأولاد أولادك ولك العمر المديد .
والله ياسومة طبعاً كنتا زعلااااااااااان عايز أطرشق منك وقلتا بالله البت سوما دي كمان بقت بتاعت مكنات؟! ولحدي ما خليت البالتوك وأنا زعلان منك لأني كنتا فاكر إنك عملتي لي رمووف من اللست، المهم لمن جيت هنا سودانيز أون لاين ولقيتك فاتحة بوست قدح العيد، قلتا لي نفسي:"يا ود يامرارة خليك إنت الكبير على الرغم من إنك ماعملت شيء خطأ يزعل سومة منك، أمشي عافيها، المهم دخلت عليك، وعرفت إنو سوء تفاهم وواحد سرق الباسوورد بتاعك، وعرفت إني ماكان مفروض أزعل منك، المهم هسا فى عرسي جيت لقيتك مُشخطة لي تاني ، وقلتا لي نفسي يا جماعة دا كلام شنو دا؟ الموضوع دا بقى غلوطية معقولة سوما دي شايلة مني قدر كدا؟ وكلامها كان مكنات ساي؟! وحكاية الباسوورد دي مكنة؟! لأنو هسا ماعندها إي عُذر ، بالله شوفتي الشيطان دا نزغ بيناتنا كيف؟ والله ياسومة من لحظة سرقة الباسوورد بتاعك لحد هسا كُنتا زعلان منك (خمس سنوات حسوماً ) والبركة فى دينق والله إنتا إن شاء الله يادينق لاتفوت لاتموت ويوم شُكرك مايجيء، وإذا كان رابع المستحيلات هو الخل الوفي! فأنت المستحيل نفسه أيها الشقيق العزيز. والله يا سوما ماتتصوري فرحتي بيك قدر شنو والله جيتك وتهنئتك دي بالدنيا، وعليك الله أعفي لي، وأهلنا بقولوا:"اللي لامك دراك"، وإنت أول زول أنا عرفتو فى النت، من زمن مافي غُرف سودانية، وبندخل الغرف العراقية وكنتا بدخل بإسم إسكوربيو، وحتى بتذكر أول تعارف لينا فى غرفة سودانية لمن قلتا ليك :"إزيك يا وردة !" وكان ردك علي:"إنت بتدخل غرف عراقية وللا شنو؟" عليك الله لاقتك ذاكرة أقوى من دي؟!
والله سعادتي بك لاتوصف، وكنتا عايز أطرشق منك فى الفاضي ، ولك الحُب كلها أيتها الوردة الجميلة (بدايتها كانت وردة وهسا تاني وردة يا سوما)
وحصل لي ياسوما فلم تاني مع سينارك زي دا؟ برضو سوء تفاهم ووقعت ليك معاهو هو و ورررووووك شلالايت نضيفة فى منتديات النافذة وأي زول بخش البوست بتاعي عدو صديق مافرقت بدور ليك فيهو شلاليت وبدق ليك بيهو الدلجة وتاني أصلو أبيت إتكلم أو إتفاهم مع سينارك لحدي قريب كدا، لمتني الظروف معاهو فى منتدى تاني، وإتصافينا والله النت دا فهو أفلام غريبة وكلها بسبب سوء التفاهم
06-30-2007, 10:58 AM
Raja Raja
تاريخ التسجيل: 05-19-2002
مجموع المشاركات: 16054
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
النذير حجازي
Dr.Ahmed Boasch
يحي ابن عوف
saadeldin abdelrahman
elsharief
Rashid Elhag
omar ali
Aymen Tabir
نصار
محمد الامين احمد
Rawia
Raja
فيس بوك
تويتر
انستقرام
يوتيوب
بنتيريست