|
Re: مدنية الصحافة ... وكما نحبها (Re: غباشي)
|
كتر خيرك ... غباشي ... وبارك الله فيك, دحين لميت فى البوست ده وييين؟ وهو خارج رادار الحوارات الحية فى هذا البورد.
يبدو أنها { الغيرة } على الصحافة وما تستحق منا من تقدير وتداول وبسط في الرأي والمعلومة حول صحافتنا الجميلة ... متين يا الله نمشيلا.
فهلا نعيد إصطفافنا على موقع صحافتنا الإسفيرية؟
أقلو ... نحدث معلوماتنا حول بعضنا... وبعد طول إنقطاع ... فأرجو أن يقول أي منا ... عووووووك.
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: كتر خيرك ... غباشي ... وبارك الله فيك, دحين لميت فى البوست ده وييين؟ وهو خارج رادار الحوارات الحية فى هذا البورد.
|
أهلا بالزعيم شفت الواحد الواحد لما يكون متضايق مش بيفتش على أقرب زول بيعرفوا عشان يفضفض ليهو ؟ ... أها بس الكلام ده منطبق على الأيام دي و الحالة صعبة ... عشان كدة جيت بيجاي و قلت انتظر يمكن يجي زول ماري بيجاي ... ولما ما لقيت زول عملت ليكم missed call و أها الحمد لله الإستجابة كانت سريعة ... الواحد بيجاي ليلو من نهارو ما بيتفرز و الزمن ماشي بسرعة رهيبة ... و الضغط زايد معاها بشده ... نعمل شنو ؟ خلال السنتين ديل يا حيدر حصلت أحداث كتيرة على النطاق الشخصي في العائلة و الأصدقاء بالسودان لحدي ما أنا بقيت خايف الواحد لما يرجع ما يقدر يتعايش مع الوضع الإتغير دا .... بيجاي الضغوط و التحديات مع العلم و التحصيل في زروتها و ما بين ده و ده الشلهتة حصلت ... عشان كدة ما لقيت حتة الجأ ليها غير بوستنا العزيز لأنوالحال من بعضو ..... و لسة في كلام
| |
|
|
|
|
|
|
Re: مدنية الصحافة ... وكما نحبها (Re: غباشي)
|
غباشي مشتاقين والله والبرد شوية أخف من الأيام الفاتت ومالك زهجان وقرفان يأخي والله كلنافي الهواء سواء بس نعمل شنو ياهو ده الدنيا مرة فوق ومرة تحت
عيدروس حجر بارك الله في بوست الصحافة الخلانا نلاقيك الحمد لله العيال تمام والأهل بخير طمني عنك وعن الأولادك
| |
|
|
|
|
|
|
Re: مدنية الصحافة ... وكما نحبها (Re: هاشم أحمد خلف الله)
|
أعزائي ... غباشي وهاشم وعيدروس ... تسلموا,
إفترعتم بداية طيبة لمشوار آمل أن يتصل, فأقله يا جماعة الحضر { ما يزوغ } وأصبرو ليكم أسبوع إسبوعين كحراس لهذا البوست وحينها ربما تتغير كثير من الأشياء لما هو أفضل.
والعافية درجات ....
أبو عناب ... مطلوب حضورك فورا
مع فارع مودتي
| |
|
|
|
|
|
|
Re: مدنية الصحافة ... وكما نحبها (Re: هاشم أحمد خلف الله)
|
Quote: والله كلنافي الهواء سواء |
هاشم يا حبيبنا و الله ياخ تقول شنو بس إتلملمت حاجات كتيرة مع بعض و بقت سبب في الدبرسة و الزهج .... بيجاي الإمور شوية واقفة .... و بيني وبينك المدة بدت تطول ... ده غير المناسبات السعيدة اللي بقينا برة منها ... ده كلام ده؟؟ غير كدة و كدة أخوك حاليا في عنق الزجاجة .... بس ربك يهون ...
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
الزعيم
اتحرمنا من الحبايب ... وعشنا فى الغربة البعيدة .... كل موجة حزن تمضى ... وبكرة موجة تهل جديدة .... لا خطاب يحمل محبة ... ولا وصية شوق نريده لا آمل ينعش قلوبنا ولا خيالاتنا السعيدة
غباشى ده مقطع من قصيدة مـــوجــة لاستاذنا سيف الدين الدسوقى يروي فيها غربة زول موالف عمره لا راح لا مرق اصبح الشوق فى حروفو نار على صفحة ورق ومافى ياناس قلب يسأل عن غريق شبعان غرق
القصيدة من غناء فرمالاتى البلابل وما حانزل ليك الاغنية عشان ما تحرق لي البوست اياه ... وعاوز اقول ليك حاجة فى اضانك (( لو عاوز شوية ذهج من النوع الخليجى )) نزيدك من عندنا ولا كيف يا هـاشــم
اها نخش فى الجد جد انا شايف الحل الوحيد يكمن فى اتمام عملية الموقع الخاص بمدينة الصحافة ، وما عارف الموضوع اتوقف ليه لان التواصل عبر هذا البوست ( الحبيب ) لا يكفى فى ظل محدودية العضوية ولا رايكم شنو ؟
| |
|
|
|
|
|
|
Re: مدنية الصحافة ... وكما نحبها (Re: عبد الدائم سيد أحمد)
|
Quote: اتحرمنا من الحبايب ... وعشنا فى الغربة البعيدة .... كل موجة حزن تمضى ... وبكرة موجة تهل جديدة .... لا خطاب يحمل محبة ... ولا وصية شوق نريده لا آمل ينعش قلوبنا ولا خيالاتنا السعيدة |
Quote: ده مقطع من قصيدة مـــوجــة لاستاذنا سيف الدين الدسوقى يروي فيها غربة زول موالف عمره لا راح لا مرق اصبح الشوق فى حروفو نار على صفحة ورق ومافى ياناس قلب يسأل عن غريق شبعان غرق |
عبدالدائم يا لجمال طلتك البهيه وكلمات الشعر الندية ياخي والله مشتاقين كتير وربنا يجمعنا مرة تانية في الصحافة
ويا غباشي اسمع كلام عبدالدائم ده
Quote: وعاوز اقول ليك حاجة فى اضانك (( لو عاوز شوية ذهج من النوع الخليجى )) نزيدك من عندنا ولا كيف يا هـاشــم |
يا زول هيييي امسك في الخواجات ديل قوي ومدام زهجان ومدبرس طيب اكتب خواطرك في ورق يمكن يزيل عنك كتير وتحلم تعود بدون قلق
يا زول سيبها للخالق .
| |
|
|
|
|
|
|
Re: مدنية الصحافة ... وكما نحبها (Re: غباشي)
|
Quote: اها نخش فى الجد جد انا شايف الحل الوحيد يكمن فى اتمام عملية الموقع الخاص بمدينة الصحافة ، وما عارف الموضوع اتوقف ليه لان التواصل عبر هذا البوست ( الحبيب ) لا يكفى فى ظل محدودية العضوية ولا رايكم شنو ؟
|
شكرا ... أبو عناب ... على سرعة وحسن الإستجابة,
وكلامك الفوق ده ... صااااح, وأؤيد معك فكرة تكملة موقع الصحافة الإلكتروني ... وهو بالمناسبة قطع شوط كبير ... لكنها لعنة التوقف { السودانية } والتي تحدث عاااادي في كل عمل سوداني.
مع ذلك فأرجو أن نعيد الروح للفكرة ونكون هذه المرة جادين ومتعاونين ومحددين ... ويله يا الصحافة تلاتين وخالد ومعاوية وآل حيمورة ... ورونا الناقص شنو ونتمو كيف؟
ونسمع من أهل الذكر
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
الحبايب اخوانا الكبار كيف امسيتو
Quote: وأؤيد معك فكرة تكملة موقع الصحافة الإلكتروني ... وهو بالمناسبة قطع شوط كبير ... لكنها لعنة التوقف { السودانية } والتي تحدث عاااادي في كل عمل سوداني.
|
اها يا اخواني ما تورونا الجديد شنو عشان نكون معاكم في الخط
مهند حيموره
| |
|
|
|
|
|
|
Re: مدنية الصحافة ... وكما نحبها (Re: mohanad haimoura)
|
شكرا عزيزنا ... مهند حيمورة,
كيف إنت والأسرة الكريمة
ربما فى مقبل الأيام توضح الصورة أكثر فيما يتعلق بالموقع الإلكتروني لمدينة الصحافة ... بس كمان ما لامين فى أخوك علاء ... عشان نتفاهم معاهو في الموضوع ده ... وربما آخرين كذلك .
حانصبر ... وبكل أمل وثقة ... فأنا متفائل.
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
وصلت بريدي الرسالة أدناه:
Quote: العزيز الرائع الأستاذ حيدر قاسم وقاسمنا الأعظم ذاك الجمال ومهد الفنون حوشكم العامر صحافة العظااام لقد أفتقدنا هذا الحوش كثيرا لعل المانع خير عزيزي وأنا من الذين يتابع لك كل ماتكتب وأن لقلمك طلاؤه وطراؤه وكثيرا ما تمتعني وتشوقني حرفا وكلمة ،وأعجز عن الرد وإيفاء ماتستحق من ثناء وهذة رسالة مودة أقبلها مني أخي الكريم . أخوك أبوقصى مجدي عبدالرحيم فضل إمتداد الدرجة الثالثة مربع 14 |
شكرا ... أبو قصي ... على الإطراء لشخصي وأتمنى أن أكون عند حسن ظنك دوما, كما تشكر عزيزي على تلك الكلمات الدافئة والحنونة فى حوشنا الصحافة, وماكان بودنا أن ننقطع هكذا ... لكنها الظروف الغلاب, فقط نعدك وكل من يشاركونك هذا الإحساس بأننا سوف نظل موجودين ما بقيت الصحافة. فيما هي مناسبة كذلك لنبادلك أحاسيس الأخوة والجيرة والعشرة مع إمتداد الدرجة الثالثة, وأرجو فى الذكر أن تغري تحيات أسرة الصحافة الإسفيرية لكل حبانا فى إمتدادكم الجميل.
مع عاطر المودة
| |
|
|
|
|
|
|
Re: مدنية الصحافة ... وكما نحبها (Re: Alsa7afa_30)
|
شكرنن ... إبننا البار ... الصحافة تلاتين,
وهكذا أنت ... تجينا شايل الفرح والفال الحسن,
إختيارك يشبه ذوقك الرفيع, وجيناكم أغنية معبرة
وتخترق صميم وجداننا وتعبر عن كامل أحوالنا.
فليتنا من بعد نتضام بلا إنفصام ونتواصل بلا إنقطاع,
فأمامنا مسئولية كبيرة وخلفنا تاريخ عظيم... فلنكن
لهما.
تسلم عزيزي ... مع عاطر مودتي
| |
|
|
|
|
|
|
Re: مدنية الصحافة ... وكما نحبها (Re: omar altom)
|
Quote: البوست ده اليله مرقو ليكم بكري من الارشيف........... مزاجك راااايق ياريس......... وين ناس الصحافة اصحوا الانتخابات قرررربت
|
عزيزي ... ود عثمان التوم الصغير ...
ياخي والله ليك وحشة ... وإن شاء الله وجدت الأهل طيبين ... ياخ زيارتك للسودان ده ما بوست بحاله ... ويا ريت تحكيلنا ... وبس طمني بربك على صحة الوالدة والوالد وسلوى ونجلاء وخالد وهاشم وكل عقدكم النضيد.
بعدين ياخ ما تعرج شوية على حلتنا وورينا الحاصل والمتحصل ... بل والسودان كما رأيته.
أشاركك الإحساس بروقة مزاج أخونا بكري, فأنا من شد { زعلي } من ناس الصحافة الإسفيريين قررت ألا أرفع هذا البوست جزافا ... لكن يبدو أن لأخينا بكري { رأي } ... وكلو خير .
فلنعد إلى مجرانا الإسفيري ... من بنات وأبناء حيمورة فى السودان ... إلى فروعهم فى المهجر, إلى أبو عناب إلى أبناء الصحافة بالرياض, إلى الصحافة تلاتين ... إلى معاوية محمد بأمريكا, إلى عيدروس بالخليج ... وحتى كبيسة ... والكيك.
يا أخوانا ... ده ما حلتنا الجديدة ... يعني إلا كمان نلعب فيها سكج بكج وندقق فى طاحونة قاسم ونشجع المشتري والعزيمة .
فأبقوا ... مارقين
مع مودتي
| |
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
Quote: حمدالله على السلامة يازعيم نرجو ان تسمح لي مع هذه البداية ان نجدد عبر البوست تعازينا الحارة لأبن الصحافة شرق البار، وعضو المنبر والبوست ، الباقر ابراهيم { النضيف } بوفاة والده وعمنا العطوف الحنون العم ابراهيم عليه رحمة الله وأنا لله وأنا اليه راجعون |
إنابة عن أسرة الصحافة الإسفيرية ...
البركة فيكم ... أخونا الباقر ... وربنا يجبر كسركم ويحسن عزاءكم ... وإنا إليه لراجعون.
شكرا حزينا أخي عمر عبدالسلام على تحديثك لمعلومنا فيما إختاره الله ... ولا أراكم مكروها.
... والدوام لله
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
كبيرنا حيدر قاسم سلامات ومشتاقين كتير والله البوست ده نكتو من وين ؟؟ اهي فرصة كويسة نلاقي اهلنا ناس الصحافة من جديد ونطمئن علي الأخبار
تخريمة :-
يا حيدر عندي مجموعة صور لاعضاء رابطة ابناء الصحافة بالرياض إنشاء الله انزلا ليكم هنا اما بخصوص الصور الاسرية فلازم اخد الآذن منهم اولاً انت عارف بعض الناس متعقدة حبتين
| |
|
|
|
|
|
|
Re: مدنية الصحافة ... وكما نحبها (Re: هاشم أحمد خلف الله)
|
الرائع ... هاشم ... تسلم,
ومفقود ... مفقود ... مفقود.
كيف أحوالك تكون والأسرة الكريمة والأهل فى السودان؟ عسى الجميع طيبين.
Quote: تخريمة :-
يا حيدر عندي مجموعة صور لاعضاء رابطة ابناء الصحافة بالرياض إنشاء الله انزلا ليكم هنا اما بخصوص الصور الاسرية فلازم اخد الآذن منهم اولاً انت عارف بعض الناس متعقدة حبتين |
يسعدنا أن نرى صورة أي شخص يمت إلى الصحافة, ومرحب بصورك الأسرية { بعد إجتياز المعاينة }
ياخ عليك الله دفر لينا ناس الصحافة المشاركين في هذا البوست ... وخليهم إصحصحو شوية, وإدونا من جملة ألف وأربعمائة واربعين دقيقة في اليوم, فقط خمسة دقائق ... فهل لا تستحق الصحافة ذلك؟
مع مودتي
| |
|
|
|
|
|
|
Re: مدنية الصحافة ... وكما نحبها (Re: هاشم أحمد خلف الله)
|
الاخوة الصحافاب
اهلا بيكم واعتزر بشدة عن الانقطاع وذلك لظروف العمل ...
الاخ الجميل حيدر
الف تحية Quote: بس كمان ما لامين فى أخوك علاء ... |
اهو بعد ده حاتلمو فيني وبشدة
وقبل ان استرسل اتمنى من الجميع الترحم على روح الوالد ابراهيم والد الاخ الباقر وان يتغمده الله بواسع رحمته ..
ايضا حمدا على سلامة الاخ مزمل محمد محجوب ( 23 ) بعد نجاح عمليته وخروجه من مستشفى عبيد بالرياض ...
اما بخصوص الموقع فقد حددنا بعض المهام للاخوة في الخرطوم ولكن بدون نتيجة وسوف اعيد التنسيق مع الاخ مهند ونواصل فكرة المشورع الهام ..
اتمنى من الجميع المساهمة الفاعلة في بزوغ شمس هذا المشروع ...
ونواصل ..
| |
|
|
|
|
|
|
Re: مدنية الصحافة ... وكما نحبها (Re: هاشم أحمد خلف الله)
|
Quote: اهو بعد ده حاتلمو فيني وبشدة
|
أخيررررا ... حمدالله على السلامة ... عزيزنا ... علاء ... بركة السمعنا صوتك.
الدار غيرك خراب ... فكن بيننا, لنشعر بالطمأنينة ... والإعتدال.
بعدين ... وييين ... عادل جبارة؟ وكيف أحوال أولاد الصحافة في الرياض؟
أما موقع الصحافة الإلكتروني ... فينتظر مبادرتكم ... ومن قبل ... غيرتكم ... فأبقوا جاهزين وأعمل { كولات } لكل من يعنيهم الأمر ... ودعونا والصيف على الأبواب ... أن نرى أبواب هذا الموقع مفتوحة للإستجمام وتبادل الرأي والمشورة.
مع مودتي
| |
|
|
|
|
|
|
Re: مدنية الصحافة ... وكما نحبها (Re: عبدالله كع)
|
Quote: اسألو ياخي شوفونا عملنا شنو ؟؟؟؟؟؟؟؟؟؟؟
|
مقصرين ... عزيزنا عبدالله ... لكن ليك علينا, من الآن ... فصاعدا ... ستجدنا متوفرين وبكثرة لكل حبيب صحافي ولكل خبر يهمنا ولكل جميل تضعه الظروف في سلة حياتنا, بل ولكل حزن يصرفه المولي على طريقنا.
فلك العتبى حتى ترضى ... مع آهل مودتنا... وتسلم.
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
استاذنا هاشم صباحك فل......
Quote: بس متين ؟ إنشاء الله في إجازة العشرة يوم القادمة |
اكيد.... اليوم المقترح يوم الجمعه القادم انشالله وسوف تصلكم الدعوةانشالله
ــــ حيدر يقصر الملح .......
Quote: مقصرين ... عزيزنا عبدالله ... لكن ليك علينا, من الآن ... فصاعدا ... ستجدنا متوفرين وبكثرة لكل حبيب صحافي ولكل خبر يهمنا ولكل جميل تضعه الظروف في سلة حياتنا, بل ولكل حزن يصرفه المولي على طريقنا.
فلك العتبى حتى ترضى ... مع آهل مودتنا... وتسلم |
إذا المرء لا يرعاك إلا تكلفا فدعه ولاتكثر عليه التأسف ففي الناس أبدال وفي الترك راحة وفي القلب صبر للحبيب ولو جفا ما كل من تهواه يهواك قلبه ولا كل من صافيته لك قد صفا إذا لم يكن يصفو الوداد طبيعة فلا خير في ود يجئ تكلفا ولا خير في خل يخون خليله ويلقاه من بعد المودة بالجفا وينكر عيشا قد تقادم عهده و يظهر سرا كان بالأمس قد خفى سلام على الدنيا إذا لم يكن بها صديق صدوق صادق الوعد منصفا
ـــــــــ دربكم اخضر يا ناس الصحافه
| |
|
|
|
|
|
|
Re: مدنية الصحافة ... وكما نحبها (Re: بكرى الخليفة الكتيابى)
|
الصحافه فيها الدرر يابكري الخليفه
الصحافة قبلتنا هي الجسد والروح
تحاياي القلبية لكل احبتي بالصحافه
وياحليل الحزام الاخضر قالوا قطعوها الكلاب ,,,
دمتم ودامت ايامكم كلها سعادة
تحيه خاصة للحبيب حيدر قاسم والرشيد كرفرف والاخ خالد حيمورة
تسلموا
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: فلنعد إلى مجرانا الإسفيري ... من بنات وأبناء حيمورة فى السودان ... إلى فروعهم فى المهجر, إلى أبو عناب إلى أبناء الصحافة بالرياض, إلى الصحافة تلاتين ... إلى معاوية محمد بأمريكا, إلى عيدروس بالخليج ... وحتى كبيسة ... والكيك. |
| |
|
|
|
|
|
|
Re: مدنية الصحافة ... وكما نحبها (Re: Alsa7afa_30)
|
الصحــــــــــــــــــافة تلبس حٌلــه زاهية مطَرزه بعِظــــــامه من القامات الشاهقه يعتليها القطب القاصي حيــد ر قاسم وفرعها المتدلي أحمد عوض عجوز حينما غرد بالصحافة صحافة العظام من سبعه لجنوب الحزام ،والصحافة صحافة الهجيج من سبعه للصهريج ، وفيهم شاعرنا هاشم والمتفاني عادل جبارة وعيال حيمورة وحسام الدين ومعاوية وغباشي الجواكر الهاشي وعبدالدائم الزايغ مننا في جده وجيت لقيتوا بجاي بس الصياد الشاطر بيلبد في.. أحبتي عام جميل وربع مديد بجمالكم ياريس الكتيبة القاصدة (حيدر ود عمي قاسم)
مزيد من الإبداع جيرانه الكرام .
،،،،أبوقصى،،،،
| |
|
|
|
|
|
|
|