|
|
 Re: إمتداد الصحافة ... وكما نحبه (Re: HAYDER GASIM)
|
الاخ الحجرابي العيدروس
السلام والاحترام ليك ولاهل بيتك الطيبين وناس مربعكم المعتقين
تربطنا مع الاخ الاكبر عبدالله حجر علاقة قوية ووطيدة مع اخي الاكبر
فتح الرحمن عوض
ومرحب بيك كتير وسط اهلك ناس الصحافة المافي زيهم في الدنيا
| |
 
|
|
|
|
|
|
|
|
Re: إمتداد الصحافة ... وكما نحبه (Re: ahmed agooz)
|
الأخ عيدروس
تحياتي الطيبات ...
الظاهر كراعك { خضرا } ... مما جيتنا قلبنا لي
الصفحة التاسعة ... وزاحفين على محطة سبعة , بس
بصراحة لازم إرجع غباشي ... فمداده عالي القيمة
طليق في إنسكابه أصيل فى مشاعره , أما ناس إنعام
وإشراقة ديل ... فأظنهم يراهنون على أن حبنا لهم
سوف يمنعنا من الزعل منهم ... وهو كذلك لكن كمان
حقوا إخلقوها حلوة شوية ... فقلة الطلة بتعذب خلق
الله ... مع تحياتي لكل أبناء وأسرة الصحافة الإسفيرية.
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
العمدة ودقاسم
الرواد الاوائل جمعا
استاذ الاجيال الباسم دوما الموصلي
ابو السمع معاوية
الاخت النجمة انعام
الاخ النضيف عبد الدائم
الشرقاوي الرائع عمر عبد السلام
امير الشباب غباشي
رفيق ليالي الصحافة علاء حيمورة
العاشق المتيم هاشم
معلمي ود جبارة
الجديد الشديد ود حجر
من سقط اسمه ناسيا غير متجاهلا
اهنئكم بالصفحة التاسعة وعقبال التسعين
| |
|
|
|
|
|
|
|
|
|
Re: إمتداد الصحافة ... وكما نحبه (Re: ahmed agooz)
|
الاستاذ احمد عوض (عجوز)
يا ترى التدريس فى ذكراك ام الايام الخوالى مضى عليها الدهر ؟
كما اسلفت آنفا فى صحافتنا ان يكون هناك مزيد من التعارف
وهاهو استاذنا احمد عجوز يمر علينا فى حلة(بضمن الحا) زاهيه بحلة خمجان
بواسطة شقيقة فتح الرحمن وشقيقى عبدالله يا لها من ذكريات (البوكس موجود)؟
الا ليت الشباب .......... اكمل يا حيدر قاسم ؟؟
الكل مشغول واتمنى ان لا يطول طول الانتظار الى الصحفة العاشرة ان شاء الله
ودمتم احبتى ,,
| |
|
|
|
|
|
|
|
|
 Re: إمتداد الصحافة ... وكما نحبه (Re: عادل جبارة)
|
ظهور مفاجئ لشاعر من الصحافاب فى قصيدة ( عتاب )
هاشم ابن مربع 15 وجارنا الحبيب
حا تظهر المواهب .. الى الامام اخى هاشم خلف الله
الفاضل
عادل جبارة
شنو حكايتك مع القبل ؟؟
ارجع بسرعة بس ما كداري ...
| |
|
|
|
|
|
|
|
|
 Re: إمتداد الصحافة ... وكما نحبه (Re: HAYDER GASIM)
|
Quote: بل ربما عدم وجود { برنامج } هو السبب ,
فدعونا نفكر بعقل جماعي حتى نصيب حالا أفضل مما هو كائن .
|
نعم..اضم صوتي لسيدالحوش / حيدر قاسم ..لنقف جميعا لحظة للتأمل ..ثم طرح افكار يمكن ان تمضى بهذا البوست قدما ..اعتقدان لدى ابناء الصحافة الكثير من الفرح والجمال ..فالننشر الدرر في ايامنا المقبلة
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
اخواني الصحافاب سلام:
مشكلتي اني متيم بمدينة الصحافة واعشقها بلا حدود
ياريت يا جماعة نبدأ نوثق لاعلام الصحافة في شتى المجالات
وكمان يا ريت البداية تكون بنجوم الكرة لاسباب كتيرة
وانا ابدأ ليكم بنجوم مربعي 24
به فريقي :
الحزام
والمجد
من نجوم الحزام
1/الدولي بكري لعب في(النيل والهلال والموردة)
والفريق القومي السوداني والان يعمل مدربا للهلال السوداني.
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
2- صابر عبد الرحيم بابكر - صابر جلاس - لعب لجلاس وللهلال العاصمي
3- رضوان عبد الرحيم بابكر - رضوان الصحافه - لعب للصحافه و للمريخ العاصمي
الأخوين كانا يسكنا الصحافه مربع 24 منزل رقم 36
الأن رضوان بالولايات المتحدة وصابر بهولندا
| |
|
|
|
|
|
|
|
|
|
Re: إمتداد الصحافة ... وكما نحبه (Re: غباشي)
|
غباشي جا ... والصحافة ... الله أدا ... { لسان ضكر }
كدنا أن نعمده { عجوزا } ... فإذا به يتحدث عن { القبل }
وكاد ... صديقي ... عمر عبد السلام أن يقتنع { بالعجوزية }
لولا أن عميدنا بالمملكة وهبه { سنارة ... وساحل } لإصطياد
شبابه الآفل ... { جنس بشتنة }
وكدنا ... أن نغرق ... لولا ... حجر ... يعلن السواحل ويشهر
علينا خيامها النواصب ... حتى مطالع الصحافة { القيافة }
وكنا ... على حين حيرة ... حتى اتانا ... {أحمد العجوز }
فأوقد فى زيتنا شعلة الأمل ... { وطفق } يشرع النوافذ واحدة
بعد الأخرى ... من كفر ... إلى وتر ... وننتظر الجايات .
وكوننا ... فى سعة معاوية ... فهو يطل من جديد ... ويعلننا
أننا الصحافة ذاته ومرآته ... وبمنتهى الأناقة ... شفتو كيف
ننتظر ... عبد الدائم ... وكل من لم يطلوا على الصفحة التاسعة .
مع اجمل الأماني ... وأطيبها
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
| Quote: يا خال قالو عادل جبارة وصل المجلس .. بس وقف يشترى جريدة وبعد داك حيواصل لمربع 25 |
كدي ياولدي غباشى .. ذكرني .. المجلس واقع وين ..؟،ا آخر مجلس بذكرو.. ( مجلس ريفي مروي ) .. الكلام في الستينات !
وحمدالله على سلامة وصول عمك عادل جبارة ..بس ماتنسى تديه كوز مويه عشان ياخد نفسو .
| |
|
|
|
|
|
|
|
|
|
Re: إمتداد الصحافة ... وكما نحبه (Re: omer abdelsalam)
|
يا عمر اخوي صاحبك عادل جبارة غرقان لشوشته مع فلسفة القبل والمسألة
عملت ليها شعبية كبيرة جداً وسبحان الله بعد ما اسمه كان عادل جبارة
بعد فلسفة القبل بقي بقي بقي ... .... عدولي تصدقوا ده , وانا
المسكين اكتب شعر وحب ولا واحدة من الشكس قالت لي ... يا هشومي
شوفت كيف هناك فرق . وماتقطع الزيارات يا عموري حلوة دي علي وزن
عدولي ها ها ها هاشم احمد خلف الله .
| |
|
|
|
|
|
|
|
|
|
Re: إمتداد الصحافة ... وكما نحبه (Re: Osman Musa)
|
يا اخوانا .......... هوي ........... ناس الصحافة ,
الليلة جابونا ... بالبونط العريض ... فى واجهة سودانيزأولاين ,
وكمان { الخت تخين خلاس } ... وشكرا لى بكري ... ما صبرنا كمان ,
بس الله إسترنا من { غيرة } ناس الإمتداد .... أنا فرحااااان الليلة.
وعقبال ... كللللكم .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
اصحاب الدار كيف حالكم 00
اخوكم من الصحافة غرب 00بس انا ما عرفت قصدكم شنو بكلمة ( إمتداد) دي
فهل المقصود إمتداد الدرجة التالتة ولا حاجة تانية00
إم هي تسمى أساساً ( امتداد الصحافة) وانا ما جايب خبر؟
***
محمد بشري وينك ووين صورك الوعدنا بيها!!؟
منتظرييييين00
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الصحافاب الاجلاء
مشتاقييييييييين شددددددديد
انا والله برة السودان وبالتالي برة الصحافة لكن اليوم جيت مخصوص اشوف الحاصل شنو ....
ازيكم وكيفكم وسؤالكم عني عشان كدة جيت ابارك وخاصة التثبيت ...
رفعتوا راسنا فوق
والله يخليكم لينا
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
عيني باردة على إمتداد الصحافة بالبونت العريض ...
لك التحية يا زعيم و تحية خاصة لأبناء الصحافة ومن قبل التحية لصحافتنا المافي زيها و ألف شكر بكري أبوبكر
يلا يا جماعة خلونا طوالي فوق عشان الناس ما تكوس للينك كل مرة
لسة مشغول و الله لكن حاجة زي دي ما بتتفوت
جاييكم ... فاضل حاجة بسيطة
غباشي
| |
|
|
|
|
|
|
|
|
|
Re: إمتداد الصحافة ... وكما نحبه (Re: غباشي)
|
Quote: أبوعبيدة تحياتي
اذا كنت من مربع 15 وخريج آداب الخرطوم |
أنا أقتبست القطعة أدناه من كلآم الأخ معاوية , لكن عايز اسالك
وين بالظبط في مربع ( 15 ) لاني ساكن في نفس المربع .
تحياتي ,,,,
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
فــوق فـــوق الصـــــحـافــة فـــوق
فــوق فـــوق الصـــــحـافــة فـــوق
فــوق فـــوق الصـــــحـافــة فـــوق
لى اسبوع بتفرج وبعاين للبوست وارجع
بطنى موجعانى بالمقسة والله يا زعيم
دا كلو من الانقطاع الشامل لكتير من الاخوان
الناس الجداد ناس 15 الركن البعيد الهادى
اهلا" بيك ابو عبيدة نحن ناس 25
معاوية باين عليك عاوز تكوش على جائزة شهر مارس
مبروك عليك مقدما" بس ما تقطع وشايفنك مهجج المنبر
بفتحى حسين وابو داؤد
غباشى مبروك النجاح مقدما"
| |
|
|
|
|
|
|
|
|
|
Re: إمتداد الصحافة ... وكما نحبه (Re: ahmed agooz)
|
| Quote: هوي يا صحافة طيبك عبق( يالبوستيك)يسوي بق |
تمام ... يا عجوز ... ولما إستعدت لنا شبابنا , بحيويتك
وكلماتك الحماسية ... فعلا الصحافة { ملهمة } ويحق لنا أن
نفتخر بالإنتماء إليها ... لى قدام .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
ادباء البيت الكبير
سلام وشوق اليكم والى امنا الصحافة
واحد سالني اليوم ما سويت ليك شي في السودان عشان خلاص
ترجع لصحافتك البتريده ؟
فاجبته :
والله البيوت في الصحافة غالية جدا وربك يسهل .
رد علي :
يا عجوز حيرتني معاك الدخل الصحافة هنا شنو .
في سري ( اللبيب بالاشارة يفهم )
ولو كان صاحبنا السائل واحد ممن اشتاكت قدميه
في طفولته بشوكات جدوال وخمائل ومنتزهات صحافتنا
لوعي معنى هذه الارض لنا فليعش سوداننا عاليا
بين الامم .
اكيد صحيت وهيجت فيكم زكريات الطفولة يا
احبابي الحلوين .
ارحب ترحيبا حار بالنجم الساطع الاستاذ
ابوعبيدة حسن.
وبس فاصل ونجي نواصل
| |
|
|
|
|
|
|
|
|
|
Re: إمتداد الصحافة ... وكما نحبه (Re: عيدروس حجر)
|
| Quote: رأيك شنو فى الفكرة ؟؟ طبعا بعد اذنك .. |
يا عيدروس ... هذا أدب جم ... وهذا سلوك طيب حميد وماني عارفك
رجل على خلق { ومربى } ... ونعم التربية ... ويا مجد تلك الأسرة ,
أنت بهذا المدخل الأدوب ... ترفع المستوى الأخلاقي لهذا المنبر ولما
يعاني هنا من مشاحنات ومن لغة غير محتملة فى بعض الأحيان , فشكرا لك
وأنت تسخر القيم على الأرض وتذكرنا بأفضل ما قدمناه للبشرية من معروضنا
الإجتماع/أخلاقي ... فعشت .
مع ذلك عزيزي ... فرأي فى الفكرة أتلمسه من الإتجاه العام حين النقاش
فى هذه النقطة , وإن أرى وجاهتها مسبقا وما في مشكلة , لا تحتاج إذني
ولا غيري ... فنحن هنا لنعبر عن آرائنا ومقترحاتنا بكامل الحرية , أعلم
أنك تولي { الإحترام } هنا عنايتك الكاملة ... أقدر هذه المشاعر وأحمد
الله ان مايزال شبابنا بخير وعلى خلق .
مع تحياتي
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
أحبابي ... أسرة الصحافة الإسفيرية
كيفنكم
أخطركم بأن الجائزة الشهرية لهذا البوست سوف تمنح مشاركة بين كل:
1/ معاوية محمد
2/ أحمد عجوز
مش لانهم من مربع أربعة وعشرين ول عاملين { لوبي } ... بس يا أخوانا
الناس ديل فنانين خالص ... وقد أتحفونا بالطرب وبالكلام الجميل ...
وكما متواصلين معانا هنا بشكل جيد ... والبغيب منهم بعوض ... شفتو
معاوية عمل شنو ؟ أما العجوز فأحس بفرح إنتمائه إلى هنا وقادر أتلمس
مشاعره الصادقة تجاه الصحافة الواقع والإسفير على حد سواء .
صفقوا لهذا الثنائي النشط ... وأفرحوا معهم وهم يتقلدون وسام الشهر ,
وعقبال للبقية ... وشدوا حيلكم .
مع مودتي
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
أخى حيدر سلام
أول مره أشوف الخرطوم كان فى سنة 1970
كان عمرى 11 سنه ركبنا من محطة ألدامر الى الخرطوم عموم ومن هناك الى مدنى
ونحن فى الطريق الى مدنى من موقف الخرطوم تلاته حيث موقف مدنى فى تلك الايام
هناك ..سالت أخى الكبير عليه رحمة الله عن تلك المدينة..
أجابنى دى ألصحافة وداك الحزام ألاخضر.. هنايقف الفاصل المدارى
ومن الصحافة يتبدل الجو
ويبدو ألصحو
يا سبحان الله
سلام
اخيكم عثمان
| |
|
|
|
|
|
|
|
|
|
Re: إمتداد الصحافة ... وكما نحبه (Re: Osman Musa)
|
| Quote: أول مره أشوف الخرطوم كان فى سنة 1970 |
تعرف يا عثمان ... الوكت داك عمر الصحافة كم؟ فقط سنة واحدة لا غير ,
لكنها سنة حلوة ولا شك ... إذ وفد آنها الأكثر مجبورية على مغادرة بيوت
بيوت الإيجار فى الديم والسجانة والحلة الجديدة والقوز ... وما إليه ,
كان وقتها { الحزام الاخضر } أعظم شأنا من الصحافة ولما لم تكن غير بضع
بيوت متناثرة ... لهذا أصدقك ملاحظتك حوله . للأسف إنتهى هذا الحزام من
حيز الوجود بدواعي الهوجة اللابيئية واللا حضارية واللا إنسانية ... إستئصال
{ وقح } لمشروع بيئي مدروس ومهم ... لكنها السياسة من باب التسلط ... يا
حسرة . إلى غير هذا فنحن أبناء الصحافة الأوائل ... لدينا ذكريات جمة فى
ذا الحزام , إذ كنا نعتبره ساحة لمغامراتنا وطلعاتنا الصبيانية , وكنا
نستمتع { إلى درجة الخوف } من الذهاب إلى هناك , وكنا وقد تعلم فى { ترعته }
لفيف من أبناء الصحافة آنها السباحة , وكنا نحزم من بين صفوفه المروق والأغصان
الميتة الناشفة ونعود بها إلى منازلنا ظفرا مبينا بأحطاب للوقود , تسر به أعين
أسرنا وتوفر على إثره بعض { ملاليم } لكوننا رفعنا عن موازنات أسرنا المالية بند
{ الوقود } ... كما كنا فى طريقنا إلى الحزام وفى الفضاية المناصفة للطريق بينه
ونهاية الصحافة نمر على { كوشة الجبل } ... وهي كانت أعظم كوشة فى العاصمة , نمر
عليها غير متعففين من إلتقاط ما يعجبنا منها وما يتفق ومزاجنا وما يمكن أن يلبي
حاجة فينا أو فى بيوتنا , فنعود إليهم بقطع الغيار التي لم نعرف تحديدا أين { تلفق }
وبالمسامير والاولواح الحديدية والخشبية وبكثير مما يرمي به موسوري الحال فى الزبالة .
بل كانت فى الحزام وفى كوشة الجبل حياة إجتماعية قائمة بذاتها ... فيها الخفراء
وعمال الحراسة وفنييي تصنيف الخردة وسوق { متواضع } لكل ذي قيمة . كان يومنا الذي
نترجاه بفارق الصبر هو يوم الأربعاء من كل إسبوع , حينما تحمل القلابات حينها نفايا
مصانع الحلويات وأشهرها كان حلويات سعد , وحيث لم نكن بدافع الفقر والجهل لنبالي
بمنقوص قيمة هذه الرواجع بل وخطورتها على صحة الإنسان , فأكلنا منها ما طاب فى حينه
وحملنا بقية { التحلية } للحلة ... كان هناك مداومين أشداء فى الذهاب إلى هناك ,
وإن أشعر ببعض الحرج فى ذكر الأسماء الآن ... كانوا وكأنهم محترفين فى هذا الحقل ,
لكن ... وعموما ... ولما كنا جميعا { محترفين وهواة } نفرح بالتساوق بين الصحافة
والحزام وكوشة الجبل , فلا أجد حرجا فى إضافة هذا التقليد إلى لوحة صبانا ... عنوانا
فى البحث عن الحياة وإن كانت فى { الكوشة } وركضا وراء عوائد أسرية ملموسة { كحطب
الحزام مثلا } وإستلهاءا بالأنس وبأحاسيس المغامرة على ذاك الطريق ... وإسترياضا عاليا
فى ركاب { مشوار صاح } ... وفى بلد ترتفع شمسها عن هامات الناس نصف قدم, فقط لا غير .
ما الذي إستحضرني ... كل هذا ؟؟؟ ... عتمان أخوي ... شكيتك على الله , ما عارفناعلى
الهبشة ؟؟؟ ... لكنها صحفة فى تاريخنا ... ومرحب بمن يستزيد .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
أخى حيدر سلام
أنت يا حيدر تكحلت بتلك الثروة من ألجمال
37 سنه وانت مثقل بالشعر الذى تسكبه الان
37 سنه وانت فى كندا الاف الاميال تشتم عبير البان وألسيسبان
فى الحزام الاخضر
37 سنه وأنت تستشعرالسحر وتحس جلاله وجماله ياسلام
عثمان
| |
|
|
|
|
|
|
|
|
|
Re: إمتداد الصحافة ... وكما نحبه (Re: Osman Musa)
|
أخى حيدر سلام
والله يا حيدرأنا فى نيويورك كنت شقال عتالى جينز...
اعتل الجينز . وأشتم طيوب الزيداب تلك البقعةأستوقفتنى فى صحوتى ومنامى
أستوقفتنى مفاتنها الطبيعية ومحاسنها وذكريات الذكر فيها والمديح والدلاليك
______
فتح ألباب عاين لنا
قال لى متين نقلوك هنا
وانارى
الساده وحشتنا
أتمنا ان لاتطول الوحشة
عثمان
| |
|
|
|
|
|
|
|
|
|
Re: إمتداد الصحافة ... وكما نحبه (Re: Ishraga Haimoura)
|
Quote: هذا بوست كل من قطن أو إرتبط أو عاش أو عشق أو عاقر أو علق
بالصحافة ... حيث تداعت الجغرافية بإنفضاض جزئ للقوز والسجانة
والديوم الشرقية, ليكون فى إمتداد الصحافة متسع وحيث ضاقت المساحات
وحيث ( كبروا ) الأولاد والبنات ... فلا بد من رقعة جديدة ... فكانت الصحافة |
11/06/2006
حيدر قاسم ذلك الابداع المتجلل فى ادغال وغابات صحافتنا.. هكذا بدء
البوست بذلكم التاريخ ليكون عيدا قوميا علي مدينتنا الصحافة
فليكن الاحتفال والعرس الصحافى عسى ان لا نفقد عزيزا علينا
ليحتفل معنافى هذا اليوم الاغر .. نعم ثلاثة اشهر تفصلناعن هذا التاريخ
فاستعدوا .. من مربع 15 وحتى مربع 42
| |
|
|
|
|
|
|
|
|
|
Re: إمتداد الصحافة ... وكما نحبه (Re: omer abdelsalam)
|
تنعى أسرة الصحافة الإسفيرية المرحوم / محمد إسماعيل
غفر الله له من ذنبه ما تقدم وما تأخر ... وألهم أهله
ومحبيه الصبر وحسن العزاء.
شكرا أخت إشراقة على التنبيه لكون ا لمرحوم من أبناء
الصحافة مربع 17 ولا أراكم المولى مكروها فى عزيز .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
برغم المعروف عن التسعة كونها { طويلة }
لكن الظاهر صفحتنا التاسعة ده شكلها قصير ,
وسوف تعبر سريعا ... ليس لسبب غير نشاطكم
وتناديكم على صرح الصحافة وبدفع من سحرها
وحنينها وهو ياثر القلوب ويسترق المشاعر .
فقدما
| |
|
|
|
|
|
|
|
|
|
Re: إمتداد الصحافة ... وكما نحبه (Re: Osman Musa)
|
Quote:
Quote: هذا بوست كل من قطن أو إرتبط أو عاش أو عشق أو عاقر أو علق
بالصحافة ... حيث تداعت الجغرافية بإنفضاض جزئ للقوز والسجانة
والديوم الشرقية, ليكون فى إمتداد الصحافة متسع وحيث ضاقت المساحات
وحيث ( كبروا ) الأولاد والبنات ... فلا بد من رقعة جديدة ... فكانت الصحافة
11/06/2006
حيدر قاسم ذلك الابداع المتجلل فى ادغال وغابات صحافتنا.. هكذا بدء
البوست بذلكم التاريخ ليكون عيدا قوميا علي مدينتنا الصحافة
فليكن الاحتفال والعرس الصحافى عسى ان لا نفقد عزيزا علينا
ليحتفل معنافى هذا اليوم الاغر .. نعم ثلاثة اشهر تفصلناعن هذا التاريخ
فاستعدوا .. من مربع 15 وحتى مربع 42 |
يا أخوانا ... كلام أخونا عيدروس حجر ده ما إروح ساكت زي شمار فى مرقة
{ يا ربي معناها شنو آدي العبارة } ... فشايف الإقتراح وجيه ولما هو يعلى
قيمة هذا البوست ويحفز أبناء الصحافة لمزيد من العطاء ... فإذا وافقتوا على
فكرة عيدروس ده ... فيلزمنا{ تصور } لإخراج هذه المناسبة بشكل يليق والصحافة .
لكن قبل ذلك دعونا نلقي بإضاءة عجلى على ما حققناه إلى الآن من خلال هذا البوست :
فأولا ... تعلق إسم الصحافة بأكبر ساحة إسفيرية سودانية وظل إسمها يحط فى ركاب
الدنيا عبر أرقى تقنيات الإعلام الإلكتروني ... يعني بقينا معروفين لدى كل العالم .
وثانيا ... وفرنا من خلال هذا البوست موضعا لأبناء وبنات الصحافة لكي يلتقوا ويتبادلوا
الذكريات والمشاعر الإنسانية ... بل من أفضاله أن أعاد رتق كثير من العلاقات التى
إنتقلت بحكم الإنقطاع المديد إلى خانة الموت { الاكلينكي } ... فإذا بها تزدهر من
جديد وبعنفوان أشد والامثلة كثيرة ومثيرة .
ورابعا ... أننا إستطعنا وبشكل من الأشكال تقديم تاريخ الصحافة للمجتمع الإنساني ,
فحفظنا لاجيالنا السابقة حقهم فى توقيع ملامحهم ومنجزاتهم ومتاعبهم فى كتاب التاريخ
الكبير .
خامسا ... كذلك قدمنا الصحافة من مدخل نجومها السوامق فى الفن والإبداع والرياضة ,
فحققا لأجلهم زخما يستحقونه ... وهذا أضعف الإيمان .
سادسا ... تعرضنا { دون إنتظام } لقضايا الصحافة على الأرض وما يزال ينتظرنا مشوار
طويل لخدمة مدينتنا التي نحب وأهلنا الذين نعز .
سابعا ... خلقنا الحافز المادي والمعنوي لأبناء الصحافة فى الداخل ليهتموا بمظهر
مدينتهم فى الإسفير , وهذا مما يجعلهم يهتمون بالكمبيوتر وبتكنولوجيا الشباك
الإلكترونية ... إذن فنحن وبشكل من الأشكال ننمي وعي أبنائنا فى الصحافة ليتعاملوا
مع مستحضرات العصر والتكنولجيا على نحو خلاق ومواكب .
ثامنا... وفرنا واحة جميلة لمغتربي ومهاجري الصحافة ... ليسكبوا على أرضها وبين
أفنانها مشاعرهم الصحافاوية المبينة وليعيدو لحمة تواصلهم التاريخي والإجتماعي
عبر وسائط عصرية مؤثرة وفعالة .
وأواصل ...
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الأخ عيدروس وأخونا صاحب البوست حيدر ودقاسم الأخوة الأعزاء أولاد إمتداد الصحافة الطيبون،
سلام
متابعين وقلنا نفسح المجال لبقية الأخوة أبناء إمتداد الصحافة للتوثيق لهذا الحي الراقي.
أذكر خلال منتصف السبعينيات حادثة طريفة أبطالها عدد من أطفال الحي في مربع 20 كانت أعمارهم تتراوح حوالي 7 الى 10 سنوات إجتمعوا في ميدان 16 بالقرب من منزل ناس النذير الكاروي وإتفقوا على أن يسافروا السعودية..
والزمن داك السعودية كانت في أوج قمتها ويبدو أن الأطفال تأثروا بالعربات والهدايا من أموال وملابس وخلافة التي يأتي بها المغتربون في ذلك الوقت..
تحرك الأطفال في إتجاه مطار الخرطوم مشيا على الأقدام.. وعندما إقتربوا من محطة 7 في الإمتداد شاهدهم بالصدفة أحد سكان مربع 20 من بعيد وكان يعمل آنذاك في سودانير.. جاء ماري بالقرب منهم وواصل سيره.. لكن شبههم وقال ياربي الأولاد ديل شفتهم وين؟.. رجع ليتحقق مرة أخرى.. هذه المرة تعرف عليهم بأنهم أبناء مربع 20 أبن فلان وفلان.. الراجل إستغرب جدا وسألهم قال ليهم : يا شفع الجابكم هنا شنو؟ و ماشين وين؟..
نط واحد من الأطفال وقال ليهو: (ماشين السعودية)..
قال ليهم خير إن شاء الله ماشين تسوا شنو؟
طفل آخر رد وقال ليهو: ماشين المطار نركب الطيارة ونسافر السعودية نشتغل عشان نجيب عربات وقروش؟..
إحتمال واحد من الجماعة (الأطفال) ديل الآن كبر ومشترك في المنتدى..!
| |
|
|
|
|
|
|
|
|
|
Re: إمتداد الصحافة ... وكما نحبه (Re: عزيز عيسى)
|
اخونا الحبيب ..
عزيز عيسي ..
نعم قد يكون احد هؤلاء الصبيه معنا .. حيث
كانت عفويتنا وطفولتنا آنذاك ..
| Quote: متابعين وقلنا نفسح المجال لبقية الأخوة أبناء إمتداد الصحافة للتوثيق لهذا الحي الراقي. |
تابع توثيقك فليس هناك مجال للتوقف فالاستمراية واجب صحافي فى صحافتنا .
فمن غيرنا يعطى للصحافة معنى ان تعيش وترتقى ؟؟
من غيرنا .. من غيرنا ..
الاسماء قادمة ان شاء الله ...
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
أحبائي الصحـافاب..
سلام و تحايا..
شوقنا لكم فات الحدود لكنكم دوما على البال و في الخاطر..
مرحب بالصحافاب الجدد:
منزول محمد توفيق
ahmed agooz
عيدروس حجر
Osman Musa
ابوعبيدة حسن محمد
عزيز عيسى
و أتمنى لهم طيب المقام بين أهلهم و أحبابهم..
تحياتي..
| |
|
|
|
|
|
|
|
|
|
Re: إمتداد الصحافة ... وكما نحبه (Re: Alsa7afa_30)
|
احبتى الصحافاب ..
اتابع ما سردته سابقا عن اسماء رنانه شاركت معنا فى الصحفة
الاولى :
12- امير عوض الجمري 13/06/2006
13- الكيك 13/06/2006
14- ابو تقى 13/06/2006
15- الميز 13/06/2006 واعتذر اذا كان الاسم خطأ
16- زرياب كنيش 14/06/2006
17- تراجي مصطفى 15/06/2006
18- سليمان ابراهيم 16/06/2006
19- نزار حسين 16/06/2006
20- راكوبة 16/06/2006
21- تيسير عووضه 16/06/2006
22- مايا 17/06/2006
23- عثمان سيد احمد 20/06/2006
24- الفاتح وديدى 22/06/2006
نواصل البقية ان شاء الله ..
الصحافة 30 مرحب بعودتك ... واخوك قديم خلاص فى البوست ..
| |
|
|
|
|
|
|
|
|
|
Re: إمتداد الصحافة ... وكما نحبه (Re: ahmed agooz)
|
الأخ ... عيدروس حجر
يبدو أن أفكارك وهمتك أعلى من مستوى إنتباهنا وحضورنا ,
فنحن اللحظة أقل من { المنهاجية } التي تدعو إليها... إمكن
ما نزال { فرحانيين } بإمتطائنا صهوة الإسفير الخلوبة , وإمكن
تقدمت همومك على واقع حالنا , لكن الجامع الأعظم بيننا جميعا سيظل
فينا ... ما حيينا , إنها الصحافة ... القيافة , ننوم ونصحو عليها ,
لإحساسنا فى حضرتها ... أننا فى مأمن .
واصل ما إبتدأت ... وأفرج من جوانحك مساحة لفرحنا العشوائي , فربما
هذه مقدمة أن نكون أكثر مشاركة وإنتظاما فى أيام مقبلات .
مع مودتي
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
اخونا ... عزيز عيسى
مقدمك يطيب خاطرنا قبل ديارنا ... فمرحب .
قريت البروفايل بتاعك ... ولأول مرة تضحكني { الغتاتة } خاصة
فى نمرة التلفون ... إنت يا عزيز ... على حافة الجنون ... ول شنو ,
المهم ... ما إتأخرت كتير ... فألتحق بالله بمركبنا , خاصة وأن حافلتنا
الإسفيرية ناقصة نفر ... فعساي إستحضرت فى ذهنك حكاية مواصلات الخرطوم ,
في تجذباتها الدرامية بين التوسل { حين يقل الركاب } وبين القهر حين
يتزاحمون ... طيب أحكي ليك نكته هنا ... قالوا فى واحد كان { حاقص } لي
بوكس على مدخل مواصلات الصحافة من جهة شارع القصر , فإتعنكل اخونا قابضا
على ماسورة فى سقف البوكس { البشيل عشرة ... داك... وفى صفين } , فلما
رسى البوكس فى آخر محطة ... وحيث يتحدد من الراكب ومن المنصرف ومن يحل
المحل الفاضي ... وضح ان صاحبنا ما عندو حظ ... فكل الركاب غير نازلين ,
ومتحملين لكلفة مرابطاتهم عند محطة مستشفى الخرطوم وما دونها , يعني
دافعين { دبل } ... فإعتذر له الكمساري بغير أدب وأمره بالنزول , لم
يجد صاحبنا من شئ { يفرقع به غضبه } ... وهو يهم بالترجل من البوكس ,
قال للكمساري ... طيب أديني { سفة } ... ما فى الأمر أن هذه ليست بنكتة
وهمية ... لكنها حدثت بالفعل ... أما { علاقتها } بعزيز شنو ... فلست أدري .
عزيز ... خلى القتاتة ... وأبقى مارق , ورينا من وين فى الصحافة , وما
أوسعها حين الرحابة ... وما أضيقها حين التعارف .
مع مودتي
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الاستاذ حيدر قاسم
اهلنا سكان الصحافة
اعود اليكم اليوم بلون جديد لاحكى لكم عن تماسك اهل الصحافة وترابطهم فى الشان الوطنى وسوف احكى لكم عن انتخابات دائرة الصحافة والتى لعبت فيها دورا مع زملاء اعزاء فى التخطيط والادارة للعملية الانتخابية الى ان فاز مرشح قوى الانتفاضة حسن شبو على حسن الترابى الزعيم الاخوانى المعروف ..
بدات القصة عندما رشح حسن الترابى نفسه فى دائرة الصحافة وجبرة وكان مفاجاة للجميع الا ان حالة من الطوارىء اعتلت كل ناس الحى لكيفية اسقاط رمز الاخوان والذى كان يمثل النظام البائد المايوى الذى تضامن الشعب السودانى كله لاسقاطه ..
كان حزب الامة قد رشح الاستاذ سيداحمد خليفة ورشح الحزب الشيوعى المغفور له جعفر حسن عباس ورشح حزب البعث بكرى خليل وتانى الحزب الاتحادى فى اعلان مرشحه اذ دارت التكهنات بترشيح سيداحمد الحسين ولكن مولانا فاجا الناس بترشيح حسن شبو وهو محامى مغمور لا يعرف له اى موقف وطنى ابان معارضة النظام المايوى ..
ودالحسين احد اعلام جبرة ووطنى غيور وصاحب راى سديد رحمه الله كان شجاعا ومقداما واتحادى ثورى له افكاره النيرة وقفشاته الشايقية التى كان يقنع بها الجميع عندما يشتد الجدال ..
باقتراح من عمر نور الدائم الله يرحمه ومباركة من الحزب الشيوعى عقدت الاحزاب التى رشحت نفسها اجتماعا فى منزل ود الحسين فى جبرة وبعد كرم ود الحسين المعهود فيه للحضور ..
اقترح د.عمر تور الدائم ان تعمل القوى السياسية على توجيه مرشحيها نحو مرشح واحد يمثل قوى الانتفاضة ليكون فى مواجهة حسن الترابى رمز الاخوان والنظام السابق لان فى ذلك استمرارا لجذوة الانتفاضة وان سقوطه يعنى تاكيد الشعب السودانى بالوقوف مع قوى التغيير ورفضا لسياسات النظام السابق وقوانيين سيتمبر الجائرة ..
وكان السؤال من ذلك المرشح الذى ينبغى الوقوف خلفه فاقترح احدهم مرشح حزب الامة وقال اخر بمرشح الاتحادى ..
واتفق الجميع قبلها على التضامن والوقوف بحزم على الذى يقع عليه الاختيار ..
فاقترح عمر نور الدائم ان يحسم ذلك بعدد اللجان فالحزب الذى يملك اكبر عدد من اللجان فى الصحافة وجبرة على الجميع الوقوف خلف مرشحه ليكون مرشحا لقوى الانتفاضة ..
وفعلا وجدت ان لجان الحزب الاتحادى هى الاكثر عن لجان حزب الامة ..
عندها تعهد عمر نورالدائم فى حضور سيداحمد خليفة بالوقوف مع مرشح الاتحادى حسن شبو وفعل الجميع ما فعله عمر نور الدائم .. والقصة طويلة
واواصل
| |
|
|
|
|
|
|
|
|
|
Re: إمتداد الصحافة ... وكما نحبه (Re: الكيك)
|
قبل الانتخابات بحوالى شهر تقريبا طرق باب منزلنا ودالحسين ليسالنى عن اسم صاحب المنزل الذى يجاور منزلنا وكان يريده مقرا للحزب الاتحادى الديموقراطى وطلب منى الذهاب معه اليه حيث يعمل شرطيا فى القسم الجنوبى او قسم الخرطوم جنوب ..
وهناك اردت تعريفهما مع بعض وفجاة وجدت ود الحسين يقالده ويسلم عليه بحرارة معرفة قديمة وقال لى خلاص انا وجدت عبدالله وهو زولى تانى ما عندك شغلة معانا ..وفعلا تم الاتفاق بسرعة واستلم مفاتيح دار الحزب الاتحادى فى مربع 22 شارع جبرة ..
وكانت كل دور الاحزاب فى هذا الشارع حيث كان مقر الجبهة الاسلامية فى مربع 24 ومقر حزب الامة والبعث فى مربع 20..
اعود مرة اخرى لنتائج اجتماع منزل ود الحسين رحمه الله ..حيث تم التنسيق بين الاحزاب على توزيع الادوار فيما بينها ..
التعبئة الجماهيرية لحزب البعث ومعه الامة والاتحادى ..الشان التنظيمى للحزب الشيوعى ..والمستقلين وكنت امثلهم حيث عقدنا اجتماعا مع شباب الشيوعى والامة والبعث ومستقلين اخرين بدار حزب الامة وتخلف شباب الاتحادى لعدم وجود كيان منظم .. وتمت فى الاجتماع اهمية تواجد شباب من الحزب الاتحادى ..
وعمل ودالحسين جاهدا بجهده وماله من اجل كيان للشباب الاتحاديين اصحاب الوجعة فى هذه الدائرة المهمة ..
وبذل مساعيه مع اعضاء اللجان والزمهم باحضار ابنائهم للتدريب على عمل الانتخابات فى دار حزب الامة واستطاع ان يوفر اكثر من ثلاثين شابا بعد فرزهم وتمحيصهم تم اعتماد اصحاب الولاء الاتحادى اعتمد حوالى خمسة عشر شابا منهم انتظموا فى عمل تدريبى مكثف عن ادارة العملية الانتخابية فى مربعات الصحافة وجبرة ..اواصل
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الأحبةإزيكم و مشتاق ليكم شوق شديد
الزعيم
قمت ليك بواجب حلو مع أهلي ناس الإمتداد ... لقيت طارق جبريل بيفتش لناس الإمتداد قمت قلت برضو الدم ما بيبقى موية و رفعنا ليهو البوست
احمد عجوز
خاطف الجو يا عجوزنا و بقيت في الصفحة الأولى بعد سودانيز اونلاين طوالي و دي مفخرة لينا
عبد الدائم
وينك يا حبيب
الصحافة 30
مرحب بعودتك و دايرنك تربها لينا... أصلو ما بنخليك تمشي ساي ... إن شاء الله تعزف لينا عازة في هواك 
الخال عمر عبد السلام
مشتاقين و الله .... اتحفنا بالدرر و احكي لينا الزكريات و ياريت لو تبدا لينا من دكان الحرزاوي
عزيزنا (عزيز عيسى)
مرحب بيك و انت سيد بيت عديل
عيدروس حجر و أسماء في حياتنا
أبوعبيدة
عاوز اسألك من نفرين في الصورة
1)ده شكلو صلاح فاروق (الحلبي) طبعا ود حلتناقبل ما يرحلوا قبل 3 سنوات
2) التاني و الله ما بعرف اسمو لكن كنت بشوفو في إحدي مسابقات المدارس زمان لكن قبل سنتين لاقيتو في مشروع تبع شركة دال (مدرسة دال)
تحياتي للجميع و بدون فرز
| |
|
|
|
|
|
|
|
|
|
Re: إمتداد الصحافة ... وكما نحبه (Re: غباشي)
|
| Quote: على العموم أنا حأبقى الصديق و أدي الزعيم hint قوية |
منتظر { الهنت }
لكن ... صديقي غباشي ... دعني أحزر ... و أفزر ... { وأدفع ثمن شلاقتي }
فالصورة من عمق الصحافة ... والجيل الذي يمثله صاحب الصورة ... أقرب لى
لعمر ناس عادل جبارة { الله إطراه بالخير } وأبعد مني وصديقي الكاشف { أقصد
عمر عبد السلام } ... فنحن العجائز بالأصالة ... وعادل جبارة العجوز بالوكالة ,
وما عارفو { مستعجل الكبر مالو }
المهم ... يا معاوية ... هذه الصورة الجليلة لا تكتمل إلا بصديق البطل { اللزم }
... وهذا الصديق هو { عثمان ضيق } ... فهل قربت من الهدف ... ول إفتح الله .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
| Quote: ... وهذا الصديق هو { عثمان ضيق } ... فهل قربت من الهدف ... ول إفتح الله . |
أصبت الهدف يا زعيم
علي دهب الشهير بـ علوب
وهو فعلا صديق حميم لعثمان ضيق أو كركبه
ديل أسأل منهم أحمد عجوز بعرفهم كويس
يديكم العافية انت وغباشي
الجائزة عباره عن راديو تلندستر وطقم كبابي تجي تستلمهم
يوم الخميس من ادارة البرامج
| |
|
|
|
|
|
|
|
|
|
Re: إمتداد الصحافة ... وكما نحبه (Re: أبو الحسين)
|
أولاد الصحافه الحنان
طبعاً أنا من أولاد أمدرمان ومابجي الصحافه إلا شاقي الدرب
الشيء الوحيد الذي يربطني بالصحافه هو الحاجه سكينه وكوارعها السمينه
لاأستطيع نهائياً أن أحرم نفسي من الإستمتاع بكوارع حاجه سكينه اللذيذه ...
دس صورة عمنا بتاع الكاشير راجل حازم لكن ظريف جداً
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الاخ الفاضل / غباشي
تحياتي 00
كرد لسؤلك عن اسماء الشباب الفوق ديك ، فالاول ده طبعاً الاستاذ صلاح الحامولي (المحامي)
والثاني هو الباشمهندس / مامون ، واعتقد انو شغال او كلن شغال في شركة دال - اوالكاتربيلار
ربنا يطراهم بالخير00بس طبعا الصور دي قديمة من قبل اكثر من 13 سنة 00ايام الدراسة بالجامعة00
وخالص الود00
| |
|
|
|
|
|
|
|
|
|
Re: إمتداد الصحافة ... وكما نحبه (Re: ابوعبيدة حسن محمد)
|
الاخ الفاضل معاوية
اول حاجة مطنش سؤالى ليك (ما يكون سر)
تانى حاجة انت رجعتنى لذكريات جميل
مع الفاضل (علي دهب) اول ما شفت الصورة
من (15) الـــــــــــــــــــــــــــــى (42)
ما فى واحد ما بيعرف هذه الشخصية المرحة
بالله الصورة لقطها وين ...
| |
|
|
|
|
|
|
|
|
|
Re: إمتداد الصحافة ... وكما نحبه (Re: عيدروس حجر)
|
| Quote: الاخ معاوية اول سؤال ليك انت من الصحافة ؟؟ |
الأخ العزيز عيدروس حجر
أنا في غاية الأسف وبعتذر ليك بشده ولك العتبي حتي ترضي
والله سؤالك دا ما شفتو الا هسه والشوف بالقلب ياخوي
وبعدين مافي سر ولا حاجه
أنا من الصحافة مربع 24 منزل رقم 191
سكنت الصحافه عام 1970
درست الابتدائي والمتوسط بالصحافه ثم الثانوي بالخرطوم القديمة
اختفيت من الصحافة من 88 الي 1993 فترة دراستي بجامعة الجزيرة
بعد داك عملت معلما بالمرحلة الثانوية من 95 الي 2002 ثم هاجرت
وأنوي العودة ان شاء الله قريبا لعشقي الأكبر الصحافة
بيتنا ملك يا عيدروس وأسرتي ما زالت في الصحافه مربع 24
اسم عيدروس دا ما غريب علي وبسمعوا كتير
بالله وريني مربعك وشوية معلومات عنك لو أمكن
عشان نعرف بعض أكثر
بعتذر ليك تاني
ولك مودتي
| |
|
|
|
|
|
|
|
|
|
Re: إمتداد الصحافة ... وكما نحبه (Re: Moawia Mohammed)
|
Quote: وأنوي العودة ان شاء الله قريبا لعشقي الأكبر الصحافة
|
يطربني هذا الكلام ... حتى { يكلب } شعر جلدي ... فما أحب
السودان ... وما أحن الصحافة ... وما أحرى العودة .
أنا معاك طوالي يا معاوية ... إن شاء شماعة .
... ولي قدام
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
قام بى ألاحد........................................
وأشوقنا نحنا البينا جمر الشوق وقد..................
أخى حيدر طنابيركن تجيب الضهبان والطرشان..........
بلاى عليك الله أسمع الصفقه دى حولا.........
وبلا خبر وبلا خبر
يابختها .. ويابختكن أنتو بالصحافة
سلام من محطة 7 لى السوق المحلى لو ما السوق المحلى كمان يكون الجماعه شالو
تحياتى اخيكم عثمان
| |
|
|
|
|
|
|
|
|
|
Re: إمتداد الصحافة ... وكما نحبه (Re: Osman Musa)
|
Quote: أولاد الصحافه الحنان
|
ده براها ... كفاية ,
أخونا محمد فرح ... هكذا تعظم أفراحنا ... بمثل هذه الطلة ,
... وكمان فيها كوارع ... قال
نحن محبورين بمقدمك ... ومن أي زاوية { أو ضلف } ... ما تنقطع
مع مودة ... أسرة الصحافة الإسفيرية
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
زعيمنا وسيد حوشنا
حيدر قاسم
طلتك دايما بهيه علينا
Quote: يا أخوانا ... ملاحظين ,
غياب { منتظم } لأولاد الصحافة بالرياض ,
{ إنطمسوا } ... ول شنو يا ربي ... اللهم أجعله خير ,
|
نعم غياب لمجموعة من احباب وضيوف صحافتنا ..
الاخ الفاضل معاوية
راجع ليك بالمواصلات .. الصحافة ظلط .. بس ما فى مواصلات هسع
الشمس فاقعه شديد خلاص
| |
|
|
|
|
|
|
|
|
|
Re: إمتداد الصحافة ... وكما نحبه (Re: غباشي)
|
غباشي اخوي ..
هسع عليك الله (الركشة) فيها تأمين والا امجاد
اظن عندك (امجاد) وما لاقى ليك زباين ،، كدى بشوف
الكاشف اخوي (الفاتح حجر) وسيد الحوش (حيدر قاسم)
نعمل لينا مشروع اسمو (الصحافة للتامين) وننظر فى امجادك
بعدين ... مشكور على طلتك الحلوة 
| |
|
|
|
|
|
|
| |
HAYDER GASIM
هاشم أحمد خلف الله
omer abdelsalam
Moawia Mohammed
غباشي
Osman Musa
ابوعبيدة حسن محمد
انعام حيمورة
Elmosley
منزول محمد توفيق
Ishraga Haimoura
عبد الدائم سيد أحمد
محمد البشرى الخضر
عزيز عيسى
Alsa7afa_30
الكيك
أبو الحسين
محمد فرح
فيس بوك
تويتر
انستقرام
يوتيوب
بنتيريست