|
|
 Re: إمتداد الصحافة ... وكما نحبه (Re: HAYDER GASIM)
|
معاوية ..و الله مشتاقين و راجينك تجي علينا ... طولت !!
حبيبنا أبو أحمد
الزمالك ماهو الفريق البتنسي و علاقتنا بالزمالك أزلية (ترهاقا و الزمالك) ومنافسة قائمة بزاتها و انا زكرتها في بداية مداخلاتي ... لكن يمكن لأنو الندية البيناتنا لأني كنت معجب بأداء العزيمة و اليونيتي لأنهما اكثر فريقين أداؤهما ثابت ... ألا تتفق معي .؟ أما عن نجوم الزمالك فهم كثر عماد التلب لم اشاهده يلعب و لكني اعرف خالد شقيقه الأصغر ... و للأمانة فإن أبناء عم احمد التلب رياضيون من الدرجة الأولى .. كيف لا و هم من مربع 38 ... من النجوم و الفلتات حمزة مبارك و شقيقه عبد الرحيم (أبو الهيل) .. الموهوب الماحي سليمان .. والحارس العملاق عبد المجيد ... التنجور .. الربع (شقيق استاذ ياسر) ... الكابتن عصمت ...أبو الريش ... والحارس زاهر ... وعبد الله خيري ... هشام النيم .. و ...
ومن الشباب جيلنا .. هشام شومي و شقيقه عمار ... ياسر يحي .. مجدي كرم الله ... اسامة خيري ... و القائمة تطول ...
اجمل ما يميز فريق الزمالك هو الدعم المتواصل من ابنائه بالخليج .. حيث كانت أزياؤه من اجمل الأزياء باللونين الأبيض و الأحمر يجعلني أفكر بانه الزماك المصري بحق
إداريي الزمالك لا يقلون عن إداري اليونيتي أو العزيمة في شئ ..لكن في مربع 36 تجد أن كل الحي يتنفس كرة القدم و يحيا بها .. فلا يكاد يخلو بيت لم يلعب أحد ابناؤه بفريق اليونيتي .. فمن أجل هذا انا معجب بهذا النادي بالرغم من التعصب الأعمي الذي يتصف به انصاره
أبو أحمد للحديث بقية ... و نأمل ان تكون عما قريب بيننا لتشاركنا عن كثب ..... و نلتقي
| |
 
|
|
|
|
|
|
|
 Re: إمتداد الصحافة ... وكما نحبه (Re: omer abdelsalam)
|
اخي العزيز عمر
تحياتي
بمناسبة مربع ( 38 ) ابعث بتحياتي واشواقي القلبية لصديقي الغالي ( محمد بشير رمرم )
وهو الان في كندا وكذلك الصديق ( الامين عوض الكريم الفادني ) اظنه لسه في الخرطوم
واخرين هؤلاء القوم درسوا معنا في مدرسة حلويات سعد ( الخرطوم جنوب بالظهر ) لاننا لم
ندرس في مدرسة حلويات سعد المبني ذات نفسه 0
اما بخصوص كرة القدم فانا من الصحافة غرب مربع 15 ولكني كنت العب مع نجوم 18 والسبب
هو كل اصدقائي او معظهم من هناك وكانت لنا صولات وجولات في ملاعب الصحافة وسط خاصة تلك
المبارة بيننا وبين فريق صقر الجديان من مربع 33 وهو مربع بنت عمتي وزوجها رجل مشهور
له الرحمة وهو السر الجزار ابو عبدالرحمن ومعاذ وياسر والتيمان وهلم0
بس احب ان اذكرك بالآخ سيف الدين علي البشير وهو لاعب قدير وقديم واخوه جبر الله علي البشير
لاعب سابق في أشبال الهلال وكذلك الصعلوك ( نــوري ) ومعاوية محمد الحسن وياسر الطويل
وصلاح واخرين 0
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
عمر عبد السلام و هاشم خلف الله
لقاء السحاب .. وبانتظار انضمام عادل جبارة و الزعيم ... وبقية الفطاحلة
صدقوني انا غايتو حأقعد و أربع يديني و أتفرج على التجليات البتحصل .. زيدونا من معينكم زادكم الله بركة
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الأهل و الحبان .. فاصل قصير مع الواعدة عافية حسن
والأغنية مهداة لتراب الوطن الغالي و لكل الطيور المغردة خارج السرب و اسأل الله ان يجمعنا قريبا في حضن الوطن ووسط الأهل ورفقاء الدرب ... لكم مني كل الود و الإحترام
| |
|
|
|
|
|
|
|
|
|
Re: إمتداد الصحافة ... وكما نحبه (Re: غباشي)
|
يا أحبة ... وكدت أردد الإقوولة ... يا قزازا مليان مربة ,
لكني تذكرت مقادير الوفرة التي نزلت على هذا المطعوم الذي
كان نادرا ... فإذا به يتقهقر إلى أسفل قائمة { المحليات }
وفيما لا يليق بكم طعما ونكهة ... ستسفر قوادم الأيام بما يليق
بكم ... ربما فى ذكري إنعام حيمورة ... وهي فى قلب المجمتع الذي
يسمي وينزع الأسماء ... فعساها { تحدث } معلوماتنا فيما نعتقده يستحق ,
إلى ذاك الحين ... فكلكم جميلين , الحاضرين منكم والغائبين .
عبد الدائم ... تخيل أن ما لعبت فى المشترى , لأسباب تتعلق بإشتجاره
التاريخي مع فريق ا لوحدة , ومن قبل مخاض { بيع } الوحدة { للدهاسيرة }
فى صفقة إستثنائية مستغربة ... ومن قبل فريق الوحدة كانت السيرة ترتكز على
على الأثر القديم والذي إتخذ إسم { البرازيل } وقد حمل الفريق من قبل إسم فريق
{ المريخ } بقيادة جبارة وشريف ساتي ولطفي وآل حسيب وبكري عشرة وبكري قبور
وعبدالمنعم أبوريقة ... وآخرين ... كانت هنا البداية وهي تتماهى فى بداية الصحافة
نفسها ... فهنا تاريخ آمل أن يتوفر له من هم أفضل مني معايشة وحكيا ... ودمتم .
توصيلة ... أين علاء حيمورة وشيقيقه إنعام ... وأخته إشراقة , فهنا ركن { إستراتيجي }
فى مناخنا الإسفيري ... لا نحتمل غيابه ... لا أفرادا ... ولا جماعة ... فلنسمع منهم .
مع الود .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
قلبنا الصفحة ؟؟؟
ألف مبروك الصفحة الثامنة وأرشح غباشي نجما لهذا الشهر ( يناير 2007 )
لجهوده الواضحة .. هل من مثني ؟؟
أصحح معلومة صديقي هاشم خلف الله بالنسبة لجبر الله علي البشير فهو لعب في الهلال
بالفريق الأساسي ،، وعفوا زعيمنا حيدر فسوف أستجمع معلوماتي وأشحذ الذاكرة بحثا
وتنقيبا لتاريخ فريقي الوحدة والمشترى وبينهما ضاع العديد من اللاعبين لوقوعهم
بين الحدود الجغرافية الوهمية التي قسمت مربع 23
ولي عودة ...
| |
|
|
|
|
|
|
|
|
|
Re: إمتداد الصحافة ... وكما نحبه (Re: عبد الدائم سيد أحمد)
|
Quote: ياشباب عمك عمر ماابراه داير ليهو دفرة ولكزة
حصلوا عمكم عادل جبارة .. باين دفرة ماوس ، ولكزة كيبورد ماكافية
انا بقطع المسافة حاليا من مربع 40 بالصحافة شرق الى مربع 25 في ساعة ونصف
بس عمكم عادل جبارة محتاج لى استراحة وقدرها 5 ساعات في مربع 33 .. يعنى الله يعلم كم تستغرق رحلة وصوله بين المربعين |
!
الجنرال !!
جاييك براااحة .... براحة
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
| Quote: وأرشح غباشي نجما لهذا الشهر ( يناير 2007 )لجهوده الواضحة |
هذا شرف أعتز به ... فأنا نجم بكم انتم ... وانتم نجوم كل السنة ... شكرا لهذا التقدير مع عظيم إمتناني
Quote: الجنرال !!
جاييك براااحة .... براحة |
ترقبو لقاء السحاب ...قريبا جدا 
| |
|
|
|
|
|
|
|
|
|
Re: إمتداد الصحافة ... وكما نحبه (Re: طارق جبريل)
|
Quote: تحياتي ابناء الصحافة
الي الاخ/ غباشى نسى فريق الزمالك صاحب الدار واقوى فرق الصحافة خاصة الصحافة شرق ولعيبته الافذاذ خاصة اللاعب عماد التليب
كمان اسالوا ازهري عبد السلام ( الفنان- الخلوق)
شكري الكثير
مهندس/ ابو احمد
|
على بريد الصحافة تناديكم الإلكتروني { وشغال بالمناسبة } ... وصلتنا
الرسالة أعلاه من الاخ أبو أحمد ... مرحبا به بين أسرة الصحافة الإسفيرية ,
ويله يا غباشي وأزهري شوفو شغلكم ... فالأمر يخصكم .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: الاخ/ غباشى نسى فريق الزمالك صاحب الدار واقوى فرق الصحافة خاصة الصحافة شرق ولعيبته الافذاذ خاصة اللاعب عماد التليب
|
حبيبنا الباشمهندس أبو أحمد لك العتبى حتى ترضى .. ولا يمكن نسيان أو تجاهل فريق في قامة الزمالك فقد كان و مازال الصديق اللدود لفريق ترهاقا بالإضافة للعلاقة الأزلية بين شباب مربع 38 و مربع 41 وقد أشرت لذلك في أول مشاركة لي 
| Quote: تلقيت تعليمي قبل الجامعي فيها بداية بمدرسة الصحافة شرق مربع 38 المربع الشقيق اللدود لمربعنا41 حيث فريق حلتنا ترهاقا و فريق مربع 38 الزمالك |
راجع الصفحة التالية
إمتداد الصحافة ... وكما نحبه
بالصدفة وجدت هذه الصورة و فيها يظهر بوضوح ميدان الزمالك و منزل أبناء المرحوم فقيري حيث الأشجار الكثيفة و للخلف يظهر سطوح منزل اللاعب الفذ عماد التلب ... و مئذنة مسجد مربع 38
و مرة اخرى لك العتبى حتى ترضى ....
الأهل و الحبان ... إزيكم و معليش للاختفاء ... زنقة شديدة لكن بجيكم قريب دعواتكم بس !
منتظر لقاء السحاب ... عمر عبد السلام و عادل جبارة ...
أتابع عن قرب التراشق الجميل بين طارق جبريل و عبد الدائم
سأعود ....
| |
|
|
|
|
|
|
|
|
|
Re: إمتداد الصحافة ... وكما نحبه (Re: omer abdelsalam)
|
غباشي
ما قصرت بصورة ميدان فريق الزمالك لكين عمك الجنرال عمر عبد السلام مع ذكرياتو حقت الإجازة القبل أربعة شهور ما قال لينا جك في الميدان ده كم جكة ؟؟؟
بيني وبينك شايفو ركز على موضوع الضل بس ( وجه ضاحك ) ما قلت ليك عجز ؟
| |
|
|
|
|
|
|
|
|
|
Re: إمتداد الصحافة ... وكما نحبه (Re: omer abdelsalam)
|
اخوي عمر
تحياتي
سيبك من صاحبك عادل جبارة ده هسع وقبل شوية
كنت بتكلم معاهو وهو ماشي لدار رابطة ابناء الصحافة
وماشي يلعبه ليهو عشرة حريق والنظارة مهمة جدا جدا
لانو بدونها ( اول زول بيحرق )
سيبك من عادل هسع وشوف قصيدتي ( بعنوان اليك رسالة حبي ارسلتها )
ورائك مهم جدا ( بيني وبينك دي من الدفاتر القديمة وأم أحمد هسع مبسوطة
لانو القصيدة كتبتها ليها ايام زمان ( الدراسة في مصر الشقيقة ) 0
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
سلام و تحايا..
بالأمس تشرفت بلقاء الهميمات إنعام و إشراقة حيمورة (إشراقة رأيتها من على البعد فقط) على هامش الحفل الخيري لصالح علاج غادة نوري... إنعام و إشراقة كانتا هالتين من النشاط و الحيوية فكان دورهم محوري في إنجاح الحفل الذي اختلطت فيه الدموع بمشاعر الفرح و الأمل في لوحة جسدت أصالة بني و طني و توحدهم عند المحن و الشدائد...
لكن الإنحناءة...
وتفخر بكن الصحافة ...
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
وصلت إلى البريد الإلكتروني { للصحافة تناديكم } رسالة رقيقة من السيدة /
هيام خليل بتيك ... من مربع 22 ... والآن تقطن فى السعودية , صدر
رسالتها يعبر عن فرحها بهذا البوست وما إستدره من ذكريات وأشخاص عاشت أو تدارست
معهم ... وهي في واقع الامر عضو فى هذا البوست ... لكن غاصت باسويردها فى تلافيف
النسيان ... نتمنى عودتها ... كما لمن يود التواصل معها يرجى المراسلة على بريدنا
الإلكتروني alsahafa_tanadeekum.com .
شكرا هيام على الطلة ... وأنت تسعدين خلق الله ,
نتمناك حياة طيبة حيث تقيمين ... وموعدنا الوطن .
حاولي إستعيدي كلمة السر حتى تتواصلين معنا وغيرنا
بأريحية ... إن لم يكن واقع حالنا يشير { لإحتياجانا}
لأقلام ولمشاعر أبناء وبنات الصحافة ... أينما حلوا.
أنقل إليك تحيات أسرة الصحافة الإسفيرية ... ودامت
أراضيك خضراء ... وأوقاتك زاهرة .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
ربما حضرت ... هيام ... والناس هيام ,
إذن ... فزمننا الغلط ... وزمن المحنة الصاح ,
أصحوا يا شباب ... فبينكم أمورة .
ذكرت هيام فى رسالتها ... أسماء ثلاث صحفاوايين نجب ,
أولهما نجم يوزع الفرح ... حتى صار مهنته , وهو عضو فى
هذا البورد ... مع أن { إعتكافه } لا يداري { نجوميته }
والثاني صديق للأول وقد إشترك معه فى أعمالهم الفنية الأولى ,
ساوقه فى المدارسة , جاوره فى الديار , طابقه الإسم الأول ...
تحابا فى الوطن والفن ... وتفارقا بمقتضى المعايش ... وتباين
الجغرافيا ... أما الثلاثة ... فهي رفيقة هيام فى دروب العلم ,
وهي صحافية مبينة ... وما تزال , إسمها ... إنعام حيمو ...؟
أصحوا { للون } ... يا ناس ... فعلى بابنا طارق .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الزعيــــم / حيدر قاسم
الاخوة في الصحافة
الف تحية لكم
اولا : أعتذر وبشدة عن انقطاعي عن بوست الصحافة وذلك للظرف الاسري فالحمد لله من الله عينا بياسر شقيقا لهبة الله ووارث عرشها كما حب الاخ الزعيم ان يطلق عليه هذه الكلمات ..
شكرا يا زعيم وأن شاء الله يتربى في عز الجميع وان يجعله الله من الصالحين والخادمين لقضايا الوطن ...
نرفع الاكف تضرعا لله والاخ نصر الدين حقار يدخل صباح الغد مستشفى الحرس الوطني بالرياض لاجراء عملية جراحية ...
اللهم البسه ثوب العافية .
سوف نكون معكم وصادق دعواتكم للاخ نصر الدين حتى يعود معافى .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
أهلي و حباني إزيكم ... و الله مشتاق ليكم شديد لكن و الله المانع أقوي مني و منكم بس نعمل شنو مع الزنقة الحاصلة دي (مشاريع و إمتحانات قربت ) !!! إن شاء الله أيام و بتعدي و نرجع وي ما كنا و أحسن ... و انا برضو حأحاول على قدر الإمكان أطل عليكم مرة مرة عشان خاطر عيونكم يا حبان
تحياتي لكم بلا حصر و راجع إن شاء الله أخد و أدي معاكم يا أبناء الصحافة الأنقياء ... بس ما تنسونا من صالح الدعاء عشان و لدكم يكون عند حسن ظنكم و يرفع راسكم فوق ...
معاكم سلامة
غباشي
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الحبان الزينين
صباحكم ومساءكم خير
معاويــــــة ، والله شفقانين عليك وورينا اخبارك شنو ما تقطع مرة واحدة كدا .
الصحافة 30 تمشى وتجى بالسلامة
شاعرنا الفذ هاشم خلف الله ، اوعك تخلف الميعاد وادينا حقنا فى غزل الصحافة
هيام بت 22 مستنين رجوع الباسوورد ، واقول ليك حاجة فتشى ناس 23
ازهرى ، وصلت الزلط ولا لسه
الزعيم الظاهر ، اكل الكبدة النية اصابت بنات حيمورة بالتخمة ؟ اين هن ؟
القرير شرفتنا وذتنا بهجة .
غباشـى ، تعود يا اميرنا حامل الشهادة
وهاك دى اغنية حب وأمل ، نظام رفع معنويات
| |
|
|
|
|
|
|
|
|
|
Re: إمتداد الصحافة ... وكما نحبه (Re: عبد الدائم سيد أحمد)
|
العزيز الغالي عبد الدائم
تحياتي
( شاعرنا الفذ هاشم خلف الله ، اوعك تخلف الميعاد وادينا حقنا فى غزل الصحافة )
دائما رافع راية الصحافة فوق هام السحب 0
طيب يا عبد الدائم ليه ماعملته مداخلة بالنسبة للقصيدة الاولي ( إليك رسالة حبي ارسلتها )0
واليوم الآستاذ يوسف الموصلي بشرني بتلحين قصيدتي الثانية ( الفرقة ) والموجودة علي البورد
حتى الأن 0
وين باقي الأخوان عمر عبد السلام وغباشي والله مشتاقين 0
ووعد مني تكون هناك قصيدة للصحافة بس شوية شوية علي 0
| |
|
|
|
|
|
|
|
|
|
Re: إمتداد الصحافة ... وكما نحبه (Re: هاشم أحمد خلف الله)
|
عزيزنا ... القرير
مشكور على المرور ... تصاحبك { إبتسامتك } العريضة ... كملت الفرح
ولهطت البهجة ... باين عليك الرأفة بالوطن ... والتقدير للصحافة ...
والحب للحبان ... فمرحبا بك فى أي وقت هنا ... فنحن لا نقفل باب بيتنا
هذا إطلاقا ... إذ أودعنا مفاتيحه سلة المهملات يوم إنشائه ... ومن ديك
... وعيك .
نورت
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
العزيز ... علاء حيمورة
ليت الصغيرين ... هبة الله ... وياسر ... بخير ,
مقدرين ظروفك يا حبيب ... ولما هي إنسانية محضة ,
فما في مشكلة ... بس عليك الله ما تطول الغياب ... لأنو
بي صراحة الشباب هنا بيحبطوا ... ثم ينصرفوا لما إلقوا
نفسهم إساسقوا براهم ... من حوض المونة للأسطى الذي هم ...
وبالعكس .
كمان دايرك تنقل الاحاسيس ده للاخ { العجوز } عادل جبارة ...
وهذه التسمية وجدتها هنا وإستعملتها بأريحية ... طالما رشح
الناس من هو { أعجز } مني ... ومن أخوي الكاشف { أي عمر عبد السلام }
... فخليهو إظهر علينا بي جاي ... بعد كل { صايمة } ول { إسنا } ول
واهتيفر ... على الأقل عشان نبل أشواقنا ... ونطمئن أن { أبونا الروحي }
بخير ... وله فى أمنياتنا العافية العميقة .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
عبد الدائم ... ود سيد أحمد
هل ما تزال الملائكة تتحلق حولكم ... فإن كان الأمر كذلك ... أدونا حبة ,
إفتقدناك عزيزي ... و ها أنت تعاود طلتك البهية بين الفينة والاخرى ...
طعم تعليقاتك ونكهتها تؤهلك لما هو أكثر من هذا البوست ... وأتمني أن
أراك تحتل أحد { الأعمدة } الساخرة فى صحافة وطننا ... وقريبا ياريت ,
إلى ذاك الحين ... خليك مرابط بي جاي ... ولك كل السلطات عزيزي ...
من التداخل إلى الرد إلى التجنيد إلى التمويه إلى التحمير { خاصة على
ناس الإمتداد ديل } ... وأتمناك العافي ... ومزيدا من العطاء .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
وأخونا { الصغير } العاجبنا ... شديد
غباشي ... أسعد الله أوقاتك .
ما فى مشكلة يا حبيب ... كل الظروف الملتحقة بإلتزام جوهري ... على العين ,
فدراستك فنجاحك ... يشرفنا ويشعل خاطرنا بالفرح ... نتمناك التوفيق وشكرا على
الإطلالة رغم الإمتحان ... فأنت تحبنا وصحافتنا ... بلا نزاع ... برافووو .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
بلمسة { عتاب } ... لا يستحقنه تينك الأختين ... إنعام وإشراقة ,
نسأل ... إنتو وين ... فده كتير يا ناس Tooo much , لكن ولأننا
نحبكم فنحن واجدونا لكم العتبى ... حتى تظهروا ... وحيث آمل ألا
يطول الإنتظار ... ولما لا يزال الود { طازجا } ... ول { طازة }
يا ربي ... نشوفكم ... نسمع منكم ... أييييي حاجة من تالاكم .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
أما هنا ... فصديق ... أكاد أحزن على غيابه عنا ,
إنه الاخر معاوية محمد ... وقد جاءنا بنخوة الصحافة
وبحمية تاريخها وذكرياتها ... أوقد لنا الكثير من الشموع ,
سهر على راحة هذا البوست وتقدمه فى الصفحة الأولى ... تحمل
مسئولية الرد والإضافة لأحيان مديدة ... كان واضح أنه فرح بوجوده
هنا ... ليس لسبب غير المعية الإنسانية الراكزة على تاريخ مشترك
فى دروب الصحافة { القيافة } وكتاب ذكرياتها الحميم ... أطلق
بهدوئه المعهود إستصراخات صائبة ... وقال يا أخوانا { وووين أنتو }
وأضاف بأسى { فى تقديري } قائلا { ... الإيد الواحدة ما بتصفق } ...
فليت كل أيدينا تجتمع لأجل الصحافة ... ولإعلاء رايتها ... ولما نصح يصح
الآخرين { بما فيهم إمتداد صديقنا طارق جبريل وديم أبو ساندرا وفداسي
أسماء ... وحتى الزقازين ... الما هنا }
كل المشروع يقوم على فرضية التواصل الإنساني الحمي ... مستنبطا من الصميم
أبعادا جديدة للذاكرة ... حتى نتأهل جميعا لخدمة مناطقنا وسوداننا ...
وحتى نعيد من جديد لحمة النسيج الإجتماعي السوداني الذي أصابته أدواء
الازمة بهتوك هنا وهناك ... إذن فمن الصحة أن نتواصل ونعيد إبتعاث الدرر
وشذرات التاريخ وألوية الواقع ... حتى ننهض جميعا.
إمتداد الصحافة ... وكما نحبه ... جزئية من هذه الفرضية الإجتماعية ...
فلتتسق خطانا على سبيل إعمار الذاكرة والصحافة والوطن ... وكل إرث حميد .
معاوية ... إن الأمر يخص { خيباتنا } فى التواقع مع هذا البوست ... فأصبر
عزيزي ... وأدفع مقابل القعود منصة للإنطلاق ... كل من حوليك جميلين ...
لكن ليس منا من يسيطر على الضرورات وفاعل الاحكام ... إذن ... فلتعد ...
حياك المزن ... وهاطل الخير على الجميع .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
/IMG]
عبد الدائم ... ديل من أولاد فريق المشترى زمااااان ... بالله سميهم
شكلهم أولاد دفعة ... وكان راجيني أنا ... إلا أن أبدا بصلاح سكران
وهاشم سليم ... حيث لا تجدي هذه الصورة ... وكل بزمانه .
| |
|
|
|
|
|
|
|
|
 Re: إمتداد الصحافة ... وكما نحبه (Re: HAYDER GASIM)
|
ياناس بوست الصحافة..سلامي ليكم كلكم بدون فرز
اسمحوا لى بالإختصأر علشان كمبيوتري يعاني من نزلة برد حادة
الكيبورد حالف طلاق مايشتغل الا بمزاجه..والفيروسات عامله عمايله
*****
* ٌنقول للزعيم حيدر : احوك الكاشف ، متابع نشاطك في البوست ، وعيني باردة . الله يقدرني وانا واخوي الكاشف الآخر ( عادل جبارة ) على مجارات حيويتك وانسياب احرفك بسلاسة في البوست .
* ابننا المشاغب / عبدالدائم ..انا يادوبك وصلت الظلط ، ومتكي الان في دكان عمي عبدالله الترزي جوار بيتكم .
*ابو الشباب / غباشي .. دعواتنا ليك بالنجاح .. واغني ليك مقطع للراحلة اماني مراد : مبروك النجاح
*شاعر البوست : هاشم محمد احمد ، متابعك ومنتظر صديقنا الموصلى ينجز وعده ، ونسمع حروفك مغناة .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الاستاذ/ هاشم
اليك رسالة حبى ارسلتها ، قرأتها مرارا" وجميلة جدا" وحتلاقى مداخلتى عندك
اما الفرقة ، فهى حاصلة بس انشاء الله ما تطول ، وسعيد انت كونك تلاقى انسان
وملحن ذى استاذنا يوسف الموصلى ونتمنى نسمعها قريب بصوت فيصل
ويا ازهرى خليك متكيييي واخذ راحتك لاحق ليها شنو ؟
ويا الزعيم شكرا" على الاطراء ، وحقيقة معاوية فقدناهو كتير ويرجع بالسلامة
اما الصورة والله صورة ممتعة وجميلة خالص ايام المشترى كان ليهو شنة ورنة
وهى تضم من اليمين جلوسا
امير الباشا ،، عمر محمد خليل ( جيرتق ) ،، فيصل كورى ،، مجاهد محمد خليل ( ابو الجوج )
وخلفهم عثمان كسرة وهشام درار ( مربع 22 )
وكل الشباب ديل موجودين فى الصحافة ولو مشيت ركن بيت ناس اسامة حسن فى المساء كنت حتقابلهم واحد واحد
ويا سلام على الخيط الرفيع ده واتحفنا بالمزيد
تخريمة
اللعيبة ديل اسعفوهم بطقم كدارات .
| |
|
|
|
|
|
|
|
|
|
Re: إمتداد الصحافة ... وكما نحبه (Re: Moawia Mohammed)
|
لأسرة المرحوم عبد الرحيم بابكر بمربع 24 أسلى آيات العزاء
إنا لله وإنا إليه راجعون ... فصبرا أبيا ... وغفرانا بإذنه .
البركة في الأبناء والبنات والعشيرة .
شكرا أخ معاوية على الإفادة ... وجنبكم المولى كل مكروه .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
أحباب الصحافه
متأسف جدا علي هذا الغياب القسري ولكم العتبي جميعا حتي ترضوا عني .
عليكم الله لو في زول عندو تلفون أخونا بدرالدين عبد الرحيم بابكر أو أي واحد من أخوانو يرسلوا لي في المسنجر عشان نقوم بواجب العزاء.
وتسلموا لي كلكم
و حتما بجيكم راجع أحبتي
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
فردتى معاوية فقدناك كتير ومستنين رجوعك
والشمش لو طال غيابا ما بتقصد تابا تطلع
بس بتتأخر شوية ....
غباشى
والبيغشى الصيف ديارم ما بيبس كل خدارم
برضو راح تغشاهو نسمة وتصبح الاوراق ندية
طارق جبريل
الخريف بفوت وبرجع والنسايم موسمية
مسطرين ولا طورية ؟
انت اكيد فى محطة سبعة ، قلاب التراب وصل كم ؟
الظاهر عليك من الخوف بترجف ( مسطرين ) تقصد مسيطرين
انت نفسك مكتوم ولا التور ضرب كلتوم
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الزعيم ... سلامات
و الله ما عارف قصة العزابة معاي شنو؟ في جامعة الخرطوم درست في قسم للبنين فقط ! و في الماجستير حالياً معانا بنتين بس ! غايتو أنا إتعودت و بقت ما فارقة معاي خصوصا لما يكون مع أحبة زيكم ... لكن برضو عليك الله ألحقونا بالثنائي حيمورة إخوان أولا لأنهم طولوا مننا شديد و ثانيا عشان يطعمو البوست زيادة
ولكم كل الحب
| |
|
|
|
|
|
|
|
|
|
Re: إمتداد الصحافة ... وكما نحبه (Re: غباشي)
|
بناءاً على طلب الأخ العزيز عادل جبارة ( جيت بي هنا )
الإخوة الأعزاء أبناء وبنات الصحافة
إن عددكم ليس بالقليل وإسهاماتكم كبيرة وثرة
وقد آن الآوان لتستفيدوا من ذلك
لذا أقترح عليكم تكوين برلمان الصحافة في كل بلد من بلاد الدنيا التي توجد بها جالية سودانية كبيرة بتكوين هذا البرلمان بالاضافة الى الأباء والإخوة والأخوات بالصحافة في السودان أيضا يكونوا برلمان الصحافة ( هيئة مستقلة ، من كل مربع ممثل ) وأن يكون من أهداف هذا البرلمان
1- صحافة بلا فقر
2- صحافة بلا مرض
3- صحافة رياضية
4- صحافة اجتماعية
5- صحافة ثقافية
6- صحافة تنمويةاقتصادية
7- ولكم ان تضيفوا
والإستفادة من كل ( صحافابي ) ( صحافيي )
من موقع عمله أو خبرته أو علمه حتى نورث لأبنائنا مدينة نموذجية
ويمكن لهذا البرلمان أن يكون مستقبلا شركة من أبناء الصحافة
وتستلم هذه الشركة كل الخدمات بهذه المدينة الواعدة من مراكز علاجية ومراكز تعليمية
ومراكز ترفيهية ومؤسسة إعلامية - ووكالة دعاية وإعلان - ومطبوعة خاصة بنا ، ومقاولات للإنشاء والصيانة، والإهتمام بصحة البيئة ( وتكوين شركة نظافة وصيانة وتشغيل - محلات سباكةو كهراباء وطواحين ومحلات حلاقين وصيانة إلكترونيات وغيرها كلها تحت لواء شركة الصحافة أو شركة ابناء الصحافة )
فلقد آن الآوان أن نجني ثمار السنين وأن نستفيد من وقتنا في ما يفيدنا ويفيد أهلنا ويفيد أبنائنا
وحتى لا نغرد خارج السرب آمل أن يبدأ هذا العمل من رابطة أبناء الصحافة
لأن فيهم نفر كريم ولهم تاريخ وقد عملوا منذ أمد طويل على ترابط ابناء الصحافة
وقدموا الكثير
علما بأن من إختصاصات البرلمان التشريع
ومن إختصاص الشركة التنفيذ
هذا بالإضافة الى لجان متابعة ما هو خارج عن إختصاص الشركة
أخوكم منزول
الصحافة شرق مربع 37
| |
|
|
|
|
|
|
|
|
|
Re: إمتداد الصحافة ... وكما نحبه (Re: منزول محمد توفيق)
|
الزعيم حيدر قاسم
عشان تعرف أنا ما غايب ساكت .. أهو عندي تسجيلات !!
الأخ منزول محمد توفيق .. عضو جديد لنج ومن كوكبة المثقفين النيريين بالرياض له اسهامات كبيرة ومقدرة في قيادة العمل العام وسط الجالية السودانية ويتزعم جمعية التراث والثقافة وهي واحدة من جمعيتين نتمنى أن تتوحدا ..
رحبوا به وستجدون منه الكثير ..
| |
|
|
|
|
|
|
|
|
|
Re: إمتداد الصحافة ... وكما نحبه (Re: غباشي)
|
الأحبة ،،
بحمد الله تم صباح اليوم إجراء العملية الجراحية لأخينا وحبيبنا نصر الدين حقار بإستئصال جزء بسيط من القولون بمستشفى الحرس الوطني بالرياض ، وهو الآن يتمتع بصحة جيدة وطمأننا الدكتور الجراح سيد جعفر ( الصحافة مربع 40) والذي قام بإجراء العملية بأنها ناجحة مائة في المائة .. وقد كان كل الأخوان برابطة الصحافة هناك في المستشفى في نموذج رائع للتكاتف والتعاضد .. نسأل الله تبارك وتعالى أن ينعم بالصحة والعافية عليكم جميعا وشكرا كثيرا لوقفتكم ودعواتكم الطيبة ..
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الظريف ... عادل جبارة
ماك هين ... والله ... فإن قالوا عنك { عجوزا } ... فأنت تستنهض الشباب ,
وإن كنت تستقدم لنا مثل منزول ... فخليك { عجوز } طوالي ... مع تحياتي .
.... وأخوووووي الكاشف { عمر عبدالسلام } ... حتى يبلغ ... { بتشديد اللام مع
كسرها } ... ويا جبار الخواطر ... سترك من كل الدعاتر .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
غباشي ... حضورك إمارة صحة ... ودرجة فاعلة فى العافية ,
تصح إنت ... وإدوم خيرك ... فكلماتك تبعث الثقة وتجل المسمع ,
فأطرب لأصدائك ... ونافس نفسك ... فمن طيورنا ما خلق ... إلا ليغرد .
تسلم ... ولك كل الفضاء ... في رحابتك ممتلأ ... وفى صدورنا إليك ... حب .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
وطارق ... إبن جبريل
نتدثر بلحاف محنتك حينما تقولنا { كيفنكم } ... فهنا إستحضار عالي { للمطايبة }
... وعلى نولها نجهد لرتق الفتق ... فيما نتعجب ... وأنت تعد لنا العدة على تخوم
{ محطة قشرة } ... تعرف يا طارق لو شفت محطة سبعة قريب ده ... حا تتبرأ منها ...
شينة شنة ... وغير مواكبة للتحسينات الحضارية لما قبلها وما بعدها... خلعت زيها
{ التاريخي } ... ولم تعد شيئا يذكر ... ولم يعد فى سياقها غير الأثر ... ربما
كنت تنتظرني لأقول لكم { مبروكة عليكم } ... لكن شوقك ... ففى أثرنا عين .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الزعيم حيدر قاسم
تحياتي
والله مشتاقين , فانت قد حملت هموم الصحافة معك اين ما ذهبت واينما حط بك الرحال
وبك وبامثالك من ابناء مدينة الصحافة يكتمل العقد الفريد .
لكن عندي عتب عليك , ابدا ماشاركتنا في اعمالنا الخاصة والتي يشهد لها هذا البورد
ابحث عن ( اليك رسالة حبي ارسلتها - الفرقة - مدمن الحب - وهي مازالت صاحية في
هذا البورد وكذلك ( فلسفة القبل للآخ عادل جبارة ) .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الأخ الزعيم حيدر قاسم
تحياتي الغالية لشخصك العزيز
أشكر لك كل تلك الكلمات التي اتمنى أن أستحقها
أما الخطوة التالية التي طالبت بها ، فهي الآن جاهزة
للتقديم ، ( بس ) بعد ما نعرض الموضوع مع الإخوة في دار الصحافة العامرة
وربما في نهاية هذا الأسبوع إنشاء الله
أخوك منزول
| |
|
|
|
|
|
|
|
|
|
Re: إمتداد الصحافة ... وكما نحبه (Re: غباشي)
|
الأخ العزيز غباشي
لك التحية والتقدير وأنت في بلاد الغربة ( مرتين )
وأشكر لك تراحيبك الغالية
أما عن سؤالك ( وين في 37 ) بيتنا فاتح على الخور
طبعا الخور ده كان زمان حسه فاتح على الزلط
نحن جيران ناس عصام السر وناس سورج
وسكنا الصحافة لما كانت الصحافة كلها عشر وشجر
وكنا بنشوف الحزام الأخضر ونشوف الجريف
لما كانت باصات الديم موقفها في الصحافة
أيام عزيزة على النفس وذكريات جميلة
أيام العوم في ترعة أركويت وكل زاكننا بلا هدوم
واليوم التاني نمسكهكم ونجلدهم ، خاصة عندما يحاولون الوصول لمحطة سبعة
أيام الحليب والليقيمات والباصطة، والعشاء المدنكل
وياسلام على المدرسة الفي حيكم ( 41 ) كانت لنا أيام
وما حأزيد عن كده
أخوك منزول
| |
|
|
|
|
|
|
|
|
 Re: إمتداد الصحافة ... وكما نحبه (Re: HAYDER GASIM)
|
| Quote: وطمأننا الدكتور الجراح سيد جعفر ( الصحافة مربع 40) والذي قام بإجراء العملية بأنها ناجحة مائة في المائة |
حمدالله على السلامة ..ودعواتنا ببلوغ كامل الصحة والعافيةة
الف مرحب بالزميل منزول ومشروعه البناء للسمو بصرح الصحافة .. وراجع ليكم
| |
|
|
|
|
|
|
|
|
|
Re: إمتداد الصحافة ... وكما نحبه (Re: omer abdelsalam)
|
الأخ العزيز عمر
تحياتي من على البعد
وأشكر لك تحياتك التي أرسلها لك
معطرة بالتقدير والإحترام
أما بخصوص مشروع الصحافة
مكثت في الأيام الماضية لعمل كافة الدراسات
لعرضها على الأخوة في دارهم العامر بمنفوحة
حتى نصل الى آلية معينة وبعدها سننشر الموضوع
على الكل لنبدأ على بركة الله
أخوك منزول
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
حيدر قاسم ابن الصحافة البار عمدة الصحافاب بالمهجر اخي الاكبر وابن امي الصحافة الحبيبة ليك مني الف سلام والفي تحية ولكل حبيب ساكن في الصحافة او داخل البوست وبهديكم تحياتي ومعاها اعجابي ابنكم واخوكم/ احمدعوض سيداحمد(أحمد عجوز)صحافة العظام مربع 24 شارع لفة جبرة.
| |
|
|
|
|
|
|
|
|
|
Re: إمتداد الصحافة ... وكما نحبه (Re: ahmed agooz)
|
Quote: لكن عندي عتب عليك , ابدا ماشاركتنا في اعمالنا الخاصة والتي يشهد لها هذا البورد
ابحث عن ( اليك رسالة حبي ارسلتها - الفرقة - مدمن الحب - وهي مازالت صاحية في
هذا البورد وكذلك ( فلسفة القبل للآخ عادل جبارة ) . |
شكرا عزيزنا هاشم ... وليك علي ... بس عليك الله ساعدني ب{ اللنك } ما سمحت ,
وسوف أتوفر لكم أحبائي ... هو أنا عندي زيكم كم ... ما في مشكلة يا حبيب ,
فأقلها أننا صحافابيين ... وأكثرها أننا صحافاويين .
ودامت المعزة
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
من زاوية الأطلنطي الشرقية ... عمر عبد السلام يتابع الاخبار الصحية لنصر الدين
المريض ... بالسعودية , شكرا أخ عمر على هذا التماهي الإنساني المجيد , ويفرحنا
كثيرا أن نسمع أخبارا سارة عن صحة الأخ نصر الدين ... أمتلكتم أحبائي الصحة النفسية
والذهنية والإنسانية ... فالجسد من بعد عرضحال ودليل إثبات ... لما هو مثبت آنفا .
الصحة لأجمعيكم ... وكذا الهنا .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
| Quote: حيدر قاسم ابن الصحافة البار عمدة الصحافاب بالمهجر اخي الاكبر وابن امي الصحافة الحبيبة ليك مني الف سلام والفي تحية ولكل حبيب ساكن في الصحافة او داخل البوست وبهديكم تحياتي ومعاها اعجابي ابنكم واخوكم/ احمدعوض سيداحمد(أحمد عجوز)صحافة العظام مربع 24 شارع لفة جبرة. |
أحمد عجوز { شخصيا } ... ما بصدق
يا هذا الفتى { ومش عارف عجوز ده جات من وين } ... وصلت يا حبيب ,
فأنت الآن بين أهلك وعشيرتك , تتمخطر فى شوارعنا الإسفيرية بينما تعيش
فى الصحافة { عديييييل كده } ... إذن فأنت من النماذج المحظوظة بهذا
الجمع اللطيف بين الصحافة والصحافة ... مرحب بيك يا أبو حميد ... بعد
قليل سنفرش البساط الأحمر ... فتقدم .
فى معرض زيارتي الشهر المنصرم للصحافة , آسف للسودان , سألت عنك وكنت
أتعشم أن ألتقيك ولما إخترت لهذا الغرض الأخ أحمد عثمان { لفت } وقد
وصلته فى منزله لكنني لم أجده , ثم سألت عنك الاخوين عمر ومصطفى الناظر
وقد عرفت من أحدهما أنك ربما لا تكون متواجدا بالصحافة تينك الأيام , المهم
ما فى حظ والجايات أكتر من الرايحات .
أنا سعيد بوجودك بيننا , فهذا قدوم ظافر ولرجل بقامة رفيعة , وغير الصفات
الإنسانية لهذا { العجوز } ولمن لا يعرفه ... فهو فنان يصدح بحلو الغناء
ويجيش المشاعر طربا وألقا ... شفتو الصحافة وكما قلنا { وتر , وكفر وثقافة }
بيننا من أبناء مربعكم { 24 } الأخ معاوية محمد ... فى جمالك وسمح خصالك , إذن
فنحن موعودون بثنائي { لقطة } خاصة وأن معاوية كذلك يحب الفن والطرب... ودقي
يا مزيكة .
يا ناس الصحافة الإسفيريين ... لازم عليكم تخشوا وترحبوا بهذا اللاعب الفلتة , والذي
لم يتكلفنا تسجيله غير { محنة } الصحافة وطيبة أهلها وحلو معشرها ... يله .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
اهلا" والف مرحب بالفرح القادم
احمد عوض بيناتنا
مرحبتين حبابك واليوم السعيد الليلة جابك
وتحي تعيشى صحافة العظام من عند سبعة لحدى الحزام
والليل الليل يا جمال البوست
ويلا اطربنا يا عجوز وخلى البوست يتمايل
ونحن بنشيل معاك
وحيدر قاسم ضابط الايقاع
والصحافة 30 على الاورقن
معاوية الساوند سيستم
جبارة للتنظيم وعلاء للدعاية والاعلان
وعمك ازهرى اسقبال الضيوف
وزغـرودة يا بنات حيمورة
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
حبايبنا و جيرانا و اصحابنا شباب الصحافة و اهلها الاكارم تحية ليكم جميعا و عايز اولا اهنئ الحبيب دائم الابتسامة نصر الدين بنجاح العملية و زرته بالامس و وجدته كما العهد به مبتسما هاشا باشا مرحبا بضيوفه و حمدلله الف علي السلامة,,و عايز اعرج بالتحية للعزيز جدا احمد عوض و مبروك العضوية و عايزين نشوفك في حوش الامتداد لانك 51% ابن الامتداد ,,و تحياتي للاخ حيدرقاسم و كنت متابعا بشغف لكتاباتك عن زكريات الاجازة في السودان و قد سحرتنا بشكل التفاصيل و انت تاخذنا بين الازقة في الصحافة و حتي طلعت بينا في سوق الناقة ,,لك التحية
و مرة اخري احيي كل الصحافاب شيبا و شبابا و اتمني لهم دوام التوفيق
اخوكم عبدالغفار
الامتداد مربع 4
| |
|
|
|
|
|
|
|
|
|
Re: إمتداد الصحافة ... وكما نحبه (Re: omer abdelsalam)
|
Quote: ويلا اطربنا يا عجوز وخلى البوست يتمايل
ونحن بنشيل معاك
وحيدر قاسم ضابط الايقاع
والصحافة 30 على الاورقن
معاوية الساوند سيستم
جبارة للتنظيم وعلاء للدعاية والاعلان
وعمك ازهرى اسقبال الضيوف
وزغـرودة يا بنات حيمورة |
عبد الدائم
نسيت عمك الجنرال عمر عبد السلام ؟ يبشِّر ويعرض ....
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
عادل جبارة
| Quote: نسيت عمك الجنرال عمر عبد السلام ؟ يبشِّر ويعرض |
ما قلنا عمك ازهرى لاستقبال الضيوف
الرقيص والبشششششششير خليهو لناس الامتداد اصلو هم دايما
بيجو يهججو فى الصحافة ويمشو
بعدين يا ازهرى الله اداك واحد عجوز وقدام بيتم مليان شدر كتير
وضلو رامى الـ 24 ساعة وقريب من الزلط والرقشات يعنى ما حتتعب
ذى لما تكون جاي 25
| |
|
|
|
|
|
|
|
|
|
Re: إمتداد الصحافة ... وكما نحبه (Re: Moawia Mohammed)
|
الأخ عبد الغفار
مرحب بيك ... شرفت الديار ,
ناس الإمتداد الحلوين ... دائما تخجلونا , وكلما يطل أحدكم من
هنا يذكرني بقصوري أو ربما قصورنا فى بوستكم المشيد , لهذا أوجه
إخوتي الصحافاويين بالتوجه بين الفينة والأخرى إلى هناك , لأداء واجب
إنساني فى المقام الأول ... إضافة لأن { الحرب خدعة } ووجودنا بينكم
يعزز معلوماتنا عنكم { شفت الإختراق المكشوف ده }
تشكر عزيزي عبدالغفار ... وبلغ تحياتي لكوكبة الإمتداد الإسفيرية
وعلى رأسهم الزعيم طارق جبريل ... إلى لقاء ... وموعدنا محطة سبعة.
| |
|
|
|
|
|
|
|
|
|
Re: إمتداد الصحافة ... وكما نحبه (Re: omer abdelsalam)
|
Quote: ياعبدالدائم
انت مجهجه عمك عادل جبارة باسم ( ازهري ) الراجل ماقادر يركز معاك طبعا عبدالدائم مصمم على اسم ايام الشباب وفريق العزيمة زمان بس عمك عادل محتاج للأسم يناسب العصر الحالى |
صدَقتَ والله .. جهجهنييي جنس جهجهه !!
| |
|
|
|
|
|
|
|
|
|
Re: إمتداد الصحافة ... وكما نحبه (Re: ahmed agooz)
|
من مربع 16 حلتنا الزمان احييكم وانثر عطر المحبة والوفاء لكل الصحافاب الاجلاء لكم ولكل من ساهم فى انضمامى لصرحكم وديوانكم العامر بالمحبة والوفاء لك شخصياحيدر قاسم كبير الشلة والاخ الفاضل بكر ابو بكر خالص الشكر والتقدير لك اخى عادل جبارة على مرورك فى حلة خمجان ذلك الحى وذكرياته التى لا تنسى لكل الاحبة اتمنى ان تجدونى دائما فى الطليعة طليعة الابداع لنرفع مربعاتنامن 15 ولغاية 45 منزلا منزلا لنسأل عن ما هو جديد وما هو قادم الينا .. اليكم ابدأ
صباح الخير يا وطناً يسير بمجده العالي إلى الأعلى
ويا أرضاً عشقاً رملها والسفح والشطآن والسهل
صباح الخير يا من في كتاب الله ذكرك آية تتلى
وأنت الخير .. يا بلدي .. يابلدي
ترابك طهر من صلى ومائك من دمي اغلى
وحبك هدي من ظل .. حماك الخالق المولى
| |
|
|
|
|
|
|
|
|
|
Re: إمتداد الصحافة ... وكما نحبه (Re: عيدروس حجر)
|
ياناس الصحافة ... يتواصل موسم أفراحكم ,
بطرفكم الآن الأخ والصديق عيدروس حجر ... ,
كان من قبل هنا ... لكن من خلال الرسائل فقط ,
أما الآن فهو عضو كامل الأهلية ... فيما أعتبره
إضافة كمية ونوعية متميزة لصرحنا الصحافي الشامخ ,
هذا إلى غير ما أتوقعه من طرفه من إسهامات اخر فى
منبرنا هذا .
للتذكير ... عيدروس من أبناء مربع 16 ومن الذين قدموا
مبكرا للصحافة ... ويا إما ولدوه فيها أو جابوهو عمرو
بضعة سنين ... لهذا فهو من طينها وعفارها وفرحها وأحزانها,
من مدارسها وفرقها الرياضية ومنتدياتها الثقافية والإجتماعية ,
هو من يعلم الصحافة مربعا مربعا , شارعا شارعا , نما وترعرعر
فى أكنافها ومدارسها , تزوج من أسرة صحافية مبينة , وكأن الصحافة
هي كل مقرره فى هذه الدينا ... فقط هي ظروف { الهجرة } أخذته على
حين غرة وأودعته ناصية فى الخليج ... لكنه يصحى وينام على الصحافة ,
ومع أنه { كبر } فهو مايزال يرضع من ثدي الوطن ... فأحبه ... وكثيرا ,
وأنجب إلى هذه الدنيا أطفالا يتمرغون فى لهاث وطن عذب حنون , وأفاض من
شعوره وأحاسيسه بذا الوطن حتى أصبح يشبهه فى كل شئ ... ملامحا وقدا ...
إهابا ... وسخونة .
رحبوا بصديقنا الوفي ... عيدروس ... وقدما أبناء الصحافة .
| |
|
|
|
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
غباشى يا جميل
| Quote: اول واحد من الشمال !! |
انت بتعرفو ولا اتعاملت معاهو حسب الاسم واخترت اعجز واحد فى الصورة
والف الف مرحب بالاستاذ / عيدروس حجر
نتمنى ان يطيب لك المقام بيننا
وفرصة سعيدة دى الجمعتنا احبابنا وناس حلتنا .
| |
|
|
|
|
|
|
|
|
|
Re: إمتداد الصحافة ... وكما نحبه (Re: عبد الدائم سيد أحمد)
|
ومع أنه { كبر } فهو مايزال يرضع من ثدي الوطن ... فأحبه ... وكثيرا ,
وأنجب إلى هذه الدنيا أطفالا يتمرغون فى لهاث وطن عذب حنون , وأفاض من
شعوره وأحاسيسه بذا الوطن حتى أصبح يشبهه فى كل شئ ... ملامحا وقدا ...
صدقونى .. اخاف عندما اجلس امام الكمبيوتر لاتصفح هذه الموقع لاجد كلمات عزيز الاسرة حيدر قاسم تزلزل اركان وجدران قلبى فتنهمر الدموع بلا مقدمات من وصفات هذا الرجل المبدع المتألق فى السرد فلا اجد اى كلمات تعبير فى قواميس ومعاجم اللغة العربية اكثر مما يذكرة حيدر .
اخى .. اشتعل الرأس بالشيب ولا عدت اذكر سواء ملامح من صحافتنا ومربع 16 سواء خور جانقى وشارع 25 وبعض الاخوة الاعزاء الذين لم يكتب لهم القدر مغادرة حلة خمجان امثال مصطفى حسن على وعبدالمنعم هلال وشقيقة عادل وكثير منهم لا استحضرهم الان ، لم تعد ولن تعد هذه ايام .. وانت اعلم بالحال بعد اجازتك الاخيرة ..
| |
|
|
|
|
|
|
|
|
|
Re: إمتداد الصحافة ... وكما نحبه (Re: omer abdelsalam)
|
استاذنا الفاضل واخونا فى الجناح الشرقي
عمر عبدالسلام
لم تسعفنا الايام بالتعارف على احبتنا فى شرقنا
الحبيب مربع 40 مع عالم الصحافاب فقد
تجوالنا كثيرا ولم نمكث سواء بعض ثوانى فيها
فها انا اتجول فيها من خلالك فى هذه البورد
فمرحبا بك فى حلتنا(خمجان) ضيفا عزيزنا علينا
| |
|
|
|
|
|
|
|
|
|
Re: إمتداد الصحافة ... وكما نحبه (Re: عيدروس حجر)
|
عزيزنا ... عيدورس
كيف أحوالك ... وأنت تمتطي صهوة الجواد الإسفيري ... الذي لا { لجام } له ,
عايز أنبهك لي حاجة صغيرة فى بوستنا ده , إنو الناس ما بيتوافدوا إلى هنا
باحاسيس الكاتب وأشواقه إنما بموجب ظروفهم ودواعيهم , ولك أن تجد لهم العتبى
ولما لا تجدهم حيث تتوقع , أقول لك هذا لأن بعضا من الشباب الذين سبقوك أتوا بحماسة
لكنهم لم يجدوا الناس كما توقعوا , فكان وقع هذا الغياب سالبا فيهم ... على كل
أنا ما داير أقول إنو كمان كلو شئ على ما يرام ... فهذا ليس بصحيح , لكنني ثقتي
فى أبناء الصحافة وشدة ريدتي ليهم تجعلني دائما أجنح للعتبى ... مع ذلك فلنفكر
جمعيا فيما يمكن أن يجعل هذا البوست أكثر جاذبية لناس الصحافة ولغيرهم , بل ربما
تكون هناك ثمة عوائق لم ننتبه إليها بعد , بل ربما عدم وجود { برنامج } هو السبب ,
فدعونا نفكر بعقل جماعي حتى نصيب حالا أفضل مما هو كائن .
عمر عبد السلام ... الإستثناء المقيم ... تعيش
وتمسوا جميعا على خير ... بس عاودوا ... وصباحاتوا بيض
| |
|
|
|
|
|
|
|
|
|
Re: إمتداد الصحافة ... وكما نحبه (Re: طارق جبريل)
|
الاخ هاشم
البركة فى الجميع لها المغفرة وللجميع حسن العزاء ..
طارق جبريل
مرحب بيك انت واحمد عوض
حيدر قاسم
كم واحد من الصحافة فى هذا البورد ؟؟
يمكن عددنا قليل عشان كده مافى مواضيع تطرح !!
متى وكيف واين ولماذا ؟؟؟
اتمنى الاجابة ...
| |
|
|
|
|
|
|
| |
غباشي
omer abdelsalam
هاشم أحمد خلف الله
HAYDER GASIM
عبد الدائم سيد أحمد
طارق جبريل
ghariba
Alsa7afa_30
علاء الدين حيموره
Moawia Mohammed
منزول محمد توفيق
abdulgafar mohd saeed
فيس بوك
تويتر
انستقرام
يوتيوب
بنتيريست