الزوله دي كلاما قاسي يا ودالصايم..

Quote: أول مرة غيابو يكون عندو فائدة

طبعا يا سامي وضعتني في حته أضيق من أفق حكومة وثبستان ، لو وافقتك فهذا يعني أن كتابتي فيها ما يفيد
وإن لم أوافقك فهذا يعني أن غيابه السابق أيضا كان مفيدا، ف يقوم يكررا وفي الحاله دي سنضطر ننزل ليهو
(غيب وتعال ) autorun .. لكن مما لاشك فيه أن الأمر هذه المرة جاء مختلفا فقد كتب لنا
محمد غارسيا الصايم ماركيز رسالة في المنبر بعنوان ( أحداث طفشان معلن) ، أخافتني تلك الرسالة
وكأنني سانتياغو نصار لأنها ربما تغري الغير ممن تسوِّل لهم أنفسهم الإنزواء ويتخذوا قرارات مشابهة
فكتبت ما كتبت كيما تتحرك المدينة وتمنع ما سيحدث ،
هسه أنا قلت كأنه قال لبكري لأحتَنِكَن عضويتك؟

Quote: مشكور مرتضي بركة اللي ماذكرت الكلمة بعد يا شيوعي.........

معقوله بس؟
داير تزعل مننا أحبابنا البلاشفه والمناشفه؟
باللاهي إنت حايم بهنا يا أبيض اللون؟
كيفك يا أبا سارة؟
لو تأخرت قليلا وتركتني أطلق مزيدا من المبالغات والدجل فهذا زمن إطلاق الحريات..
تحاياي للأسرة الكريمة..

Quote: ود الصائم شفيف بما يكفى لانك تحبو من غير ماتشوفو وتحس بانو صاحبك وصاحب صاحبك زاتو ..

Quote: أيامك يا عم.........

Quote: والله يا جماعة السلوك والاحترام معدي (اعضاء وقراء) فبالله الناس الجميلة مثل صاحب البوست وضيوفه خليكم قراب

آي بالله كلمم يا درار.. وألكزم بالحته الفيها المهماز زي ديجانقو ورينقو.. وقول ليهم الموده معديه زي التثاؤب و (كورونا) ما براهو..
..
أعجبني بروفايل صقر الجديان ، إعتبرها نوستالجيا تعيدنا إلى زمن الطلائع المايوية وجيتنا وفيك ملامحنا بعد أن صرنا إلى زمن (شُزاز اللافاغ) ،
عارف يا محمد ، عندما غيَّروا الشعار من الخرتيت إلى الطائر السكرتير وتغير العَلَم من علــَم ناس الأزهري وودالصاحب إلى العلم الحالي ،
دار لغط كبير أهرق فيه حبر لو كتب أشواقي ليك ما عدَّدا، أضعنا زمنا ثمينا مثلما يحدث اليوم ، تلاقي إتنين سودانيين من المسغفاتيه يتجادلا حول
عروبة وإفريقية السودان و الهوية 14 ساعه وهم على متن ال Airbus A 380 بكل مافيها من إبهار في رحلتها من دبي إلى JFK الجافي ونفور
وبعدما الواحد فيهم يكون شرب جردل من السوائل وغنى الندامى والندامه وانزنق يقول ليك بالله يا بن العم الواحد يلقى حمامات الناس ديل وين..
الحمامات الحزينه.

Quote: (استفيدوا من اليوم الحاضر لتكن حياتكم مذهلة خارقة للعادة ..اسطوا على الحياة امتصوا نخاعها كل يوم مادام ذلك ممكنا فذات يوم لن تكونوا شيئا..سترحلون وكأنكم لم تأتوا...)

Quote: يا سلام يا مولانا ما في كلام غير "يا سلام" أمّا أنت يا حمّودي فزعلي منك يخلّيني اعمل ما شايفك :)

Quote: ود المرتضي انا زهجان منك ومن حركاتك دي تطش سنة وترجع في صمت ووقت الله يفتح عليك وتتجلي تدلق كلام من الماس في جنس كاروشة دا

Quote: Khalid Haimoura • جامعة القاهرة الفرع كمتابع من خارج الملعب ومشجع للعبة الحلوة .... هذا البوست ( أجمل لعبة حلوة للعام 2014م الى حين إشعار اخر) .... متعك الله بالصحة والعافية استاذ محمد المرتضي .... شكرا جميلا للاخ ود الصايم للاستجابة العاجلة وتقيرك للاستاذ وهو ما سيمنحك مزيدا من المحبة من الجميع ..... النجيضة : ود الصايم طلع رهيف وخفيف

Quote: Suad Hasabo بوست عميق جداً وله ابعاد انسانية اتمنى أن يكون الجميع تلمسها واحاط بها ، لم يخيب الأخ محمد العشم لنبله واخلاقه وهذه الدعوة لا تصدر الا من انسان واعي ويمتلك القدرة على فرز الخبيث من الطيب ، لكما احترامي الأكيد ووجود امثالكم ضروري لهزم القبح الذي استشلرى في هذا المنبر

Quote: لزهاء عام او اكثر وانا افكر بترك سودانيزاونلاين لغير رجعة و في ظني انه قد مات و شبع موتاً.. وربما ان هنالك من فكروا مثلي..... لكنه هاهو ينهض من جديد من الرماد ....شكرا لكل من خط حرفا هنا. وزي ما قال ود الصايم خلونا نتش الضلام بالضو...(التقول حقتك هههههه ) قرأت رسالة الاستاذ محمد المرضى حامد وكأنها للجميع داخل و خارج المنبر به او بغيره فله التحية ---------- بس لو المنبر يستمر كدا

Quote: يمين البوست دا داير ليه حجر كاااارب .. نفس نفسين من هذه النفوس الطيبة الشفيفة .. نفوس خصها الله بحسن المعشر وقيمة الأصل .. شكراً محمد المرتضى حامد لجمال حروفك ونقاء دواخلك .. شكراً ودالصائم لإستجابتك لهذه الدعوة الكريمة وأنت كريم وجميل .. شكراً للجميع فهذا إستفتاء لمحبة هؤلاء الأخوين وشكراً لكم لأنك حاضرين وأهل خير .. دتم بخير ..

Quote: ود الصائم يعلم الله نحبك في الله... ابقي عشرة علي الشيشة ورمضان قرب....والمترصدين كثار

أهو زي كلامك دا يا حافظ يخلي زولك مع النسيم العليل يقيف في نص البحر ويقول لبكري كتَّحتنا....

Quote: رجعت سودانيزاونلاين الى سابق عهدها شكرا محمد المرتضى ولك التحية عزيزي ود الصائم

Quote: اااه بوست كالعسين المفرهد بنسام الشتاء في ارض انقطع عنها مطر العواء والسماك

Quote: شكرا للحبيب ود الصايم نورت الديار وانت تنثر اجمل البسمات في قلوبنا ومنك نتعلم ونستمد الوقفه الصلبة في كل المواقف

Quote: الله يسألك ما لقيت إلا الشين دا عشان تكتب فيه الكلام دا ياخ أحلام مستغانمي لو عارفاك بتجيب الكلام دا لي الزول الشين دا كان قضت عمرها كلو تلعب صفرجت أها نحن نمشي وين بعد كدا ....؟؟؟ قبل بوستك دا الزول دا ما مريحنا...

Quote: Mohammed Ahmed · جامعة جوبا كلية الطب يا مولانا : بتكون بتعرف مامون عباس رحمة اللْه عليه .. كان ترزي أفرنجي محلو جنب الأوكروبول .. تجيب ليهو كتالوج باريسي و تورِّيهو بدلة يعمل ليك زيَّها بهدوء عجيب يبدا يشرح ليك إنّو البدلة الإنت اخترتها ما مناسبة معاك لأسباب تتعلق بلونك، طولك … و حتى مقاس قدمك ! تصدِّق ! يقوم يعمل نفس الديزاين العجبك و يضع شيئاَ من حبِّه للتطريز !! تدْي ربّك العجَب واللّه أها الرسالة بتاعة ماركيز دي منتحَلة .. انتشرت في نهاية التسعينات و نفاها ماركيز. إلّا الكتبا نجيض نجاضة مامون عباس .. اللّه يرحمو

Quote: مولانا محمد المرتضي غيابك والكثيرين من أمثالك هو ما جعل بقعة القبح تكبر فى هذا المكان . وجودكم مهم بيننا لتزيد مساحة الحب والجمال . تحياتى لك ولود الصائم

Quote: تحياتي يا مولانا ما قادر ادخل البورد بوستك دا ذكرني الزول القالوا ليهو السعودية انتهت ما تجي، أصر إنو يجي ولقى البيبسي الحجم العائلي يا دوب ظاهر مسك قزازة كاملة بنفس واحد لحدي ما كملها ودق الفاضي بالتربيزة وقال ليهم تقولوا لي السعودية إنتهت؟ هسة أن بدق الكيبورد وبقول ليكم تقولي لي البورد إنتهى؟ كتابة تجنن وتحنن تحياتي للجميع

Quote: Abdalaziz Hussain http://www.youtube.com/watch?v=J9ounfgyI1o[/QUOTE] عزيزنا عبالعزيز حسين مش بيكتبوا في المطارات Unattended Items will be confiscated عليه قمنا بمصادرة الرابط الجدعتو لينا تحت دا.. ياخ شئ جميل ويستحق بوست لوحده سبق وعرضت للموريتانيين في بوست ( المعلومة بنت الميداح) ولم أبتعد كثيرا في بوست ( بنات أودادن) .. المغرب العربي لنا معه وشائج حميمة ، وسنطلق عما قريب دعوة للوحدة مع أهلنا الموريتانيين تحديدا.. سبق أن التقيت برجل أعمال موريتاني في مطار الكويت وكان متجها لباريس فأدهشني بحبه للسودان ومعرفته بتفاصيل حياتنا وتاريخنا .. شوف الزوله القيافه لما تفتخر وتقول لسانها سوداني.. عرفت سبب ريدتنا ليهم؟